ფაშინიანს არჩევნებში გამარჯვება ერდოღანმაც მიულოცა

გამოძიებით დადგინდა, რომ ბრალდებულებმა, უკანონო მატერიალური სარგებლის მიღების მიზნით, ერთ-ერთი ბრალდებულის სახელზე რეგისტრირებული ინდ. მეწარმის მეშვეობით, დაამზადეს და გაასაღეს 9 500 ლარის ღირებულების ხე-ტყის მასალის თითქოსდა მიწოდების ამსახველი ყალბი სასაქონლო ზედნადებები და საგადასახადო ანგარიშფაქტურა, რის სანაცვლოდაც მართლსაწინააღმდეგოდ მოითხოვეს და აიღეს 1  500 ლარი.გამოძიება მიმდინარეობს საქართველოს სისხლის სამართლის კოდექსის 210-ე მუხლის მეორე ნაწილით, რაც სასჯელის სახით  თავისუფლების აღკვეთას 4-დან 7 წლამდე ვადით ითვალისწინებს.

1781183481

ღონისძიებას ესწრებოდნენ საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე დავით ნარმანია, კომისიის წევრები, კამპანიის პარტნიორი ორგანიზაციების წარმომადგენლები და კონკურსის გამარჯვებულები.კამპანიის მთავარ მიზანს საზოგადოების ცნობიერების ამაღლება, სასმელი წყლის მიმართ პასუხისმგებლიანი, რაციონალური მოხმარების წახალისება და მომავალი თაობების განათლება წარმოადგენდა. პროექტის ფარგლებში წყლის სრული ციკლი საინტერესო, ინტერაქტიულ და ინოვაციურ საგანმანათლებლო გამოცდილებად გარდაიქმნა.„მოგეხსენებათ, საქართველოში წყლის სექტორში მრავალი გამოწვევაა, რომელთა გადაჭრაც Aqualia-სა და „ჯორჯიან უოთერ ენდ ფაუერის" მთავარი პრიორიტეტია. ჩვენი ყოველდღიური საქმიანობა უკავშირდება ურთულეს ტექნიკურ და ინფრასტრუქტურულ პროცესებს. თუმცა, მხოლოდ ტექნიკური ინფრასტრუქტურის განვითარება და მილიონობით ლარის ინვესტიცია ვერ იქნება სრულყოფილად ეფექტური, თუ პარალელურად არ მოხდა წყლის, როგორც სასიცოცხლოდ აუცილებელი, სტრატეგიული რესურსის მოხმარების კულტურის ტრანსფორმაცია. სწორედ ამიტომ, სისტემურ განვითარებასთან ერთად, ჩვენი უმნიშვნელოვანესი ამოცანაა საზოგადოების ცნობიერების ამაღლება და სასმელი წყლის პასუხისმგებლიანი, რაციონალური მოხმარების წახალისება", - განაცხადა ჯივიპის კომუნიკაციების დირექტორმა, ეკა ბერიძემ.პროექტი ორ ეტაპად განხორციელდა. პირველი ეტაპის ფარგლებში, არასამთავრობო ორგანიზაცია „ეკოხედვასთან" პარტნიორობითა და საქართველოს განათლებისა და მეცნიერების სამინისტროს მხარდაჭერით, კამპანიაში თბილისის 100 საჯარო და კერძო სკოლა, 100 პედაგოგი და 2 500-ზე მეტი მოსწავლე ჩაერთო. პროექტისთვის კრეატიულ სააგენტო "ლივინგსტონთან" ერთად შეიქმნა უნიკალური სამაგიდო თამაში, რომელიც საჩუქრად გადაეცა ასივე სკოლას და კვლავაც დარჩება გრძელვადიან საგანმანათლებლო რესურსად ქვეყანაში. გარდა ამისა, 200-ზე მეტმა მოსწავლემ სპეციალური სასწავლო ტურების ფარგლებში პირადად მოინახულა თბილისის წყალმომარაგების ინფრასტრუქტურული ობიექტები.პროექტის მეორე ეტაპი კამპანიის კიდევ უფრო გაფართოებას დაეთმო. შეიქმნა ინოვაციური ონლაინ თამაში, სადაც მთავარი გმირი - „წყლის წვეთი" მოთამაშეებს იწვევდა საინტერესო მოგზაურობაში წყლის სრული ციკლის გზაზე, მყინვარებიდან ონკანების გავლით კვლავ ბუნებაში დაბრუნებამდე.როგორც კომპანიაში აღნიშნავენ, კამპანიის ციფრულმა შედეგებმა ყოველგვარ მოლოდინს გადააჭარბა და ერთთვიანი საკონკურსო პერიოდის განმავლობაში, საგანმანათლებლო ონლაინ პლატფორმაზე 30 000-ზე მეტი აქტივობა დაფიქსირდა, ხოლო უდიდესი კონკურენციის შედეგად გამოვლენილი 10 გამარჯვებული საზეიმოდ დაჯილდოვდა.პროექტის აქტიური ფაზა 10 ივნისს ოფიციალურად დასრულდა, თუმცა კამპანიის ფარგლებში შექმნილი საგანმანათლებლო ინსტრუმენტები და თამაშები გრძელვადიან, მდგრად რესურსად რჩება საზოგადოებას და მომავალშიც აქტიურად შეუწყობს ხელს წყალმომარაგების შესახებ ცნობიერების ამაღლებას.(R)

