GE EN
რუსეთ–უკრაინის ომი
რუსეთის ქალაქ გრაივორონიდან მოსახლეობა გაჰყავთ

„მოგმართავთ, ვინც ოლქის ტერიტორიაზე რჩებით. ვითარება დაძაბულია. გთხოვთ, მიიღოთ სწორი გადაწყვეტილება და დროებით დატოვოთ ოლქის ტერიტორია“, – დაწერა სოციალურ ქსელში ქალაქის ადმინისტრაციის უფროსმა გენადი ბონდარევმა.გრაივორონის საქალაქო ოლქი, რომელიც ათობით სოფელსაც მოიცავს, უკრაინას ესაზღვრება. ქალაქი რეგულარულად იბომბება.2021 წლის აღწერის მონაცემებით, ქალაქში 6 200 ადამიანი ცხოვრობს.

1711015836

თურქეთის შემდეგ რუსული ნავთობი ინდოეთმაც დაბლოკა, ჩინური ბანკები რუსებ...

ინდოეთი, რომელმაც გასულ წელს სწრაფად შეიძინა იაფი რუსული ნავთობი თავისი არაკონვერტირებადი რუპიებით, ამჟამად უარს ამბობს მისთვის ასეთ ხელსაყრელ თანამშრომლობაზე რუსეთთან.ინდოეთი ნავთობპროდუქტების წარმოებაში რუსეთ–უკრაინის ომამდელ სქემას უბრუნდება, რომლის დროსაც მისი ძირითადი მიმწოდებლები ახლო აღმოსავლეთის ქვეყნები იყვნენ.რუსეთის მოქალაქეებს და კომპანიებს პრობლემები შეექმნათ ჩინეთში, სადაც ბანკები მათ ტრანზაქციებს აღარ ემსახურებიან. კერძოდ, უმსხვილესი ჩინური ბანკები აღარ იღებენ რუსეთიდან გადარიცხულ გადახდებს იუანში და ასეთ ტრანზაქციებს კლიენტებს უბრუნებენ. ამის შესახებ რუსული მედია ადგილობრივ კომპანიებზე დაყრდნობით წერს.ჩინური ბანკები რუსებს იუანში ტრანზაქციებზე უარს აშშ–ის მეორეული სანქციების შიშით ეუბნებიან. 

1711007263

რუსეთი ნავთობგადასამუშავებლებზე უკრაინელების იერიშის გამო დღეში 600 00...

სააგენტო წერს, რომ ამ ფონზე დიზელის საწვავზე ფიუჩერსები ოთხჯერ არის გაძვირებული, ბენზინის – ექვსჯერ. რუსეთიდან ნავთობპროდუქტების ექსპორტი დღე–ღამურად რამდენიმე ასეული ათასი ბარელით შემცირდა.ბანკი  JPMorgan–ის ანალიტიკოსები ირწმუნებიან, რომ უკრაინელების იერიშების გამო რუსეთის ნავთობგადასამუშავებლების სიმძლავრეები დღეში 900 ათასი ბარელით შემცირდა.ბოლო ორი კვირის განმავლობაში რუსეთის ნავთობგადასამუშავებლები, ქვეყნის სხვადასხვა რეგიონში, უკრაინის მხრიდან დრონებით მასირებული შეტევის სამიზნე გახდა. დოკუმენტურად დადასტურებულია სულ მცირე 8 ნავთობგადასამუშავებელი ქარხნის აფეთქება რუსეთის ფედერაციის ტერიტორიაზე.ოფიციალურ კიევს რუსეთის ტერიტორიაზე ნავთობგადასამუშავებლებზე მიტანილ იერიშებზე პასუხისმგებლობა არ აუღია.

1710929903

რუსეთში ბელგოროდის ოლქიდან ბავშვების გაყვანის გადაწყვეტილება მიიღეს

22 მარტს 1 200 ბავშვი გაემგზავრება პენზაში, ტამბოვსა და კალუგაში. შემდეგ მათ სტავროპოლის მხარეში გადაიყვანენ.პარტიის გენერალური საბჭოს სხდომაზე გუბერნატორმა ბელგოროდის ოლქში შექმნილ რთულ ვითარებაზე ისაუბრა. მისი თქმით, დასახლებების მიმართულებით სულ უფრო ხშირად ისვრიან უკრაინის მხრიდან. მისი თქმით, ბოლო ერთი კვირის განმავლობაში 16 მშვიდობიანი მოქალაქე დაიღუპა და დაიჭრა 98.

