უკრაინა: "ოცნების" გადაწყვეტილება მოსკოვის სასარგებლოდ დემოკრატიული პროცესების შემჭიდროების დასტურია

სებ-მა სექტემბერ -ოქტომბრის ხარჯვის შემდეგ, რეზერვების შევსების დაწყებაზე , ჯერ 25 ნოემბერს განაცხადა, შემდეგ კი პარლამენტში, პრეზიდენტის მოვალეობის შემსრულებელმა ნათია თურნავამ ნოემბრის $124 მლნ-ის შესყიდვაზე განაცხადა, სადაც მომდევნო 3 წლის მონეტარული და ფულად-საკრედიტო პოლიტიკის ძირითადი მიმართულებები წარადგინა.01.12.2024 -ის მდგომარეობით, ქვეყნის სარეზერვო აქტივები $4.124 მილიარდია. მ.შ. $608 მლნ-ის ოქროა (01.11. 2024 - $627.4 მლნ). ღირებულების კლება სავარაუდოდ გადაფასების ამბავია. საინვესტიციო ოქრო ხელუხლებელია, თუმცა გაყიდვა არ არის შეზღუდული. 

1733506680

MBC-იმ ბანკის ლიცანზია ხუთშაბათს მიიღო. მისოს ბოლო ანგარიშიტ, დაკრედიტება წლიურად 15.3%-ით გაზრდილია, შემოსავლები 15.8%-ით.  მისომ 2024-ის  9 თვე  ₾ 3 მლნ -ის მოგებით დაასრულა .ემბისის  წმინდა მოგება 3 ჯერ გაეზარდა, პერსონალის ხარჯი 1.3-ჯერ. მისოს სასესხო განაკვეთების შემცირებაზე აქვს გაცხადებული. ბანკად ტრანსფორმაციის შემდეგ, როცა შესაძლებლობა ჩნდება სებ-დან ლარის რესურსი პირდაპირ მოიზიდოს, ბანკის შუამავლობის გარეშე.MBC-ის გენერალური დირექტორის გია პეტრიაშვილის განცხადებით, მისო, მინიმალური მარჟით მუშაობდა, კომერციულ ბანკზე 7-8 %.პ.-ით ნაკლებით. იმის მიუხედავად, რომ მიკროსაფინანსო ბაზარი  საბანკოზე მაღალრისკიანია.ამ დროისთვის MBC-ი არაუზრუნველყოფილ სესხს 20 000 ლარამდე გასცემს, წლიურ 25-35%-ად, უზრუნველყოფილს (ავტო/ოპოთეკა/ბიზნეს/აგრო/სტარტაპი) კი 20-27%-ის ფარგლებში.პეტრიაშვილის თქმით, სურვილის მიუხედავად, ბანკზე დაბალი სასესხო  განაკვეთის შეთავაზება ვერ ხერხდება, რესურსის სიძვირის გამო. მისოს ერთის მხრივ ბანკი აწვდის საკრედიტო რუსურსს და მეორეს მხრივ პირდაპირ კონკურენციას უწევს მიკროდაკრედიტების ბაზარზე.  ასე რომ უკვე მიკრობანკია და კონკურენციაც უნდა დაძლიოს, ნელ-ნელა.  ბანკთან უკვე მეტნაკლებად თანაბარ სასტარტო პოზიციაზეMBC-ის რისკების დირექტორს ნინო დევდარიანს, რომელიც ასევე მიკროსაფინანსოების ლობია (მიკროსაფინანსო ასოციაციის გამგეობის წევრი) უჭირს პროგნოზირება, სესხის პროცენტი რა ნიშნულამდე დაიწევს, 22%-იან ზღვარს ჩამოსცდება თუ არა. მაკროეკონომიკურ მაჩვენებლებთან და რეფინანსირების განაკვეთთან ერთად, ეს ბევრ პარამეტრზეა დამოკიდებული. 

