მაღალრისკიანი საპენსიო პორტფელი ჰალიკსა და სილქ ბანკში ვერ მოხვდა

ფინანსთა სამინისტროს პრეს–სამსახურის ცნობით, ხაზი გაესვა საქართველოსა და თურქეთს შორის ორმხრივ და რეგიონულ პროექტებში პარტნიორობის მნიშვნელობას.მინისტრებმა ისაუბრეს მიმდინარე და დაგეგმილ რეფორმებსა და პროექტებზე საგზაო და სარკინიგზო დაკავშირებადობის, ენერგეტიკული პოტენციალისა და ენერგოუსაფრთხოების, გადაზიდვებისა და ლოგისტიკური ინფრასტრუქტურის მიმართულებით.საუბარი, შეეხო საბაჟო სფეროში ორმხრივი თანამშრომლობის საკითხებს, საბაჟო-გამშვები პუნქტების მართვის მიმართულებით.თავის მხრივ, თურქეთის დელეგაციის მხრიდან აღინიშნა საქართველოს როლი, როგორც ორმხრივი, ისე რეგიონული თანამშრომლობის კონტექსტში. თურქეთის ვაჭრობის მინისტრმა აღნიშნული პარტნიორობის განმტკიცების მზაობა გამოთქვა.შეხვედრას ქართული მხრიდან დაესწრნენ ფინანსთა მინისტრის მოადგილე ეკატერინე გუნცაძე, შემოსავლების სამსახურის უფროსი ირაკლი (დაჩი) ბერაია, სტუმრების მხრიდან -  თურქეთის ვაჭრობის სამინისტროსა და საბაჟო სამსახურის  ხელმძღვანელები, ასევე თურქეთის რესპუბლიკის საგანგებო და სრულუფლებიანი ელჩი საქართველოში ალი ქაან ორბაი.

1752673021

გოგონების მეტი ჩართულობისათვის თიბისი, კრეატიულ სააგენტო Playmakers-თან კოლაბორაციით, დაუკავშირდა ქართველ ინფლუენსერებს. მათმა ჩართულობამ და TikTok-ზე გავრცელებულმა სამოტივაციო  ვიდეოებმა რეგისტრაციის რიცხვი საგრძნობლად გაზარდა და საერთო ჯამში თიბისის საზაფხულო Crash კურსებზე 600-ზე მეტი გოგონა დარეგისტრირდათიბისის Crash კურსები გოგონები ეს არის ონლაინ კურსები ტექნოლოგიების ოთხი მიმართულებით, რომლებიც 9-12 კლასის მოსწავლე გოგონებს, მთელი საქართველოდან და არა მხოლოდ, სრულიად უფასოდ აძლევს შესაძლებლობას დაეუფლონ ყველაზე მოთხოვნად პროფესიებს.6000-ზე მეტი დარეგისტრირებული გოგონადან, კონკურსის შედეგად, შეირჩა 140 მონაწილე, რომლებიც ორი კვირის განმავლობაში შეისწავლიან: შესავალი ხელოვნურ ინტელექტში შესავალი მობილური აპლიკაციების შექმნაში შესავალი ვებგვერდები პროგრამირებაში: Back-End (Python & Flask) შესავალი ვებგვერდების პროგრამირებაში: Front-End (HTML,CSS) ყველაფერი გამოგივა, მთავარია გჯეროდეს შენი მიზნების, თიბისის განათლების პროგრამები კი გაძლევს შესაძლებლობას ისწავლო იქ, სადაც ხარ და სიახლეების მუდმივ ძიებაში გაიღრმაო ინტერესები და ცოდნა.

1752668408

სს "ბაზისბანკი" საკორესპონდენტო ბანკების გლობალურ ქსელს აფართოებს და თანამშრომლობას იწყებს ამერიკულ საერთაშორისო ფინანსური მომსახურების კომპანია The Bank of New York Mellon Corporation-თან.თანამშრომლობა კიდევ უფრო გაამარტივებს ბაზისბანკის მომხმარებლებისთვის აშშ დოლარში საერთაშორისო გადარიცხვებისა და ჩარიცხვების განხორციელებას მსოფლიოს ნებისმიერ წერტილში.აღსანიშნავია, რომ მსხვილი ამერიკული ფინანსური მომსახურების კომპანიის პარტნიორობა ქართულ საბანკო სისტემასთან ხაზს უსვამს ფინანსური სექტორის მიმართ ინტერესს და ზრდის ნდობას, რათა კიდევ უფრო გაძლიერდეს საერთაშორისო გადარიცხვების არხები და გაუმჯობესდეს ტრანზაქციების ეფექტიანობა.The Bank of New York Mellon Corporation გლობალური ფინანსური სერვისების უმსხვილესი მიმწოდებელია, რომლის სათავო ოფისი მდებარეობს ნიუ იორკში. BNY - ს საკორესპონდენტო ქსელის ერთ-ერთი უდიდესი დაფარვა აქვს მსოფლიოს მასშტაბით.BNY სპეციალიზდება აქტივების მართვასა და სანდოობის მომსახურებებში, ემსახურება 100-ზე მეტ ბაზარს მთელი მსოფლიოს მასშტაბით. BNY 240 წელზე მეტია ემსახურება კლიენტებს და აქტივების მართვისა და საინვესტიციო საქმიანობის დიდი გამოცდილება აქვს მსოფლიოში.

