LFG-მ კაპიტალი დამატებით 36 000 აქციით შეამცირა

თიბისი კაპიტალი აქციების პირველადი განთავსების (IPO) პროცესში აქტიურად იყო ჩართული და საერთაშორისო ინვესტორებს საშუალება მისცა, უზბეკეთის წამყვან სახელმწიფო კომპანიებში  განეხორციელებინათ ინვესტიცია.თიბისი კაპიტალი რამდენიმე წელია აქტიურად საქმიანობს უზბეკეთში. საინვესტიციო ბანკი ტაშკენტის საფონდო ბირჟის პირველი საერთაშორისო წევრია, მონაწილეობს კაპიტალის ბაზრის განვითარებაში და საერთაშორისო ინვესტორებს აზიის ერთ-ერთ ყველაზე სწრაფად მზარდ ეკონომიკაში ინვესტირებას სთავაზობს.„უზბეკეთის ეროვნული საინვესტიციო ფონდის IPO მნიშვნელოვანი ტრანზაქციაა რეგიონის კაპიტალის ბაზრებისთვის. მოხარული ვართ, რომ ამ პროცესში საწყისი ეტაპიდანვე ვიყავით ჩართული და ჩვენი წვლილი შევიტანეთ. თიბისი კაპიტალი რამდენიმე წელია მუშაობს უზბეკეთში და უკვე 10-მდე განთავსებაში მივიღეთ მონაწილეობა, 3 ტრანზაქციაში კი ემიტენტის მრჩევლის ფუნქცია შევითავსეთ. თიბისი კაპიტალი ერთადერთი ქართული საინვესტიციო ბანკია, რომელიც ინვესტორებს უზბეკურ კაპიტალის ბაზარზე სრულყოფილ წვდომას სთავაზობს. რაც კიდევ ერთხელ ხაზს უსვამს თიბისი კაპიტალის, როგორც საერთაშორისო საინვესტიციო ბანკის, პოზიციებს რეგიონში”, - ოთარ შარიქაძე, თიბისი კაპიტალის დირექტორი. (R)

1780650610

7 ივნისს, 11 საათზე საქართველოში ყველაზე მასშტაბური სასკოლო, გუნდური შეჯიბრების – STEM ოლიმპიადის ფინალური ტური იმართება.ფინალურ ტურში მონაწილეობას საუკეთესო შედეგის მქონე 10 სკოლის 50 მოსწავლე მიიღებს. ოლიმპიადის ფარგლებში, ახალგაზრდები გუნდურად იმუშავებენ STEM დავალებებისა და პრაქტიკული ამოცანების შესრულებაზე.ღონისძიების ფარგლებში, მოხდება მონაწილეების მიერ შექმნილი პროექტების გამოფენა. ჟიურის შეფასებების საფუძველზე კი გამოვლინდება გამარჯვებული სკოლა.გამარჯვებულ გუნდს საქართველოს ბანკისგან გადაეცემა ფულადი ჯილდო 10 000 ლარის ოდენობით. ოლიმპიადის ფარგლებში ასევე დაჯილდოვდებიან მეორე და მესამე ადგილის მფლობელი გუნდები, გამოვლინდებიან ფიზიკა-მათემატიკური სკოლების გუნდებს შორის გამარჯვებულებიც.პროექტის მხარდამჭერია ალტე უნივერსიტეტი, რომელიც ოლიმპიადას ფიზიკური ტურისთვის სივრცით უზრუნველყოფს.შეგახსენებთ, რომ STEM ოლიმპიადა სამ ეტაპად ტარდება. პირველ ეტაპზე  ონლაინ შესარჩევი ტური იმართება, რომლის ფარგლებშიც მონაწილეები წერენ ტესტს, საუკეთესო შედეგის მქონე გუნდები (მონაწილე გუნდების 50%) კი პირველ ტურში გადადიან.პირველი ტური დასწრებულად ტარდება, რომელშიც ონლაინ შესარჩევი ტურის შედეგების მიხედვით შერჩეული გუნდები მონაწილეობენ. თითოეული გუნდი დაკომპლექტებულია 5 მოსწავლისგან, რომელთაგან სამი მოსწავლე წერს მათემატიკის, ორი კი ფიზიკის საოლიმპიადო ამოცანებს. ჯამურ შედეგებზე დაყრდნობით, ხდება 10 საუკეთესო შედეგის მქონე სკოლის გუნდის გამოვლენა და ისინი მონაწილეობას ფინალში იღებენ.ფინალურ ეტაპზე მოსწავლეები ერთმანეთს გუნდურად, პრაქტიკული დავალებების შესრულებაში ეჯიბრებიან და STEM პროექტზე მუშაობენ.ამასთან, ფინალურ ტურამდე მონაწილე გუნდებს 40 საათიანი ციფრული ინჟინერიისა და პროგრამირების კურსი უტარდებათ, რომელსაც კომაროვის სკოლის STEM მიმართულების პროფესიონალთა გუნდი უძღვება.აღსანიშნავია, რომ წელს STEM ოლიმპიადის ონლაინ შესარჩევ ტურში მონაწილეობა 160 სკოლის 800-ზე მეტმა მოსწავლემ მიიღო. მათგან საუკეთესო შედეგის მქონე 63 გუნდი პირველ ტურში გადავიდა. STEM ოლიმპიადის ნახევარფინალის ფარგლებში კი 10 ფინალისტი გუნდი გამოვლინდა.ოლიმპიადის შესახებ დეტალური ინფორმაციის მისაღებად ეწვიეთ ბმულს. (R)

