კობახიძემ სუსის უფროსის პოსტზე პარლამენტს ოხანაშვილი წარუდგინა

„უცხო ქვეყნის მოქალაქეთა ნაწილმა საქართველო ნებაყოფლობით დატოვა, ნაწილი კი მიგრაციის დეპარტამენტის თანამშრომლების მიერ ჩატარებული ღონისძიებების შედეგად იძულების წესით იქნა ქვეყნიდან გაძევებული. გაძევებულ პირებს კანონის შესაბამისად ქვეყანაში შემოსვლის აკრძალვა დაუწესდათ.საქართველოდან გაძევებულ იქნა - ინდოეთის, ბელარუსის, ჩინეთის, ტაჯიკეთის, აზერბაიჯანის, რუსეთის, ბანგლადეშის, ამერიკის შეერთებული შტატების, ერაყის, ირანის, ნიგერიის, თურქმენეთის, თურქეთის, ეგვიპტის, პაკისტანის, კამერუნის, იორდანიის, ყირგიზეთის - ჯამში 97 მოქალაქე.საქართველოს შინაგან საქმეთა სამინისტროს მიგრაციის დეპარტამენტი წარმოადგენს ქვეყნის შიგნით უკანონო მიგრაციის წინააღმდეგ ბრძოლაზე პასუხისმგებელ ორგანოს. მის ერთ-ერთ კომპეტენციას წარმოადგენს საქართველოში სამართლებრივი საფუძვლის გარეშე მყოფი უცხო ქვეყნის მოქალაქეების გამოვლენა და საქართველოდან გაძევების განხორციელება“, - ნათქვამია შსს-ს მიერ გავრცელებულ ინფორმაციაში.