1752665901

ლისა პეროტი-ბრაუნი ქართული ღვინის მწარმოებელ მარნებსა და კომპანიებს კახეთში ესტუმრა, ადგილზე დააგემოვნა მრავალფეროვანი ქართული ღვინოები, გაეცნო ღვინის დაყენების ქართულ ტექნოლოგიებს.თბილისში, ორი დღის განმავლობაში, სპეციალურ დეგუსტაციაზე ლისა პეროტი-ბრაუნმა სხვადასხვა ღვინის კომპანიის 100-მდე ღვინო დააგემოვნა. ღვინის მაგისტრის მიერ შერჩეულ ღვინოებზე შეფასებები მიმდინარე წლის შემოდგომაზე გამოქვეყნდება The Wine Palate-ის სტატიაში.ცნობილ ამერიკელ ღვინის მაგისტრთან თანამშრომლობის მიზანია, ქართული ღვინის პოპულარიზაციისა და ცნობადობის გაზრდა ამერიკის შეერთებულ შტატებში.ვიზიტის ფარგლებში, ამერიკელი ღვინის მაგისტრი ასევე შეხვდა ღვინის ეროვნული სააგენტოს თავმჯდომარეს, ლევან მეხუზლას, რომელთანაც სპეციალური ინტერვიუ ჩაწერა ქართული მეღვინეობის კულტურისა და დარგის ამჟამინდელი მდგომარეობის შესახებ.„ეს საქართველოში ჩემი მე-3 ვიზიტია; პირველად 12 წლის წინ ვიყავი. მას შემდეგ, რაც პირველად ვეწვიე საქართველოს, ვფიქრობ, რომ ქართულმა ღვინოებმა დიდი გზა გაიარა, საგრძნობლად განვითარდა და უფრო მეტად საერთაშორისო გემოვნებაზე ორიენტირებული სტილები შეიმუშავა. საწარმოების სანიტარიული პირობები, მათ შორის, როგორ იწმინდება ჭურჭელი, ასევე ღვინის დამზადების პროცესიც, საგრძნობლად გაუმჯობესდა. ძალიან ბევრი მშვენიერი, ნათელი, სუფთა, გამომსახველი ღვინო იწარმოება საქართველოში ადგილობრივი ყურძნის ჯიშებისგან, რაც მიმაჩნია რომ მართლაც ძალიან შთამბეჭდავია“, - აღნიშნა ლისა პეროტი-ბრაუნმა.ონლაინ გამოცემა The Wine Palate (ღვინის გემო) მოიცავს ექსპერტების მიერ შეფასებული ღვინოების მონაცემთა ბაზას მთელი მსოფლიოდან, განახლებადი ახალი მიმოხილვებით. საიტი შექმნილი, რათა დაეხმაროს მომხმარებლებს, ადვილად იპოვონ სასურველი ღვინოების სტილი და, ამავდროულად, გაიუმჯობესოს ღვინის დაგემოვნების გამოცდილება. ლისა პეროტი-ბრაუნი ძირითადად ამერიკულ და ბორდოს ღვინოებს, ასევე, შამპანურს მიმოიხილავს, რასაც შემოდგომაზე ქართული ღვინოებიც დაემატება. ღვინის მაგისტრი ლისა პეროტი-ბრაუნი ღვინის ინდუსტრიაში 25 წელზე მეტია მოღვაწეობს.ამერიკის შეერთებული შტატები ქართული ღვინის ერთ-ერთ სტრატეგიულ საექსპორტო ბაზარს წარმოადგენს. ღვინის ეროვნული სააგენტოს მხარდაჭერით, 2013 წლიდან განხორციელებულმა მიზანმიმართულმა მარკეტინგულმა აქტივობებმა მნიშვნელოვნად შეუწყო ხელი აშშ-ში ქართული ღვინის ცნობადობის და ექსპორტის ზრდას.

