კობახიძეს აპრილის ბოლოს ეცოდინება, რამ გამოიწვია ფასნამატი ყველა ასპექტზე

„თითოეულ შემთხვევაზე, რომლის გასაჯაროება ხდება მედიის და ამა თუ იმ ორგანიზაციის მიერ, ხდება შესაბამისი რეაგირება. არ არსებობს შემთხვევა, რომელიც ყურადღების გარეშე შეიძლება დარჩეს და თქვენ იცით, რომ ამასთან დაკავშირებით საქართველოს ფინანსთა სამინისტროს, შემოსავლების სამსახურს, საბაჟო ორგანოს მხრიდან ასობით განცხადებაა გამოქვეყნებული. ზოგიერთი მედიასაშუალების მიერ დღეს დასახელებულ კონკრეტული შემთხვევაც, ბუნებრივია, გადამოწმდა და ამ ტრანზაქციას საქართველოსთან კავშირი არ აქვს.მსოფლიოს სხვადასხვა ქვეყანაში ხდება საეჭვო ტრანზაქციები, თუმცა ყველაფრის დაკავშირება საქართველოსთან არ შეიძლება. ჩვენ ვართ პასუხისმგებლები ყველა იმ ტრანზაქციაზე, რომელიც ხორციელდება საქართველოში ან საქართველოს გავლით. კონკრეტულ ტრანზაქციებს, რომლებზეც იყო საუბარი, საქართველოსთან შეხება არ აქვს და საქართველოდან არ ყოფილა გატანილი არცერთ სანქცირებულ ქვეყანაში. შესაბამისად, ვერანაირი ტიპის ბრალდებას ვერ მივიღებთ, გამომდინარე იქიდან, რომ ყველა ოპერაცია, რომელიც შეიძლება იყოს დაკავშირებული სანქციებთან, არის ძალიან მკაცრ კონტროლზე", - აღნიშნა ლაშა ხუციშვილმა.მისი თქმით, ექსპორტირებული პროდუქცია იმ ქვეყნებში გადის, სადაც საქართველოდან იგზავნება, ხოლო შემდგომი გადაადგილება უკვე მიმღები ქვეყნების პასუხისმგებლობაა.„თქვენ მიერ დასახელებული ავტომობილები ზუსტად იმ ქვეყნებში გადის, სადაც ხდება მისი საქართველოდან ექსპორტი. იმ ქვეყნებიდან ეს ავტომობილები სად მიდის, საქართველო ვერ იქნება პასუხისმგებელი მთელ ლოგისტიკურ ჯაჭვზე გლობალური მასშტაბით, მსოფლიოს ერთი ბოლოდან, მსოფლიოს მეორე ბოლოში. თითოეულ ქვეყანას აქვს თავისი პასუხისმგებლობა და საქართველოს აქვს შესაბამისი პასუხისმგებლობა, რომელსაც ძალიან წარმატებით ართმევს თავს", - განაცხადა ფინანსთა მინისტრმა, ლაშა ხუციშვილმა.

1769427473

კერძოდ, Lion Finance Group-ის (BGEO LN) აქციები დაიხურა 96.45 ბრიტანულ ფუნტ სტერლინგში (GBP), +0.05% წინა კვირასთან შედარებით და +5.24% გასულ თვესთან შედარებით. ვაჭრობის მოცულობამ 163 ათას აქციაზე მეტი შეადგინა, GBP 92.90 - 98.75 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 52 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 40.45 ბრიტანულ ფუნტ სტერლინგში (GBP), +1.38% წინა კვირასთან შედარებით და უცვლელი გასულ თვესთან შედარებით. ვაჭრობის მოცულობამ 390 ათას აქციაზე მეტი შეადგინა, GBP 38.40 - 41.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 63 ათასი აქცია შეადგინა.Georgia Capital-ის (CGEO LN) აქციები დაიხურა 32.70 ბრიტანულ ფუნტ სტერლინგში (GBP), -1.95% წინა კვირასთან შედარებით და +7.74% გასულ თვესთან შედარებით. ვაჭრობის მოცულობამ 441 ათას აქციაზე მეტი შეადგინა, GBP 30.80 - 33.60 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 69 ათასი აქცია შეადგინა.