1743667818

რაც შეეხება საბაზო ინფლაციას, აღნიშნულმა მაჩვენებელმა 2025 წლის მარტში, გასული წლის შესაბამის პერიოდთან შედარებით 2.4% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი ასევე 2.4%-ით განისაზღვრა.ქვემოთ მოცემულ ცხრილში წარმოდგენილია სამომხმარებლო კალათაში შემავალი საქონლისა და მომსახურების ჯგუფების ფასების პროცენტული ცვლილება და შესაბამისი წვლილი ინფლაციის მთლიან მაჩვენებელში წინა თვესთან შედარებითყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:სურსათი და უალკოჰოლო სასმელები: ჯგუფში ფასები გაიზარდა 2.8%-ით, რაც თვის ინფლაციაზე 0.93 პ.პ-ით აისახა. ფასები მომატებულია ქვეჯგუფებზე: ბოსტნეული და ბაღჩეული (7.4%), შაქარი, ჯემი და სხვა ტკბილეული (6%), პური და პურპროდუქტები (4.8%), მინერალური და წყაროს წყალი, უალკოჰოლო სასმელები და ნატურალური წვენები (3.6%), ხილი და ყურძენი (3%), ყავა, ჩაი და კაკაო (2.4%), თევზეული (1.7%), ზეთი და ცხიმი (1.1%), ხორცი და ხორცის პროდუქტები (0.7%). ამასთან, ფასები შემცირდა რძის, ყველის და კვერცხის ქვეჯგუფზე (-0.3%);ჯანმრთელობის დაცვა: ჯგუფში ფასები მომატებულია 1.7%-ით, რაც თვის ინფლაციაზე 0.15 პ.პ-ით აისახა. ფასები მომატებულია ქვეჯგუფებზე: სამედიცინო პროდუქცია, აპარატურა და მოწყობილობა (2.2%), ამბულატორიული სამედიცინო მომსახურება (2.2%); ტანსაცმელი და ფეხსაცმელი: ჯგუფში ფასები მომატებულია 1%-ით, რაც თვის ინფლაციაზე 0.05 პ.პ-ით აისახა. ფასები მომატებულია ტანსაცმელზე (2.5%). ამასთან, ფასები შემცირდა ფეხსაცმელზე (-2%).ქვემოთ მოცემულ ცხრილში წარმოდგენილია სამომხმარებლო კალათაში შემავალი საქონლისა და მომსახურების ჯგუფების ფასების პროცენტული ცვლილება და შესაბამისი წვლილი 2025 წლის მარტის წლიური ინფლაციის მთლიან მაჩვენებელშიწლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:სურსათი და უალკოჰოლო სასმელები: ჯგუფში ფასები გაიზარდა 6.6%-ით, რაც წლიურ ინფლაციაზე 2.2 პროცენტული პუნქტით აისახა. ფასები მომატებულია ქვეჯგუფებზე: ბოსტნეული და ბაღჩეული (21.3%), ზეთი და ცხიმი (16.4%), ყავა, ჩაი და კაკაო (14.4%), შაქარი, ჯემი და სხვა ტკბილეული (10.8%), მინერალური და წყაროს წყალი, უალკოჰოლო სასმელები და ნატურალური წვენები (7.8%), პური და პურპროდუქტები (5.2%), თევზეული (3.5%), რძე, ყველი და კვერცხი (2.8%), ხორცი და ხორცის პროდუქტები (1.4%). ამასთან, ფასები შემცირებულია ხილსა და ყურძენზე (-3.3%);ჯანმრთელობის დაცვა: ჯგუფში ფასები მომატებულია 8.8%-ით, რაც წლიურ ინფლაციაზე 0.74 პ.პ-ით აისახა. ფასები გაიზარდა ამბულატორიული სამედიცინო მომსახურების (8.9%), სამედიცინო პროდუქციის, აპარატურის და მოწყობილობის (8.4%) და საავადმყოფოების მომსახურების (7.6%) ქვეჯგუფებზე;სხვადასხვა საქონელი და მომსახურება: ჯგუფში ფასები გაიზარდა 6.3%-ით, რაც 0.32 პ.პ-ით აისახა მთლიან ინდექსზე. ფასები, ძირითადად, მომატებულია ქვეჯგუფებზე: პირადი ნივთები, სხვა კატეგორიებში ჩაურთველი (22.4%), დაზღვევა (8.7%), საფინანსო მომსახურება (5.4%), პირადი ჰიგიენა (3.6%);ალკოჰოლური სასმელები, თამბაქო: ჯგუფში ფასები გაიზარდა 4.2%-ით, რაც წლიურ ინფლაციაზე 0.28 პ.პ-ით აისახა. ფასები გაიზარდა როგორც ალკოჰოლურ სასმელებზე (5.3%), ისე თამბაქოს ნაწარმზე (2.9%);კავშირგაბმულობა: ჯგუფში ფასები შემცირებულია 12.4%-ით, რაც წლიურ ინფლაციაზე -0.46 პ.პ-ით აისახა.

1743663840

მან ამ პოსტზე სოსო რამიშვილი შეცვალა.ირაკლი ბერაია მხოლოდ რამდენიმე თვე, კონკრეტულად კი, 2025 წლის იანვრიდან, იკავებდა იუსტიციის მინისტრის მოადგილის თანამდებობას.ირაკლი ბერაიას პროფესია ფინანსები და საბანკო საქმეა. მან თბილისის სახელმწიფო უნივერსიტეტის ეკონომიკის ფაკულტეტი ფინანსებისა და საბანკო საქმის სპეციალობით 1998 წელს დაამთავრა.პარლამენტის ეროვნული ბიბლიოთეკის ბიოგრაფიული ლექსიკონის თანახმად, ბერაია: 2001 წელს სს "გაერთიანებული ქართული ბანკის" შიკრიკი იყო; 2001-2004წწ. სს "გაერთიანებული ქართული ბანკის" სპეციალისტ-შემფასებელი, მთავარი სპეციალისტ-შემფასებელი; 2004-2008წწ. სს ბანკი "ქართუს" - საკრედიტო მენეჯერი; 2008 წელს სს ბანკი "ქართუს" სესხების ადმინისტრირების და მეთოდოლოგიის განყოფილების უფროსი; 2008-2013წწ. სს ბანკი "ქართუს" სესხების ადმინისტრირების და მეთოდოლოგიის განყოფილების უფროსი-საკრედიტო დეპარტამენტის დირექტორის მოადგილე; 2013-2016წწ. სს ბანკი "ქართუს" ცენტრალიზებული ადმინისტრირების დეპარტამენტის დირექტორი; 2016 წლიდან კი იწყება მისი პოლიტიკური კარიერა, როდესაც საქართველოს მე-9 მოწვევის პარლამენტის წევრი გახდა, კერძოდ, მაჟორიტარი, საარჩევნო ბლოკიდან "ქართული ოცნება - დემოკრატიული საქართველო"; 2020 წელს, ის საქართველოს მე-10 მოწვევის პარლამენტის წევრადაც აირჩიეს პარტიული სიით, საარჩევნო ბლოკი ისევ "ქართული ოცნება - დემოკრატიული საქართველო". მოგვიანებით ბერაია „ქართული ოცნების“ განაყოფის, „ხალხის ძალის“ ერთ-ერთი წევრი იყო; იგი ასევე დეპუტატი იყო 2024 წლის არჩევნების შემდეგ დაკომპლექტებულ ერთპარტიულ პარლამენტშიც.

