უილსონი: სანქციები მოდის

როგორც კენჭისყრის შემდეგ შალვა პაპუაშვილმა განაცხადა, მნიშვნელოვანია, რომ საბოტაჟი დასრულდება და ეროვნული ბანკი უკვე სრული შემადგენლობით გააგრძელებს საქმიანობას.„თითქმის წელიწად-ნახევრზე მეტი დროის განმავლობაში ექსპრეზიდენტ ზურაბიშვილის საბოტაჟის გამო ვერ ვახდენდით ეროვნული ბანკის საბჭოს დაკომპლექტებას. ეროვნულ ბანკს უწევდა ხუთ წევრით საქმიანობა. მნიშვნელოვანია, რომ შევძელით, მათ შორის, 26 ოქტომბრის არჩევნების შედეგად, საპრეზიდენტო არჩევნების შედეგად ამ საბოტაჟის დასრულება და ეროვნული ბანკი უკვე სრული შემადგენლობით გააგრძელებს საქმიანობას“, – განაცხადა პაპუაშვილმა.რა განათლება აქვთ სების საბჭოს ახალ წევრებს?ვახტანგ ბურკიაშვილიგანათლება - ბურკიშვილი პროფესიით ეკონომისტია. დამთავრებული აქვს საფრანგეთის, ნანსის უნივერსიტეტი. იქვე მიიღო მაგისტრის წოდება ფინანსებისა და აუდიტის სფეროში.ვახტანგ ბურკიაშვილი ეროვნული ბანკის მოქმედი აღმასრულებელი დირექტორია. ის "ქართული ოცნების" შემწირველია. ამასთან, იყო ბიძინა ივანიშვილის "საზოგადოება 2030-ის" ანალიტიკოსი.ვახტანგ ბურკიაშვილმა "ქართულ ოცნებას" 2016 წელს 50 000 ლარი შესწირა.ვახტანგ ბურკიაშვილი სამეწარმეო რეესტრის მიხედვით, ყოფილი ბიზნესმენიცაა. საჯარო რეესტრის მონაცემებით, ის თანამდებობაზე არჩევის მომენტში, 2018 წელს ფლობდა: შპს-ს ტიფლის დეველოპმენტ კონსორციუმს. ასევე იყო მეწილე შპს-ების: საკი - პეტროლიუმი, მიო + და აი იუ ეს გრუპის. ამ მომენტისთვის, მის სახელზე არც ერთი კომპანია აღარ იძებნება.ოთარ შამუგიაგანათლება - ივანე ჯავახიშვილის სახელობის თბილისის სახელმწიფო უნივერსიტეტის სოხუმის ფილიალი, საქართველო ეკონომისტი, მაგისტრთან გათანაბრებული.ოთარ შამუგია, "ქართული ოცნების" ხელისუფლების დროს ჯერ გარემოს დაცვის და სოფლის მეურნეობის მინისტრის მოადგილე, შემდეგ კი მინისტრი იყო. 2007 წლიდან სოფლის მეურნეობის სამინისტროში სხვადასხვა პოზიციებზე მუშაობდა. CV-ის მიხედვით, ფლობს მხოლოდ ქართულ და რუსულ ენებს.