500 Global in Eurasia-ს პროგრამაში მონაწილე სტარტაპებმა ლისაბონში მიმდინარე საერთაშორისო Web Summit-ზე მიიღეს მონაწილეობა

ნათია თურნავას თქმით, ევრო 2024-სადმი მიძღვნილი საკოლექციო მონეტები სიმბოლურად ყოველთვის დაკავშირებული იქნება საქართველოს ნაკრების და ფეხბურთელების წარმატებასთან.მისი თქმით, სებ-ს სხვა წამყვანი ცენტრალური ბანკების მსგავსად, საკოლექციო მიზნებისთვის მონეტების გამოშვების ექსკლუზიური უფლება აქვს. ტრადიციულად, მონეტები საქართველოსთვის მნიშვნელოვან თემას ეძღვნება.  ერთ-ერთი ყველაზე სასიხარულო და გამორჩეული ისტორიული ფაქტის ევროპის საფეხბურთო ჩემპიონატზე ეროვნული ნაკრების წარმატება იყო."ერთსულოვნად მივიღეთ გადაწყვეტილება, რომ ახალი საკოლექციო მონეტის თემა ევრო 2024-ზე საქართველოს საფეხბურთო ნაკრების წარმატებული ასპარეზობა ყოფილიყო. მოხარული ვარ, რომ მოგვეცა შესაძლებლობა პირადად გადაგვეცა ჩვენი ეროვნული ნაკრების წევრებისთვის მონეტები და კიდევ ერთხელ მადლობა გადაგვეხადა ბრწყინვალე თამაშისთვის“, - აღნიშნა ნათია თურნავამ. 5 ლარის ნომინალის საკოლექციო მონეტების გამოშვების გადაწყვეტილება სებ-ის საბჭომ მარტში, ფეხბურთში საქართველოს ეროვნული ნაკრების ისტორიული გამარჯვებისა და ევროპის 2024 წლის ჩემპიონატზე მონაწილეობის გათვალისწინებით უპრეცედენტოდ მოკლე დროში მიიღო.მონეტებისთვის დიზაინის ესკიზები საქართველოს ფეხბურთის ფედერაციასთან თანამშრომლობით მომზადდა (დიზაინის ავტორი ბაჩო ლაგვილავაა). მონეტის ავერსზე გამოსახულია მთავარი სიმბოლო-ლოგო (ვერცხლის მონეტაზე მოცემულია ფერადი სახით) და ამ ლოგოს დიზაინიდან ამოღებული მხედრის გამოსახულება (ცხენზე ამხედრებული გმირის პროტოტიპად აღებულია თეთრი გიორგი), რომელიც ებრძვის გველეშაპს, როგორც შიშის სიმბოლოს. მთავარი სიმბოლოს ერთ-ერთი ძირითადი ინტერპრეტაციაც საკუთარ სისუსტეებზე გამარჯვება და ამით ნებისმიერი მეტოქის დამარცხებაა. მონეტაზე დატანილია ბრენდის სლოგანი „მე ვარ საქართველო“, რომელიც ახმოვანებს მის იდეოლოგიას როგორც ბრენდის, ისე ფეხბურთელისა  და გულშემატკივრის მხრიდან.მონეტის რევერსზე გამოსახულია ფეხბურთელის მაისურის დიზაინი (ვერცხლის მონეტაზე მოცემულია ფერადი სახით), რომელიც შეიქმნა ნაკრების ახალი ბრენდის ჩამოყალიბებასთან ერთად და ირეკლავს ბრენდის ფილოსოფიას და ითვალისწინებს თანამედროვე ვიზუალურ ტრენდებს. მონეტა ასევე შეიცავს მოვლენის აღმნიშვნელ წარწერებს ქართულ და ინგლისურ ენებზე, ნომინალს და გამოშვების წელს.მონეტების რეალიზაციის შესახებ დეტალები ახლო მომავალში გახდება ცნობილი.აღსანიშნავია, რომ საქართველოს ეროვნულ ბანკს სპორტულ თემატიკაზე აქამდე სხვა მონეტებიც აქვს გამოშვებული. მათ შორის, რაგბიში, კალათბურთში, ფეხბურთსა და ოლიმპიურ თამაშებზე საქართველოს სპორტსმენების წარმატებული ასპარეზობის აღსანიშნად. 

