„მტკიცედ ვეწინააღმდეგებით ცენზურას“ - აშშ-ის საელჩოს გამოხმაურება ვახო სანაიას დაკავებაზე

დღეიდან, თიბისის მომხმარებელ მეწარმეებს შესაძლებლობა აქვთ, საკუთარ ობიექტებში, QR კოდით გადახდის ფუნქციონალი დანერგონ. პროდუქციის ან მომსახურების შეძენისას კი, მომხმარებლები მეწარმის ანგარიშზე  თანხის ჩარიცხვას, მომენტალურად, როგორც თიბისის, ისე - სამი სხვა ბანკის მობაილბანკით შეძლებენ. ახალი ფუნქციონალით სარგებლობა სრულიად უფასოა, როგორც მეწარმეებისთვის, ისე - მათი პროდუქციის/სერვისის მომხმარებლებისთვის და მათ არანაირი საკომისიო გადასახადის გადახდა არ მოუწევთ, რომელი ბანკის მობაილბანკიდანაც არ უნდა გადარიცხონ თანხა მეწარმის ანგარიშზე.თანხის QR კოდით გადახდის პროცესი ძალიან მარტივია და ამისათვის, პროდუქტის ან მომსახურების შეძენისას, მობაილბანკში, პირადი ან საბანკო ანგარიშის მითითება საჭირო აღარ არის. მეწარმე თიბისის ბიზნეს მობაილბანკიდან აგენერირებს QR კოდს, ბეჭდავს მას და განათავსებს საკუთარ ობიექტში. მომხმარებელი კი, მობილური ტელეფონის კამერით, ობიექტში განთავსებული QR კოდს ასკანერებს და მისთვის სასურველი ბანკიდან მომენტალურად რიცხავს თანხას მეწარმის ანგარიშზე. ახალი ფუნქციონალი მნიშვნელოვნად დაზოგავს როგორც მომხმარებლის, ისე -  მეწარმის დროს და გადახდების პროცესს კიდევ უფრო მარტივს და კომფორტულს გახდის.„თიბისიში, მომხმარებლების უკუკავშირს ძალიან დიდ ყურადღებას ვუთმობთ. მათი საჭიროებებიდან გამომდინარე კი, ვნერგავთ იმ ინოვაციურ გადაწყვეტებს, რომლებიც მათ ყოველდღიურობას უმარტივებს. სწორედ ამ მიზანს ემსახურება მცირე მეწარმეებისთვის QR კოდით თანხის ჩარიცხვის ფუნქციონალის დანერგვაც. დარწმუნებული ვარ, ახალი შესაძლებლობა მნიშვნელოვნად გააუმჯობესებს გადახდის გამოცდილებას, როგორც ფიზიკური პირებისთვის, ისე - მეწარმეებისთვის და მათ ყოველდღიური ფინანსური ოპერაციების შესრულებას კიდევ უფრო გაუმარტივებს", - ანა კახურიშვილი, თიბისის ალტერნატიული გადახდების გუნდის ლიდერი.QR კოდით გადახდის ახალი ფუნქციონალის შესახებ დეტალური ინფორმაციისთვის, ეწვიეთ ბმულს: QR გადარიცხვები ბიზნესისთვის | თიბისი ბანკი(R)

