თბილისი (GBC) - საქართველოში გერმანიის ელჩი პიტერ ფიშერი X-ზე წერს: "ბევრი ვიმუშავე, რათა საქართველოს მიეღო ევროკავშირის კანდიდატის სტატუსი და გული მწყდება".
„თუ ხარ ქვეყანა, რომელსაც სურს, გაწევრიანდეს ევროკავშირში და იღებ ასეთ შეფასებას კაია კალასისგან და გერმანია ეთანხმება მას, მაშინ პრობლემა გაქვთ“, – წერს პიტერ ფიშერი და საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის, კაია კალასის განცხადებას აზიარებს.
If you're a country that wants to join the EU and you get a sentence from @kajakallas like the one highlighted below, and 🇩🇪 agrees, which it does, then you have a problem. I worked hard for 🇬🇪 to get 🇪🇺 candidate status and it makes me sad. pic.twitter.com/03TwvfGfyL
— Peter Fischer (@Diplo_Peter) February 3, 2025
კაია კალასი X-ზე გამოეხმაურა 2 თებერვალს თბილისის შემოსასვლელში გამართულ აქციაზე პოლიციის მხრიდან დემონსტრანტების დაკავების და მათზე ძალადობის კადრების გავრცელებას.
"მშვიდობიანი პროტესტის მონაწილეების, ჟურნალისტებისა და პოლიტიკოსების სასტიკი დარბევა, რომელიც თბილისში მოხდა, მიუღებელია.
საქართველო, როგორც კანდიდატი ქვეყანა, არანაირ მოლოდინს არ ამართლებს.
ევროკავშირი გვერდში უდგას საქართველოს მოსახლეობას მის ბრძოლაში თავისუფლებისა და დემოკრატიისთვის", - დაწერა მან.