1731594600

„წინასაარჩევნო პერიოდში საზღვარგარეთ ემიგრანტების რაოდენობასთან შეუსაბამოდ მცირე საარჩევნო უბნებმა და შემდგომ, არჩევნების დღეს, საარჩევნო უბნების არასათანადო მოწყობამ დაარღვია არჩევნების საყოველთაოობის კონსტიტუციური პრინციპი. ამომრჩევლები, რომლებსაც არ შეეძლოთ შეუსაბამოდ შორ მანძილზე გადაადგილება, დარჩნენ ხმის უფლების გარეშე.კენჭისყრის დღეს ევროკავშირის არაერთ სახელმწიფოსა და აშშ-ში გახსნილ საარჩევნო უბნებზე კენჭისყრის პროცესი ხელმისაწვდომობისა და საყოველთაოობის პრინციპის უხეში დარღვევებით წარიმართა.საარჩევნო ადმინისტრაციამ არ გაითვალისწინა ამომრჩეველთა რაოდენობა, მათი მხრიდან მოსალოდნელი აქტივობა და არ უზრუნველყო საარჩევნო უბნებზე შესაბამისი ინფრასტრუქტურა და ადამიანური რესურსი, რამაც მნიშვნელოვნად შეზღუდა და რისკის ქვეშ დააყენა ემიგრანტების არჩევნებში მონაწილეობა. ამ უბნებზე არჩევნების ჩატარება ფაქტობრივად ამომრჩეველთა და დამკვირვებელთა  ძალისხმევით მოხერხდა”, – ნათქვამია შეფასებაში.„ჩემი ხმა”აცხადებს, რომ დაკვირვების შედეგად, საზღვარგარეთ გახსნილ პრობლემურ საარჩევნო უბნებზე გამოიკვეთა შემდეგი სერიოზული დარღვევები: საარჩევნო უბნებისთვის გათვალისწინებული ფართი არ შეესაბამებოდა ამომრჩეველთა რაოდენობას; კენჭისყრისთვის არ იყო მოწყობილი სათანადო იფრასტრუქტურა. არ იყო გამოყოფილი საჭირო რაოდენობის რეგისტრატორი კომისიის წევრები, რამაც შექმნა მრავალათასიანი და მრავალსაათიანი რიგები. კერძოდ, დამკვირვებელთა ინფორმაციით, 1500 ამომრჩევლისთვის გათვალისწინებული იყო  მხოლოდ ერთი ფარული კენჭისყრის კაბინა და 1000 ამომრჩევლისთვის მხოლოდ ერთი რეგისტრატორი კომისიის წევრი. შედარებისთვის, საქართველოში იმავე წესით ჩატარებული არჩევნებისთვის 300 ამომრჩევლისთვის გათვალისწინებული უნდა იყოს სულ ცოტა 1 რეგისტრატორი კომისიის წევრი, ხოლო 500 ამომრჩევლისთვის გათვალისწინებული უნდა იყოს 1 ფარული კენჭისყრის კაბინა; კენჭისყრის შენობისთვის შეუფერებელი ინფრასტრუქტურის გამო იყო ხმის ფარულობის დარღვევის მაღალი რისკი. დამკვირვებელთა ინფორმაციით, უბნების დიდ ნაწილზე, კენჭისყრის შენობის ფართის სიმცირესთან ერთად, კენჭისყრის კაბინები უხარისხო და არამდგრადი იყო, რის გამოც პროცესში კაბინების ნაწილი იქცეოდა, დაზიანდა და საფრთხეს უქმნიდა ხმის მიცემის ფარულობას; საარჩევნო უბნებთან იქმნებოდა ქაოსი და ამომრჩევლების, დამკვირვებლებისა და კომისიის წევრების ჯანმრთელობისთვის სახიფათო გარემო; ხანგრძლივ რიგებში დგომის შემდეგ, უბანზე შესული მოქალაქეები რეგისტრატორთა სამაგიდე სიებში არ იძებნებოდნენ. ზოგიერთი მათგანი აღმოჩნდა სხვა ქვეყნის საკონსულოში გახსნილი საარჩევნო უბნების სიებში; რიგ შემთხვევებში კედელზე გაკრული ამომრჩეველთა სია არ ემთხვეოდა რეგისტრატორთა სამაგიდე სიებს; საუბნო საარჩევნო კომისიის წევრებს არ ჰქონდათ გავლილი შესაბამისი ტრენინგი და ისინი სათანადოდ ვერ ართმევნდნენ თავს კენჭისყრის პროცედურებს; მრავალსაათიანი რიგების პირობებში ამომრჩეველთა ნაწილმა ხმის მიცემა საერთოდ ვერ შესძლო. როგორც სადამკვირვებლო მისია აღნიშნავს, ამ მხრივ, განსაკუთრებით მძიმე მდგომარეობა იყო ნიუ-იორკის, მადრიდის, რომის, პარიზის, ბარსელონას, ფრანკფურტის, ბერლინის, პრაღის, მილანის, ათენისა და ლონდონის საარჩევნო უბნებზე.საარჩევნო სიებში არსებული პრობლემები„ჩემი ხმის” ინფორმაციით, მილანში 50-მდე მოქალაქე, რომლებიც ამომრჩეველთა ერთიან სიაში იყვნენ შეყვანილი, საკონსულო აღრიცხვაზე ყოფნის აქტიური სტატუსის მიუხედავად, საუბნო კომისიის სამაგიდე სიებში ვერ მოიძებნა. შესაბამისად, მათ ვერ მიიღეს არჩევნებში მონაწილეობა. მსგავსი შემთხვევები დაფიქსირდა ბერლინში, ლონდონში, რომში, მადრიდში,  სტამბოლში, შტუტგარტში და ვენაში.არაუფლებამოსილი პირები საარჩევნო უბანზე„დამკვირვებელთა ინფორმაციით, ადგილობრივი კონსულები სტატუსის გარეშე გადაადგილდებოდნენ კენჭისყრის შენობაში. ასეთი ფაქტები დაფიქსირდა ტალინში, ბარსელონაში, ფრანკფურტში, რიგაში, ჰელსინკიში, შტუტგარტში, პრაღაში, ბრიუსელში შექმნილ საარჩევნო უბნებზე.ფრანკფურტის საარჩევნო უბანზე, კომისიის თავმჯდომარის მოადგილემ, ზურაბ კალანდაძემ დამკვირვებლებსა და ამომრჩევლებს მიაყენა მძიმე სიტყვიერი შეურაცხყოფა”, – წერს „ჩემი ხმა”.დეტალური ანგარიშის სანახავად ეწვიეთ ბმულს.

