ეროვნული ბიბლიოთეკა კულტურის სამინისტროს დაქვემდებარებაში გადადის

Visa საქართველოში Tap to Add Card ტექნოლოგიას ნერგავს. ინოვაციური ტექნოლოგია ბარათის მფლობელებს შესაძლებლობას აძლევს, მობილური მოწყობილობის ერთი შეხებით, დაამატონ Visa-ს უკონტაქტო ბარათი ციფრულ საფულეში.Tap to Add Card უზრუნველყოფს უსაფრთხოებასა და კომფორტს ციფრული გადახდებისას, ის მომხმარებლებს ინფორმაციის ხელით შეყვანის დამღლელი პროცესისგან ათავისუფლებს, რომლის დროსაც შეცდომების დაშვების ალბათობა იზრდება და თაღლითებისთვის ბარათის მონაცემებზე წვდომა მარტივდება.Tap to Add Card-ის გამოყენებისას, გენერირდება უნიკალური, ერთჯერადი კოდი, რომელიც მოწმდება Visa-ს Chip Authenticate სერვისით, რაც ბარათის მონაცემების უსაფრთხო გადატანას უზრუნველყოფს. Tap to Add Card ტექნოლოგია, ტრადიციულ მეთოდებთან შედარებით, უფრო მოქნილი და დაცული ალტერნატივაა."მოხარულები ვართ, რომ უკვე საქართველოშიც, Tap to Add Card-ის მეშვეობით უსაფრთხოებასა და სიმარტივეს ვთავაზობთ მომხმარებლებს”, აღნიშნა დიანა კიღურაძემ, Visa-ს რეგიონულმა მენეჯერმა კავკასიის რეგიონში. “ეს ტექნოლოგიური გადაწყვეტა ციფრულ საფულეში ბარათის დამატებისას, პირად მონაცემებს თანამედროვე მექანიზმებით იცავს. ჩვენ გვჯერა, რომ Tap to Add Card ხელს შეუწყობს საქართველოში ციფრული საფულეების ფართოდ გამოყენებას, რადგან ის აუმჯობესებს მომხმარებელთა გამოცდილებას და უსაფრთხოების მნიშვნელოვან გამოწვევებს წარმატებით პასუხობს“.ემიტენტებისთვის Tap to Add Card-ს შეუძლია შეამციროს თაღლითობასთან დაკავშირებული რისკები და ხარჯები, გაამარტივოს საფულეში ბარათის დამატების პროცესი, რაც შეამცირებს მომხმარებელთა მიმართვებს და გაზრდის წარმატებით შესრულებული ტრანზაქციების მაჩვენებელს.