1769426249

ტრანზაქციის შედეგად, Lazard-ის საერთო ხმის უფლება 1,690,027 აქციით განისაზღვრა, თუმცა ფლობა სრულად არაპირდაპირი ფორმითაა (DTR5.2.1).ტრანზაქციაში არაა დაკონკრეტებული, თუმცა სავარაუდოა, რომ აქციების არაპირდაპირი ფლობა Lazard Asset Management LLC-ის მიერ, არ არის აქციების ბენეფიციარი მფლობელობა ეკონომიკური შინაარსით, გამომდინარე იქიდან, რომ ის აქტივების მმართველია.შესაბამისად, სავარაუდოა, რომ აქციები ეკუთვნის Lazard-ის კლიენტებს (მ.შ შეიძლება იყოს ფონდები, მანდატები, ინსტიტუციური ინვესტორები), თუმცა ხმის მიცემის უფლება დელეგირებულია Lazard-ზე. 

1769420740

მისი თქმით,  იგი უზრუნველყოფს საერთაშორისო ვაჭრობის ხელშეწყობასა და მიწოდების ჯაჭვების უწყვეტობას, ქვეყანა ინარჩუნებს მყარ ეკონომიკურ განვითარებას. გასულ წელს გადაჭარბებით შესრულდა, როგორც სახელმწიფო, ისე ნაერთი ბიუჯეტის შემოსულობების ნაწილი.„ამ პროგრესის მიღწევა შეუძლებელი იქნებოდა საბაჟოს გამართული მუშაობის გარეშე. მსოფლიო საბაჟო ორგანიზაციის წლევანდელი გზავნილი „საბაჟო - საზოგადოების დაცვის სადარაჯოზე“ ზუსტად ასახავს საბაჟო ადმინისტრაციის თანამედროვე მიდგომებს. საბაჟო დიდი ხანია აღარაა მხოლოდ ტვირთების აღრიცხვისა და იმპორტის გადასახადის ადმინისტრირების უწყება. მისი როლი მრავალმხრივია და პირდაპირ უკავშირდება ეკონომიკის განვითარებასა და  ჩვენი მოქალაქეების კეთილდღეობას. დღეს, საბაჟოს მისიაა აჩვენოს საზოგადოებას, რომ ძლიერი და სათანადოდ აღჭურვილი საბაჟო ორგანოები, აუცილებელია ეროვნული და საერთაშორისო უსაფრთხოებისთვის. საბაჟოს მანდატი არ შემოიფარგლება მხოლოდ უკანონო იარაღის, ნარკოტიკული საშუალებების, არალეგალური ფინანსური ნაკადებისა, თუ  სხვა აკრძალული საქონლის გადაადგილების აღკვეთით. ის, ასევე მოიცავს საზოგადოებრივი ჯანმრთელობის დაცვასა და გარემოზე ზრუნვას“, - განაცხადა ფინანსთა მინისტრმა, ლაშა ხუციშვილმა.მან ხაზი გაუსვა სხვადასხვა უწყებებს შორის კოორდინირებული მუშაობის აუცილებლობას.„ჩვენ ვაძლიერებთ თანამშრომლობას სამართალდამცავ უწყებებთან, საერთაშორისო ორგანიზაციებთან,  ბიზნეს-ოპერატორებთან, მეზობელი და პარტნიორი ქვეყნების საბაჟო ადმინისტრაციებთან. ეს პარტნიორობა ქმნის მნიშვნელოვან დამატებით ღირებულებას გლობალური მიწოდების ჯაჭვების უსაფრთხოებისთვის. ამ კონტექსტში მსურს, ხაზი გავუსვა ბოლო პერიოდში, ჩვენს სამართალდამცავ უწყებებსა და საბაჟოს შორის კოორდინირებულ მუშაობას ნარკოტიკების წინააღმდეგ ბრძოლის მიმართულებით. ჩვენი საზოგადოებისთვის ცნობილია, საზღვარზე განსაკუთრებით დიდი ოდენობით აღმოჩენილი ნარკოტიკული საშუალებების შესახებ, რომელიც გამოვლენილ იქნა სწორედ მებაჟე ოფიცრებისა და პოლიციელთა მიერ, რისთვისაც მათ დიდ მადლობას ვუხდი“, - განაცხადა ლაშა ხუციშვილმა.გამოსვლისას, მან ასევე, ისაუბრა ქვეყნის სატრანზიტო პოტენციალის გამოყენების მნიშვნელობაზე. ამ კონტექსტში ფინანსთა მინისტრი შეეხო საერთაშორისო სანქციების აღსრულების საკითხებს.