1731590856

ბაზრობა სტუმრებს 11:00 საათიდან 19:00 საათამდე უმასპინძლებს. ფესტივალის ფარგლებში წარმოდგენილი იქნება 60-ზე მეტი გამომცემლობა და წიგნის მაღაზია.ფესტივალის ვიზიტორებს შესაძლებლობა ექნებათ ისარგებლონ სპეციალური შეთავაზებებით ბაზრობაზე წარმოდგენილ პროდუქტებზე, აღმოაჩინონ ახალი გამოცემები, ჟანრების მრავალფეროვნება, დაესწრონ საინტერესო შეხვედრებსა და დისკუსიებს.ამასთან, თითოეულ საგამომცემლო სახლთან/კომპანიასთან საქართველოს ბანკის PLUS ბარათით გადახდისას მომხმარებლები 30-ჯერ მეტ (მაქსიმუმ 10 000) PLUS ქულას დააგროვებენ.sCool Card-ისა და Student Card-ის მფლობელებისთვის კი სპეციალური შეთავაზებები იმოქმედებს.sCool Card-ით საქართველოს ბანკის პოსტერმინალზე გადახდისას მოსწავლეები მიიღებენ 30%-იან ფასდაკლებას (მაქსიმუმ 50 ლარი, ყველა მერჩანტზე). ამისათვის, საჭიროა შეთავაზების sCoolApp-ში გააქტიურება.ფესტივალის განმავლობაში სტუდენტები კი საქართველოს ბანკის Student Card-ით საქართველოს ბანკის პოსტერმინალზე გადახდისას 30-ჯერ მეტ (მაქსიმუმ 10 000) PLUS ქულას დააგროვებენ.ეწვიე თბილისის წიგნის დღეების ფესტივალს, აღმოაჩინე ახალი ლიტერატურული თავგადასავლები და განათლების გზაზე არ გაჩერდე. საქართველოს ბანკის CSR პროექტების შესახებ დეტალური ინფორმაციის მისაღებად შეგიძლიათ ეწვიოთ ვებგვერდს: ganatleba.bog.ge

1731589994

რუბლი ამ ნიშნულამდე ბოლოს გასული წლის ოქტომბერში იყო გაუფასურებული. 

