სარეზერვო აქტივები $6.3 მლრდ-მდეა

ალექსეევი რუსეთის სამხედრო დაზვერვის უფროსის მოადგილეა. მისი ხელმძღვანელი, იგორ კოსტიუკოვი, სათავეში უდგას რუსეთის დელეგაციას აბუ-დაბიში უკრაინასთან მიმდინარე მოლაპარაკებებზე, რომლებიც პოტენციური სამშვიდობო შეთანხმების უსაფრთხოების ასპექტებს ეხება. მოსკოვის პროკურატურის განცხადებით, საბჭოთა უკრაინაში დაბადებულ ალექსეევს მოსკოვის ჩრდილო-დასავლეთით მდებარე საცხოვრებელ კორპუსთან უცნობმა პირმა რამდენჯერმე ესროლა და შემთხვევის ადგილიდან მიიმალა.Reuters წერს, რომ უკრაინაში ომის დაწყების შემდეგ რამდენიმე მაღალი რანგის რუსი ოფიცერი იქნა მოკლული, რაშიც მოსკოვი კიევს ადანაშაულებს. ზოგიერთ შემთხვევაში თავდასხმებზე პასუხისმგებლობა უკრაინის სამხედრო დაზვერვამ აიღო.2024 წლის დეკემბრიდან მოყოლებული, მოსკოვში ან მის მახლობლად ალექსეევის რანგის (გენერალ-ლეიტენანტი) კიდევ სამი ოფიცერი მოკლეს.მომხდარმა თავდასხმებმა რუსი გავლენიანი „ომის ბლოგერების“ რისხვა გამოიწვია. მათ გაუჩნდათ კითხვები იმის შესახებ, თუ რატომ არ არის უზრუნველყოფილი ასეთი მაღალი რანგის პირთა სათანადო დაცვა. სულ მცირე ორ შემთხვევაში, სამიზნეები საკუთარ სახლებთან მოკლეს. გენერალური შტაბის არმიის წვრთნების სამმართველოს უფროსი, გენერალ-ლეიტენანტი ფანილ სარვაროვი, 22 დეკემბერს საკუთარ ავტომობილში ჩამონტაჟებული ბომბის აფეთქების შედეგად დაიღუპა.ალექსეევი პასუხისმგებელი იყო თავდაცვის სამინისტროსა და ევგენი პრიგოჟინის „ვაგნერის“ დაჯგუფებას შორის ურთიერთობებზე. „ვაგნერი“ უკრაინის ომის ადრეულ ეტაპზე ყველაზე სასტიკ ბრძოლებში მონაწილეობდა.პრიგოჟინი მკაცრად აკრიტიკებდა თავდაცვის უწყების ხელმძღვანელობას და 2023 წლის ივნისში ამბოხება მოაწყო. სწორედ ალექსეევი იყო ერთ-ერთი იმ მაღალჩინოსანთაგან, რომლებიც მასთან მოსალაპარაკებლად გაგზავნეს. ამბოხება უშედეგოდ დასრულდა, ხოლო თავად პრიგოჟინი ორი თვის შემდეგ ავიაკატასტროფაში დაიღუპა.

1770376685

შეხვედრაზე სახელმწიფოს მეთაურმა ხაზგასმით აღნიშნა, რომ დღეს მსოფლიოს მრავალ წერტილში ომები და კონფლიქტები გრძელდება, თუმცა, აზერბაიჯანის ინიციატივის წყალობით, სამხრეთ კავკასიაში მშვიდობა უკვე დამყარდა. მან გამოთქვა რწმენა, რომ ამას დიდი მნიშვნელობა აქვს ირანისთვის, რომელიც ესაზღვრება როგორც აზერბაიჯანს, ისე სომხეთს.„ჩვენ გვსურს მშვიდობა მთელ მსოფლიოში, სისხლის ღვრისა და ომების გარეშე“, - განაცხადა პრეზიდენტმა ილჰამ ალიევმა და ხაზი გაუსვა, რომ აზერბაიჯანი ომიდან მშვიდობაზე წარმატებული გადასვლის მაგალითია.ამასთან, ირანის პრეზიდენტთან სატელეფონო საუბრისას ალიევმა აღნიშნა, რომ აზერბაიჯანი შეშფოთებულია რეგიონში არსებული ვითარებით და მზად არის აღმოუჩინოს მხარდაჭერა დაძაბულობის დეესკალაციის პროცესს.

