სებმა კიდევ ერთი მისო დააჯარიმა

ყველაზე მეტი, 01.06.2024-ის მდგომარეობით, თიბისის უჭირავს, 6.3 მლრდ ლარის.მარტიდან სებ-მა ახალი ბუფერი აამოქმედდა, კონტრციკლური.0.25% განაკვეთით ნამეტი რეზერვი ბანკებს მოეთხოვება. მომავალში მიკრობანკსაც (ბანკად ტრანსფორმაციას, მისოები MBC და კრისტალი აპირებენ).ციფრული ბანკები ამ და კაპიტალის სხვა რეგულაციებისგან თავისუფალია.0.25% პირველი ეტაპია  1%-იანი კაპიტალის მოთხოვნის, რომელიც 4 წელზე  გადანაწილდა და  2025-ის 15 მარტამდე იმოქმედებს.შემდეგ გაორმაგდება და 0.5% განაკვეთი იმოქმედებს 2026 წლამდე . სრულ 1%-ს კი 2027 წლის 15 მარტს გაუტოლდება (სხვა თანაბარ პირობებში, თუ რამე არ შეიცვალა). 

1719850080

ISO-ს სტანდარტის მოთხოვნებთან შესაბამისობის დადგენის მიზნით, შპს „მენეჯმენტის სისტემების“ აუდიტორის მიერ 2024 წლის მაისში განხორციელდა შიდა აუდიტი, ივნისში კი საერთაშორისო აუდიტორების მიერ დისტანციურად განხორციელდა საკონტროლო აუდიტი. ორივე სახის აუდიტი წარმატებით დასრულდა და ცესკომ შეინარჩუნა მის მიერ მოპოვებული საერთაშორისო სერტიფიკატი.აუდიტის შედეგად კიდევ ერთხელ დადასტურდა, რომ ადმინისტრაციის მიზნები, ამოცანები, მონიტორინგი და ანგარიშგება შეესაბამება ხარისხის მენეჯმენტის მიერ მოთხოვნილ ყველა სტანდარტს.როგორც აუდიტის დასკვნაშია ნათქვამი - „საარჩევნო პროცესში მუდმივად ინერგება სიახლეები და დაინტერესებულ მხარეებს მუდმივად მიეწოდებათ ხარისხზე ორიენტირებული, გამჭვირვალობისადმი მიმართული მომსახურება. აღსანიშნავია, რომ ორგანიზაცია მუდმივად ზრუნავს გაუმჯობესებაზე და ახორციელებს მთელ რიგ ინოვაციურ პროექტებს“.ცენტრალურმა საარჩევნო კომისიამ ISO სერტიფიკატი 2019 წელს მიიღო, რითაც დადასტურდა, რომ ცესკოს ხარისხის მართვის სისტემა სრულად შეესაბამებოდა საერთაშორისო სტანდარტის - ISO 9001:2015 მოთხოვნებს.