„ეფექტიანი, სწრაფი და სანდო საბაჟო სისტემა, საქართველოს სატრანზიტო პოტენციალის სრულად გამოყენებისა და საერთაშორისო სატრანსპორტო დერეფნების კონკურენტუნარიანობის მთავარ საფუძველს წარმოადგენს. აქვე, გვერდს ვერ ავუვლი საერთაშორისო სანქციების აღსრულების მიმართულებით საბაჟოს როლს. (პრემიერ-მინისტრმაც ისაუბრა ამის თაობაზე) დავამატებ მხოლოდ იმას, რომ საქართველო მომავალშიც პარტნიორებთან ერთად, გააგრძელებს თანამშრომლობას და მტკიცედ დაიცავს საერთაშორისო სანქციების აღსრულების პროცედურებს“, - განაცხადა ფინანსთა მინისტრმა, ლაშა ხუციშვილმა.როგორც მან აღნიშნა, ბოლო წლებში, საქართველომ მნიშვნელოვანი ნაბიჯები გადადგა თანამედროვე საბაჟო სისტემის ჩამოსაყალიბებლად. განხორციელდა არაერთი ინსტიტუციური და ტექნოლოგიური რეფორმა, დაინერგა ციფრული სერვისები, გაძლიერდა რისკებზე დაფუძნებული კონტროლი და გამარტივდა პროცედურები. ამ ცვლილებებმა ერთდროულად გააუმჯობესა, როგორც ბიზნესგარემო, ისე კონტროლის ეფექტიანობა.მისი თქმით, საქართველოს საბაჟო განაგრძობს ქვეყნის ევროკავშირთან ინტეგრაციის პროცესში წვლილის შეტანას. 2025 წელს ერთ-ერთი მნიშვნელოვანი საეტაპო მოვლენა იყო ახალ კომპიუტერიზებულ სატრანზიტო სისტემასთან მიერთება.როგორც ლაშა ხუციშვილმა აღნიშნა, საბაჟო ადმინისტრაციის ეფექტურობა დღეს წარმოუდგენელია თანამედროვე ტექნოლოგიების გარეშე. ინფორმაციისა და ოპერატიული მონაცემების გაზიარება, მონაცემთა ანალიზი, რისკების მართვის სისტემები  და თანამედროვე აღჭურვილობა არის ის ქვაკუთხედი, რომელიც უზრუნველყოფს საბაჟოს ძლიერ და ეფექტურ ფუნქციონირებას.„მეამაყება, რომ ამ რეფორმების შედეგები უკვე ხელშესახებია. გვაქვს მიღწევები, როგორც ინსტიტუციური განვითარების, ისე ფისკალური ეფექტიანობისა და საზოგადოებრივი უსაფრთხოების მიმართულებით. გაიზარდა ადმინისტრაციული შესაძლებლობები, გამკაცრდა ბრძოლა უკანონო ბრუნვის წინააღმდეგ და ამავე დროს, გაუმჯობესდა მომსახურების ხარისხი ბიზნესისთვის. ამასთან ერთად, უნდა გვესმოდეს, რომ გამოწვევები მუდმივად იზრდება. გლობალური ვაჭრობა სულ უფრო კომპლექსური ხდება, ჩნდება ახალი ლოგისტიკური მოდელები, ციფრული პლატფორმები და ახალი საფრთხეები. ეს გარემო მოითხოვს ადამიანური რესურსების განვითარებას, ტექნოლოგიურ განახლებასა და საერთაშორისო თანამშრომლობის გაღრმავებას. ფინანსთა სამინისტრო სრულად აცნობიერებს ამ პასუხისმგებლობას და გააგრძელებს შემოსავლების სამსახურის და თითოეული თანამშრომლის მხარდაჭერას. საზოგადოებამ უნდა იცოდეს, რომ „სადაც არის საზღვარი, იქ არის საბაჟო“, რომელიც დაუღალავად 24/7 რეჟიმში მუშაობს ჩვენი ქვეყნისა და ოჯახების  კეთილდღეობისთვის“, - აღნიშნა ფინანსთა მინისტრმა, ლაშა ხუციშვილმა.დასასრულს, მან მადლობა გადაუხადა თითოეულ მებაჟე ოფიცერს მათი პროფესიონალიზმისა და თავდადებისთვის. 