1731589827

გადასასვლელების ჩაკეტვის გადაწყვეტილება ცხინვალის რეგიონის საოკუპაციო რეჟიმის ე.წ პრეზიდენტმა, ალან გაგლოევმა ე.წ უშიშროების საბჭოს სხდომაზე მიიღო და თქვა, რომ „საპარლამენტო არჩევნების დროს საქართველოში ვითარება კონტროლიდან გამოიყვანონ”.ოფიციალურად გავრცელებული ინფორმაციით, ოძისის საკონტროლო-გამშვები პუნქტი, არჩევნების დასრულების მიუხედავად, უახლოეს მომავალში არ გაიხსნება (ახალგორისა და ჯავის რაიონების მცხოვრებლებს ე.წ. საზღვრის კვეთა ყოველი თვის 20-დან 30 რიცხვამდე შეეძლოთ).საოკუპაციო რეჟიმის ე.წ პრეზიდენტის განმარტებით, გადაწყვეტილება მიღებულია „მოსახლეობის უსაფრთხოების უზრუნველსაყოფად და საქართველოს პროდასავლური და ნაციონალისტური რადიკალური ძალების მხრიდან შესაძლო პროვოკაციების გამორიცხვის მიზნით”.DRI მიუთითებს, რომ საოკუპაციო რეჟიმი „ნაციონალისტურ რადიკალურ ძალებში“ სავარაუდოდ პროდასავლურ ოპოზიციას მოიაზრებს.ორგანიზაცია ასევე აცხადებს, რომ:„უნდა აღნიშნოს, რომ წინასაარჩევნო პერიოდში დე ფაქტო ხელისუფლებას „ქართული ოცნების“ მიმართ ლმობიერი დამოკიდებულება ჰქონდა და „ქართული ოცნების“ წარმომადგენლებს არ აკრიტიკებდნენ.25 ოქტომბრიდან 28 ოქტომბრამდე სახელმწიფო უშიშროების კომიტეტი გადაიყვანეს საგანგებო რეჟიმზე. დემოკრატიის კვლევის ცენტრის საკონტაქტო პირების ინფორმაციით, მოსახლეობის დიდი ნაწილი არჩევნებში მონაწილეობას აპირებდა, თუმცა ეს უფლება მათ სრულიად ჩამოართვეს.ადგილობრივების აზრით, „ქართულმა ოცნება“ ფლობდა ინფორმაციას ახალგორელების ოპოზიციური განწყობების შესახებ, რასაც გადასასვლელის ჩაკეტვის გადაწყვეტილებაც მოყვა. ახალგორელები თვლიან, რომ მათი ხმები „ქართული ოცნებამ“ საკუთარი ინტერესებისთვის გამოიყენა ბოლო წლებში, თბილისი-მოსაბრუნის გადასასვლელებზე შემოტანილი შეზღუდვები, ცხინვალის რეგიონის ადგილობრივ მოსახლეობას სერიოზულ სოციალური და ეკონომიკურ პრობლემებს უქმნის.ჯანმრთელობის მდგომარეობის გაუარესების გამო ახალგორიდან წასვლის მსურველთა მიმართვებმა საგრძნობლად იმატა.სამედიცინო სერვისებისთვის თბილისში გადმოსვლაზე შემოიღეს ახალი წესი, რომლის მიხედვითაც, ჩაკეტილი გზის პირობებში, ახალგორიდან წასვლის უფლებით ისარგებლებენ მხოლოდ გადაუდებელი შემთხვევებისას: ინსულტი, სიმსივნით დაავადებულ პირები ან ის ოჯახის წევრის გარდაცვალების და შემთხვევაში დაკრძალვაზე დასწრების მიზნით. გადასასვლელების ჩაკეტვა უარყოფითად იმოქმედა ადგილობრივების ეკონომიკურ კეთილდღეობაზეც.ბოლო პერიოდში, ცხინვალში ფასებმა საგრძნობლად მოიმატა. განსაკუთრებით, გაიზარდა ფასები რძის პროდუქტებსა და ხორცპროდუქტებზე.გასულ წელთან შედარებით, გაიზარდა შეშის ფასი, რასაც ადგილობრივების უმრავლესობა გათბობისათვის იყენებს.გასულ წელს 8 კუბური მეტრი შეშის ფასი 22 000 რუსული რუბლი იყო, წელს მისი ფასი 27 000 რუსული რუბლი გახდა”.