1733497320

როგორც ცენტრის მიერ გავრცელებულ განცხადებაშია ნათქვამი, ისინი იმედოვნებენ, რომ გადაწყვეტილება დროებითია.ამასთან, როგორც ცენტრი აცხადებს, ENQA-ს წევრობა და EQAR-ში რეგისტრაცია არ არის დაკავშირებული საქართველოში გაცემული დიპლომების აღიარებასთან.„გვსურს, საზოგადოებას მივაწოდოთ ინფორმაცია ENQA-ს და EQAR-ის წევრობის სტატუსის თაობაზე. მოგეხსენებათ, განათლების ხარისხის განვითარების ეროვნული ცენტრი არის უმაღლესი განათლების ხარისხის უზრუნველყოფის ევროპული ასოციაციის (ENQA) სრული წევრი და ასევე დარეგისტრირებულია უმაღლესი განათლების ხარისხის განვითარების დამოუკიდებელი სააგენტოების ევროპულ რეესტრში (EQAR).ENQA-ს და EQAR-ის წევრობის სტატუსის განახლების მიზნით, საერთაშორისო ექსპერტების ვიზიტი თბილისში განხორციელდა 2023 წლის ოქტომბრის თვეში. ექსპერტთა ჯგუფის დასკვნის მიხედვით (დოკუმენტი საჯაროდ არის ხელმისაწვდომი, როგორც ENQA-ს, ასევე ცენტრის ვებგვერდზე: https://eqe.ge/.../static/1096/enqa-s-gare-shefaseba-2023),განათლების ხარისხის განვითარების ეროვნული ცენტრი უმაღლესი განათლების ევროპული სივრცის ხარისხის უზრუნველყოფის სტანდარტებთან და სახელმძღვანელო პრინციპებთან (ESG 2015) სრულად შესაბამისად შეფასდა 11 სტანდარტში, ხოლო ნაწილობრივ შესაბამისად შეფასდა 2 სტანდარტში.ENQA-ს ექსპერტთა დასკვნის მიხედვით, ცენტრი არცერთ სტანდარტთან მიმართებით არ შეფასებულა, როგორც მოთხოვნებთან შეუსაბამო.აქვე უნდა აღინიშნოს, რომ განათლების ხარისხის განვითარების ეროვნულ ცენტრს 5 სტანდარტის შესრულებასთან დაკავშირებით დაუდგინდა საუკეთესო პრაქტიკა.ENQA-ს ექსპერტების დასკვნის მიღების შემდგომ, ცენტრმა რეგისტრაციის განახლების მიზნით მიმართა EQAR-ს, რომლის გადაწყვეტილებაც ცენტრს ამ ეტაპზე არ ჩაჰბარებია. თუმცა, წინასწარი, არაოფიციალური მონაცემებით, უმაღლესი განათლების ხარისხის განვითარების დამოუკიდებელი სააგენტოების ევროპულმა რეესტრმა (EQAR), 2023 წელს არსებული ხარვეზის საფუძველზე, მიიღო გადაწყვეტილება ცენტრისთვის რეგისტრაციის შეჩერების თაობაზე.აქვე განვმარტავთ, რომ აღნიშნული ხარვეზი უკვე აღმოფხვრილია და ჩვენ მიერ წინსწრებით კანონმდებლობაში შესაბამისი ცვლილებები განხორციელებულია. შესაბამისად, ვიმედოვნებთ რომ EQAR-ის გადაწყვეტილება დროებითია.ამასთან, დასკვნის ოფიციალურად მიღების შემდეგ, ცენტრი გაასაჩივრებს აღნიშნულ გადაწყვეტილებას, რადგან კიდევ ერთხელ აღვნიშნავთ რომ ყველა ის ძირითადი ხარვეზი, რაზეც შესაძლოა კითხვები ჰქონდეთ EQAR-ის კომიტეტის წევრებს უკვე აღმოფხვრილი და გამოსწორებულია.დამატებით, გაცნობებთ, რომ ENQA-ს წევრობა და EQAR-ში რეგისტრაცია არ არის დაკავშირებული საქართველოში გაცემული დიპლომების აღიარებასთან. აღნიშნული ორგანიზაციების წევრობის მოპოვებამდეც, 2019 წლამდეც საქართველოში გაცემული დიპლომების აღიარება ყოველგვარი შეფერხების გარეშე ხდებოდა, როგორც ევროკავშირის წევრ სახელმწიფოებში, ასევე ნებისმიერ სხვა ქვეყანაში.რაც შეეხება სამედიცინო განათლების მსოფლიო ფედერაციის (WFME) მიერ ცენტრის აღიარებას, იგი არანაირად არ უკავშირდება ENQA-ს წევრობას ან EQAR-ში რეგისტრაციას, რადგან ცენტრმა WFME-ის აღიარება მოიპოვა 2018 წელს, ხოლო ENQA-ს სრული წევრის სტატუსი და EQAR-ში რეგისტრაცია განხორციელდა 2019 წელს.ამასთან, WFME-ის აღიარების მქონე სააგენტოების დიდი ნაწილი არ წარმოადგენს არც ENQA-ს წევრ ორგანიზაციას და არც EQAR-ში არ არიან რეგისტრირებულნი“, - აღნიშნულია განცხადებაში.

