ყაზბეგის საბაჟოზე არადეკლარირებული ფულის შემოტანის 31 ფაქტი გამოავლინეს

ევროკომისიის შეფასებით, ევროკავშირის 27 წევრი ქვეყნის ერთობლივი ეკონომიკა 2026 წელს მხოლოდ 1,1%-ით გაიზრდება, მაშინ როცა წინა პროგნოზი 1,5%-ს შეადგენდა.ინფლაციის პროგნოზი კი 3,1%-მდე გაიზარდა, რაც წინა მოლოდინზე ერთი პროცენტული პუნქტით მეტია.ენერგეტიკული შოკი და საწვავის გაძვირებაევროკომისიის განცხადებით, ევროკავშირის ეკონომიკა ახალი ენერგეტიკული კრიზისის წინაშე დგას, რაც საწარმოო ხარჯებისა და სამომხმარებლო ფასების ზრდას იწვევს.კრიზისი მას შემდეგ გამწვავდა, რაც აშშ-მა და ისრაელმა ირანის წინააღმდეგ სამხედრო ოპერაცია დაიწყეს, ხოლო თეირანმა საპასუხო დარტყმები სპარსეთის ყურის რეგიონში განახორციელა. შედეგად დაზიანდა ენერგეტიკული ინფრასტრუქტურა და ფაქტობრივად შეფერხდა ჰორმუზის სრუტის ფუნქციონირება – ერთ-ერთი უმნიშვნელოვანესი მარშრუტის ნავთობისა და გაზის ტრანსპორტირებისთვის.ამან ევროპაში საწვავის ფასების მკვეთრი ზრდა გამოიწვია.გერმანიის ეკონომიკა სუსტი რჩებაევროკომისიის პროგნოზით, გერმანიის ეკონომიკა 2026 წელს მხოლოდ 0,6%-ით გაიზრდება, ხოლო 2027 წელს – 0,9%-ით.ბრიუსელის შეფასებით, ეკონომიკის სტაბილიზაციაში მნიშვნელოვან როლს თავდაცვისა და ინფრასტრუქტურის მიმართულებით სახელმწიფო ხარჯები ასრულებს.ამასთან, გერმანიის ბიუჯეტის დეფიციტი 2026-2027 წლებში ევროკავშირის მიერ დაშვებულ 3%-იან ზღვარს გადააჭარბებს და, სავარაუდოდ, მშპ-ის 3,7%-სა და 4,1%-ს მიაღწევს.რა პროგნოზი აქვს ბრიუსელს 2027 წლისთვისევროკომისია ვარაუდობს, რომ 2027 წელს ევროკავშირის ეკონომიკური ზრდა 1,4%-მდე დაჩქარდება, ხოლო ინფლაცია 2,4%-მდე შემცირდება.ბრიუსელი აღნიშნავს, რომ ევროკავშირმა ბოლო წლებში ენერგოდამოკიდებულება ნაწილობრივ შეამცირა, გაზარდა განახლებადი ენერგიის წილი და უფრო მდგრადი ეკონომიკური მოდელი ჩამოაყალიბა.თუმცა, ევროკომისია ევროპას აფრთხილებს, რომ თუ ენერგომატარებლების მიწოდებასთან დაკავშირებული პრობლემები უფრო დიდხანს გაგრძელდება, ეკონომიკური პროგნოზები შესაძლოა მნიშვნელოვნად გაუარესდეს.ბრიუსელი მიზნობრივი დახმარებისკენ მოუწოდებსევროკომისიამ წევრ სახელმწიფოებს მოუწოდა, დახმარება მიზნობრივად გაუწიონ ყველაზე მოწყვლად ოჯახებსა და დაზარალებულ ბიზნესს, ხოლო ფართომასშტაბიანი სუბსიდიებისგან თავი შეიკავონ, რადგან მსგავსი პოლიტიკა გრძელვადიან პერსპექტივაში ძალიან ძვირი ჯდება.