1785221964

გამოცემის ინფორმაციით, ზელენსკის საკითხების სიაში, რომელთა განხილვასაც ტრამპთან გეგმავს, პრიორიტეტები შემდეგნაირად არის გადანაწილებული: სანქციები, დრონების შეთანხმება, Patriot-ის სისტემები და სამშვიდობო მოლაპარაკებები.უკრაინის ერთ-ერთი მთავარი პრიორიტეტი აშშ-ის კონგრესში იმ საკანონმდებლო ინიციატივის გატანაა, რომელსაც ახლა ოფიციალურად „ლინდსი ო. გრემის სანქციების აქტი რუსეთის წინააღმდეგ“ ჰქვია. კანონპროექტი ითვალისწინებს ახალი სანქციების დაწესებას მოსკოვსა და მის მხარდამჭერებზე, მათ შორის, შესაძლოა, ტარიფების დაწესებას რუსული ენერგომატარებლების უმსხვილეს მყიდველებზე. სენატში პირველი პროცედურული კენჭისყრა კვირის განმავლობაში იგეგმება.POLITICO აღნიშნავს, რომ უკრაინის ბოლო დროინდელმა წარმატებებმა - განსაკუთრებით რუსეთის სიღრმეში განხორციელებულმა წარმატებულმა იერიშებმა, ვაშინგტონის პოლიტიკურ წრეებში ტონი შეცვალა.აშშ-ის ყოფილი სპეციალური წარმომადგენლის, კურტ ვოლკერის თქმით, ტრამპი ხედავს, რომ უკრაინა ინიციატივას ფლობს. NATO-ს ანკარის სამიტზე ტრამპის მიერ გაკეთებული განცხადება, რომ მას „კარგი ურთიერთობა“ აქვს ზელენსკისთან და მხარს უჭერს უკრაინაში Patriot-ის რაკეტების წარმოებას, ვოლკერის შეფასებით, MAGA-ს სამყაროსთვის მწვანე შუქის ანთებაა.მიუხედავად იმისა, რომ ცნობილმა მემარჯვენე აქტივისტმა ლორა ლუმერმა უკრაინაში ვიზიტისა და ზელენსკისთან შეხვედრის შემდეგ კიევისადმი მხარდაჭერა ღიად გამოხატა, კაპიტოლიუმის ბორცვზე განწყობები კვლავ ორად არის გაყოფილი.რესპუბლიკელი კანონმდებლების ნაწილი კვლავ ეწინააღმდეგება უკრაინისთვის სამხედრო და ეკონომიკური დახმარების გაგრძელებას, თუმცა ზელენსკი ცდილობს არგუმენტად გამოიყენოს მტკიცებულებები იმის შესახებ, რომ რუსეთი ირანს უჭერს მხარს, თემა, რომელიც ტრამპის ამომრჩევლისთვის განსაკუთრებით სენსიტიურია.

1785216720

როგორც „საქართველოს რკინიგზის“ გენერალურმა დირექტორმა, ლაშა აბაშიძემ საზოგადოებრივი მაუწყებლის გადაცემა „ბიზნესპარტნიორში“ განაცხადა, აღნიშნული შესყიდვა დამოუკიდებელი საქართველოს ისტორიაში უპრეცედენტო მასშტაბისაა.„ეს არის ისტორიული ტენდერი, დამოუკიდებელი საქართველოს ისტორიაში რკინიგზას ამ მასშტაბის ტენდერი არ ჰქონია. ტენდერი მსოფლიო ბანკისა და აზიის განვითარების ბანკის მხარდაჭერით გამოცხადდა. ვგეგმავთ სალოკომოტივო პარკის სრულად განახლებას. ეს პროექტი მოგვცემს საშუალებას, რომ მნიშვნელოვნად გავაუმჯობესოთ სატვირთო გადაზიდვები, გავხდეთ გაცილებით ეფექტიანები და გვქონდეს გაცილებით სწრაფი რკინიგზა“, - აღნიშნა ლაშა აბაშიძემ.მისივე განმარტებით, საერთაშორისო ტენდერში მონაწილეთა შეფასების ძირითადი კრიტერიუმები ფასი, ხარისხი და გამოცდილება იქნება. აბაშიძის თქმით, პროექტის მაღალი სტანდარტიდან გამომდინარე, ტენდერში გამარჯვების შესაძლებლობა მსოფლიოს საუკეთესო მწარმოებლებს ექნებათ.

1785160545

სების განცხადებით, სს „თელასი“ წარმოადგენს კრიტიკული მნიშვნელობის მქონე მომსახურების მიმწოდებელ კომპანიას, რომლის შეუფერხებელი ფუნქციონირება სასიცოცხლოდ აუცილებელია მოსახლეობისა და ქვეყნის ეკონომიკისთვის.„საერთაშორისო სანქციების მოთხოვნების გათვალისწინებით, საქართველოს ეროვნული ბანკი, მისი კომპეტენციის ფარგლებში, უზრუნველყოფს შესაბამისი მიდგომების გამოყენებას, რათა, ერთი მხრივ, დაცული იყოს სანქციების მოთხოვნები, ხოლო, მეორე მხრივ, გათვალისწინებული იქნეს კრიტიკული მნიშვნელობის მქონე მომსახურებების უწყვეტობა“, - აღნიშნულია მარეგულირებლის განცხადებაში.ეროვნულ ბანკში განმარტავენ, რომ სანქციებთან დაკავშირებული საკითხების შეფასებისას მხედველობაში მიიღება კონკრეტული გარემოებები, მათ შორის განსახორციელებელი ოპერაციების ხასიათი და მიზნობრიობა.შესაბამისად, მოქმედი სანქციების მოთხოვნების, სების რეგულაციების, ბანკების შიდა პოლიტიკისა და რისკის შეფასების მიდგომების გათვალისწინებით, ქართული კომერციული ბანკები სს „თელასის“ მომსახურებას ეროვნულ ვალუტაში გააგრძელებენ.

