გასული კვირა ლონდონის ბირჟაზე პლუსში მხოლოდ თიბისი ბანკის ჯგუფმა დახურა, წინა თვესთან სამივე ქართული კომპანია მწვანე ზონაშია

„საბჭო სრულად უჭერს მხარს ვახტანგ ბუცხრიკიძის მიერ რეკომენდებულ ორგანიზაციულ ცვლილებებს, რათა უზრუნველყოფილი იყოს სტრატეგიის ძლიერი და უწყვეტი შესრულება საქართველოში და შეიქმნას პირობები ჯგუფის ამბიციების გაზრდილი ფოკუსისთვის უზბეკეთსა და სხვა ბაზრებზე. გიორგი თხელიძე, რომელიც დიდი ხანია განიხილებოდა როგორც ბანკის აღმასრულებელი დირექტორის პოტენციურ შიდა მემკვიდრედ, გამოირჩევა ძლიერი ლიდერული გამოცდილებითა და დამტკიცებული შედეგებით. იგი სრულად არის მზად, უხელმძღვანელოს ჩვენს ქართულ ბიზნესს“, - აცხადებს საბჭოს თავმჯდომარე.„TBC-ის განვითარების ამ საინტერესო ეტაპზე, ვგეგმავ, ჩემი ენერგია მთლიანად დავუთმო ჯგუფის საერთო სტრატეგიული მიმართულების ხელმძღვანელობას. როგორც ჯგუფის CEO, რა თქმა უნდა, აქტიურად ვიქნები ჩართული ჩვენი ბიზნესების ყველა ასპექტში როგორც საქართველოში, ასევე უზბეკეთში, და ასევე სხვა საერთაშორისო შესაძლებლობების კვლევაში. ძალიან მიხარია, რომ ქართული ბანკის CEO-ს პოზიციაზე ჩემს მემკვიდრედ გიორგი ინიშნება. გიორგისთან ერთად ათ წელზე მეტია ვმუშაობ. მან შესანიშნავი შედეგები აჩვენა CIB-ისა და Wealth Management-ის ხელმძღვანელობისას და დარწმუნებული ვარ, რომ იგი შესანიშნავად გაუძღვება მთლიანად ჩვენს ქართულ ბიზნესს. ასევე, მინდა მადლობა გადავუხადო თორნიკეს ბოლო რვა წლის განმავლობაში ბანკში გაწეული შრომისა და ერთგულებისთვის და ვუსურვო წარმატება მომავალ საქმიანობაში“, - აცხადებს ვახტანგ ბუცხრიკიძე, ჯერ კიდევ ბანკის მოქმედი CEO.სს „თიბისი ბანკის“ სამეთვალყურეო საბჭომ დაამტკიცა გადაწყვეტილება, რომლის მიხედვითაც საქართველოს ოპერაციებზე პასუხისმგებლობას გიორგი თხელიძე გადაიბარებს. თხელიძე სს „თიბისი ბანკის“ აღმასრულებელ დირექტორად 2026 წლის 1 მარტიდან, ან იმ უფრო გვიანი თარიღიდან დაინიშნება, რომელიც საჭირო იქნება შესაბამისი მარეგულირებელი ნებართვების მოპოვებისთვის.მენეჯმენტში კიდევ ერთი ცვლილება კი ისაა, რომ თორნიკე გოგიჩაიშვილი, აღმასრულებელი დირექტორის მოადგილემ, მიკრო, მცირე და საშუალო ბიზნესის მიმართულების ხელმძღვანელი, 8 წლიანი მუშაობის შემდეგ ბანკს 2026 წლის 1 მარტიდან ტოვებს.