1781182177

თუ წარსულში დანაზოგის განთავსების ძირითადი ინსტრუმენტი საბანკო დეპოზიტი იყო, დღეს ინვესტორები სულ უფრო მეტად ინტერესდებიან ისეთი გადაწყვეტილებებით, რომლებიც დივერსიფიკაციას, პროფესიონალურ მართვასა და სხვადასხვა აქტივების კლასებზე წვდომას აერთიანებს. ფინანსური შუამავლები ხედავენ ამ საჭიროებებს და ბაზარზე ჩნდება ახალი ობლიგაიცები, საინვესტიციო პლატფორმები, საპენსიო და საინვესტიციო ფონდები.ამ ტრანსფორმაციის ფონზე ასევე ჩნდებიან ახალი აქტორები, რომლებიც არა მხოლოდ ფინანსურ პროდუქტებს სთავაზობენ ბაზარს, არამედ თავად ქმნიან ინვესტირების ახალ შესაძლებლობებს. მათი როლი სცდება ტრადიციული ფინანსური შუამავლობის ფარგლებს. ისინი აერთიანებენ კაპიტალს, აფასებენ საინვესტიციო შესაძლებლობებს, მართავენ რისკებს და ქმნიან სტრუქტურებს, რომლებიც ინვესტორებს უფრო ფართო ბაზრებზე წვდომის საშუალებას აძლევს. ისინი ქმნიან მექანიზმს, რომლის საშუალებითაც კაპიტალი უფრო ეფექტიანად ნაწილდება ეკონომიკაში, ხოლო ინვესტორები იღებენ წვდომას ისეთ შესაძლებლობებზე, რომელთა დამოუკიდებლად განხორციელებაც ხშირად რთული ან არაეფექტიანია.ეს ცვლილებები გლობალურ ტენდენციებსაც ეხმიანება. განვითარებულ ეკონომიკებში ფინანსური აქტივების მნიშვნელოვანი ნაწილი სწორედ საინვესტიციო ფონდების მეშვეობით იმართება. შესაბამისად, ეკონომიკური განვითარების ბუნებრივი ეტაპია ისეთი ინსტიტუტების გაძლიერება, რომლებიც ინვესტორებს პროფესიონალურ საინვესტიციო შესაძლებლობებზე წვდომას სთავაზობენ.სწორედ ასეთ კონტექსტში ვითარდება BOG Asset Management - კომპანია, რომელიც Lion Finance Group-ის ნაწილია და ერთგვარი გზამკვლევის როლს თამაშობს ახალი შესაძლებლობების ხანაში.რას ნიშნავს აქტივების მართვა პრაქტიკაშიაქტივების მართვის კომპანია ფინანსური ინსტიტუტია, რომელიც ერთგვარი „გამტარის“ როლს ასრულებს ინვესტორსა და გლობალურ ბაზრებს შორის. მისი ერთ-ერთი მთავარი ამოცანა საინვესტიციო ფონდების - ე.წ. კოლექტიური პორტფელების შექმნა, რომლებიც ეხმარება ინვესტორებს მიიღონ როგორც სხვადასხვა აქტივებზე წვდომა ასევე პროფესიონალი გუნდის მხარდაჭერა საინვესტიციო პროცესში.ეკონომიკური ზრდისა და დაგროვილი კაპიტალის ზრდასთან ერთად ინვესტორების მოთხოვნებიც იცვლება - სულ უფრო მეტად იზრდება ინტერესი ისეთი ინსტრუმენტების მიმართ, რომლებიც დანაზოგის არა მხოლოდ შენარჩუნებას, არამედ მის გრძელვადიან ზრდასაც ემსახურება. საწყის ეტაპზე საქართველოში მხოლოდ დეპოზიტების საშუალებით შეიძლებოდა დანაზოგის დაგროვება და შემდეგ ინვესტიციის განხორციელება. დღეს უკვე შეგვიძლია ვისარგებლოთ მზარდი ობლიგაციების განთავსებით, სხვადასხვა ტიპის საინვესტიციო პლატფორმებით და კოლექტიური ინვესტიციის შესაძლებლობებით.საინვესტიციო ფონდი ერთერთი მექანიზმია, რომელიც მრავალი ინვესტორის კაპიტალს ერთიან პორტფელში აერთიანებს. ეს რესურსი კი სხვადასხვა აქტივში - აქციებში, ობლიგაციებსა თუ სხვა ფინანსურ ინსტრუმენტებში ინვესტირდება, ფონდის თითოეულ მონაწილეს კი შესაძლებლობას აძლევს, ფლობდეს ამ მრავალფეროვანი პორტფელის წილს.