„ეს აბსურდი უნდა შეწყდეს“ - ევროკავშირი „ოცნებას“ ახალი შეზღუდვების გამო სანქციებით ემუქრება

პირველი საქმე: თავდაცვის სამინისტროს გენერალურ ინსპექციასა და პროკურატურასთან ერთად ჩატარებული ერთობლივი ღონისძიებების ფარგლებში, თბილისში ქრთამის აღებისა და ქრთამის აღებაში დახმარების, ასევე, სამსახურებრივი სიყალბის ფაქტებზე, დაკავებულები არიან საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შპს „ფსიქიკური ჯანმრთელობისა და ნარკომანიის პრევენციის ცენტრის“ ექიმი-ფსიქიატრი და ამავე ცენტრის უსაფრთხოების თანამშრომელი.ჩატარებული გამოძიებით დადგენილია, რომ ექიმმა-ფსიქიატრმა წვევამდელთა ეროვნული სამხედრო სამსახურისთვის თავის არიდების მიზნით, უსაფრთხოების თანამშრომლის დახმარებით, ქრთამის აღების სანაცვლოდ, წვევამდელ პირს დაუდგინა ყალბი სამედიცინო დიაგნოზი და დაუმზადა ყალბი ინფორმაციის შემცველი სამედიცინო ცნობა, რომლის გამოყენებითაც ის შეძლებდა სამხედრო ვალდებულებისგან  გარკვეული პერიოდით თავის არიდებას.გამოძიება საქართველოს სისხლის სამართლის კოდექსის 338-ე მუხლის პირველი ნაწილით, 25, 338-ე მუხლის პირველი ნაწილითა და 341-ე მუხლით მიმდინარეობს, რაც სასჯელის სახით 6-დან 9 წლამდე ვადით თავისუფლების აღკვეთას ითვალისწინებს.მეორე: წინასწარი შეთანხმებით, ჯგუფის მიერ თაღლითობის ფაქტზე, დაკავებულია ერთი მოქალაქე, ერთ პირს კი ბრალდება წარედგინა.ჩატარებული გამოძიებით ამ ეტაპზე გამოვლენილია, რომ ბრალდებულები, თითქოსდა სამხედრო-სამედიცინო კომისიის წევრის დახმარებით, მოქალაქეს ეროვნულ სამხედრო სამსახურში გაწვევის გადავადებას დაჰპირდნენ ჯანმრთელობის მდგომარეობის დროებით შეუსაბამობის დადგენის გზით. ამის სანაცვლოდ მათ მოქალაქეს  10 000 ლარის გადახდა მოსთხოვეს და წინასწარ გამოართვეს 5 000 ლარი. რეალურად კი არანაირი დახმარება არ გაუწევიათ და მიღებული თანხა თაღლითურად მიისაკუთრეს.აღნიშნულ ქმედებასთან დაკავშირებით გამოძიება  საქართველოს სისხლის სამართლის კოდექსის 19, 180-ე მუხლის მეორე ნაწილის „ა“ და „ბ“ ქვეპუნქტებით მიმდინარეობს, რაც სასჯელის სახით 4-დან 7 წლამდე ვადით თავისუფლების აღკვეთას ითვალისწინებს.მესამე სისხლის სამართლის საქმე: სამსახურებრივი უფლებამოსილების ბოროტად გამოყენების, სამსახურებრივი სიყალბისა და ყალბი ოფიციალური დოკუმენტების არაერთგზის დამზადების, გასაღებისა და გამოყენების ფაქტებზე ბრალდება წარედგინათ ქარელის მუნიციპალიტეტის მერიის, სამხედრო აღრიცხვისა და გაწვევის სამსახურის ყოფილ უფროსს და შპს „ბერმუხის“ მმართველს.გამოძიებით დადგინდა, რომ სამხედრო აღრიცხვისა და გაწვევის სამსახურის ყოფილმა უფროსმა, სამსახურებრივი მდგომარეობის გამოყენებით, შესაბამისი კომისიების  გადაწყვეტილებების გარეშე,  სამედიცინო დასკვნების გაყალბებით, ალტერნატიულ შრომით სამსახურში გასაწვევად ექვსი წვევამდელი აღრიცხვაზე აიყვანა, რომელთაგან ნაწილი ალტერნატიული არასამხედრო შრომითი სამსახურის მოსახდელად მიავლინეს შპს „ბერმუხაში“. კომპანიის ფაქტიურმა მმართველმა არაერთგზის გასცა ყალბი ცნობა-დახასიათებები, რომ თითქოსდა აღნიშნული წვევამდელები დასაქმებული იყვნენ შპს „ბერმუხაში“ და გადიოდნენ არასამხედრო, ალტერნატიულ შრომით სამსახურს. კიდევ ერთი დეტალი, აღნიშნულ პერიოდში წვევამდელთა ნაწილი ქვეყნის ფარგლებს გარეთ იმყოფებოდა.