საგარეო ვაჭრობის დეფიციტი 50%-თან ახლოს რჩება

საინტერესო ისტორიები, ჩაღრმავებული კითხვები, ახალი აღმოჩენები და თვითრეფლექსიების უსაზღვრო შესაძლებლობა - ეს გორგილაძის აუტანელი სიმსუბუქეა. პროექტის მთავარი მხარდამჭერი საქართველოს ბანკია.“წესი, საიმისოდ რომ არ გაჩერდე ასეთია - რომ... ერთ ცხოვრებაში იცხოვრო რამდენჯერმე... ძალიან ხშირად ვუყურებ ჩემს თავს, როგორც პერსონაჟს“, - სალომე ბენიძე.ეპიზოდის ნახვა მაყურებელს 14 მაისს, 21:00 საათზე „გორგილაძის აუტანელი სიმსუბუქის“ Youtube არხზე შეეძლება.იმისათვის, რომ არ გამოგრჩეთ ახალი ეპიზოდები და გაიგოთ ვინ იქნებიან  ევროპული თავგადასავლების მეგზურები, გამოიწერეთ Youtube არხი – „გორგილაძის აუტანელი სიმსუბუქე“. 

1747133330

თიბისი კაპიტალი წერს, მიუხედავად იმისა, რომ 2025 წელს მიზნობრივზე მცირედით მაღალი ინფლაცია ჯერ კიდევ შარშან ჩვენს საბაზო სცენარს წარმოადგენდა, უნდა აღინიშნოს, რომ ბოლო რამდენიმე თვის განმავლობაში ინფლაციური წნეხი შედარებით გაზრდილია.კერძოდ, სეზონურად შესწორებული და გაწლიურებული თვიური ინფლაცია ბოლო 6 თვეში, წინა პერიოდებთან შედარებით, საკმაოდ მაღალია. გარდა ამისა, ნაწილობრივ ამოწურვის მიუხედავად, წლიური ინფლაციის მაჩვენებლებზე ჯერ კიდევ შემცირების მიმართულებით მოქმედებს ფასების ერთჯერადი ცვლილების ეფექტები რიგ პროდუქტებზე.თიბისი კაპიტალის პროგნოზით, ინფლაცია წლის განმავლობაში მცირედით კვლავ გაიზრდება და დეკემბრისთვის, დაახლოებით, 4%-ს მიაღწევს.2025 წლის პირველ ოთხ თვეში საშუალო ინფლაციამ 2.8% შეადგინა. შედარებისთვის, 2024 წელს საშუალო ინფლაცია 1.1% იყო. რასაკვირველია, ინფლაციის აჩქარება, გარკვეულწილად, შარშანდელი დაბალი საბაზო ეფექტითაც არის განპირობებული. 2024 წლის საშუალოსთან შედარებით, ინფლაცია ყველაზე მეტად შერეულ პროდუქტებზეა გაზრდილი, ხოლო იმპორტულ პროდუქციაზე ინფლაცია, პირიქით, შემცირებულია. პარალელურად, ადგილობრივ პროდუქტებზე ფასების ზრდა, უკვე სამი თვეა, მიზნობრივ მაჩვენებელს აჭარბებს. აღნიშნულში საკუთარი წვლილი მარტსა და აპრილში პურის გაძვირებამაც შეიტანა, თუმცა ადგილობრივი ინფლაცია ამ ეფექტის გარეშეც მიზნობრივზე მაღალი იქნებოდა. ფასების დინამიკა ადგილობრივ პროდუქციაზე საყურადღებო ინდიკატორია, რადგან იგი შედარებით ხისტია და უკეთ ასახავს ადგილობრივ ბაზარზე არსებულ ტენდენციებს.