1719844175

კონფერენციაში მონაწილეობის მსურველთა მიღების, შერჩევისა და რეგისტრაციის ოთხ თვიანი პროცესი დასრულდა.  კონფერენციაში მონაწილეობის სურვილი 130-მა ქართველმა და უცხოელმა საერთაშორისო დონის მკვლევარმა გამოთქვა. კონფერენციის სამეცნიერო კომიტეტმა, რომელიც ქართველი და უცხოელი ეკონომისტებისგან არის დაკომპლექტებული, მიღებული განაცხადებიდან 63 საუკეთესო სამეცნიერო ნაშრომის ავტორი შეარჩია, რომლებიც მათ მიგნებებს უკვე ფართო აუდიტორიას, 2-3 ივლისს, თბილისში, კონფერენციაზე წარუდგენენ.  ამ მეცნიერთა ნაშრომები და მიგნებები მოიცავს ისეთ აქტუალურ ეკონომიკურ თემებს როგორიც არის მაკროეკონომიკური რეგულაციები, მონეტარული პოლიტიკა, კარბონის გადასახადები და მათი გავლენები, გენდერული გამოწვევები, დასაქმება, საქართველოში არსებული ეკონომიკური გამოწვევები და სხვა.კონფერენციის პროგრამის გასაცნობად ეწვიეთ ბმულს.კონფერენციის საპატიო მომხსენებლები არიან ჯოზეფ ალტონჯი, იელის უნივერსიტეტის პროფესორი და ეკონომიკური კვლევის ეროვნული ბიუროს (NBER) მკვლევარი და ლუიჯი გუიზო, ეინაუდის ეკონომიკისა და ფინანსების ინსტიტუტის (EIFE) პროფესორი და ეკონომიკური კვლევის ცენტრის მკვლევარი (CEPR).კონფერენციის ფარგლებში დაგეგმილია policy პანელი, რომელზეც სპიკერები საქართველოს წინაშე არსებულ გამოწვევებსა და შესაძლებლობებს განიხილავენ.  პანელს მხარს უჭერს და თანაორგანიზატორია International School of Economics – Policy Institute (ISET-PI). დისკუსიის მთავარი ფოკუსი იქნება საქართველოს ეკონომიკური რეფორმები და მათი გავლენა არსებულ ბიზნეს გარემოზე.  პანელის  სპიკერებს შორის არიან: ჯორჯ ველტონი, ამერიკული სავაჭრო პალატის აღმასრულებელი დირექტორი; მიგელ მარტინი, მსოფლიო ბანკის თანასწორი ზრდის, ფინანსების და ინსტიტუციების პროგრამის ხელმძღვანელი სამხრეთ კავკასიაში; დავით კეშელავა, ISET PI-ს მაკროეკონომიკური პოლიტიკის მიმართულების ხელმძღვანელი; შალვა მხატრიშვილი, ეროვნული ბანკის მაკროეკონომიკისა და სტატისტიკის დეპარტამენტის უფროსი და ევა ბოჭორიშვილი, გალტ & თაგარტის კვლევითი დეპარტამენტის უფროსი. 

1719843488

Visa-ს პრემიული ბარათის მომხმარებლებს შეუძლიათ Fast Track ე.წ. სწრაფი დერეფნის სერვისით ისარგებლონ თბილისის საერთაშორისო აეროპორტში, ტერმინალზე ბარათის მარტივი შეხებითა და გრძელი რიგების გვერდის ავლით. Fast Track ყველა საჭირო პროცედურის უმოკლეს დროში გავლას უზრუნველყოფს და ის ხელმისაწვდომია Visa Premium ბარათის მფლობელებისთვის: Visa Platinum, Visa Signature, Visa Infinite, Visa Platinum Business და Visa Signature Business.Fast Track სერვისით სარგებლობა Visa Platinum და Visa Platinum Business ბარათებით წელიწადში 2-ჯერ, Visa Signature და Visa Signature Business ბარათებით წელიწადში 4-ჯერ და Visa Infinite ბარათით კი წელიწადში 6-ჯერ არის შესაძლებელი."Visa საქართველოში როგორც ადგილობრივი, ისე საერთაშორისო ტურიზმის განვითარებას უჭერს მხარს. TAV OS-სთან თანამშრომლობის  ფარგლებში, საქართველოში პირველად დავნერგეთ Visa-ს Fast Track სერვისი, რომელიც ჩვენი პრემიული ბარათის მფლობელების სამოგზაურო გამოცდილებას უფრო მოქნილს, კომფორტულსა და სრულყოფილს გახდის. Visa-სა და TAV OS-ის კოლაბორაცია საქართველოში აამაღლებს ჩვენი მომხმარებლების გამოცდილებას და ხელს შეუწყობს ქვეყანაში ტურიზმის წინსვლას“, აღნიშნა დიანა კიღურაძემ, Visa-ს რეგიონულმა მენეჯერმა კავკასიის რეგიონში.“მოხარულები ვართ, წარმოგიდგინოთ განახლებული და გაუმჯობესებული Tbilisi Primeclass Lounge, გაზრდილი სივრცითა და განახლებული ბარით, რათა ჩვენი სტუმრებისთვის უფრო კომფორტული გამოცდილება უზრუნველვყოთ. ჩვენთვის, როგორც 19 ქვეყნის 90 ლაუნჯში მუშაობის გამოცდილების მქონე, ტურისტული სტუმარმასპინძლობის ექსპერტებისთვის, თბილისს განსაკუთრებული მნიშვნელობა აქვს. აქედან გამომდინარე, მომავალშიც გავაგრძელებთ ინვესტირებას, ახალი თანამშრომლობების საშუალებით.  ჩვენთვის Visa-სთან პარტნიორობა ძალიან ძვირფასია და ეს ხაზს უსვამს ჩვენს ერთგულებას ციფრული ტრანსფორმაციისადმი და ძალისხმევას გავაუმჯობესოთ მგზავრთა გამოცდილება“, აღნიშნა ფრანკ მერეიდემ, TAV Airports-ის აღმასრულებელი საბჭოს წევრმა და TAV OS-ის თავმჯდომარემ.Fast Track სერვისი უფასოა 6 წლამდე ასაკის ბავშვებისთვის, თუ მათ თან ახლავთ Visa Premium ბარათის მფლობელი.დეტალური ინფორმაციისთვის ეწვიეთ ბმულს.