აღნიშნულ ქმედებებთან დაკავშირებით გამოძიება საქართველოს სისხლის სამართლის კოდექსის 332-ე მუხლის პირველი ნაწილით, 341-ე მუხლით და 362-ე მუხლის მეორე ნაწილის „ა“ ქვეპუნქტით მიმდინარეობს, რაც სასჯელის სახით 3-დან 6 წლამდე ვადით თავისუფლების აღკვეთას ითვალისწინებს.მეოთხე: ჯგუფურად კომერციული მოსყიდვის და ყალბი ოფიციალური დოკუმენტების დამზადებისა და გასაღების ფაქტებზე სისხლის სამართლის პასუხისგებაშია მიცემული შპს „კროლ მედიქალ ქორფორეიშენის“ და შპს „თბილისის ცენტრალური საავადმყოფოს“ ოთხი ექიმი.ჩატარებული გამოძიებით დადგენილია, რომ მედიკოსებმა, მათთან დანაშაულებრივ კავშირში მყოფ, ამავე საქმეზე, ჯგუფურად კომერციულ მოსყიდვაში დახმარების ფაქტზე უკვე მხილებული პირის მიერ მოძიებულ 315 მოქალაქეს დაუმზადეს ჯანმრთელობის მდგომარეობის შესახებ ყალბი ცნობები და სხვა სამედიცინო დოკუმენტაცია, უზრუნველყვეს მათი განთავსება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შესაბამის ელექტრონულ ბაზაში, რის საფუძველზეც მოქალაქეებს შეზღუდული შესაძლებლობის მქონე პირის სტატუსი უკანონოდ მიენიჭათ და სახელმწიფო პენსია დაენიშნათ. ამ ეტაპზე გამოკითხულია 107 პირი, რომლებიც ადასტურებენ ყალბი დოკუმენტის საფუძველზე  სახელმწიფო პენსიის მიღებას.გამოძიება  საქართველოს სისხლის სამართლის კოდექსის 221-ე მუხლის მეოთხე ნაწილის „ა“ ქვეპუნქტით, 25, 221-ე მუხლის მეოთხე ნაწილის „ა“ ქვეპუნქტით  და 362-ე მუხლის მეორე ნაწილის “ბ“ ქვეპუნქტით მიმდინარეობს, რაც სასჯელის სახით 4-დან 6 წლამდე ვადით თავისუფლების აღკვეთას ითვალისწინებს.მეხუთე სისხლის სამართლის საქმე: დიდი ოდენობით თაღლითობისა და თაღლითობაში დახმარების, ასევე, ყალბი ოფიციალური დოკუმენტის დამზადებისა და გამოყენების ფაქტებზე ბრალდება წარედგინათ შპს „ელმარის” წარმომადგენელს, შპს „თეგიკა უნივერსალის” დირექტორს და  შპს „ექსპერტ სერვისის”  ექსპერტს.ჩატარებული გამოძიებით ამ ეტაპზე დადგენილია, რომ ჩოხატაურის მუნიციპალიტეტის სოფელ ხიდისთავში მდებარე ფეხბურთის მოედნის სარეაბილიტაციო სამუშაოების შესრულებისას შპს „თეგიკა უნივერსალის” დირექტორი, ქვეკონტრაქტორი კომპანია შპს „ელმარის” მინდობილი პირისა და შპს „ექსპერტ სერვისის” ექსპერტის  დახმარებით,  თაღლითურად დაეუფლა ჩოხატაურის მუნიციპალიტეტის მერიის კუთვნილ 19 090 ლარს.აღნიშნულ ქმედებებთან დაკავშირებით გამოძიება  საქართველოს სისხლის სამართლის კოდექსის 180-ე მუხლის მესამე ნაწილის „ბ“ ქვეპუნქტით, 25, 180-ე მუხლის მესამე ნაწილის „ბ“ პუნქტითა და 362-ე მუხლის მეორე ნაწილით მიმდინარეობს, რაც 6-დან 9 წლამდე თავისუფლების აღკვეთას ითვალისწინებს.მეექვსე საქმე: წინასწარი შეთანხმებით ჯგუფის მიერ დიდი ოდენობით თაღლითობისა და თაღლითობაში დახმარების, ასევე, ყალბი ოფიციალური დოკუმენტის დამზადება-გამოყენების  ფაქტებზე შპს „ევრო გზის“ დირექტორს და ბუღალტერს, შპს „ბილტმორის“ დირექტორს და ინსპექტირების ორგანო - შპს „ექსპერტ ჰაუსის“ ყოფილ ზედამხედველს ბრალდება წარედგინათ.