ბიზნესდაჯილდოება 2025-ზე, ცხრა წლის მანძილზე ყველაზე მეტი ბიზნესი დარეგისტრირდა

„დავიწყოთ პირდაპირი გავლენის შეფასებით. მოკლევადიან პერიოდში რისკების ზრდის მიმართ მოწყვლადი, უპირველეს ყოვლისა, ტურიზმია. 2024 წელს ისრაელზე საქართველოს ეკონომიკაში უცხოური ვალუტის ჯამური შემოდინების 5%, ხოლო ტურიზმიდან შემოსავლების 10% მოდიოდა. დღეის მდგომარეობით, ისრაელის საჰაერო სივრცე სამოქალაქო ავიაციისთვის დახურული რჩება. ამავდროულად, მიუხედავად ოფიციალური შეზღუდვების არარსებობისა, კონფლიქტურ არეალთან სიახლოვის გამო მოსალოდნელია ფრენების შემცირება რეგიონის სხვა ქვეყნებიდანაც, მაგალითად საუდის არაბეთიდან, რომელიც ბოლო პერიოდში ტურიზმიდან შემოსავლებში მზარდი წილით ხასიათდება. მეორე მხრივ, გასათვალისწინებელია მიგრაციის ეფექტიც. მაგალითად, 2023 წლის ოქტომბერში განვითარებული მოვლენების ფონზე ისრაელიდან ტურისტული ხარჯების კლებას თან ახლდა ისრაელიდან არარეზიდენტების სამომხმარებლო ხარჯების ზრდა, რაც მიგრაციის გარკვეულ პოზიტიურ ეფექტთან იყო დაკავშირებული.ამავდროულად, მიუხედავად იმისა, რომ საქართველო ნავთობპროდუქტების წმინდა იმპორტიორია და, შესაბამისად, ნავთობის ფასის ბოლოდროინდელი ზრდა - 7.5% ბოლო ხუთ დღეში - გამოწვევას წარმოადგენს, ასეთ დროს ქვეყანა ნავთობის მწარმოებლებისგან შედარებით მაღალ სავალუტო შემოდინებებსაც იღებს. თიბისი კაპიტალის შეფასებით, აღნიშნული ფაქტორები ერთმანეთს დიდწილად აბალანსებს. თუმცა, გამოყოფს, რომ ბოლო ორ თვეში ბენზინსა და დიზელზე ფასების კლებამ წლიური ინფლაციის შემცირებაში 0.5 პ.პ.-ის წვლილი შეიტანა, რაც ნავთობპროდუქტების მსოფლიო ფასების კვლავ ზრდის შემთხვევაში მოცემულ დეზინფლაციურ ზეწოლას შეასუსტებს. ასევე, საყურადღებოა ტვირთების ტრანსპორტირებისა და დაზღვევის შესაძლო გაძვირებაც.თიბისი კაპიტალის მკითხველისთვის ზემოაღნიშნული არგუმენტები კარგად ნაცნობია, თუმცა არის მნიშვნელოვანი სიახლეც: როგორც წესი, მომატებული რისკის პერიოდებში, აშშ დოლარი მყარდება, რადგან ინვესტორები აქტივების უსაფრთხო ვალუტაში გადატანას არჩევენ. თუმცა, ამჯერად აშშ დოლარი მხოლოდ კონფლიქტის გამწვავების პირველ საათებში გამყარდა მცირედით, შემდგომ კი კვლავ გაუფასურდა. წინა პუბლიკაციაში თიბისი კაპიტალი ფართოდ საუბრობდა აშშ დოლარის უჩვეულო, განვითარებადი ეკონომიკების ვალუტებისთვის დამახასიათებელ ქცევაზე. რას ნიშნავს ეს? შესაბამისად, თუკი ლარი/ევრო/დოლარის ბიზნეს სტრატეგიის ფარგლებში დოლარის გაუფასურება ადრინდელთან შედარებით დოლარში უფრო ნაკლები სესხის აღებას ნიშნავს, უსაფრთხო აქტივის სტატუსის დასუსტება საპირისპირო არგუმენტია. ამის გათვალისწინება განსაკუთრებით მნიშვნელოვანია ბიზნესებისთვის, რადგან, თუ უსაფრთხო სტატუსი „ცუდ დროს" უფრო ძლიერ ვალუტას მოიაზრებს, გაყიდვებისა და მომგებიანობის ვარდნის პარალელურად ვალის ზრდა მოვლენათა სწორედ კიდევ უფრო არასასურველ განვითარებას წარმოადგენს.უფრო კონკრეტულად, თიბისი კაპიტალის შეფასებით, ევრო/დოლარის წყვილის გრძელვადიანი წონასწორული ნიშნული 1.29-ზე რჩება, საქართველოსთვის შედარებითი რისკიანობის გათვალისწინებით კი უფრო დაბალი, 1.18-ია. პრაქტიკულად, ეს ნიშნავს, რომ, რადგან საქართველოსთვის ევრო დოლართან შედარებით ნაკლებად რისკიანია, სესხის აღებისას ევროს უფრო მაღალი წილია ოპტიმალური, ვიდრე ეს თანაბარი რისკის შემთხვევაში იქნებოდა. ამასთან, მხედველობაშია მისაღები რუსეთ-უკრაინის კონფლიქტის მოგვარების სცენარიც, როდესაც ევროს გამყარებას, შესაძლოა, ლარის გამყარება არ მოჰყვეს, რაც, ამ კონკრეტულ სცენარში, სესხებში უკვე ნაკლები ევროს არგუმენტია, ისევე როგორც აშშ დოლარის უსაფრთხო აქტივის სტატუსის დასუსტება.მთლიანობაში, რა არის თიბისი კაპიტალის განახლებული რეკომენდაცია? ერთი მხრივ, მიუხედავად უსაფრთხო აქტივის სტატუსის გარკვეული ცვლილებისა, ევროს ბოლოდროინდელი გამყარება კვლავ ევროში უფრო ნაკლებად, მაგრამ შედარებით ევროში უფრო მეტი სესხების არგუმენტია. მეორე მხრივ, სავალუტო რისკის აღებისას ვალის სტრუქტურაში, ევროსთან შედარებით, აშშ დოლარის წილი კვლავ მეტი უნდა იყოს. შესაძლოა, ეს ყოველივე, ერთი შეხედვით, რთულად ჟღერს, თუმცა აშკარაა, რომ ამ სტრატეგიის გამოყენება ძალზე დიდი ფინანსური სარგებლის მომტანია“, – წერს თიბისი კაპიტალის მთავარი ეკონომისტი.