1769420382

აღსანიშნავია, რომ აღნიშნული შეთანხმება ძალაში შესვლამდე აშშ-ის კონგრესმა და უკრაინის უმაღლესმა რადამ უნდა მოახდინონ.ზელენსკიმ ყურადღება დაუთმო უსაფრთხოების გარანტიების ევროპულ ნაწილსაც, რომელიც უკრაინის ევროკავშირში გაწევრიანების კონკრეტულ თარიღს უკავშირდება. პრეზიდენტის განცხადებით, "უკრაინა ტექნიკურ დონეზე მზად იქნება 2026 წლის პირველ ნახევარში ყველა საჭირო კლასტერი გახსნას, ხოლო 2027 წლისთვის სრულად დაასრულოს გაწევრიანების პროცესი". მისი თქმით, ეკონომიკური უსაფრთხოების გარანტია სწორედ ევროკავშირის წევრობაა და უკრაინას სურს, ეს კონკრეტული თარიღი ომის დასრულების შესახებ ხელშეკრულებაშიც იყოს დაფიქსირებული.პრეზიდენტმა ასევე აღნიშნა, რომ "ომის დასრულების დოკუმენტი 20-პუნქტიან გეგმას მოიცავს, რომელსაც ყველა მხარემ, მათ შორის აგრესორმა ქვეყანამაც უნდა მოაწეროს ხელი, როდესაც ამის მომენტი დადგება".მანამდე ცნობილი გახდა, რომ პარიზში გამართული მოლაპარაკებების შემდეგ დოკუმენტი ფაქტობრივად შეთანხმებული იყო პრეზიდენტ დონალდ ტრამპთან. მიუხედავად იმისა, რომ ვაშინგტონი საკუთარი სამხედროების გაგზავნაზე უარს ამბობს, ამერიკული გარანტიები უკრაინისთვის სტრატეგიულად უმნიშვნელოვანესად მიიჩნევა.

