საქართველოს პორტებში ტვირთბრუნვა 19.7%-ით, მგზავრთნაკადი – 53.6%-ით გაიზარდა

2026 წლის მარტთან შედარებით ფასები 1.6%-ით შემცირდა სამთო-მოპოვებითი მრეწველობისა და კარიერების დამუშავების ჯგუფზე, რამაც -0.13 პ.პ.-ით იქონია ზეგავლენა ჯამური ინდექსის ცვლილებაზე. ამავე პერიოდში ფასები გაიზარდა დამამუშავებელი მრეწველობის პროდუქციის ჯგუფზე (0.7%), რამაც 0.54 პ.პ. შეიტანა მთლიანი ინდექსის ცვლილებაში. ჯგუფში შემავალი პროდუქტებიდან აღსანიშნავია ფასების ზრდა ძირითად ქიმიურ ნივთიერებებზე და ქიმიურ პროდუქტებზე (8.4%) და კოქსზე და რაფინირებულ ნავთობპროდუქტებზე (7.9%). გარდა ამისა, ფასების 1.1 პროცენტიანი მატება დაფიქსირდა ელექტროენერგიის, აირის, ორთქლის და კონდიცირებული ჰაერის ჯგუფზე, რომლის წვლილმაც თვის ჯამური ინდექსის ცვლილებაში 0.11 პ.პ. შეადგინა.12-თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე: სამთო-მოპოვებითი მრეწველობა და კარიერების დამუშავება: ფასები გაზრდილია 27.6%-ით, რაც მთლიანი ინდექსის ცვლილებაზე 1.8 პ.პ.-ით აისახა. ჯგუფში აღსანიშნავია ფასების მატება ლითონის მადნებზე (34.3%) დამამუშავებელი მრეწველობის პროდუქცია: ფასები გაიზარდა 5.3%-ით, რამაც მთლიანი ინდექსის ზრდაზე 4.28 პ.პ.-ით მოახდინა გავლენა. ფასები გაიზარდა კვების პროდუქტებზე (6.3%) და სასმელებზე (5.6%) ელექტროენერგია, აირი, ორთქლი და კონდიცირებული ჰაერი: ფასები გაიზარდა 3.7%-ით, რამაც მთლიანი ინდექსის წლიურ ცვლილებაზე 0.39 პ.პ.-ით იქონია გავლენა  წყალმომარაგება, კანალიზაცია, მომსახურება ნარჩენების მართვით და რეკულტივირებით: ფასები გაიზარდა 6.8%-ით, რამაც მთლიან ინდექსზე 0.21 პ.პ.-ით იქონია გავლენა