1780649417

სების ცნობით, ინვესტორებთან შეხვედრისას ნათია თურნავამ საქართველოს ეკონომიკაში მიმდინარე ტენდენციებზე, მაკროეკონომიკურ სტაბილურობაზე, ინფლაციის დინამიკასა და ეროვნული ბანკის პოლიტიკის პრიორიტეტულ მიმართულებებზე ისაუბრა. ყურადღება გამახვილდა ქვეყნის ეკონომიკურ მდგრადობაზე, ფინანსური სექტორის სიძლიერეზე, საერთაშორისო რეზერვების ზრდასა და იმ ფაქტორებზე, რომლებიც საქართველოს ეკონომიკის სტაბილურ განვითარებას უწყობს ხელს.მხარეებმა ასევე განიხილეს საქართველოს ეკონომიკის განვითარების პერსპექტივები, რეგიონში არსებული გამოწვევები და ქვეყნის ფინანსური სექტორის მიმართ საერთაშორისო ინვესტორებისა და პარტნიორების ინტერესი.აღინიშნა, რომ გლობალური გამოწვევებისა და გაზრდილი გაურკვევლობის პირობებში საქართველოს ეკონომიკა და ფინანსური სექტორი სტაბილურობას ინარჩუნებს, ხოლო ეროვნული ბანკი განაგრძობს ისეთი პოლიტიკის განხორციელებას, რომელიც ფინანსური სექტორის მდგრადობის უზრუნველყოფას ემსახურება.„საქართველოს ეკონომიკა ძლიერი მაკროეკონომიკური ფუნდამენტებით გამოირჩევა, ხოლო ფინანსური სექტორი მდგრადობასა და სიჯანსაღეს ინარჩუნებს. ეროვნული ბანკის მთავარი ამოცანა ფასების სტაბილურობის უზრუნველყოფაა და ამ მიზნის მისაღწევად ვაგრძელებთ თანმიმდევრული და წინდახედული პოლიტიკის გატარებას. ეს ქვეყნის გრძელვადიანი ეკონომიკური განვითარების, ფინანსური სტაბილურობისა და ინვესტორთა ნდობის მნიშვნელოვანი საფუძველია“, - განაცხადა ნათია თურნავამ.ლონდონში სამუშაო ვიზიტის ფარგლებში სებ-ის პრეზიდენტი სარეიტინგო სააგენტოების - Moody’s-ისა და S&P-ის წარმომადგენლებს შეხვდა, სადაც ქვეყნის საკრედიტო რეიტინგებთან დაკავშირებული საკითხები განიხილეს.