1733493749

„რუსულმა მხარემ აკრძალა მანდარინის იმპორტი აფხაზეთიდან სანიტარიული სამსახურების გადაწყვეტილებით“, - აღნიშნა ბგანბამ.რუსული მედია წერს, რომ აფხაზი ფერმერებისთვის ზამთრის პერიოდში შემოსავლის მთავარი წყარო რუსეთში მანდარინის ექსპორტია და მიმდინარე სეზონზე აფხაზეთიდან რუსეთში 36 000 ტონამდე ციტრუსის იმპორტი იგეგმებოდა.

1733493233

შსს-ს ცნობით, ჯგუფური ძალადობის ორგანიზებისა და ხელმძღვანელობის ბრალდებით დაკავებულია 2004 წელს დაბადებული ლ.ჯ., ხოლო 1971 წელს დაბადებული გ.ტ. -ს და 1998 წელს დაბადებული რ.კ., -ს ჯგუფურ ძალადობაში მონაწილეობა ედებათ ბრალად. დანაშაულები 9 წლამდე ვადით თავისუფლების აღკვეთას ითვალისწინებს.„ჩატარებული საგამოძიებო მოქმედებების შედეგად დადგინდა, რომ ბრალდებულები რუსთაველის გამზირზე, მიმდინარე აქციების დროს ჯგუფურად ახორციელებდნენ ძალადობრივ ქმედებებს, წინააღმდეგობას უწევდნენ და არ ემორჩილებოდნენ ადგილზე მართლწესრიგის დაცვის მიზნით მყოფ სამართალდამცველებს და მათი მიმართულებით სხვადასხვა საგანს ისვროდნენ“, – ნათქვამია განცხადებაში.შინაგან საქმეთა სამინისტროს განცხადებით, გამოძიება სისხლის სამართლის კოდექსის 225 -ე მუხლის 1-ელი და მე-2 ნაწილებით მიმდინარეობს.დანაშაულები 9 წლამდე ვადით თავისუფლების აღკვეთას ითვალისწინებს.შინაგან საქმეთა სამინისტროში მიმდინარე აქციების გამოძიების ფარგლებში ამ დროისთვის დაკავებულია 26 პირი.

1733486608

პროტესტის მონაწილეები ასევე ითხოვენ აქციებზე უკანონოდ დაკავებული პატიმრების გათავისუფლებასაც.ისინი შენობაში საყვირებითა და ბანერებით იყვნენ შესულები, იუსტიციის სახლის დაცვის სამსახურმა კი მათ შენობა დაატოვებინა და ხმაურისგან თავის შეკავებისკენ მოუწოდა. მოქალაქეებისა და აქტივისტების გარკვეული ჯგუფი, რომლებიც საქართველოს პრემიერ-მინისტრის ირაკლი კობახიძის მიერ მიღებულ გადაწყვეტილებას - ევროკავშირთან მოლაპარაკებების 2028 წლამდე შეჩერებასთან დაკავშირებით რუსთაველის გამზირზე ბოლო დღეების განმავლობაში აპროტესტებდნენ, იუსტიციის სახლში შევიდნენ და თანამშრომლებს გაფიცვისკენ მოუწოდეს.პროტესტის მონაწილეები ასევე ითხოვენ აქციებზე უკანონოდ დაკავებული პატიმრების გათავისუფლებასაც.ისინი შენობაში საყვირებითა და ბანერებით იყვნენ შესულები, იუსტიციის სახლის დაცვის სამსახურმა კი მათ შენობა დაატოვებინა და ხმაურისგან თავის შეკავებისკენ მოუწოდა. აქციის მონაწილეებს ადგილზე მიტანილი აქვთ სხვადასხვა შინაარსის ბანერები - „თავისუფლება რეჟიმის პატიმრებს“ და ასევე ბანერები, სადაც დაკავებული და ნაცემი პირები არიან გამოსახული.დაცვის სამსახურის თანამშრომლებმა შენობაში შესასვლელი კარი ჩაკეტეს და მოქალაქეებს შენობაში შესვლას უზღუდავენ.იუსტიციის სახლიდან გამოყვანილი აქტივისტები ახლა შენობის გარე ტერიტორიაზე იმყოფებიან და პროტესტის გამოხატვას განაგრძობენ.იუსტიციის სახლში მუშაობა შეჩერებულია.BPN