თიბისი კაპიტალის მაკროეკონომიკური განახლების თანახმად, ადგილობრივად წარმოებული პროდუქცია შუალედური მოხმარებისთვის იმპორტის საკმაოდ მაღალ კომპონენტსაც მოიცავს. შესაბამისად, თიბისი კაპიტალის აზრით, ინფლაციური მოლოდინებისა და გრძელვადიანი ტრენდის შეფასებისთვის ყველაზე შესაფერისი მომსახურების ინფლაციაა, რადგან იგი ნაკლები მერყეობითა და იმპორტული კომპონენტის შედარებით მცირე წილით ხასიათდება. ინფლაციის ამ კუთხით ანალიზი აჩვენებს, რომ 2025 წელს ჯამური ინფლაციის აჩქარება მთლიანად საქონლის ინფლაციის ზრდით იყო განპირობებული, მაშინ როდესაც მომსახურების ინფლაცია ფაქტობრივად არ შეცვლილა. მეორე მხრივ, გასათვალისწინებელია ინტერნეტის გადასახდელის შემცირების ერთჯერადი ეფექტი, რომლის გარეშეც მომსახურების ინფლაცია აპრილში მიზნობრივ 3%-იან მაჩვენებელზე მცირედით მაღალი იქნებოდა. საყურადღებოა, რომ მომსახურების ინფლაციაში აჩქარება შეინიშნება სეზონურად შესწორებულ თვიურ ჭრილში, რაც, თუ ეკონომიკური ზრდის მიმდინარე შეფასებას გავითვალისწინებთ, ამ არხიდან ფასებზე გადაცემის მექანიზმთან თანხვედრაშია. რაც შეეხება საქონლის ინფლაციას, ზრდაში ერთ-ერთი მსხვილი წვლილი საკვებზე ფასების მატებამ შეიტანა.თავის მხრივ, საკვებზე ფასების ზრდა განპირობებულია როგორც ადგილობრივი, მათ შორის ზემოაღნიშნული პურის ფასების, ასევე გლობალური ფაქტორებით. მიუხედავად იმისა, რომ სამომხმარებლო კალათაში საკვები პროდუქციის უმრავლესობა ადგილობრივად წარმოებულად არის კლასიფიცირებული, როგორც ზემოთ ითქვა, მრავალი პროდუქტი იმპორტულ კომპონენტებს მოიცავს. რაოდენობრივი შეფასებით, ვლინდება მჭიდრო კავშირი სურსათზე გლობალურ ფასებს, ლარის გაცვლით კურსსა და ადგილობრივ ბაზარზე სურსათის ფასებს შორის. თავისთავად, ცალკეული საკვები პროდუქტის შემთხვევაში ეს კავშირი კიდევ უფრო ძლიერია. რასაკვირველია, გლობალური ფასებისა და გაცვლითი კურსის გადაცემის მექანიზმი ძალზე გამოკვეთილია სრულად იმპორტული პროდუქტების მაგალითზე, როგორიცაა საწვავი. აპრილში ბენზინის ფასების კლებამ წლიური ინფლაციის შემცირებაში 0.2 პროცენტული პუნქტის წვლილი შეიტანა, რაც ჩვენს მოლოდინებთან თანხვედრაშია. თუ გლობალური ფასები არსებულ დონეზე შენარჩუნდა, ინფლაციის შემცირების კუთხით კონტრიბუცია პოტენციურად 0.5 პროცენტულ პუნქტს ან მცირედით მეტსაც კი მიაღწევს.