ბალტიისპირეთში საჰაერო განგაშისა და კრიზისის ფონზე, ევროკომისიის პრეზიდენტი ლიეტუვაში მიემგზავრება

შინამეურნეობების შემოსავლების ძირითად წყაროს წარმოადგენს ფულადი შემოსავლები და ტრანსფერტები, რომლის წილიც 2025 წელს, წინა წელთან შედარებით, 0.1 პ.პ.-ით გაიზარდა და 90.5% შეადგინა. აღნიშნული მაჩვენებელი ქალაქის ტიპის დასახლებებში 94.2%-ს, ხოლო სოფლის ტიპის დასახლებებში 83.2%-ს შეადგენდა.ქალაქის ტიპის დასახლებებში საშუალო თვიური შემოსავლები ერთ შინამეურნეობაზე 12.9%-ით გაიზარდა და 2 233 ლარი შეადგინა, ხოლო სოფლის ტიპის დასახლებებში 11.3%-ით გაიზარდა და 1 954 ლარს გაუტოლდა.ფულადი შემოსავლებისა და ტრანსფერტების სტრუქტურაში ყველაზე დიდი წილი დაქირავებული შრომიდან მიღებულ შემოსავლებს უჭირავს, რომლის წილი წინა წელთან შედარებით 1.7 პ.პ.-ით გაიზარდა და 49.3% შეადგინა. თვითდასაქმებიდან მიღებული შემოსავლების წილი 0.7 პ.პ.-ით გაიზარდა და 13.3%-ს გაუტოლდა. პენსიებიდან, სტიპენდიებიდან და სოციალური დახმარებებიდან მიღებული შემოსავლების წილი წინა წლის ანალოგიურ მაჩვენებელთან შედარებით 0.3 პ.პ.-ით შემცირდა და 21.9% შეადგინა. ფულადი შემოსავლებისა და ტრანსფერტების სტრუქტურა განსხვავდება ქალაქისა და სოფლის ტიპის დასახლებებში.2025 წელს საქართველოში საშუალო თვიური ხარჯები, წინა წელთან შედარებით, 11.6%-ით გაიზარდა და ერთ შინამეურნეობაზე გაანგარიშებით 1 936 ლარი, ხოლო ერთ სულზე - 603 ლარი შეადგინა.საქსტატის გამოკვლევის შედეგების მიხედვით, 2025 წელს, წინა წელთან შედარებით შინამეურნეობების სამომხმარებლო ფულადი ხარჯების წილი მთლიან ხარჯებში 0.5 პ.პ.-ით შემცირდა და 69.3% შეადგინა.საშუალო თვიური ხარჯები ერთ შინამეურნეობაზე ქალაქის ტიპის დასახლებებში 11.1%-ით გაიზარდა  და 2 015 ლარი შეადგინა, ხოლო სოფლის ტიპის დასახლებებში 12.2%-ით გაიზარდა და 1 799 ლარს გაუტოლდა.სამომხმარებლო ფულადი ხარჯების სტრუქტურაში ყველაზე მაღალია სურსათზე, სასმელზე და თამბაქოზე გაწეული ხარჯები, რომლის წილი წინა წელთან შედარებით 0.6 პ.პ.-ით გაიზარდა და 38.7% შეადგინა. სამომხმარებლო ფულადი ხარჯების სტრუქტურა განსხვავდება ქალაქისა და სოფლის ტიპის დასახლებებში. 