პროცესს სათავეში აქტივების მართვის კომპანია უდგას: სწორედ ის განსაზღვრავს კაპიტალის მართვის სტრატეგიას და პროფესიონალ გუნდთან ერთად არჩევს ინვესტიციებს. აქტივების კლასების და შესაბამისი რისკის დონეების შერჩევით, შესაძლებელი ხდება სხვადასხვა ტიპის საინვესტიციო მიზნების გაერთიანება ერთ საინვესტიციო ფონდში.პროდუქტები კაპიტალის ბაზრის ახალი სტანდარტებისთვისBOG Asset Management-ის სტრატეგიის ცენტრშიც სწორედ კოლექტიური საინვესტიციო ფონდებია.კომპანია უკვე ფლობს და ავითარებს როგორც კვალიფიციური ინვესტორების ფონდს ასევე კერძო საპენსიო ფონდს. თითოეული ფონდი კონკრეტულ საინვესტიციო მიზანს, რისკ-პროფილსა და შემოსავლის მოლოდინს ემსახურება, რაც ინვესტორებს საკუთარი საჭიროებების შესაბამისი გადაწყვეტის არჩევის შესაძლებლობას აძლევს.აღსანიშნავია რომ BOG Asset Management-ის მართვაში მყოფი საქაერონავიგაციის საპენსიო ფონდი პირველი კერძო საპენსიო ფონდია საქართველოში, რომელიც შესაძლებლობას აძლევს მონაწილეებს გაზარდონ საპენსიო დანაზოგი და ისარგებლონ არსებული საგადასახადო შეღავათებით. ეს უნიკალური შემთხვევა არის კარგი დასაწყისი კერძო საპენსიო ფონდების ბაზრის განვითარებისთვის.საინვესტიციო ფონდების მიმართულებით კომპანიის პირველი პროდუქტის - „კორპორატიული საკრედიტო პორტფელის ფონდის“ - პირველი ტრანშის წარმატებულმა განთავსებამ ბაზრის რეალური სურათი საკმაოდ მკაფიოდ აჩვენა.20.0 მილიონამდე აშშ დოლარის პირველი ტრანშის ემისია გალტ & თაგარტის მხარდაჭერით განხორციელდა, ხოლო კვალიფიციური ინვესტორების მოთხოვნამ მნიშვნელოვნად გადააჭარბა მიწოდებას.BOG Asset Management-ის დირექტორის, ნიკა მეგუთნიშვილის შეფასებით, “ეს შედეგი მიუთითებს არა მხოლოდ კონკრეტული პროდუქტის წარმატებაზე, არამედ იმაზე, რომ ინვესტორები უფრო კომპლექსური და დივერსიფიცირებული გადაწყვეტილებებისთვის მზად არიან.“გარდა ამისა კომპანია ასევე მართავს თანამედროვე სტანდარტების დოლარის ლიკვიდურ ფონდს რომლის მიზანიც მოკლევადიანი ლიკვიდურობის შენარჩუნება და შესაბამისი მომგებიანობის გაუმჯობესებაა კვალიფიციური ინვესტორებისთვის.საგულისხმოა ისიც, რომ ამ პროცესის ერთ-ერთი მთავარი პრინციპი რეგულაციებთან სრული შესაბამისობაა. სწორედ რეგულაციური ჩარჩო განსაზღვრავს იმ სტანდარტს, რომლის ფარგლებში მიიღება ყველა საინვესტიციო გადაწყვეტილება, ხოლო საბოლოო არჩევანი გუნდის პროფესიონალიზმსა და მრავალწლიან გამოცდილებას ეფუძნება.ვინ არიან BOG Asset Management-ის მთავარი ინვესტორებიBOG Asset Management ამჟამად კერძო და ინსტიტუციურ სეგმენტზეა ორიენტირებული, თუმცა კომპანიის გრძელვადიანი ხედვა ამით არ შემოიფარგლება. გეგმაშია ისეთი პროდუქტების განვითარება, რომლებიც ფართო აუდიტორიას მისცემს შესაძლებლობას, საკუთარი დანაზოგები უფრო ეფექტურად მართოს.როგორც ნიკა მეგუთნიშვილი ამბობს „საინვესტიციო კულტურა მხოლოდ სურვილით არ იქმნება - ის ჩნდება იქ, სადაც ინვესტორს გააჩნია რეალური ინსტრუმენტი საკუთარი კაპიტალის ეფექტიანად სამართავად. ჩვენ სწორედ ასეთ ინსტრუმენტებს ვქმნით, რითაც ადამიანებს ვაძლევთ შესაძლებლობას, გამოვიდნენ დამკვირვებლის როლიდან და გახდნენ იმ ფინანსური განვითარების რეალური მონაწილეები, რაც ცოტა ხნის წინ მხოლოდ შორეულ პერსპექტივად მიიჩნეოდა“.(R)

