ეკონომიკური აქტივობის ჩავარდნა: იმპორტი 34.5%-ით შემცირდა, საგარეო ბრუნვა კი მკვეთრად დაეცა

ნეტგაზეთმა აშშ-ს სახელმწიფო დეპარტამენტს ჰკითხა, რა გავლენა შეიძლება ჰქონდეს საქართველო-ირანს შორის ამჟამად არსებულ ურთიერთობებს აშშ-სთან საქართველოს ურთიერთობებზე და უფრო ფართო რეგიონულ პოლიტიკურ საკითხებზე.GBC უცვლელად გთავაზობთ აშშ-ს სახელმწიფო დეპარტამენტის მიერ ნეტგაზეთისთვის გამოგზავნილ პასუხს:„ამერიკის შეერთებული შტატები 33 წლის განმავლობაში იყო საქართველოსა და ქართველი ხალხის რჩეული პარტნიორი. ჩვენ კვლავაც ვრჩებით საქართველოს დამოუკიდებლობის, სუვერენიტეტისა და ტერიტორიული მთლიანობის მტკიცე მხარდამჭერებად.ამერიკის შეერთებული შტატები საქართველოსთან კონსტრუქციულ ურთიერთობას ესწრაფვის.სამშვიდობო შეთანხმება, რომელსაც პრეზიდენტმა ტრამპმა სომხეთსა და აზერბაიჯანს შორის შუამავლობით მიაღწია, ტრანსფორმაციულ შესაძლებლობებს სთავაზობს მთელ სამხრეთ კავკასიას. საქართველოს შეუძლია როგორც საკუთარი წვლილი შეიტანოს, ისე დიდი სარგებელი მიიღოს იმ სტაბილურობისა და კეთილდღეობისგან, რომელსაც ეს შეთანხმება ხდის შესაძლებელს.ჩვენ გავაგრძელებთ საქართველოს მთავრობასთან ურთიერთობას იმ საკითხებზე, რომლებიც გავლენას ახდენს ჩვენს ორმხრივ ურთიერთობებსა და საქართველოში არსებულ პოლიტიკურ გარემოზე.ჩვენ ასევე განვიხილავთ იმ კონკრეტულ ნაბიჯებს, რომლებიც საქართველოს მთავრობამ შეიძლება გადადგას ჩვენს ქვეყნებს შორის ურთიერთობების განმტკიცებისა და წინსვლის მიმართ სერიოზული დამოკიდებულების დასადასტურებლად“, – ნათქვამია სახელმწიფო დეპარტამენტის პრესსპიკერის მიერ გამოგზავნილ პასუხში.