1739380513

მიკრობანკის ლიცენზიის მიღება ადასტურებს, რომ “კრისტალი” არა მარტო საქართველოს, არამედ მთლიანად რეგიონის მასშტაბით ძლიერი, პასუხისმგებლობიანი, სტაბილური, გამჭვირვალე და სანდო ფინანსური ინსტიტუტია. გამართული ბიზნეს პროცესებით, მაღალი მომგებიანობით, მყარი რეპუტაციითა და ღირებულებებით კომპანია სრულად შეესაბამება საფინანსო ორგანიზაციების თანამედროვე, ევროპულ სტანდარტებს, რაც არაერთი საერთაშორისო თუ ადგილობრივი ჯილდოთია აღნიშნული.ლიცენზიის მოსაპოვებლად განაცხადი კომპანიამ საქართველოს ეროვნულ ბანკში 2023 წლის დასასრულს წარადგინა. ამ ნაბიჯს წინ უძღოდა ტრანსფორმაციის ინტენსიური, კომპლექსური და მრავალმხრივი პროცესი, რათა „კრისტალი“ ახალ კანონმდებლობას, რეგულაციებსა და მთლიანად საბანკო სფეროს სპეციფიკას პროდუქტებით და პროცესებით, სამართლებრივი კუთხით, ციფრული ტექნოლოგიებით, რისკების მართვით, გამართული შიდა ორგანიზაციული სტრუქტურით და თანამშრომლების პროფესიული მომზადების მხრივ,  სრულად და ეფექტიანად მორგებოდა.კრისტალი ქართულ საფინანსო ბაზარზე ოპერირებას უახლოეს მომავალში ახალი სტატუსით გააგრძელებს. სლოგანით „შენი შესაძლებლობების ბანკი“, კომპანია მნიშვნელოვან ნაბიჯებს გადადგამს არსებული თუ ახალი მომხმარებლებისთვის მრავალფეროვანი, დივერსიფიცირებული და ციფრული პროდუქტების შეთავაზების კუთხით და ამ პროცესში განსაკუთრებულ აქცენტს აგრო სექტორსა და მიკრო მეწარმეებზე გააკეთებს.კომპანიის მთავარ პრიორიტეტად კვლავაც რჩება მომხმარებელზე ორიენტირებულობა, მოქნილი და ინოვაციური, სერვისების შეთავაზება და ფინანსებზე, ცოდნაზე და ტექნოლოგიებზე ხელმისაწვდომობის გაზრდა.„ეს არის უმნიშვნელოვანესი წარმატება და უკავშირდება იმ დინამიურ ნაბიჯებს, რომლებსაც „კრისტალი“ ბოლო წლების განმავლობაში დგამდა. მადლობა საქართველოს ეროვნულ ბანკს, რომელმაც ძალზედ მნიშვნელოვანი როლი შეასრულა ამ პროცესში, ადგილობრივ და საერთაშორისო პარტნიორებსა თუ ინვესტორებს მხარდაჭერისთვის, და უპირველეს ყოვლისა ჩვენს გუნდს, იმ უდიდესი შრომისთვის, რაც ლიცენზიის მიღების პროცესს თან ახლდა და, რა თქმა უნდა, ჩვენს ერთგულ მომხმარებლებს — ყველას, ვინც თავისი მნიშვნელოვანი როლი შეასრულა ლიცენზიის მიღების რთულ და საინტერესო გზაზე. ვამაყობთ, რომ ჩვენი საქმიანობით ვემსახურებით საქართველოს უკვე თითქმის 27 წელია, ვშრომობთ და ვაძლიერებთ ჩვენს ეკონომიკას იმ რწმენით, რომ საქართველო ყოველთვის იყო, არის და იქნება ევროპა!“, - აცხადებს კრისტალის გენერალური დირექტორი ილია რევია.საფინანსო სექტორში კომპანია გამორჩეულია სანდო და პასუხისმგებლიანი პარტნიორის რეპუტაციით. ეს მრავალწლიანი გამოცდილება, ექსპერტული ცოდნა და ახალი სტატუსი კი როგორც არსებული, ისე ახალი მომხმარებლებისთვის დამატებით სტიმულსა და შესაძლებლობებს ქმნის.მიკრობანკის ლიცენზიის მოპოვების შემდეგ კრისტალი, რომელსაც კორპორაციული მართვის საუკეთესო სტანდარტი აქვს, კვლავაც ერთგულად განაგრძობს სოციალური პასუხისმგებლობის ძირითადი მიმართულებებით მუშაობას. 

1739377353

სს „კრისტალი" მიკრობანკის ლიცენზიის აღებამდე,  მიკროსაფინანსო ბაზარზე  ერთ-ერთი მსხვილი მისო იყო (600 მლნ ლარამდე აქტივებით) . ძირითადი ბიზნეს მიმართულება მცირე მეწარმეების დაფინანსებაა, რაც ბანკის ლიცენზიის მიღების მთავარი პირობა იყო.სებ-ის იმედოვნებს, რომ მიკრობანკობა „კრისტალს“ სრულყოფილი  სერვისების მიწოდების და პროდუქტების დამატების შესაძლებლობას მისცემს.  ამასთან, დროის რეალურ რეჟიმში ანგარიშსწორების სისტემაში (RTGS) ჩართვა, საშუალებას მისცემს გაზარდოს კონკურენტუნარიანობა და  ჩამოყალიბდეს საფინანსო სექტორში კიდევ უფრო ძლიერ მოთამაშედ.