1779694310

ფაშინიანის თქმით, ახალი სატრანსპორტო შესაძლებლობები სომხეთს საქართველოსა და აზერბაიჯანის გავლით რუსეთთან, შემდეგ კი ყაზახეთის გავლით ჩინეთთან აკავშირებს, ხოლო საქართველოსა და თურქეთის მიმართულებით – ევროკავშირთან.პრემიერ-მინისტრმა მადლობა გადაუხადა თურქეთსა და საქართველოს თანამშრომლობისთვის და აღნიშნა, რომ რეგიონში ეკონომიკური და სატრანსპორტო კავშირების გაძლიერება მშვიდობასა და სტაბილურობას შეუწყობს ხელს.ანკარა რეგიონული თანამშრომლობის გაღრმავებაზე საუბრობსთურქეთის სპეციალურმა წარმომადგენელმა სერდარ ქილიჩმა განაცხადა, რომ სომხეთსა და თურქეთს შორის პირდაპირი ვაჭრობის დაწყება რეგიონული თანამშრომლობის ახალი ეტაპია.„ეს ნაბიჯი გააძლიერებს თანამშრომლობას თურქეთს, სომხეთს, აზერბაიჯანსა და საქართველოს შორის და მნიშვნელოვან წვლილს შეიტანს რეგიონულ მშვიდობასა და სტაბილურობაში“, — აღნიშნა მან.კვლევები: „სამოქალაქო შეთანხმება“ ლიდერობსსომხურ მედიაში გამოქვეყნებული სოციოლოგიური კვლევების მიხედვით, მმართველი პარტია „სამოქალაქო შეთანხმება“ საპარლამენტო არჩევნების წინ ლიდერის პოზიციებს ინარჩუნებს.კვლევის თანახმად, პარტიას მხარს გამოკითხულთა 32% უჭერს, ხოლო პირადად ფაშინიანის რეიტინგი 27%-ს აღწევს. ამასთან, რესპონდენტთა 61% მიიჩნევს, რომ ქვეყანა სწორი მიმართულებით ვითარდება.გამოკითხვის მიხედვით, სომხეთის მოქალაქეთა 75% მხარს უჭერს ქვეყნის ევროკავშირში ინტეგრაციას.კრემლის ზეწოლა ფაშინიანზერუსეთი ღია ზეწოლას ახდენს სომხეთზე, რომ მან ევროკავშირში ინტეგრაციაზე უარი თქვას. საპარლამენტო არჩევნების წინ რუსეთი სომხეთთან ვაჭრობას აფერხებს.ამრიგად, სომხეთში არჩევნებზე მთავარი საკითხი რუსეთთან ურთიერთობებიც იქნება.ექსპერტების აზრით, ფაშინიანს ხელს აძლევს მის მიმართ კრემლის მწვავე დამოკიდებულება, რადგან ეს გარემოება, საპასუხო ზომის სახით, ხელისუფლების ირგვლივ კონსოლიდაციის მოწოდების საშუალებას აძლევს.სამშაბათს, 26 მაისს, ერევანს აშშ–ის სახელმწიფო მდივანი მარკო რუბიო ეწვევა.

1779693856

ვებინარზე მონაწილეებს შესაძლებლობა ექნებათ, მიიღონ ინფორმაცია საზღვარგარეთ სწავლის შესახებ, გაიგონ, როგორ შეუძლიათ მიიღონ სრული დაფინანსება Fulbright-ის, Chevening-ის, Miami Ad School-ისა და UWC პროგრამების ფარგლებში.შეხვედრას ჩაატარებენ გიორგი ჩავლეიშვილი, განათლების ცენტრ LEAF-ის დამფუძნებელი და ჯულიეტა პაკაცოშვილი, აკადემიური მრჩეველი.ღონისძიების შესახებ დეტალური ინფორმაციის მისაღებად ეწვიეთ ბმულს.ინფორმაციისთვის, განათლების ცენტრი LEAF 2008 წლიდან ეხმარება საზღვარგარეთ სწავლით დაინტერესებულ ახალგაზრდებს მსოფლიოს სხვადასხვა უნივერსიტეტებში ჩაბარებასა და დაფინანსების მოპოვებაში.საქართველოს ბანკი, როგორც განათლების მთავარი მხარდამჭერი, ახალგაზრდებისთვის შესაძლებლობების შექმნას განაგრძობს. სწორედ ამ მიზნით, ბანკი განათლების ცენტრ LEAF-თან დაპარტნიორდა.თანამშრომლობის ფარგლებში, საზღვარგარეთ სწავლის მსურველებს შესაძლებლობა ექნებათ, დაესწრონ შეხვედრებს, მიიღონ რჩევები აპლიკაციების ეფექტურად შევსებასთან დაკავშირებით და გაზარდონ საკუთარი შანსები, მიიღონ სრული დაფინანსება.საქართველოს ბანკის 40-ზე მეტი საგანმანათლებლო ინიციატივის შესახებ დეტალური ინფორმაციის მისაღებად ეწვიეთ ვებგვერდს. (R)

