transparency.ge ანტიკორუფციულ ბიუროს 2023 წლის დეკლარაციების მონიტორინგის შედეგების დამალვაში ამხელს

კერძოდ, 30 სექტემბრის მდგომარეობით, TBC PLC-ის აქციების ოდენობამ 56,022,807 შეადგინა, როცა, 31 აგვისტოს მდგომარეობით ჯგუფს 56,101,921 აქცია ჰქონდა. გაუქმებული აქციების რაოდენობამ 79,114 შეადგინა.რაც შეეხება BOGG-ს, მის მიერ გამოშვებული  ხმის უფლების მქონე აქციების რაოდნეობა 30 სექტემბრისთვის 44,701,983 ჩვეულებრივ აქციას შეადგენდა, 31 აგვისტოს მდგომარეობით კი 44,806,983-ს. სექტემბრის ბოლოსთვის, ხაზინაში ჯგუფს, გაუქმების მოლოდინში, 25,000 აქცია აქვს. თვის ჭრილში კი  კაპიტალი 105,000 აქციით შემცირდა.ამ მომენტში, BOGG-ის ერთი ჩვეულებრივი აქციის ღირებულება £37.80-ია, ხოლო TBC PLC-ის კი £25.25. შესაბამისად, BOGG-ის კაპიტალიზაცია დღეის მდგომარეობით, £1,689,734,957-ია, ხოლო TBC PLC-ის კი £1,414,575,877. 

1728116720

წელს შეხვედრა მონტენეგროს დედაქალაქ პოდგორიცაში გაიმართა და მისი მთავარი თემა იყო „დაინტერესებულ მხარეთა თანამშრომლობა ეფექტიანი ფინანსური განათლებისთვის“.ღონისძიებაში სხვადასხვა ქვეყნის 50-მდე წარმომადგენელი მონაწილეობდა. დამსწრეებს საკუთარი გამოცდილება ბელგიის, შვედეთის, პოლონეთის, აშშ-ის, პორტუგალიის, პერუს, მალაიზიისა და სხვა ქვეყნების მოწვეულმა ექსპერტებმა გაუზიარეს.კონფერენციის ფარგლებში გაიმართა პანელური დისკუსიები ისეთ საკითხებზე, როგორებიცაა: ახალგაზრდების ფინანსური განათლება, მომხმარებელთა ინფორმირება  ფინანსურ რისკებსა და საფრთხეებზე, ფინანსური განათლების მიწოდება მოწყვლადი ჯგუფებისთვის და სხვა.ეროვნული ბანკის საბჭოს წევრმა თეიმურაზ ხომერიკმა საქართველოს მაგალითზე რეგიონებში ფინანსური განათლების გავრცელების გამოცდილებაზე, განხორციელებულ აქტივობებსა და მოწყვლად ჯგუფებთან საბაზისო ფინანსური განათლების მიწოდების გამოწვევებზე ისაუბრა და აღნიშნა, რომ ფინანსური განათლების ამაღლება ქვეყნის საფინანსო სექტორის მდგრადობისა და ფინანსური კეთილდღეობის უზრუნველსაყოფად ერთ-ერთი მნიშვნელოვანი ამოცანაა.საქართველოს ეროვნული ბანკის პროექტებისა და სამომავლო გეგმების შესახებ პრეზენტაცია ფინანსური განათლებისა და სტრატეგიული დეპარტამენტის ხელმძღვანელმა, ქეთევან ახალკაცმა გააკეთა. კონფერენციის მონაწილეებს შორის ინტერესი გამოიწვია  ეროვნული ბანკის საგანმანათლებლო პლატფორმა „ფინედუმ“ და იმ ინტერაქტიურმა საგანმანათლებლო პროექტებმა, რომელსაც ეროვნული ბანკი ახორციელებს. მისი თქმით, პროგრესის მიუხედავად, მუშაობა კვლავ ინტენსიურად გრძელდება. წარმატების მისაღწევად  კი საფინანსო სექტორის, ასევე სამთავრობო, არასამთავრობო, ადგილობრივი და საგანმანათლებლო დაწესებულებების ჩართულობა სასიცოცხლოდ მნიშვნელოვანია.კონფერენცია ნიდერლანდების სამეფოს ფინანსთა სამინისტროსა და ეკონომიკური განვითარებისა და თანამშრომლობის ორგანიზაციის ფინანსური განათლების საერთაშორისო ქსელის (OECD/INFE) ორგანიზებით, OECD-ის ტექნიკური მხარდაჭერის პროექტის ფარგლებში გაიმართა.  ღონისძიების თანაორგანიზატორები იყვნენ მონტენეგროს ცენტრალური ბანკი, ფინანსთა სამინისტრო, კაპიტალის ბაზრის მარეგულირებელი უწყება და დაზღვევის ზედამხედველობის სააგენტო.საქართველო OECD/INFE-ს ტექნიკური მხარდაჭერის პროექტში 2018 წელს ჩაერთო. 2023 წლიდან კი თანამშრომლობა 5-წლის ვადით გაგრძელდა. პროექტი სამხრეთ-აღმოსავლეთ ევროპის 10 ქვეყანას (ბოსნია და ჰერცეგოვინა, ბულგარეთი, მოლდოვა, მონტენეგრო, რუმინეთი, სომხეთი, საქართველო, უკრაინა, ჩრდილოეთ მაკედონია, ხორვატია) აერთიანებს.ეკონომიკური თანამშრომლობისა და განვითარების ორგანიზაციის „ფინანსური განათლების საერთაშორისო ქსელი“ (OECD/INFE) 2008 წელს შეიქმნა და მისი მიზანია ფინანსური განათლების მიმართულებით მომუშავე სახელმწიფო ორგანიზაციებსა და სხვა დაინტერესებულ მხარეებს შორის საერთაშორისო თანამშრომლობის ხელშეწყობა. OECD/INFE წარმოადგენს  პლატფორმას, რომლის საშუალებითაც ხორციელდება განათლებასთან დაკავშირებული მონაცემების შეგროვება, ანალიტიკური და შედარებითი ანგარიშების მომზადება, კვლევა და პოლიტიკის დოკუმენტების შემუშავება. OECD/INFE 130-ზე მეტი ქვეყნის 300-მდე საჯარო ორგანიზაციას აერთიანებს.