ჩატარებული გამოძიებით დადგენილია, რომ გურჯაანის მერიასა და შპს „ბილტმორს“ შორის გაფორმებული ხელშეკრულების საფუძველზე, ქვეკონტრაქტორი ორგანიზაციის - შპს „ევრო გზის“ მიერ  განხორციელდა საავტომობილო გზის სარეაბილიტაციო სამუშაოები, ღირებულებით 477 551 ლარი. სამუშაოებს ტექნიკურ ზედამხედველობას უწევდა გურჯაანის მუნიციპალიტეტის მერიის მიერ დაქირავებული შპს ,,ექსპერტ ჰაუსი“, რომლის დასკვნის საფუძველზეც განხორციელდა ანგარიშსწორება. საინჟინრო ექსპერტიზის  დასკვნის თანახმად კი,რეალურად შესრულებულ  სამუშაოებსა და კომპანიის მიერ შედგენილ სამუშაოების შესრულების ამსახველ აქტებში დაფიქსირდა 38 158 ლარის სხვაობა. თავის მხრივ, ზემოხსენებული პასუხისმგებელი პირები თაღლითურად დაეუფლნენ გურჯაანის მუნიციპალიტეტის მერიის კუთვნილ 38 158 ლარს.აღნიშნულ ქმედებებთან დაკავშირებით გამოძიება  საქართველოს სისხლის სამართლის კოდექსის 180-ე მუხლის მეორე ნაწილის „ა“ ქვეპუნქტით, მე-3 ნაწილის „ბ“ ქვეპუნქტით, 25, 180-ე მუხლის მე-3 ნაწილის „ბ“ ქვეპუნქტით და 362-ე მუხლის მე-2 ნაწილის „ბ“ ქვეპუნქტით მიმდინარეობს, რაც სასჯელის სახით 6-დან 9 წლამდე ვადით თავისუფლების აღკვეთას ითვალისწინებს.მეშვიდე: სამსახურებრივი მდგომარეობის გამოყენებით დიდი ოდენობით თაღლითობის, თაღლითობაში დახმარების, სამსახურებრივი სიყალბისა და ყალბი ოფიციალური დოკუმენტის დამზადება-გამოყენების ფაქტზე გურჯაანის მუნიციპალიტეტის მერიის თანამშრომელს, ამავე მუნიციპალიტეტის მერის წარმომადგენელს გურჯაანში და ორ მოქალაქეს ბრალდება წარედგინათ.ჩატარებული გამოძიებით  გამოვლენილია, რომ გურჯაანის მუნიციპალიტეტის მერიის თანამშრომელმა განიზრახა თაღლითურად დაუფლებოდა გურჯაანში, გ. ლეონიძის ქუჩაზე მდებარე 3 900 კვ. მ. ფართობის მიწის ნაკვეთს. განზრახვის სისრულეში მოყვანის მიზნით, მან განცხადებით მიმართა საჯარო რეესტრის ეროვნულ სააგენტოს და მოითხოვა  მიწის ნაკვეთზე უფლებათა სპორადული წესით რეგისტრაცია. მერის წარმომადგენელმა, რომელსაც ევალებოდა საკითხის შესწავლა, სამსახურებრივი მდგომარეობის გამოყენებით, შეადგინა და გასცა ყალბი საკუთრების უფლებადამდგენი დოკუმენტი, რის საფუძველზეც მიწის ნაკვეთი უკანონოდ დარეგისტრირდა გურჯაანის მერიის ზემოაღნიშნული თანამშრომლის სახელზე, რითაც სახელმწიფოს  70 200 ლარის ზიანი მიადგა.აღნიშნულ ქმედებებთან დაკავშირებით გამოძიება  საქართველოს სისხლის სამართლის კოდექსის 180-ე მუხლის მე-3 ნაწილის „ა“ და „ბ“ ქვეპუნქტით, 25, 180-ე მუხლის მე-3 ნაწილის „ა“ და „ბ“ ქვეპუნქტით, 341-ე მუხლით და 362-ე მუხლის მეორე ნაწილით „ბ“ ქვეპუნქტით მიმდინარეობს, რაც სასჯელის სახით 6-დან 9 წლამდე ვადით თავისუფლების აღკვეთას ითვალისწინებს.ზემოთ აღნიშნულ დანაშაულებთან მიმართებით, გამოძიების ფარგლებში, სასამართლოს განჩინებების საფუძველზე, განხორციელდა ფარული საგამოძიებო მოქმედებები, რის შედეგადაც მოპოვებულია აღნიშნული დანაშაულებრივი ქმედების ჩადენის ამსახველი აუდიო და ვიდეომტკიცებულებები.ანტიკორუფციული სააგენტო განაგრძობს მუშაობას ნებისმიერი კორუფციული დანაშაულის გამოვლენისა და პრევენციის მიზნით.