1779692683

„მოხარული ვარ გაცნობოთ, რომ ახალქალაქი – ყარსის რკინიგზა, ისევე, როგორც აზერბაიჯანის რკინიგზა, ამიერიდან ღიაა სომხეთიდან ექსპორტისა და სომხეთში იმპორტისთვის. ეს დიდი მოვლენაა ჩვენი ქვეყნის ეკონომიკურ ცხოვრებაში. მადლობას ვუხდი პარტნიორებს თურქეთიდან და საქართველოდან“, – დაწერა ფაშინიანმა.პრემიერ-მინისტრმა დასძინა, რომ დღეს სომხეთს აქვს სარკინიგზო მიმოსვლა რუსეთთან საქართველოსა და აზერბაიჯანის ტერიტორიების გავლით, ხოლო რუსეთისა და ყაზახეთის ტერიტორიების გავლით - ჩინეთთან. ახლა კი, საქართველოსა და თურქეთის ტერიტორიების გავლით - ევროკავშირთან.„უახლოეს მომავალში მოსალოდნელია სომხეთი – თურქეთის, სომხეთი – აზერბაიჯანის, შემდეგ კი სომხეთი – ირანის რკინიგზების გახსნა ნახიჩევანის გავლით. ჩვენ ამ მოვლენების მომსწრენი გავხდებით უახლოეს პერიოდში პროექტ TRIPP-ის რეალიზაციის შედეგად“, - დაწერა ფაშინიანმა.აღსანიშნავია, რომ ახალქალაქი – ყარსის რკინიგზა არის ბაქო – თბილისი – ყარსის (BTK) სატრანსპორტო დერეფნის ნაწილი, რომელიც აზერბაიჯანის, საქართველოსა და თურქეთის სარკინიგზო ქსელებს აერთიანებს. BTK-ის საერთო სიგრძე 826 კილომეტრია, ხოლო ახალქალაქი – ყარსის მონაკვეთის სიგრძე - 105 კილომეტრი. აქედან 76 კილომეტრი თურქეთზე გადის, დარჩენილი 29 კილომეტრი კი - საქართველოზე. საქართველოს ტერიტორიაზე რკინიგზის მონაკვეთის მშენებლობა აზერბაიჯანის მიერ გამოყოფილი შეღავათიანი კრედიტით განხორციელდა.საქართველოდან თურქეთში სარკინიგზო ხაზის მშენებლობის იდეა პირველად 1993 წელს გაჟღერდა, როდესაც თურქეთმა თურქეთ-სომხეთის საზღვარი ჩაკეტა და ამით შეწყვიტა სარკინიგზო მიმოსვლა გიუმრისა და ყარსის სადგურებს შორის. თუმცა, ახალი მშენებლობის დაფინანსების შესაძლებლობის არქონის გამო, პროექტი ათ წელზე მეტი ხნით გადაიდო. აღნიშნული პროექტის განხილვას კვლავ დაუბრუნდნენ 2005 წელს.2007 წლის თებერვალში თბილისში მონაწილეებმა ხელი მოაწერეს შეთანხმებას BTK-ის შექმნის შესახებ. დოკუმენტის შესაბამისად, უნდა მომხდარიყო არსებული, 178 კმ სიგრძის მარაბდა – ახალქალაქის ხაზის რეკონსტრუქცია, რომელსაც საქართველოს რკინიგზა მართავდა. BTK-ის ყველაზე რთული შემადგენელი ნაწილი უნდა გამხდარიყო ახალი ხაზი ახალქალაქისა და ყარსის სადგურებს შორის, სიგრძით 105 კმ. თურქეთის ტერიტორიაზე საჭირო იყო 76 კმ სიგრძის ყარსი – კარწახის მონაკვეთის აშენება, საქართველოში კი 29 კმ სიგრძის გზის გაყვანა კარწახიდან ახალქალაქამდე.BTK-ის მშენებლობისთვის ფულადი სახსრების გამოყოფის წესი განისაზღვრა აზერბაიჯანის პრეზიდენტის 2007 წლის 21 თებერვლის ბრძანებულებით. მაგისტრალის ქართული მონაკვეთის დაფინანსების უზრუნველსაყოფად, აზერბაიჯანის სახელმწიფო ნავთობის ფონდმა, მაშინდელი სს „აზერბაიჯანის საერთაშორისო ბანკის“ მეშვეობით, ქართულ შპს „მარაბდა – კარწახის რკინიგზას“ გამოუყო $200 მლნ-ის კრედიტი წლიური 1%-ით. კრედიტის დაფარვის ვადა 25 წელია.