1770631518

მთავრობის პრეს–სამსახურის ცნობით, შეხვედრაზე ხაზგასმით აღინიშნა 24-საათიანი წყალმომარაგების უზრუნველყოფის აუცილებლობა და ამ მიზნის მისაღწევად არსებული გამოწვევების დაძლევის საჭიროება.განიხილეს ინფრასტრუქტურის ფუნდამენტური განახლების მნიშვნელობა, მათ შორის, მოძველებული წყალმომარაგების სისტემის შეცვლის, ახალი გამწმენდი ნაგებობების მშენებლობისა და თანამედროვე ტექნოლოგიების დანერგვის საკითხები.პრემიერ-მინისტრმა Aqualia-ს წარმომადგენლებს განხორციელებული ინვესტიციისთვის მადლობა გადაუხადა და სახელმწიფოს მხრიდან მხარდაჭერა აღუთქვა.

1770626210

ძირითადი ცვლილებები მენეჯმენტში:ვახტანგ ბუცხრიკიძე:რჩება „თიბისი ჯგუფის“ გენერალური დირექტორის პოზიციაზე. მისი მთავარი ფოკუსი ჯგუფის სტრატეგიული განვითარება იქნება როგორც საქართველოში, ისე უზბეკეთსა და სხვა საერთაშორისო ბაზრებზე.გიორგი თხელიძე:დაიკავებს „თიბისი ბანკი საქართველოს“ გენერალური დირექტორის პოზიციას (ექვემდებარება მარეგულირებლის დამტკიცებას). გიორგი თხელიძეს ფინანსურ სექტორში მუშაობის 25-წლიანი გამოცდილება აქვს. ის გუნდს 2014 წელს შეუერთდა, ხოლო 2016 წლიდან კორპორაციული, საინვესტიციო და დაგროვილი კაპიტალის მართვის მიმართულებას ხელმძღვანელობდა.თორნიკე გოგიჩაიშვილი:თიბისი ბანკის დირექტორმა მიკრო, მცირე და საშუალო ბიზნესის (MSME) და მაღალშემოსავლიანი მომსახურების მიმართულებით, თორნიკე გოგიჩაიშვილმა, 8-წლიანი წარმატებული კარიერის შემდეგ თანამდებობა დატოვა და პროფესიულ საქმიანობას თიბისის გარეთ განაგრძობს.გიორგი თხელიძის გამოცდილება და განათლებაახალ გენერალურ დირექტორს საერთაშორისო ასპარეზზე მუშაობის ისტორია აქვს: Barclays Investment Bank (დიდი ბრიტანეთი): იკავებდა ვიცე-პრეზიდენტის პოზიციას EMEA რეგიონის ფინანსური ინსტიტუტების ჯგუფში; ადგილობრივი ბაზარი: ხელმძღვანელობდა სადაზღვევო კომპანია „ალდაგს“; განათლება: ფლობს Stanford-ის აღმასრულებელი პროგრამის სერტიფიკატს, LBS-ის მაგისტრის ხარისხს (MBA) და ნოტინგემის უნივერსიტეტის მაგისტრის ხარისხს (LLM). „თიბისი ჯგუფის მიზანია, მომხმარებელს საუკეთესო გამოცდილება შესთავაზოს არა მხოლოდ საქართველოში, არამედ მის ფარგლებს გარეთაც. აღნიშნული სტრუქტურული ცვლილებები სწორედ ამ ამბიციური მიზნების ეფექტურ განხორციელებას ემსახურება", - აცხადებენ თიბისი ბანკში.

