აშშ საქართველოში რუსეთისა და ჩინეთის სადაზვერვო ქსელების შესწავლას იწყებს

თბილისის უძრავი ქონების ბაზარი 2026 წელს ზრდით იწყება: იანვარში გაყიდვ...

„თიბისი კაპიტალის“ მიმოხილვის თანახმად, იანვარში დედაქალაქში 2 229 ბინა გაიყიდა, რაც წინა წლის ანალოგიურ პერიოდთან შედარებით 6%-ით მეტია. საინვესტიციო კომპანიის ანალიტიკოსების განმარტებით, აღნიშნული ზრდა ნაწილობრივ დაბალი საბაზრო ეფექტით არის გამოწვეული.ტრენდი მზარდია ფასების მიმართულებითაც - კვადრატული მეტრის საშუალო გასაყიდი ფასი იანვარში 6%-ით გაიზარდა და 1 340 დოლარი შეადგინა.რაც შეეხება იჯარის ბაზარს, საშუალო გასაქირავებელი ფასი კვადრატულ მეტრზე 10 დოლარამდე შემცირდა (-7% წ/წ), ხოლო უძრავი ქონების ამონაგები 8.1%-ს გაუტოლდა (-1.1 პ.პ. წ/წ).„თიბისი კაპიტალის“ კვლევაში ასევე საუბარია პოტენციურ მიწოდებაზე: 2026 წლის იანვარში გაცემული სამშენებლო ნებართვების საცხოვრებელმა ფართობმა დაახლოებით 20 000 კვადრატული მეტრი შეადგინა.

„საქართველოს განვითარების ფონდი“ განცხადებას ავრცელებს

GBC სრულად გთავაზობთ „საქართველოს განვითარების ფონდის“ განცხადების ტექსტს:„დაუსაბუთებლად გაჟღერებული მოსაზრებების საპასუხოდ, მიზანშეწონილად მივიჩნევთ, მოგაწოდოთ მცირე, თუმცა მნიშვნელოვანი ინფორმაცია ფონდის ბოლო 2-წლიანი ფინანსური შედეგებისა და დაარსებიდან დღემდე განხორციელებული პროექტების შესახებ.საერთაშორისო აუდიტორული კომპანია „Nexia“-ს ანგარიშის მიხედვით, ფონდის 2024 წლის წმინდა მოგებამ 35.8 მლნ ლარი, საოპერაციო მოგებამ – 23 მლნ ლარი შეადგინა, ხოლო ჯამური აქტივების ღირებულებამ 360 მლნ ლარს გადააჭარბა.2025 წლის წინასწარი მონაცემებით, ფონდმა წელი 27 მლნ ლარის მოგებით დაასრულა და ყველა ფინანსური ინდიკატორი დადებითია. ფონდმა გაზარდა როგორც ლიკვიდურობა, აგრეთვე – აქტივები და კაპიტალი. 2025 წლის აუდიტირებული ფინანსური ანგარიშგება კანონმდებლობით დადგენილ ვადებში გასაჯაროვდება.რაც შეეხება ფონდის საქმიანობას 2011 წლიდან დღემდე, ფონდისა და მისი შვილობილი კომპანიების მეშვეობით, წლების განმავლობაში, სახელმწიფო ბიუჯეტში შეტანილმა თანხამ ასეულობით მილიონი ლარი შეადგინა, ხოლო განხორციელებული პროექტების ფარგლებში, შექმნილია 5000-მდე ახალი სამუშაო ადგილი.მოგახსენებთ, რომ 2025 წლის მონაცემებით, დამტკიცებული პროექტების ჯამური საინვესტიციო მოცულობა დაახლოებით, 2 მილიარდ აშშ დოლარამდეა, საიდანაც ფონდის თანამონაწილეობა 264 მილიონ აშშ დოლარს შეადგენს.ფონდის მაღალი ეფექტიანობა დასტურდება მოზიდული კაპიტალის მულტიპლიკატორით: ფონდის მიერ ინვესტირებულ ყოველ 1 აშშ დოლარზე 7.7 აშშ დოლარზე მეტი ინვესტიცია მოდის.