1770971265

„ვფიქრობ, ტრამპისთვის არ არსებობს იმაზე დიდი გამარჯვება, ვიდრე რუსეთსა და უკრაინას შორის ომის დასრულებაა“, - განაცხადა ზელენსკიმ.სახელმწიფოს მეთაურმა დასძინა, რომ ტრამპისთვის ყველაზე ხელსაყრელი სიტუაცია ომის აშშ-ის შუალედურ არჩევნებამდე დასრულებაა. გამოცემა ამტკიცებს, რომ ზელენსკიმ „კარგად იცის, რა აძლევს მოტივაციას ტრამპს“. თუმცა, სტატიის ავტორი ასევე აღნიშნავს, რომ უკრაინის პრეზიდენტი „რეალისტია იმის ალბათობასთან დაკავშირებით, რომ ტრამპი რეალურად აიძულებს რუსებს კომპრომისზე წასვლას“.The Atlantic-ის ჟურნალისტი წერს, რომ იმ ერთი საათის განმავლობაში, რომელიც მან ზელენსკისთან გაატარა, პრეზიდენტმა გამოავლინა თვისება, „რომელიც წლების და ათწლეულების განმავლობაში, მისი ხასიათის მთავარი შტრიხი იყო - გარე ზეწოლისადმი წინააღმდეგობის გაწევის ჯიუტი, ზოგჯერ გამაღიზიანებელი ჩვევა“.„თუ ზელენსკის ეტყვით, რომ მან რაღაც უნდა გააკეთოს, ის, სავარაუდოდ, პირიქით მოიქცევა“, - თქვა The Atlantic-თან ზელენსკის ერთ-ერთმა ძველმა მრჩეველმა, რომელიც სხვების მსგავსად გამოცემასთან ანონიმურობის დაცვით საუბრობდა.The Atlantic-ის ჟურნალისტი დასძენს, რომ ზელენსკის უახლოესი გარემოცვის ზოგიერთი წევრი სულ უფრო მეტად ნერვიულობს, რომ შეთანხმების ფანჯარა იხურება და უკრაინა მრავალწლიანი საბრძოლო მოქმედებებით დაიტანჯება, თუ ამ გაზაფხულზე ომის შეწყვეტაზე შეთანხმება ვერ მოხერხდება.„მაგრამ ზელენსკიმ მითხრა, რომ მას ურჩევნია საერთოდ არ დადოს შეთანხმება, ვიდრე აიძულოს საკუთარი ხალხი, მიიღოს არახელსაყრელი პირობები. ოთხწლიანი ინტენსიური საბრძოლო მოქმედებების შემდეგაც კი, ის ამბობს, რომ მზად არის განაგრძოს ბრძოლა, თუ ეს აუცილებელია ღირსეული და ხანგრძლივი მშვიდობის უზრუნველსაყოფად.„უკრაინა არ წააგებს“, - ხაზგასმით აღნიშნა ზელენსკიმ.4-5 თებერვალს აბუ-დაბიში გამართული სამმხრივი მოლაპარაკებების შედეგად გამოქვეყნებული კომიუნიკეს თანახმად, აშშ-ის, უკრაინისა და რუსეთის დელეგაციებმა განიხილეს ზავის იმპლემენტაციის მეთოდები და საბრძოლო მოქმედებების შეწყვეტის მონიტორინგი.აბუ-დაბის მოლაპარაკებების შედეგად, აშშ და რუსეთი შეთანხმდნენ მაღალ დონეზე სამხედრო დიალოგის განახლებაზე.სააგენტო Reuters იტყობინება, რომ აშშ-ისა და უკრაინის დელეგაციებმა განიხილეს ამბიციური მიზანი - მარტში რუსეთსა და უკრაინას შორის სამშვიდობო შეთანხმების დადება. თუმცა, ვინაიდან ტერიტორიებთან დაკავშირებით შეთანხმება ჯერ არ არსებობს, ვადებმა შესაძლოა გადაიწიოს.24 თებერვალს 4 წელი სრულდება, რუსეთის მიერ უკრაინის წინააღმდეგ სრულმასშტაბიანი ომის დაწყებიდან.

1770969601

პარტია „გახარია საქართველოსთვის“ ინფორმაციით, MSC არის მსოფლიოში ერთ-ერთი ყველაზე მნიშვნელოვანი საერთაშორისო ფორუმი, სადაც წელიწადში ერთხელ იკრიბებიან სახელმწიფოს მეთაურები გლობალური უსაფრთხოებისა და საგარეო პოლიტიკის საკითხებზე.„წელს კონფერენციაში, მსოფლიოს სხვა ლიდერებთან ერთად, მონაწილეობას იღებენ აშშ-ს სახელმწიფო მდივანი - მარკო რუბიო, გერმანიის კანცლერი - ფრიდრიხ მერცი, დიდი ბრიტანეთის პრემიერ-მინისტრი - კირ სტარმერი, საფრანგეთის პრეზიდენტი - ემანუელ მაკრონი, პოლონეთის პრემიერ-მინისტრი - დონალდ ტუსკი, ევროკომისიის პრეზიდენტი - ურსულა ფონ დერ ლაიენი და სხვები“, - აღნიშნულია ინფორმაციაში.პარტია „გახარია საქართველოსთვის“ ოფიციალურად დააფუძნა 2021 წლის 29 მაისს, "ქართული ოცნების" ყოფილი პრემიერ–მინისტრის გიორგი გახარიას მიერ.მანამდე, 2017 წლის 13 ნოემბრიდან – 2019 წლის 3 სექტემბრამდე იგი იყო საქართველოს შინაგან საქმეთა მინისტრი და ვიცე-პრემიერი. 2019 წლის 3 სექტემბრიდან – 2021 წლის 18 თებერვლამდე, გიორგი გახარიას ეკავა საქართველოს პრემიერ-მინისტრის პოსტი.2021 წლის 18 თებერვალს გახარია მოულოდნელად გადადგა. მიზეზად დაასახელა შეუთანხმებლობა გუნდთან ნიკა მელიას (მაშინდელი „ნაციონალური მოძრაობის“ თავმჯდომარე) დაკავების საკითხზე. მან აღნიშნა, რომ კანონის აღსრულება არ უნდა ხდებოდეს მოქალაქეების უსაფრთხოების რისკის ფასად.ამ ნაბიჯის შემდეგ ბიძინა ივანიშვილმა მას საჯაროდ უწოდა „მოღალატე“, რამაც საბოლოოდ გაწყვიტა კავშირი გახარიასა და „ქართულ ოცნებას“ შორის.გიორგი გახარიაზე სისხლისსამართლებრივი დევნა ოფიციალურად 2025 წლის 12 ნოემბერს გამოცხადდა. საქმე ეხება 2019 წლის მოვლენებს, კერძოდ, „გავრილოვის ღამეს“ და ე.წ. ჩორჩანას ეპიზოდებს.2025 წლის 13 ნოემბერს, თბილისის სასამართლომ ჩორჩანას საქმეზე მას დაუსწრებლად წინასწარი პატიმრობა შეუფარდა.მედიაში გავრცელებული ინფორმაციით, გახარია ამჟამად გერმანიაში იმყოფება. 