1743662788

ამჯერად კომპანია მცირე და საშუალო მეწარმეებს იწვევს ვებინარზე “იდეიდან გაყიდვამდე”.ვებინარის მიზანია გააძლიეროს მცირე და საშუალო ბიზნესის წარმომადგენლების შესაძლებლობები, მიაწოდოს საჭირო ცოდნა და ინსტრუმენტები, რომლებიც დაეხმარება მათ წარმატებით გადააქციონ იდეები რეალურ, მოთხოვნად პროდუქტებად და გაზარდონ ბიზნესის კონკურენტუნარიანობა.შეხვედრაზე განხილული იქნება შემდეგი საკითხები: როგორ შევიმუშაოთ მოთხოვნადი პროდუქტი და ვიპოვოთ ნიშა ბაზარზე; იდეების ანალიზი და ტესტირება; MVP-ის (Minimal Viable Product) შექმნა და მისი ბაზარზე გამოსაცდელად გამართვა; კონკურენტების ანალიზი და ბაზარზე გარღვევის სტრატეგიები; მომხმარებელთა უკუკავშირის მიღება და პროდუქტის გაუმჯობესება. “კრისტალი მეწარმეებისთვის არა მხოლოდ ფინანსურ პარტნიორს წარმოადგენს, არამედ არაფინანსური სერვისების შეთავაზებით, შესაძლებლობას აძლევს მათ, მიიღონ ცოდნა და მხარდაჭერა, რომელიც დაეხმარება ბიზნესის ეფექტურად განვითარებაში. მსგავსი ტიპის მხარდაჭერა კიდევ უფრო აძლიერებს მცირე და საშუალო მეწარმეებისთვის ხელმისაწვდომ ტექნოლოგიურ და მენეჯერულ რესურსებს, რაც მათ საშუალებას აძლევს, მიიღონ სარგებელი მომხმარებლის საჭიროებების უკეთ აღქმისა და ბაზარზე უფრო გამართული პროდუქტის შექმნის გზით.მეწარმეების წარმატება ჩვენი სტრატეგიის ნაწილია. როდესაც ისინი უფრო ძლიერი და წარმატებული ხდებიან, უფრო მეტად იყენებენ ჩვენს ფინანსურ პროდუქტებს, იზრდება მათი ბიზნესები და ჩვენთან გრძელვადიანი თანამშრომლობის სურვილი. ეს მიდგომა ქმნის "win-win" სიტუაციას, სადაც კრისტალი მეწარმეებს ეხმარება ბიზნესის გაძლიერებაში ცოდნის, უნარებისა და ინსტრუმენტების მიწოდებით, ხოლო ჩვენი მხრიდან ვქმნით ლოიალურ და სანდო პარტნიორებს, რომლებიც ჩვენთან გრძელვადიანად თანამშრომლობენ. კრისტალი იზრდება როგორც SME-ების მხარდაჭერის ბრენდი, რაც განასხვავებს მას ბაზარზე და აძლიერებს მის რეპუტაციას“, - აღნიშნავს ბანკი კრისტალის ბიზნეს საკონსულტაციო მიმართულების ხელმძღვანელი გიორგი ჯანელიძე.მსგავსი ტიპის ვებინარები კიდევ უფრო აძლიერებს მეწარმეებისთვის ხელმისაწვდომ რესურსებს, რომლებიც აუცილებელია წარმატებული ბიზნესის შექმნაში.არ გამოტოვო შესაძლებლობა – დარეგისტრირდი! ვებინარი გაიმართება 11 აპრილს, შეხვედრის ბმულს მიიღებთ ელ.ფოსტაზე. #შენი შესაძლებლობების ბანკი