1728052388

ღონისძიებაში ევროპის რეკონსტრუქციისა და განვითარების ბანკის (EBRD) და საკრედიტო სარეიტინგო ორგანიზაცია Moody’s-ის წარმომადგენლებმა მიიღეს მონაწილეობა. კონფერენციას ასევე ესწრებოდნენ საქართველოში ლიცენზირებული კომერციული ბანკები და სხვა დაინტერესებული პირები.სიტყვით გამოსვლისას ეროვნული ბანკის ვიცე-პრეზიდენტმა, ეკატერინე მიქაბაძემ ხაზი გაუსვა იპოთეკური ობლიგაციების ბაზრის განვითარების მნიშვნელობას ქვეყნის ფინანსური ლანდშაფტისთვის.„სები ხელს უწყობს იპოთეკით დაცული ობლიგაციების, როგორც საფინანსო სექტორისთვის ალტერნატიული დაფინანსების წყაროს განვითარებას საქართველოში და ჩვენი კომპეტენციის ფარგლებში ყველა ღონისძიებას მივმართავთ, რათა აღნიშნული მიმართულება რაც შეიძლება მცირე ვადაში გახდეს ხელმისაწვდომი ბაზრისთვის“, - განაცხადა ეკატერინე მიქაბაძემ.ღონისძიების ფარგლებში პრეზენტაციები წარადგინეს ეროვნული ბანკის ფასიანი ქაღალდების ბაზრის ზედამხედველობის დეპარტამენტის, EBRD-ისა და Moody-ის წარმომადგენლებმა და მათ ქართული საბანკო სექტორი და იპოთეკით დაცული ობლიგაციების ბაზრის განვითარების პერსპექტივები მიმოიხილეს.როგორც EBRD-ის კაპიტალისა და ფინანსური ბაზრების დეპარტამენტის რეგიონული პოლიტიკის მიმართულების ხელმძღვანელმა რადა ტომოვამ აღნიშნა, საქართველოში იპოთეკით დაცული ობლიგაციების საკანონმდებლო ჩარჩო სრულად შეესაბამება ევროკავშირის იპოთეკით დაცული ობლიგაციების დირექტივას. საკრედიტო-სარეიტინგო კომპანია Moody’s-ის წარმომადგენლებმა  თავის მხრივ ხაზი გაუსვეს, რომ საქართველოში იპოთეკით დაცულ ობლიგაციებს საინვესტიციო რეიტინგის მიღების შესაძლებლობა ექნება. 