ფონდის მხარდაჭერით, მასშტაბური პროექტები განხორციელდა ენერგეტიკის, მაღალტექნოლოგიური წარმოებისა და ტურისტული ინფრასტრუქტურის განვითარების მიზნით, ასევე ბრენდული სასტუმროების მშენებლობისა და სოფლის მეურნეობის დარგების ხელშეწყობის მიმართულებით. მასშტაბურ პროექტებს შორისაა:● „გარდაბნის თბოელექტროსადგური“ – საინვესტიციო მოცულობა 233 მლნ აშშ დოლარი.● ყულევის ნავთობგადამამუშავებელი ქარხანა – საინვესტიციო მოცულობა 188 მლნ აშშ დოლარი.● თვითმფრინავების კომპოზიტური ნაწილების ქარხანა „ATC“ – საინვესტიციო მოცულობა 93 მლნ აშშ დოლარი.● ულტრათანამედროვე რადიოფარმაცევტული საწარმოს მშენებლობა, შპს „ნოვატეკ ინტერნეიშენალი“ – საინვესტიციო მოცულობა 11.3 მლნ აშშ დოლარი● „პანექსი“ (Panex), სენდვიჩ პანელების საწარმო - საინვესტიციო მოცულობა 6.2 მლნ აშშ დოლარი.● სასტუმროები: „ბორჯომი-ლიკანი“, „Radisson Collection Tsinandali“, „ლოპოტა სპა რეზორტი“ (გაფართოება), „Gino Wellness Rabati“, „როიალ ბატონი“, კურორტი „საირმე“, „Best Western Kutaisi“ და „ჰილტონ აბასთუმანი“ – პროექტების საერთო საინვესტიციო მოცულობა 160 მლნ აშშ დოლარამდეა.● აგრარულ სექტორში განხორციელებული პროექტების საერთო საინვესტიციო მოცულობა – 23 მლნ აშშ დოლარი.ფონდის შვილობილ კომპანია „სტარტაპ საქართველოს“ პროექტის ფარგლებში, ფონდის მიერ 5 მლნ ლარამდე ოდენობის ინვესტირებით 62 პროექტი დაფინანსდა, რომელთა ჯამურმა საინვესტიციო მოცულობამ 11 მილიონ 258 ათასი ლარი შეადგინა და 600-მდე სამუშაო ადგილი შექმნა.საქართველოში პირველად, ფონდის თანადაფინანსებით, ოპერირება დაიწყო საინვესტიციო ფონდებმა (Gazelle Fund და Caucasus Clean Energy Fund), სადაც თანაინვესტორები არიან ნიდერლანდების განვითარების ბანკი (FMO), ჰოლანდიის საგარეო საქმეთა სამინისტროს ფონდი (DGGF), აშშ-ის საერთაშორისო განვითარების საფინანსო კორპორაცია (DFC) და სხვა ფინანსური ინსტიტუტები. აღნიშნულ პროექტებში ფონდის მიერ ინვესტირებულ 1 აშშ დოლარმა 7 აშშ დოლარი მოიზიდა.2011 წლიდან დღემდე, ფონდის კუმულაციური ფინანსური შედეგი დადებითია, რაც დადასტურებულია 178.8 მლნ ლარის გაუნაწილებელი მოგებით.2022 წლის ბოლოს, „საერთაშორისო სავალუტო ფონდის“ (IMF) რეკომენდაციების შესაბამისად, დასრულდა მსხვილი სახელმწიფო საწარმოების (სს „საქართველოს რკინიგზა“, სს „საქართველოს ნავთობისა და გაზის კორპორაცია“, სს “საქართველოს სახელმწიფო ელექტროსისტემა“, სს „საქართველოს ელექტროენერგეტიკული ბაზრის ოპერატორი (ესკო)“) ფონდიდან გატანის პროცესი.აქვე აღვნიშნავთ, რომ ფონდის კონსოლიდირებულ ანგარიშგებებში 2017-2018 წლებში დაფიქსირებული ზარალი სწორედ მის მფლობელობაში არსებული სახელმწიფო კომპანიების ზარალს უკავშირდებოდა. კერძოდ, 2017 წელს ფონდის კონსოლიდირებულ ანგარიშგებაში 632.7 მლნ ლარამდე ასახული ზარალი, ძირითადად, განპირობებული იყო „საქართველოს რკინიგზის“ ბალანსიდან ე.წ. „შემოვლითი რკინიგზის“ დაუმთავრებელი პროექტის აქტივის გაუფასურებით, რაც აისახა დიდი ოთხეულის წევრი აუდიტორული კომპანიის KPMG-ის აუდიტორულ ანგარიშში.