მ/ო კრისტალის წლის მოგება 21 მლნ ლარია

27 მაისიდან AIR ASTANA თბილისის საერთაშორისო აეროპორტში ახალ მიმართულებას იწყებს - ავიაკომპანია ატირაუ-თბილისის მიმართულებით ფრენებს კვირაში სამი სიხშირით შეასრულებს. ეკონომიკის მინისტრის მოადგილის, მარიამ ქვრივიშვილის შეფასებით, ატირაუ-თბილისს შორის ავიამიმოსვლის დამატება  ხაზს უსვამს იმ ფაქტს, რომ მოთხოვნა ყაზახი ტურისტების მხრიდან საქართველოს ტურისტულ პროდუქტზე მზარდია. „ეარ ასტანა“ და „ფლაი არისტანი“ დაფრინავს როგორც  თბილისის, ისე ქუთაისის საერთაშორისო აეროპორტებში და ემატება ახალი მიმართულება ატირაუდან“ - განაცხადა მარიამ ქვრივიშვილმა, ეკონომიკის მინისტრის მოადგილემ.2024 წელს ყაზახეთიდან საქართველოს  178 930 საერთაშორისო ვიზიტორი ეწვია. ყაზახური ავიაკომპანიების წილმა კი ბაზრის 3,9 % შეადგინა.Air Astana ალმა ათიდან თბილისის მიმართულებით პირდაპირ ფრენებს ზაფხულის სეზონზე, კვირაში 9 სიხშირით შეასრულებს. ოთხშაბათსა და შაბათს ავიაკომპანია საქართველოს დედაქალაქის მიმართულებით დღეში ორჯერ იფრენს.ივნისიდან განახლდება სეზონური ფრენები ალმა ათი-ბათუმის მიმართულებით კვირაში სამი სიხშირით, ხოლო ივლისი-აგვისტოს პერიოდზე ავიაკომპანია სიხშირეების ზრდას კვირაში 5-მდე განიხილავს.  Air Astana ასევე ივნისიდან განაახლებს ფრენებს თბილისსა და ყაზახეთის დედაქალაქ ასტანას შორის კვირაში სამი სიხშირით. ქუთაისიდან ყაზახეთში ფრენებს 5 ქალაქის მიმართულებით Air Astana-ს შვილობილი ავიაკომპანია დაბალბიუჯეტური FlyArystan ასრულებს. ზაფხულის სეზონზე კი  ყაზახეთის მიმართულებით და პირიქით, რეისების რაოდენობა კვირაში 10 სიხშირიდან 17-მდე გაიზრდება. FlyArystan პირდაპირ რეგულარულ რეისებს ქუთაისის საერთაშორისო აეროპორტში ასტანადან, ალმათიდან, ატირაუდან, აქტაუდან და შიმკენტიდან ახორციელებს.ატირაუ-თბილისის მიმართულებით ბილეთების შეძენა ავიაკომპანიის ვებგვერდზე www.airastana.com უკვე შესაძლებელია.