1750157121

შეხვედრა ტრენჩინში გაიმართება. ერთად ვუგულშემატკივროთ ქართველ 21 წლამდელ ფეხბურთელებს ევროპის ჩემპიონატზე. საქართველოს ბანკი ეროვნული საფეხბურთო გუნდების მთავარი სპონსორია.რამაზ სვანაძის მიერ გაწვრთნილი გუნდის შემადგენლობა ასე გამოიყურება:მეკარეები: ლუკა ხარატიშვილი (დინამო ბათუმი), ლევან თანდილაშვილი (თელავი), მიხეილ მაქაცარია (დინამო თბილისი). მცველები: საბა ხვადაგიანი (დინამო თბილისი), ირაკლი იაკობიძე (დინამო თბილისი), საბა მამაცაშვილი (სირიუსი, შვედეთი), გიორგი მაისურაძე (პოლისია ჟიტომირი, უკრაინა), ლადო ოდიშვილი (თელავი), საბა საზონოვი (ემპოლი, იტალია), ირაკლი აზაროვი (დონეცკის შახტარი, უკრაინა). ნახევარმცველები: ოთარ მამაგეიშვილი (ფამალიკაო, პორტუგალია), ლუკა გაგნიძე (კრილია სოვეტოვი, რუსეთი), ირაკლი იეგოიანი (ვიტესი, ნიდერლანდები), ნოდარ ლომინაძე (დინამო თბილისი), გაბრიელ სიგუა (ბაზელი, შვეიცარია), ლევან ოსიყმაშვილი (ჰაპოელ ჰადერა, ისრაელი), თორნიკე მორჩილაძე (დინამო თბილისი). თავდამსხმელები: გიორგი კვერნაძე (ფროზინონე, იტალია), ვასილიოს გორდეზიანი (სარაევო, ბოსნია და ჰერცეგოვინა), გიზო მამაგეიშვილი (იბერია 1999), ვახტანგ ბედოშვილი (გარეჯი), გიორგი აბუაშვილი (კოლხეთი 1913), ლაშა ოდიშარია (რფს რიგა, ლატვია). ერთად ვუგულშემატკივროთ საქართველოს 21-წლამდელთა ნაკრებს ევროპის ჩემპიონატზე. საქართველოს ბანკი ეროვნული საფეხბურთო გუნდების მთავარი სპონსორია.