სოფლის მეურნეობის სამინისტროში მისვლამდე იყო შპს რეალ ქონსალტინგის ფინანსური დირექტორი, ასევე, 2005-2006 წლებში ფინანსური დირექტორი შპს საკონსულტაციო ჯგუფში; 2004-2005 წლებში - ქონების მართვის სამსახურის უფროსი, შპს " საქართველოს რკინიგზაში"; 1999-2004 წწ - ცენტრალური ბუღალტერიის უფროსი (მთავარი ბუღალტერი), საქართველოს მიწის მართვის სახელმწიფო დეპარტამენტში; 1998- 1999 წწ - მთავარი სპეციალისტი, საქართველოს მიწის მართვის სახელმწიფო დეპარტამენტში.ლევან ძნელაძეგანათლება - ჯავახიშვილის უნივერსიტეტის მაკროეკონომიკის ფაკულტეტი. დამთავრებული აქვს ასპირანტურა და აქვს დოცენტის ხარისხი. ასევე ჯავახიშვილის უნივერსიტეტში მიღებული.რეზიუმეს მიხედვით, ლევან ძნელაძის საჯარო სამსახური პარლამენტის საფინანსო-საბიუჯეტო კომიტეტის აპარატის უფროსის პოსტზე 1995 წელს იწყება.ამის შემდეგ, ფინანსთა მინისტრის პირველი მოადგილის თანამდებობას იკავებდა 2000 წლამდე.2000 -2001 წლებში იყო სახელმწიფო მინისტრის პირველი მოადგილე ეკონომიკურ საკითხებში.2002 წელს ცოტა ხნით ხდება გადასახადებისა და შემოსავლების მინისტრი.ამის შემდეგ, არის “იმედი ჰოლდინგის“ გენერალური დირექტორი 2002-2006 წლებში.2006 წლიდან 2009 წლამდე GMC ჯგუფის დირექტორია.ამის შემდეგ ბიძინა ივანიშვილის "ქართუს" გენერალური დირექტორის მოადგილე და ფინანსური დირექტორია 2009-2011 წლებში.2011 წელს კვლავ საჯარო სამსახურში ბრუნდება და ხდება ეროვნული მუზეუმის დირექტორის მოადგილე 2015 წლამდე.2015 წლიდან 2020 წლამდე ფინანსთა სამინისტროს მომსახურების სააგენტოს გენ. დირექტორი.2020 წლიდან დღემდე, ეროვნული ბანკის საკასო ოპერაციებისა და ნაღდი ფულის მიმოქცევის დეპარტამენტის უფროსი.ნინო ჯელაძეგანათლება - ნინო ჯელაძეს სამი სხვადასხვა სპეციალობა აქვს. სამივე თბილისის სახელმწიფო უნივერსიტეტში მიღებული. არის ეკონომისტი, იურისტი და უცხო ენების სპეციალისტი.2003-2021 წლებში იყო პროკრედიტ ბანკსა და პროკრედიტ ჰოლდინგში სხვადასხვა პოზიციებზე. ბოლოს იყო 2017-2021 წლებში იყო „პროკრედიტ ბანკის“ წარმომადგენელი, კომპლაენსისა და AML ქვეგანყოფილების ხელმძღვანელი. 2021-2023 წელს ჰქონდა კონსულტანტის კერძო პრაქტიკა ფულის გათეთრებასთან ბრძოლისა და საოპერაციო რისკების მართვის საკითხებში. 2024 წლიდან დღემდე კი, ეროვნული ბანკის მოქმედი თანამშრომელია, კერძოდ, საზედამხედველო პოლიტიკის დეპარტამენტის უფროსი.