რაც შეეხება ინფლაციის უფრო ანალიტიკურ მაჩვენებლებს, როგორიცაა სხვადასხვა მეთოდით გაანგარიშებული საბაზო ინფლაცია, ბოლო 6 თვის განმავლობაში აჩქარება ამ კუთხითაც შეინიშნება, თუმცა აპრილში, წინა თვეებთან შედარებით, ინფლაციური ზეწოლა ნაკლებად გამოკვეთილი იყო. გარდა ამისა, გამოვყოფთ მწარმოებელთა ფასების ინდექსის დინამიკას, რომელიც ხშირად სამომხმარებლო ფასების წინმსწრები მაჩვენებელია და, მარტის მდგომარეობით, შედარებით მაღალ ნიშნულზე ნარჩუნდება.თიბისი კაპიტალის ანგარიშით, საერთაშორისო ფასების კუთხით, აღსანიშნავია, რომ, მარტის მდგომარეობით, გაზრდილია როგორც ექსპორტის, ასევე იმპორტის ფასების ინდექსები. ამავე დროს, საერთაშორისო ბაზრებზე ბოლო პერიოდში ფართო მოხმარების საქონელი კლების ტენდენციით ხასიათდება, რაც ინფლაციაში, სავარაუდოდ, სრულად ჯერ არ ასახულა. რაც შეეხება ლარს, მართალია, დოლარის გლობალური გაუფასურების ფონზე ლარი დოლართან მიმართებით მცირედით გამყარდა, თუმცა კიდევ უფრო მეტად გამყარდა საქართველოს მთავარი სავაჭრო პარტნიორი ქვეყნების ვალუტები. ამდენად, ლარის რეალური ეფექტური გაცვლითი კურსი, შეწონილი სავაჭრო პარტნიორების ვალუტების მიმართ, პირიქით, გაუფასურდა. გრძელვადიან ტრენდზე დაკვირვებით, ლარი მიმდინარე პერიოდში წონასწორულთან შედარებით მცირედით გაუფასურებულია, რაც იმპორტული პროდუქციის გაძვირების გარკვეულ რისკს შეიცავს.დასასრულს, თიბისი კაპიტალი გამოყოფს ორ შედარებით უფრო სტრუქტურულ საკითხს. პირველი; მიმდინარე მდგომარეობით, შრომის ბაზრიდან ინფლაციაზე ზეწოლა არ იკვეთება. მიუხედავად ბოლო ორი-სამი წლის განმავლობაში ეკონომიკაში რეალური ხელფასების მნიშვნელოვანი მატებისა, გაზრდილია შრომის პროდუქტიულობის მაჩვენებელიც, რის გამოც წარმოების ერთეულზე სახელფასო ხარჯი რეალურ გამოსახულებაში განსაკუთრებულად არ შეცვლილა. შესაბამისად, ამ კუთხით ინფლაციური ზეწოლის წარმოქმნის წინაპირობა რეალური ხელფასების მხოლოდ დამატებით გამოკვეთილი ზრდა შეიძლება გახდეს. მეორე; ფართო რეგიონის ქვეყნების ინფლაციის მონაცემთა რაოდენობრივი ანალიზით ვლინდება, რომ როგორც საქართველოში, ასევე რეგიონის ქვეყნებში ბოლო ათი წლის განმავლობაში ინფლაციის დინამიკას ძირითადად საერთო რეგიონული ფაქტორები განსაზღვრავდა, ხოლო ადგილობრივ ფაქტორებზე შედარებით მცირე წვლილი მოდიოდა. კერძოდ, საქართველოს შემთხვევაში, ინფლაციის, დაახლოებით, 75% სწორედ ამ საერთო ფაქტორებით აიხსნება.