1741879089

ცნობისთვის, SOCAR Kulevi Terminal აზერბაიჯანის SOCAR-ის საკუთრებაა, რომელიც ინფრასტრუქტურის გაფართოების პარალელურად ტვირთების ნომენკლატურის გაზრდას გეგმავს.როგორც უკვე ითქვა, ნავარაუდევია დამატებით შეკუმშული აირის და ნავთობქიმიის პროდუქციის გადამუშავება, რისთვისაც, სატრანსპორტო დერეფნის ცენტრი წერს, რომ აუცილებელი იქნება სათანადო ინფრასტრუქტურის შექმნა.ტერმინალის ხელმძღვანელობა, ვარაუდობს აზერბაიჯანის და საქართველოს რკინიგზების გამოყენებით – ყაზახეთის, თურქმენეთის და რუსეთის სატრანზიტო ტვირთების მიღება – გადამუშავებას, საჭიროების შემთხვევაში შენახვას და შემდგომში გატარებას.ტერმინალი ექსპლუატაციაში 2008 წელს გაუშვეს და მისი ჯამური სიმძლავრე 10 მლნ ტონა ტვირთის გადამუშავებას შეადგენს. როგორც TCRC (სატრანსპორტო დერეფნის კვლევის ცენტრი) წერს, მიუხედავად იმისა, რომ ტერმინალის გამტარუნარიანობა 10 მლნ ტონას შეადგენს, მისი დატვირთულობა ბოლო 10 წლის განმავლობაში 20%-ს არ აღემატებოდა.„რუსეთ – უკრაინის დაპირისპირების შედეგად ტერმინალის ტვირთბრუნვა 30%-ით გაიზარდა, მაგრამ მისი მაქსიმალური დატვირთვით გამოყენება ჯერ კიდევ შორსაა და მოითხოვს მეზობელ კონკურენტ ყაზახეთის და თურქმენეთის ტვირთმფლობელებთან მიმართებით, მოქნილი, ტერმინალზე თავისუფალი დაშვების პოლიტიკის განხორციელებას.ყულევის ტერმინალის ნავთობის და ნავთობპროდუქტების შესანახი რეზერვუარების ჯამური მოცულობა 407 000 კუბურ მეტრს შეადგენს. ტერმინალს გააჩნია ექვსი ესტაკადა, სადაც შესაძლებელია ერთდროულად 208 სარკინიგზო ცისტერნის დაცლა, რაც ტვირთმფლობელებისთვის მეტად მიმზიდველია“, - აღნიშნულია პუბლიკაციაში.ამასთან, სატრანსპორტო დერეფნის კვლევის ცენტრი წერს, რომ შეკუმშული აირის გადაზიდვის მოცულობების გაზრდის მიზნით დაინიცირებულია რამდენიმე პროექტი, რომელიც ტერმინალის ინფრასტრუქტურის გაფართოებას ითვალისწინებს და რიგი სამუშაოები დღეისთვის დასრულებულია.მათივე ინფორმაციით, მეორე ეტაპზე გათვალისწინებულია შეკუმშული არის შესანახი სათავსოს მოწყობა, რომლითაც შესაძლებელი იქნება თვეში 40–60 ათასი ტონა შეკუმშული აირის რეზერვუარში დასაწყობება.რაც შეეხება ნავთობქიმიური ტვირთების გადამუშავებას, როგორც სატრანსპორტო დერეფნის კვლევის ცენტრი განმარტავს, ეს ტერმინალისთვის ახალ მიმართულებას წარმოადგენს და რუსეთიდან რკინიგზით ქიმიკატების ტრანსპორტირებას მოიცავს.„2023 წელს ტერმინალში რუსეთიდან 5 ათასი ტონა ეთილენგლიკოლის პირველი პარტია შემოვიდა. იმავე პერიოდში ტერმინალში გადაიტვირთა 8 ათასი ტონა მეთილ–ტრედ–ბუტილის ეფირის მოცულობის პროდუქცია. იმავე 2023 წელს ყულევში რუსეთიდან შემოვიდა 8.5 ათასი ტონა პიროკონდენსატი.ამ ნაწილში გასათვალისწინებელია ის გარემოებაც, ხომ არ იქცევა ყულევის ტერმინალი რუსეთის სანქცირებული ნავთობქიმიური ტვირთების გატარების მოსახერხებელ ინფრასტრუქტურულ რგოლად“,- აღნიშნულია პუბლიკაციაში.TCRC-ს ინფორმაციით, ტერმინალი 2014 წლიდან ახორციელებს SOCAR-ის კუთვნილ Socar Methanol-ის ქარხანაში აზერბაიჯანული მეთანოლის გადამუშავებასაც. მეტიც, მეთანოლის ტრანზიტისათვის ყულევის ტერმინალში 42 ცისტერნის ერთდროული ჩამოსხმის ფრონტით მოწყობილია სარკინიგზო ესტაკადა.„მეთანოლის კომპლექსის სიმძლავრე წელიწადში 600–650 ათასი ტონაა. საიდანაც მცირე 5 – 20 ათასი ტონიანი პარტიებით იტვირთება თურქეთის, რუმინეთის და უკრაინის მიმართულებებით. „სოკარმა“ შექმნა სპეციალური ინფრასტრუქტურა, რითაც შესაძლებელია მეთანოლის პირდაპირ ტანკერებში გადატვირთვა.2021 წლიდან ყულევში იტვირთება საგზაო ბიტუმი. „სოკარმა“ წელიწადში 400 ათას ტონამდე გაზარდა საგზაო ბიტუმის გამოშვება ბაქოს ნავთობგადამამუშავებელ ქარხანაში. ბიტუმი საქართველოს გარდა მიეწოდება უკრაინას და თურქეთს.უახლოეს პერიოდში გათვალისწინებულია ყულევის ტერმინალის ფსკერდაღრმავებითი სამუშაოების განხორციელება. პერსპექტივაში არსებული 12–14 მ დაღრმავება გაიზრდება 15 მეტრამდე. შედეგად, შესაძლებელი იქნება ტერმინალმა განაახლოს Aframax-ის ტიპის 80–119 ათასი ტონა დედვეიტის გემების მიღება და გაზარდოს ნავთობის გადაზიდვის პარტიები. სადღეისოდ ტერმინალს მხოლოდ 45 ათასი ტონა ტვირთამწეობის გემების მიღება შეუძლია“, - წერს სატრანსპორტო დერეფნის კვლევის ცენტრი.