1728048540

ამასთან, „ლატარიების, აზარტული და მომგებიანი თამაშობების მოწყობის შესახებ“ საქართველოს კანონის თანახმად, აკრძალულ პირთა სიაში ავტომატურ რეჟიმში შეყვანილია 1 522 900 პირის შესახებ  მონაცემები.შემოსავლების სამსახური შეგახსენებთ, რომ “ლატარიების, აზარტული და მომგებიანი თამაშობების მოწყობის შესახებ“ საქართველოს კანონში ცვლილება 2022 წლის 1 მარტიდან განხორციელდა.დამატებითი ინფორმაციის მისაღებად გთხოვთ იხილოთ ბმული: https://www.rs.ge/LawNewsArchive?newsId=574 აქვე გაცნობებთ, რომ დამოკიდებულ პირთა სიაში საკუთარი მონაცემების შეტანის შესახებ განაცხადის წარდგენა შესაძლებელია, როგორც მატერიალური ფორმით, ასევე ელექტრონულად - ავტორიზებული მომხმარებლის გვერდიდან - „დამოკიდებულ პირთა სიაში მონაცემის შეტანა“.თუ პირი არ არის რეგისტრირებული შემოსავლების სამსახურის ვებგვერდზე https://www.rs.ge/ მას შეუძლია ონლაინ ფორმატში მიიღოს აღნიშნული მომსახურება https://videocall.rs.ge/ ვებგვერდის საშუალებით.ვიდეო ზარით რეგისტრაციის მომსახურების მიღება შესაძლებელია, როგორც საკუთარი სახელით, ასევე მინდობილი პირის მეშვეობითაც, სამუშაო დღეების განმავლობაში - 09:00 საათიდან 18:00 საათამდე.ვიდეო ზარის სერვისის გამოყენების შესახებ, ინფორმაცია შეგიძლიათ იხილოთ შემდეგ ბმულზე: https://videocall.rs.ge/ 

1728045337

„დაარსების პირველივე დღიდან ვიცოდით, რომ საქართველოს ფარგლებს გავცდებოდით და ცენტრალურ თუ აღმოსავლურ ევროპის ბაზრებზე გავიდოდით“, — აღნიშნავს გიორგი ტალახაძე, Ska Juice Bar-ის დამფუძნებელი და აღმასრულებელი დირექტორი.ოთხი წლის თავზე კი სწორედ ამ მიზნების განხორციელების დრო დადგა. როგორც გიორგი განმარტავს, მოცემულ ეტაპზე გარკვეულწილად ამოწურეს ადგილობრივი ბაზარი — „ისეთი კონცეფცია არ გვაქვს, რომელიც მასობრივ პროდუქციაზე კონცენტრირებული. ამიტომაც, თბილისში ჩვენი ობიექტების რაოდენობა სრულად მოიცავს Ska Juice Bar-ის მომხმარებლებს“. შესაბამისად, მეტი განვითარებისთვის პირვანდელი მიზნის ხორცშესხმა გადაწყვიტეს. ერთი წლის წინ ევროპის რამდენიმე ქალაქში ჩაატარეს მოკვლევა; შეისწავლეს ბაზრები, სადაც პოტენციურად გავიდოდნენ — ამ პროცესში „სკა ჯუს ბარს“ wolt დაეხმარა, როგორც გრძელვადიანი სტრატეგიული პარტნიორი.საბოლოო ჯამში, რამდენიმე მიზეზის გამო, პრაღაზე შეაჩერეს არჩევანი. პირველ რიგში, ამოსავალი წერტილი გეოგრაფია იყო — ვინაიდან პრაღა ევროპის ცენტრს წარმოადგენს, გაფართოების აქედან დაწყება გარკვეულწილად მარტივია. ამავდროულად, ევროპის სხვა ქალაქებთან შედარებით ყველაფერი იაფია — დაწყებული პროდუქტებით, დასრულებული ლოგისტიკური ხარჯებით.აქვე ისიც საგულისხმოა, რომ სტრატეგიული პარტნიორი, ვოლტი, ბაზრის წილით მოწინავე პოზიციას იკავებს. თანაც პრაღაში „სკა ჯუს ბარის“ მსგავსი კონცეფციის ობიექტები ნაკლებადაა  — შესაბამისად, ერთგვარ ახალ სიტყვას შეიტანენ და განვითარების დიდ პოტენციალსაც მოიპოვებენ.როგორც დასაწყისში აღვნიშნეთ, განვითარების ასეთ სწრაფსა და აქტიურ ტემპში თიბისის დიდი როლი აქვს. „სკა ჯუს ბარის არსებობის პირველივე დღეებიდან თიბისის უდიდესი როლი მიუძღვის ჩვენს განვითარებაში. პირველი სტარტაპ სესხი სწორედ აქ მოგვცეს, შემდეგ ყოველ ეტაპზე ხან საბრუნავი კაპიტალი დავიმატეთ, ხან — ახალი ფილიალის გასახსნელი. მუდმივად გვიჭერდნენ მხარს და ახლაც, როგორც ხედავთ, საქართველოს ფარგლებს გარეთ გაგვახსნევინეს ორი ფილიალი. ალბათ, სულ რამდენიმე ბიზნესია საქართველოდან ევროპაში გასული და ვფიქრობ, ბევრისთვის საინტერესოა, როგორ შეიძლება თიბისის დაფინანსებით ასეთი პროგრესის მიღწევა“.როგორც გიორგი აღნიშნავს, სამომავლოდ გაფართოების კიდევ უფრო დიდი გეგმები აქვთ, რაშიც თიბისი მაქსიმალურად უწყობს ხელს.