1738843410

შპს „ვარკეთილაირის“ 18 200 აბონენტს შპს „თბილისი ენერჯი“ უწევს მომსახურებას. აღნიშნულ აბონენტებზე ვრცელდება შპს „თბილისი ენერჯისთვის“ დადგენილი ტარიფები (53,971 თეთრი/კუბ.მ) ნაცვლად შპს „ვარკეთილაირისთვის“ დადგენილი ტარიფისა (57,061 თეთრი/კუბ.მ).შპს „ვარკეთილაირი“ ოპერირებდა ვარკეთილისა და პატარა ლილოს დასახლებებში.

1738834435

მათი განცხადებით, აღნიშნული ცვლილებების მთავარი მიზანი მიმდინარე აქციების ჩახშობა და ადამიანების დაშინებაა.„რეპრესიული წესები წარმოადგენს პირდაპირ თავდასხმას იმ უფლებებზე, რომლებიც გარანტირებულია ადამიანის უფლებათა საყოველთაო დეკლარაციით, ადამიანის უფლებათა ევროპული კონვენციითა და საქართველოს კონსტიტუციით. ისინი ასახავენ ავტოკრატიული, დიქტატორული რეჟიმების სტრატეგიას, რომელიც მიზნად ისახავს განსხვავებული აზრის ჩახშობას, ძალაუფლების კონსოლიდაციასა და რეჟიმისათვის არასასურველი პირების დასჯას.ძირითადი დებულებები და როგორ შეზღუდავენ ისინი მოქალაქეთა უფლებებს:1. სოციალურ ქსელებში მთავრობის წევრების და საჯარო მოხელეების კრიტიკისთვის 60 დღიანი პატიმრობა დაგემუქრებათ ხულიგნობა საჯარო სივრცეში დასჯადი ხდება. არსებული პრაქტიკით საჯარო სივრცედ სოციალური მედიაც მოიაზრება. შესაბამისად, თუკი სოციალურ ქსელებში  საზოგადოებრივი წესრიგი ან მოქალაქეთა სიმშვიდე დაარღვიეთ, პატიმრობა გემუქრებათ. მოქმედი კანონით, ხულიგნობისთვის მხოლოდ მაშინ დაისჯებით, თუ ის საზოგადოებრივ ადგილზე (მაგალითად ქუჩაში) ჩაიდინეთ; მკაცრდება პასუხისმგებლობა ხულიგნობისთვის. მაქსიმალური ჯარიმა 1000 ლარიდან 3000 ლარამდე, ხოლო ადმინისტრაციული პატიმრობის ვადა 15 დღიდან 20 დღემდე იზრდება. ხულიგნობის განმეორებით ჩადენის შემთხვევაში ჯარიმის მაქსიმალური ოდენობა 2000-დან 5000 ლარამდე  და პატიმრობის ვადა 15 დღიდან  60 დღემდე იზრდება.   ხულიგნობის დეფინიციის შეცვლა მიზნად ისახავს “ქართული ოცნებისთვის” არასასურველი აზრის გამოხატვის შეზღუდვას და დასჯას, მათ შორის, ინტერნეტ სივრცეში, სადაც ძალადობრივი რეჟიმის კრიტიკა განსაკუთრებით მასშტაბურია. გაუგებარია, რა კრიტერიუმით უნდა შეფასდეს გამოიწვია თუ არა ხულიგნობამ (მაგ. სოციალურ ქსელში გაკეთებულმა კომენტარმა) საზოგადოებრივი წესრიგის ან მოქალაქეთა სიმშვიდის დარღვევა. არსებობს რისკი, რომ ნებისმიერი კრიტიკული მოსაზრება, რომელიც თანამდებობის პირების „სიმშვიდეს დაარღვევს” ხულიგნობად შეფასდება.2. კრიტიკისთვის, რომელსაც შეურაცხყოფად მიიჩნევენ, შესაძლოა დაგაპატიმრონ – სასჯელი გამოხატვის თავისუფლებისთვის პოლიტიკური თანამდებობის პირის და საჯარო მოსამსახურის სიტყვიერი შეურაცხყოფა, ლანძღვა-გინება ან შეურაცხმყოფელი გადაკიდება ადმინისტრაციული სამართალდარღვევათა კოდექსით 6000 ლარიანი ჯარიმით ან  60 დღიანი პატიმრობით დაისჯება. შეურაცხყოფა თანამდებობის პირის და საჯარო მოხელის სამსახურებრივ საქმიანობას უნდა უკავშირდებოდეს. სამართალდამცავის  „ლანძღვა-გინებისათვის” პატიმრობა 15-დან 60 დღემდე, ხოლო მაქსიმალური ჯარიმა 4500 ლარიდან 6000 ლარამდე იზრდება. მოქმედი კანონით, დასჯადია პოლიციელის შეურაცხყოფა მხოლოდ მის მიერ უშუალოდ სამსახურებრივი მოვალეობის შესრულების პროცესში. ცვლილებებით კი