1750156486

ორგანიზაცია პროცესის გაჭიანურებას კანონმდებლობის უხეშ დარღვევად აფასებს და მიიჩნევს, რომ საქმე შესაძლოა პოლიტიკურად მოტივირებულ შეფერხებას ეხებოდეს.ISFED წერს, ორგანიზაციის ახალი აღმასრულებელი დირექტორი გამგეობამ 2025 წლის 23 აპრილს აირჩია. გადაწყვეტილების რეგისტრაციის მოთხოვნით მათ 30 აპრილს მიმართეს საჯარო რეესტრს. სააგენტომ მომდევნო დღეს, 1 მაისს, სარეგისტრაციო პროცესი შეაჩერა და ხარვეზი დაადგინა, რომელიც ორგანიზაციამ უკვე მეორე დღეს, 2 მაისს, სრულად აღმოფხვრა.„კანონის მიხედვით, ხარვეზის გამოსწორებიდან მეორე დღეს სააგენტოს უნდა მიეღო გადაწყვეტილება, თუმცა ამას არ მოჰყოლია არანაირი რეაგირება“, -  ნათქვამია ორგანიზაციის განცხადებაში.ორგანიზაცია წერს, რომ 14 მაისს, ვადების დარღვევით, სააგენტომ წარმოება კვლავ შეაჩერა და ახალი ხარვეზი დაადგინა, რომელიც ISFED-ის ინფორმაციით, ასევე მეორე დღესვე - 15 მაისს - სრულად გამოსწორდა. მიუხედავად ამისა, მიმდინარე წლის 17 ივნისის მდგომარეობით, საჯარო რეესტრს ცვლილება ჯერ კიდევ არ დაურეგისტრირებია.ISFED აცხადებს, რომ საჯარო რეესტრის მოქმედება არღვევს როგორც საქართველოს ზოგად ადმინისტრაციულ კოდექსს, ისე „საჯარო რეესტრის შესახებ“ საქართველოს კანონსა და შესაბამისი მთავრობის დადგენილებით დადგენილ ვადებს. ორგანიზაციის შეფასებით, ეს ქმნის უსამართლო წინაღობას მის საქმიანობაში და ხელს უშლის სრულფასოვან ფუნქციონირებას.„მიგვაჩნია, რომ მიმდინარე პროცესი სცდება სამართლებრივ ჩარჩოებს და პოლიტიკური ანგარიშსწორების ნიშნებს ატარებს“, - აცხადებენ ორგანიზაციაში და აღნიშნავენ, რომ ეს ტენდენცია განსაკუთრებით საგანგაშოა იმ ფონზე, როდესაც ბოლო წლებში ხელისუფლება სამოქალაქო სექტორის მიმართ წნეხს ახორციელებს.

1750151846

„სატრანსპორტო პოლიტიკა ბევრი მნიშვნელოვანი კომპონენტისგან შედგება. განსაკუთრებული ადგილი ინფრასტრუქტურის მოწყობას, ქუჩების განახლება-რეაბილიტაციას უჭირავს. ასევე, ყურადღებას ვუთმობთ მიწისქვეშა კომუნიკაციების მოწყობას, შეცვლას. კრიტიკას ვერ უძლებს სხვადასხვა უბანში, ქუჩაზე არსებული მიწისქვეშა კომუნიკაციები. ამიტომ, სადაც შევდივართ სამუშაოებით, პირველ რიგში, მას ვაწესრიგებთ. განსაკუთრებული მნიშვნელობა აქვს ხიდების უსაფრთხოების საკითხსაც, რაც შესაბამისი სამსახურების მიერ პერიოდულად მოწმდება. მონიტორინგის მიზანია დედაქალაქში სატრანსპორტო ინფრასტრუქტურის უსაფრთხო და გამართულად ფუნქციონირების უზრუნველყოფა“, - განაცხადა კახა კალაძემ.მისი თქმით, გმირთა მოედანზე არსებული ესტაკადის გამოკვლევა-გამოცდის სამუშაოები 19 ივნისს დაიწყება და 7 ივლისს დასრულდება.„დაგეგმილი სამუშაოების გამო, აღნიშნულ პერიოდში, ღამის საათებში (02:00-დან  06:00-მდე) გმირთა მოედნის ესტაკადაზე საავტომობილო მოძრაობა დღეგამოშვებით, სრულად შეიზღუდება. მსგავსი პროფილაქტიკური ღონისძიებები ხელს უწყობს პოტენციური საფრთხეების თავიდან არიდებას“, - აღნიშნა კახა კალაძემ.