1728035379

"რაც შემიძლია გითხრათ, მიმდინარე წლის ივნისში, რამდენიმე თვის წინ, ჩვენ გვქონდა დისკუსია ჩვენს წევრ ქვეყნებთან როგორი მიდგომა გვქონდეს საქართველოს ხელისუფლებასთან, რომელსაც, მიგვაჩნია, რომ ევროკავშირის მიმართ არამეგობრული დამოკიდებულება აქვს, როგორ გავუმკლავდეთ ანტიევროპულ და ანტიდასავლურ ნარატივს და პროპაგანდას, კონსპირაციების თეორიებს", - განაცხადა პაველ ჰერჩინსკიმ.ელჩმა ყურადღება გაამახვილა 26 სექტემბრის დილას, ქუჩებში პარტია “ქართული ოცნების“ ახალი საარჩევნო ბანერებზე: „ნება მიბოძეთ, გითხრათ, რომ ეს ბანერები არის აღმაშფოთებელი, სამარცხვინო და ამაზრზენი“."ქართული ოცნების" წინასაარჩევნო  ბანერები ორ ნაწილად არის გაყოფილი“არა ომს! აირჩიე მშვიდობა!“. ბანერის ერთ მხარეს უკრაინაში რუსეთის მიერ განადგურებული ქალაქები, შენობები, ინფრასტრუქტურული ნაგებობებია ასახული, ხოლო მეორე მხარეს საქართველოს ქალაქები. დაბომბილი უკრაინის ქალაქები წარმოდგენილია შავ-თეთრი კადრებით, ხოლო საქართველო - ფერადით.