1770965716

ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „ეს აღიარება ადასტურებს, რომ ჩვენი მიზანი - უმაღლესი სტანდარტის დამკვიდრება გამჭვირვალობასა და კორპორაციული მართვის კულტურაში - სწორი გზაა. BARTA-ს საპატიო ჯილდო გვაძლევს დამატებით მოტივაციას, გავაგრძელოთ ნდობის განმტკიცება თანამშრომლებთან, მომხმარებლებთან და პარტნიორებთან, რაც ჩვენს გრძელვადიან წარმატებას განსაზღვრავს“.BARTA-ს მეშვიდე დაჯილდოების ცერემონია თბილისში გაიმართა. ღონისძიებას დაესწრნენ ადგილობრივი და საერთაშორისო ფინანსური ინსტიტუტების, არასაფინანსო სექტორის, მსხვილი და მცირე ბიზნესის წარმომადგენლები. ცერემონიის ფარგლებში გაიმართა პანელური დისკუსია თემაზე „შესაბამისობის მიღმა: კორპორაციული ანგარიშგების ხარისხის ამაღლება მმართველობისა და მდგრადობის მიმართულებით“, რომელშიც „თეგეტა ჰოლდინგის“ მთავარმა ფინანსურმა ოფიცერმა ნიკოლოზ ხიდურელმა მიიღო მონაწილეობა და კომპანიის განვითარების ტემპებსა და სამომავლო პერსპექტივებზე ისაუბრა.ნიკოლოზ ხიდურელი, „თეგეტა ჰოლდინგის“ მთავარი ფინანსური ოფიცერი: „BARTA-ს ჯილდო ჩვენთვის არა მხოლოდ აღიარებაა, არამედ დასტური იმისა, რომ გამჭვირვალე ანგარიშგება და მდგრადობის პრინციპები ბიზნესის გრძელვადიანი წარმატების საფუძველია. პანელურ დისკუსიაში განვიხილეთ, თუ როგორ შეუძლია კორპორაციული ანგარიშგების ხარისხის ამაღლებას ხელი შეუწყოს უკეთეს მმართველობას, გარემოსდაცვით მდგრადობასა და საერთო ეკონომიკურ განვითარებას. ეს თემები განსაკუთრებით აქტუალურია საავტომობილო ინდუსტრიაში, სადაც „თეგეტა“ აქტიურად იმუშავებს ინოვაციურ გადაწყვეტილებებზე, როგორებიცაა, მაგალითად, ელექტრომობილების მხარდაჭერა და ნარჩენების მართვა“.კონკურსი, რომელიც 2019 წელს ევროკავშირისა და მსოფლიო ბანკის ერთობლივი პროექტის ფარგლებში დაარსდა, მიზნად ისახავს კომპანიების წახალისებას საუკეთესო პრაქტიკების დანერგვის მიმართულებით, რაც უფრო გამჭვირვალე და კონკურენტულ ბიზნესგარემოს ქმნის. კონკურსის ორგანიზატორია BARTA-ს კომიტეტი, რომელიც საქართველოს ეროვნული ბანკის, დაზღვევის ზედამხედველობის სამსახურის, ბუღალტრული აღრიცხვის ზედამხედველობის სამსახურისა და სხვა დაინტერესებული მხარეების წარმომადგენლებით არის დაკომპლექტებული. პროექტის მხარდამჭერები არიან მსოფლიო ბანკი და საქართველოს ბიზნესასოციაცია.„თეგეტა“ რეგიონში ერთადერთი კომპანიაა საავტომობილო ინდუსტრიაში, რომელმაც საერთაშორისო სტანდარტების კორპორაციული სოციალური პასუხისმგებლობის სტრატეგია შეიმუშავა და მისი შესრულების შესახებ დეტალური ანგარიში წარადგინა. 200-გვერდიანი დოკუმენტი მოიცავს ფინანსურ მაჩვენებლებს, მართვის პრაქტიკებს, მდგრადობის სტრატეგიასა და რეგიონულ ექსპანსიას. ანგარიშის მიხედვით, 2024 წელს კომპანიის შემოსავალი 19%-ით გაიზარდა და 1,6 მილიარდ ლარს მიაღწია, სახელმწიფო ბიუჯეტში გადახდებმა 125 მილიონ ლარს გადააჭარბა, მომხმარებელთა კმაყოფილების ინდექსი კი 96% იყო.წელს BARTA-ს დაჯილდოების ცერემონიაზე გამარჯვებულები 9 საპრიზო კატეგორიაში გამოვლინდნენ, მათ შორის მსხვილი საფინანსო კომპანიები, მსხვილი არასაფინანსო კომპანიები და მცირე და საშუალო კომპანიები. ეს ჯილდო „თეგეტასთვის“ კიდევ ერთი დასტურია, რომ გამჭვირვალობა და მდგრადობა ბიზნესის გრძელვადიანი წარმატების საფუძველია.„თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი”, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.(R)