1750150826

AI in Finance Awards ახალი დაჯილდოებაა Global Finance-ისგან და მისი მიზანია ის ბანკები წარმოაჩინოს, რომლებიც ხელოვნურ ინტელექტს არა მხოლოდ ტექნოლოგიურ შესაძლებლობად, არამედ სტრატეგიულ უპირატესობად აღიქვამენ. პროგრამა ხორციელდება CGI-სთან, გლობალურ IT და საკონსულტაციო ფირმასთან პარტნიორობით, რომელიც AI-ის პასუხისმგებლიან დანერგვაშია სპეციალიზებული.„კორპორაციული მიმართულებით ჩვენი ხედვა ტრადიციულ საბანკო მომსახურებას სცდება. ჩვენ გვჯერა, რომ ხელოვნური ინტელექტი ის ტექნოლოგიური საფუძველია, რომლის დახმარებით ბიზნესებს შესაძლებლობას ვაძლევთ, საკუთარი საქმიანობა მეტად ეფექტიანად მართონ, ინფორმირებული გადაწყვეტილებები მიიღონ და მუდმივად ცვალებად გარემოს სწრაფად უპასუხონ. ამ ჯილდოებით კიდევ ერთხელ დადასტურდა, რომ საქართველოს ბანკი არა მხოლოდ ეხმიანება ტექნოლოგიურ პროგრესს, არამედ თავად მოაქვს ცვლილებები რეგიონის ფინანსურ ეკოსისტემაში“, - აცხადებს მიხეილ ნადარეიშვილი, საქართველოს ბანკის მონაცემთა ანალიტიკის დეპარტამენტის ხელმძღვანელი.საქართველოს ბანკმა კორპორაციული მიმართულებით AI in Finance Awards-ის ფარგლებში ჯილდოები შემდეგ კატეგორიები მოიპოვა: საუკეთესო ბანკი კორპორაციული მიმართულებით — ქვეყნის დონეზე (საქართველო); საუკეთესო ბანკი კორპორაციული მიმართულებით — რეგიონის დონეზე (ცენტრალური და აღმოსავლეთ ევროპა); ჯილდო ფინტექის ქვეკატეგორიაში — ქვეყნის დონეზე (საქართველო); ჯილდო ფინტექის ქვეკატეგორიაში — რეგიონის დონეზე (ცენტრალური და აღმოსავლეთ ევროპა).