1779439999

ღონისძიება გახსნეს და მონაწილეებს მისასალმებელი სიტყვით მიმართეს ფინანსთა მინისტრის მოადგილემ, ცოტნე ყავლაშვილმა, ეროვნული ბანკის პირველმა ვიცე-პრეზიდენტმა, ეკატერინე მიქაბაძემ, ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსმა, დავით მჭედლიძემ და პოლონეთის აუდიტის ზედამხედველობის სააგენტოს (PANA) ხელმძღვანელის მოადგილემ, დარიუშ დანილიუკმა.შეხვედრის ფარგლებში, განხილული იყო მდგრადობის ანგარიშგების როლი თანამედროვე კორპორაციული ანგარიშგების სისტემაში, მისი მნიშვნელობა კომპანიების გამჭვირვალობის, ანგარიშგების ხარისხისა და ინვესტორთა ნდობის ამაღლებისთვის.ღონისძიებაში მონაწილეობა მიიღეს პოლონეთის აუდიტის ზედამხედველობის სააგენტოს (PANA) წარმომადგენლებმა, გაეცნენ პოლონეთის პრაქტიკულ გამოცდილებას იმ საკითხებზე, რომლებიც მდგრადობის ანგარიშგებისა და შესაბამისი მარწმუნებელი მომსახურების დანერგვას, ზედამხედველობასა და პროფესიული პრაქტიკის განვითარებას უკავშირდება.გაიმართა საჯარო განხილვები, რომლებშიც მონაწილეობა მიიღეს ეროვნული ბანკის, საპენსიო ფონდის, მსოფლიო ბანკისა და კერძო სექტორის, ასევე საერთაშორისო აუდიტორული და საკონსულტაციო კომპანიების წარმომადგენლებმა.მონაწილეებმა იმსჯელეს საქართველოში მდგრადობის ანგარიშგების განვითარების მიმართულებებზე. აღინიშნა, რომ პროცესი საჭიროებს ეტაპობრივ, პროპორციულ და პრაქტიკულ მიდგომას, რომელიც ერთდროულად გაითვალისწინებს საერთაშორისო სტანდარტებთან თავსებადობას, კომპანიების მზაობას, აუდიტორული სექტორის შესაძლებლობებსა და ბაზრის საჭიროებებს.ღონისძიებას დაესწრნენ აუდიტორები, აუდიტორული ფირმები, საწარმოები, საჯარო და კერძო სექტორის, მარეგულირებელი უწყებების, პროფესიული წრეების, პარტნიორი და დონორი ორგანიზაციების წარმომადგენლები.კონფერენცია შეაჯამა სამსახურის უფროსმა, დავით მჭედლიძემ. მან ყურადღება გაამახვილა მდგრადობის ანგარიშგებისა და მარწმუნებელი მომსახურების მნიშვნელობაზე საქართველოს კორპორაციული ანგარიშგების სისტემის შემდგომი განვითარებისთვის და აღნიშნა, რომ საერთაშორისო გამოცდილების გაზიარება, პროფესიული დიალოგი და დაინტერესებულ მხარეებთან თანამშრომლობა მნიშვნელოვანი წინაპირობაა აღნიშნული მიმართულების ეტაპობრივი და ეფექტიანი განვითარებისთვის.