1747128959

პარტნიორობის ფარგლებში, ჯამში 6 სესია გაიმართება. ბიზნეს სესიები აუდიტორიას დაეხმარება, სწორად და სიღრმისეულად შეაფასონ იდეა, რომელსაც შემდგომში ბრენდად აქცევენ, აირჩიონ ოპტიმალური იურიდიული ფორმა, იპოვონ კონკურენტული უპირატესობა, მოიძიონ ფინანსები და რესურსები. შექნან საუკეთესო გუნდი, რომელიც ბიზნესის გაციფრულებაში, ოპერაციების ოპტიმიზაციასა და გაყიდვების ზრდაში დაეხმარება.იხილეთ ბიზნეს სესიების განრიგი:· 14 მაისი, 20:00 — ბიზნეს იდეის გენერირება, რეგისტრაცია და იურიდიული ფორმის შერჩევა (დავით მარკოზაშვილი);· 21 მაისი , 20:00 — ბაზრის კვლევა, სეგმენტაცია, კონკურენტული ანალიზი (ვასკა ჩუბინიძე);· 28 მაისი, 20:00  — გუნდის შექმნა და მართვა (ნინო ოხანაშვილი);· 4 ივნისი , 20:00 — ფინანსური პროექცია და დაფინანსების მოძიება (გიგა ფაიქიძე);· ივნისი, 20:00 — ბრენდინგი და კომუნიკაციის სტრატეგია (მარიამ ბებიაშვილი);· 18 ივნისი, 20:00 — ბიზნესის გაციფრულება და ელ-კომერცია (გიორგი ბერეჩიკიძე).პირველ სესიაზე რეგისტრაციისთვის ეწვიეთ ბმულს.აღსანიშნავია, რომ ბიზნეს სესიები საქართველოს ბანკის ბიზნეს განათლებისა და ბიზნეს 360°-ის შემადგენელი ნაწილია. მასზე ხელმისაწვდომია 60-მდე კურსი სხვადასხვა თემატიკაზე. ხოლო ბიზნეს 360° ციფრული პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.

1747128880

„მივიღე გადაწყვეტილება ბათუმის მერის თანამდებობის დატოვების შესახებ. ქალაქის ხელმძღვანელად ყოფნა იყო დიდი პატივი და მნიშვნელოვანი პასუხისმგებლობა. მინდა მადლობა გადავუხადო ბათუმელებს გამოცხადებული ნდობისა და მხარდაჭერისთვის, მადლობა იმ გუნდს, რომელთან ერთადაც წლების განმავლობაში ვმუშაობდი ჩვენი ქალაქის საკეთილდღეოდ. განსაკუთრებული მადლობა მინდა გადავუხადო ქართული ოცნების დიდ ოჯახს და, რა თქმა უნდა, ვრჩები ამ გუნდის ერთგულ წევრად“, – წერს ჩიქოვანი.ჩიქოვანი თანამდებობას 2021 წლიდან იკავებდა.  2020 – 2021 წლებში კი მერის მოვალეობის შემსრულებელი იყო.

1747127618

ამასთან, ნიდერლანდების საგარეო საქმეთა სამინისტრომ ავსტრალიასთან ერთად დაიწყო დავა რუსეთის წინააღმდეგ სამოქალაქო ავიაციის საერთაშორისო ორგანიზაციაში.განცხადებაშია აღნიშნულია, რომ კენჭისყრისას სამოქალაქო ავიაციის საერთაშორისო ორგანიზაციის საბჭოს წევრების „მნიშვნელოვანმა უმრავლესობამ“ მხარი დაუჭირა ნიდერლანდებისა და ავსტრალიის პოზიციას. შემდეგი ნაბიჯი რუსეთის მხრიდან კომპენსაციის ფორმის განსაზღვრაა.2014 წლის 17 ივლისს მალაიზიის ავიახაზების MH17 რეისი, რომელიც ამსტერდამიდან კუალა ლუმპურისკენ მიფრინავდა, ჩამოაგდეს აღმოსავლეთ უკრაინის თავზე, დონბასის რეგიონში მიმდინარე კონფლიქტის დროს. კატასტროფის შედეგად, დაიღუპა ბორტზე მყოფი 298-ვე ადამიანი, მათ შორის 196 ნიდერლანდელი.2022 წლის 17 ნოემბერს ჰააგის სასამართლომ დაუსწრებლად სამუდამო პატიმრობა მიუსაჯა სამ პირს – იგორ გირკინს, სერგეი დუბინსკისა და ლეონიდ ხარჩენკოს თვითმფრინავის ჩამოგდებაში მონაწილეობისთვის.სასამართლომ ასევე დაადგინა, რომ ინციდენტის დროს რუსეთი აკონტროლებდა ე.წ. დონეცკის სახალხო რესპუბლიკას.