1770374323

პრეზიდენტის ადმინისტრაციის განმარტებით, მიხეილ ყაველაშვილი და მაკა ბოჭორიშვილი საერთაშორისო ოლიმპიური კომიტეტის წევრის, კირსტი ქოვენთრის მასპინძლობით გამართულ მიღებას დაესწრნენ. სწორედ აღნიშნული ღონისძიების ფარგლებში შედგა მათი კომუნიკაცია სხვადასხვა ქვეყნის ლიდერებთან, მათ შორის აშშ-ის ადმინისტრაციის მაღალი რანგის წარმომადგენლებთან.ვიზიტის ფარგლებში დაგეგმილია სხვა მაღალი დონის შეხვედრებიც. კერძოდ, მიხეილ ყაველაშვილი დაესწრება საზეიმო ვახშამს, რომელიც იტალიის პრეზიდენტის, სერჯო მატარელას სახელით, ზამთრის XXV ოლიმპიური თამაშების გახსნის ცერემონიაზე დამსწრე უცხო სახელმწიფოების მეთაურების პატივსაცემად გაიმართება.შეგახსენებთ, რომ ზამთრის ოლიმპიური თამაშების მასპინძელი წელს იტალიაა, სადაც მსოფლიო ლიდერები სპორტული ღონისძიების პარალელურად არაოფიციალურ დიპლომატიურ შეხვედრებს მართავენ.