1785160241

გათამაშებაში მონაწილეობისთვის საჭიროა, მომხმარებელმა მიღებული გზავნილი მობილბანკით ან ინტერნეტბანკით გაანაღდოს. თითოეულ განაღდებულ 150 ლარზე მომხმარებელი გათამაშების ერთ ბილეთს მიიღებს.გათამაშებაში ჩართვა ემიგრანტებსაც შეუძლიათ. ამისთვის საჭიროა, გზავნილი საკუთარ თავს გაუგზავნონ გზავნილების პუნქტიდან, ხოლო თანხა შემდეგ მობილბანკის ან ინტერნეტბანკის საშუალებით გაანაღდონ.აღსანიშნავია, რომ უკვე გამოვლინდნენ გათამაშების პირველი გამარჯვებულები.როგორ ჩაერთო გათამაშებაში? გამოიყენე საქართველოს ბანკის მობილბანკი ან ინტერნეტბანკი გზავნილის მისაღებად; ყოველ განაღდებულ 150 ლარზე მიიღე გათამაშების ერთი ბილეთი; დააგროვე მეტი ბილეთი და მიიღე შანსი, მოიგო 1 000 ლარი ყოველდღე ან 10 000 ლარი სუპერ პრიზი. გათამაშებაში მონაწილეობა შეუძლია საქართველოს ბანკის ყველა სრულწლოვან მომხმარებელს, რომელიც საქართველოს მოქალაქეა, საქართველოს ბანკის თანამშრომლების გარდა.გათამაშებაში მონაწილე ქვეყნების ჩამონათვალი და კამპანიის სრული პირობები იხილეთ ბმულზე.(R)

1785159516

Lion Finance Group-ის (BGEO LN) აქციები დაიხურა 117.00 ბრიტანულ ფუნტ სტერლინგში (GBP), +3.17% წინა კვირასთან შედარებით და +4.09% გასულ თვესთან შედარებით. ვაჭრობის მოცულობამ 171 ათას აქციაზე მეტი შეადგინა, GBP 111.90 - 117.60 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 45 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 47.62 ბრიტანულ ფუნტ სტერლინგში (GBP), +0.55% წინა კვირასთან შედარებით და +5.87% გასულ თვესთან შედარებით. ვაჭრობის მოცულობამ 295 ათას აქციაზე მეტი შეადგინა, GBP 46.44 - 48.72 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 58 ათასი აქცია შეადგინა.Georgia Capital-ის (CGEO LN) აქციები დაიხურა 41.70 ბრიტანულ ფუნტ სტერლინგში (GBP), +4.12% წინა კვირასთან შედარებით და +6.11% გასულ თვესთან შედარებით. ვაჭრობის მოცულობამ 200 ათას აქციაზე მეტი შეადგინა, GBP 39.40 - 42.05 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 39 ათასი აქცია შეადგინა.