1747127387

კერძოდ, Lion Finance Group-ის (BGEO LN) აქციები დაიხურა 65.35 ბრიტანულ ფუნტ სტერლინგში (GBP), +7.75% წინა კვირასთან შედარებით და +33.69% გასულ თვესთან შედარებით. ვაჭრობის მოცულობამ 227 ათას აქციაზე მეტი შეადგინა, GBP 60.30 - 65.55 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 54 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 43.85 ბრიტანულ ფუნტ სტერლინგში (GBP), -6.70% წინა კვირასთან შედარებით და +18.03% გასულ თვესთან შედარებით. ვაჭრობის მოცულობამ 647 ათას აქციაზე მეტი შეადგინა, GBP 41.05 - 49.00 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 103 ათასი აქცია შეადგინა.Georgia Capital-ის (CGEO LN) აქციები დაიხურა 19.16 ბრიტანულ ფუნტ სტერლინგში (GBP), +14.05% წინა კვირასთან შედარებით და +55.02% გასულ თვესთან შედარებით. ვაჭრობის მოცულობამ 671 ათას აქციაზე მეტი შეადგინა, GBP 16.46 - 19.44 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 123 ათასი აქცია შეადგინა.

1747126874

დროთა განმავლობაში, ეს ემოცია კონკრეტულ მიზნად იქცა - შექმნილიყო ადგილი, სადაც რეკლამა არა მხოლოდ სარეკლამო პროდუქტი იქნებოდა, არამედ ადამიანებთან კავშირის საშუალება. ასე დაიწყო „პრომო ჰაუსის“ გზა. ადამიანებზე ორიენტირებული და ღირებულებებზე დაფუძნებული იდეებით.„პრომო ჰაუსის კონცეფცია ადამიანებზეა დამყარებული – მათზე, ვისთან ერთადაც ვმუშაობთ და ვისთვისაც ვქმნით. ჩვენს საქმეში მთავარია გულწრფელი დამოკიდებულება და მაღალი პასუხისმგებლობის გრძნობა. ძალიან გვიყვარს ის, რასაც ვაკეთებთ, და ეს სიყვარული გუნდის თითოეულ წევრზე გადადის. სწორედ ამ ერთგულებაში, ენერგიასა და ურთიერთპატივისცემაში იბადება ის უპირატესობა, რაც პრომო ჰაუსს გამოარჩევს. ჩვენთვის რეკლამა არა უბრალოდ პროდუქტია, არამედ ადამიანებთან ურთიერთობაა”, - აღნიშნავს ნატუკა ფოფხაძე, „პრომო ჰაუსის“ თანადამფუძნებელი.წარმატების გზაზე არაერთ გამოწვევასაც წააწყდნენ. რესურსების დეფიციტი, გუნდის სტაბილურობის შენარჩუნება, განვითარების გზაზე წარმოშობილი დაბრკოლებები - ეს მხოლოდ იმ გამოცდილებების ნაწილია, რომელსაც „პრომო ჰაუსმა“ წინ გადადგმული ნაბიჯებით უპასუხა. მათი ფილოსოფია ყოველთვის ერთსა და იმავეს უბრუნდება - პრობლემაში შესაძლებლობის დანახვა და გუნდური ძალით გამოწვევის გადაჭრა.ამ პროცესში მნიშვნელოვანი როლი ითამაშა თიბისის მხარდაჭერამაც. პარტნიორობა ბანკთან კომპანიამ განვითარების რამდენიმე კრიტიკულ ეტაპზე გადამწყვეტად შეაფასა - ფინანსური სტაბილურობა, მოტივაცია და მზარდი ნდობა ერთობლივად დაეხმარა „პრომო ჰაუსს“, რომ საკუთარი მისია კიდევ უფრო თავდაჯერებულად გაეგრძელებინა. „თიბისის მხარდაჭერა არაერთ მნიშვნელოვან ეტაპზე გადამწყვეტი აღმოჩნდა. მათთან პარტნიორობა მეტ სტაბილურობას და მოტივაციას გვაძლევს, განსაკუთრებით მაშინ, როცა განვითარებისთვის მყარად მდგომი პარტნიორი გჭირდება“, - ამბობს ნატუკა ფოფხაძე.რაც შეეხება სამომავლო გეგმებს, კომპანიაში ახალი მიმართულებების განვითარებასა და საერთაშორისო ბრენდებთან უფრო აქტიურ თანამშრომლობას აპირებენ. 