1739372592

როგორც სსფ-ის აღმასრულებელი დირექტორის იერონ კლიკისა და ალტერნატიული დირექტორის მარნიქს ვან რეის მილოცვაშია აღნიშნული, მოუთმენლად ელიან საქართველოს ეროვნულ ბანკთან პარტნიორობის გაგრძელებას.„გთხოვთ მიიღოთ ჩვენი გულწრფელი მოლოცვა საქართველოს ეროვნული ბანკის პრეზიდენტად დანიშვნასთან დაკავშირებით. მოუთმენლად ველით ჩვენი პარტნიორობის გაგრძელებას და  წარმატებებს გისურვებთ თქვენს საქმიანობაში“, - ნათქვამია სსფ-ის აღმასრულებელი დირექტორის მიერ ნათია თურნავასთვის გამოგზავნილ წერილში.I ვიცე-პრეზოდენტი პრეზიდენტად გასულ კვირას დაინიშნა. სებ-ის საბჭოს 4 ახალი წევრითაც შეივსო და ცხრანი არიან. 

1739372287

შენელებულია როგორც კორპორაციულის ასევე საცალოლ დაკრედიტების ზრდის ტემპი. მ.შ. მსხვილი ბიზნესის, რომლის წვლილი 4.08%-ია (l/m – 4.48%). იპოთეკის კონტიბუცია 17%-იან ზრდაში 2.48%-ია (L/m – 2.7%).ყველაზე მზარდი სამომხმარებლო სესხები რჩება, 24.24%-იანი წლიური ზრდით.მოთხოვნა შემცირებულია, მთლიანად სესხებზე, რომლის ზრდის ტემპი 16.25%-ია (L/m -17.3%) და ბაზარი სებ-ისგან რეკალიბრაციას ელის, რეგულაციების შემსუბუქებას. მ.შ. ახლად ამოქმედებული 500 000 ლარიანი ზღვრის ჩამოწევას, რადგან სავალუტო დაკრედიტების  ნიშნული მდგრადი ზრდის კოეფიციენტსაც ჩამოსცდა. 2.6%Y.Y-დან , 0.4%Y.Y-მდე დაიკლო.სავალუტო სესხზე ხელმისაწვდომობა, 500 000 ლარამდე, იანვრიდან შეიზღუდა. მანამდე რეგულაციამ 2 ეტაპი გაიარა, ზღვრის 300 000-მდე და 400 000-მდე აწევით.ამას წინ უძღოდა სებ-ის რამდენიმე  შეზღუდვა და რეკომენდაცია. მ.შ. სესხის საშეღავათო პერიოდის შეზღუდვა (უწინ რომ იყო 6-თვიანი და 3-თვიანი, თუ გახოსვთ).  შეღავათიანად არ მიიჩნევა პერიოდი, თუ მისი გასვლის შემდეგ მსესხებლის ტვირთი მძიმდება.ასევე, სებ-მა გააფრთხილა საბანკო სექტორი, სესხის გაცემისას, ქირიდან შემოსავალი ნაკლებობით გაეთვალისწინა.(ფასის მერყეობის გამო).ბოლო პერიოდში (საშუალოვადიანი) ერთი შერბილება იყო მხოლოდ, 3 წლამდე ვადაშეკვეცილი სამომხმარებლო სესხის 4 წლამდე დაგრძელვადიანება.TOP-5 ბანკი საცალო პორტფელით 