1731584912

მათივე ცნობით, მემორანდუმის ფარგლებში იგეგმება მრავალმხრივი თანამშრომლობა: ტექნოლოგიების, ეკონომიკის, განათლებისა და ტურიზმის მიმართულებით."მიენიანგი ცნობილია ტექნოლოგიური და ინოვაციური განვითარების მაღალი დონით.მიმდინარე წელს სიჩუანსა და საქართველოს შორის იმპორტისა და ექსპორტის საერთო მოცულობამ მიაღწია დაახლოებით 151 მილიონ RMB-ს (ჩინურ იუანს), რაც 68,67%-ით გაიზარდა წინა წელთან შედარებით.გარდა ამისა, ჩინეთ-ევროპის სარკინიგზო ექსპრესმა დაიწყო მარშრუტი მიენიანგიდან საქართველოში, რაც გულისხმობს ადგილობრივი წარმოების სხვადასხვა პროდუქციის ტრანსპორტირებას",- აღნიშნულია ფოთის მერიის მიერ გავრცელებულ ინფორმაციაში.

1731583261

ღონისძიებაზე ისეთი კომპანიის წარმომადგენლები ისაუბრებენ, როგორიცაა: Amazon Web Services, eBay, Flitt და ბევრი სხვა ადგილობრივი თუ საერთაშორისო ბაზრის წამყვანი კომპანიის წარმომადგენელი. ქართველი და უცხოელი სპიკერები კი აქცენტს გააკეთებენ რეგიონალური სიახლეების, ინოვაციების, საქართველოში ელექტრონული კომერციისა და სხვა საინტერესო თემებზე.“საქართველოს ბანკისთვის ბიზნესების მხარდაჭერა უცვლელი პრიორიტეტია. საქართველოში ელექტრონული კომერციის განვითარებისა და ამ მიმართულებით მომუშავე ბიზნესების გაძლიერების მიზნით კი ბანკი არაერთი აქტივობის მხარდამჭერია.  სწორედ ამიტომ, წელს უკვე მეორედ, ბანკი  ელექტრონული კომერციის დღის პარტნიორია. ღონისძიების მიზანია, ერთის მხრივ, დამსწრე აუდიტორიას მიაწოდოს ინფორმაცია აღნიშნული სფეროს სიახლეების, ტრენდებისა და ინოვაციების შესახებ, მეორეს მხრივ კი ბიზნესებს სტრატეგიული პარტნიორობის დამყარების შესაძლებლობა მისცეს. ჩვენ აქ არ ვჩერდებით და ვაგრძელებთ ბიზნესის გაძლიერებისკენ მიმართული ინიციატივებისა და პროექტების განხორციელებასა და მხარდაჭერას“, - აცხადებენ საქართველოს ბანკში.Ecommerce Day 2024–ის ღონისძიების ბილეთები შეგიძლიათ შეიძინოთ აქ. 