მოგეხსენებათ, „საქართველოს განვითარების ფონდი“ (ყოფილი „საპარტნიორო ფონდი“) არასდროს ყოფილა სახელმწიფო ბიუჯეტზე დამოკიდებული, შესაბამისად, ფონდი საკუთარი სახსრებით უზრუნველყოფდა თავის საინვესტიციო პოლიტიკასა და საქმიანობას.ამ დრომდე, ფონდი აქტიურად მუშაობს საინფორმაციო ტექნოლოგიების, მაღალტექნოლოგიური წარმოების, ენერგეტიკისა და სოფლის მეურნეობის პროდუქტის გადამამუშავებელი წარმოების მიმართულებებით. მიმდინარეობს მოლაპარაკებები ევროპისა და აზიის ექსპორტის სააგენტოებთან და ფინანსურ ინსტიტუტებთან, როგორც იაფი ფინანსური რესურსების მოსაზიდად, აგრეთვე – ქვეყნისთვის აუცილებელი ტექნოლოგიური ტრანსფერების მიმართულებით. ამჟამად, განხილვაში არსებული პერსპექტიული პროექტების ჯამური საინვესტიციო ღირებულება 290 მილიონ აშშ დოლარს შეადგენს, საიდანაც ფონდის სავარაუდო თანამონაწილეობა 70 მილიონი აშშ დოლარის ოდენობით განიხილება.„საქართველოს განვითარების ფონდი“, წარსულში – „საპარტნიორო ფონდი“, თავისი საქმიანობის ყველა მნიშვნელოვან და რთულ ეტაპზე გამოირჩეოდა გამჭვირვალობის მაღალი ხარისხით, შესაბამისად, როგორც სხვადასხვა მედიასაშუალებისთვის, ასევე – ფონდის საქმიანობით გულწრფელად დაინტერესებული ნებისმიერი ცალკეული პირისათვის, ორგანიზაციის კარი ყოველთვის ღიაა. ამასთან, ფონდის მენეჯმენტი მზადაა, დაინტერესების შემთხვევაში, ნებისმიერ დროს, როგორც საკომიტეტო, ასევე პლენარული სხდომის ფორმატში, ინფორმაცია მიაწოდოს საქართველოს პარლამენტის წევრებს, მიუხედავად მათი ფრაქციული კუთვნილებისა და შესაბამისად, საქართველოს მოსახლეობას, რათა მათ ჰქონდეთ სრულყოფილი ინფორმაცია ფონდის საქმიანობის შესახებ.მოვუწოდებთ ყველა მედისაშუალებასა და საზოგადოების წევრს, თავი შეიკავონ გადაუმოწმებელი და დაუსაბუთებელი ინფორმაციის გავრცელებისგან, რაც წარმოადგენს მცდელობას, შეცდომაში შეიყვანონ საზოგადოება და მიზნად ისახავს ფონდის რეპუტაციის შელახვას, მის წარმოჩენას წარუმატებელ, წამგებიან ორგანიზაციად.ფონდის მიერ რეგულარულად გავრცელებული ფინანსური დოკუმენტაცია და დამოუკიდებელი აუდიტის ანგარიშები, რომლებიც ასახავს დღემდე ყველა განხორციელებულ ოპერაციას და ადასტურებს საქმიანობის გამჭვირვალობას, გამოქვეყნებულია ორგანიზაციის ოფიციალურ ვებგვერდზე (https://fund.ge/). წარმატებას ვუსურვებთ ორგანიზაციას, რომელიც მთავრობის მიერ დაანონსებული რეფორმების ფარგლებში დაფუძნდება და გააგრძელებს „საქართველოს განვითარების ფონდის“ საქმიანობას. გვჯერა, რომ ფონდის მრავალწლიანი წარმატებული საქმიანობა მნიშვნელოვანი საფუძველი გახდება ახალი საფინანსო ინსტიტუტისთვის“, – ნათქვამია ფონდის განცხადებაში.

ენგურჰესის გენერაციის 85%-იანი ზრდის მიუხედავად, ჰიდროგენერაცია იანვარ...