1779439169

ხუთშაბათს, 21 მაისს, აშშ-ის პრეზიდენტმა აღიარა, რომ მან შესაძლოა გამოტოვოს დონალდ ტრამპ უმცროსის ქორწინების ცერემონია, რომელიც, გავრცელებული ინფორმაციით, ბაჰამის კუნძულებზე, მოახლოებულ „ხსოვნის დღის“ (Memorial Day) უქმეებზე უნდა გაიმართოს.„მას ძალიან უნდა, რომ წავიდე, თუმცა ეს იქნება უბრალოდ პატარა, მოკრძალებული კერძო ცერემონია და შევეცდები, მოვახერხო“, - განუცხადა ტრამპმა ოვალურ კაბინეტში შეკრებილ ჟურნალისტებს, აშკარად უენთუზიაზმო ტონით, აღნიშნავს გამოცემა.აღნიშნულის მიზეზი? გადატვირთული სამუშაო გრაფიკი, კერძოდ კი მის მიერვე წამოწყებული ომი ირანთან. „მე შუაგულ პროცესში ვარ - ვუთხარი კიდეც: "იცი, ეს ჩემთვის არ არის ხელსაყრელი დრო. მე მაქვს საკითხი, რასაც ირანი ჰქვია და სხვა საქმეებიც“.The Guardian წერს, რომ ახლო აღმოსავლეთში არსებულ ცეცხლოვან კრიზისს ხელი არ შეუშლია ტრამპისთვის, დასწრებოდა UFC–ს ღონისძიებას მაიამიში და PGA ტურის ჩემპიონატს თავის გოლფ-კლუბში დორალში (ფლორიდა), და არც თავად გოლფის რამდენიმე პარტიის თამაშში შეუშლია ხელი.48 წლის დონალდ ტრამპ უმცროსი პრეზიდენტის უფროსი შვილია. მისი პირველი ქორწილი მოდელ ვანესა ჰეიდონთან 2005 წელს გაიმართა ტრამპის მარა-ლაგოს მამულში, ფლორიდაში და ცერემონიას ტრამპის და, მოსამართლე მერიან ტრამპ ბარი უძღვებოდა. ამ ქორწინებიდან მათ ხუთი შვილი შეეძინათ.დონალდ უმცროსი 2020 წელს კიმბერლი გილფოილზე დაინიშნა, თუმცა ეს ურთიერთობა 2024 წელს დასრულდა; გილფოილი ახლა აშშ-ის ელჩია საბერძნეთში. დონალდ უმცროსის ამჟამინდელი საცოლე ბეტინა ანდერსონია - 39 წლის მოდელი და მაღალი საზოგადოების წარმომადგენელი, რომელიც პალმ-ბიჩის ცნობილი ბანკირების ოჯახიდანაა.როგორც წყვილი, ისინი საზოგადოების წინაშე პირველად გასული წლის იანვარში, ტრამპის ინაუგურაციაზე გამოჩნდნენ. თუმცა, როგორც ჩანს, მათ არ ჰქონიათ სურვილი, მიებაძათ რიჩარდ ნიქსონის ქალიშვილის, ტრიჩა ნიქსონის მაგალითისთვის, რომელმაც 1971 წელს თეთრი სახლის ვარდების ბაღში იქორწინა.რაც შეეხება თავად პრეზიდენტ ტრამპს, როგორც The Guardian წერს, ბოლო კვირების განმავლობაში ის პოლიტიკურ გავლენებს კარგავს. საზოგადოებრივი აზრის გამოკითხვები აჩვენებს, რომ მისი რეიტინგი რეკორდულად დაბალ ნიშნულზეა. როდესაც ცოტა ხნის წინ ჰკითხეს, მოტივირებული იყო თუ არა ირანის ომის ეკონომიკური გავლენით რომ შეთანხმებისთვის მიეღწია, მან განაცხადა: „მე არ ვფიქრობ ამერიკელების ფინანსურ მდგომარეობაზე“.მაგრამ პრეზიდენტსაც კი ესმის, რომ ბაჰამის კუნძულებზე ღამის გათენება და წვეულებაზე გართობა შესაძლოა ცუდად აღიქვას საზოგადოებამ, როდესაც მილიონობით ამერიკელი საწვავისა და საკვების გაზრდილი ფასების გამო ზარალდება.„ეს არის სიტუაცია, სადაც ვერანაირად ვერ მოვიგებ“, - დაფიქრდა ტრამპი. „თუ დავესწრები, ამისთვის გამანადგურებენ. თუ არ დავესწრები, ამისთვისაც გამანადგურებენ - რა თქმა უნდა, "ფეიკნიუსებს" ვგულისხმობ. მაგრამ არა, მას ჰყავს ძალიან… ადამიანი, ვისაც დიდი ხანია ვიცნობ და იმედია, შესანიშნავი ქორწინება ექნებათ“.არადა, თუ ვინმე ამას ითვლის, ტრამპი ძალიან აქტიურად იყო ჩართული თავისი ქალიშვილის, ივანკას ქორწილში ჯარედ კუშნერთან, რომელიც ტრამპის ეროვნულ გოლფ-კლუბში ბედმინსტერში (ნიუ-ჯერსი) 2009 წელს შედგა. „ივანკასა და ჯარედის ქორწილი საოცარი იყო, ისინი ულამაზესი წყვილია“, - წერდა ის მაშინდელ Twitter-ზე. – „ძალიან ამაყი მამა ვარ“.