1743662247

“მოხარული ვართ, რომ სტუდიო ლიბერთიში საბანკო მომსახურების სრულიად ახლებურ გამოცდილებას ვქმნით - სტუდიო სივრცე მულტიფუნქციურია და ჩვენი მომხმარებლები აქ მიიღებენ პრემიალურ საბანკო მომსახურებას, ისარგებლებენ სივრცით და დაესწრებიან მხოლოდ მათთვის ორგანიზებულ საინტერესო ღონისძიებებებს.მთავარი ფაქტორი, რაც სტუდიო ლიბერთის განსაკუთრებულ გამოცდილებად აქცევს, სტუდიო ბანკირია. ადამიანი, რომელიც მომხმარებლებს დაეხმარება ბანკთან ყოველდღიურ ურთიერთობასა და საუკეთესო ფინანსური გადაწყვეტილების მიღებაში, და ამასთანავე სტუდიო სივრცის ეფექტურად ათვისებაში. მნიშვნელოვანია, რომ გამოცდილი ბანკირების დახმარებით, სტუდიო ლიბერთის წევრები ყველა საბანკო სერვისს - როგორც ბიზნესის, ასევე პირადი ფინანსების სამართავად სწრაფად და რაც მთავარია ერთ სივრცეში მიიღებენ", – ლედი კოჭლამაზაშვილი, ლიბერთის პერსონალური ბანკინგის და მომხმარებლისთვის ღირებულების შექმნის დეპარტამენტის ხელმძღვანელი.სტუდიო ლიბერთის სივრცეები ამ ეტაპზე ფუნქციონირებს თბილისსა და ქუთაისში:თბილისი - აბაშიძის 70  | ქუთაისი - გრიშაშვილის 19სტუდიო ლიბერთის პრემიუმ და ციფრული ნაკრების შესახებ დეტალური ინფორმაცია ხელმისაწვდომია ბმულზე.ლიბერთი ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირს და 50 000-ზე მეტ მცირე და საშუალო ბიზნესს ემსახურება. ბანკის აქტივები 5 მლრდ ლარს შეადგენს და დასაქმებულია 5,500-ზე მეტი თანამშრომელი. ლიბერთი ქვეყნის მასშტაბით წარმოდგენილია ყველაზე ფართო ქსელით 360-ზე მეტი მომსახურების ცენტრით, 632 ბანკომატით, თვითმომსახურების და POS ტერმინალით საქართველოს ყველა რეგიონსა და მუნიციპალიტეტში. განვითარებული ინფრასტრუქტურის გარდა, როგორც ფიზიკური, ასევე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება.