1741871786

საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.საბაჟო კონტროლის ფარგლებში, საზღვარზე უკანონოდ ოქროს ნაკეთობების შემოტანის კიდევ 3 ფაქტი აღიკვეთა სგპ ,,სარფში". საქართველოს რამდენიმე  მოქალაქე საერთო ჯამში, 170,08 გრამი არადეკლარირებული ოქროს საიუველირო ნაკეთობების შემოტანას, საბაჟო კონტროლის გვერდის ავლით, სპეციალურად მოწყობილი სამალავებით (მათ შორის ფეხსაცმლის ლანჩის ქვეშ არსებულ სივრცეში მოთავსებული იყო 35.61 გრამი) შეეცადა.ზემოაღნიშნული ფაქტების აღკვეთის შედეგად, გამოვლენილმა არადეკლარირებული საქონლის საერთო საბაჟო ღირებულებამ 95 425,93 ლარი შეადგინა.სამართალდამრღვევი საქართველოს მოქალაქის საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა ხოლო, საქართველოს 2 მოქალაქეს საბაჟო კოდექსის 168 მუხლის I ნაწილის შესაბამისად, სანქციის სახით, ფულადი ჯარიმა ჯამში 20 130,16 ლარის ოდენობით შეეფარდათ.

1741870592

ურთიერთთანამშრომლობის მემორანდუმის ფარგლებში განხორციელდება სტუდენტებისა და პერსონალის კვალიფიკაციის ამაღლებასთან და პროფესიული უნარ-ჩვევების გამომუშავებასთან დაკავშირებული ერთობლივი ღონისძიებები. აღნიშნული, საავტომობილო დარგში განხორციელებული და მიმდინარე რეფორმების  ფარგლებში, სტუდენტების განვითარებისთვის მჭიდრო სამეცნიერო - პედაგოგიურ და პრაქტიკულ თანამშრომლობას, ასევე დარგში კვალიფიციური პერსონალის დაკომპლექტებას უზრუნველყოფს.შეხვედრისას ყურადღება გამახვილდა  სასერტიფიკატო პროგრამებზე, რაც საავტომობილო დარგში დასაქმებულთა სატესტო/საგამოცდო პროგრამების შემუშავებასა და სამეცნიერო საბჭოებზე დამტკიცების პროცედურების წარმართვას გულისხმობს. მხარეებმა ასევე განიხილეს საგზაო უსაფრთხოების, ტრანსპორტისა და ლოგისტიკის ეროვნული სტრატეგიების  იმპლემენტაციისას ტექნიკური უნივერსიტეტის აკადემიური პერსონალის, სამუშაო ჯგუფებსა თუ კომისიებში ჩართულობის შესაძლებლობებიც.ლევან გამყრელიძემ მადლობა გადაუხადა უნივერსიტეტის ადმინისტრაციას თანამშრომლობისთვის  და აღნიშნა, რომ ეს შეთანხმება მნიშვნელოვანია როგორც სააგენტოსთვის, რადგან საავტომობილო დარგი ახალი, კვალიფიციური ადამიანური რესურსით შეივსება, ასევე უნივერსიტეტის შესაბამისი საგანმანათლებლო ერთეულების - ამ შემთხვევაში სატრანსპორტო სისტემების და მექანიკის ინჟინერიის ფაკულტეტის სტუდენტებისთვის, რომლებიც შეძლებენ ახალი პროფესიების დაუფლებას და შემდგომში დასაქმებას.ღონისძიებას სახმელეთო ტრანსპორტის სააგენტოს და სტუ-ის ადმინისტრაციის წარმომადგენლები, სატრანსპორტო სისტემებისა და მექანიკის ინჟინერიის ფაკულტეტის საავტომობილო ტრანსპორტის და ლოგისტიკის პროგრამის პროფესორ-მასწავლებლები და სტუდენტები ესწრებოდნენ.