1752665330

რეაბილიტაციის ფარგლებში სრულად განახლდება 1 კმ-ზე მეტი სიგრძის წყალსადენისა და 600 მეტრამდე სიგრძის წყალარინების მაგისტრალური და გამანაწილებელი ქსელები. ახალ ქსელზე 42 ერთეული ჩამკეტ-მარეგულირებელი ურდული, 4 სახანძრო ჰიდრანტი და 42 საკვანძო ჭა მოეწყობა.სამუშაოების მიმდინარე ეტაპზე კომპანიამ წყალმომარაგების ქსელების ძირითადი ნაწილი უკვე მოაწყო, რის შემდეგაც წყალარინების სისტემის რეაბილიტაცია დაიწყება.ალექსიძის ქუჩაზე წყალსადენისა და წყალარინების ქსელების სარეაბილიტაციო პროექტი ივლისში დაიწყო და მიმდინარე წლის სექტემბრის ბოლოს დასრულდება. პროექტის ჯამური ინვესტიცია 1 200 000 ლარამდეა.აღნიშნული სარეაბილიტაციო პროექტის დასრულების შემდეგ ალექსიძის ქუჩისა და მიმდებარე ქუჩების მოსახლეობას მნიშვნელოვნად გაუუმჯობესდება წყალმომარაგება.„თბილისის წყალმომარაგების გაუმჯობესებისთვის უმნიშვნელოვანესი პროექტები აქტიურად მიმდინარეობს. ალექსიძის ქუჩის რეაბილიტაცია, სადაც ახლა მასშტაბური სამუშაოები ტარდება 2025 წლის ერთ-ერთი მსხვილი და მნიშვნელოვანი პროექტია, რაშიც კომპანია 1.2 მლნ ლარის ინვესტიციას ახორციელებს. სამუშაოების ფარგლებში სრულად განახლდება 1.6 კმ სიგრძის წყალსადენისა და წყალარინების მაგისტრალური და გამანაწილებელი ქსელები. შედეგად ალექსიძისა და მიმდებარე ქუჩების მოსახლეობას მნიშვნელოვნად გაუუმჯობესდება მომსახურების ხარისხი“, - გიგა ნადირაძე, ჯივიპის ტექნიკური დირექტორი.

1752659770

მისი თქმით, სომხეთის კანონმდებლობით დაშვებულია მშენებლობა. კომპანიას შეეძლება ფულის ჩადება გზებში, მილსადენებში, ელექტროგადამცემ ხაზებში. კონტრაქტის ვადის ამოწურვის შემდეგ კი ეს ინფრასტრუქტურა ყველა შემთხვევაში გახდება სახელმწიფოს საკუთრება, განაცხადა ფაშინიანმა.მისივე თქმით, ყველა ეს ვარიანტი ჯერ განხილვის საგანია და საბოლოო გადაწყვეტილება მიღებული არ არის.აუთსორსინგის მაგალითებად ფაშინიანმა ზვარტნოცის აეროპორტი, სამხრეთ კავკასიის რკინიგზა და წყალმომარაგების სისტემა დაასახელა.„რეგიონული კომუნიკაციების გახსნას ჩვენ სუვერენიტეტის, ტერიტორიული მთლიანობისა და სომხეთის იურისდიქციის ფარგლებში განვიხილავთ. ჩვენ გვაინტერესებს აზერბაიჯანთან ორმხრივი სავაჭრო ურთიერთობების აღდგენა, კავშირის უზრუნველყოფა სომხეთის ტერიტორიის გავლით აზერბაიჯანში და მესამე ქვეყნებში, გვინდა წვდომა გვქონდეს აზერბაიჯანის ტერიტორიის გავლით მესამე ქვეყნებთან“, – თქვა ფაშინიანმა.სომხეთის პრემიერის თქმით, ერევანსა და ბაქოს სამშვიდობო შეთანხმების ხელმოწერამდე მისი პარაფირება შეუძლიათ. მისივე თქმით, აზერბაიჯანთან სამშვიდობო შეთანხმების ხელმოწერის გზაზე სომხეთი არცერთ შესაძლებლობას არ უშვებს ხელიდან.„ჩვენ აზერბაიჯანთან განვიხილავდით, როგორ ვიაროთ წინ, როგორი საგზაო რუკა შეიძლება გვქონდეს. წინასწარი ხელმოწერის იდეაც დევს მაგიდაზე. ეს ერთ–ერთი განსახილველი საკითხია მოლაპარაკებების პროცესში“, – აცხადებს ფაშინიანი.მანამდე, აშშ–ის ელჩმა თურქეთში ტომ ბარაკმა განაცხადა, რომ აშშ მზადაა, თავის თავზე აიღოს ზანგეზურის დერეფნის სატრანსპორტო კომუნიკაციების მართვა, რომელიც აზერბაიჯანის ძირითად ტერიტორიას, სომხეთის გავლით, მის ექსკლავთან, ნახიჩევანის ავტონომიასთან აკავშირებს. 