1743660941

თბილისი (GBC) – Forbes Books-მა, გამომცემლობამ რომელიც ცნობილია მსოფლიოში გამორჩეული ლიდერული ისტორიების პოპულარიზაციით, რამდენიმე დღის წინ თამარ გახარიას ავტობიოგრაფია წიგნის სახით გამოსცა – „The Blitz: საქართველოს შვილის აღმასვლა ფინანსური დირექტორის თანამდებობაზე პოსტსაბჭოთა ეპოქაში“. თამარ გახარია მსოფლიოს მასშტაბით რვა პროფესიონალს შორის მოხვდა, რომლებიც Forbes Book-მა გამოცემისთვის შეარჩია. თამარის ისტორია აღწერს სოციალური ცვლილებებითა და პირადი გამოწვევებით აღსავსე რთულ გზას, რომელმაც ის პროფესიულ წინსვლამდე, მსხვილ ბიზნესში წარმატებამდე და საკუთარი თავის შეცნობამდე მიიყვანა.საქართველოს ეკონომიკაში დიდი წვლილის შემტანი - უმსხვილესი ჰოლდინგი აქტივებითა და თანამშრომლების რაოდენობით, “სიბიეს ჯგუფი” აერთიანებს ისეთ საკვანძო სექტორებს, როგორებიცაა ენერგეტიკა, კომუნიკაციები, ტრანსპორტი, უძრავი ქონება, ახალი ტექნოლოგიები და სტარტაპები. ფინანსური დირექტორის რანგში თამარ გახარია ერთ-ერთ მთავარ როლს ასრულებს „სიბიეს ჯგუფის“ წარმატებაში, პოზიციაზე რომელიც 25 წლისამ დაიკავა.თამარის ისტორია სიმტკიცის და შეუპოვრობის შესანიშნავი მაგალითია, რაც განსაკუთრებულად აქტუალურია ქალებისა და დამწყები ლიდერებისათვის მთელ მსოფლიოში. „The Blitz“-ში ავტორი საუბრობს საკუთარ პირად და პროფესიულ გამოცდილებაზე, დაწყებული რთული ბავშვობიდან, რომელიც განვლო პოსტსაბჭოთა საქართველოს არასტაბილურ პირობებში, გაგრძელებული მძიმე გამოწვევებით ზრდასრულ ასაკში და დასრულებული მისი ამჟამინდელი პოზიციით. ეს ისტორია მკითხველს ემოციური ამბებისა და პრაქტიკული ასპექტების კომბინაციით აჩვენებს იმ ძალასა და ამბიციას, რომლებმაც განსაზღვრეს როგორც თამარის პიროვნული ზრდა, ასევე თანამედროვე საქართველოს განვითარება.„Forbes Books-ის მიერ ჩემი წიგნის გამოცემა წარმოუდგენლად დიდი პატივია“, – განაცხადა თამარ გახარიამ. „ჩემი ისტორიის გაზიარებით მსურს შთავაგონო და გავაძლიერო სხვა ქალები და ლიდერები მთელს მსოფლიოში, რადგან დარწმუნდნენ, რომ ნებისმიერი დაბრკოლების გადალახვა შესაძლებელია. მინდა ვისარგებლო შემთხვევით და მადლობა გადავუხადო „სიბიეს ჯგუფის“ არაჩვეულებრივ გუნდს, მათი უზარმაზარი მხარდაჭერისთვის, როგორც ჩემი პროფესიული ზრდის თვალსაზრისით, ისე მოცემული წიგნის შექმნის პერიოდში. საკუთარი შეუპოვრობისა და მიზანდასახულობის გარდა, თითოეული ჩვენგანის წარმატებაში დიდი მნიშვნელობა აქვს იმას, თუ ვინ გვიდგას გვერდში”.„The Blitz“ უკვე ხელმისაწვდომია ონლაინ მთელს მსოფლიოში - Amazon, Barnes & Noble, BAM!, BBookshop, Hudson Booksellers, Pochlight და წიგნის მაღაზიებში აშშ-ში, ხოლო საქართველოში ფიზიკურად წიგნის შეძენა რამდენიმე დღეში იქნება შესაძლებელი.