1747122177

6 მაისს, აშშ-ის კონგრესის ქვედა პალატაში “MEGOBARI აქტის” დამტკიცების შემდეგ, კანონპროექტი კონგრესის ზედა პალატას - სენატს გადაეცა. კანონპროექტი სენატის ოფიციალური კალენდრის “ზოგადი საკითხების” სექციაში იმავე დღეს იქნა დამატებული სათაურით: “აქტი, რომ საქართველოში წინააღმდეგობა გაეწიოს ჩინეთის კომუნისტური პარტიის, ირანული რეჟიმისა და რუსეთის ფედერაციის გავლენას”.თუკი ახლა “MEGOBARI აქტი” სენატშიც დამტკიცდება, კანონად ქცევისთვის მას პრეზიდენტი ტრამპის ხელმოწერა დასჭირდება.ირაკლი კობახიძემ 7 მაისს ჟურნალისტებს უთხრა, რომ "მეგობარი აქტის" მხარდამჭერი რესპუბლიკელი კონგრესმენები არა პრეზიდენტ ტრამპის მოკავშირეები, არამედ "დიფ სთეითის" დავალებების შემსრულებლები არიან. კობახიძის აზრით, მაგალითად "ჯო უილსონი არის თავიდან ბოლომდე დიფ სთეითი“.“ქართული ოცნება” “MEGOBARI აქტს” პრეზიდენტ ტრამპის „გამოცდად“ განიხილავს და თუკი აშშ-ის პრეზიდენტი საბოლოო ვარიანტს ხელს მოაწერს,  ეს "ქართული ოცნების" აზრით, ნიშანი იქნება იმისა, რომ აშშ-ის პრეზიდენტმა ე.წ. დიფ სთეითი ვერ დაამარცხა.დონალდ ტრამპისა და ჯეი დი ვენსისთვის მიწერილ ღია წერილში კობახიძე აცხადებს, რომ „გასაკვირია”, რატომ არ ასწორებს დონალდ ტრამპი ჯო ბაიდენის „დანაშაულებრივ გადაწყვეტილებებს” – მისვე თქმით, გაკვირვებას იწვევს აშშ-ის ამჟამინდელი ადმინისტრაციის „დუმილი” იმის გათვალისწინებით, რომ ისინი „ღიად არადემოკრატიულ და ავტორიტარულ სახელმწიფოსთანაც” აწარმოებენ დიალოგს.კობახიძე წერს:„რამდენიმე კვირის წინ, მოგმართეთ წერილით ქართულ-ამერიკულ ურთიერთობებთან დაკავშირებით. აღნიშნულ წერილს წინ უსწრებდა ჩემი საჯარო განცხადებები, სადაც ღიად გამოვხატავდი საქართველოს მზაობას, სუფთა ფურცლიდან, კონკრეტული გზამკვლევით განგვეახლებინა სტრატეგიული პარტნიორობა საქართველოსა და აშშ-ს შორის. თუმცა, პასუხი ჩვენს წერილზე და საჯარო განცხადებებზე დღემდე არ მიგვიღია. მეტიც, დღემდე უმაღლეს დონეზე არ შემდგარა არავითარი კომუნიკაცია საქართველოს და აშშ-ს ხელისუფლებებს შორის.