ნებისმიერი შეურაცხყოფა და „ლანძღვა-გინება” სამართალდამცავის მისამართით, რომელიც მის საქმიანობას უკავშირდება, დასჯადი ხდება. ადამიანის უფლებების დარღვევის, წამებისა და უკანონო დაპატიმრების გამო მოქალაქეები მწვავედ აკრიტიკებენ რეჟიმს, რაც არალეგიტიმურ ხელისუფლებას დისკომფორტს უქმნის. პოლიტიკური შინაარსის კომენტარი და საჯარო კრიტიკა, რომელიც თანამდებობის პირების საქმიანობას უკავშირდება, შესაძლოა მმართველმა რეჟიმმა შეურაცხყოფად მიიჩნიოს და გამოხატვის თავისუფლებისათვის პატიმრობით დასაჯოს მოქალაქეები.ცვლილების მთავარი მიზანი მოქალაქეების გაჩუმება და დაშინებაა.ამ ცვლილებით ფაქტობრივად უქმდება გამოხატვის თავისუფლება, რომლის მთავარი არსი სწორედ ისაა, რომ ადამიანებმა საჯარო მნიშვნელობის საკითხებზე, პოლიტიკურ პროცესებსა და ქვეყნის მმართველობასთან დაკავშირებულ საკითხებზე გამოხატონ აზრი.3.  ძალადობისკენ საჯაროდ მოწოდება 3 წლამდე თავისუფლების აღკვეთით დაისჯებაძალადობრივი ქმედებისაკენ საჯაროდ მოწოდება, იმ შემთხვევაშიც თუ მას არანაირი შედეგი არ მოჰყვა, 3 წლამდე პატიმრობით დაისჯება. ამ დანაშაულზე მოქმედი კანონი თავისუფლების აღკვეთას არ ითვალისწინებს.ძალადობრივი ქმედებისკენ საჯაროდ მოწოდების კრიმინალიზება 2015 წელს „ქართული ოცნების” მმართველობის დროს მოხდა, თუმცა ამ ქმედებისთვის ჯარიმა ან საზოგადოებისათვის სასარგებლო შრომა იყო გათვალისწინებული.შეიცავს თუ არა გამოხატვა ძალადობისკენ მოწოდებას ამას ის რეჟიმი შეაფასებს, რომელიც მოქალაქეებზე ძალადობს და აქციის მონაწილეებს მასობრივად უკანონოდ აკავებს კრიტიკული აზრისთვის. როგორც წესი, ავტოკრატიული რეჟიმები ძალადობრივი ქმედებისათვის საჯარო მოწოდებად მიიჩნევენ მათ წინააღმდეგ გამართულ ნებისმიერ აქციაში მონაწილეობისკენ მოწოდებას. ამ შემთხვევაში, არც "ქართული ოცნება" იქნება გამონაკლისი. ცხადია, აღნიშნულ ნორმა გამოყენებული იქნება პროტესტის ლიდერების დასასჯელად, აქტივისტების დასაშინებლად და ექნება მსუსხავი ეფექტი გამოხატვის თავისუფლების განხორციელებაზე.4. აქციების მოწყობა თითქმის ყველგან იკრძალება – შეკრების ადგილების შეზღუდვა და სასჯელის გამკაცრება იკრძალება დახურულ სივრცეში, შენობაში აქციის ჩატარება, მესაკუთრის წინასწარი თანხმობის გარეშე. იკრძალება შეკრების ან მანიფესტაციის ჩატარებისას შენობების შესასვლელების, ავტომაგისტრალების, ხიდების, გვირაბების, ესტაკადების, მუნიციპალიტეტის მიერ განსაზღვრული სატრანსპორტო კვანძებისა და რკინიგზის ბლოკირება. აქციის დროს ტრანსპორტის  სავალი ნაწილის გახსნისა და მოძრაობის აღდგენის შესახებ მერიების ნაცვლად გადაწყვეტილებას შინაგან საქმეთა სამინისტრო მიიღებს. ტრანსპორტის გადაადგილებისათვის დაბრკოლების შექმნასთან ერთად დასჯადი ხდება აქციის მონაწილეების მიერ ხალხის გადაადგილებისთვის დაბრკოლების შექმნა. შეკრებისა და მანიფესტაციის წესის დარღვევისთვის მინიმალური ჯარიმა 500 ლარიდან 2000 ლარამდე, ხოლო პატიმრობა 15 დღიდან 60 დღემდე იზრდება. „ქართული ოცნება” ცდილობს შეკრებისა და მანიფესტაციების წესები მაქსიმალურად გაამკაცროს, გადაწყვეტილების მიმღებ მთავარ სტრუქტურად შინაგან საქმეთა სამინისტრო აქციოს და მაქსიმალურად შეზღუდოს სივრცე, სადაც მოქალაქეები პროტესტის გამოხატვას შეძლებენ.