1750145402

კანადის ოფიციალური წარმომადგენლები აცხადებენ, რომ "ამ ორ მხარეს ჯერ კიდევ უამრავი სამუშაო ჰქონდა, სანამ შეთანხმებას შეძლებდნენ".დონალდ ტრამპი და მარკ კარნი ერთმანეთს ალბერტაში, „დიდი შვიდეულის“ (G7) სამიტის ფარგლებში შეხვდნენ. კანადის პრემიერის ოფისის ცნობით, ლიდერებმა ერთმანეთს გაუზიარეს ინფორმაცია კანადასა და აშშ-ს შორის ახალი ეკონომიკური და უსაფრთხოების შესახებ მოლაპარაკებების დროს წამოჭრილ ძირითად საკითხებზე.„ამ მიზნით, ლიდერები შეთანხმდნენ, რომ გააგრძელებენ მოლაპარაკებებს მომდევნო 30 დღის განმავლობაში შეთანხმების მისაღწევად“, - აღნიშნულია კანადის პრემიერის ოფისის განცხადებაში.მარკ კარნის პრესსპიკერის განმარტებით, განცხადების ფორმულირება ნიშნავს, რომ ორივე მხარეს სურს შეთანხმების მიღწევა მომდევნო 30 დღის განმავლობაში.G7-ის წევრი სახელმწიფოების: საფრანგეთის, გერმანიის, იტალიის, დიდი ბრიტანეთის, აშშ-ის, კანადის და იაპონიის და ევროკავშირის ლიდერთა სამიტი კანადაში 15 ივნისს გაიხსნა.წინასწარი ინფორმაციით, 17 ივნისს, სამიტზე სტუმრის სტატუსით მიწვეული უკრაინის პრეზიდენტი ვოლოდიმირ ზელენსკი აშშ-ის პრეზიდენტ დონალდ ტრამპს უნდა შეხვედროდა.G7-ის წევრი სახელმწიფოების და ევროკავშირის ლიდერები დღეს აშშ-ის პრეზიდენტის გარეშე იმსჯელებენ უკრაინაში ომსა და რუსეთის საწინააღმდეგო სანქციებზე.გუშინ, 16 ივნისს „დიდი შვიდეულის” ლიდერებმა სამიტის პირველი დღის შემდეგ ერთობლივი განცხადება გამოაქვეყნეს: „ჩვენ, G7-ის ლიდერები, ვადასტურებთ ერთგულებას ახლო აღმოსავლეთში მშვიდობისა და სტაბილურობის მიმართ. ამ კონტექსტში, ჩვენ ვადასტურებთ, რომ ისრაელს აქვს უფლება, დაიცვას თავი. ჩვენ კიდევ ერთხელ ერთხელ ვადასტურებთ ჩვენს მხარდაჭერას ისრაელის უსაფრთხოების მიმართ. ასევე, ვადასტურებთ მშვიდობიანი მოსახლეობის დაცვის მნიშვნელობას. ირანი რეგიონული არასტაბილურობისა და ტერორის მთავარი წყაროა. ჩვენ მუდმივად ნათლად ვაცხადებდით, რომ ირანს არასდროს შეიძლება, ჰქონდეს ბირთვული იარაღი. ჩვენ მოვუწოდებთ, რომ ირანის კრიზისის მოგვარებამ უნდა გამოიწვიოს საომარი მოქმედებების უფრო ფართო დეესკალაცია ახლო აღმოსავლეთში, მათ შორის ღაზაში ცეცხლის შეწყვეტა. ჩვენ ყურადღებას გამოვიჩენთ საერთაშორისო ენერგეტიკულ ბაზრებზე მოსალოდნელი შედეგების მიმართ და მზად ვიქნებით კოორდინაციისთვის, მათ შორის მსგავსი შეხედულებების მქონე პარტნიორებთან ბაზრის სტაბილურობის უზრუნველსაყოფად“. CNN წერს, რომ განცხადებამ დონალდ ტრამპის მხარდაჭერა კორექტირების შემდეგ მოიპოვა.