აღნიშნული დუმილი გასაკვირია ქართველი ხალხისთვის და საქართველოს ხელისუფლებისთვის რამდენიმე მიზეზის გამო:– პირველ რიგში, უკვე მრავალი წელია, საქართველო არის აშშ-ს ყველაზე საიმედო პარტნიორი ჩვენს ურთულეს რეგიონში, რომელსაც აშშ-სთვის სტრატეგიული მნიშვნელობა აქვს. საქართველო მხარში ედგა აშშ-ს ყველაზე ცხელ წერტილებში, მათ შორის ერაყში და ავღანეთში, სადაც საქართველო ერთ სულ მოსახლეზე ყველაზე მეტი ჯარისკაცით იყო წარმოდგენილი. მხოლოდ ამ ორ მისიაში მონაწილეობით, ჩვენმა პატარა ქვეყანამ აშშ-ს 2.5 მილიარდი დოლარი დაუზოგა, რაც აშშ-ს ბიუჯეტიდან საქართველოსთვის გაწეულ რეალურ (!) დახმარებას მრავალჯერ აღემატება (რეალურ დახმარებაში არ ვთვლით თანხებს, რომელიც აშშ-ს ბიუჯეტიდან ექს-პრეზიდენტ მიხეილ სააკაშვილის რეჟიმის გადასარჩენად გამოიყო 2008-11 წლებში, მას შემდეგ, რაც სააკაშვილმა “დიფ სთეითის” დავალებით რუსეთთან ომი დაიწყო; რეალურ დახმარებაში, ასევე, არ ვთვლით თანხებს, რომელიც ამერიკის საელჩოს, USAID-ის, NED-ის, სოროსის ფონდის და სხვა არხებით, საქართველოში რადიკალიზმისა და სიძულვილის გასაღვივებლად, რევოლუციების მოსაწყობად, საქართველოს მართლმადიდებელი ეკლესიის იმიჯის შესალახად, რელიგიური ექსტრემიზმის წასახალისებლად, სახელმწიფო ინსტიტუტების დასასუსტებლად, გენდერული და ლგბტ-პროპაგანდის საწარმოებლად და სხვა მსგავსი მიზნებით გამოიყოფოდა). იმ გარემოების გათვალისწინებით, რომ საქართველო მრავალი წლის მანძილზე აშშ-სთვის ნამდვილ სტრატეგიულ პარტნიორად რჩებოდა და ამგვარი სტრატეგიული პარტნიორობის აღდგენის მზაობას დღესაც გამოხატავს, ახალი ადმინისტრაციის დუმილი როგორც საქართველოს ხელისუფლებისთვის, ისე ქართველი ხალხისთვის გასაკვირია;– საერთაშორისო რეიტინგების თანახმად, საქართველო არის ლიდერი რეგიონში დემოკრატიის, სამართლის უზენაესობის, ადამიანის უფლებების, მედიის თავისუფლების, სასამართლოს დამოუკიდებლობის, სახელმწიფო ინსტიტუტების სიძლიერის, კორუფციის სიმცირის და სხვა კრიტერიუმების მიხედვით. საქართველოს ლიდერობას ადასტურებენ ისეთი ინსტიტუტებიც, რომელთა მიმართ თქვენს ადმინისტრაციას განსაკუთრებული ნდობა აქვს. ამ ყველაფრის გათვალისწინებით და იმ ფონზე, რომ თქვენ არაერთ, თუნდაც, ღიად არადემოკრატიულ და ავტორიტარულ სახელმწიფოსთანაც აწარმოებთ აქტიურ დიალოგს და კომუნიკაციას, საქართველოსთან დაკავშირებით თქვენს დუმილს ჩვენთვის ლოგიკური ახსნა არა აქვს”.ის აქვე აცხადებს, რომ „ქართული ოცნებისა” და ტრამპის ადმინისტრაციის საჯარო რიტორიკაში „თვალშისაცემია სრული ღირებულებითი და იდეოლოგიური თანხვედრა ჩვენს ხედვებს შორის”.კობახიძე აკრიტიკებს ორპარტიული მხარდაჭერის მქონე "MEGOBARI აქტსაც", მას კიდევ ერთხელ უწოდებს „მტრულს” და ამბობს, რომ ყურადღებას საერთოდ არ გაამახვილებდნენ, რომ არა ის გარემოება, რომ არაერთი ადამიანი მას ტრამპის ადმინისტრაციას „მიაწერს”.