სასჯელის გამკაცრება მიზნად ისახავს მშვიდობიანი დემონსტრანტების და პროტესტის შეზღუდვას, რასაც მსუსხავი ეფექტი ექნება გამოხატვის თავისუფლებისა და მშვიდობიანი შეკრების უფლების განხორციელებაზე.არალეგიტიმური ხელისუფლება მტკივნეულად აღიქვამს ნებისმიერი ტიპის კრეატიულ იდეას პროტესტთან დაკავშირებით და ცდილობს პროტესტის ფორმების შეზღუდვას. 2024 წლის დეკემბერში სწორედ აქციების შემდეგ აკრძალეს  ლაზერული და მკვეთრი გამოსხივების სხვა საშუალების გამოყენება, რადგან ამ საშუალებებს იყენებდნენ პროტესტის მონაწილეები. ამჟამად, როდესაც აქციის მონაწილეები აქტიურად მიმართავენ პროტესტისათვის საუნივერსიტეტო სივრცეებს  რეჟიმის მთავარი მიზანი შეკრების ადგილების შეზღუდვაა.5. პოლიციას შეუძლია მოწმის გარეშე განახორციელოს პირადი გასინჯვა პირადი გასინჯვის დროს მოწმის დასწრების საკითხს შინაგან საქმეთა სამინისტრო გადაწყვეტს. მოქმედი კანონით გასასინჯი პირს უფლება აქვს მოითხოვოს გასინჯვისას  ორი პირის დასწრება. ამ უფლების შეზღუდვა შესაძლებელია მხოლოდ გადაუდებელ შემთხვევებში, როდესაც არსებობს მტკიცებულებათა დაზიანების, განადგურების ან გადამალვის რეალური საფრთხე. ცვლილებებით ეს გარანტიები უქმდება და გასინჯვა შესაძლოა ჩატარდეს ერთი დამსწრის თანდასწრებით, ისიც მხოლოდ  შინაგან საქმეთა სამინისტროს თანხმობის შემთხვევაში. ბოლო პერიოდში პოლიციის მიერ მასობრივად ირღვევა კანონით დადგენილი წესები, როგორც პირის პირადი გასინჯვის, ასევე ჩხრეკის დროს. იყო არაერთი შემთხვევა, როდესაც აქციაზე პირის პირადი გასინჯვა უკანონოდ ხდებოდა. ცვლილებებით პოლიცია იმარტივებს აქტივისტების პირადი გასინჯვის პროცედურას, რაც მნიშვნელოვნად ზღუდავს მოქალაქეების უფლებას დაიცვან თავი პოლიციის თვითნებობისაგან.6. აქციის დროს ვერც კარავს გაშლით და ვერც სცენას მოაწყობთ იკრძალება შეკრებისა და მანიფესტაციის დროს დროებითი კონსტრუქციის (მაგ. კარვის გაშლა, სცენა) მოწყობა, თუ მისი მოწყობა საფრთხეს უქმნის შეკრების ან მანიფესტაციის მონაწილეებს ან სხვა პირებს, ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას, იწვევს საწარმოს, დაწესებულების ან ორგანიზაციის ნორმალური ფუნქციონირების შეფერხებას, მისი მოწყობის გარეშე არსებითად არ ფერხდება პროტესტი ან/და მისი მოწყობა შეკრების ან მანიფესტაციის ჩატარებას არ უკავშირდება. შეკრების მონაწილეები ხშირად იყენებენ აქციებზე სხვადასხვა კონსტრუქციებს, მაგალითად აწყობენ სცენას ან დგამენ კარავს, რაც დამკვიდრებული პრაქტიკაა არაერთ ქვეყანაში და მათ შორის საქართველოშიც. გამოხატვის  ფორმის განსაზღვრა გამოხატვის თავისუფლების მნიშვნელოვანი შემადგენელი ნაწილია. ამ უფლების ჩამორთმევით “ქართულ ოცნებას” სურს დაამყაროს სრული კონტროლი აქციის ფორმაზე და შეზღუდოს შეკრებისა და გამოხატვის თავისუფლება.7. აქციის ორგანიზატორად არა მხოლოდ ინიციატორი, არამედ ორგანიზებაში სხვაგვარად ჩართული პირიც ჩაითვლება იცვლება შეკრებისა და მანიფესტაციის ორგანიზატორის განმარტება და ასეთად მიიჩნევა მანიფესტაციის ინიციატორი, აგრეთვე პირი, რომელიც ხელმძღვანელობს ან/და სხვაგვარად ორგანიზებას უწევს აქციის ჩატარებას; თუკი შეკრება ან მანიფესტაცია ტრანსპორტის სავალ ადგილას იმართება ან ტრანსპორტის მოძრაობას აფერხებს მუნიციპალიტეტში განცხადება უნდა შეიტანოს პასუხისმგებელმა პირმა/აქციის ორგანიზატორმა.  „აქციის სხვაგვარად ორგანიზება” იმდენად ფართო ტერმინია, რომ აქციის ანონსის გაზიარებაც  შესაძლოა ამ განმარტების  ქვეშ მოექცეს. ბოლო პერიოდში მიმდინარე აქციებისას ხელისუფლებისთვის რთული იყო აქციების ორგანიზატორების იდენტიფიცირება. ამ ცვლილებებით კი ორგანიზატორად შეიძლება ჩაითვალოს ნებისმიერი და ყველა პირი, ვისაც შემხებლობა აქვს აქციებთან და ავრცელებს აქციების შესახებ ინფორმაციას. ორგანიზატორის დავალდებულება პირადად შეიტანოს განცხადება მუნიციპალიტეტში, ემსახურება აქციის ორგანიზატორის მარტივ გამოვლენასა და დასჯას.8.  გაფრთხილების გარეშე სპონტანურად შეკრება კანონის დარღვევად ჩაითვლება თუ შეკრება ან მანიფესტაცია, დაუგეგმავად, დაუყოვნებლივ იმართება მნიშვნელოვანი საზოგადოებრივი მოვლენის გამო, აქციის ორგანიზატორებს მაინც აქვთ ვალდებულება გააფრთხილონ მუნიციპალიტეტი. ეს წესი მოქმედებს მაშინ, თუკი აქცია ტრანსპორტის სავალ ადგილზე იმართება ან ტრანსპორტის მოძრაობას აფერხებს. ამ რეპრესიული ნორმის მიზანია რომ შეუძლებელი გახდეს პროტესტის მიზნით გაუფრთხილებელი შეკრება და მმართველ ძალას ყოველთვის სრული ინფორმაცია და შესაბამისად, სრული კონტროლი ჰქონდეს აქციის ჩატარების ადგილსა და მომიტინგეთა გადაადგილების მარშრუტზე.9.  პოლიტიკური თანამდებობის პირზე მუქარისათვის  შესაძლოა 6 წლით დაგაპატიმრონ პოლიტიკური თანამდებობის პირზე, სახელმწიფო მოსამსახურეზე, საჯარო მოსამსახურეზე ან/და მისი ოჯახის წევრზე ძალადობის მუქარა 3 წლამდე თავისუფლების აღკვეთით ისჯება. დამამძიმებელ გარემოებაში ჩადენის შემთხვევაში კი  6 წლამდე თავისუფლების აღკვეთით ისჯება. მოქმედი კანონით თანამდებობის პირებზე და მათ ოჯახის წევრებზე მუქარა სისხლის სამართლის წესით დასჯადი არ არის. აღსანიშნავია, რომ რიგით მოქალაქეზე მუქარა მხოლოდ იმ შემთხვევაში ისჯება, თუ მუქარა სიცოცხლის მოსპობას, ჯანმრთელობის დაზიანებას ან ქონების განადგურებას ეხება. ცვლილებებით, თანამდებობის პირზე და სახელმწიფო მოსამსახურეზე ნებისმიერი მუქარის შემთხვევაში, მიუხედავად იმისა თუ რას ეხება მუქარა, თავისუფლების აღკვეთით დაისჯება მოქალაქე. ამ წესებით თანამდებობის პირები სხვა მოქალაქეებზე პრივილეგირებულები ხდებიან. რეპრესიული რეჟიმის პირობებში აღნიშნული წესი მნიშვნელოვანი საფრთხის შემცველია პოლიტიკური გამოხატვისათვის. დანერგავს შიშს და იქცევა იარაღად ოპონენტებისა და სამოქალაქო აქტივისტების წინააღმდეგ.შეჯამებაწარმოდგენილი რეპრესიული წესები არის არალეგიტიმური ხელისუფლების მცდელობა ფაქტობრივად გააუქმოს გამოხატვის და შეკრების თავისუფლება. არაპროპორციულად მკაცრი სასჯელების დაწესებით,  პროტესტების ადგილებისა და ფორმების შეზღუდვით, თანამდებობის პირების პრივილეგირებულ მდგომარეობაში ჩაყენებითა და დემონსტრაციებზე შინაგან საქმეთა სამინისტროს კონტროლის გაზრდით, რეჟიმი ცდილობს შექმნას მისთვის კომფორტული შიშის ატმოსფერო და გაამკაცროს რეპრესიები საზოგადოების აქტიური წევრების მიმართ“, – ვკითხულობთ„საერთაშორისო გამჭვირვალობა – საქართველოს“ შეფასებაში.