1769683064

მხოლოდ დეკემბრის თვეში 11 ახალი სადგური აღიმართა და ამ გაფართოებამ მოიცვა არაერთი რეგიონი: ზღვისპირა, მთიანი და დედაქალაქი.თბილისში ბოლო ერთ თვეში ახალი სიხშირის აქტივაციის შედეგად, მომხმარებლებისთვის საგრძნობლად გაუმჯობესდა მობილური ინტერნეტის ხარისხი, ყოველდღიურ გამოყენებაში: ინტერნეტის საშუალო სიჩქარე გაიზარდა 30%-ით კავშირი გახდა ბევრად უფრო სტაბილური  თითქმის 30%-ით შემცირდა დაყოვნება, რაც ნიშნავს იმას, რომ ბევრად უფრო სწრაფად ხდება ატვირთვა/ჩამოტვირთვა და დაკავშირება. ეს განახლებები აისახება ისეთ ყოველდღიურ აქტივობებზე, როგორებიცაა ვებგვერდების დათვალიერება, ვიდეოზარები, ონლაინ სტრიმინგი, გეიმინგი და სხვ.სელფი მობაილისთვის ქსელის განვითარებაზე ზრუნვა უპირატესია, მომხმარებლების გამოცდილების შემდგომი გაუმჯობესებისთვის.(R)