1733484930

GBC სრულად გთავაზობთ ეკონომისტების განცხადებას:  „მას შემდეგ, რაც ირაკლი კობახიძემ ოფიციალურად განაცხადა ევროკავშირში ინტეგრაციის შეჩერებაზე, ქვეყნის ეკონომიკურ სტაბილურობას მნიშვნელოვანი საფრთხე შეექმნა.ეს გადაწყვეტილება წინააღმდეგობაში მოდის საქართველოს კონსტიტუციის 78-ე მუხლთან. ქვეყნის ეკონომიკურ განვითარებას კი პირველ რიგში სამართლის უზენაესობა და დემოკრატიული ინსტიტუტების განვითარება სჭირდება.ბიძინა ივანიშვილის ხელისუფლების ბოლო პერიოდის გადაწყვეტილებებს ქვეყანა დასავლეთისგან იზოლაციისკენ მიჰყავს. ვაჭრობით, ინვესტიციებით, ტურიზმით, ფულადი გზავნილებით და სხვა ეკონომიკური აქტივობებით, საქართველოში ყოველწლიურად 9 მილიარდი დოლარი შემოდის დასავლეთის ქვეყნებიდან. დასავლურ კაპიტალზე დგას ეროვნული ვალუტის გაცვლითი კურსის და ქვეყნის მაკროეკონომიკური სტაბილურობა.ასევე, მიმდინარე წელს მიღებული რუსული სტილის კანონები და ეკონომიკური პოლიტიკის ცვლილება (მაგალითად, ეროვნული ბანკის რეზერვების არასათანადოდ მართვა, “ოფშორების კანონი”, საპენსიო კანონის ცვლილება, ინფრასტრუქტურულ პროექტებში საეჭვო რეპუტაციის ჩინური კომპანიების შემოყვანა) დამატებით რისკებს უქმნის ქვეყნის ეკონომიკას.მშვიდობიანი აქციების დარბევა, დემონსტრანტების ცემა და უკანონო დაკავება ზრდის მოსალოდნელი დასავლური სანქციების მასშტაბურობას, რაც, პირველ რიგში, დიდი გამოწვევა იქნება საქართველოს საფინანსო სექტორისთვის და ზოგადად, საქართველოს ბიზნეს გარემოსთვის.აქედან გამომდინარე, ვხედავთ რა ბოლო დროის გადაწყვეტილებებიდან გამომდინარე გარდაუვალ, მნიშვნელოვან ეკონომიკურ ზარალს, მოვუწოდებთ ბიძინა ივანიშვილის ხელისუფლებას, დაუყოვნებლივ გაათავისუფლოს უკანონოდ დაკავებული აქციის მონაწილეები, გამოავლინოს და დასაჯოს ძალადობის განმახორციელებელი პოლიციელები და დააბრუნოს ქვეყანა დემოკრატიული განვითარების გზაზე, სადაც მოქალაქეებს აზრის გამოხატვის და არჩევანის თავისუფლება ექნებათ,“ - აღნიშნულია განცხადებაში, რომელსაც უერთდებიან: ლაშა ჭოჭუა - ასოცირებული პროფესორი, ეკონომიკის საერთაშორისო სკოლა (ISET); ეკონომიკის მეცნიერებათა დოქტორი, Bielefeld University, Germany ეთერი კვინტრაძე - ეკონომიკური განათლების და კვლევის ასოციაცია (PEER), აკადემიური საბჭო ISET, MA Williams College CDE 1999, PhD Georgetown University 2007 ნინო აბაშიძე - უაიომინგის უნივერსიტეტი, ასისტენტ პროფესორი სანდრო შარაშენიძე - სტენფორდის უნივერსიტეტი, დოქტორანტურის კანდიდატი თამარი მათიაშვილი - სტენფორდის უნივერსიტეტი, დოქტორანტურის კანდიდატი რობიზონ ხუბულაშვილი - სან ფრანცისკოს უნივერსიტეტი, ასისტენტ პროფესორი გივი მელქაძე - ჯორჯიის სახელმწიფო უნივერსიტეტი, ასისტენტ პროფესორი, PhD Georgetown University, 2019 ბესო ნამჩავაძე - მთავარი ეკონომისტი, საერთაშორისო გამჭვირვალობა აკაკი ცომაია - საქართველოს უნივერსიტეტი, ეკონომიკის ინსტიტუტის ხელმძღვანელი ლაშა ლაბაძე - PMCG, ეკონომისტი მიხეილ გიორგაძე - Williams College, Center for Development Economics (CDE), 2001 დავით ჯიბუტი - UBS, ეკონომისტი, PhD Charles University Prague გიორგი მექერიშვილი - AlixPartners, LLP, უფროსი ვიცე პრეზიდენტი სალომე გოგლიჩიძე - Northeastern