1779266949

1Q26-ში საერთაშორისო გადაზიდვის რეჟიმში რკინიგზით გადატანილი ტვირთის ჯამური მოცულობის 75% მოდიოდა ქვეყანაში შემოტანილ ტვირთზე, 25% კი - ქვეყნიდან გატანილზე.1Q26-ში რკინიგზით შემოტანილი ტვირთის მთლიანი მოცულობის 40.6%-ს გამომგზავნ ქვეყანას რუსეთის ფედერაცია წარმოადგენდა, 20.8%-ს გამომგზავნს - აზერბაიჯანი, თითოეული დანარჩენი გამომგზავნი ქვეყნების წილი კი 10-10%-ზე ნაკლები იყო (ჯამურად 38.7%).საქსტატის მონაცემებით, 1Q26-ში რკინიგზით გატანილი ტვირთის მთლიანი მოცულობის 9.8%-ს დანიშნულების ქვეყანას ყაზახეთი წარმოადგენდა, 8.9 პროცენტისას - სომხეთი, 8.6 პროცენტისას - რუსეთის ფედერაცია, ტვირთის მიმღები თითოეული დანარჩენი ქვეყნების წილი კი შედარებით ნაკლები იყო (ჯამურად 72.7%).1Q26-ში ტრანზიტით გადატანილი ტვირთის მთლიანი მოცულობის განაწილება დანიშნულების ქვეყნის მიხედვით შემდეგნაირი იყო: 7.6% - ჩინეთი, 7.5% - თურქეთი, 4.4% - ნიდერლანდები, 2.8% - უკრაინა, 1.4% - იტალია, 1% - რუმინეთი, დანარჩენი კი სხვა ქვეყნებზე მოდიოდა.ამავე პერიოდში, ტრანზიტით გადატანილი ტვირთის 5.3%-ს გამომგზავნ ქვეყანას ბრაზილია წარმოადგენდა, 3 პროცენტისას - თურქეთი, ხოლო დანარჩენი სხვა ქვეყნებზე მოდიოდა.საანგარიშო პერიოდში, რკინიგზით გადატანილი ტვირთის მთლიანი მოცულობის 33.4% მოდიოდა კოქსისა და რაფინირებული ნავთობპროდუქტების სასაქონლო ჯგუფზე; 23.9% - ქიმიკატების, ქიმიური პროდუქტების და ხელოვნური ბოჭკოების; რეზინის და პლასტმასის პროდუქტების სასაქონლო ჯგუფზე, ხოლო 12.3% - ლითონის მადანსა და სხვა სამთო და კარიერულ პროდუქტებზე.1Q26-ში სასაქონლო ჯგუფების მიხედვით განაწილება განსხვავებული იყო ადგილობრივი გადაზიდვების შემთხვევაში და 63.2% ლითონის მადანსა და სხვა სამთო და კარიერულ პროდუქტებზე მოდიოდა, 17.8% ეჭირა კოქსსა და რაფინირებულ ნავთობპროდუქტებს, ხოლო 13.7% - სატრანსპორტო აღჭურვილობის სასაქონლო ჯგუფს.რაც შეეხება საერთაშორისო გადაზიდვებს, საანგარიშო პერიოდში რკინიგზის საშუალებით ძირითადად შემოტანილია კოქსი და რაფინირებული ნავთობპროდუქტები (52.7%), სხვა არამეტალური მინერალური პროდუქტები (12.9%), ლითონის მადანი და სხვა სამთო და კარიერული პროდუქტები (10.5%), ქვანახშირი და ლიგნიტი; ნედლი ნავთობი და ბუნებრივი აირი (6.9%), სოფლის მეურნეობის, ნადირობისა და მეტყევეობის პროდუქტები (3.8%), ქიმიკატები, ქიმიური პროდუქტები და ხელოვნური ბოჭკოები (3.7%) და ძირითადი ლითონები (3.6%); ხოლო გატანილია ქიმიკატები, ქიმიური პროდუქტები და ხელოვნური ბოჭკოები (38.5%), საკვები პროდუქტები, სასმელები და თამბაქო (25.7%), ძირითადი ლითონები (12.7%) და ლითონის მადანი და სხვა სამთო და კარიერული პროდუქტები (12.6%).1Q26-ში ტრანზიტული ტვირთის მთლიანი მოცულობის 76.2% სამ სასაქონლო ჯგუფზე მოდიოდა, კერძოდ: ქიმიკატები, ქიმიური პროდუქტები და ხელოვნური ბოჭკოები (34.6%), კოქსი და რაფინირებული ნავთობპროდუქტები (31.6%), საკვები პროდუქტები, სასმელები და თამბაქო (10%).1Q26-ში საქართველოს რკინიგზის მიერ გადაყვანილია 301.8 ათასი მგზავრი, რაც 13.5%-ით ნაკლებია გასული წლის შესაბამისი პერიოდის მაჩვენებელზე. ამავე პერიოდში მგზავრთბრუნვის მოცულობამ 68.3 მილიონი მგზავრ-კილომეტრი შეადგინა, რაც 13.8%-ით ნაკლებია გასული წლის შესაბამის პერიოდთან შედარებით.1Q26-ში ადგილობრივი მიმოსვლის რეჟიმში გადაყვანილია 298 ათასი მგზავრი, რაც რკინიგზით გადაყვანილი მგზავრების მთლიანი რაოდენობის 98.7%-ს შეადგენს და 13.8%-ით ჩამორჩება 2025 წლის შესაბამისი პერიოდის მაჩვენებელს. ამასთან, საერთაშორისო მიმოსვლის რეჟიმში გადაყვანილია 3.8 ათასი მგზავრი, რაც 26.1%-ით მეტია გასული წლის შესაბამისი პერიოდის მაჩვენებელზე. საერთაშორისო მიმოსვლის რეჟიმში გადაყვანილი მგზავრების 73.1% შემოვიდა სომხეთიდან, ხოლო სომხეთის მიმართულებით გავიდა 26.9% (1Q26-ში სხვა მოსაზღვრე ქვეყნის მიმართულებით მგზავრთა გადაყვანა არ განხორციელებულა).