1769681451

შეხვედრის დაწყებამდე ოპოზიციის წარმომადგენლებმა აქცენტი ქვეყანაში არსებულ მძიმე პოლიტიკურ ვითარებასა და დასავლური კურსიდან გადახვევაზე გააკეთეს. გიორგი ბარამიძის განცხადებით, საქართველო „რუსეთის გუბერნიის სტატუსისკენ მიექანება“, რაც ამერიკელი მეგობრების მხრიდან გაზრდილ ინტერესს იწვევს. მან ასევე გააკრიტიკა „ქართული ოცნების“ ახალი საკანონმდებლო პაკეტი, რომელსაც „პუტინზე უარესი“ უწოდა.ბადრი ჯაფარიძემ კი აღნიშნა, რომ მთავარი თემა აშშ-საქართველოს შორის სტრატეგიული ურთიერთობის აღდგენა და უსაფრთხოების გარანტიებით მსხვილი ინფრასტრუქტურული პროექტების განხორციელება იქნებოდა.ახალი რეგულაციები და „რუსული სიგნალი“ ბრიუსელსშეხვედრის დასრულების შემდეგ ზურაბ ჯაფარიძემ განაცხადა, რომ „ქართულმა ოცნებამ“ გრანტების შესახებ ახალი რეგულაციები სპეციალურად დაამთხვია კონგრესის დელეგაციის ვიზიტს.„ეს არის რუსების მხრიდან სიგნალი კონკრეტულად ამერიკელებისთვის, რომ ეს ქვეყანა ჩვენ გვიდევს ჯიბეში და რასაც გვინდა, იმას გავაკეთებთ“, - განაცხადა ჯაფარიძემ.მან ასევე ისაუბრა ყოფილი პრემიერ-მინისტრის, ირაკლი ღარიბაშვილის დაკავებაზე. ჯაფარიძის თქმით, მიუხედავად იმისა, რომ ღარიბაშვილს დანაშაული აქვს ჩადენილი, ის მაინც „პოლიტიკური პატიმარია“, რადგან მისი დაკავება პოლიტიკური მოტივებით მოხდა.სტრატეგიული პარტნიორობა და „MEGOBARI აქტი“„თავისუფლების მოედნის“ ლიდერმა, ლევან ცუცქირიძემ აღნიშნა, რომ ამერიკელი სტუმრები კარგად არიან ინფორმირებულები საქართველოში მიმდინარე პროცესებზე. შეხვედრაზე ნახსენები იყო „MEGOBARI აქტიც“.ცუცქირიძის თქმით, ახლა დიდი ალიანსების დროა და საქართველო უძლიერეს პარტნიორთან, აშშ-სთან ერთად უნდა იყოს.ბადრი ჯაფარიძემ კი ყურადღება სამხრეთ კავკასიის სატრანსპორტო კორიდორზე გაამახვილა. მისი თქმით, მნიშვნელოვანია, რომ საქართველო არ დარჩეს ამერიკული ინიციატივების მიღმა, რაც ღრმაწყლოვანი პორტის მშენებლობასა და უსაფრთხოების გარანტიებს გულისხმობს. რა იცვლება კანონმდებლობაში?"ქართული ოცნების" მიერ დაანონსებული ცვლილებები, რომელიც შეხვედრის ერთ-ერთი მთავარი თემა იყო, ითვალისწინებს: გრანტების კონტროლი: ნებისმიერი უცხოური დაფინანსება, რომელიც პოლიტიკაზე გავლენას ისახავს, საჭიროებს მთავრობის ნებართვას სასჯელი: დარღვევა გამოიწვევს 6 წლამდე თავისუფლების აღკვეთას შეზღუდვა პარტიებში: პირი, რომლის ორგანიზაციის შემოსავლის 20%-ზე მეტი უცხოურია, 8 წლის განმავლობაში ვერ გახდება პარტიის წევრი ჯარიმები ბიზნესისთვის: მეწარმე სუბიექტები პოლიტიკური აქტიურობისთვის 20,000-დან 40,000 ლარამდე დაჯარიმდებიან

1769681409

შეხვედრის მთავარი შედეგი მარაბდა-კარწახის სარკინიგზო ხაზზე ტვირთების გადაზიდვის უფლების მოპოვებაა - გაფორმებული შეთანხმების თანახმად, ამ მონაკვეთზე სატვირთო ოპერაციებს ექსკლუზიურად „საქართველოს რკინიგზა“ განახორციელებს.მხარეებმა დეტალურად განიხილეს „შუა დერეფნის“ კონკურენტუნარიანობის გაზრდისა და დამატებითი ტვირთების მოზიდვის სტრატეგია. განსაკუთრებული ყურადღება დაეთმო ბაქო-თბილისი-ყარსის (BTK) რკინიგზის ოფიციალურ ამოქმედებას, რაც რეგიონისთვის სტრატეგიული მნიშვნელობის მოვლენაა.შეთანხმების ძირითადი პუნქტები: ექსკლუზიური უფლება: „საქართველოს რკინიგზა“ ხდება ერთადერთი ოპერატორი მარაბდა-კარწახის ხაზზე. BTKI Railways-ის როლი: შეთანხმებას ხელი მოაწერეს ლაშა აბაშიძემ და BTKI Railways-ის გენერალურმა დირექტორებმა, ლევან კანკავამ და მიქაელ აბასოვმა. ეკონომიკური ეფექტი: ახალი შეთანხმება გააძლიერებს საქართველოს სატრანზიტო და ლოგისტიკურ პოტენციალს და გაზრდის ქვეყნის შემოსავლებს საერთაშორისო გადაზიდვებიდან. „ეს შეთანხმება მნიშვნელოვანი ფაქტია ქვეყნის სარკინიგზო ინფრასტრუქტურისა და რეგიონული ეკონომიკური თანამშრომლობისათვის, რადგან გაიზრდება კონკურენტუნარიანობა და გაძლიერდება საქართველოს ლოგისტიკური შესაძლებლობები“, - აღინიშნა შეხვედრაზე.