2026 წლის იანვარში ელექტროენერგიის მოხმარება წლიურად 17.8%-ით გაიზარდა და 1.4 ტვტ.სთ შეადგინა. საინვესტიციო კომპანიის მკვლევრები ვარაუდობენ, რომ ზრდა განპირობებული იყო შედარებით ცივი ამინდით, დიდთოვლობით და ენერგოინტენსიური ინდუსტრიების გააქტიურებით, განსაკუთრებით ფეროშენადნობების წარმოებასა და მონაცემთა დამუშავების სექტორში.ამავე პერიოდში ადგილობრივი გენერაცია წლიურად 1.5%-ით შემცირდა და 0.9 ტვტ.სთ შეადგინა. აქედან, ჰიდროგენერაცია მთლიანობაში 3.3%-ით შემცირდა, მიუხედავად იმისა, რომ ენგურ-ვარდნილის გამომუშავება წინა წლის დაბალი ბაზიდან 85%-ით გაიზარდა; სხვა ჰიდროსადგურების გენერაცია შემცირდა. ამასთან, თბოსადგურების გამომუშავება მცირედით გაიზარდა (+1.3% წ/წ), თუმცა ვერ დააკომპენსირა ჰიდროგენერაციის შემცირება. ახლად ამოქმედებული მზის სადგურების წილი ჯამური გენერაციის მხოლოდ 0.1% იყო.მოთხოვნასა და ადგილობრივ გენერაციას შორის გაზრდილმა დეფიციტმა იმპორტის მკვეთრი ზრდა განაპირობა, რაც კიდევ ერთხელ უსვამს ხაზს ზამთრის პერიოდში სისტემის მოწყვლადობას.აღნიშნული ვითარება კვლავ მიუთითებს ზამთარში მაღალი გამომუშავების მქონე გენერაციის ობიექტების სტრუქტურულ საჭიროებაზე, განსაკუთრებით რეზერვუარიანი ჰიდროელექტროსადგურებისა და ქარის სადგურების, რისი მიზანშეწონილობაც დეტალურად განხილულია გალტ & თაგარტის კვლევაში. 

ელექტროენერგიის იმპორტის ფასი 49.3%-ით გაიზარდა: რუსეთი, თურქეთი და სო...

იანვარში იმპორტის სტრუქტურა უჩვეულოდ შეიცვალა და განხორციელდა რუსეთიდან, თურქეთიდან და სომხეთიდან, ნაცვლად აზერბაიჯანისა, რომელიც ტრადიციული მომწოდებელია. იმპორტის სტრუქტურა შემდეგნაირი იყო: რუსეთი - 67.5% (აქედან აფხაზეთისთვის 38% შეღავათიანი ფასით და 29% კომერციული იმპორტი) თურქეთი - 20.6% სომხეთი - 11% გალტ & თაგარტის შეფასებით, იმპორტიორთა სიაში აზერბაიჯანის არყოფნა, განპირობებული იყო ტექნიკური და სისტემური უსაფრთხოების ფაქტორებით, გადამცემი სიმძლავრის შეზღუდვებითა და რეგიონალური გაზის ბაზრის დინამიკით, რადგან აზერბაიჯანმა გაზის ექსპორტი ევროპისკენ გაზარდა. შედეგად, სისტემის უსაფრთხოების ბალანსისა და უზრუნველსაყოფად მიწოდების იმპორტი დივერსიფიცირდა რუსეთზე, თურქეთსა და სომხეთზე. აღსანიშნავია, რომ თებერვლიდან აზერბაიჯანიდან იმპორტი აღდგა.იმპორტის საშუალო ფასი 3.8 აშშ ცენტამდე გაიზარდა (+49.3% წ/წ), ხოლო კომერციული ფასი (აფხაზეთის გამოკლებით) 6.3 აშშ ცენტს შეადგენდა (+5.2% წ/წ).

დიპლომიანი უმუშევრები თუ მასწავლებლების დეფიციტი? — კობახიძე განათლები...