1738830378

საქსტატის მონაცემებით, წინა წლის შესაბამის თვესთან შედარებით მშენებლობის ღირებულების ინდექსი გაიზარდა 4.7%-ით. ინდექსის ზრდა, უმეტესწილად, გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 19.7%-იანი ზრდით და სამშენებლო მასალების 3%-იანი გაძვირებით, რამაც, შესაბამისად, 3.01 და 1.77 პ.პ შეიტანა ჯამური ინდექსის ცვლილებაში.ამასთან, საქსტატი ირწმუნება, რომ 2022 წლის თებერვალთან შედარებით მშენებლობის ღირებულების ინდექსი გაიზარდა 22.8%-ით.ქვემოთ მოცემულ ცხრილში წარმოდგენილია 2024 წლის დეკემბერში მშენებლობის ღირებულების ინდექსები (წინა თვესთან და წინა წლის შესაბამის თვესთან შედარებით) და მის ფორმირებაში მონაწილე ხარჯების კატეგორიების შესაბამისი წვლილები.

1738829096

სახელმწიფო კონტროლის ფარგლებში, რაც საწარმოებში ღვინის ტექნოლოგიური პროცესის საქართველოს კანონმდებლობით განსაზღვრულ მოთხოვნებთან შესაბამისობის დადგენას გულისხმობს, შემოწმებული 28 კომპანიის 154 ნიმუშიდან დარღვევა აღმოჩნდა 6 კომპანიის 34 ნიმუშში.საინსპექციო კონტროლი ჩატარდა 83 კომპანიაში; აღებული 1 927 ნიმუშიდან დარღვევა აღმოჩნდა 16 კომპანიის 37 ნიმუშში.სააგენტოს კონტრაქტორი კომპანიების შპს Bureau Veritas-ის და შპს SGS-ის მიერ შემოწმებულ 74 კომპანიაში აღებული 459 ნიმუშიდან დარღვევა აღმოჩნდა 4 კომპანიის 11 ნიმუშში. ინსპექტირების პროცესი სერტიფიცირებისათვის წარდგენილი ალკოჰოლიანი სასმელის ნიმუშის ლოტთან შესაბამისობის დადგენას გულისხმობს.შიდა ბაზრის კონტროლი განხორციელდა 78 კომპანიის პროდუქციაზე; აღებული 136 ნიმუშიდან  დარღვევა აღმოჩნდა 73 ნიმუშში.ამასთან ერთად, ალკოჰოლიანი სასმელების ორგანოლეპტიკური ტესტირების მიზნით, ღვინის ეროვნული სააგენტოს სადეგუსტაციო კომისიის მიერ ჩატარდა 284 დეგუსტაცია. შემოსული 13 006 ნიმუშიდან  12 383 ნიმუში შეფასდა დადებითად და 623 ნიმუში - უარყოფითად.სააგენტოს ინფორმაციით, 2025 წელს ხარისხის კონტროლი გაგრძელდება, რათა ათეულ მილიონობით ლიტრი ქართული ღვინო საერთაშორისო სტანდარტებს აკმაყოფილებდეს და მასზე მოთხოვნა კიდევ უფრო მეტად გაიზარდოს.