1739368900

რეკომენდაციის თანახმად, ჯგუფი 2024 წლის მეორე ნახევრის ₾5.55 ლარის დივიდენდს გადაიხდის TBC PLC-ის თითო აქციაზე (საბოლოო დივიდენდი).დამტკიცების შემთხვევაში, საბოლოო დივიდენდი აქციონერებზე 2025 წლის 11 ივლისს განაწილდება, რომლებიც წევრების რეესტრში 2025 წლის 6 ივნისისთვის იქნებიან.დივიდენდის განაწილებისთვის ვალუტის კონვერტაციის თარიღად 13 ივნისი განისაზღვრა, ხოლო უშუალოდ კურსი სების მიერ 9-13 ივნისის 5-დღიანი საშუალო კურსით დაითვლება (₾/£).საბოლოო დივიდენდი, 2024 წლის 11 ნოემბერს გადახდილ TBC PLC აქციაზე 2.55 ლარის შუალედურ დივიდენდთან ერთად, ჯამში მთლიან დივიდენდს 2024 წლის 31 დეკემბერს დასრულებული წლისთვის ₾8.10 ლარს შეადგენს თითო აქციაზე, რაც 12%-ით მეტია 2023-ში განაწილებულ დივიდენდთან შედარებით.ამით 2024 წლისთვის დივიდენდის გადახდის მთლიანი კოეფიციენტი 35%-მდეა და მთლიანი განაწილება/წმინდა მოგების 39%-მდეა, მათ შორის ₾50 მლნ ლარის აქციების გამოსყიდვის გათვალისწინებით. 

1739363643

პლატფორმას ახლახან დაემატა კურსი - „ელექტრონული კომერცია“, რომელიც დაინტერესებულ პირებს ამ სფეროში მნიშვნელოვან დახმარებას გაუწევს.კურსის გავლის შედეგად გაიგებთ, როგორ შეიძლება შეიქმნას ელექტრონული კომერციის ვებგვერდი, რომელი პლატფორმები უნდა გამოიყენოთ, რაში დაგეხმარებათ ხელოვნური ინტელექტი და ციფრული მარკეტინგი და სხვა.„ელექტრონული კომერცია ციფრული ეპოქის ეკონომიკური საფუძველია. იგი მსოფლიოს სხვადასხვა წერტილს ერთმანეთთან აკავშირებს და მას ერთ გლობალურ ბაზრად აყალიბებს. ელექტრონული კომერცია ფილოსოფიაა, რომელმაც შეცვალა ჩვენი ცხოვრების, ურთიერთობისა თუ მუშაობის წესი. ამ სფეროში ინოვაცია ხვდება ტექნოლოგიებს, იდეები გარდაიქმნება პროდუქტებად, მცირე სტარტაპებს კი ეძლევათ შესაძლებლობა, გლობალურ ბრენდებად იქცნენ“, - ამბობს მენტორი, თორნიკე აფხაზი.„მოხარული ვართ, რომ გვაქვს შესაძლებლობა, ბიზნესის წარმომადგენლებს, მათ შორის ელექტრონული კომერციის საკითხებით დაინტერესებულ ადამიანებს, გავუზიაროთ საგანმანათლებლო ინსტრუმენტები, რათა კიდევ უფრო განვითარდნენ და საკუთარ საქმიანობაში ინოვაციური მეთოდები დანერგონ. ელექტრონული კომერცია ერთ-ერთი სწრაფად მზარდი დარგია, აღნიშნული კურსით კი ჩვენ შესაძლებლობას ვაძლევთ ბიზნესებს, გაეცნონ მის საფუძვლებს და დაგეგმონ მომდევნო ნაბიჯები საკუთარი ელ. კომერციის პლატფორმებისა და ვაჭრობის განვითარებისთვის“, - აცხადებენ საქართველოს ბანკში.კურსის შესახებ დეტალური ინფორმაციის სანახავად და რეგისტრაციისთვის ეწვიეთ ბმულს.ინფორმაციისთვის, ბიზნესკურსი საქართველოს ბანკის მიერ შექმნილი უფასო პლატფორმაა, რომელზეც კურსები ხელმისაწვდომია ონლაინ ლექციების ფორმატში, მათი გავლა კი შესაძლებელია ნებისმიერ დროს, ნებისმიერი ადგილიდან. ბიზნეს კურსი ბიზნეს განათლებისა და ბიზნეს 360-ის შემადგენელი ნაწილია. ბიზნეს 360° ციფრული პლატფორმაა, რომელიც ყველა იმ  შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის - იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები თუ სხვა.