1770368171

Reuters წერს: მიუხედავად იმისა, რომ ორივე მხარემ გამოხატა მზადყოფნა დიპლომატიის აღსადგენად თეირანის დასავლეთთან ხანგრძლივი ბირთვული დავის გარშემო, ვაშინგტონს სურს, რომ მოლაპარაკებები მოიცავდეს ირანის ბირთვულ პროგრამას, მის ბალისტიკურ რაკეტებს, რეგიონის მასშტაბით შეიარაღებული ჯგუფების მხარდაჭერასა და „საკუთარი ხალხისადმი მოპყრობას“, განაცხადა ოთხშაბათს აშშ-ის სახელმწიფო მდივანმა მარკო რუბიომ. ირანმა კი აღნიშნა, რომ სურს საგარეო საქმეთა მინისტრმა აბას არაღჩიმ და აშშ-ის სპეციალურმა წარმომადგენელმა ახლო აღმოსავლეთში, სტივ უიტკოფმა, მასკატში მხოლოდ ბირთვული საკითხები განიხილონ.„ირანი დიპლომატიაში ღია თვალებითა და გასული წლის მყარი მეხსიერებით ერთვება. ჩვენ კეთილსინდისიერად ვმონაწილეობთ და მტკიცედ ვდგავართ ჩვენს უფლებებზე. ვალდებულებები უნდა შესრულდეს“, - დაწერა მოლაპარაკებების დაწყებამდე არაღჩიმ X-ზე. „თანასწორი პოზიცია, ორმხრივი პატივისცემა და საერთო ინტერესები არა რიტორიკა, არამედ აუცილებლობა და მდგრადი შეთანხმების საყრდენებია“.ივნისში, შეერთებულმა შტატებმა ირანის ბირთვულ ობიექტებზე დარტყმები განახორციელა და ისრაელის 12-დღიანი დაბომბვის დასკვნით ეტაპს შეუერთდა."თეირანმა მას შემდეგ განაცხადა, რომ ურანის გამდიდრების სამუშაოები შეჩერებულია. თეირანის ხელმძღვანელობა კვლავ ღრმად არის შეშფოთებული, რადგან აშშ-ის პრეზიდენტმა დონალდ ტრამპმა შესაძლოა მაინც შეასრულოს მუქარა ირანზე დარტყმის შესახებ, ირანის მახლობლად აშშ-ის სამხედრო-საზღვაო ძალების კონცენტრაციის ფონზე", - წერს Reuters.აშშ-ის საზღვაო ძალების გაძლიერება, რომელსაც ტრამპმა მასშტაბური „არმადა“ უწოდა, მოჰყვა გასულ თვეში ირანში ქვეყნის მასშტაბით მიმდინარე პროტესტების სისხლიან დარბევას, რამაც ვაშინგტონსა და თეირანს შორის დაძაბულობა კიდევ უფრო გაამწვავა.თეთრი სახლის პრესმდივანმა კაროლინ ლივიტმა ხუთშაბათს ჟურნალისტებს განუცხადა, რომ ტრამპს სურს დაადგინოს, არის თუ არა შესაძლებელი გარიგების დადება, თუმცა ირანის რეჟიმი გააფრთხილა: „სანამ ეს მოლაპარაკებები მიმდინარეობს, მინდა შევახსენო ირანის რეჟიმს, რომ პრეზიდენტს, როგორც მსოფლიო ისტორიაში ყველაზე ძლიერი სამხედრო ძალის მთავარსარდალს, დიპლომატიის გარდა მრავალი სხვა ვარიანტი აქვს“.ტრამპმა გააფრთხილა ირანი, რომ თუ შეთანხმება ვერ მოხერხდება, სავარაუდოდ, „ცუდი ამბები“ მოხდება. ამან გაზარდა ზეწოლა ისლამურ რესპუბლიკაზე დაპირისპირებაში, რასაც საჰაერო დარტყმების ორმხრივი მუქარა მოჰყვა. ირანმა პირობა დადო, რომ ნებისმიერ სამხედრო დარტყმაზე მკაცრი პასუხი ექნება და გააფრთხილა მეზობელი ქვეყნები, რომლებიც მასპინძლობენ აშშ-ის ბაზებს, რომ ისინი შესაძლოა ცეცხლის ხაზზე აღმოჩნდნენ, თუ თავდასხმაში ჩაერთვებიან.„ძალიან რთულია იმის დანახვა, რომ მათ ხვალინდელ მოლაპარაკებებზე საკმარის დათმობებზე წავიდნენ იმისთვის, რომ აშშ-მა დამაჯერებლად განაცხადოს გარღვევის შესახებ. სწორედ აქედან გამომდინარე, ვფიქრობ, სამხედრო კონფლიქტი უფრო სავარაუდოა, ვიდრე არა“, - განაცხადა ედმუნდ ფიტონ-ბრაუნმა, ვაშინგტონში მოქმედი ანალიტიკური ცენტრის (FDD) უფროსმა მკვლევარმა.ურანის გამდიდრებაReuters წერს: ომანში მომლაპარაკებლებს მოუწევთ გვერდი აუარონ ირანის „წითელ ხაზს“ სარაკეტო პროგრამის განხილვაზე, რათა მიაღწიონ შეთანხმებას და თავიდან აიცილონ მომავალი სამხედრო მოქმედებები. თეირანმა კატეგორიულად გამორიცხა მოლაპარაკებები მის „თავდაცვის შესაძლებლობებზე, მათ შორის რაკეტებსა და მათ რადიუსზე“.მოლაპარაკებების დაწყებამდე რამდენიმე საათით ადრე, ირანის სახელმწიფო ტელევიზიამ განაცხადა, რომ ქვეყნის ერთ-ერთი ყველაზე მოწინავე შორ მანძილზე მოქმედი ბალისტიკური რაკეტა „ხორამშაჰრ 4“ რევოლუციური გვარდიის ერთ-ერთ ვრცელ მიწისქვეშა სარაკეტო კომპლექსში განათავსეს. თუმცა, გასულ კვირას ირანელმა ოფიციალურმა პირებმა Reuters-ს განუცხადეს, რომ თეირანი მზად არის აჩვენოს „მოქნილობა ურანის გამდიდრებაზე, მათ შორის 400 კგ მაღალგამდიდრებული ურანის (HEU) გადაცემასა და კონსორციუმის ფარგლებში ნულოვანი გამდიდრების მიღებაზე“. ამავდროულად, ირანი დაჟინებით მოითხოვს, რომ ურანის გამდიდრების უფლება არ ექვემდებარება განხილვას.ირანი აცხადებს, რომ მისი ბირთვული საქმიანობა მშვიდობიანი მიზნებისთვისაა და არა სამხედრო, მაშინ როცა აშშ და ისრაელი მას ბირთვული იარაღის შექმნის მცდელობებში ადანაშაულებენ.თეირანის გავლენა რეგიონში საგრძნობლად შესუსტდა მისი რეგიონული მოკავშირეების - ე.წ. „წინააღმდეგობის ღერძის“ (ჰამასი ღაზაში, ჰეზბოლა ლიბანში, ჰუსიტები იემენში და დაჯგუფებები ერაყში) წინააღმდეგ ისრაელის თავდასხმებით, ისევე როგორც ირანის ახლო მოკავშირის, სირიელი დიქტატორის ბაშარ ალ-ასადის დამხობით.