1779438540

გიორგი კალანდარიშვილი ახალგაზრდებს ქვეყანაში დემოკრატიის განვითარების კუთხით არჩევნების მნიშვნელობაზე და ამ პროცესში მათ ჩართულობასა და როლზე ესაუბრა. ასევე მიაწოდა ინფორმაცია მათ ისეთ მნიშვნელოვან საკითხებზე, როგორებიცაა არჩევნების ისტორია, საარჩევნო უფლება, საარჩევნო ელექტრონული ტექნოლოგიების უპირატესობები, დეზინფორმაციის გავლენები და მისი შედეგები საარჩევნო პროცესში.საარჩევნო ადმინისტრაციის სტრატეგიაზე, რომელსაც უწყება დეზინფორმაციის წინააღმდეგ იყენებს, უფრო დეტალურად ახალგაზრდებს ცესკოს პრეს-სპიკერი ნათია იოსელიანი ესაუბრა. მან ახალგაზრდებს ინფორმაცია მიაწოდა ახალი პორტალის disinfo.cec.gov.ge. შესახებ, საიდანაც ყველას შეუძლია მიიღოს სწორი ინფორმაცია საარჩევნო საკითხებზე. ასევე მან ისაუბრა ცესკოს საინფორმაციო-ანალიტიკური განყოფილების მიერ მომზადებულ ანგარიშებზე, რომელიც პერიოდულად მზადდება, ვებგვერდზე ქვეყნდება და საჯაროა ყველა დაინტერესებული პირისთვის.უშუალოდ საარჩევნო პროცესის ორგანიზების, ტექნოლოგიების დანერგვის ისტორიისა და საარჩევნო ადმინისტრაციის ინსტიტუციური მოწყობის შესახებ ინფორმაცია ახალგაზრდებს ადიგენის საოლქო საარჩევნო კომისიის თავმჯდომარე ჯაბა მაჭარაშვილმა მიაწოდა.როგორც შეხვედრის დასრულების შემდეგ ცესკოს თავმჯდომარემ აღნიშნა: „ახალგაზრდებთან კომუნიკაცია საარჩევნო ადმინისტრაციის ერთ-ერთ პრიორიტეტს წარმოადგენს. რეგიონებში შეხვედრები გაგრძელდება, რათა რაც შეიძლება ბევრ ახალგაზრდას შევხვდეთ, ვისაუბროთ მათთან და გავცვალოთ ინფორმაცია საარჩევნო საკითხებთან დაკავშირებით. მათ შორის, მოვისმინოთ მათი წუხილები და რეკომენდაციები, რომლებსაც შესაძლებლობის ფარგლებში გავითვალისწინებთ. სწორედ ასეთი შეხვედრები უზრუნველყოფს ახალგაზრდების მეტად დაინტერესებას საარჩევნო პროცესებით და მათი ჩართულობის ზრდას.“21 მაისს ადიგენში გამართული შეხვედრა ცესკოს, ახალგაზრდობის სააგენტოსა და სხვა პარტნიორ უწყებებს შორის გაფორმებული ურთიერთთანამშრომლობის მემორანდუმის ფარგლებში გაიმართა. მემორანდუმი ახალგაზრდების ცნობიერების ამაღლების მიზნით ერთობლივი საგანმანათლებლო და საინფორმაციო კამპანიების განხორციელებას, კონფერენციების, სემინარებისა და სამუშაო შეხვედრების ორგანიზებას ითვალისწინებს. მემორანდუმის ფარგლებში ახალგაზრდებთან შეხვედრები ეტაპობრივად სხვადასხვა რეგიონში იმართება.შეხვედრის დასასრულს მემორანდუმის და პროექტის მნიშვნელობის შესახებ ისაუბრა ახალგაზრდობის სააგენტოს მუნიციპალური სამმართველოს უფროსმა ელზა შამათავამ, რომელმაც ახალგაზრდებს ინფორმაცია სააგენტოს სხვა მნიშვნელოვანი პროექტების შესახებაც მიაწოდა.ვიზიტის ფარგლებში ცესკოს თავმჯდომარე და პრეს-სპიკერი ადიგენის საოლქო საარჩევნო კომისიას და სამცხე - ჯავახეთის რეგიონულ კოორდინატორს სოსო პარუნაშვილს შეხვდნენ და მიმდინარე საქმიანობები განიხილეს.(R)