1780648586

საქართველოს დელეგაციის წევრებმა ინსტიტუციურ ინვესტორებსა და საინვესტიციო ბანკების წარმომადგენლებს გააცნეს ქვეყნის მაკროეკონომიკური და ფისკალური პოლიტიკის მიმდინარე პარამეტრები და მიმოიხილეს მიმდინარე წელს ევრობონდების რეფინანსირებისა და ახლახან სინდიკაციის მეთოდით გამოშვებული საშინაო სახაზინო ფასიანი ქაღალდებისადმი გამოხატული მაღალი ინტერესი და გამოშვების შედეგები.შეხვედრებზე, ასევე, განხილულ იქნა საერთაშორისო კაპიტალის ბაზრებზე სამომავლო გამოშვებების შესაძლებლობები, ბოლო პერიოდში არარეზიდენტი ინვესტორების მხრიდან მნიშვნელოვნად გაზრდილი ინტერესის გათვალისწინებით.შეხვედრებს დაესწრო საქართველოს ფინანსთა მინისტრის მოადგილე ეკატერინე გუნცაძე.ლონდონში მიმდინარე სამუშაო ვიზიტის ფარგლებში, დელეგაციამ, ასევე, შეხვედრები გამართა საერთაშორისო საკრედიტო სარეიტინგო სააგენტოების S&P და Moody's წარმომადგენლებთან, სადაც განხილულ იქნა საქართველოს მაკროეკონომიკური და ფისკალური პოლიტიკის მიმდინარე პარამეტრები და განახლებული საპროგნოზო მაჩვენებლები, ეკონომიკური განვითარების ტენდენციები და ქვეყნის საკრედიტო რეიტინგებთან დაკავშირებული საკითხები.(R)

1780645688

2024 წლის დასაწყისში უზბეკეთის პერსპექტიული პროექტების ეროვნული სააგენტოს (NAPP) გადაწყვეტილებით, საქართველოს ბანკი რეგულატორული სენდბოქსის მონაწილე გახდა და უცხოური ნომინალური მფლობელის (Foreign Nominee Holder) სტატუსი მიიღო. აღნიშნული ბანკს შესაძლებლობას აძლევს, დამატებითი ლიცენზიის გარეშე გახსნას და მართოს ფასიანი ქაღალდების ანგარიშები. ასევე, ოპერაციები აწარმოოს როგორც ადგილობრივ, ისე უცხოურ ვალუტაში. ეს კი საერთაშორისო ინვესტორებისთვის უზბეკეთის კაპიტალის ბაზარზე წვდომას მნიშვნელოვნად ამარტივებს.ბანკის საქმიანობის გაფართოებამ უზბეკეთის ფინანსური სექტორის ერთ-ერთ ყველაზე მნიშვნელოვან მოვლენას - უზბეკეთის ეროვნული საინვესტიციო ფონდის (UzNIF) პირველ საჯარო შეთავაზებას (IPO) შეუწყო ხელი. 2026 წლის მაისში ფონდმა ლონდონისა და ტაშკენტის საფონდო ბირჟებზე ისტორიული, ორმაგი ლისტინგი განახორციელა.შეთავაზებამ საერთაშორისო ინვესტორების მხრიდან მაღალი ინტერესი გამოიწვია. ჯამურად, მოზიდულმა მოთხოვნამ $2.8 მლრდ-ს გადააჭარბა. ტრანზაქციის მოცულობამ კი $603.6 მლნ შეადგინა.ამ მნიშვნელოვანი ტრანზაქციის ანგარიშსწორების ინფრასტრუქტურაში საქართველოს ბანკმა, ქასთოდიანის როლში კრიტიკული როლი შეასრულა. ბანკი უზრუნველყოფდა უზბეკეთში არსებული აქციების შენახვას BNY-ის (The Bank of New York Mellon Corporation) სახელით, რომელიც, თავის მხრივ, გლობალური დეპოზიტარული ხელწერილების (GDR) პროგრამისთვის დეპოზიტარის ფუნქციას ასრულებდა.უზბეკეთის კაპიტალის ბაზრის საერთაშორისო ფინანსურ სისტემაში ინტეგრაციის პროცესში UzNIF-ის წარმატებული ორმაგი ლისტინგი მნიშვნელოვანი ნაბიჯია. აღნიშნული ტრანზაქცია კიდევ ერთხელ უსვამს ხაზს საქართველოს ბანკის შესაძლებლობას, საერთაშორისო ინვესტორებსა და განვითარებად ბაზრებს შორის ეფექტიანი ფინანსური ხიდის ფუნქცია შეასრულოს. უზბეკური სამთავრობო ფასიანი ქაღალდების ბაზარზე ოპერირების პარალელურად, საქართველოს ბანკი უზბეკეთის კორპორაციული ფასიანი ქაღალდების ბაზარზე ქასთოდიანურ მომსახურებასაც აფართოებს. ეს მოიცავს როგორც აქციების, ისე კორპორაციული ობლიგაციების მომსახურებას, რაც საერთაშორისო ქასთოდიანებს, დეპოზიტარებსა და უცხოელ ინვესტორებს ხელს შეუწყობს, უზბეკეთის მზარდი კაპიტალის ბაზრის შესაძლებლობებით უფრო მარტივად ისარგებლონ.აღნიშნულ ისტორიულ ტრანზაქციაში მონაწილეობა და BNY-სთვის ქასთოდიანის როლის შესრულება, საქართველოს ბანკის მნიშვნელოვანი პოზიციის დასტურია. ეს ბანკს საშუალებას აძლევს, უზრუნველყოს ისეთი მნიშვნელოვანი ფინანსური მომსახურება, რომელიც უზბეკეთის კაპიტალის ბაზარს გლობალურ საინვესტიციო საზოგადოებასთან დააკავშირებს. 