1752659390

თიბისის ახალი კამპანია - „გახსენი ანაბარი სასურველი ხარჯებისთვის“ გზავნილია, რომ შენი სურვილი ფუჭი ხარჯვა კი არაა, არამედ მიზანი, რომლისთვისაც შეგიძლია, წინასწარ მოემზადო.კამპანიის ფარგლებში, რამდენიმე ვიდეო და პრინტი შეიქმნა. თითოეულ მათგანში ნაჩვენები არიან ადამიანები, თავიანთი სურვილების წარმოსახვითი ვიზუალიზაციით და ოცნებისკენ მიმავალი გზით. ამ გზაზე კი, თიბისი ითავსებს პარტნიორის როლს, რომელიც არ გეკითხება, რატომ გეჩვენება მანქანის საბურავი საცურაო კამერად ან რატომ ოცნებობ სწავლაზე.ფინანსური ხარჯი ხშირად ისე წარმოგვიდგება, თითქოს გვაშორებს მიზნებს და სურვილი მხოლოდ იმ შემთხვევაშია დასაშვები, თუ უკვე მთელი თანხა გაქვს.მაგრამ სწორედ, აქ ცვლის ყველაფერს ანაბრის იდეა. ეს არის შესაძლებლობა, რომელიც თანხის დაგროვებას უფრო რეალურ და მარტივ პროცესად აქცევს - თიბისის ანაბარი გეხმარება, რომ სურვილები ტვირთის ნაცვლად რეალურ გეგმებად აქციო. როცა ზუსტად გაქვს შენი მიზანი განსაზღვრული, ისიც იცი, რისთვის აგროვებ თანხას და აქ იწყება გარდატეხა, რაც სურვილებს ხელშესახებად აცოცხლებს. და რაც უფრო ხშირად ადევნებ თვალს შენს ანაბარზე დაგროვილ თანხას, მით უფრო ნათლად ხედავ, რომ მიზანს ყოველდღიურად უფრო უახლოვდები. ფინანსური თავისუფლება ყოველთვის დიდი ხელფასი ან მოულოდნელი შემოსავალი არ არის. ხშირად, ის მცირე, მაგრამ თანმიმდევრული ნაბიჯებიდან იწყება.სწორედ ამიტომ, თიბისის ანაბარი იქცევა იმ ინსტრუმენტად, რომელიც არ გთხოვს გმირობას - უბრალოდ, გთხოვს დაწყებას. და როცა ამ საწყისს თან ახლავს მიზანი, რომელსაც უკვე ყველგან ხედავ — მაშინ ყველაფერი უფრო მარტივდება.დაიწყე დაგროვება დღეს და გახსენი ანაბარი მობაილბანკიდან.