1719841464

ღონისძიება სებ-ის ვიცე-პრეზიდენტმა ეკატერინე გალდავამ გახსნა. სიტყვით გამოსვლისას მან ყურადღება გაამახვილა ფინტექის მიმართულებით ეროვნული ბანკის ბოლოდროინდელ  ინიციატივებზე და აღნიშნა, რომ სებ-ი მაქსიმალურად ცდილობს, ხელი შეუწყოს ფინანსური ტექნოლოგიების განვითარებას ქვეყანაში."ჩვენს გარემოში, როდესაც ინოვაციებისა და ფინანსური ტექნოლოგიების როლი საფინანსო სექტორში სწრაფად იზრდება, სექტორის მომავალი ციფრული ტექნოლოგიების გარეშე წარმოუდგენელია. სწორედ ამიტომ, ეროვნული ბანკი მაქსიმალურად ცდილობს ხელი შეუწყოს ფინანსური ტექნოლოგიების განვითარებას ქვეყანაში. უფრო მეტიც, გვაქვს ამბიცია, რომ საქართველო შუა დერეფანში, ჩვენს რეგიონში გახდეს ფინანსური ინოვაციების ჰაბი“,- განაცხადა ეკატერინე გალდავამ.სებ-ის ვიცე-პრეზიდენტმა ასევე ისაუბრა სექტორის განვითარებისთვის სწორი რეგულირების მნიშვნელობასა და ეროვნული ბანკის  ღია რეგულირების მიდგომაზე."ჩვენი ამოცანაა სასურველი გარემო შევქმნათ კომპანიებისათვის, რომლებსაც რეგიონული და გლობალური გაფართოების ამბიციები აქვთ", - აღნიშნა ეკატერინე გალდავამ.აღსანიშნავია, რომ ეროვნულმა ბანკმა შექმნა ინოვაციების ოფისი, საკომუნიკაციო პლატფორმა, რომელიც მიზნად ისახავს დაეხმაროს ინოვაციური იდეების მფლობელებს, როგორც იურიდიულ, ასევე ტექნოლოგიურ და ბიზნეს მოდელის მდგრადობის ნაწილში.გარდა ამისა, სებ-ში ფუნქციონირებს რეგულირების ლაბორატორია, რომლის მიზანია შექმნას უსაფრთხო და სამართლიანი მარეგულირებელი გარემო რეგულირების ტესტირებისთვის. ის აძლევს რეგულირებად სუბიექტებს შესაძლებლობას, გამოსცადონ ახალი იდეები და მოარგონ მათი პროდუქტები ბაზრის საჭიროებებს.მნიშვნელოვანია, რომ საბანკო სფეროში კონკურენციის ზრდისა და ინოვაციების ხელშეწყობისთვის ეროვნულმა ბანკმა დანერგა ციფრული ბანკის ლიცენზია. ამ დროისთვის ბაზარზე 3 ციფრული ბანკი ოპერირებს. გასულ წელს სებ-მა ასევე დაიწყო ვირტუალური აქტივების სერვის პროვაიდერების რეგულირება და ღია ბანკინგი.ფინტექის წლიური შეხვედრაში პრეზენტაცია წარადგინა ეროვნული ბანკის ფინანსური და საზედამხედველო ტექნოლოგიების განვითარების დეპარტამენტის, ღია ბანკინგის ხელშეწყობისა და საკრედიტო მონაცემთა მართვის ზედამხედველობის განყოფილების უფროსმა ვასილ შენგელიამ.ღონისძიებას საქართველოს ფინტექ ასოციაციის 30-მდე წევრი ფინტექ კომპანია და ასოციაციის პარტნიორი ორგანიზაციის წარმომადგენლები ესწრებოდნენ. 