1781181533

შეხვედრა მცირე და საშუალო ბიზნესის წარმომადგენლებს აერთიანებდა და მიზნად ისახავდა იმ გამოწვევებისა და შესაძლებლობების განხილვას, რომლებიც ბიზნესის განვითარების სხვადასხვა ეტაპზე ჩნდება. ვორკშოპის ფარგლებში მონაწილეებმა მიიღეს პრაქტიკული ცოდნა ლიდერობის, მმართველობითი უნარებისა და ორგანიზაციული განვითარების შესახებ.შეხვედრის მონაწილეებმა ბიზნესის განვითარების 5 კრიტიკული საფეხური და თითოეული ეტაპისთვის დამახასიათებელი ძირითადი გამოწვევები განიხილეს. ვორკშოპზე ასევე ისაუბრეს ლიდერის როლზე კომპანიის ზრდის სხვადასხვა ფაზაში, ლიდერობის ინდივიდუალური მოდელის აღმოჩენისა და განვითარების შესაძლებლობებზე. განსაკუთრებული ყურადღება დაეთმო თანამედროვე მეთოდებსა და ინსტრუმენტებს, რომლებიც თანამშრომელთა ლოიალობის, ჩართულობისა და ნდობის გაძლიერებას უწყობს ხელს.ბიზნეს 360˚ საქართველოს ბანკის პლატფორმაა, რომელიც ბიზნესს ერთ სივრცეში სთავაზობს განვითარებისთვის საჭირო შესაძლებლობებს. პლატფორმა აერთიანებს საგანმანათლებლო რესურსებს, მათ შორის ბიზნესკურსებს, სექტორულ კვლევებსა და შეთავაზებებს, ასევე სხვადასხვა ტიპის ღონისძიებებს - ფინანსურ, ტექნოლოგიურ და სხვა თემატურ შეხვედრებს, რომლებიც მეწარმეებს ცოდნის გაღრმავებასა და ბიზნესის ზრდაში ეხმარება.(R)

1781180410

მეტეო სადგური საბაზო ბანაკი და ბოლო გაჩერებაა მყინვარწვერამდე, სადაც ალპინისტები და მოყვარულები აკლიმატიზაციას გადიან, ძალას იკრებენ და ბუნების სიმკაცრეს ეჩვევიან. აქ, სადაც ჟანგბადიც კი იკლებს, უკვე მაგთის 5G მუშაობს.მაგთიკომის ამ პროექტით, საქართველო 5G ქსელის ყველაზე მაღალ წერტილზე ხელმისაწვდომობის მიხედვით, რეგიონში პირველ ადგილს იკავებს, ევროპაში ხუთეულში შედის, მსოფლიოში კი - ათეულში. 