1779266223

კერძოდ, კრეატიულ სააგენტო SUPERMARKET-თან თანამშრომლობით შექმნილმა დამოუკიდებლობის დღისადმი მიძღვნილმა კამპანიებმა - Independence: First Person Experience კატეგორიაში - სარეკლამო კამპანიები / ინტეგრირებული კამპანიები, ხოლო, Iveria -The Independence Issue-მა ბეჭდური და საგამომცემლო მედია / ჟურნალები და გაზეთების კატეგორიაში გაიმარჯვა.აღსანიშნავია, რომ Baku Flames International Festival of Creativity and Effectiveness რეგიონში ერთ-ერთი მნიშვნელოვანი კრეატიული ფესტივალია, რომელიც წელს უკვე მეორედ გაიმართა. ფესტივალი აერთიანებს სააგენტოებს, ბრენდებსა და კრეატიული ინდუსტრიის წარმომადგენლებს სხვადასხვა ქვეყნიდან და მიზნად ისახავს რეგიონში კრეატიული ინდუსტრიის განვითარებისა და საუკეთესო ნამუშევრების გამოვლენას. ფესტივალმა 11 ქვეყნიდან 328 ნამუშევარი გააერთიანა. გამარჯვებულები კი საერთაშორისო ჟიურიმ გამოავლინა, რომელმაც ნამუშევრები კრეატიულობისა და ეფექტიანობის მიხედვით შეაფასა.(R)

1779265033

1Q26-ში საქართველოს აეროპორტებში მგზავრთა ნაკადის 93.6% რეგულარულ ფრენებზე მოდიოდა.1Q26-ში საქართველოს აეროპორტებიდან განხორციელებული სამგზავრო რეისების რაოდენობამ 7.3 ათასი შეადგინა, რაც 20.8%-ით აღემატება წინა წლის შესაბამისი პერიოდის მაჩვენებელს.1Q26-ში საქართველოს აეროპორტებში ტვირთისა და ფოსტის ნაკადის მოცულობამ 10.3 ათასი ტონა შეადგინა, საიდანაც 92.1% მიღებული ტვირთი და ფოსტა იყო, ხოლო 7.9% - გაგზავნილი.1Q26-ში საქართველოს აეროპორტებში 0.9 ათასი სატვირთო რეისი განხორციელდა, რაც 6.2%-ით აღემატება წინა წლის შესაბამის მაჩვენებელს.საქსტატის მონაცემებით, 1Q26-ში საქართველოს საჰაერო ტრანსპორტით გადაყვანილია 190.7 ათასი მგზავრი და გადატანილია 30.5 ათასი ტონა ტვირთი. აღნიშნულ პერიოდში გადაყვანილი მგზავრების რაოდენობა 57.7%-ით აღემატება გასული წლის შესაბამისი პერიოდის მაჩვენებელს, ხოლო გადატანილი ტვირთის მოცულობა 18.1%-ით ნაკლებია გასული წლის შესაბამისი პერიოდის მაჩვენებელზე. 

1779264837

ფინანსთა სამინისტროს შემოსავლების სამსახურის მებაჟე ოფიცრებმა, უცხო ქვეყნის მოქალაქეების, როგორც კუთვნილი ბარგის, ასევე მათი მართვის ქვეშ არსებული ავტოსატრანსპორტო საშუალებების დეტალური დათვალიერების შედეგად, არადეკლარირებული ოქროს ზოდები, ოქროს საიუველირო ნაკეთობები (საერთო ჯამში: 543 გრამი) და არადეკლარირებული ნაღდი ფული კერძოდ, 48 200 აშშ დოლარი და 85 000 რუსული რუბლი აღმოაჩინეს.არადეკლარირებული თანხის საერთო რაოდენობამ ეროვნული ბანკის გაცვლითი კურსის მიხედვით - 132 746 ლარი ხოლო, არადეკლარირებული ოქროს საბაჟო ღირებულებამ ჯამში 125 795 ლარი შეადგინა.ხუთივე კანონდამრღვევი მოქალაქის მიმართ საქმის მასალები შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეგზავნა.

