ქუთაისის აეროპორტში არადეკლარირებული ₾283 000-ზე მეტი შემოტანის ფაქტები აღიკვეთა

მადრიდი, როგორც ევროპის ერთ-ერთი ყველაზე აქტიური კრეატიული და კულტურული ცენტრი, მონაწილეებს შესაძლებლობას მისცემს, თავად გახდნენ საერთაშორისო კრეატიული ინდუსტრიის ნაწილი.ნიკა გუჯეჯიანის სახელობის სასტიპენდიო პროგრამაზე განაცხადების მიღება დაიწყო და 8 ივნისამდე გაგრძელდება. დამატებითი ინფორმაცია და სარეგისტრაციო ფორმა ხელმისაწვდომია ბმულზე.პროგრამა ერთწლიანია. საქართველოს ბანკის და ნიკა გუჯეჯიანის სახელობის სტიპენდია მოიცავს სწავლის სრულ დაფინანსებას და ადგილის ჯავშნის საფასურს (Reservation fee).წელს Copywriting-ისა და Art Direction-ის პროგრამებს გარდა, სტიპენდიატებს შესაძლებლობა ექნებათ, ისწავლონ ერთ-ერთ ყველაზე მოთხოვნად მიმართულებაზე - Creativity & Artificial Intelligence (შემოქმედება და ხელოვნური ინტელექტი).ინფორმაციისთვის, საქართველოს ბანკმა Miami Ad School Europe-თან ერთად ნიკა გუჯეჯიანის (საქართველოს ბანკის ყოფილი თანამშრომელი და Miami Ad School Europe-ის კურსდამთავრებული) სახელობის სტიპენდია 2019 წელს დააწესა და ყოველ წელს 1 ქართველ სტუდენტს აძლევს შესაძლებლობას, Miami Ad School-ში 1-წლიან კურსზე 100%-იანი დაფინანსებით ისწავლოს.დეტალური ინფორმაციის მისაღებად, ეწვიეთ ბმულს. (R)