1719838748

სების ინფორმაციით, კომერციულ ბანკებში მომხმარებლები ყველაზე მეტ პრეტენზიას მიმდინარე ანგარიშთან/სადებეტო ბარათთან დაკავშირებით აფიქსირებდნენ (სულ 1633 პრეტენზია).275 პრეტენზია დაფიქსირდა სამომხმარებლო სესხებთან დაკავშირებით.  ეს რაოდენობა 155 ერთეულით ნაკლებია წინა თვის ანალოგიურ მაჩვენებელზე (430 პრეტენზია).საკრედიტო ბარათთან დაკავშირებით კი 100–ჯერ მიმართეს მომხმარებლებმა ბანკებს პრეტენზიით (–19 თ.თ.).ყველაზე ნაკლები პრეტენზია დაფიქსირდა ზრდად დეპოზიტებში (სულ 1 პრეტენზია).საკრედიტო საინფორმაციო ბიუროში 3 პრეტენზია შევიდა.სების ინფორმაციით, საერთოდ არ დაფიქსირებულა პრეტენზია ბინის რემონტისთვის აღებულ სესხებში.პრეტენზიებს ხასიათის მიხედვით რაც შეეხება, ყველაზე მეტი პრეტენზია ტრანზაქციებში დაფიქსირდა, სულ 1477 ერთეული, ადმინისტრაცია/მომსახურების გრაფაში დაფიქსირდა 419 პრეტენზია, ხელშეკრულების პირობებთან დაკავშირებული პრეტენზიებში კი - 241 პრეტენზია დაფიქსირდა.სების ინფორმაციით, განხილვა დასრულდა და კომერციულმა ბანკებმა პრეტენზია უსაფუძვლოდ მიიჩნიეს სულ  1136 შემთხვევა, განხილვა დასრულებულია და კომერციულმა ბანკებმა პრეტენზია საფუძვლიანად მიიჩნიეს 426 შემთხვევაში. კომერციული ბანკების მიერ პრეტენზიის განხილვა არ დასრულებულა -  946, განხილვა დასრულებულია, პრეტენზია მიჩნეულია საფუძვლიანად, თუმცა პრობლემა არ არის აღმოფხვრილი  - 3.