1770965242

ირაკლი კობახიძის თქმით, საქართველოში მცხოვრები უცხოელების 70% პოსტსაბჭოთა ქვეყნების, ევროკავშირის, აშშ-ისა და ისრაელის მოქალაქეები არიან, ხოლო რეგიონის ისეთი ქვეყნების ჯამური წილი, როგორიცაა თურქეთი და ირანი, საქართველოს მოსახლეობაში მხოლოდ 0.7%-ია. პრემიერმა განსაკუთრებული ყურადღება დაუთმო 1-ლი მარტიდან დაგეგმილ საკანონმდებლო ცვლილებებს, რომლის მიხედვითაც უცხოელების შრომითი საქმიანობა საქართველოში მნიშვნელოვნად იზღუდება. მისი განცხადებით, ეს ნაბიჯი ქვეყნის ეკონომიკისა და ადგილობრივი მოქალაქეების ინტერესების დაცვას ემსახურება, რაზეც მთავრობა სრულ პასუხისმგებლობას იღებს.გარდა ამისა, პრემიერმა აღნიშნა, რომ ხელისუფლება აძლიერებს შინაგან საქმეთა სამინისტროს მიგრაციის დეპარტამენტს. მან განმარტა, რომ ბოლო ერთი წლის განმავლობაში ქვეყნიდან იმაზე მეტი არალეგალი მიგრანტი გაძევდა, ვიდრე ჯამურად გასული 10 წლის განმავლობაში. კობახიძის თქმით, ამჟამად ქვეყანაში 20 ათასზე მეტი არალეგალი მიგრანტი იმყოფება და დასახულია მიზანი, რომ რამდენიმე წელიწადში საქართველო მათგან სრულად გათავისუფლდეს. პრემიერმა ასევე შეახსენა საზოგადოებას 2017 წლის საკონსტიტუციო ცვლილება, რომელმაც უცხოელებზე სასოფლო-სამეურნეო მიწების გასხვისება აკრძალა, რაც მისი თქმით, ეროვნული ინტერესების დაცვის კიდევ ერთი დასტურია.