1779362682

პირველი ეხება საჯარო მოხელეების მხრიდან ქრთამის აღების ფაქტს. კორუფციულ დანაშაულზე დაკავებულია ორი პირი. კერძოდ, თეთრიწყაროს მუნიციპალიტეტში, სოფელ ჯორჯიაშვილის ადმინისტრაციულ ერთეულში მერის წარმომადგენელმა და ამავე ერთეულის მთავარმა სპეციალისტმა, წინასწარი შეთანხმებით, მოქალაქისგან ქრთამი აიღეს, რის სანაცვლოდაც შეჰპირდნენ მფარველობას სახელმწიფო საკუთრებაში არსებულ მიწის ნაკვეთზე უცხოელი ტურისტებისთვის საკემპინგე სივრცის მოწყობაში.მოპოვებულია დანაშაულის ამსახველი აუდიო და ვიდეომასალა, ნივთმტკიცებად ამოღებულია თანხაც.გამოძიება საქართველოს სისხლის სამართლის კოდექსის 338-ე მუხლის მე-2 ნაწილით მიმდინარეობს, რაც სასჯელის სახით თავისუფლების აღკვეთას 7-დან 11 წლამდე ვადით ითვალისწინებს.მეორე ფაქტი ეხება მოქალაქეების ჯანმრთელობისათვის საფრთხის შემცველ დანაშაულს. კერძოდ: სამეგრელო-ზემო სვანეთის რეგიონში, უკანონო სამეწარმეო საქმიანობისა და ამ საქმიანობაში დახმარების ფაქტზე, დავაკავეთ სამი ადამიანი: აფთიაქის ხელმძღვანელი, ფარმაცევტი და ექიმი.გამოძიებით დადგინდა, რომ ერთ-ერთ მუნიციპალიტეტში, ორ სხვადასხვა ადგილას მოქმედი აფთიაქიდან, სისტემატურად, შესაბამისი ნებართვისა და რეცეპტის გარეშე ხდებოდა სპეციალურ კონტროლს დაქვემდებარებული ფსიქოტროპული მედიკამენტების რეალიზაცია. აფთიაქის ხელმძღვანელს დახმარებას უწევდა ერთ-ერთი კლინიკის ექიმი-ნევროლოგი.ნივთმტკიცების სახით ამოღებულია დიდი ოდენობით სხვადასხვა დასახელების ფსიქოტროპული მედიკამენტი და თანხა.გამოძიება სსკ-ის 192-ე მუხლის მე-2 ნაწილისა და 25-192-ე მუხლის მე-2 ნაწილის „ა“ ქვეპუნქტებით მიმდინარეობს, რაც სასჯელის სახით თავისუფლების აღკვეთას 3-დან 5 წლამდე ვადით ითვალისწინებს.რაც შეეხება მესამე ფაქტს. ჩვენ აქტიურად ვაკონტროლებთ ფინანსურ სექტორს ციფრულ სივრცეშიც, სადაც უკონტროლო ნაკადები პირდაპირ საფრთხეს უქმნის ქვეყნის ეკონომიკას.დავაკავეთ ვირტუალური აქტივის მომსახურების არარეგისტრირებული პროვაიდერის მენეჯერი.ბრალდებული, საქართველოს ეროვნულ ბანკში სავალდებულო რეგისტრაციის გარეშე, ონლაინპლატფორმის გამოყენებით ახორციელებდა უკანონო სამეწარმეო საქმიანობას. ის ვირტუალური აქტივისა და ნაღდი ფულის კონვერტაციას ახდენდა, რითაც ხელს უწყობდა ქვეყანაში საერთაშორისო უკონტროლო ფინანსური ნაკადების მოძრაობას. ამ გზით, მან მილიონობით ლარის ღირებულების ვირტუალური აქტივის ტრანზაქცია შეასრულა. ჩატარებული ჩხრეკის შედეგად, ნივთმტკიცების სახით ამოღებულია დიდი ოდენობით ფულადი თანხა, ფულის მთვლელი აპარატები, კომპიუტერული ტექნიკა, რვა მობილური ტელეფონი, ათეულობით საბანკო და სიმ-ბარათი, ასევე საქმისათვის მნიშვნელოვანი დოკუმენტაცია.გამოძიება სსკ-ის 192-ე მუხლის პირველი ნაწილით მიმდინარეობს, რაც თავისუფლების აღკვეთას 3 წლამდე ვადით ითვალისწინებს.განვაგრძობთ გამოძიებას დანაშაულებრივ ქმედებაში ჩართული სხვა პირების დადგენა-მხილების, აგრეთვე, გადასახადებისთვის თავის არიდებისა და შესაძლო უკანონო შემოსავლის ლეგალიზაციის ფაქტების გამოსავლენად.მივმართავთ ყველას, ვინც შესაძლოა ფიქრობდეს, რომ კორუფციული გზით არის შესაძლებელი სხვადასხვა საკითხის გადაწყვეტა - მკაცრად დაიცავით საქართველოს კანონმდებლობა და თავი შეიკავეთ კორუფციულ თუ სხვა უკანონო საქმიანობაში ჩართვისგან, რადგან ნებისმიერი მცდელობა, გვერდი აუაროთ კანონს, დროულად იქნება იდენტიფიცირებული და თითოეულ ასეთ ფაქტს უმკაცრესი სამართლებრივი რეაგირება მოჰყვება.