1750145099

ეს არის შესაძლებლობა სტარტაპებისთვის, საკუთარი იდეები ფართო აუდიტორიას გააცნონ, დაამყარონ ღირებული კავშირები, რომელიც მათ როგორც ადგილობრივ, ასევე საერთაშორისო ბაზარზე მასშტაბირებაში დაეხმარება. ღონისძიების შესახებ დეტალური ინფორმაცია ხელმისაწვდომია ბმულზე.500 Global in Eurasia 12-კვირიანი, სტარტაპების გადამზადების ინტენსიური პროგრამაა, რომლის ფარგლებშიც მონაწილეები გამოიმუშავებენ ყველა იმ საჭირო უნარს და იძენენ იმ ინსტრუმენტებს, რომელიც მათ სწრაფ ზრდაში დაეხმარება. პროგრამაში მონაწილეობა უკვე მიიღო აღმოსავლეთ ევროპის, კავკასიისა და ცენტრალური აზიის 80-ზე მეტმა სტარტაპმა. წელს კი 5 ქვეყნის 8 სტარტაპი გადამზადდა.Demo Day-ს ფარგლებში, აუდიტორიას საკუთარ ბიზნეს იდეებს შემდეგი სტარტაპები გააცნობენ:CuidCuid ხელს უწყობს დანაშაულის პრევენციას და დაცვის სისტემის ხელმისაწვდომობის ზრდას ბიზნესებისთვის და კერძო მესაკუთრეებისთვის.EvolveEvolve ამარტივებს ბიზნესისთვის გადამზადების პროცესს. მისი დახმარებით, ბიზნესს საშუალება ეძლევა, სულ რაღაც 24 საათში ყოვლისმომცველი კურსები და ტრენინგები შექმნას.TrustExam.aiTrustExam.ai უნივერსიტეტებისთვის, კორპორაციებისთვის, HR-ებისა და მთავრობებისთვის შექმნილი AI ხელსაწყოს გამოყენებით უზრუნველყოფს გამოცდების სანდოობას.AspisAspis-ი შეიქმნა DeFAI Powerhouse AI-Agent-ებით ვაჭრობისთვის. Aspis-ი არის ჩატზე დაფუძნებული ასისტენტი, რომელიც დაგეხმარებათ თქვენი ციფრული აქტივების პორტფელის მართვაში, გადაწყვეტილებების მიღებისას ემოციური ფაქტორის გამორიცხვით. თქვენ უბრალოდ უგზავნით მას დავალებას ინგლისურად, პასუხს კი იღებთ მომენტალურად.QuisslyQuissly ჩატზე დაფუძნებული პროდუქტების საძიებო სისტემაა, რომელიც ონლაინ მოვაჭრეებს ეხმარება, შექმნან მომხმარებელზე მორგებული გამოცდილება და ხელი შეუწყონ გაყიდვების ზრდას.AinoAino prompt-ზე დაფუძნებული მდებარეობის დაზვერვის პლატფორმაა, რომელიც გეო-მონაცემების შეგროვებისა და დამუშავების მეშვეობით ეხმარება მონაცემთა ანალიტიკოსებს, არქიტექტორებს, ურბანულ დამგეგმარებლებს და სხვა დარგის წარმომადგენლებს, იმუშაონ სივრცით მონაცემებზე გლობალურად, სპეციფიკური GIS უნარების გარეშე.FaqtorFaqtor – იყიდე ახლა, გადაიხადე მერე – გადაწყვეტა ბიზნესისთვის. პლატფორმა კომპანიებს სთავაზობს სესხს იმ მომენტში, როდესაც ყველაზე მეტად სჭირდებათ. დამტკიცების პროცესის დასაჩქარებლად, Faqtor იყენებს AI-ზე დაფუძნებულ სისტემას, რომელიც სესხის დამუშავების დროს კვირებიდან რამდენიმე დღემდე ამცირებს.AlaqanAlaqan-ის მეშვეობით შესაძლებელია ავტორიზაციის გავლა და გადახდა ხელის გულის გამოყენებით.ინფორმაციისთვის, 500 Global არის გლობალური ვენჩურული საინვესტიციო კომპანია, რომელიც, 2.4 მილიარდიან აქტივებს მართავს. იგი ინვესტიციას ახორციელებს სტარტაპებში, რომლებიც ქმნიან სწრაფად მზარდ ტექნოლოგიურ კომპანიებს. 500 Global მჭიდროდ თანამშრომლობს ეკოსისტემის მთავარ მონაწილეებთან და კონსულტაციას უწევს მთავრობებს, შექმნან ისეთი სამეწარმეო ეკოსისტემა, რომელშიც სტარტაპებს ექნებათ სწრაფი განვითარების შესაძლებლობა. დღემდე 500 Global-მა მხარი დაუჭირა 5000-ზე მეტ დამფუძნებელს და 2 900-ზე მეტ კომპანიას, 80+ ქვეყნიდან. მისი პორტფოლიო მოიცავს 35-ზე მეტ კომპანიას, რომელთა ღირებულება 1 მილიარდ დოლარზე მეტია და 160+ კომპანიას, რომელთა ღირებულება 100 მილიონ დოლარს აღემატება (მათ შორის არის კერძო, საჯარო და “exited” კომპანიები). 500 Global-ის გუნდი 25 ქვეყნიდან, 150+ წევრს აერთიანებს, რომლებსაც წამყვან ტექნოლოგიურ კომპანიებში მუშაობის გამოცდილება აქვთ.

1750144356

პორტფელში დღემდე მხოლოდ 4,821 მოქალაქეა.უშუალოდ მაისის თვის წმინდა ნომინალური ამონაგები 2.42% იყო, ინფლაციასთან მიმართებით დაკორექტირებული რეალური ამონაგები კი 1.98%.მაისში საქართველოში მთლიანი პორტფელის 48% რჩება, ნაცვლად აპრილის 48.6%-ისა, როცა პორტფელის ზომა ₾39.1 მლნ იყო. ადგილობრივი პორტფელის ყველაზე დიდი წილი სადეპოზიტო სერტიფიკატებსა და ვადიან ანაბრებზე მოდის - 40.2% (აპრილი - 39.5%).გლობალურ აქციებში ფონდს მაისში რისკიანი პორტფელის 47.9% აქვს დაბანდებული (-0.1პ.პ m.m), ხოლო სახაზინო ობლიგაციებში კი 4.2% აქვს დაყოვნებული (+0.8პ.პ m.m). კანონის შესაბამისად, უცხოურ ვალუტაში დენომინირებულ აქტივებში და წილობრივ ფასიან ქაღალდებში დაშვებულია ფონდის მაღალრისკიანი აქტივების მინიმუმ 40% და მაქსიმუმ 60%-ის ინვესტირება.

1750142597