1780645400

მათ შორის: საცხოვრებელი სეგმენტის ინდექსი წინა თვესთან შედარებით გაიზარდა 0.5%-ით, ხოლო წინა წლის შესაბამის თვესთან შედარებით 1.1%-ით არასაცხოვრებელი სეგმენტის ინდექსი წინა თვესთან შედარებით გაიზარდა 0.05%-ით, ხოლო წინა წლის შესაბამის თვესთან შედარებით 5.9%-ით სამოქალაქო სეგმენტის ინდექსი წინა თვესთან შედარებით გაიზარდა 2.2%-ით, ხოლო გასული წლის შესაბამის თვესთან შედარებით 5.7%-ით 2026 წლის აპრილში მშენებლობის ღირებულების ინდექსი წინა თვესთან შედარებით 1.1%-ით გაიზარდა. აღნიშნული ცვლილება, ძირითადად, განპირობებული იყო ტრანსპორტირების, საწვავისა და ელქტროენერგიის ხარჯების კატეგორიის 6.4%-იანი ზრდით, რამაც 0.78 პ.პ. შეიტანა ჯამური ინდექსის ცვლილებაში.საქსტატის მონაცემებით, წინა წლის შესაბამის თვესთან შედარებით მშენებლობის ღირებულების ინდექსი გაიზარდა 3.8%-ით. ინდექსის ზრდა, უმეტესწილად, გამოწვეული იყო მშენებლობის დარგში ტრანსპორტირების, საწვავისა და ელქტროენერგიის ხარჯების კატეგორიის 12.7%-იანი მატებით და დაქირავებით დასაქმებულთა საშუალო თვიური ნომინალური ხელფასის 2.2%-იანი ზრდით, რამაც შესაბამისად 1.61 და 1.5 პ.პ. შეიტანა ჯამური ინდექსის ცვლილებაში. ამასთან, 2022 წლის თებერვალთან შედარებით მშენებლობის ღირებულების ინდექსი გაიზარდა 27.4%-ით.