1770366636

სოციალური პაკეტის მიმღებთა რიცხოვნობამ 187.8 ათასი შეადგინა, რომელთაგან 32.8% ქალია, ხოლო 67.2% - კაცი. სოციალური პაკეტის დანიშვნის საფუძვლების 69.5% შეზღუდული შესაძლებლობაა, 17.5% - ომის მონაწილე, 10.9% - მარჩენალდაკარგული ოჯახის წევრი, ხოლო 2.1% - სხვა.ამასთან, საქსტატის მონაცემებით, სოციალური პაკეტის მიმღები შეზღუდული შესაძლებლობის სტატუსის მქონე პირების რიცხოვნობა 134.7 ათასი იყო.სოციალური პაკეტის მიმღებთა 27.6% - თბილისშია, 15.6% - იმერეთში, 12.6% - აჭარის არ-ში, 9.3% - სამეგრელო-ზემო სვანეთში, დანარჩენ რეგიონებში კი ჯამში 34.9%-ია.2025 წელს, მიზნობრივი სოციალური დახმარების პროგრამის მონაცემთა ბაზაში რეგისტრირებული ოჯახების რაოდენობამ 397.1 ათასი შეადგინა. საარსებო შემწეობის მიმღები ოჯახების რაოდენობა 129.5 ათასი იყო, ხოლო საზოგადოებრივი დასაქმების ხელშეწყობის სახელმწიფო პროგრამაში ჩართული ოჯახების რაოდენობა, რომლებსაც გარანტირებულად უნარჩუნდებათ სოციალურად დაუცველის სტატუსი - 54.8 ათასი.რეგიონების მიხედვით ყველაზე მეტი რეგისტრირებული ოჯახი თბილისშია - 79.6 ათასი, საიდანაც დახმარების მიმღებია 33.5 ათასი.

1770364593

მათ შორის: საცხოვრებელი სეგმენტის ინდექსი წინა თვესთან შედარებით გაიზარდა 2.5%-ით, ხოლო წინა წლის შესაბამის თვესთან შედარებით 6.3%-ით არასაცხოვრებელი სეგმენტის ინდექსი წინა თვესთან შედარებით გაიზარდა 1.8%-ით, ხოლო წინა წლის შესაბამის თვესთან შედარებით 8.8%-ით სამოქალაქო სეგმენტის ინდექსი წინა თვესთან შედარებით გაიზარდა 3.3%-ით, ხოლო გასული წლის შესაბამის თვესთან შედარებით 2.9%-ით საქსტატის მონაცემებით, 2025 წლის დეკემბერში მშენებლობის ღირებულების ინდექსი წინა თვესთან შედარებით 2.7%-ით გაიზარდა. აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 15.3%-იანი ზრდით, რამაც 2.78 პ.პ. შეიტანა ჯამური ინდექსის ცვლილებაში.წინა წლის შესაბამის თვესთან შედარებით მშენებლობის ღირებულების ინდექსი გაიზარდა 5.2%-ით. ინდექსის ზრდა, უმეტესწილად, გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 23.9%-იანი მატებით და სხვა ხარჯების კატეგორიის 4%-იანი ზრდით, რამაც შესაბამისად, 5.09 და 0.24 პ.პ. შეიტანა ჯამური ინდექსის ცვლილებაში. ამასთან, 2022 წლის თებერვალთან შედარებით მშენებლობის ღირებულების ინდექსი გაიზარდა 29.2%-ით.