სახელმწიფო ნავთობის ფონდის ვებგვერდზე მითითებულია, რომ აზერბაიჯანის რესპუბლიკამ სულ $775 მლნ გამოყო ყარსი – ახალქალაქის სარკინიგზო ხაზის მშენებლობისთვის, ასევე არსებული 153 კმ-იანი ახალქალაქი – მარაბდის სარკინიგზო ხაზის რეაბილიტაციისა და რეკონსტრუქციისთვის. ეს მოიცავს A ტრანშს ($200 მლნ, 25 წლით, 1%-ად, გაგრძელების შესაძლებლობით) და B ტრანშს ($575 მლნ, 25 წლით, 5%-ად, გაგრძელების შესაძლებლობით).2007 წლის 21 ნოემბერს პროექტის მონაწილე ქვეყნების მეთაურებმა მარაბდაში საფუძველი ჩაუყარეს ახალი მაგისტრალის მშენებლობას. ფაქტობრივი ლიანდაგის დაგება კი 2008 წლის ივლისში თურქეთის ქალაქ ყარსიდან დაიწყო. თავდაპირველად იგეგმებოდა, რომ ხაზი ექსპლუატაციაში 2009 წელს შევიდოდა, თუმცა შემდგომში მაგისტრალის ჩაბარების ვადებმა გადაიწია.ახალი ხაზი ახალქალაქი – ყარსი აშენებულია დასავლეთევროპული ლიანდაგით (1435 მმ), როგორც თურქეთის, ისე საქართველოს საზღვრის მხარეს. გზა დაგებულია UIC60 ტიპის რელსებით რკინაბეტონის შპალებზე. 1520 მმ და 1435 მმ ლიანდაგების შეპირაპირების პუნქტად მიღებულია ახალქალაქის სადგური. აქ გათვალისწინებულია ვაგონების გადაყვანის პუნქტი ერთი ლიანდაგის ურიკებიდან მეორე სტანდარტის სავალ ნაწილებზე.ბაქო – თბილისი – ყარსის სარკინიგზო დერეფნის საზეიმო გახსნა 2017 წლის ოქტომბერში შედგა, ახალქალაქი – ყარსის მონაკვეთის მშენებლობის დასრულებასთან ერთად. მიუხედავად იმისა, რომ BTK სომხეთზე არ გადის, თბილისიდან სადგურ მარაბდის გავლით აირუმამდე მიდის ხაზი, რომელიც სომხეთის მაგისტრალების ქსელს უერთდება. შემდეგ ეს ხაზი გიუმრის გავლით გადის სასაზღვრო სადგურ ახურიანზე. აქ საბჭოთა პერიოდში მოქმედებდა სასაზღვრო გადასასვლელი თურქეთის რკინიგზაზე, საიდანაც ხაზი გრძელდებოდა ქალაქ ყარსისა და ერზრუმისკენ.სინამდვილეში, საბჭოთა პერიოდში ბაქოსა და ყარსს შორის სარკინიგზო მიმოსვლა დამყარებული იყო სომხეთის გავლით, მაგრამ სომხეთის ხელისუფლების საოკუპაციო პოლიტიკამ აზერბაიჯანის წინააღმდეგ ეს მიმოსვლა შეწყვიტა, რამაც საბოლოოდ ერევნის იზოლაცია გამოიწვია რეგიონში. მოგვიანებით, აზერბაიჯანის ინიციატივითა და ფინანსური მხარდაჭერით ბაქო – თბილისი – ყარსის სარკინიგზო დერეფნის მშენებლობის შედეგად, სომხეთი სტრატეგიულად მნიშვნელოვანი სატრანსპორტო მარშრუტის მიღმა აღმოჩნდა. შემთხვევითი არ არის, რომ იმ დროს აშშ-ში სომხურმა ლობიმ დაბლოკა US Eximbank-ისგან კრედიტების გამოყოფა ახალქალაქი – ყარსის მონაკვეთის მშენებლობისა და ახალქალაქი – მარაბდის მონაკვეთის რეკონსტრუქციისთვის. სომხურმა ლობიმ წამოაყენა პირობა, რომ სომხეთიც უნდა შეერთებოდა ამ დერეფანს, მაგრამ აზერბაიჯანულმა მხარემ, დაფინანსების საკუთარ თავზე აღებით, აღკვეთა სომხეთის იზოლაციიდან გამოყვანის მცდელობები.აზერბაიჯანული მედია წერს, ამჟამად რეგიონში ახალი სიტუაცია შეიქმნა: დამყარდა სარკინიგზო მიმოსვლა აზერბაიჯანსა და სომხეთს შორის საქართველოს გავლით. ეს მიმოსვლა სომხეთს პირდაპირ სარკინიგზო წვდომას აძლევს რუსეთთან. თეორიულად, სომხეთისთვის ახალქალაქი – ყარსის რკინიგზის გახსნამ შესაძლოა ამ ქვეყანას საშუალება მისცეს, მოახდინოს თავისი საქონლის ექსპორტი თურქეთში, იქიდან კი ევროპულ ბაზარზე, რუსეთის მხრიდან მზარდი ეკონომიკური ზეწოლის ფონზე. ცოტა ხნის წინ თურქეთმა მიიღო გადაწყვეტილება, რომელიც სომხეთთან პირდაპირი სავაჭრო ურთიერთობების დამყარების ნებას იძლევა. ეს ნიშნავს, რომ თურქეთსა და სომხეთს შორის შესაძლოა განხორციელდეს პირდაპირი საიმპორტო-საექსპორტო ოპერაციები, მათ შორის რკინიგზის მეშვეობით.