1728033099

მისივე თქმით, ერევანსა და ბაქოს შორის მოლაპარაკებების გაჭიანურებით დასავლეთი სომხეთ–აზერბაიჯანის დარეგულირების პროცესის სათავეში მოქცევას გეგმავს. „დასავლეთს სურს რეგიონში საკუთარი სამშვიდობო ძალების განთავსება – დე–იურე გაეროს ეგიდით, დე–ფაქტო კიმ NATO-ს ჯარების“, – განაცხადა ბორტნიკოვმა.„ამავდროულად, შეიარაღების შეღავათიანი მიწოდების და უსაფრთხოების გარანტიის სანაცვლოდ დასავლეთი სომხეთის ხელისუფლებისგან კუხო–დან გასვლას ითხოვს. ეს კი ერევანს უფრო დამოკიდებულს გახდის ჩრდილოატლანტიკურ ალიანსზე, ბაქოსთან შემდგომი ურთიერთობების საკითხებში. ნატოელების შუამავლობის მანამდელ გამოცდილებებს თუ გავითვალისწინებთ, სამხრეთ კავკასიაში ბლოკის გამაგრება არ შეუწყობს ხელს რეგიონის სტაბილურობას“, – თქვა ბორტნიკოვმა.მისივე თქმით, სომხეთ–აზერბაიჯანის საზღვარზე შესული ევროკავშირის დამოუკიდებელი სამოქალაქო სადამკვირვებლო მისია სადაზვერვო საქმიანობითაა დაკავებული რუსეთისა და მისი პარტნიორების წინააღმდეგ. 

1728032346

საქართველოს ბანკი გამარჯვებულად 9 ნომინაციაში დასახელდა როგორც მსოფლიოს, ასევე რეგიონის მასშტაბით.„ფინტექის მიმართულებით ციფრული ტექნოლოგიების მუდმივი განვითარება და კიბერუსაფრთხოების მნიშვნელობის ზრდა სრულად ცვლის ციფრული საბანკო სერვისების მიმართულებას. Global Finance-ის საუკეთესო ციფრული ბანკის ჯილდო კი იმ ფინანსური ინსტიტუტების აღიარებას ემსახურება, რომლებიც ფინტექის სფეროში ახალ სტანდარტებს ქმნიან“, - აღნიშნავს ჯოზეფ ჯიარაპუტო, Global Finance-ის დამფუძნებელი და სარედაქციო დირექტორი.“Global Finance-ის ჯილდო ჩვენი ძალისხმევის დაფასებაა - შევქმნათ საუკეთესო ციფრული პროდუქტები ჩვენი მომხმარებლებისთვის. Global Finance-ის აღიარება და საქართველოს ბანკის საუკეთესოდ დასახელება ისეთ ბანკებს შორის, როგორებიც არის Bank of America, BBVA, Santander თუ სხვა, დიდი მიღწევაა, რომელიც გვაძლევს მოტივაციას, არ გავჩერდეთ. მინდა მადლობა გადავუხადო ჩვენი გუნდის თითოეულ წევრს ამ პროცესში შეტანილი წვლილისათვის. ჩვენ ერთად ვქმნით საუკეთესო ციფრულ ბანკს მსოფლიოში!“ - აღნიშნავს ლევან გომშიაშვილი, მარკეტინგის, ციფრული საბანკო მომსახურებისა და მომხმარებელთა გამოცდილების მართვის მიმართულების ხელმძღვანელი.გამარჯვებულების გამოსავლენად ჟიურის წევრები რამდენიმე კრიტერიუმით ხელმძღვანელობდნენ, მათ შორის იყო: ციფრული მომხმარებლების მოზიდვისა და მომსახურების სტრატეგიის სიძლიერე, ციფრული შეთავაზებების მრავალფეროვნებისა და მოხმარების მაჩვენებელი, ციფრული მომხმარებლების რაოდენობის ზრდა და მათი კმაყოფილება, მომხმარებელზე ორიენტირებული მიდგომები, ციფრული ბანკის ფუნქციურობა და სხვა.საქართველოს ბანკის მიერ წარდგენილ პროდუქტებსა და ფუნქციონალებს შორის კი იყო: Ads Manager-ის პლატფორმა, რომელიც შესაძლებლობას აძლევს ბიზნესებს, მონაცემების ანალიტიკაზე დაფუძნებული ბიზნეს შეთავაზებები 1.5 მილიონზე მეტ მომხმარებელს აჩვენონ მობილბანკში, sCoolApp-სა და Offers.bog.ge-ზე. ინფორმაციისთვის, საერთაშორისო გამოცემა Global Finance 1987 წელს დაარსდა და 160 ქვეყანაში ოპერირებს. იგი ათწლეულების განმავლობაში ფინანსურ სამყაროში სანდოობის სტანდარტად იქცა. გამოცემა ყოველწლიურად მთელი მსოფლიოდან საუკეთესო ფინანსურ ინსტიტუტებს გამოარჩევს და აჯილდოებს.

1728032180