1710842774

ევროკავშირი რუსულ და ბელარუსულ ხორბალს ტონაზე 95 ევროთი დაბეგრავს

ამ ზომებს ევროპელი ფერმერების უკმაყოფილების ფონზე მიმართავენ, რომლებიც ევროპის კავშირში რუსული და ბელარუსული პროდუქციის იმპორტისა და ტრანზიტის აკრძალვას მოითხოვენ. გაზეთის წყაროები ამბობენ, რომ დაბეგვრა ხორბლის ფასს 50%–ით გაზრდის და მასზე მოთხოვნაც შემცირდება.FT აღნიშნავს, რომ 2023 წელს ევროპის კავშირის ქვეყნებში რუსული ხორბლის იმპორტმა რეკორდულ მაჩვენებელს მიაღწია და 4 მლნ ტონა შეადგინა, რაც ამ ქვეყნების მთლიანი მოხმარების დაახლოებით 1%–ს შეადგენს. ლიეტუვამ რუსული და ბელარუსული სასოფლო–სამეურნეო პროდუქციისა და პირუტყვის საკვების იმპორტი უკვე თებერვალში აკრძალა. ლიეტუვის სეიმმა მარტში მიიღო რეზოლუცია, რომლითაც ევროკომისიას რუსული და ბელარუსული ხორბლის იმპორტის აკრძალვისაკენ მოუწოდებს. ანალოგიური თხოვნით ევროკომისიას პოლონეთის მთავრობამაც მიმართა.

1710829997

უკრაინა გაზპრომთან კონტრაქტს აღარ გააგრძელებს

ნაფტოგაზ უკრაინასა და გაზპრომს შორის ხელშეკრულებას 2019 წლის 30 დეკემბერს მოეწერა ხელი. კონტრაქტი უკრაინის ტერიტორიაზე 225 მლრდ კბ/მ რუსული გაზის ტრანზიტს ითვალისწინებდა, მათ შორის 2020–ში 65 მლრდ კბ/მ–ის გატარებას, ხოლო მომდევნო ოთხ წელიწადში, ყოველწლიურად, 40 მლრდ კბ/მ გაზის ტრანსპორტირებას. ხელშეკრულების ვადა წლის ბოლოს იწურება. მიმდინარე წლის იანვარში უკრაინის მთავრობამ განაცხადა, რომ აღარ აპირებს კონტრაქტის გაგრძელებას.უკრაინის პრემიერ–მინისტრმა დენის შმიგალმა 4 მარტს განაცხადა, რომ ქვეყანა მზადაა, გააგრძელოს რუსული გაზის ტრანზიტი კონტრაქტის ვადის ამოწურვის შემდეგ, თუმცა ამ საკითხზე რუსეთთან პირდაპირ მოლაპარაკებებს არ გამართავს. მისი თქმით, ტრანზიტი შესაძლებელი იქნება ევროპული ქვეყნების მხრიდან წამოსული შესაბამისი განაცხადის შემთხვევაში. 

1710743205

ევროკავშირი რუსეთიდან და ბელარუსიდან სურსათის იმპორტის შესამცირებლად ე...