1770361924

ღვინის ეროვნული სააგენტოს თავმჯდომარის, ლევან მეხუზლას განცხადებით, 2026 წლის რთველის დროს ყურძნის სამი განსხვავებული ფასი დაწესდება. ფასი პირდაპირ იქნება მიბმული ყურძნის კონდიციურობაზე, რადგან მაღალი ხარისხის ღვინის მისაღებად კრიტიკულად მნიშვნელოვანია ნედლეულის სათანადო სიმწიფე.„ყურძენი, რომლითაც ღვინო მზადდება, არ უნდა იყოს 17%-ზე დაბალი შაქრიანობის. ხარისხიანი ღვინის მისაღებად აუცილებელია, ყურძენი მივიდეს საჭირო სიმწიფემდე“, - აღნიშნა ლევან მეხუზლამ.საკანონმდებლო ცვლილებები და ვენახების კონტროლირეფორმის ფარგლებში იგეგმება ცვლილებები „ვაზისა და ღვინის შესახებ“ საქართველოს კანონში. ერთ-ერთი მთავარი სიახლე სამეწარმეო ვენახების გაშენებაზე ნებართვის შემოღებაა. მიმდინარე წლიდან, კომერციული მიზნით ვენახის გაშენებისთვის აუცილებელი იქნება ღვინის ეროვნული სააგენტოს თანხმობა.სააგენტოს თავმჯდომარის განმარტებით, აღნიშნული გადაწყვეტილება ბაზარზე არსებულმა მაღალმა კონკურენციამ და გლობალურად ღვინის მოხმარების შემცირებამ განაპირობა. კონტროლი დაწესდება შემდეგ პარამეტრებზე: ნიადაგის ვარგისიანობა ნაკვეთის ექსპოზიცია და მდებარეობა ვაზის ნერგების ხარისხი და სტანდარტებთან შესაბამისობა ვინ შეეხება ცვლილებები?ახალი რეგულაციები მხოლოდ ახალ, სამეწარმეო ვენახებს შეეხება და არ გავრცელდება უკვე გაშენებულ ფართობებზე. ლევან მეხუზლას თქმით, რადგან ახლა ვენახების ფორმირების პერიოდია, მევენახეებმა დაგეგმილი ცვლილებები სამუშაოების დაწყებამდე უნდა გაითვალისწინონ.„ჩვენი რეფორმები გათვლილია დარგის მომავალსა და განვითარებაზე. ბოლო ათწლეულში ვენახების ფართობები სპონტანურად გაიზარდა, ახლა კი პრიორიტეტი ხარისხია, რაც საშუალებას მოგვცემს, საერთაშორისო ბაზარზე კონკურენტუნარიანი პროდუქცია წარვადგინოთ“, - განაცხადეს სააგენტოში.

1770355080

ადგილობრივ ვალუტაში იპოთეკა გაიაფებულია.სებ-ის თვის მიმოხილვით, ეროვნული ვალუტით გაცემული იპოთეკური სესხების საპროცენტო განაკვეთი 0.2 %პ-ით, 12.1%-მდე შემცირდა. კლებაა გასულ წელთან შედარებითაც,  შარშან 12,6% იყო.ბანკების იპოთეკური სესხების პორტფელი, 01.01/2026-ის მდგომარეობით, 13.4 მლრდ ლარია და მათ შორის ლარში გაცემულია 9.3 მლრდ ლარი.დეკემბერში გაზრდილია არარეზიდენტების დაკრედიტება. უცხოურ ვალუტაში გაცემულია 40 მლნ -მდე ლარის ეკვივალენტი. 220 იპოთეკური სესხი. ლარში კი 55, სულ, 8 მილიონის.

1770312129