1779361309

აღნიშნული რეზოლუცია, რომელიც კუნძულოვანმა სახელმწიფომ, ვანუატუმ წარადგინა, ადასტურებს გაეროს საერთაშორისო სასამართლოს 2025 წლის ივლისის დასკვნას. გაეროს გენერალური მდივანი, ანტონიუ გუტერიში, ასამბლეის მიერ გადაწყვეტილების მიღებას მიესალმა.ვინ მისცა ხმა წინააღმდეგ?ისტორიულ შეთანხმებას წინააღმდეგობა რვა ქვეყანამ გაუწია, რომელთა შორის მსოფლიოს უმსხვილესი ეკონომიკები და ნავთობმომპოვებელი სახელმწიფოები არიან: აშშ რუსეთი ბელარუსი საუდის არაბეთი ისრაელი ირანი ლიბერია იემენი გაერო-ში აშშ-ის მუდმივი წარმომადგენლის მოადგილემ, ტემი ბრიუსმა, პოზიცია იმით ახსნა, რომ რეზოლუცია შეიცავს „მიუღებელ პოლიტიკურ მოთხოვნებს, რომლებიც წიაღისეულ საწვავს უკავშირდება“. გამოცემა Associated Press-ის ინფორმაციით, თებერვალში დონალდ ტრამპის ადმინისტრაცია აქტიურად ცდილობდა სხვა ქვეყნების დარწმუნებას, რათა ვანუატუზე ზეწოლა მოეხდინათ და დოკუმენტი უკან გაეწვევინებინათ.კენჭისყრისას თავი შეიკავეს ნავთობის მწარმოებელმა ქვეყნებმა (კატარი, ნიგერია) და კლიმატის მომავალი სამიტის, COP31-ის მონაწილეებმა, მათ შორის თურქეთმა და ინდოეთმა.რა სამართლებრივი ძალა აქვს დოკუმენტს?როგორც The Guardian წერს, მიუხედავად იმისა, რომ გაეროს საერთაშორისო სასამართლოს თავდაპირველი დასკვნა პირდაპირ იურიდიულად სავალდებულო არ არის, გენერალური ასამბლეის რეზოლუცია პროცესს სხვა წონას აძლევს.ეს დოკუმენტი უკვე აქტიურად გამოიყენება კლიმატთან დაკავშირებულ მიმდინარე სასამართლო პროცესებში მთელ მსოფლიოში, და მოსამართლეები გადაწყვეტილებების მიღებისას მასზე სულ უფრო ხშირად მიუთითებენ.