University, დოქტორანტობის კანდიდატი გიორგი ხიშტოვანი - PMCG, კვლევითი დირექტორი; ილიას სახელმწიფო უნივერსიტეტი, ასოცირებული პროფესორი იოსებ ბერიკაშვილი - UGSPN, მკვლევარი; საქართველოს უნივერსიტეტი, ასოცირებული პროფესორი ნინო ჯავახაძე - PMCG, ეკონომისტი ლევან ფავლენიშვილი - Galadh Analytics OÜ, დამფუძნებელი, მკვლევარი მაია გრიგოლია-Deloitte, USAID კონტრაქტორი, უფროსი კონსულტანტი. გიორგი ბაქრაძე - Williams College, Center for Development Economics (CDE), 2003; ISET, CU, IBSU გიორგი ფირიაშვილი - ასისტენტ პროფესორი, საბაკალავრო პროგრამის ხელმძღვანელი, ეკონომიკის საერთაშორისო სკოლა (ISET), University of Notre Dame, USA ირინა გურული - ეკონომიკური პოლიტიკის კვლევის ცენტრი (EPRC), აღმასრულებელი დირექტორის მოადგილე; ილიას სახელმწიფო უნივერსიტეტი, ასოცირებული პროფესორი. გიორგი პაპავა - ISET-ის კვლევითი ინსტიტუტი, წამყვანი ეკონომისტი; ილიას სახელმწიფო უნივერსიტეტი, ასოცირებული პროფესორი. ნინო დავითაია - პროფესორი, საქართველოს უნივერსიტეტის ბიზნესისა და საჯარო მმართველობის სკოლა; Williams College, 1997 ზურაბ ლუკაშვილი - Williams College, Center for Development Economics (CDE) 1995 ნიკოლოზ ფხაკაძე - ასისტენტ პროფესორი, ეკონომიკის საერთაშორისო სკოლა (ISET), PhD Georgetown University 2021 რატი გაბრიჩიძე - PMCG, ეკონომისტი გიორგი მამათელაშვილი - საპენსიო სააგენტო, Williams College, CDE 2013 თამარ გიორგაძე - ეკონომისტი, Bachelor of Arts, Williams College, 2016 ირაკლი შალიკაშვილი - პოსტდოკტორანტურის მეცნიერი, University of Notre Dame; ეკონომიკის მეცნიერებათა დოქტორი, University of Notre Dame, 2024 გიორგი ბარბაქაძე - Williams College, Center for Development Economics (CDE), 2009 მირაიმ სილვერი მაჭავარიანი - AI CoE, Citi; Williams College, CDE 2011 თორნიკე სურგულაძე - ISET-ის კვლევითი ინსტიტუტი, უფროსი მკვლევარი გიორგი ნებულიშვილი - ISET-ის კვლევითი ინსტიტუტი, უფროსი მკვლევარი დავით კეშელავა - ISET-ის კვლევითი ინსტიტუტის მთავარი ეკონომისტი ნინო დოღონაძე - ISET MA, Penn State PhD, Uber მეცნიერი თამარ ბლიაძე - ISET-ის კვლევითი ინსტიტუტი, უფროსი მკვლევარი სალომე ბასლანძე - მკვლევარი ეკონომისტი, ატლანტის ფედერალური სარეზერვო ბანკი, PHD University of Pennsylvania ანა ბურდული - ISET-ის კვლევითი ინსტიტუტი, მიმართულების ხელმძღვანელის მოადგილე თამარ ჯუღელი - უფროსი კონსულტანტი, Deloitte Luxembourg, PhD University of Groningen გიორგი ჩაბაკაური, London School of Economics, associate professor; PhD London Business School მარიამ ლობჯანიძე, ISET-ის კვლევითი ინსტიტუტის წამყვანი ეკონომისტი ზაქარია ბაბუციძე - პროფესორი, SKEMA Business School გიორგი შავრეშიანი - ISET-ის კვლევითი ინსტიტუტი, უფროსი მკვლევარი ელენე სეთურიძე - ISET-ის კვლევითი ინსტიტუტი, მიმართულების ხელმძღვანელის მოადგილე თათია ხიდაშელი - ISET-ის კვლევითი ინსტიტუტი, უფროსი მკვლევარი ლიკა გოდერძიშვილი - ეკონომიკური განვითარების კონსულტანტი, ილიას სახელმწიფო უნივერსიტეტი, მოწვეული ლექტორი მარიამ კაცაძე - ISET-ის კვლევითი ინსტიტუტი, უფროსი მკვლევარი სალომე სოლომნიშვილი - ISET-ის კვლევითი ინსტიტუტი, უფროსი მკვლევარი