1779619693

სამდღიან სამიტზე განსაკუთრებული ყურადღება დაეთმო Aqualia-ს, რომელმაც კიდევ ერთხელ დაადასტურა საერთაშორისო ლიდერის პოზიცია წყლის სექტორში. კომპანია აქტიურად მონაწილეობდა გლობალურ სტრატეგიულ დისკუსიებში, რომლებიც შეეხებოდა წყლის სექტორის დაფინანსებას, ინოვაციებს, რეგულაციებს, მდგრად განვითარებასა და საჯარო და კერძო პარტნიორობის მნიშვნელობას. სამიტზე Aqualia-ს რეგიონულმა დირექტორმა ხოსე ენრიკე ბოფილმა ყურადღება გაამახვილა წყალმომარაგების სექტორის რეგულაციებისა და დაფინანსების გამოწვევებზე და აღნიშნა კომპანიის გამოცდილება ისეთ რთულ და დინამიკურ ბაზარზე, როგორიც საქართველოა.სამიტის ფარგლებში Global Water Awards-ზე Aqualia-ს პროექტმა "NICE" 2026 წლის საუკეთესო წყალარინების პროექტის ჯილდო მიიღო, რაც კომპანიის საერთაშორისო ლიდერობასა და ინოვაციური პროექტების წარმატებას კიდევ ერთხელ უსვამს ხაზს.სამიტის ფარგლებში ასევე გაიმართა მაღალი დონის შეხვედრა Aqualia-ს ხელმძღვანელობასა და საქართველოს სახელმწიფო უწყებების წარმომადგენლებს შორის. შეხვედრაში მონაწილეობდნენ Aqualia-ს აღმასრულებელი დირექტორი სანტიაგო ლაფუენტე, Aqualia-ს ფინანსური დირექტორი ისიდორო მარბანი, Aqualia-ს რეგიონული დირექტორი ხოსე ენრიკე ბოფილი, GWP-ის გენერალური დირექტორი ხოსე მიგელ სანტოსი, საქართველოს ინფრასტრუქტურის მინისტრის მოადგილე გიორგი კობერიძე, საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე დავით ნარმანია და საქართველოს გაერთიანებული წყალმომარაგების კომპანიის დირექტორი ბესიკ ჯიქარაული.(R)