1738826101

თებერვლის თვეში, სხვადასხვა სფეროს პროფესიონალი ტრენერების 4 ტრენინგი გაიმართება, სადაც ბიზნესების წარმომადგენლებს შესაძლებლობა ექნებათ, მათთვის საინტერესო საკითხებზე მიიღონ  ამომწურავი ინფორმაცია და მიღებული ცოდნით საკუთარი ბიზნესის განვითარებას შეუწყონ ხელი. 2025 წლის პირველი ტრენინგი 7 თებერვალს, ფიზიკურ სივრცეში გაიმართება. ტრენერი, შალვა ახრახაძე კომპანიის ხარჯების ოპტიმიზაციასა და ეფექტიანობის გაუმჯობესებაზე ისაუბრებს. მეორე ტრენინგის თემატიკა Etsy-ზე პროდუქციის ონლაინ გაყიდვას შეეხება და მას ელექტრონული კომერციის სპეციალისტი, კატო რამიშვილი გაუძღვება. ტრენერი აუდიტორიას საჭირო და სასარგებლო ინფორმაციის მიწოდებასთან ერთად, საკუთარ გამოცდილებას გაუზიარებს იმის შესახებ, თუ როგორ გახდნენ ბიზნესები წარმატებულები ელ.კომერციის მიმართულებით. ტრენინგზე დასწრებას ბიზნესების წარმომადგენლები ონლაინ, 11 და 12 თებერვალს შეძლებენ. თებერვლის თვეში, თიბისის ბიზნესგანათლების პროექტის ფარგლებში, კიდევ ერთი ტრენინგი გაიმართება საგადასახადო საკითხების თემატიკაზე. კურსის ფარგლებში, ტრენერი, დავით პაპიაშვილი  საქართველოში მოქმედი გადასახადების გადახდის ვალდებულებების წარმოშობის ძირითად პრინციპებზე ისაუბრებს და მათი გამოანგარიშების პრაქტიკულ მაგალითებს განიხილავს. ტრენინგი 13 თებერვალს ჩატარდება. მე-4 შეხვედრა ბიზნესების წარმომადგენლებთან შემდეგ თემატიკას დაეთმობა: როგორ შევარჩიოთ და გავყიდოთ პროდუქცია Amazon-ზე. ტრენერი, სოფო გუჯარაიძე აუდიტორიას საკუთარ გამოცდილებას გაუზიარებს იმის შესახებ, თუ როგორ შეარჩიონ და  გაყიდონ  პროდუქცია ამაზონზე. კურსის განმავლობაში, ბიზნესების წარმომადგენლები მიიღებენ დეტალურ ინფორმაციას იმის შესახებ, თუ როგორ მუშაობს ამაზონის პლატფორმა, რა სპეციფიკაციები აქვს მას და რა კრიტერიუმების დაკმაყოფილებაა საჭირო პროდუქციის ამ პლატფორმაზე განსათავსებლად.  ტრენინგი 25 და 27 თებერვალს ჩატარდება. თიბისის ბიზნესგანათლების პროგრამაში ჩართვა თიბისის ბიზნესმომხმარებლებსწინასწარი რეგისტრაციით შეუძლიათ, ბმულზე: https://beta.tbcbank.ge/ka/business/education, სადაც კურსების შესახებ დეტალური ინფორმაციის მიღებაცაა შესაძლებელი.თიბისის ბიზნესგანათლების პროგრამის ფარგლებში, კურსებზე დასწრება უფასოა და ის ბიზნესგანათლების ხელმისაწვდომობასთან ერთად, ბიზნესის წარმომადგენლებისთვის უახლესი და მათთვის სასარგებლო ინფორმაციის გაზიარებას ისახავს მიზნად.

1738824339

კოეფიციენტი 105%-ს აღემატება. სებ-ის განახლებული სტატისტიკით, ბანკების აქტივები მშპ-სთან გაზრდილია. წლიურად, მომატებულია   დეპოზიტების კოეფიციენტიც. ანაბრების შეფარდება მშპ-სთან 64%-ია, სესხების - 68.3%-მდე.მშპ-სთან მონეტარული აგრეგატების შეფარდების მაჩვენებელი ყველაზე მაღალი იყო პოსტმანდემიურ, 2021-ის გაზაფხულზე, როცა საბანკო სექტორის აქტივებმა მშპ-სთან 117% -ს მიაღაწა.01.01.2025-ის მდგომარეობით, ბანკების აქტივები 95.7 მლრდ ლარს (01.01.2024 -80.04 მლრდ + 19.6%Y.Y) , საკრედიტო დაბანდება 63.5 მლრდ ლარს შეადგენს (01.01.2024 -53.8 მლრდ. + 18%Y.Y).ყველაზე ნაკლებად სექტორს დეპოზიტების პორტფელიგაეზარდა. კლიენტების დეპოზიტები (მიმდინარე ანგარიშები და ანაბრები) 52.9 მლრდ ლარია (01.01.2024 – 46.8 მლრდ, +13%Y.Y). სების კოეფიციენტის განსაზღვრისას ბოლო 4 კვარტლის მშპ-ს მონაცემით ხელმძღვანელობს .https://www.geostat.ge/ka/modules/categories/22/erovnuli-angarishebi

1738773465

ბეკტენოვმა ტრანსკასპიური საერთაშორისო სატრანსპორტო მარშრუტის განვითარებაში საქართველო-ყაზახეთის წვლილზე აღნიშნა. 4-წლიან ტრენდზე - გადაზიდვები დერეფნის გასწვრივ 62%-ით გაზრდილია, 4.5 მლნ ტ -მდე.მოხარულია საქართველოსთან თანამშრომლობით, ტრანსკასპიური საერთაშორისო სატრანსპორტო მარშრუტის განვითარებაზე.აღიარებს, რომ პროცესში საქართველოს როლი მნიშვნელოვანია.მან კობახიძეს "ოცნების" პრემიერობაც მოულოცა და გამოთქვა მზაობა საინვესტიციო პარტნიორობაზე.26 ოქტომბრის არჩევნების შემდეგ კობახიძემ ვიზიტები გამართა აზერბაიჯანში, სომხეთში და არაბთა გაერთიანებული საამიროებში.

1738762918