1770624769

აღნიშნული რაოდენობიდან საქართველოს რეზიდენტი ვიზიტორების მიერ საზღვარგარეთ განხორციელებული ვიზიტების რაოდენობამ 2.2 მილიონი შეადგინა, რაც 0.1%-ით ნაკლებია 2024 წლის მაჩვენებელზე.2025 წელს საქართველოს რეზიდენტი ვიზიტორების მიერ საზღვარგარეთ განხორციელდა 1.5 მილიონი ტურისტული ტიპის ვიზიტი, რაც 4.3%-ით მეტია წინა წლის მაჩვენებელზე. ვიზიტების უმრავლესობა, 47%, განხორციელდა საქართველოს რეზიდენტი 31-50 წლის ვიზიტორების მიერ, ქალების მიერ განხორციელებული ვიზიტების რაოდენობამ კი მთლიანი ვიზიტების რაოდენობის 46.4% შეადგინა.2025 წელს ყველაზე მეტი ვიზიტი, 36.1%, განხორციელდა მეგობრების/ნათესავების მონახულების მიზნით.ვიზიტების უმრავლესობა განხორციელდა თურქეთსა და რუსეთის ფედერაციაში, შესაბამისად, 836.0 და 367.3 ათასი ვიზიტი.საქსტატის მონაცემებით, 2025 წელს განხორციელებული ვიზიტებისას გათეული ღამეების საშუალო რაოდენობამ 6.97 ღამე შეადგინა, რაც წინა წლის მაჩვენებელზე (6.98 ღამე) 0.1%-ით ნაკლებია. ვიზიტების 98.1% წარმოადგენდა განმეორებითი ხასიათის ვიზიტს.2025 წელს განხორციელებული ვიზიტებისას გაწეული ხარჯები 2.4 მილიარდ ლარს გაუტოლდა, რაც 5.9%-ით მეტია წინა წლის მაჩვენებელზე. ერთ ვიზიტზე საშუალო ხარჯი 2024 წელთან შედარებით 6%-ით გაიზარდა და 1 068.6 ლარი შეადგინა.

1770623573

აღნიშნული რაოდენობიდან საქართველოს რეზიდენტი ვიზიტორების მიერ საზღვარგარეთ განხორციელებულმა ვიზიტებმა 600.5 ათასი შეადგინა, რაც 6.7%-ით მეტია 2024 წლის ანალოგიური პერიოდის მაჩვენებელზე.4Q25-ში საქართველოს რეზიდენტი ვიზიტორების მიერ საზღვარგარეთ განხორციელდა 405.8 ათასი ტურისტული ტიპის ვიზიტი, რაც 8.8%-ით მეტია წინა წლის ანალოგიური პერიოდის მაჩვენებელზე. ვიზიტების უმრავლესობა (46.9%) განხორციელდა საქართველოს რეზიდენტი 31-50 წლის ვიზიტორების მიერ, ქალების მიერ განხორციელებული ვიზიტების რაოდენობამ კი მთლიანი ვიზიტების რაოდენობის 46.1% შეადგინა.4Q25-ში ვიზიტების ყველაზე დიდი ნაწილი (36.9%) განხორციელდა მეგობრების/ნათესავების მონახულების მიზნით. ვიზიტების უმრავლესობა განხორციელდა თურქეთსა და სომხეთში, შესაბამისად, 236.2 ათასი და 90.3 ათასი ვიზიტი. 4Q25-ში განხორციელებული ვიზიტებისას გათეული ღამეების საშუალო რაოდენობამ 6.8 შეადგინა, რაც 4Q24-ში  დაფიქსირებულ მაჩვენებელზე (7.3 ღამე) 6%-ით ნაკლებია. ვიზიტების 97.9% წარმოადგენდა განმეორებითი ხასიათის ვიზიტს.საქსტატის მონაცემებით, 4Q25-ში განხორციელებული ვიზიტებისას გაწეული ხარჯები ₾636.4 მლნ-ს გაუტოლდა, რაც 17.5%-ით მეტია წინა წლის ანალოგიური პერიოდის მაჩვენებელზე. ერთ ვიზიტზე საშუალო ხარჯი 4Q24-თან შედარებით 10.1%-ით გაიზარდა და 1 059.8 ლარი შეადგინა.