1770962520

CIBM-ზე დაშვების შესახებ შეთანხმება საქართველოს ეროვნული ბანკის დელეგაციის ჩინეთში ოფიციალური ვიზიტისას, ჩინეთის ცენტრალურ ბანკთან გაფორმებული მემორანდუმის ფარგლებში შედგა.23.12.2025 -ს ხელმოწერილი დოკუმენტის საფუძველზე  ჩინეთის ცენტრალური ბანკი საქართველოს ეროვნულ ბანკს აღნიშნულ ბაზარზე ოპერაციების განხორციელებისთვის საჭირო ძირითადი მომსახურებებით უზრუნველყოფს. მათ შორის, ვაჭრობის, ანგარიშსწორებისა და ობლიგაციების კასტოდიური მომსახურების მხარდაჭერით.2026-ის თებერვალში კი სებ-მა ანგარიშები გახსნა ჩინეთის ცენტრალურ ბანკში და CIBM ბაზრის სადეპოზიტორო ინფრასტრუქტურებში.„ჩინეთის ბანკთაშორის ობლიგაციების ბაზარი ინვესტორებისთვის, მათ შორის ცენტრალური ბანკებისთვის, ჩინეთის ობლიგაციების ბაზარზე პირდაპირი წვდომის ერთ-ერთი ძირითადი არხია", - სებ-ის პრეზიდენტმა ნათია თურნავამ ამ არხით რეზერვების პორტფელის დივერსიფიკაციის სიკეთეზე აღნიშნა.ახალი ბაზრის ათვისების შემდგომი ნაბიჯები რისკების შეფასებით გადაიდგმება. 

1770906480

ფინანსთა სამინისტროს შემოსავლების სამსახურის ცნობით, მებაჟე ოფიცრებმა, ეჭვის საფუძველზე, უცხო ქვეყნის მოქალაქეების, როგორც ფიზიკური, ასევე კუთვნილი ბარგისა და ავტომობილის დეტალური დათვალიერების შედეგად, საერთო ჯამში 500 გრამზე მეტი არადეკლარირებული ოქროს ნაკეთობები აღმოუჩინეს.ერთ-ერთ სამართალდამრღვევ მოქალაქეს სავალდებულო დეკლარირებას დაქვემდებარებული ოქროს ნაკეთობები სატრანსპორტო საშუალების სალონში არსებულ სიჩქარის გადაცემათა კოლოფში მალულად ჰქონდა განთავსებული.არადეკლარირებული საქონლის საერთო საბაჟო ღირებულებამ 144 376 ლარი შეადგინა. სამართალდამრღვევი მოქალაქეების საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.

1770903278

ბიზნესი შემოსავლის ე.წ. ქეშბექის (როგორც "კვერცხის" ფასების კომისიამ დაამკვიდრა) ნახევარს დაკარგავს, თუ 2020 წლამდე გამოშვებული ავტომობილების იმპორტის აკრძალვის ინიციატივას "ოცნება" არ გადათქვამს.კაუკასუს აუტოს მოლოდინით, ამ ინიციატივის დაკანონება ბაზრიდან  პატარა მათამაშეებს გააქრობს, მსხვილი გადარჩება, თუმცა მკვეთრად გაუარესებული პოზიციით.კომპანიის წარმომადგენელმა ალექსანდრე ვეკუამ BMG -ზე განაცხადა, რომ კომპანიის ბრუნვის 58% 6 წელზე უფრო ძველ ავტომობილზე მოდის და აკრძალვის შემდეგ მხოლოდ მცირე ნაწილს ჩაანაცვლებს ახალი. დარჩენილი სეგმენტი Caucasus auto Import -ისთვის და სხვა ქართველი ბიზნესისთვის დაიკარგება.ამასთან, შეზღუდვით უფრო ნაკლებ მომხმარებელს მიუწვდება ხელი ავტომობილზე.  გაძვირდება, როგორც ახალი ისე ძველი (1.06.2026-მდე  რეგისტრირებული) მანქანა. აკრძალვამავტომატირად იმოქმედებს რეექსპორტზეც. ქვეყანა დაკარგავს რეგიონული ჰაბის ფუნქციას, ქვეყნის ეკონომიკა კი შემოსავალს. ამასთან, როგორც  ავტოიმპორტიორთა ასოციაციის ხელმძღვანელმა ალექსი ნონიაძემ BMG -ზე თქვა, ატმოსფეროს გაწმენდის და გზების განტვირთვის მიზანიც ვერ მიიღწევა, რადგან  ავტოპარკი ასე არ განახლდება. ძველი უფრო დაძველდება და ჰაერს მეტად დააბინძურებს, 2020 წლიდან გამოვშვებული მანქნების წილი კი ისევ მინიმალური დარჩება. ამ დროისთვის საქართველოში რეგისტრირებული ავტომანქანების (1.9 მლნ) 80% 10 წელზე მეტისაა, 14% 5-10 წლის და 3,5%-მდეა 5 წლამდე.

1770902700