1743599664

ხოლო, ჯგუფის გეგმა უზბეკეთში ₾200 მლნ-ზე მეტი მოგების აკუმულირებაა, მთლიანი სესხების წლიური 80%-იანი ზრდის მოლოდინით.წლის ჭრილში, ჯგუფის დონეზე TBC დივიდენდის გადახდის კოეფიციენტის 25-35%-იან ნიშნულზე გეგმავს, ხოლო კაპიტალზე უკუგების (ROE) მაჩვენებელს ელის, რომ 23%-ზე მაღალი იქნება.სამიზნე მაჩვენებლებს შორის, ჯგუფი თვიურად ციფრულად აქტიურ მომხმარებლებს  (Digital MAU) 7 მლნ-ს ელის, მათ შორის კი 5 მლნ-ზე მეტს უზბეკეთში. FY24-ში Digital MAU უზბეკეთში 5.9 მლნ მომხმარებელი იყო (+37.2% y.y), ხოლო საქართველოში 1.1 მლნ (+14% y.y).FY24-ში TBC PLC-ის მოგება ₾1.308 მლრდ იყო, +14.7% y.y, ხოლო Digital MAU 7 მლნ, +34% y.y; ROE FY24-ში 25.6% იყო, -0.9 პ.პ y.y.TBC PLC-ის თავმჯდომარის, არნე ბერგრენის განცხადებით, რიცხვები თავისას ამბობს, უზბეკეთის ბაზარზე სესხების მოცულობა 2024-ში გაორმაგდა, შემოსავლები +99% y.y ხოლო წმინდა მოგება კი +86% y.y ზრდა აჩვენა, ROE-ს 26.9%-იან მაჩვენებელთან ერთად.კერძოდ, ჯგუფის CEO-ს ვახტანგ ბუცხრიკიძის განცხადებით, სესხების მოცულობამ უზბეკეთში ₾1.76 მლრდ შეადგინა ($626 მლნ), შემოსავლებმა ₾414 მლნ ($152 მლნ), ხოლო წმინდა მოგებამ ₾110 მლნ ($41 მლნ) შეადგინა.მისივე თქმით, სესხები საქართველოში 14%-ით გაიზარდა (y.y), წმინდა მოგება კი 12%-ით, ROE კი თავის მხრივ 25.4% იყო, მიუხედავად იმისა, რომ მონეტარული პოლიტიკის შემსუბუქებამ მარჟებზე გავლენა იქონია.“უზბეკეთში, ჩვენ ახლა გვაქვს შესანიშნავი შედეგი - 26.9% ROE და 7.2% ROA, მიუხედავად დიდი ინვესტიციისა ახალ პროდუქტებში, ბექ-ენდ ინფრასტრუქტურაში (როგორიცაა ჩვენი უახლესი მონაცემთა დამუშავების ცენტრი და გენერაციული AI პროექტები) და ფინტექნიკ ტალანტებში“, - აცხადებს ბუცხრიკიძე. 

1743598022

მემორანდუმს ხელი მოაწერეს საქართველოს ეროვნული ბანკის პრეზიდენტმა ნათია თურნავამ და პროფესიული გაერთიანება „ბუღალტერთა კავშირის“ დირექტორმა ტატიანა ბერიძემ.ნათია თურნავას თქმით, ეროვნული ბანკი მუდმივად ზრუნავს ინკლუზიური გარემოს შექმნაზე როგორც ორგანიზაციის შიგნით, ასევე მისი საზედამხედველო მანდატის ფარგლებში.„ეროვნული ბანკი აგრძელებს სტრატეგიული ნაბიჯების გადადგმას და რეგულაციების შემუშავებას, რაც ქალების პროფესიულ გაძლიერებას ემსახურება. ვფიქრობ, ეროვნულ ბანკსა და „ბუღალტერთა კავშირს“ შორის გაფორმებული ურთიერთგაგების მემორანდუმი, დააჩქარებს მრავალფეროვანი და თანაბარუფლებიანი ფინანსური სექტორის ჩამოყალიბებას, ასევე ხელს შეუწყობს არსებული ბარიერების აღმოფხვრასა და ქალი ლიდერებისთვის მეტი შესაძლებლობების გაჩენას“, - განაცხადა ეროვნული ბანკის პრეზიდენტმა.შეთანხმება მიზნად ისახავს ეროვნულ ბანკსა და „ბუღალტერთა კავშირს“ შორის ერთობლივი ღონისძიებებისა და პროექტების განხორციელებას, რომელიც მნიშვნელოვნად შეუწყობს ხელს ეროვნული ბანკის მანდატის ფარგლებში რეგულირებულ საკითხებზე ორგანიზაციის წევრების პროფესიული კვალიფიკაციის ამაღლებას.ურთიერთთანამშრომლობის მემორანდუმი ითვალისწინებს საერთო ინტერესის ფარგლებში, ცნობიერების ამაღლების მიზნით, სამუშაო შეხვედრების, კონფერენციების და სიმპოზიუმების ერთობლივ ორგანიზებას.პროფესიული გაერთიანება „ბუღალტერთა კავშირი“ აქტიურად საქმიანობს ბუღალტერთა პროფესიული განვითარების ხელშეწყობის მიმართულებით, რასაც სწავლებისა და გადამზადების პროგრამების საშუალებით ახორციელებს. მათ შორის, განსაკუთრებით აღსანიშნავია ფინანსისტ ქალთა გაძლიერებისკენ გადადგმული ნაბიჯები.

1743597698