1779360042

ფორუმის ფარგლებში გამართულ დისკუსიაზე სებ-ის პრეზიდენტმა ყურადღება გაამახვილა საქართველოს საბანკო სექტორის მაჩვენებლებზე, რომელიც მაღალი მდგრადობითა და სწრაფი განვითარებით გამოირჩევა, რაც არაერთი საერთაშორისო საფინანსო ინსტიტუტის მხრიდან დადებითად არის შეფასებული.„საქართველოს ფინანსური სისტემა მაღალი გამჭვირვალობით გამოირჩევა. თუ შევხედავთ მის პარამეტრებს და შევადარებთ რეგიონის ან ევროპის ქვეყნებს, ჩვენი ბანკები არიან ერთ-ერთი ყველაზე უკეთ კაპიტალიზებული, გვაქვს ლიკვიდობის სოლიდური ბუფერები, აქტივების მაღალი ხარისხი (უმოქმედო სესხების წილი ისტორიულ მინიმუმზეა-2.5%) და ჯანსაღი მომგებიანობა, რაც მდგრადობის ფუნდამენტური წინაპირობაა. მიმდინარე მდგომარეობით აქტივები 108 მლრდ ლარს აჭარბებს, რაც მშპ-ს 100%-ზე მეტია. ძლიერია საკრედიტო აქტივობაც, ხოლო ანაბრების მოცულობამ თითქმის 70 მლრდ ლარის ექვივალენტს მიაღწია. ნიშანდობლივია, რომ მათ შორის საშუალოდ 20%-25% არარეზიდენტები არიან, რომლებიც ქართულ ბანკებს არჩევენ დანაზოგებისთვის, რაც ისტორიულად  მაღალი მაჩვენებელია. ცხადია, ამ შედეგს ქვეყანაში არსებული სტაბილური მაკროეკონომიკური გარემო და ასევე სებ-ის სწორი, ეფექტიანი და დაბალანსებული პოლიტიკა განაპირობებს“, - განაცხადა ნათია თურნავამ.საქართველოს ეროვნული ბანკის პრეზიდენტმა საბანკო სექტორის წინაშე არსებულ გამოწვევებზეც ისაუბრა და აღნიშნა, რომ გლობალური ტურბულენტობა, მათ შორის რეგიონშიც საბანკო სექტორის ერთ-ერთი მთავარი გამოწვევაა. მისივე თქმით, ყურადსაღებია ასევე ფინანსურ დოლარიზაციასთან დაკავშირებული სტრუქტურული რისკები.ეროვნული ბანკის პრეზიდენტმა ასევე ხაზი გაუსვა ბანკების რეგიონული გაფართოების აუცილებლობას. მისი შეფასებით, რეგიონულ ბაზრებზე გასვლა ქართულ საბანკო სექტორს შესაძლებლობას აძლევს გააფართოოს მომხმარებელთა ბაზა, მოახდინოს შემოსავლების წყაროების დივერსიფიკაცია და შეამციროს მხოლოდ ადგილობრივ ბაზარზე დამოკიდებულება.„ბოლო წლებში საქართველომ რეგიონში ტექნოლოგიურად ერთ-ერთი ყველაზე განვითარებული ფინანსური სისტემა ჩამოაყალიბა. აღნიშნული დასტურდება იმით, რომ წამყვანი ქართული საბანკო ჯგუფები სულ უფრო აქტიურად აფართოებენ საქმიანობას რეგიონულ ბაზრებზე. ეს პროცესი მნიშვნელოვანია არა მხოლოდ ცალკეული ბანკებისთვის, არამედ საქართველოს ფინანსური სექტორის საერთაშორისო პოზიციონირებისთვისაც. ქართული ბანკების წარმატებული რეგიონული გაფართოება აძლიერებს ქვეყნის, როგორც ფინანსური სერვისების ჰაბის რეპუტაციას. ამასთან, იგი ხელს უწყობს რეგიონში ფინანსური კავშირების გაღრმავებასა და საქართველოს ეკონომიკის უფრო მჭიდრო ინტეგრაციას რეგიონულ ბაზრებთან“, - დასძინა ნათია თურნავამ.პანელურ დისკუსიაში ასევე მონაწილეობდნენ Lion Finance Group-ის აღმასრულებელი დირექტორი არჩილ გაჩეჩილაძე, საქართველოს საბანკო ასოციაციის პრეზიდენტი ალექსანდრე ძნელაძე და საქართველოსა და სომხეთში Mastercard-ის ვიცე-პრეზიდენტი დავით ზღუდაძე. ღონისძიების მოდერატორი „ბიზნეს ინსაიდერი საქართველოს“ და „საქართველოს ეკონომიკური ფორუმის“ დამფუძნებელი და ხელმძღვანელი გიორგი აბაშიშვილი იყო.დისკუსიაში ფორუმის ფორმატში მონაწილეობდნენ საკანონმდებლო და აღმასრულებელი ხელისუფლების წარმომადგენლები, სხვადასხვა კომპანიის ხელმძღვანელები, დამფუძნებლები და პარტნიორები. ასევე აკადემიური და ანალიტიკური სექტორის წარმომადგენლები.