1769419422

"როგორც ჩვენ ვიცით, აშშ-ს ვიცე-პრეზიდენტის ვიზიტი კონკრეტულად ე.წ. TRIPP-ის მარშრუტს ეძღვნება - შესაბამისად, ლოგიკურია, რომ ამ შემთხვევაში ვიზიტის ადრესატი სწორედ ორი ქვეყანაა! მეტი, რა კომენტარი გავაკეთო ამასთან დაკავშირებით?", - განაცხადა ჟურნალისტის კითხვის საპასუხოდ კობახიძემ.ჟურნალისტის დამატებით კითხვაზე, როდესაც საუბარია სამხრეთ კავკასიის სატრანზიტო როლზე და საქართველო სატრანზიტო მარშრუტის ნაწილია, რატომ არ მოხვდა ქვეყანა აშშ-ს ვიცე-პრეზიდენტის დღის წესრიგში, კობახიძემ განაცხადა, რომ „ეს არის მათი გადასაწყვეტი“.“ჩვენი ინფორმაციით, ეს ვიზიტი კონკრეტულად ზანგეზურის თემას ეძღვნება - გამომდინარე აქედან, სრულიად ბუნებრივია, რომ ამერიკელი პოლიტიკოსი აზერბაიჯანსა და სომხეთში ჩადის.თქვენ იცით, როგორია ქართულ-ამერიკული ურთიერთობების კონტექსტი. ეს კონტექსტი არის ძალიან მძიმე. ეს კონტექსტი ბაიდენის ადმინისტრაციამ შექმნა. ვნახოთ, ამ ფონზე როგორ განვითარდება. ამერიკული ადმინისტრაციის გადაწყვეტილებას ჩვენ მოთმინებით ველოდებით. ჩვენ საჯაროდ გვაქვს გაკეთებული განცხადება იმასთან დაკავშირებით, რომ მზად ვართ სტრატეგიული პარტნიორობის განახლებისთვის სუფთა ფურცლიდან და კონკრეტული გზამკვლევით“, - განაცხადა ირაკლი კობახიძემ."ქართული ოცნების" დეპუტატმა თენგიზ შარმანაშვილმა ჟურნალისტებთან კი განაცხადა, რომ "ჯეი დი ვენსი ჩამოდის მშვიდობის განსამტკიცებლად და ამიტომ ვერ მოხვდა საქართველო მის მარშრუტში - რაც შეეხება ტრანზიტს, დარწმუნებული ვარ, აშშ თავისი რეგიონული პოლიტიკის განსაზღვრისას, ჩამოყალიბდება ამ საკითხში საქართველოს როლზეც". მისივე თქმით, ისეთი რაოდენობით ტვირთებზეა ლაპარაკი, ზანგეზურის დერეფანი ვერ გაატარებს და საქართველო მაინც იქნება ერთ-ერთი მთავარი სატრანსპორტო ჰაბი."ეს არც არის მისი ამოცანა და იმიტომ ვერ მოხვდა საქართველო ჯეი დი ვენსის მარშრუტში. ძალიან კარგად იცით, რომ ის ჩამოდის მშვიდობის განსამტკიცებლად. ტრამპმა თავიდანვე განაცხადა, რომ არ სურს მის მიერ დარეგულირებული საკითხები იყოს დროებითი და სურს, ხანგრძლივი დროის განმავლობაში გადაიჭრას ეს საკითხები. რა თქმა უნდა, სომხეთ-აზერბაიჯანის კონფლიქტი იყო ერთ-ერთი ურთულესი კონფლიქტი მთელს მსოფლიოში. ვინ აღარ ჩაერია ამ კონფლიქტის მოგვარებაში, ბევრი ფორმატი შექმნა თავის დროზე და ვერანაირი ნაბიჯი ვერ გადადგეს. ჩაცხრებოდა ეს კონფლიქტი და გაღვივდებოდა. რა თქმა უნდა, აშშ-მ მართლა სერიოზული ნაბიჯები გადადგა, ტრამპს მართლა დიდი დამსახურება აქვს ამ საკითხში და რა თქმა უნდა, ის გაუფრთხილდება ამას და მის განმტკიცებაზე იმუშავებს. ჰე დი ვენსის ჩამოსვლაც ამ განმტკიცებას ემსახურება და ჩვენ ამას მივესალმებით. ჩვენი მეზობლები რაც უფრო მშვიდობიანად იქნებიან ერთმანეთთან, რეგიონის განვითარება უფრო პერსპექტიული იქნება...სამხრეთ კავკასიის სატრანზიტო ფუნქციასა და ყველაფერზე გვექნება საუბარი, შესაბამისად, გვექნება წინადადებები. მზად ვართ და ღია ვართ ამ წინადადებისთვის. როგორც კი ჩვენს პარტნიორებს ექნებათ შესაბამისი შემოთავაზებები, ის მყისიერად იქნება განხილული. ყველამ ძალიან კარგად იცის და ნებისმიერი ეკონომისტი გეტყვით, რომ ისეთი რაოდენობით ტვირთებზეა ლაპარაკი, ზანგეზურის დერეფანი ვერანაირი განვითარებით ვერ გაატარებს. საქართველო მაინც იქნება ერთ-ერთი მთავარი სატრანსპორტო ჰაბი. დარწმუნებული ვარ, აშშ თავისი რეგიონული პოლიტიკის განსაზღვრისას, ჩამოყალიბდება ამ საკითხში საქართველოს როლზეც. ახლა ვთვლი, რომ ბოლომდე ჩამოყალიბებული არ აქვს. რა თქმა უნდა, თავისი წინადადებებს ყოველგვარი მიკიბვ-მოკიბვრის გარეშე შემოგვთავაზებს. ტრამპს ეს ახასიათებს. როცა მზად იქნება გვეტყვიან. ჩვენც მზად ვიქნებით ამ ურთიერთობაში," - განაცხადა შარმანაშვილმა.პრეზიდენტ დონალდ ტრამპის განცხადებით, აშშ-ის ვიცე-პრეზიდენტი ჯეი დი ვენსი აზერბაიჯანსა და სომხეთს თებერვალში ეწვევა, რათა სამშვიდობო ძალისხმევისა და „ტრამპის მარშრუტის საერთაშორისო მშვიდობისა და კეთილდღეობისთვის“ (TRIPP) განვითარებას შეუწყოს ხელი.