1781179115

ავიაკომპანიის მიერ, სამოქალაქო ავიაციის სააგენტოში წარმოდგენილი განაცხადის შესაბამისად, DAN AIR  ფრენებს განახორციელებს 1 ივლისიდან  24 ოქტომბრამდე, კვირაში 2 სიხშირით, ყოველ სამშაბათსა და შაბათს.სამოქალაქო ავიაციის სააგენტომ ავიაკომპანიას ფრენების შესრულებისათვის აუცილებელი ნებართვა 9 ივნისს მიანიჭა.

1781177155

უწყების ინფორმაციით, რეფორმის ფარგლებში რამდენიმე ძირითადი ღონისძიება იგეგმება, რაც მომხმარებლის ინფორმირებულობასა და ადგილობრივი წარმოების გაძლიერებას ისახავს მიზნად: 100%-ით ქართული რძის პიქტოგრამა: იგეგმება ნებაყოფლობითი ხარისხის ნიშნის დანერგვა, რომელიც მიანიშნებს, რომ პროდუქტი სრულად ქართული ნედლი რძისგან არის დამზადებული. მცენარეული ცხიმების მარკირება: სავალდებულო გახდება მცენარეული ცხიმის შემცველი პროდუქტების მკაფიო ვიზუალური მარკირება როგორც ადგილობრივ, ისე იმპორტირებულ ნაწარმზე. სავაჭრო სივრცეების გამიჯვნა: სავაჭრო ქსელებში აღნიშნული პროდუქტები განცალკევებულ თაროებზე განთავსდება. „ჩვენი მიზანია მომხმარებელმა მკაფიოდ განასხვაოს პროდუქტები და იყოს ინფორმირებული, რას ყიდულობს. არ ვზღუდავთ არცერთ პროდუქტს, პირიქით, ვაძლიერებთ ქართულ რძის სექტორს და ვეხმარებით ფერმერებს განვითარებაში. ვზრდით სახელმწიფოს თანამონაწილეობას, რათა მცირე მეურნეობებიდან გადავიდეთ უფრო განვითარებულ, თანამედროვე ტიპის ფერმერულ მეურნეობებზე“, - განაცხადა დავით სონღულაშვილმა.კონტროლის გამკაცრება და ტრადიციული ბრენდების პოპულარიზაციაგეგმის მნიშვნელოვანი ნაწილი სახელმწიფო კონტროლის გაძლიერებას ეთმობა. სურსათის ეროვნული სააგენტო მონიტორინგს გაამკაცრებს HoReCa (სასტუმროები, რესტორნები, კაფეები) სექტორში, აგრარულ ბაზრებსა და სადისტრიბუციო ქსელებში. ამასთანავე, გადაიხედება შესაბამისი რეგულაციები, რათა თავიდან იქნეს აცილებული რეგისტრაციის სტატუსის არასათანადო გამოყენება.პარალელურად, სახელმწიფო აქტიურად შეუწყობს ხელს ქართული ტრადიციული პროდუქტების, მათ შორის ყველისა და მაწვნის გეოგრაფიული აღნიშვნებისა და ადგილწარმოშობის დასახელებების პოპულარიზაციას.რძისა და რძის პროდუქტების მწარმოებელთა ასოციაცია ინიციატივას სრულ მხარდაჭერას უცხადებს. ასოციაციის ხელმძღვანელის, კახა კონიაშვილის განცხადებით, მნიშვნელოვანია კონტროლის გაძლიერება როგორც ვაჭრობის სხვადასხვა რგოლში, ისე საწარმოებში, რათა გამოირიცხოს ფალსიფიკაციის შემთხვევები. თუმცა, მისივე თქმით, საჭიროა ბალანსის დაცვა, რომ არცერთი სტანდარტებთან შესაბამისი პროდუქტი არ დაიჩაგროს.სამინისტრო რეფორმის ეტაპობრივ დანერგვას გეგმავს, რათა ორგანიზებული და საცალო ვაჭრობის სივრცეების სრულფასოვანი მოწესრიგება უზრუნველყოს.სამუშაო შეხვედრას ასევე ესწრებოდნენ მინისტრის მოადგილე ლაშა ავალიანი, სურსათის ეროვნული სააგენტოს უფროსი გიორგი იაკობაშვილი, სოფლის მეურნეობის სახელმწიფო ლაბორატორიის დირექტორი ირაკლი გულედანი და სხვა ხელმძღვანელი პირები.