1770622574

კერძოდ, სააგენტოს ცნობით, მომხმარებელმა GCCA-ის მიმართა პრეტენზიით, რომ მაღაზიაში შეძენილი პროდუქცია გამოსადეგი არ აღმოჩნდა მისი ფუნქციური დანიშნულებით გამოსაყენებლად, რასთან დაკავშირებითაც თავდაპირველად მომხმარებელმა მოვაჭრესაც მიმართა, თუმცა ამ უკანასკნელის მხრიდან ფაქტს რეაგირება არ მოჰყოლია.მოვაჭრის მიერ აღნიშნულ საქმესთან დაკავშირებით სააგენტოში წარმოდგენილი პოზიციის თანახმად, მომხმარებელი პროდუქტს არასწორად იყენებდა. მტკიცებულებების შესწავლის შედეგად, სააგენტომ დაადგინა, რომ მომხმარებელს არ მიეწოდა საქონლის შესახებ არსებითი ინფორმაცია. სააგენტომ წარმოდგენილი მტკიცებულებების შეფასებისა და შესწავლის შედეგად, მოვაჭრე - შპს „აიფონ ჯორჯიას" დაუდგინა ინფორმაციის მიწოდების ძირითადი ვალდებულებისა და უნაკლო საქონლის გადაცემის ვალდებულების დარღვევის ფაქტები.კომპანიას დაევალა, ერთი თვის ვადაში აღადგინოს მომხმარებელთა დარღვეული უფლებები და სავაჭრო პოლიტიკა კანონის მოთხოვნებს შეუსაბამოს.

1770622358

შემოსავლების სამსახურის ცნობით, უფლებამოსილი პირის მიერ, ეჭვის საფუძველზე, მონაცემების შემოწმების შედეგად დადგენილი იქნა მწარმოებლის მიერ, მინიჭებული საიდენტიფიკაციო კოდის  ე.წ. - VIN კოდის შეცვლის ფაქტი.საქმის მასალები შემდგომი რეაგირების მიზნით, შინაგან საქმეთა სამინისტროს შესაბამის სამსახურს გადაეცა.

1770621801

ვორკშოპის მთავარი მიზანია, დაეხმაროს ქალი მეწარმეებს თანამედროვე ბაზრის რეალობასთან ადაპტირებულ, პრაქტიკულ მიდგომებში, რაც ხელს შეუწყობს გაყიდვების ზრდას, მომხმარებელთან უფრო ეფექტიან კომუნიკაციას და კონკურენტული უპირატესობის გაძლიერებას.შეხვედრის ფარგლებში მონაწილეები მიიღებენ პასუხებს შემდეგ კითხვებზე: რა არის გაყიდვების მიმართულებით ძირითადი გამოწვევები დღეს როგორც ლოკალურ, ისე გლობალურ ბაზარზე; როგორ შეიცვალა გაყიდვების თეორიები, სტრატეგიები და ტაქტიკები ბოლო წლებში; რა როლი აქვს სწორ, მიზნობრივ კომუნიკაციას გაყიდვების პროცესში; როგორ ტრანსფორმირდა B2C და B2B მომხმარებლის ქცევა და სხვა. ვორკშოპი ჩატარდება ინტერაქციულ ფორმატში - ლოკალური და საერთაშორისო ბრენდების პრაქტიკული ქეისების განხილვითა და სხვადასხვა ინდუსტრიის მაგალითების გაზიარებით. მონაწილეებს ექნებათ შესაძლებლობა, აქტიურად ჩაერთონ დისკუსიაში, დასვან კითხვები საკუთარი ბიზნესის კონტექსტიდან და მიიღონ რეკომენდაციები რეალური გამოწვევების გადასაჭრელად.ღონისძიება გაიმართება 10 თებერვალს, 17:00 საათზე,საქართველოს ბანკის 4B ფილიალში, მისამართზე: ალექსანდრე ყაზბეგის ქ. N15.ღონისძიებაზე დასასწრებად გაიარეთ რეგისტრაცია, საქართველოს ბანკის ვებგვერდზე.საქართველოს ბანკი, პლატფორმა Business 360˚-ის ფარგლებში, განაგრძობს ბიზნესების მხარდაჭერას და ქმნის მრავალფეროვან საგანმანათლებლო რესურსებს — კურსებს, ვორკშოპებს, კვლევებსა და პრაქტიკულ ინიციატივებს მეწარმეებისთვის.

1770621129