1741869637

წლევანდელი ფორუმი, რომელშიც ევროკავშირის წევრი და კანდიდატი ქვეყნების ცენტრალური ბანკების პრეზიდენტები და ვიცე-პრეზიდენტები მონაწილეობდნენ, ფოკუსირებული იყო ევროპის საინვესტიციო პრიორიტეტებზე და საინვესტიციო საჭიროებების დასაკმაყოფილებლად საუკეთესო პრაქტიკებისა და ეფექტური სტრატეგიების იდენტიფიცირებაზე.ფორუმის მიზანს წარმოადგენდა ევროპის ერთიანი ბაზრის გაძლიერებისათვის საჭირო რესურსების მობილიზების მხარდაჭერა და შესაძლო ეკონომიკური ფრაგმენტაციის თავიდან აცილება.EIB ჯგუფის ფორუმის ფარგლებში ევროპარლამენტარებმა, სხვადასხვა ქვეყნის ცენტრალური ბანკების წარმომადგენლებმა და დაინტერესებულმა მხარეებმა ბიზნეს და საფინანსო სექტორებიდან ინდუსტრიის დეკარბონიზაციის, ხელოვნური ინტელექტის განვითარების, კაპიტალის ბაზრების გაერთიანების, უსაფრთხოებისა და ინოვაციების ხელშეწყობის მექანიზმებზე იმსჯელეს.პანელური დისკუსიის ფარგლებში, სხვადასხვა სფეროს წარმომადგენლებმა ასევე განიხილეს გლობალური ეკონომიკური გამოწვევები და ერთმანეთს გაუზიარეს გამოცდილება ინვესტიციების მოზიდვის ხელშეწყობის ეფექტური გადაწყვეტილებების მიმართულებით. „სწრაფი ტექნოლოგიური ცვლილებებისა და გლობალიზაციის ეპოქაში, საქართველოს ეროვნული ბანკის ძალისხმევას არ იშურებს ღია ფინანსების ეკოსისტემის განვითარებისკენ და სხვადასხვა სახის ფინანსურ პროდუქტებზე მომხმარებელთა ხელმისაწვდომობის გაზრდის მიზნით ახალი სერვისების დანერგვაზე. ასევე აღსანიშნავია, რომ ჩვენი მანდატის ფარგლებში სებ-ი მუდმივად ზრუნავს ბაზარზე ახალი მოთამაშეებისთვის ბარიერების შემსუბუქებასა და თანამედროვე ფინანსური ინფრასტრუქტურის განვითარებაზე ისეთი პროექტებით, მათ შორის როგორიცაა ღია ბანკინგი, რეგულირების ლაბორატორია და სხვა, რაც ხელს შეუწყობს მდგრადი და უსაფრთხო საინვესტიციო გარემოს შექმნას“, - აღნიშნა ნინო ჯელაძემ.