კობახიძის მტკიცებით, ჩაატარეს კვლევა, რომლის უმთავრეს მიზნად განისაზღვრა უნივერსიტეტებში  სპეციალობების მიხედვით კვოტების გადანაწილება. როგორც მან აღნიშნა, მსგავსი კვლევები ქვეყანაში 2017 წლიდან მოყოლებული ტარდებოდა. კობახიძის თქმით, კვლევის ფარგლებში გამოიკითხა 12 500 საწარმო – აქედან 470 იყო მსხვილი საწარმო, 1 752 საშუალო ზომის საწარმო და 10 278 მცირე ზომის საწარმო, რომლებიც შეირჩა შემთხვევითი შერჩევის პრინციპით.პრემიერ-მინისტრმა აღნიშნა, რომ შრომის ბაზარზე არსებული მდგომარეობა ხუთწლიან პერსპექტივაში შეფასდა და სამუშაო ძალაზე მოთხოვნა შეისწავლეს Cambridge Econometrics-ის მიერ საქართველოსთვის შემუშავებული შრომის ბაზრის პროგნოზირების მოდელით.ირაკლი კობახიძის განცხადებით, კვლევის მიხედვით, სამუშაო ბაზარზე ყველაზე დიდი მოთხოვნა არის საშუალო სკოლის მასწავლებლებსა და გაყიდვებისა და მარკეტინგის მენეჯერებზე.„ჩვენ შევისწავლეთ დასაქმებულებზე მოთხოვნის ზრდა 5-წლიან პერსპექტივაში და იმ ადამიანების რაოდენობა, რომელთაც უმაღლესი განათლება სჭირდებათ შრომის ბაზარზე შესასვლელად. ეს მაჩვენებელი შეადგენს 64 095-ს. აქედან 42 316 კურსდამთავრებულის საჭიროება არის კერძო სექტორში, ხოლო 21 779-ის საჯარო სექტორში. აქ იგულისხმება მათ შორის, ჩანაცვლების მოსალოდნელი მაჩვენებელიც.რაც შეეხება პროფესიულ ჯგუფებში უმაღლესი განათლების საჭიროების მოთხოვნას, აქ ლიდერობს შემდეგი პროფესიები: საშუალო სკოლის მასწავლებლები – 6149; გაყიდვებისა და მარკეტინგის მენეჯერები – 4761; ექთნის დამხმარე სპეციალისტები – 2781, ექიმი სპეციალისტები – 2701, მშენებლობის მენეჯერები – 1710, პროგრამისტები – 1691, პროფესიული განათლების მასწავლებლები – 1655, მშენებლობის ზედამხედველები – 1299, ელექტროტექნიკოსები – 1124, მომარაგების და დისტრიბუციის მენეჯერები – 1008.ანუ კვლევამ დაადგინა, რომ ამ კონკრეტულ პროფესიებზე არის ყველაზე დიდი მოთხოვნა შრომის ბაზარზე“, – თქვა ირაკლი კობახიძემ.კობახიძის თქმით, შრომის ბაზრის ანალიზმა გამოავლინა, რომ ყოველწლიურად დაახლოებით 14 400 სტუდენტი უნდა აბარებდეს უნივერსიტეტებში, „თუმცა საბოლოო ჯამში, როდესაც კვოტები გადანაწილდა, ჩვენ გავთვალეთ 5-წლიანი პერსპექტივა და ასევე მხედველობაში მივიღეთ დღეს არსებული გარემოებები“.პრემიერი ამბობს, რომ არის შემთხვევები, სადაც მოთხოვნა უფრო მაღალია, ვიდრე  ჩარიცხული სტუდენტების რაოდენობა, თუმცა, მისი თქმით, არის სხვა კუთხით პრობლემები უმაღლესი განათლების სისტემაში, „მაგალითად არის შესაბამისი მაღალკვალიფიციური აკადემიური პერსონალის დეფიციტი, აქედან გამომდინარე, ამ შემთხვევაში გადავწყვიტეთ ეტაპობრივად, წლიდან წლამდე გავზარდოთ ჩარიცხულთა რაოდენობა ოპტიმალურ მაჩვენებლამდე“.„მაგალითისთვის რომ ავიღოთ სამართლის მიმართულება, აქ ჩარიცხვების საშუალო წლიური რაოდენობა გასული 5 წლის განმავლობაში იყო 3598. საშუალოდ, წლიურად ირიცხებოდა სამართლის ფაკულტეტებზე. კურსდამთავრებულთა რაოდენობა შეადგენდა 2047-ს. ესეც შემაშფოთებელი მაჩვენებელია, რაც მიუთითებს იმაზე, რომ ჩვენ გვჭირდება უმაღლესი განათლების ხარისხის თვისებრივად გაუმჯობესება. როდესაც კურსდამთავრებულთა მაჩვენებელი ჩარიცხვასთან შედარებით 40%-ია, ეს მეტყველებს იმაზე, რომ გვაქვს სერიოზული გამოწვევები უმაღლესი განათლების სფეროში. ამ კუთხით გამონაკლისი არ არის არც სამართლის მიმართულება.