1779262704

გართობა, კინოსა თუ კონცერტის ბილეთები, ტანსაცმელი, მოგზაურობა, ტექნიკა - ერთგული საკრედიტო ბარათით სურვილები აღარ არის შორეული, რადგან ის გაძლევს შესაძლებლობას, შენთვის სასურველი ხარჯები გაწიო მაშინ, როცა გჭირდება და აღარ დაელოდო დროს, როცა შესაბამისი ფინანსები გამოგიჩნდება.საკრედიტო ბარათი არის ყოველდღიური ფინანსური ინსტრუმენტი, რომელიც გაძლევს შესაძლებლობას წინასწარ დამტკიცებული ლიმიტი გამოიყენო იმ მომენტში, როცა გჭირდება და არ თქვა უარი სურვილებსა და საჭიროებებზე. გარდა ამისა, თუ ლიმიტს საშეღავათო პერიოდში დაფარავ, დამატებითი პროცენტი აღარ დაგერიცხება. რაც ნიშნავს, რომ სურვილების ასრულება შესაძლებელია დამატებითი ფინანსური ტვირთის გარეშე. ამ პრინციპზეა აგებული თიბისის ერთგული საკრედიტო ბარათიც - ახლა უფრო მარტივი წესებით, მკაფიო ვადებით და გაუმჯობესებული პირობებით, რათა მომხმარებელმა ზუსტად იცოდეს, როგორ მართავს საკუთარ ხარჯებს და ამავდროულად მაქსიმალურად ისარგებლოს ქეშბექითა და სხვა სარგებლით.პროდუქტის მთავარი სიახლეები: განახლდა ვიზუალი; ბარათის აღება უფასოა და აღარ გჭირდება წლიური მომსახურების საკომისიოს გადახდა; დარჩა მხოლოდ 2 კატეგორიის ერთგული საკრედიტო ბარათი: Ertguli Visa და Ertguli Visa Platinum კონცეპტ სეგმენტის მომხმარებლებისთვის; Ertguli Visa Platinum-ის მომხმარებლებს ექნებათ წვდომა აეროპორტის ლაუნჯებსა და Fast Track-ზე (უსაფრთხოების კონტროლის სწრაფი გავლა); გაიზარდა საკრედიტო ლიმიტი - 30,000 ლარამდე; გაიზარდა სტანდარტული ქეშბექი: Mass ბარათზე 1%, ხოლო Concept ბარათზე 2% (საქართველოში არსებულ ნებისმიერ POS ტერმინალზე გადახდისას); ადრე მოქმედი ორი განსხვავებული პროცენტის ნაცვლად, ახლა მოქმედებს ერთი ტიპის განაკვეთი; ეფექტური საპროცენტო განაკვეთი 0%-დან. მათ, ვინც უკვე სარგებლობს ერთგული საკრედიტო ბარათებით, ჩვეულებრივ გააგრძელებენ სარგებლობას პირობებით, რომელიც ბარათის აღებისას ჰქონდათ, თუმცა ახალი მომხმარებლები ისარგებლებენ მხოლოდ განახლებული ბარათებითა და პირობებით.ერთგული საკრედიტო ბარათის დამტკიცება და აღება სულ რამდენიმე წუთში, ფილიალში მისვლის გარეშე, მობაილბანკიდან არის შესაძლებელი.„სურვილები ახლოვდება“- ეს არის კამპანია ადამიანებისთვის, რომლებიც ყოველდღიურ გადახდებში მეტ სარგებელს ეძებენ და სურთ, ფინანსური გადაწყვეტილებები მათ სურვილებს უფრო აახლოებდეს.ერთგული საკრედიტო ბარათის რებრენდინგით თიბისი კიდევ ერთხელ უსვამს ხაზს მომხმარებელზე ორიენტირებულობას- მათი საჭიროებების უკეთ გააზრებას და ყოველდღიურობის გამარტივებას. კომპანია ამ მიმართულებით აგრძელებს მუშაობას და მომხმარებლებს მომავალშიც ბევრ სიახლეს ჰპირდება. (R)

1779261080

სანდრო რთველაძე გუნდს მნიშვნელოვანი საერთაშორისო გამოცდილებით უერთდება, რაც კიდევ უფრო გააძლიერებს თიბისის სტრატეგიულ მიმართულებას - საცალო ბიზნესის მართვას და ხელს შეუწყობს უფრო ძლიერი სამომხმარებლო გამოცდილების შექმნას.სანდრო თიბისის შემოუერთდა ევროპის ერთ-ერთი წამყვანი ბიზნეს ჯგუფი OTP-ს აღმასრულებლის პოზიციიდან. დღეს იგი OTP Uzbekistan (Ipoteka Bank) -ის გენერალური დირექტორია, რომელიც ადგილობრივ ბაზარზე ტოპ 5 ბანკში შედის. სანდროს აქვს მრავალწლიანი წარმატებული კარიერა, როგორც საქართველოში, ისე მის ფარგლებს გარეთ. საქართველოში ის მუშაობდა ლიბერთი ბანკში, სადაც ბოლო წლებში იკავებდა გენერალური დირექტორის  მოადგილის პოზიციას საცალო ბიზნესის მიმართულებით. შემდეგ მან კარიერა უკვე საერთაშორისო მიმართულებით გააგრძელა და მუშაობდა აფრიკულ ბანკ Bayport-ში, სადაც, ციფრული პროცესების დანერგვით მიაღწია საცალო დაკრედიტების მასშტაბურ ზრდას. აფრიკის შემდეგ,  ის შეუერთდა  OTP ჯგუფს, რომელიც წარმოადგენს ცენტრალური და აღმოსავლეთ ევროპის ერთ-ერთ მსხვილ საბანკო გაერთიანებას, რომლის  მთლიანი აქტივები, 2025 წლის ბოლოს 113.6 მილიარდ ევროს შეადგენდა. „სანდრო ჩვენს გუნდს მნიშვნელოვნად  გააძლიერებს. მისი საერთაშორისო გამოცდილება უნიკალურია თიბისის მომხმარებლებისთვის დამატებითი ღირებულების შექმნაში.“ - გიორგი თხელიძე, თიბისი ბანკის გენერალური დირექტორი.