1769678221

ადგილობრივი ელექტროენერგიის მოხმარება2025 ადგილობრივი წელს მოხმარება წლიურად 3.5%-ით გაიზარდა და 14.3 ტვტ.სთ შეადგინა. ამასთან, განსაკუთრებით მაღალი ტემპით (+9.2% წ/წ) გაიზარდა პირდაპირი ელექტოენერგიის მოხმარება. მომხმარებლებისექსპორტიგალტ&თაგარტის კვლევის თანახმად, 2025 წელს ექსპორტის მოცულობა შემცირდა 0.5 ტვტ.სთ-მდე (-51.2% წ/წ), ხოლო საშუალო საექსპორტო ფასი კვტ.სთ-ზე 4.6 აშშ ცენტამდე (-2.0% წ/წ). შედეგად ექსპორტიდან განახევრდა 23.5 მლნ. აშშ დოლარამდე. შემოსავლები.სავაჭრო ბალანსი2025 წელს ექსპორტის სეზონი, მაისში დაიწყო და ივლისში დამთავრდა. საქართველო წმინდა იმპორტიორი გახდა 24.3 მლნ აშშ დოლარის ღირებულების წმინდა იმპორტით. ამასთან, რაოდენობრივად საქართველო წმინდა იმპორტიორი იყო 1.0 ტვტ.სთ.ელექტროენერგიის ფასი საქართველოში2025 წელს საბითუმო ბაზარზე ელექტროენერგიის ფასი წლიურად 4.1%-ით გაიზარდა და 5.8 აშშ ცენტი შეადგინა. საბალანსო ელექტროენერგიის ფორმირებაში ყველაზე მაღალი წილი კვლავ PPA-იან სადგურებს უჭირავთ. დღით ადრე ბაზარზე ტრანზაქციების რაოდენობა მინიმალური იყო.ბაზრის სიახლეებისემეკმა განაახლა რეგულირებული კომპანიების ტარიფები, დამტკიცდა ენერგო პროს და თელასის 5-წლიანი საინვესტიციო გეგმები და ახალი საცალო ტარიფის დამტკიცება გადაიდო 3 თვით, 2026 წლის 31 მარტამდე.

1769677560

საერთაშორისო ვიზიტორების ზრდა ძირითადად განპირობებული იყო ნაკადების მკვეთრი ზრდით ისრაელიდან, მეზობელი ქვეყნებიდან - განსაკუთრებით რუსეთიდან, ევროკავშირიდან და ჩინეთიდან. აღსანიშნავია, რომ 2025 წლის მეორე ნახევარში ინდოეთიდან ვიზიტორების ზრდა მნიშვნელოვნად შენელდა: მეოთხე კვარტალში წლიურმა ზრდამ 4.5% შეადგინა, მაშინ როდესაც წლის პირველ ნახევარში 31.4% იყო. აღნიშნული დინამიკა შესაძლოა ასახავდეს უფრო მცირე რაოდენობის, თუმცა შედარებით მაღალმხარჯველ ვიზიტორთა სეგმენტზე გადასვლას.ჯამურად, 2025 წელს საერთაშორისო ვიზიტორების რაოდენობამ 6.9 მლნ შეადგინა (+6.2% წ/წ), საიდანაც ტურისტების რაოდენობა 5.5 მლნ (+8.4% წ/წ), ხოლო ერთდღიანი ვიზიტორების რაოდენობა 1.3 მლნ (-2.2% წ/წ) იყო.შემოსავლები ტურიზმიდანტურიზმიდან მიღებულმა შემოსავლებმა 4Q25-ში 1.1 მლრდ აშშ დოლარი შეადგინა, რაც წინა წელთან შედარებით 9.2%-იანი ზრდაა. ზრდის მთავარი წყარო ისრაელი იყო (+37% წ/წ), შემდეგ ევროკავშირის ქვეყნები (+26.6% წ/წ), მეზობელი ქვეყნები გარდა რუსეთისა (+17.8% წ/წ) და აზიური ბაზრები.საინვესტიციო კომპანიის კვლევის თანახმად, აღსანიშნავია, რომ რუსეთიდან ვიზიტორთა ზრდის მიუხედავად, შემოსავლები წლიურად 23.7%-ით შემცირდა მე-4 კვარტალში. ხოლო, ირანიდან ვიზიტორთა კლების მიუხედავად, შემოსავლები პრაქტიკულად უცვლელი დარჩა (-1.2% წ/წ).საერთო ჯამში, 2025 წელს ტურიზმიდან მიღებული შემოსავლები წლიურად 6%-ით გაიზარდა და 4.7 მლრდ აშშ დოლარი შეადგინა.2026 წლის პროგნოზიგალტ&თაგარტის შეფასებით, 2026 წელს ტურისტების რაოდენობა 6.1 მლნ-ს მიაღწევს. ტურიზმიდან მიღებული შემოსავლები კი $5 მლრდ-მდე გაიზრდება. 