1781172276

კვლევის თანახმად, კომპანიასთან დაკავშირებულმა პირებმა და თავად დეპუტატმა მმართველ პარტიას სატენდერო ხელშეკრულების დადების წინა დღეებში 120 000 ლარი შეწირეს. ბოლო მსხვილი შემოწირულება 12 მარტს განხორციელდა, ხოლო მომდევნო დღეს, 13 მარტს შპს „გზამ“ შესაბამის ტენდერში კონკურენტის გარეშე გაიმარჯვა.TI-ის შეფასებით, ბათუმის მერიამ სატენდერო პირობებში წინასწარ ჩადო „ხელოვნური ფილტრი” – ე.წ. გეოგრაფიული ბარიერი, რამაც კონკურენცია მნიშვნელოვნად შეზღუდა. კერძოდ, პრეტენდენტს ობიექტიდან 30 კილომეტრის რადიუსში უნდა ჰქონოდა ასფალტის ქარხანა ან მიწოდების შესახებ გაფორმებული ხელშეკრულება.„ეს პირობა თამაშგარე მდგომარეობაში ტოვებს ნებისმიერ მსხვილ კომპანიას, რომელსაც ქარხანა ბათუმის სიახლოვეს არ აქვს... და მრავალმილიონიანი შესყიდვა პირდაპირ პარტიის შემომწირველებს მოარგო“, - აღნიშნულია ორგანიზაციის განცხადებაში.საერთო ჯამში, კომპანია „გზას” 1.3 მილიარდ ლარზე მეტი ღირებულების ტენდერი აქვს მოგებული (ტენდერების მოგების არარეალურად მაღალი – 93%-იანი მაჩვენებლით), ხოლო მმართველი პარტიისთვის კომპანიასთან დაკავშირებულ პირებს 1 მილიონ ლარზე მეტი აქვთ შეწირული.კვლევამ აჩვენა, რომ 2024-2026 წლებში ბათუმში გზების რეაბილიტაციის კიდევ 5 ტენდერში (ჯამურად 70 მილიონ ლარზე მეტი ღირებულებით) შეიზღუდა კონკურენცია ანალოგიური „30 კმ რადიუსის წესით“. ორგანიზაციის მონაცემებით, 2024-2026 წლებში გამოცხადებული 117 მსხვილი სამშენებლო ტენდერიდან (თითოეული 1 მილიონზე მეტი ღირებულების) მსგავსი გეოგრაფიული შეზღუდვა მხოლოდ ბათუმის მერიის ა(ა)იპ „საქალაქო ინფრასტრუქტურისა და კეთილმოწყობის სამმართველოს” ამ 5 შესყიდვაში დაფიქსირდა.აღნიშნულ ტენდერებში სულ 3 კომპანია იღებდა მონაწილეობას და ბიუჯეტის მილიონებს როტაციით, მონაცვლეობით ინაწილებდა. სამი კომპანიიდან ორი – შპს „გზა“ და „ბონდი 2009“ „ქართული ოცნების“ მსხვილი შემომწირველია, რომელთაც ჯამში 1.6 მილიონ ლარზე მეტი აქვთ პარტიის ანგარიშზე ჩარიცხული.„ეს ფაქტები ხელოვნური ოლიგოპოლიის კლასიკური მაგალითებია. სისტემა ისეა მოწყობილი, რომ მრავალმილიონიან საგზაო ტენდერებს სამიოდე კომპანიისგან შემდგარი დახურული კლუბი ინაწილებს. ხელოვნური ბარიერების მეშვეობით კონკურენცია აღარ არსებობს, კლუბის წევრები კი მმართველ პარტიას სოლიდურ შემოწირულებებს ურიცხავენ“, - აცხადებენ ორგანიზაციაში.„საერთაშორისო გამჭვირვალობა – საქართველოს“ განმარტებით, აღნიშნული შემთხვევები კარგად ორგანიზებულ, სისტემური კორუფციის ნიშნებს ატარებს, რომელიც კონკურენციას კლავს და სახელმწიფო ბიუჯეტს ვიწრო პარტიული და პირადი ინტერესებისთვის იყენებს, რის საბოლოო ფასსაც საზოგადოება იხდის. ორგანიზაცია მოუწოდებს სახელმწიფო უსაფრთხოების სამსახურსა და პროკურატურას, აღნიშნულ ფაქტებზე ეფექტური და მიუკერძოებელი გამოძიება დაიწყონ.

1781171575