1733482238

შეხვედრა სიტყვით გახსნა სების ვიცე-პრეზიდენტმა ეკატერინე გალდავამ, რომელმაც მონაწილეებს საგადახდო მიმართულების პროექტების ფარგლებში მოსალოდნელ ცვლილებებზე ინფორმაცია მიაწოდა და აღნიშნა, რომ ეროვნულ ბანკი საგადახდო სისტემებზე წვდომას არასაბანკო საგადახდო მომსახურების პროვაიდერებსაც მისცემს.„არასაბანკო საგადახდო მომსახურების პროვაიდერებისთვის საგადახდო სისტემებზე წვდომა, გაზრდის კონკურენტიანობას და ხელს შეუწყობს ინოვაციური საგადახდო პროდუქტების დანერგვას. ჩვენს მიერ ორგანიზებული პრეზენტაციებისა და ტრენინგების სერია კი მიზნად ისახავს ახალი სუბიექტების მომზადებას საგადახდო სისტემაში ჩასართავად. პრეზენტაციები დაეთმობა როგორც საკანონმდებლო ასპექტებს, ასევე პრაქტიკული გამოცდილების გაზიარებას“, - აღნიშნა ეკატერინე გალდავამ.ღონისძიების ფარგლებში საგადახდო სისტემების დეპარტამენტის წარმომადგენლებმა საგადახდო მომსახურების პროვაიდერებს გაუზიარეს საბანკო სექტორის გამოცდილება იმ ვალდებულებებთან დაკავშირებით, რაც საგადახდო ანგარიშების გახსნასა და სრულფასოვან მომსახურებას უკავშირდება, კერძოდ ისაუბრეს საერთაშორისო საბანკო ანგარიშის (IBAN) ფორმატის შესახებ, ასევე პროვაიდერებისთვის ახალ ვალდებულებებზე, რაც საინკასო დავალებების მართვას შეეხება.შეხვედრა ინტერაქტიურ რეჟიმში წარიმართა. მონაწილეებს შესაძლებლობა ჰქონდათ მოსაზრებები გამოეთქვათ ახალ ტექნოლოგიურ გამოწვევებთან და მოსალოდნელ საკანონმდებლო ცვლილებებთან დაკავშირებით.

1733480411