1739362806

საელჩო აღნიშნავს, რომ განსაკუთრებით შეშფოთებულები არიან „ბათუმელებისა” და „ნეტგაზეთის” დამფუძნებლის, მზია ამაღლობელის საქმის გამო.„ამჟამად დემონსტრანტების წინააღმდეგ რამდენიმე სასამართლო პროცესი მიმდინარეობს. ზოგიერთ მათგანს ხანგრძლივი პატიმრობა ემუქრება. ამასთან სახელმწიფო სტრუქტურების მხრიდან ჩადენილი დარღვევების სერიოზული მოკვლევა ჯერ არ ჩატარებულა.განსაკუთრებით შეშფოთებულები ვართ ჟურნალისტ მზია ამაღლობელის საქმის გამო, რომელსაც ჯანმრთელობის მდგომარეობის მიუხედავად წინასწარი პატიმრობიდან არ ათავისუფლებენ.გერმანიის საელჩო ევროპელ და ამერიკელ პარტნიორებთან ერთად აგრძელებს სასამართლო პროცესების დაკვირვებას და თვლის, რომ აუცილებლად უნდა იყოს დაცული სამართლებრივი სახელმწიფოს პრინციპები, განსაკუთრებით კი კანონის წინაშე თანასწორობის, პროპორციულობის, სამართლებრივი უსაფრთხოებისა და თავისუფლების დაცვის პრინციპები.ასე მაგალითად, სასამართლო პრაქტიკაში სერიოზულად უნდა იქნას მიღებული საკანონმდებლო დებულებები წინასწარი პატიმრობიდან შესაძლო გათავისუფლების შესახებ. როგორც ჩანს, უნდა მოხდეს იმ ადამიანების დაშინება, რომლებიც თავიანთი ძირითადი უფლებებით სარგებლობენ. შესაძლო სისხლისსამართლებრივი დანაშაულებისას არ უნდა იქნას გამოყენებული განსხვავებული სტანდარტები დემონსტრანტებისა და სამართალდამცავი ორგანოების წარმომადგენლების მიმართ”, – წერს გერმანიის საელჩო.„ბათუმელებისა“ და „ნეტგაზეთის“ დამფუძნებელი მზია ამაღლობელი 32-ე დღეა შიმშილობს. ის 4 თებერვალს კლინიკა „ვივამედში" კვლევებისთვის გადაიყვანეს.7 თებერვალს ამაღლობელი „ვივამედში“ მოინახულა ექიმთა კონსილიუმმა, რომელიც სახალხო დამცველმა შექმნა. ექიმების საერთო პოზიციაა, რომ რადგან მზია ამაღლობელი შიმშილობას აგრძელებს, ის კლინიკაში უნდა დარჩეს. ამაღლობელმა ექიმებს უთხრა, რომ პენიტენციურ დაწესებულებაში დაბრუნება უნდა.10 თებერვალს „ვივამედის" კლინიკურმა დირექტორმა, ზურაბ ჩხაიძემ განაცხადა, რომ ჟურნალისტს გააცნეს 30-დღიანი შიმშილობისას შესაძლო გართულებების შესახებ ინფორმაცია, რაც მზია ამაღლობელმა გაითვალისწინა და ის მონიტორინგის მიზნით, კლინიკაში რჩება.მზია ამაღლობელს ბათუმის პოლიციის უფროსის, ირაკლი დგებუაძისთვის სახეში სილის გარტყმის გამო პოლიციელზე თავდასხმას ედავებიან. მას 4-დან 7 წლამდე პატიმრობა ემუქრება.

1739359861