რაც შეეხება მოთხოვნას, კვლევამ გამოავლინა, რომ წელიწადში, საშუალოდ გვჭირდება 678 იურისტი შრომის ბაზარზე, მაშინ, როცა 3600 იურისტი აბარებს იურიდიულზე და ამთავრებს 2050. ეს მაჩვენებელი მეტყველებს იმაზე, რამდენად აუცილებელი იყო შრომის ბაზრის ანალიზის ჩატარება. ჩვენ პრაქტიკულად ვწირავდით სტუდენტებს იმისათვის, რომ ისინი მიიღებდნენ უმაღლესი განათლების დიპლომს და ვერასოდეს შეძლებდნენ საკუთარი დიპლომის შესაბამისად დასაქმებას, რაც ბუნებრივია, სახელმწიფოს პასუხისმგებლობაა. ამის თავიდან არიდება სახელმწიფოს პასუხისმგებლობაა და ამ მიზანს ემსახურებოდა შრომის ბაზრის ანალიზი, რომელიც ჩვენ ჩავატარეთ“, – თქვა ირაკლი კობახიძემ.კობახიძემ ისაუბრა იმ მიმართულებებზეც, სადაც, მისი თქმით, შრომის ბაზრის მოთხოვნასა და უმაღლესი განათლების სისტემის მიერ გამოშვებულ სტუდენტებს შორის დისბალანსი ფიქსირდება.„აშკარად ჩანს, რომ პედაგოგიკა არის ერთ-ერთი ასეთი მიმართულება, სადაც გვყავს ნაკლები სტუდენტი, ვიდრე არის შრომის ბაზრის მოთხოვნა.საინჟინრო-ტექნიკურ მიმართულებებში არის უმეტეს შემთხვევებში დაფიქსირებული დეფიციტი, ეს ეხება მშენებლობას, ანუ გვჭირდება იმაზე მეტი მშენებელი, ვიდრე, დღეს, უმაღლესი განათლების სისტემა აწვდის შრომის ბაზარს. ქიმიური ტექნოლოგია და მეტალურგია, ენერგეტიკა, ტრანსპორტი, ამ მიმართულებებითაც არის ნაკლებობა. საექთნო და სამეანო საქმე, სოციალური მუშაობა, ეს არის ის სფეროები, სადაც მკვეთრი დეფიციტი ფიქსირდება მიწოდების კუთხით.რაც შეეხება სიჭარბის მაგალითებს, სამართალი უკვე ვახსენე, სადაც არის მკვეთრი სიჭარბე, ანალოგიურად – ეკონომიკაშიც გვაქვს სიჭარბე, რაც შეეხება ბიზნესის ადმინისტრირებას, აქ, რეალურად, დაბალანსებულია მონაცემები, თუმცა აქ სხვა პრობლემას ვაწყდებით, იმის გამო, რომ კურსდამთავრებულთა კვალიფიკაციის დონე არ არის საკმარისად მაღალი, რეალურად, შრომის ბაზარზე მაინც ფიქსირდება მკვეთრი დეფიციტი. აქ არის თავსებადობა რიცხვებს შორის, ანუ რამდენსაც უშვებს უმაღლესი განათლების სისტემა, იმდენზე არის მოთხოვნა შრომის ბაზარზე, თუმცა კვალიფიკაციის პრობლემის გამო, რეალურად, მაინც შეგვიძლია ვთქვათ, რომ არის დეფიციტი ბიზნესის ადმინისტრირების მიმართულებითაც შრომის ბაზარზე.სოციალური და პოლიტიკური მეცნიერებები – აქაც ფიქსირდება ძალიან მკვეთრი დისბალანსი. არის მოთხოვნადი სპეციალობა, ძალიან ბევრი ამთავრებს, თუმცა შრომის ბაზარზე არის დაახლოებით 5-ჯერ ნაკლები მოთხოვნა, ვიდრე გვყავს კურსდამთავრებულები სოციალური და პოლიტიკური მეცნიერებების მიმართულებით. იგივე ეხება უცხო ენებს, სადაც არის მკვეთრი სიჭარბე“, – განაცხადა ირაკლი კობახიძემ.პრემიერ-მინისტრმა აღნიშნა, რომ შრომის ბაზრის მოთხოვნებთან დაახლოება ეტაპობრივად მოხდება. მისი თქმით, რეფორმის ერთ-ერთი მთავარი მიზანია, „დაიხვეწოს პროფესიული განათლება და ამაღლდეს ხარისხი“.