1779454301

კომპანიის ანალიტიკოსების შეფასებით, მიწოდების გლობალური ჯაჭვების ტრანსფორმაციის პირობებში, განსაკუთრებულ სტრატეგიულ მნიშვნელობას იძენს ე.წ. „შუა დერეფანი“, რომელიც ცენტრალურ აზიას ევროპასთან კასპიის ზღვისა და სამხრეთ კავკასიის გავლით აკავშირებს. ამ კონფიგურაციაში ყაზახეთი წამყვანი ტრანზიტული ბაზაა, ხოლო საქართველო უზრუნველყოფს წვდომას შავ ზღვასა და ევროპულ ბაზრებზე.Silk Road Group, რომელიც 1990-იან წლებში ბიზნესმენ გიორგი რამიშვილის მიერ დაარსდა, თავდაპირველად სწორედ რეგიონული სატრანსპორტო ნაკადების აღდგენაზე იყო ორიენტირებული, რამაც საფუძველი ჩაუყარა ყაზახურ კაპიტალთან გრძელვადიან პარტნიორობას. ამჟამად ჯგუფის დირექტორთა საბჭოში შედის ყაზახი მეწარმე ერკინ ტატიშევი, საერთაშორისო ინვესტორებთან - ალექს თოფურიასა და დევიდ ბორგერთან ერთად.დღეისათვის ჯგუფი საქმიანობას რამდენიმე მიმართულებით აფართოებს. ტელეკომუნიკაციების სექტორში, ჯგუფში შემავალი კომპანია Silknet თანამშრომლობს ისეთ გლობალურ მოთამაშეებთან, როგორებიც არიან Orange, Ericsson, Huawei და Nokia. გარდა ამისა, კომპანია ინვესტიციებს ახორციელებს ჰიდროენერგეტიკულ პროექტებში, ხოლო ტურიზმისა და უძრავი ქონების მიმართულებით, Silk Hospitality-ს მეშვეობით, ქვეყნის მასშტაბით მართავს სასტუმროების ქსელს საერთაშორისო ბრენდების ქვეშ.კომპანიის ანგარიშში აღნიშნულია, რომ თუ ადრეულ ეტაპზე რეგიონული ინტეგრაცია მხოლოდ სატრანსპორტო და ინფრასტრუქტურული მიმართულებით ვითარდებოდა, დღეს ორმხრივი ეკონომიკური კავშირები ახალ ეტაპზე გადადის, სადაც ყაზახეთიდან საქართველოში მზარდი ტურისტული ნაკადები დამატებით ფინანსურ აქტივობას აგენერირებს.

1779451938

უწყებაში აღნიშნავენ, რომ საქართველოს სახაზინო ფასიანი ქაღალდების განთავსება სინდიკაციის მეთოდით პირველად განხორციელდა. სინდიკაციის პროცესში ინვესტორთა მხრიდან მკვეთრად მაღალი აქტივობა დაფიქსირდა. ფასიანი ქაღალდების მიმართ ინტერესი გამოხატეს, როგორც რეზიდენტმა, ისე არარეზიდენტმა ინვესტორებმა, რის შედეგადაც მთლიანმა მოთხოვნამ 1.8 მილიარდ ლარამდე შეადგინა და გამოსაშვებ მოცულობას 4.5-ჯერ გადააჭარბა. რაც შეეხება კუპონის განაკვეთს, აღნიშნული 9%-ის დონეზე განისაზღვრა.აღსანიშნავია, რომ გამოშვება 2026 წლის სახელმწიფო ბიუჯეტით განსაზღვრული, სახაზინო ფასიანი ქაღალდების წლიური წმინდა ზრდის მთლიანი მოცულობის ფარგლებში განხორციელდა.ემისიაში განთავსების ერთობლივი მენეჯერების (Joint Lead Managers) როლი წამყვანმა ადგილობრივმა საინვესტიციო ბანკებმა — სს „გალთ ენდ თაგარტმა" და შპს „თიბისი კაპიტალმა" შეასრულეს.მთავარი ფინანსური მაჩვენებლები:• ემისიის მოცულობა: 400 000 000 ლარი• ვადიანობა: 5.9 წელი• მოთხოვნის გადაფარვის კოეფიციენტი (Bid-to-Cover): 4.5x• კუპონის განაკვეთი: 9%• ერთობლივი მენეჯერები: გალთ ენდ თაგარტი & თიბისი კაპიტალი

1779451768

მ.შ. ₾6 000 დაეკისრა რეგულატორისთვის დოკუმენტაციის არასწორად წარდგენისთვის, 3 შემთხვევაში. ფინანსური მონიტირინგის სამსახურისთვის ინფორმაციის მიწოდების ვადის დარღვევისთვის 300 -300 ლარით, 5 ფაქტზე და 2 000-2 000 ლარით, 2 ინფორმაციის დამალვაზე.7 000 ლარი კი პიაცას დაკისრებული აქვს სებ-ის მოთხოვნის შეუსრულებლობისთვის, 1 შემთხვევაზე. მ/ო "პიაცა კაპიტალი" ბაზარზე (29 მისო) მიკროსაფინანსო დაკრედიტებაში 40%-იანი წილით არის წარმოდგენილი.

1779450805