1779434737

საქმის წარმოებაში ჩართული მომხმარებლების განცხადებებში დაფიქსირებული გარემოებების შესწავლის შედეგად დადგინდა, რომ მოვაჭრე სისტემატურად არღვევდა მომხმარებლების მიერ შეძენილი საქონლის მიწოდების ვადებს, ხოლო შეკვეთის გაუქმების შემთხვევაში, მომხმარებლებისთვის თანხის დაბრუნებას არაგონივრული ვადით აგვიანებდა.საქმის შესწავლისას, აგრეთვე, დარღვევა გამოიკვეთა ხელშეკრულების პირობებით შეთანხმებული საქონლის მიწოდების ნაწილშიც. აღნიშნულის გათვალისწინებით, მოვაჭრის ქმედება სააგენტოს მიერ შეფასდა, როგორც მოქმედებით გამოხატული შეცდომაში შემყვანი კომერციული საქმიანობა, რაც ეწინააღმდეგება სამართლიანი ვაჭრობის პრინციპებს და არსებითად აზიანებს მომხმარებელთა ჯგუფის ინტერესებს.სააგენტოს გადაწყვეტილებით, კანონდარღვევის აღმოფხვრის მიზნით, მოვაჭრეს დაევალა - 1 თვის ვადაში, მომხმარებელთა დარღვეული უფლებები აღადგინოს და სავაჭრო პოლიტიკა კანონის მოთხოვნებს შეუსაბამოს.კანონმდებლობის შესაბამისად, სააგენტოს გადაწყვეტილების დადგენილ ვადაში შეუსრულებლობის, ან არაჯეროვნად შესრულების შემთხვევაში, მოვაჭრეს ეკისრება ჯარიმა, რომლის ოდენობა არ უნდა აღემატებოდეს მოვაჭრის წინა ფინანსური წლის წლიური ბრუნვის 2% -ს. 12 თვის განმავლობაში, მოვაჭრის მიერ დარღვევის გამეორება დაკისრებული ჯარიმის გაორმაგებას გამოიწვევს.

1779434576

აშშ-ის ვაჭრობის სამინისტროს ინფორმაციით, სახელმწიფო თითოეულ კომპანიაში მინორიტარულ წილს მიიღებს, თუმცა დეტალები არ საჯაროვდება.ყველაზე დიდი დაფინანსება – $1 მლრდ – IBM-ს გადაეცემა. კომპანია კვანტური კომპიუტერების განვითარების ერთ-ერთ ლიდერად ითვლება. გამოცემა აღნიშნავს, რომ ხელოვნური ინტელექტისა და კვანტური გამოთვლების ერთობლიობამ შესაძლოა სამეცნიერო კვლევები მნიშვნელოვნად დააჩქაროს, რის გამოც ეს მიმართულება ვაშინგტონისთვის პრიორიტეტულია.კვანტური ტექნოლოგიებისთვის სპეციალიზებული ჩიპების შექმნაზე მუშაობენ სხვა კომპანიებიც. ჩიპების მწარმოებელი GlobalFoundries 375 მილიონ დოლარს მიიღებს, ხოლო სტარტაპი Diraq – 38 მილიონ დოლარს.დაფინანსებას ასევე მიიღებენ კომპანიები D-Wave Quantum, Rigetti Computing, Infleqtion, Atom Computing, PsiQuantum და Quantinuum.სიახლის გავრცელების შემდეგ IBM-ის აქციები წინასაბაზრო ვაჭრობის დროს 6,4%-ით გაიზარდა.