1719838482

ზაფხულის არდადეგებზე ახალი თავშესაქცევი ისტორიებისა და თავგადასავლების აღმოსაჩენად, 10 წიგნი შეირჩა. თითოეულის სამყაროში მოგზაურობისას მკითხველს თანამეგზურობას დათო ტურაშვილი, დათო გორგილაძე, ანა კორძაია - სამადაშვილი, ნინი ნუცუბიძე და კოკო როინიშვილი გაუწევენ. თითოეულმა მათგანმა წიგნი შეარჩია საყვარელი ავტორების მათთვის გამორჩეული ფრაზების, წიგნის ნაწილების მიხედვით, რომლებმაც ისინი დააფიქრა, არსებული რწმენა-წარმოდგენები შეაცვლევინა, ან რაღაც ახალი აღმოაჩენინა... ახალი კამპანიის ფარგლებში მკითხველს შესაძლებლობა ექნება  საზაფხულო საკითხავად შერჩეული წიგნები  საყვარელი ინფლუენსერების მოსაზრებებითა თუ კომენტარებით წაიკითხონ და ახლებურად გაიაზრონ სხვადასხვა იდეები.სპეციალური დიზაინის მქონე სანიშნები ათივე წიგნში განთავსდება და ავტორებისთვის, რეჟისორებისა და მუსიკოსებისთვის საინტერესო მომენტების აღმნიშვნელი იქნება.წიგნების, ფრაზებისა და ავტორების შესახებ დამატებითი ინფორმაციის მისაღებად შეგიძლიათ ნახოთ ვიდეო.“ადამიანის პიროვნული განვითარების პროცესში კითხვა გადამწყვეტ როლს ასრულებს და ინდივიდის ჩამოყალიბებას განაპირობებს. სწორედ ამიტომ, გადავწყვიტეთ, საქართველოს ბანკის იდეათეკის პროექტის ფარგლებში ხელი შევუწყოთ წიგნიერების დონის ზრდას და მოსწავლეებში კითხვის პოპულარიზაციას. ამისათვის, ვახორციელებთ კამპანიას, რომელიც ახალგაზრდებში წიგნებისადმი ინტერესის გაღრმავებას შეუწყობს ხელს და ახალი თავგადასავლების ძიებაში გაუწევს მეგზურობას. ამასთან, შესაძლებლობას მისცემს კითხვის მოყვარულებს, შეიძინონ განსაკუთრებული გამოცემები საყვარელი მწერლების, მუსიკოსისა თუ რეჟისორის კომენტარებით. მართალია, აღნიშნული გამოცემა ლიმიტირებული რაოდენობით გამოჩნდება, თუმცა, სკოლის მოსწავლეებისთვის  იდეათეკების თაროებზე მუდმივად იქნება ხელმისაწვდომი“, - აღნიშნავს ანა ლომთაძე, საქართველოს ბანკის კორპორატიული სოციალური პასუხისმგებლობის (CSR) მიმართულების ხელმძღვანელი.ინფორმაციისთვის, საქართველოს ბანკი იდეათეკების პროექტს უკვე მეექვსე წელია ახორციელებს - ინიციატივას, რომელიც მიზნად ისახავს, განათლება რაც შეიძლება მეტი მოსწავლისთვის გახადოს ხელმისაწვდომი. დღეს საქართველოს ბანკის იდეათეკა საქართველოს 9 რეგიონის 22 სკოლაში ფუნქციონირებს და 12 000-ზე მეტ ახალგაზრდას აძლევს წვდომას შემეცნებისა და აღმოჩენებისთვის საჭირო ყველა საგანმანათლებლო ინსტრუმენტზე.