1785158607

საინვესტიციო ბანკის ცნობით, ივნისში თურქეთში ელექტროენერგიის ექსპორტი რაოდენობრივად 7.9-ჯერ, ხოლო ღირებულებით 12-ჯერ შემცირდა. თურქეთის ბაზარზე გენერაციის ზრდა კარგმა ჰიდროლოგიამ და მზის ელექტროსადგურების ინტენსიურმა მშენებლობამ განაპირობა.„ექსპორტმა თურქეთში შეადგინა 24.0 გვტ.სთ და $0.7 მლნ, ხოლო ექსპორტის საშუალო ფასმა კვტ.სთ-ზე 2.8 აშშ ცენტი (-34.4% წ/წ). ერთადერთი ექსპორტიორი იყო ესკო, რომლის მიზანიც ძველი ვალის დაბრუნება იყო“, - აღნიშნულია კვლევაში.Galt & Taggart-ში განმარტავენ, რომ თურქეთში ელექტროენერგიის საშუალო ფასმა ივნისში 2.9 აშშ ცენტი/კვტ.სთ შეადგინა (წლიურად -34.4%, თვიურად +61.1%). ასეთმა დაბალმა ფასმა ექსპორტის ეკონომიკური მიმზიდველობა მნიშვნელოვნად შეამცირა, ვინაიდან ექსპორტიორებს გადაცემის ტარიფისა და გარანტირებული სიმძლავრის საფასურის გადახდაც უწევდათ (ჯამში 1.5 ცენტი). შედეგად, თურქეთმა საქართველოდან ელექტროენერგიის კომერციულ იმპორტზე უარი თქვა.ივლისის დინამიკა და აღდგენილი ექსპორტივითარება ივლისიდან შეიცვალა - თურქეთის ბაზარზე ფასების ზრდის ფონზე (1-20 ივლისის საშუალო მაჩვენებლით: 6 აშშ ცენტი/კვტ.სთ), საქართველოდან ელექტროენერგიის ექსპორტი 6 ივლისს განახლდა.2026 წლის ივლისში ექსპორტიორი კომპანიების ჩამონათვალში არიან: „აჭარ-ენერჯი 2007“ „ენერჯი დეველოპმენტ ჯორჯია“ „სვანეთი ჰიდრო“ „კასლეთი 2“ შპს „აისი“ „ავსტრიან ჯორჯიან დეველოპმენტი“ ესკო

1785157973

ახალი მაღალტექნოლოგიური საწარმო, რომელიც ხარისხის კონტროლის საერთაშორისო სტანდარტებს აკმაყოფილებს, ადგილობრივი წარმოების განვითარებასა და ქვეყნის საექსპორტო პოტენციალის ზრდას შეუწყობს ხელს.პროექტის ჯამური ღირებულება €15 მლნ-ს შეადგენს, საქართველოს ბანკის მიერ განხორციელებული ინვესტიცია კი €10 მლნ-ს.ინფორმაციისთვის, „ჯეოკეპი“ 2014 წელს პროექტ „აწარმოე საქართველოში“ ფარგლებში დაარსდა და დღეს პლასტმასისა და მინის ბოთლებისთვის სხვადასხვა ტიპის ალუმინის საცობებს აწარმოებს. კომპანია ამ ტიპის პროდუქციის ერთადერთი მწარმოებელია ამიერკავკასიის რეგიონში და მომხმარებლებს 8 სახეობის სხვადასხვა მოდიფიკაციის ალუმინის საცობს სთავაზობს.2019 წელს „ჯეოკეპის“ ჯგუფს კომპანია „ჯამპლასტი“ შეუერთდა, რომელიც ასევე ალუმინის საცობების წარმოებაზეა სპეციალიზებული. კომპანიის პროდუქცია უკვე ექსპორტზე გადის როგორც ამიერკავკასიის, ისე შუა აზიის ქვეყნებში, მათ შორის სომხეთში, აზერბაიჯანსა და უზბეკეთში.დღეს კომპანია 20 000 კვადრატულ მეტრ ფართობზე ოპერირებს, 200-ზე მეტ ადამიანს ასაქმებს და წელიწადში 700-800 მილიონ საცობს აწარმოებს. მომდევნო ორი წლის განმავლობაში „ჯეოკეპი“ ახალი საწარმოო ხაზების დამატებასა და წარმოების მოცულობის 1-1.2 მილიარდ საცობამდე გაზრდას გეგმავს, რაც დამატებითი სამუშაო ადგილების შექმნასაც შეუწყობს ხელს.„საქართველოს ბანკი პარტნიორ ბიზნესებთან ერთად ადგილობრივი წარმოების განვითარებასა და ექსპორტის შესაძლებლობების შექმნას აქტიურად უწყობს ხელს. „ჯეოკეპის“ ახალი საწარმო ერთ-ერთი მნიშვნელოვანი პროექტია, რომელიც კიდევ უფრო განავითარებს წარმოების სექტორს საქართველოში და შექმნის ახალ სამუშაო ადგილებს.  გვჯერა, რომ კომპანია წარმატებით განაგრძობს ზრდას და ქართულ წარმოებას კიდევ უფრო კონკურენტუნარიანს გახდის. ჩვენ კი არ ვჩერდებით, ვაგრძელებთ ბიზნესების მხარდაჭერას და მათთვის განვითარების ახალი შესაძლებლობების შექმნას“, - განაცხადა საქართველოს ბანკის კორპორაციული გაყიდვების სექტორის უფროსმა, ნინო გერგედავამ.(R)

1785150438