„ამ აღქმას ამყარებს ის გარემოებაც, რომ თქვენს ადმინისტრაციას „MEGOBARI აქტზე“ არავითარი კრიტიკული განცხადება არ გაუვრცელებია. ამ ყველაფრის გამო, ეს კანონი ამცირებს ქართველი ხალხის ნდობას არა მხოლოდ კონგრესის, არამედ, სამწუხაროდ, თქვენი ადმინისტრაციის მიმართაც, რომელსაც ქართული საზოგადოება სხვაგვარი იმედით შეჰყურებდა”, - წერს კობახიძე.კობახიძე აცხადებს, რომ „ქართული ოცნება” კვლავ იტოვებს იმედს ტრამპის ადმინისტრაციის მიერ "დიფ სთეითის" დამარცხების „რეალური შესაძლებლობის” შესახებ, წინააღმდეგ შემთხვევაში, მისი თქმით, „კვლავაც გაგრძელდება ბაიდენის ადმინისტრაციის პირობებში დაგეგმილი რევოლუციური სცენარის მოქმედება”.მისივე თქმით, ფაქტი, რომ „USAID-ისა და NED-ის მიერ დატრენინგებული და დაფინანსებული 250-მდე ადამიანი დღემდე ყოველდღიურად იკრიბება”, იმის უტყუარი მტკიცებულებაა, რომ "დიფ სთეითს" „რევოლუციის გეგმა თაროზე ჯერაც არ შემოუდია”.ჯო ვილსონის თქმით, "MEGOBARI აქტის" მიღების შემთხვევაში დასანქცირება ემუქრება: ირაკლი კობახიძეს - პრემიერ-მინისტრის, კახა კალაძეს - თბილისის მერს, ირაკლი ღარიბაშვილს - პარტიის ყოფილი თავმჯდომარეს, მაკა ბოჭორიშვილს - საგარეო საქმეთა მინისტრს, შალვა პაპუაშვილს - პარლამენტის სპიკერს, ნინო წილოსანს - ვიცე-სპიკერს, მამუკა მდინარაძეს - საპარლამენტო უმრავლესობის ლიდერს, გიორგი კალანდარიშვილს - ცესკოს თავმჯდომარეს.დასასანქცირებელთა სიაში ასევე არიან: ვახტანგ გომელაური, ანრი ოხანაშვილი, პაატა სალია, სულხან თამაზაშვილი, ვიქტორ ჯაფარიძე, დიმიტრი სამხარაძე, თეა წულუკიანი, მიხეილ ჩინჩალაძე, ლევან მურუსიძე, დიმიტრი გვრიტიშვილი, გიორგი მიქაუტაძე, ლევან თევზაძე, ირაკლი შენგელია, რევაზ ნადარაია, შალვა თადუმაძე, გიორგი გაბიტაშვილი – გენპროკურორი, კარლო კაციტაძე – სპეციალური საგამოძიებო სამსახური, გიორგი ჯავახიშვილი – ცესკოს მდივანი, რაჟდენ კუპრაშვილი – ანტიკორუფციული ბიუროს ხელმძღვანელი, ნათია თურნავა – სების პრეზიდენტი. ბიზნესმენები: უჩა მამაცაშვილი, ივანე ჩხარტიშვილი, ალექსანდრე ივანიშვილი, ოთარ რომანოვ-ფარცხალაძე, ნოშრევან ნამორაძე. ჯო ვილსონის თქმით, სანქციები ემუქრებათ "პროპაგანდისტებსაც" სადაც მოიაზრება: ირაკლი რუხაძე, ლაშა ნაცვლიშვილი, ვასილ მაღლაფერიძე, თინათინ ბერძენიშვილი და კახა ბექაური.

1747122123