1769674933

გოგა გულორდავას 26 წლიანი სამუშაო გამოცდილება აქვს. კომუნიკაციების კომისიამდე, იგი 2 წლის განმავლობაში ტელეკომპანია „ტელეიმედში" ფინანსური მონიტორისა და აუდიტის პოზიციას იკავებდა. 2020 წლიდან 2025 წლამდე კი, საქართველოს სახელმწიფო ელექტროსისტემაში გენერალური დირექტორის მრჩეველი, შემდგომ კი, ამავე უწყებაში, შიდა აუდიტის დირექტორი იყო. 2016-2020 წლებში გოგა გულორდავა საქართველოს პარლამენტის წევრი, ხოლო 2013-2016 წლებში წალენჯიხის მუნიციპალიტეტის გამგებელი იყო. პროფესიით გოგა გულორდავა იურისტია, მან 1995-2000 წლებში ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი დაამთავრა. სხვადასხვა დროს გოგა გულორდავას გავლილი აქვს საბაჟო და საგადასახადო კანონმდებლობის, სახელმწიფო შესყიდვების, ფინანსური აღრიცხვის, აუდიტორებისა და პროკურორების სასწავლო კურსები საქართველოსა და სხვა ქვეყნებში, მათ შორის, ამერიკის შეერთებულ შტატებსა და გერმანიაში. გარდა ამისა, ჩაბარებული აქვს პროკურატურის მუშაკთა საკვალიფიკაციო გამოცდა. შეგახსენებთ, რომ 2025 წლის დეკემბერში გოგა გულორდავა საქართველოს პარლამენტმა ComCom-ის წევრად 77 ხმით, ერთხმად დაამტკიცა.

1769674833

მისი თქმით, გარდა მოზიდული ფინანსური რესურსისა, ახალი ევროობლიგაციის გამოშვება, განსაზღვრავს ქვეყნის რისკის დონეს, ზომავს საერთაშორისო ინვესტორების დაინტერესებასა და ნდობას ქვეყნისა და მისი ეკონომიკის მიმართ.„ორივე მიმართულებით მნიშვნელოვანი წარმატება დაფიქსირდა საქართველოს მთავრობის მიერ გამოშვებული ფასიანი ქაღალდებით. პირველ რიგში, მნიშვნელოვანია, რომ ქვეყნის რისკიანობის მაჩვენებელი შემცირებულია 50 საბაზისო პუნქტზე მეტით, რაც ნიშნავს 25 პროცენტზე მეტით შემცირებას, ხოლო მეორე მხრივ, ვნახეთ რეკორდულად მაღალი მოთხოვნა საქართველოს მიერ გამოშვებულ ევროობლიგაციებზე. ჯამში, 2,8 მილიარდ დოლარამდე ოდენობის მოთხოვნა დაფიქსირდა, რაც არის 5,5-ჯერ მეტი ბაზარზე შეთავაზებულ ოდენობასთან მიმართებით. ის, რომ ძალიან მაღალია შეფასება საერთაშორისო ინვესტორების მხრიდან და გაზრდილია მოთხოვნა, მიუთითებს საქართველოს მთავრობის მიერ განხორციელებული ეკონომიკური და ფისკალური რეფორმების მიმართ ინტერესსა და ნდობაზე", - განაცხადა ფინანსთა მინისტრმა.როგორც მან აღნიშნა, გაგრძელდება მუშაობა, როგორც ევროობლიგაციების ისე, მსოფლიოს სხვა ბაზრებზე. მისი თქმით, მნიშვნელოვანია, რომ მაღალი ინტერესი დაფიქსირდა ლარში დენომინირებული ფასიანი ქაღალდების მიმართ.„ამ მიმართულებით ჩვენ კიდევ გვექნება ღონისძიებები, მოვიწვევთ საერთაშორისო ინვესტორებს ქართულ ბაზარზე, სადაც ინტერესი ძალიან მზარდია ბოლო თვეების განმავლობაში", - აღნიშნა ფინანსთა მინისტრმა, ლაშა ხუციშვილმა.

1769672004