1752659378

„საქართველოს გენერალურ პროკურორს ბატონ გიორგი გვარაკიძესჩვენ, დავით ცეცხლაძე და ნათია ჯანაშია, „ბრიტანულ-ქართული აკადემიისა“ და „თბილისის ბრიტანული საერთაშორისო სკოლის“ დამფუძნებლები, კატეგორიულად მოვითხოვთ, დაუყოვნებლივ დაიწყოს გამოძიება ირაკლი გილაურისა და მისი გუნდის წევრების მიერ ჩადენილ ქმედებებთან დაკავშირებით.2025 წლის თებერვლიდან მოყოლებული თქვენს წარმოებაშია ჩვენი განცხადებები, რომლებიც ირაკლი გილაურისა და მისი გუნდის წევრების შესაძლო დანაშაულებრივ ქმედებებს ეხება.გარდა იმისა, რომ გილაურის უკანონო ქმედებებით სკოლებს და ჩვენ, როგორც დამფუძნებლებს გვადგება მნიშვნელოვანი ზიანი, მიგვაჩნია, რომ გილაურისა და მისი გუნდის მიერ სკოლების მართვა, პირველ რიგში, სახიფათოა ბავშვებისთვის და ეწინააღმდეგება საქართველოს კანონმდებლობისა და ბრიტანული საერთაშორისო სკოლების საბჭოს (COBIS, რომლის წევრიცაა ორივე სკოლა) უსაფრთხო განათლების უზრუნველყოფასთან დაკავშირებულ სტანდარტებს. ჩვენს განცხადებებსა და ღია წერილებში არაერთხელ დავაფიქსირეთ ის საფრთხე, რაც გილაურმა შეუქმნა ბავშვებს, პირველ რიგში, ყალბი კრების ოქმის საფუძველზე, პორნოგრაფიული ტექსტების ავტორის სკოლის დირექტორად დანიშვნით. გილაურისა და მისი გუნდის ეს გადაწყვეტილება ამორალური და ბავშვებისათვის საფრთხის შემცველი ქმედებაა. ამ და სხვა ქმედებების აღკვეთასა და არასრულწლოვანთა ინტერესების დაცვას ვითხოვთ თქვენი უწყებისგან მიმდინარე წლის თებერვლის შემდეგ, ჯერჯერობით უშედეგოდ.კიდევ ერთხელ, ვითხოვთ, დაუყოვნებლივ დაიწყოთ გამოძიება და პასუხისგებაში მისცეთ შესაბამისი პირები იმ შესაძლო დანაშაულებისთვის, როგორიცაა:1.  ყალბი პარტნიორთა კრების ოქმის დამზადება-გამოყენება, რომლითაც დირექტორის პოზიციაზე დაინიშნა პორნოგრაფიული ნაწარმოებების ავტორი და გამავრცელებელი პირი;2. ინსაიდერული ინფორმაციის გამჟღავნება;3. პოლიციის ძალადობრივი მობილიზება, უფლებამოსილების ბოროტად გამოყენება;4. სკოლის ბიუჯეტიდან დიდი ოდენობის თანხის მითვისება;5. სკოლის წილის თაღლითური გზით დამფუძნებლებისთვის წართმევა.ამ უკანონო ქმედებებს გილაური ახორციელებს გიორგი კეთილაძის საშუალებით.დღეის მდგომარეობით, გილაურის დავალებით სკოლების უკანონო ოკუპაცია და მათთვის ზიანის მიყენება საბოლოო განადგურებამდე კვლავ გრძელდება. გილაურის გუნდი იღებს ისეთ მავნებლურ გადაწყვეტილებებს, რომლებიც იწვევს ბავშვებისა და კვალიფიციური პედაგოგების გადინებას სკოლიდან, რაც პირდაპირ და მნიშვნელოვან მატერიალურ და რეპუტაციულ ზიანს აყენებს სკოლებს, ეწინააღმდეგება სკოლებში დამკვიდრებულ ღირებულებებს, რისკის ქვეშ აყენებს არასრულწლოვანთა ფიზიკურ და მორალურ უსაფრთხოებას.გილაურის მიერ მიყენებული ზიანის გამოსწორება და სკოლების გადარჩენა შეუძლებელი გახდება, თუკი დროულად არ დაიწყებთ გამოძიებას ჩვენ მიერ არაერთგზის დაფიქსირებულ, შესაძლო დანაშაულის შემცველ ფაქტებთან დაკავშირებით. გაითვალისწინეთ, რომ ჩვენი სკოლების ბავშვების უსაფრთხოებაზე სწორედ თქვენი უწყებაა პასუხისმგებელი.სამწუხაროა, რომ ადგილობრივ სამართლებრივ მექანიზმებთან შედარებით, უფრო ეფექტიანი აღმოჩნდნენ გაერთიანებული სამეფოს შესაბამისი უწყებები, რომელთაც დაიწყეს მოკვლევა გილაურის მიერ განხორციელებულ ქმედებებთან დაკავშირებით, ტარდება ტრანსნაციონალურ თაღლითობასა და კორუფციასთან გილაურის შესაძლო კავშირის დადგენის ღონისძიებები.ზემოაღნიშნულის გათვალისწინებით, მოვითხოვთ, დროულად დაიწყოთ გამოძიება შესაძლო დანაშაულის შემცველ ფაქტებთან დაკავშირებით, უზრუნველყოთ მტკიცებულებების დაცვა, გამოავლინეთ გილაურის დანაშაულებრივ ქმედებებში შესაძლო თანამონაწილე საჯარო მოხელეები; უკანონო ქმედებები და მათი ჩამდენი პირები განიხილოთ, როგორც სახელმწიფოებრივი საფრთხე“, – ნათქვამია დავით ცეცხლაძის და ნათია ჯანაშიას ღია წერილში გენერალური პროკურორისადმი.

1752654970