1719837795

მერვედფინალში საქართველოს მეტოქე ესპანეთი იყო, რომელმაც ანგარიშით 4-1 გაიმარჯვა და მეოთხედფინალის საგზური მოიპოვა. ეროვნული ნაკრები კი გახდა ის გუნდი, რომელიც საუკეთესო 16 გუნდს შორის მოხვდა.ქომაგები მადლობლები არიან ყველა იმ ემოციის, რაც ეროვნულმა ნაკრებმა ევრო 2024-ზე აჩვენა, ამას მოწმობს, სოციალურ ქსელებში განთავსებული პოსტები წარწერით, "საამაყო გუნდი, საამაყო ნაკრები", "მადლობა ბიჭებო", "ჩვენ უკვე ვაჯობეთ საკუთარ თავს", "საუკეთესოთა შორის, საუკეთესო მომავლის გუნდი გვყავს"...გუნდის წარმატებით კმაყოფილია, თავად გუნდის მწვრთნელი ვილი სანიოლი, მისი თქმით, ამაყია იმით, რაც „ევროპის ჩემპიონატზე გავაკეთეთ“."ესპანელების პირველი გოლის დროს ცხადად თამაშგარე იყო. თუ საფრანგეთის ნაკრებთან ნიდერლანდების გოლი გაუქმდა, დღეს ათჯერ უფრო ცხადი სიტუაცია იყო. ვიდეორეფერი შესანიშნავი გამოგონებაა, მაგრამ მისი სწორად გამოყენება ბოლომდე არ ვიცით. ადამიანები ერთსა და იმავე ეპიზოდებზე სხვადასხვაგვარ გადაწყვეტილებას იღებენ, რასაც ფეხბურთელები ვერ იგებენ.ევროპის ჩემპიონატი დღეს დავასრულეთ და 2026 წლის მუნდიალზე გასვლაზე ლაპარაკი ძალიან ადრეა. გვქონდა ცუდი და კარგი პერიოდები, მაგრამ ეს ყველგან ხდება. ახლა მშვიდად უნდა გავაანალიზოთ, თუ რა გავაკეთეთ და რა გზა გავიარეთ. რა თქმა უნდა, უკანასკნელი შედეგებით კმაყოფილები ვიქნებით, რადგან ნაკრებმა გასაოცარი ევოლუცია განიცადა. ვამაყობ ფეხბურთელებით. ახლა ამ გზის დასასრულამდე მივედით, მაგრამ, იმედია, შემდეგ კიდევ უფრო უკეთესი გზა იქნება.ევრო 2024-ზე გუნდურად ფანტასტიკურად ვითამაშეთ. არ ვამბობ, რომ იმედგაცრუებულები ვართ, მაგრამ წაგებით მაინც დამწუხრებულები გახლავართ. თუმცა, ასეთია ფეხბურთი. უახლოეს დღეებში გავაანალიზებთ, რა გავაკეთეთ. ამ მატჩიდან ფეხბურთელებმა უნდა ისწავლონ. გაკვეთილის მიღება წაგებისგანაც შეიძლება და მოგებისგანაც“, – განაცხადა სანიოლმა.საქართველოს ნაკრებთან გამარჯვების შემდეგ კომენტარი გააკეთა ესპანეთის ნაკრების მთავარმა მწვრთნელმა ლუის დე ლა ფუენტემაც.  „ძალიან ბედნიერები ვართ, რადგან ვიცით ამ გამარჯვების ფასი. პირველ გოლს რაც შეეხება, ასეთი რამ ყველა გუნდს ემართება. საქართველოს ნაკრების მთავარი იარაღი კონტრშეტევებზე თამაში იყო. გოლი გავუშვით, მაგრამ საბოლოოდ მიზანს მაინც მივაღწიეთ – მეოთხედფინალში გასვლა ძალიან გაგვიხარდა.საქართველოს გოლის შემდეგ რამდენიმე წუთი ვინერვიულეთ, მაგრამ, საბოლოო ჯამში, გუნდმა სიმშვიდე შეინარჩუნა. ფეხბურთელებმა თამაში დაალაგეს, რაშიც უდიდესი წვლილი როდრის მიუძღვის, მან მოედნის ცენტრში ძალიან დიდი სამუშაო გასწია. ეს თითოეული ჩვენგანისთვის ძალიან მნიშვნელოვანი მატჩი იყო. ახლა მეოთხედფინალში გერმანიასთან ურთულესი თამაში გველოდება – ტურნირის მასპინძლებთან ფინალის ტოლფასი შეხვედრა იქნება“.ამ ამბავში განსაკუთრებით დასამახსოვრებელია "BBC-ის" სტატია, სადაც ნათქვამია, "გერმანიას ტოვებს საქართველო, რომელმაც ზღაპრული თამაშითა და პლეიოფში გასვლით მეტოქე გუნდების პატივისცემა დაიმსახურა". გამოცემა ასევე წერს, რომ ესპანეთს ამ მატჩისთვის მოსამზადებლად ორი დამატებითი დღე ჰქონდა და ჯგუფური ეტაპის ბოლო თამაშშიც ათი ცვლილება განახორციელა.