მისი თქმით, სრული ემბარგო არ გამოცხადდება, ვინაიდან ბრიუსელი ამის წინააღმდეგია. საშინაო საკითხებში ევროკომისარმა ილვა იოჰანსონმა განმარტა, რომ რუსეთიდან სურსათის იმპორტის სრული აკრძალვით ევროკავშირმა, შესაძლოა, სარგებელზე მეტი ზარალი ნახოს.ახალი ინიციატივის თანახმად, შეზღუდვები არ შეეხება რუსული და ბელარუსული სურსათის ტრანზიტს ევროკავშირის ტერიტორიაზე.ეს წინადადება იმ ფონზე მომზადდა, როდესაც პოლონელი ფერმერები პროტესტს აგრძელებენ, ხოლო უკრაინა რუსული სასოფლო–სამეურნეო პროდუქციის სრულ სანქცირებას ითხოვს. დღემდე ევროკავშირში რუსული პროდუქციის წინააღმდეგ ნაბიჯები არ გადადგმულა, უკრაინულ პროდუქციას კი შეზღუდვები აქვს დაწესებული.ევროსტატის დაანგარიშებით, ევროკავშირში 2023 წელს 1,5 მლნ ტონა ხორბალი შეიტანეს რუსეთიდან, ნაცვლად 2022 წლის 970 ათასი ტონია. 

1710409324

რუსეთში სამხედრო–სატრანსპორტო თვითმფრინავი Ил-76 ჩამოვარდა

უწყების ცნობით, ბორტზე ეკიპაჟის რვა წევრი და შვიდი მგზავრი იმყოფებოდა. მათი მდგომარეობის შესახებ ინფორმაცია არ ვრცელდება.სამხედრო უწყების ცნობით, თვითმფრინავს გეგმური რეისის შესასრულებლად აფრენის მომენტში გაუჩნდა ცეცხლი. კატასტროფის მიზეზი ერთ–ერთი ძრავის აალება გახდა. შემთხვევის ადგილზე ჩაფრინდა რუსეთის საჰაერო კოსმოსური ძალების სარდლობის კომისია.ალმოდებული თვითმფრინავის ამსახველ ვიდეოკადრებს თვითმხილველები სოციალურ ქსელებში ავრცელებენ.

1710243624

EU უკრაინას რუსეთის გაყინული აქტივებიდან პირველ 2–3 მლრდ ევროს გადასცე...

მათი თქმით, ეს ფული კიევმა შესაძლოა უკვე ივლისში მიიღოს. აღნიშნულ წინადადებას ევროკომისია მომდევნო კვირაში დაგეგმილ სამიტზე ოფიციალურად წარადგენს, რათა ევროკავშირის წევრი ყველა ქვეყნის მხარდაჭერა მოიპოვოს.ევროკომისიის დოკუმენტში იკითხება, რომ გაყინული რუსული აქტივების შემოსავლები ევროკავშირის ბიუჯეტში ყოველკვარტალურად, ან წელიწადში ორჯერ ჩაირიცხება და გამოყენებული იქნება უკრაინის ინტერესების შესაბამისად.თავდაპირველად ევროკავშირი ამ სახსრების უკრაინის აღდგენისთვის გამოყენებას გეგმავდა, თუმცა დღეს სამხედრო დახმარების საკითხი უფრო აქტუალური გახდა. კერძოდ, ევროკომისიის ხელმძღვანელმა ურსულა ფონ დერ ლაიენმა თებერვალი დასაშვებად მიიჩნია ამ ფულიც უკრაინის შეიარაღებული ძალებისთვის შეიარაღების შეძენა.უკრაინის ფინანსთა სამინისტროს მონაცემებით, ევროკავშირმა და საერთაშორისო სავალუტო ფონდმა ამ დროისთვის უკრაინას, მიმდინარე წელს გათვალისწინებული $37 მილიარდიანი დახმარებიდან ნახევარი უკუვე გადასცეს. 

1710228791

ევროკავშირი უკრაინას 50 მლრდ ევროს გამოუყოფს

ინიციატივას 536–მა დეპუტატმა დაუჭირა მხარი, წინააღმდეგი იყო 40 დეპუტატი, ხოლო 39–მა თავი შეიკავა.ევროკავშირის ლიდერებმა უნგრეთის ხანგრძლივი წინააღმდეგობა ამ პაკეტთან დაკავშირებით 1–ელ თებერვალს დაძლიეს და შეთანხმდნენ უკრაინისთვის მაკროფინანსური დახმარების სახით 50 მლრდ ევროს გამოყოფას. პროგრამა 4 წელზეა გათვლილი.დახმარების პროგრამის შექმნას ევროპარლამენტის პროფილურმა კომიტეტებმა 22 თებერვალს დაუჭირეს მხარი. 

1709036017