1741866706

პროექტის ჯამური ღირებულება 8 მლნ დოლარია.„მეტროპოლ ბაგები“ ბაგებში, წყნეთისა და ნაფეტვრების სიახლოვეს, 2,500 კვ.მ ფართობ ტერიტორიაზე, 14 სართულიანი საცხოვრებელი კომპლექსია. ის  ჯამში 96 ბინას აერთიანებს. აღნიშნული პროექტი სამშენებლო ინდუსტრიის უახლესი ტენდენციებით დაიგეგმა, რომლის მთავარი პრიორიტეტი ენერგოეფექტურობა, ჭკვიანი სახლის სისტემა, თანამედროვე სამშენებლო მასალები და უსაფრთხოების მაქსიმალური მონიტორინგია.„დეველოპერული კომპანია „მეტროპოლი“ 2022 წელს დაფუძნდა. კომპანია ქვეყნის მასშტაბით ოთხ პროექტს ახორციელებს. „მეტროპოლ ბაგების“  მშენებლობა 2024 წელს დასრულდა. ამჯერად, თბილისში ორი საცხოვრებელი კომპლექსის ,,მეტროპოლ ორთაჭალას”, და „მეტროპოლ ქავთარაძის“ მშენებლობა მიმდინარეობს, ხოლო ბათუმში „მეტროპოლ კუბი“ და „მეტროპოლ ოვალი“ შენდება, სადაც ფრანგულ კომპანიასთან, Louvre Hotels Group-თან თანამშრომლობით 5-ვარსკვლავიანი სასტუმრო Royal Tulip განთავსდება. ბათუმშივე დაიწყება ახალი პროექტის „პარალელის“ მშენებლობა, რომელიც პანორამული ხედებით ახალი საცხოვრებელი კორპუსი იქნება. აღსანიშნავია, რომ „მეტროპოლის“ მშენებლობების ჯამური ფართი 545 000 კვ.მ-ზე მეტია და მთლიანობაში 3500 ბინას მოიცავს.  ჩვენ მიერ განხორციელებული ჯამური ინვესტიცია კი 1 050 000 000 ლარს შეადგენს. დღეის მონაცემებით, კომპანია 2000-მდე დასაქმებულს აერთიანებს. ჩვენი ყველა პროექტი, მათ შორის „მეტროპოლ ბაგები“ სამშენებლო ინდუსტრიის უახლესი ტენდენციებით იგეგმება და უმაღლესი ხარისხის, საერთაშორისო სტანდარტების შესაბამისი მასალებით ხორციელდება. საქართველოს ბანკთან ჩვენი კომპანიის დაარსების დღიდან ვთანამშრომლობთ, და ძალიან ვაფასებთ ამ პარტნიორობას, რადგან ფინანსური ინვესტიციის გარდა, მაღალ პროფესიულ გამოცდილებასა და დამოკიდებულებას ვიღებთ“, - განაცხადა მამუკა იმედაშვილმა, ,,მეტროპოლის” გენერალური დირექტორის მოადგილემ.“საქართველოს ბანკი მრავალი წელია სამშენებლო და დეველოპერული სექტორის მხარდამჭერია. კომპანია მეტროპოლთან ერთად არაერთი პროექტი განგვიხორციელებია და კვლავ ვაგრძელებთ პარტნიორობას, ამჯერად ჩვენთან თანამშრომლობით, ბაგებში, საცხოვრებელი კომპლექსი აშენდა.  ბანკის მიერ განხორციელებული ინვესტიცია 800 000 დოლარს შეადგენს, რაც სრულად სამშენებლო სამუშაოების განხორციელებას მოხმარდა. ისევე როგორც „მეტროპოლის“ სხვა პროექტებში, ამ შემთხვევაშიც გათვალისწინებულია ენერგოეფექტურობის კომპონენტი. პროექტი განხორციელდა უმაღლესი ხარისხის მასალებისგან, რომელიც ერთის მხრივ ჯანმრთელობისთვის ხელსაყრელ გარემოს ქმნის, მეორეს  მხრივ კი, მნიშვნელოვნად ამცირებს ელექტროენერგიის დანახარჯებს. კომპანია სამომავლოდ მასშტაბური პროექტების განხორციელებას გეგმავს, როგორც თბილისში, ასევე ბათუმში. გვინდა წარმატებები ვუსურვოთ გუნდს, ჩვენ კი არ ვჩერდებით და ვაგრძელებთ ბიზნესების მხარდაჭერას, რადგან მიგვაჩნია რომ ძლიერი ბიზნესი ქვეყნის ეკონომიკური განვითარების საწინდარია“, - განაცხადა საქართველოს ბანკის კორპორაციული გაყიდვების სექტორის უფროსმა, ირაკლი კიკალიშვილმა.

1741865470

კომპანია 7 მარტიდან აზღვევს მოსახლეობას.TBC Sug’urta 2024 წლის 4 მარტს დარეგისტრირდა. მისი საწესდებო კაპიტალი 22 მლრდ სუმს ($1,7 მლრდ) შეადგენს. კომპანიას ეკატერინე ლოტუაშვილი ხელმძღვანელობს.