1779433813

ღონისძიება ეროვნული ბანკის პირველმა ვიცე-პრეზიდენტმა ეკატერინე მიქაბაძემ გახსნა.შეხვედრის ფარგლებში ეროვნული ბანკის წარმომადგენლებმა სტუდენტებს სების საქმიანობის როგორც თეორიული, ისე პრაქტიკული ასპექტები გააცნეს. განხილულ თემებს შორის იყო მონეტარული პოლიტიკა, ფინანსური სტაბილურობა და მდგრადი დაფინანსება, კაპიტალის ბაზრები და ინვესტიციები, ასევე ფინანსური ტექნოლოგიები. სტუდენტები გაეცნენ ეროვნული ბანკის ფუნქციებსა და ამოცანებს, აგრეთვე სტაჟირების შესაძლებლობებს. შეხვედრის დასრულების შემდეგ ეროვნული ბანკის წარმომადგენლებმა სტუდენტების შეკითხვებს უპასუხეს.„ფინანსური განათლება ეროვნული ბანკის პრიორიტეტია. განსაკუთრებულ ყურადღებას ვაქცევთ ახალგაზრდა თაობის განათლებას. ამ კუთხით, ძალიან მნიშვნელოვანია ის პლატფორმები, რომლებიც უნივერსიტეტში მიღებულ თეორიულ ცოდნას პრაქტიკულ ეკონომიკურ და ბიზნეს პროცესებთან აკავშირებს. დღეს 40-მდე სტუდენტს გავაცანით როგორ მუშაობს ქვეყნის საფინანსო სისტემა, ვესაუბრეთ ქვეყნის მაკროეკონომიკური მდგომარეობის, ფინანსური სტაბილურობისა და რეგიონში არსებული გამოწვევების შესახებ. მადლობას ვუხდი ევროპის ბიზნეს ასოციაციის ახალგაზრდულ აკადემიასა და სტუდენტებს მაღალი ინტერესისა და აქტიური ჩართულობისთვის“, - განაცხადა ეკატერინე მიქაბაძემ.ახალგაზრდებში ფინანსური ცნობიერებისა და ეკონომიკისადმი ინტერესის გაძლიერების მიზნით, საქართველოს ეროვნული ბანკი აქტიურად ახორციელებს საგანმანათლებლო პროექტებსა და საინფორმაციო კამპანიებს. (R)

1779433785

იტალიის ქალაქ ჩესენატიკოში გამართულ საერთაშორისო შეჯიბრზე, სადაც მსოფლიოს 50-ზე მეტი ქვეყნის წარმომადგენელი მონაწილეობდა, ქართველმა მონაწილეებმა მაღალი შედეგები აჩვენეს - გვანცა ხვედელიძემ ბრინჯაოს მედალი მოიპოვა, ხოლო თაკო შანავამ საპატიო სიგელი.„EGOI ოლიმპიადაში მონაწილეობა ჩემთვის ძალიან დიდი პასუხისმგებლობა იყო. მიხარია და მეამაყება, რომ საქართველოს სახელით გამოსვლა და ასეთი შედეგის მიღწევა შევძელი. ეს გამარჯვება კიდევ ერთხელ მაძლევს მოტივაციას, მომავალშიც განვაგრძო განვითარება ტექნოლოგიების მიმართულებით”, - გვანცა ხვედელიძე, ვლადიმირ კომაროვის თბილისის ფიზიკა-მათემატიკის N199 საჯარო სკოლის მე-12 კლასის მოსწავლე.ევროპის გოგოების ინფორმატიკის ოლიმპიადა (EGOI) საერთაშორისო მასშტაბის შეჯიბრია, რომლის მთავარი მიზანია ინფორმატიკისა და ტექნოლოგიების სფეროში გოგოების ჩართულობის გაზრდა და STEM მიმართულებებში გენდერული თანასწორობის მხარდაჭერა. საქართველოს ნაკრები EGOI-ში წელს უკვე მეექვსედ მონაწილეობდა. გასული წლების განმავლობაში ქართველმა მონაწილეებმა საერთაშორისო ასპარეზზე მნიშვნელოვანი შედეგები აჩვენეს და ჯამში 2 ოქროს, 5 ვერცხლისა და 3 ბრინჯაოს მედალი მოიპოვეს.საქართველოს ტექ ოლიმპიადების ჰაბი, თიბისის გენერალური მხარდაჭერითა და ბიზნესისა და ტექნოლოგიების უნივერსიტეტის (BTU) ორგანიზებით დაფუძნდა. ჰაბის მიზანია ნიჭიერი მოსწავლეების აღმოჩენა, განვითარება და საერთაშორისო ოლიმპიადებისთვის მომზადება. ეროვნული ნაკრების წევრები სწორედ BTU-ში გადიან საერთაშორისო სტანდარტების შესაბამის მოსამზადებელ პროგრამას.თიბისი აგრძელებს ტექნოლოგიური განათლების მხარდაჭერას და ახალი თაობისთვის შესაძლებლობების შექმნას. მთავარია გჯეროდეს საკუთარი მიზნების, იდეების და განათლების ძალის. (R)

1779432708