თბილისი (GBC) - საქართველოს ეროვნული ბანკის ვიცე-პრეზიდენტმა ნინო ჯელაძემ, IMF-ის საუდის არაბეთის რეგიონული ოფისის მხარდაჭერით ორგანიზებულ ყოველწლიურ ფორუმში მიიღო მონაწილეობა.
შეხვედრაზე განიხილეს ცენტრალური ბანკების მმართველობის საუკეთესო პრაქტიკა. აღინიშნა გამჭვირვალობისა და ანგარიშვალდებულების მნიშვნელობა.
ფორუმის მთავარი საკითხი ფინანსური სისტემების ციფრულ ტრანსფორმაცია იყო.
ნინო ჯელაძემ ასევე მონაწილეობა მიიღო დისკუსიაში, სადაც ფორუმის მონაწილეებმა, გლობალური ფინანსური არასტაბილურობის ფონზე, ეფექტური რისკის მართვის ჩარჩოების საჭიროება მიმოიხილეს.
ეროვნული ბანკის ვიცე-პრეზიდენტმა აღნიშნა ცენტრალური ბანკების გადამწყვეტ როლზე, ეკონომიკური მდგრადობის ხელშეწყობაში.
IMF-ის საუდის არაბეთის რეგიონული ოფისის მხარდაჭერით, საუდის არაბეთის დედაქალაქ ერ-რიადში გამართულ ცენტრალური ბანკების მეცხრე უმაღლესი დონის ფორუმში, მონაწილეობდნენ მსოფლიოს სხვადასხვა ქვეყნის ცენტრალური ბანკების მმართველები. ფორუმი მიზნად ისახავდა ცენტრალური ბანკების წინაშე არსებული ახალი გამოწვევების მიმოხილვასა და მათი როლის განსაზღვრას თანამედროვე ეკონომიკურ რეალობაში.