1779359738

იგი ფლობს საქართველოს დავით აღმაშენებლის სახელობის უნივერსიტეტის სამართლის მაგისტრის აკადემიურ ხარისხს. აქვს საჯარო უწყებებში მუშაობის მრავალწლიანი გამოცდილება. კერძოდ -  2015-2018 წლებში, მუშაობდა ქ. თბილისის მერიის ზედამხედველობის სამსახურის, გლდანი-ნაძალადევის რაიონის განყოფილების უფროსის თანამდებობაზე. 2018-2025 წლებში იყო შინაგან საქმეთა სამინისტროს სხვადასხვა სტრუქტურული დანაყოფის ხელმძღვანელი. 2025-2026 წლებში, იკავებდა საქართველოს ფინანსთა სამინისტროს საგამოძიებო სამსახურის გენერალური ინსპექციის უფროსის თანამდებობას.მიხეილ მაღლაკელიძემ საგადასახადო მონიტორინგის დეპარტამენტის ახალ ხელმძღვანელს თანამდებობაზე დანიშვნა მიულოცა და მომავალ საქმიანობაში წარმატებები უსურვა.შეხვედრას ესწრებოდნენ შიდა აუდიტის დეპარტამენტის ხელმძღვანელი, გიორგი ბუბუტეიშვილი, ასევე საგადასახადო დეპარტამენტის უფროსის მოადგილეები - გიორგი ახვლედიანი, ნუგზარ წულიკიძე, შოთა კაკაბაძე და სხვადასხვა სტრუქტურული ერთეულის ხელმძღვანელები.

1779358312

Studio Liberty-ის წევრებისთვის მოქმედებს 40% ქეშბექი, რისთვისაც აუცილებელია გადახდა შესრულდეს Studio Liberty-ის Visa Platinum ბარათით.ICR Trade-ში შემავალი ბრენდები: Studio Shoes Gallery, ECCO, GEOX, AW LAB, ICR SPORT, BATA, BAMBINO, SCARPIERA, CORSO ITALIA, OKAIDI, JACADI, REPLAY, OUTLET.დეტალური პირობები:· შეთავაზება ვრცელდება ლიბერთის Visa ბარათით გადახდისას;· შეთავაზება ვრცელდება ლიბერთის ტერმინალზე გადახდისას;· შეთავაზება ვრცელდება მხოლოდ ფიზიკურ მაღაზიებში;· ტოპქარდით გადახდის შემთხვევაში, მომხმარებლები ისარგებლებენ მხოლოდ გადანაწილებით;· შეთავაზება არ ვრცელდება სასაჩუქრე ბარათების შეძენაზე;· ქეშბექით სარგებლობისას ვერ გამოიყენებთ ბონუს ბარათის ფასდაკლებას;· შეთავაზების დროს არ მოქმედებს ნივთის უკან დაბრუნება, შესაძლებელია მხოლოდ გაცვლა;· ბანკი იტოვებს უფლებას საეჭვო ტრანზაქციის აღმოჩენის შემთხვევაში, მომხმარებელს არ დაუბრუნოს ქეშბექის თანხა.გადავიმეოროთ ქეშბექის მიღების წესები: გადმოწერე აპლიკაცია ან შედი ვებგვერდზე: cashback.ge გაიაქტიურე სასურველი შეთავაზება წინასწარ გადაიხადე ლიბერთის Visa ბარათით, ლიბერთის ტერმინალზე თუ ჯერ კიდევ არ ხარ ლიბერთის მომხმარებელი, გახდი ჩვენიანი ონლაინ: https://onboarding.lb.ge  *წესები დეტალურად: შეთავაზების გასააქტიურებლად, გადმოწერეთ CashBack ის აპლიკაცია: iOS | Android ან შედით ვებ გვერდზე cashback.ge.თუ უკვე ხართ ლიბერთის ინტერნეტ/მობაილ ბანკის მომხმარებელი, CashBack-ის აპლიკაციაში ავტორიზაციას იგივე მონაცემებით გაივლით. თუ ჯერ არ სარგებლობთ ლიბერთის ინტერნეტ/მობაილ ბანკით, გაიარეთ მარტივი რეგისტრაცია. ავტორიზაციის გავლის შემდეგ, CashBack ის აპლიკაციაში აირჩიეთ სასურველი მეგობარი ობიექტი, დააჭირეთ ღილაკს "აქტივაცია" და ლიბერთის ბარათით ლიბერთის ტერმინალზე გადახდისას, დაიბრუნეთ თანხა მომენტალურად.