1731579947

„ამ ფონზე, რა შეიძლება ითქვას პროგნოზების კუთხით? თიბისი კაპიტალის ჯერ კიდევ ზაფხულის პერიოდიდან მოყოლებული საბაზო სცენარი, რომელიც წლის ბოლოსათვის აშშ დოლართან ლარის დაახლოებით 2.8 კურსს ითვალისწინებს, მცირედით მაგრამ მაინც შეიცვალა და ამჯერად საორიენტაციო ნიშნული უფრო სადღეისო, დაახლოებით 2.73-ით განისაზღვრება. ამასთან, ლოგიკური კითხვაა, თუ დაგროვილი სავალუტო ბუფერები მასშტაბურია და ასევე, თიბისის ოპერატიულ ინფორმაციასა და ოქტომბრის სავაჭრო ბალანსზე დაყრდნობით, წმინდა სავალუტო შემოდინებები კვლავ ძლიერია, რატომ არ არის განახლებულ საბაზო სცენარში ლარის დამატებით მნიშვნელოვანი გამყარება? ამ კითხვაზე რამდენიმე პასუხი არსებობს. პირველი, დაგროვილი ვალუტის ბაზარზე მიწოდება ჯერ კიდევ არ ფიქსირდება. მეორე, მიწოდების შემთხვევაშიც, სების სავალუტო რეზერვების შევსება უფრო მეტად ალბათურია, ვიდრე ლარის მნიშვნელოვანი გამყარება. თავის მხრივ, ეს დაშვება შემდეგ არგუმენტებს ეფუძნება. ოქტომბრის წლიური ინფლაცია მხოლოდ 0.3 პროცენტს შეადგენს და, ლარის მნიშვნელოვანი გამყარების შემთხვევაში, დეფლაცია სულ მცირე არაა გამორიცხული, რაც, მაღალი ინფლაციის მსგავსად, პოზიტიურ განვითარებად არ აღიქმება.ასევე, თიბისი კაპიტალის შეფასებით, სხვადასხვა მიდგომის გამოყენებით, სადღეისოდ ლარი მის, როგორც მოკლევადიან, ასევე გრძელვადიან ტენდენციასთან ახლოა და, შესაბამისად, დამატებით გამყარების არგუმენტები ამ მხრივაც არ არის. აგრეთვე, მნიშვნელოვანია, რომ ვალუტის საკმაო ოდენობით გაყიდვის შემდეგ, საერთაშორისო რეზერვების შევსებაც საკმაოდ წონადი არგუმენტია. რაც შეეხება ლარის სეზონურობას, თიბისი კაპიტალის შეფასებით, ბოლო წლებში სეზონური თავისებურება ნაკლებადაა გამოკვეთილი, რაც ბაზრის მონაწილეთა უფრო მეტი გათვითცნობიერებულობის და, შედეგად, ლარის ყიდვა-გაყიდვის კუთხით შესაბამისი ქცევით არის გამოწვეული. ამასთან, თავისთავად, როდესაც მხოლოდ აშშ დოლართან გაცვლით კურსზე ვსაუბრობთ, არსებითია დოლარის სხვა ვალუტებთან გაცვლითი კურსის დინამიკაც. ამ მხრივ, საშუალოვადიან პერსპექტივაში დოლარის შედარებით დასუსტება კვლავ საბაზო სცენარია, თუმცა, ერთი მხრივ, ბოლო პერიოდში საწინააღმდეგო არგუმენტები უფრო გამოიკვეთა და, მეორე მხრივ, უფრო ახლო პერსპექტივაში დოლარის დასუსტების ალბათობა დაბალია.სხვა მაკროეკონომიკური მაჩვენებლების კუთხით, აღსანიშნავია, რომ თიბისის არხებით განხორციელებულ ტრანზაქციებზე დაყრდნობით, ოქტომბერში და ნოემბრის დასაწყისშიც ეკონომიკური აქტივობა კვლავ ძლიერია. საკუთრივ, თიბისი კაპიტალის პროგნოზირების მოკლევადიანი ჩარჩოს მიხედვით, ოქტომბრის ეკონომიკის ზრდა დაახლოებით 9%-ს შეადგენს, თუმცა, ამჯერად მინიმალური და მაქსიმალური ნიშნულის ამპლიტუდა შედარებით უფრო მაღალია.ასევე აღსანიშნავია, რომ, ლარზე დამატებითი ზეწოლის მილევისა და ფედერალური სარეზერვო სისტემის საპროცენტო განაკვეთის კლების ფონზე, დეკემბრის შეხვედრისას სების მიერ რეფინანსირების განაკვეთის 25 საბაზისო პუნქტით შემცირება ამჟამად მეტადაა მოსალოდნელი, ნაცვლად ჩვენი ადრინდელი პროგნოზისა, რომელიც განაკვეთის 8%-იან ნიშნულზე უცვლელად დატოვებას ითვალისწინებდა“, – წერს თიბისი კაპიტალის მთავარი ეკონომისტი ყოველკვირეულ განახლებაში.

1731579354