1779260070

ლიბერთის სოციალური ბარათის მფლობელები „გვირილას" ყველა ფილიალში, ლიბერთის ტერმინალით გადახდის შემთხვევაში, პროდუქციის სრულ ასორტიმენტზე 10%-იანი ფასდაკლებით ისარგებლებენ.ფასდაკლება ვრცელდება პროდუქციის სრულ ასორტიმენტზე, თამბაქოს ნაწარმის გარდა და მოქმედებს როგორც რეგულარულ ისე სააქციო ფასებზე. ამასთან, „მეგობარი ბარათის" გამოყენების შემთხვევაში, მომხმარებელს გადახდილი თანხის 2% „გვირილების" სახით დაუბრუნდება.აღნიშნული ინიციატივა მომხმარებელზე ზრუნვისა და ლოიალობის მიმართულებით კიდევ ერთი მნიშვნელოვანი ნაბიჯია. სპეციალური შეთავაზება უფროსი ასაკის და სოციალურად დაუცველი მომხმარებლებისთვის ამოქმედდა, ვისთვისაც პროდუქციის შეღავათიან ფასად შეძენა და ყოველდღიური დანაზოგი განსაკუთრებით მნიშვნელოვანია.,,გვირილას" შესახებმარკეტების ქსელი „გვირილა" 2022 წლის ოქ­ტომ­ბერ­ში გამოჩნდა ქართულ რითეილ ბაზარზე და დღეს უკვე 350 მაღაზიითაა წარმოდგენილი.  გახსნის დღიდანვე ის პოზიციონირდება როგორც  ერთ-ერთი ყველაზე დაბალი სარეალიზაციო ფასების  მქონე ქსელი და გამოირჩევა ყოველდღიური სხვადასხვა შინაარსის მარკეტინგული აქტივობებით. ქსელის ფორმატი „ მარკეტი სახლთან ახლოს" ზედმიწევნით დაცულია და „გვირილა" სრულად აკმაყოფილებს მომხმარებლების როგორც  ასორტიმენტულ,  ასევე პროდუქციის ხარისხობრივ და საფასო მოთხოვნებს; კომპანიის სლოგანი „უფრო იაფი უფრო ახლოს"ამართლებს თავის შინაარსს და მომხმარებლებისთვის მარტივად აღქმადია მისი რეალურობა;„გვირილას" მთავარი საზრუნავია სრულად იქნას დაკმაყოფილებული მომხმარებლის ასორტიმენტული, ხარისხობრივი და საფასო მოთხოვნები.ლიბერთი ბანკის შესახებ2026 წლის აპრილში, ლიბერთი ბანკის აქციების 95.99% ბაზისბანკმა შეიძინა.ლიბერთი ბანკი საქართველოში ერთ-ერთი უმსხვილესი ფინანსური ინსტიტუტია და ემსახურება 1.7 მილიონზე მეტ ფიზიკურ პირს და 60,000-ზე მეტ მცირე და საშუალო ბიზნესს.ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით, 700-მდე ბანკომატით, ყველა რეგიონსა და მუნიციპალიტეტში. დასაქმებულ თანამშრომელთა რაოდენობა 5,600-ს აღემატება. ბანკის აქტივები 5.8 მლრდ ლარს შეადგენს, მთლიანი საკრედიტო პორტფელი 4.2 მლრდ ლარია, ხოლო დეპოზიტების პორტფელი 4.17 მლრდ ლარი.  ბანკის 2025 წლის წმინდა მოგება 128 მილიონი ლარია.

1779258061