1741863175

პროდუქტი ბაზარზე ორი სახით არის წარმოდგენილი: დახურული და ღია თამასუქი. დახურულის შემთხვევაში, მომხმარებელს თანხა მხოლოდ ხელშეკრულების ვადის ამოწურვის შემდეგ გააქვს, ხოლო თუ იგი ღია პროდუქტით სარგებლობს, მისი გატანა ხელშეკრულების მოქმედების პერიოდში, ნებისმიერ დროს შეუძლია. „მონეტა“ ლარში, ევროსა და აშშ დოლარში გაიცემა. მისი მინიმალური ოდენობა 100,000 ლარია (ან მისი ეკვივალენტი აშშ დოლარში ან ევროში), მაქსიმალური კი — 3, 000,000 ლარი (ან მისი ეკვივალენტი აშშ დოლარში ან ევროში). "მონეტა" საინვესტიციო მექანიზმია, რომლის მთავარი უპირატესობა სანდოობა და მაღალი საპროცენტო სარგებელია: 13 %-მდე ეფექტური ლარში, 6.25 %-მდე ეფექტური დოლარში, 4.75 %-მდე ეფექტური ევროში.რაც შეეხება ვადებს, „მონეტა“ მინიმუმ 3 და მაქსიმუმ 24 თვით იხსნება, ხოლო სარგებლის რეალიზაცია ყოველთვიურად ან ვადის ბოლოსაა შესაძლებელი. პროდუქტი განკუთვნილია როგორც ფიზიკური, ისე იურიდიული პირებისთვის.აღსანიშნავია ისიც, რომ დანაზოგის ინვესტირების განსხვავებული შესაძლებლობების შექმნასთან ერთად, „მონეტა“ მომხმარებლებში თანხის დაგროვებისა და დაზოგვის კულტურის ჩამოყალიბებასაც უწყობს ხელს.  მოზიდული ინვესტიციებით „კრისტალი“ ახალ ბიზნესსაქმიანობებს დააფინანსებს და პროდუქტის მომხმარებლებს შესაძლებლობას მისცემს, ადგილობრივი მეწარმეობის განვითარებაში, ფინანსური რესურსების გადანაწილებასა და ხელმისაწვდომობის გაზრდაში მონაწილეობა თავადაც მიიღონ. განსხვავებულ, თანამედროვე, სანდო საინვესტიციო პროდუქტებზე მოთხოვნა სულ უფრო იზრდება. „კრისტალიც“ მიმდინარე წლის განმავლობაში „მონეტას“დახმარებით მნიშვნელოვანი რესურსის მობილიზებას გეგმავს. კრისტალის სტაბილური განვითარება, საფინანსო ბაზარზე 27 წლიანი გამოცდილება და სანდო რეპუტაცია, რომელიც კომპანიას მომხმარებლებს შორის აქვს, „მონეტას“ პოპულარიზაციის ერთ-ერთი მნიშვნელოვან ფაქტორია. რატომ უნდა აირჩიოთ საინვესტიციო პროდუქტი „მონეტა“? კაპიტალის ზრდა- დროთა განმავლობაში თქვენი ინვესტიცია მნიშვნელოვნად იზრდება. ფინანსური სტაბილურობა- უზრუნველყოფს თქვენი ფინანსების მდგრად ზრდასა და უსაფრთხო განვითარებას. პასიური შემოსავალი- ინვესტირებული თანხა მუშაობს თქვენთვის, თქვენი დამატებითი ძალისხმევის გარეშე. დაგვიტოვეთ ნომერი აქ https://bit.ly/4i7hx58 დეტალური ინფორმაცია იხილეთ აქ https://bit.ly/41ZR2HF “კრისტალის” შესახებ:კრისტალმა 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. მიკრობანკის ლიცენზიის მიღებამდე, კომპანია ქართულ საფინანსო ბაზარზე სს მიკროსაფინანსო ორგანიზაციის სტატუსით ოპერირებდა. ლიცენზიის მიღებას კრისტალი 520 მილიონი ლარის სასესხო პორტფელით, 48 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 105 000 -ზე მეტი უნიკალური მომხმარებებლით შეხვდა. კრისტალის ისტორია 1998 წელს იწყება, მაშინ, როცა აფხაზეთიდან იძულებით გადაადგილებულ პირთა მიერ ადგილობრივი არაკომერციული ორგანიზაცია - საქველმოქმედო ჰუმანიტარული ცენტრი „აფხაზეთი“ დაფუძნდა, რომელმაც წამოიწყო მიკრო დაკრედიტების საპილოტე პროგარამა. ფონდის სასესხო კაპიტალი მაშინ სულ რაღაც $10,000 დოლარს შეადგენდა. თითქმის 27 წლის მანძილზე ორგანიზაციამ ხანგრძლივი, გამოწვევებით და მრავალი წარმატებით სავსე პერიოდი გაიარა.

1741857508