1779356131

ვაზისა და ღვინის საერთაშორისო ორგანიზაციის (OIV) თანახმად, გასულ წელს ფრანგებმა 22 მილიონი ჰექტოლიტრი ღვინო დალიეს, რაც ოდნავ ჩამოუვარდება საფრანგეთის ლუდის მწარმოებელთა ასოციაციის მიერ დაფიქსირებულ 22,1 მილიონ ჰექტოლიტრ ლუდს.ეს მაჩვენებელი ღვინის მოხმარების ბოლო 70 წლის მინიმუმს ასახავს, რაც 2024 წელთან შედარებით 3.2%-ით არის შემცირებული. კვლევის ავტორების თქმით, ეს არის გრძელვადიანი კლებადი ტენდენცია, რომელიც უკვე რამდენიმე ათწლეულს ითვლის.მიუხედავად იმისა, რომ 2025 წელს საფრანგეთი კვლავ დარჩა ღვინის უმსხვილეს მომხმარებლად ევროპაში, მისი მაჩვენებლები ხუთწლიან საშუალო მაჩვენებელთან შედარებით 7.2%-ით ნაკლები იყო.ექსპერტების განცხადებით, ეს ზოგადი ტენდენცია განპირობებულია ღვინის მომწიფებულ ბაზრებზე არსებული რთული ეკონომიკური პირობებისა და თაობებს შორის ქცევის ცვლილების ერთობლიობით. OIV-ის თანახმად, საერთო მოხმარებამ ბოლო 60-ზე მეტი წლის განმავლობაში ყველაზე დაბალ ნიშნულს მიაღწია, ამასთანავე, აშშ-ის ტარიფებმა გლობალურ ღვინის ვაჭრობაზე წნეხი გაზარდა.„ის, რასაც 2025 წლის მონაცემებში ვხედავთ, არის სექტორი, რომელიც რეაგირებს აშშ-ის სატარიფო პოლიტიკის რეალურ დროში არსებულ გავლენაზე, თუმცა ასევე ადაპტირდება კლიმატისა და მოხმარების კუთხით მიმდინარე გრძელვადიან ცვლილებებთან“, - განაცხადა OIV-ის გენერალურმა დირექტორმა, ჯონ ბარკერმა.ამავდროულად, საფრანგეთის ლუდის მწარმოებელთა ასოციაციის (Brasseurs de France) თანახმად, საფრანგეთში შედარებით იაფ ლუდზე მოთხოვნა სტაბილური დარჩა და ღვინის მოხმარების მაჩვენებელს ოდნავ გადაასწრო. გასულ წელს უალკოჰოლო ლუდის მოხმარებაც 12%-ით გაიზარდა - მხოლოდ გასული წლის ივლისსა და აგვისტოში 600 000 ლიტრი იქნა მოხმარებული.ანალიტიკოსების აზრით, ეს ცვლილებები შესაძლოა ნაწილობრივ განპირობებული იყოს იმით, თუ როგორ იკრიბებიან ადამიანები სადილობისას და ალკოჰოლის მიღებასთან დაკავშირებული სხვა რიტუალების დროს. სოციოლოგმა ჟოან კორტინასმა France Télévisions-ს განუცხადა: „საზოგადოება უფრო მეტად მომსახურების სფეროზე ორიენტირებული (ტექნოკრატიული) გახდა. ხშირად ადამიანები შუადღისას ნორმალურად აღარც კი სადილობენ“.ბარკერის თქმით, OIV-ს ჯერ კიდევ არ აქვს მკაფიო პროგნოზი ირანის ომის შესაძლო გავლენის შესახებ ღვინის სექტორზე, თუმცა მოელიან გარკვეულ ეფექტს მომხმარებელთა განწყობასა და გადაზიდვებზე. მისივე თქმით, სექტორი ადაპტაციისთვის მეტ აქცენტს აკეთებს ღვინის ტურიზმსა და მდგრად განვითარებაზე, პარალელურად კი დაბალალკოჰოლურ პროდუქტებს ავითარებს.როგორც OIV ადრე იტყობინებოდა, 2025 წელს იტალია ღვინის მსოფლიოს უმსხვილესი მწარმოებელი იყო 47.3 მილიონი ჰექტოლიტრით, რითაც მან მცირედით გაუსწრო საფრანგეთს (35.9 მილიონი ჰექტოლიტრი) და ესპანეთს (29.4 მილიონი ჰექტოლიტრი).