1780644823

2013 წელს ხორვატიის გაწევრიანების შემდეგ, ევროკავშირს ახალი წევრი არ მიუღია. თუმცა, მიმდინარე გეოპოლიტიკური და ეკონომიკური გაურკვევლობის ფონზე, კანდიდატი ქვეყნები ბრიუსელზე ზეწოლას აძლიერებენ. ოფიციალური პირები შიშობენ, რომ გაწევრიანების პროცესის გაჭიანურებით შესაძლოა მტრულმა სახელმწიფოებმა ისარგებლონ და რეგიონში გავლენა მოიპოვონ.ევროპული საბჭოს პრეზიდენტმა ანტონიუ კოშტამ POLITICO-სთან საუბარში დაადასტურა, რომ გაფართოების მიმართულებით აშკარა იმპულსია. მისი თქმით, მონტენეგრო უკვე მუშაობს ევროკავშირის ხელშეკრულების პროექტზე, ალბანეთი წინ მიიწევს, ხოლო მოლდოვამ და უკრაინამ მოლაპარაკებების პირველი რაუნდი გახსნეს.მონტენეგრო, რომლის მოსახლეობა 600 000-ს ოდნავ აღემატება, იმედოვნებს, რომ ბლოკის 28-ე წევრი 2028 წლისთვის გახდეს. ქვეყანამ გაწევრიანებაზე განაცხადი ჯერ კიდევ 2008 წელს შეიტანა. იგი უკვე არის NATO-ს წევრი და ცალმხრივად იყენებს ევროს.გასულ თვეში ქვეყანამ მნიშვნელოვან წარმატებას მიაღწია და გაწევრიანების ხელშეკრულების ოფიციალური პროექტის მომზადება დაიწყო. თუმცა, მონტენეგროს პირობები პრეცედენტული იქნება სხვა კანდიდატებისთვის, მათ შორის უკრაინისა და მოლდოვასთვის.უნგრეთთან არსებული კრიზისების გამეორების თავიდან ასაცილებლად, ბრიუსელი მონტენეგროს ხელშეკრულებაში სპეციალურ სამართლებრივ „დამცავ ბარიერებს“ (guardrails) ნერგავს. ეს მექანიზმები ითვალისწინებს ფინანსური მხარდაჭერის შეჩერებას ან ხმის უფლების შეზღუდვას დემოკრატიული უკან დახევის შემთხვევაში. დოკუმენტის პირობების დაახლოებით მესამედი სრულიად ახალია.მონტენეგროს პრემიერ-მინისტრმა, მილოიკო სპაიჩმა POLITICO-სთან განაცხადა, რომ ქვეყანა არ გაურბის დამცავ მექანიზმებს, თუ ისინი წესებზე იქნება დაფუძნებული და მხოლოდ ვალდებულებების შეუსრულებლობისას ამოქმედდება.მიუხედავად გეოპოლიტიკური საჭიროებისა, საფრანგეთი, გერმანია და ნიდერლანდები მკაცრი რეფორმების მომხრედ რჩებიან, რათა მომავალში შიდა პრობლემები აიცილონ თავიდან.ამის გამო, ევროკავშირი კანდიდატებს შუალედურ ბენეფიტებს სთავაზობს. ევროკომისიის პრეზიდენტი ურსულა ფონ დერ ლაიენი პარასკევს დასავლეთ ბალკანეთისთვის უფასო როუმინგის ამოქმედებას გამოაცხადებს. გარდა ამისა, საფრანგეთმა და გერმანიამ შეიმუშავეს ინიციატივა, რომელიც შორს მიმავალი პერსპექტივის მქონე ქვეყნებს ერთიან ბაზარზე წვდომასა და შეხვედრებზე დამკვირვებლის სტატუსით დასწრებას სთავაზობს.მნიშვნელოვანი წინსვლაა უკრაინისა და მოლდოვას მიმართულებითაც. 15 ივნისს მათთან მოლაპარაკებების ოფიციალური „კლასტერები“ გაიხსნება, მას შემდეგ, რაც უნგრეთის ახალმა პრემიერ-მინისტრმა, პეტერ მადიარმა, კიევთან შეთანხმების საფუძველზე ვეტო მოხსნა.გაფართოების რეფორმირების საკითხს გერმანიის კანცლერი ფრიდრიხ მერცი 18 ივნისს, ბრიუსელში გამართულ ევროკავშირის სამიტზეც ოფიციალურად წამოჭრის.

1780643526

სებ-ის "თვის მიმოხილვით" აპრილის ბოლოს იურიდიული პირების დეპოზიტების დოლარიზაცია 0.3 %პ-ით გაიზარდა 37.4% -მდე. საცალო პორტფელის დოლარიზაციის კოეფიციენტი 60.3%-ია, საანგარიშო თვეში 0.3%პ-ით შემცირდა.აპრილში მთლიანი დეპოზიტების საშ. შეწონილი % (მთავრობის დეპოზიტების გარეშე**) 5.6% -ია (- 0.1%პ m.m).ლარის დეპოზიტებზე განაკვეთი 0.1 %პ-ით, 7.1%-მდე, შემცირდა. უცხოური ვალუტით დენომინირებულ დეპოზიტებზე კი თითქმის არ შეცვლილა (1.7%). ევროს ვადიან დეპოზიტზე დაიკლო 0.3 %პ-ით, 1.2%-მდე.ყველაზე მაღალი სარგებელი მთავრობის დეპოზიტებს ერიცხება, ცენტრალურის 9.3%, ადგილობრივი მთავრობის დეპოზიტებს 10.2%-მდე. სახელმწიფო საწარმოებს 8.4%, ინდმეწარმეებს - 5%.

1780586381