1769416858

ბათუმში 2025 წლის დეკემბერში ახალაშენებული ბინების ტრანზაქციების რაოდენობა 44.2%-ით გაიზარდა, ძველი ბინების შემთხვევაში კი 15.8%-იანი ზრდა დაფიქსირდა. ახალაშენებული ბინების პირველად ბაზარზე ტრანზაქციების რაოდენობა მნიშვნელოვნად 75.2%-ით გაიზარდა. მეორეულ ბაზარზე კი 18.2%-იანი ზრდა დაფიქსირდა. აღსანიშნავია, რომ პირველად ბაზარზე 170 ტრანზაქცია სახელმწიფომ დაირეგისტრირა. მეორეულ ბაზარზე კი ქართველი მყიდველების რაოდენობა არ მომატებულა და ზრდა მთლიანად უცხოელი მყიდველებით იყო განპირობებული.ამასთან, ბათუმში 2025 წლის დეკემბერში ახალაშენებული ბინების საშუალო შეწონილი ფასი 15.4%-ით გაიზარდა და კვ.მ-ზე 1,231 აშშ დოლარი შეადგინა. ფასის ზრდაზე გავლენა ძირითადად მოახდინა პირველადმა ბაზარმა, სადაც მაჩვენებელი 24.2%-ით გაიზარდა, ხოლო მეორეულ ბაზარზე 10.7%-იანი ზრდა დაფიქსირდა. შენიშვნა: პირველად ბაზარზე ტრანზაქციების ნაწილი გვიან რეგისტრირდება, რის გამოც ფასების ზრდის ტრენდი არ ასახავს რეალობას.

1769415268

ქალაქის მასშტაბით პირველადი ტრანზაქციების საშუალო შეწონილი ფასის ზრდამ 13.1% შეადგინა. მეორეულ ბაზარზე კი საშუალო შეწონილი ფასი ქალაქის მასშტაბით 8.2%-ით გაიზარდა.2025 წლის დეკემბერში თბილისში საცხოვრებელი ბინების ტრანზაქციების რაოდენობამ 4,495 ერთეული შეადგინა და წინა წლის დეკემბერთან შედარებით 12.7%-იანი ზრდა დაფიქსირდა. ბაზრის ზომა 21.8%-ით, $350 მლნ-მდე გაიზარდა. ამასთან, 2025 წლის დეკემბერში თბილისში ძველი ბინების საშუალო შეწონილი გასაყიდი ფასი 2024 წლის დეკემბერთან შედარებით 12.3%-ით გაიზარდა გარეუბნებში, ფართო ცენტრში 7.7%-ით, ხოლო ქალაქის ცენტრში - მცირე 0.1%-იანი კლება დაფიქსირდა.2025 წლის დეკემბერში თბილისში ახალ პროექტებში ტრანზაქციების რაოდენობა გასული წლის დეკემბერთან შედარებით 15.4%-ით გაიზარდა. ახალაშენებული ბინების პირველად ბაზარზე ტრანზაქციების რაოდენობა 10.4%-ით გაიზარდა, მეორეულ ბაზარზე კი 24.3%-იანი ზრდა დაფიქსირდა. ტრანზაქციების რაოდენობა 2.9%-ით გაიზარდა ძველ პროექტებში.

1769414655