1779355746

ვაზისა და ღვინის საერთაშორისო ორგანიზაციის (OIV) წინასწარი მონაცემებით, წარმოების კლება 2024 წლის წლის არაჩვეულებრივად უხვ მოსავალს უკავშირდება, ხოლო 2025–ში ხელსაყრელმა ამინდმა ქვეყანას საშუალება მისცა, წარმოება ბოლო წლების მაღალ ნიშნულთან ახლოს შეენარჩუნებინა.რეგიონული ტენდენციებიჩრდილოეთ ნახევარსფეროში (ევროკავშირის მიღმა) შედეგები არაერთგვაროვანია.რუსეთის ღვინის წარმოება 5.1 მლჰ-ის ფარგლებშია, რაც 2024 წლის დონეს ინარჩუნებს და ხუთწლიან საშუალოზე 9%-ით მაღალია. მოლდოვამ, 2024 წლის გვალვებისა და ყინვების შემდეგ, წარმოების 18%-იანი ზრდა (1.4 მლჰ) აჩვენა, რაც გაზაფხულის უხვმა ნალექებმა განაპირობა.ევროკავშირში წარმოება 140 მლჰ-ს შეადგენს, რაც 2024 წელთან შედარებით 2.1 მლჰ-ით (+2%) მეტია, თუმცა ხუთწლიან საშუალოზე 8%-ით ნაკლები. იტალიამ (47.4 მლჰ) დაიბრუნა მსოფლიოს უმსხვილესი მწარმოებლის სტატუსი, მაშინ როცა საფრანგეთი (35.9 მლჰ) და ესპანეთი (29.4 მლჰ) ისტორიულად მცირე მოსავალს აღრიცხავენ კლიმატური სტრესის, გვალვისა და დაავადებების გამო.გლობალური პერსპექტივაგლობალური ღვინის წარმოება 2025 წელს, წინასწარი შეფასებით, 232 მლჰ-ს აღწევს. ეს მაჩვენებელი 3%-ით აღემატება 2024 წლის ისტორიულად დაბალ მოცულობას, თუმცა მაინც 7%-ით ჩამორჩება ბოლო ხუთი წლის საშუალოს.აშშ: წარმოება 21.7 მლჰ-მდე გაიზარდა (+3%), თუმცა კვლავ ჩამორჩება ისტორიულ პიკს.სამხრეთ ნახევარსფერო: წარმოება 7%-ით გაიზარდა (49 მლჰ). ავსტრალია (11.6 მლჰ) და ახალი ზელანდია (3.7 მლჰ) ზრდას აჩვენებენ, ხოლო ჩილეში წარმოება 10%-ით შემცირდა წყლის დეფიციტის გამო.ბაზრის ბალანსიOIV-ის დასკვნით, ზედიზედ მესამე წელია, წარმოება საშუალოზე დაბალია, რაც ამცირებს ზეწოლას მარაგებზე გლობალური მოთხოვნის შემცირების ფონზე. კლიმატის ცვლილება კვლავ რჩება მთავარ ფაქტორად, რომელიც მსოფლიო მასშტაბით წარმოების დონეს განსაზღვრავს.

1779354881