„თუმცა მათი გულშემატკივრები, რა თქმა უნდა, კმაყოფილი დარჩნენ იმით, რაც ნახეს. საქართველოს ნაკრების გულშემატკივრები საფინალო სასტვენის შემდეგ საკუთარ ადგილებზე დარჩნენ და დიდხანს უკრავდნენ ტაშს თავიანთ ფეხბურთელებს“, – აღნიშნულია „BBC-ის“ სტატიაში.Reuters-ის ცნობით კი ქართველები ესპანელებთან მარცხის მიუხედავად, მაინც ამაყები უნდა იყვნენ, რადგან მათ დებიუტანტისთვის შესაშური შედეგი დააფიქსირეს: “ევროს ყველაზე დაბალ რეიტინგიანმა ნაკრებმა, მასზე 66 ადგილით წინ მყოფ ესპანეთს კონკურენცია გაუწია და დამარცხდა. კლასმა თავისი შედეგი გამოიღო, თუმცა ქართველი გულშემატკივრები მაინც მხურვალე აპლოდისმენტებით ამხნევებდნენ თავიანთ ფეხბურთელებს”, - წერს Reuters-ი. ბრიტანული გამოცემა The Telegraph-ი კი საქართველოს ესპანეთთან მარცხი, საქართველოს ნაკრების კლასთა შორის სხვაობის გარდა, “ჯვაროსნების” გამოუცდელობას მიაწერა:“ვინც “ნაპოლისა” და “ვალენსიას” მატჩებს უყურებთ, კვარაცხელიასა და მამარდაშვილის კლასის შესახებ უკვე ყველაფერი გეცოდინებათ, მაგრამ EURO 2024 მათი ნიჭისა და ტალანტის გამოვლენის კიდევ ერთი მაჩვენებელი იყო. ზაფხულის სატრანსფერო ფანჯრის დახურვამდე დიდი დროა და შესაძლოა, ისინი კიდევ უფრო მაღალი დონის გუნდებში გადავიდნენ. დღეს დამარცხებულ გუნდს ნათელი მომავალი აქვს, ისინი გულშემატკივრების გაოცებას კიდევ მრავალი წელი შეძლებენ. გამანადაგურებელი მარცხის მიუხედავად ისინი თავაწეულები, როგორც გმირები ისე უნდა დაბრუნდნენ სამშობლოში” - წერს The Telegraph.„ფოქს სოკერი“ საკუთარ facebook გვერდზე წერს, „მოუთმენლად ველოდებით მათ მომავალშიც. მადლობა, საქართველო“ და ნაკრების ფოტოს აქვეყნებს.საქართველოს ეროვნულ ნაკრებს, მადლობას საელჩოებიც უხდიან. მათ შორის შვედეთის საელჩო, რომელიც სოციალურ ქსელში წერს, „შვედეთის საელჩო უერთდება ქართველ გულშემატკივარს და დიდ მადლობას ვუხდით საქართველოს ეროვნული ნაკრების საოცარ ბიჭებს ევროპის ჩემპიონატზე შესანიშნავი გამოსვლისთვის. მადლობა ყველას ამ დაუვიწყარი და საამაყო დღეებისთვის! წინ გამარჯვებისკენ, საქართველო, ოცნებები ხდება! გისურვებთ მრავალ წარმატებას მომავალში!" - წერია მათ განცხადებაში. EURO 2024 - ზე საქართველოს ნაკრების წარმატება არც EU-ის წარმომადგენლობას გამოჰპარვია:"თქვენ საქართველოს მოუტანეთ სიხარული, დაიპყარით გულები, ვამაყობთ ევროპის ჩემპიონატზე საქართველოს ნაკრების ისტორიული დებიუტით. თქვენ საქართველოს მოუტანეთ სიხარული და პატივი და დაიპყარით მილიონობით გულშემატკივრის გული მთელ მსოფლიოში. მადლობა საოცარი თამაშებისთვის". - ნათქვამია მათ განცხადებაში. გერმანიის ელჩი X–ზე კი წერს, „პატივისცემა საქართველოს ნაკრებს EURO2024-ზე ძლიერი და თავდაუზოგავი თამაშისთვის. მოუთმენლად ველი თქვენს ნახვას შემდეგ დიდ ტურნირზე. თავები მაღლა!“.ცნობისთვის, მერვედფინალამდე ვილი სანიოლის გაწვრთნილი გუნდის გზა ასეთი იყო: F ჯგუფში, ჯგუფური ეტაპი საქართველომ ოთხი ქულით დაასრულა.ჯგუფური ეტაპის პირველ შეხვედრაში საქართველო თურქეთის ნაკრებთან, ანგარიშით 1:3 დამარცხდა.მეორე შეხვედრა ჩეხეთთან ფრედ, 1:1 დაასრულა.მესამე მატჩში კი ყველასთვის მოულოდნელად სძლია პორტუგალიის საფეხბურთო ნაკრებს, ანგარიშით 2:0.

1719831832