ჰელსინკის კომისია: ქართველ ხალხს მშვიდობიან დემონსტრაციაზე მხოლოდ ძალადობა და რეპრესია დახვდა

დაკავებულები არიან 2007 წელს დაბადებული მ.გ. და წარსულში მრავალჯერ ნასამართლევი – 2003 წელს დაბადებული გ.მ.უწყება ამბობს, რომ საქმე 29 ნოემბრის აქციას ეხება. შსს-ის განცხადებით, გ.მ-მ პიროტექნიკის სროლით სხეულის სხვადასხვა არეში მიაყენა დაზიანება შსს-ის თანამშრომელს. ხოლო მ.გ-მ იმავე დღეს პარლამენტის შენობისკენ ისროლა ცეცხლმოკიდებული ნივთი, რის გამოც პარლამენტის შენობის ერთ-ერთ ოთახში ხანძარი გაჩნდა.გარდა ამისა, შსს ამბობს, რომ მიმდინარე გამოძიების ფარგლებში სამსახურებრივი საქმიანობის შესრულების დროს პოლიციელებზე თავდასხმისა და ცეცხლის წაკიდებით ნივთის დაზიანების ბრალდებით სამი პირია დაკავებული.უწყების განცხადებით, მუნიციპალური ქონების და კერძო პირების საკუთრების დაზიანებაზე და ამ ნივთებით ბარიკადების აღმართვაზე გამოძიება მიმდინარეობს სსკ-ის 187-ე [მუხლი 187. ნივთის დაზიანება ან განადგურება] და 353-ე პრიმა [წინააღმდეგობა, მუქარა ან ძალადობა საზოგადოებრივი წესრიგის დამცველის ან ხელისუფლების სხვა წარმომადგენლის მიმართ] მუხლებით.წვრილმანი ხულიგნობისა და პოლიციისთვის წინააღმდეგობის გაწევისა და დაუმორჩილებლობისთვის ადმინისტრაციული წესით დაკავებას, შსს-ს მონაცემების მიხედვით, საპროტესტო აქციების დაწყებიდან დაკავებულია 224 პირი.დაკავებულთაგან თბილისის საქალაქო სასამართლოს წარედგინა 98 პირის ადმინისტრაციული საქმის მასალები, რომელთაგან საქმის წარმოება დასრულდა 74 პირის მიმართ, მათგან 36 დააჯარიმეს.დასრულებული 74 საქმიდან, 36 ადამიანი დააჯარიმეს, 34-ს ადმინისტრაციული პატიმრობა შეუფარდეს.4 ადამიანს მისცეს შენიშვნა."ქართულმა ოცნებამ" ოპოზიციის, პრეზიდენტის და საერთაშორისო პარტნიორების მიერ არალეგიტიმურად მიჩნეული, მე-11 მოწვევის პარლამენტის პირველი სხდომიდან რამდენიმე დღეში, კერძოდ, 28 ნოემბერს განაცხადა.კობახიძემ თავისი პარტიის არგუმენტები მოიყვანა, რომლებითაც ეს გადაწყვეტილება გაამყარა. მისივე თქმით, საქართველო ღირსებით გააგრძელებს ევროკავშირისკენ სვლას და საკუთარი ხარჯებით დააფინანსებენ რეფორმებს.პრემიერ-მინისტრის ამ განცხადებიდან მალევე, სპონტანურად შეიკრიბა ათასობით მოქალაქე როგორც თბილისში, პარლამენტის შენობასთან, ასევე საქართველოს სხვადასხვა ქალაქში.საპროტესტო აქციების უწყვეტი ტალღა დღემდე გრძელდება.აქციის მონაწილეები ხელისუფლებას ევროინტეგრაციის პროცესის შეჩერებაში ადანაშაულებენ და ხელახალ საპარლამენტო არჩევნებს მოითხოვენ.1-2 დეკემბერსაც შსს-ს სპეცრაზმელებმა რუსთაველის გამზირზე საპროტესტო აქციის მონაწილეთა დასაშლელად არაერთხელ გამოიყენეს წყლის ჭავლი და ცრემლმდენი გაზი. პოლიცია ისევ ფიზიკურად გაუსწორდა არაერთ დემონსტრანტს.საპროტესტო აქციების დაწყებიდან დაშავებულია ათეულობით დემონსტრანტი და ჟურნალისტი.

1733125111

როგორც უწყებაში აცხადებენ, ნებისმიერ კანონსაწინააღმდეგო ქმედებას, პოლიციის მხრიდან შესაბამისი სამართლებრივი რეაგირება მოჰყვება.„როგორც ცნობილია, დღესაც, თბილისსა და საქართველოს სხვადასხვა ქალაქში დაგეგმილია საპროტესტო აქციები. შინაგან საქმეთა სამინისტროს სხვადასხვა დანაყოფის თანამშრომლები მართლწესრიგის დაცვის მიზნით, მობილიზებულები იქნებიან გამართული აქციების მიმდებარე ტერიტორიაზე.საქართველოს კანონმდებლობით დაცულია შეკრება-მანიფესტაციისა და გამოხატვის უფლება, ასევე, განსაზღვრულია პროტესტის გამოხატვის ფორმები, რათა დაცული იყოს საზოგადოებრივი წესრიგი და უსაფრთხოება.მოვუწოდებთ აქციის ორგანიზატორებს, პროტესტი გამოხატონ კანონით დადგენილ ფარგლებში, ნებისმიერ კანონსაწინააღმდეგო ქმედებას, პოლიციის მხრიდან შესაბამისი სამართლებრივი რეაგირება მოჰყვება“,- ნათქვამია განცხადებაში.ფოტო: პუბლიკა

1733122724

"აშშ ევროკავშირთან ერთად გამოთქვამს მწუხარებას "ქართული ოცნების" გადაწყვეტილების გამო შეაჩეროს ევროკავშირში გაწევრიანების პროცესი.ვგმობთ ძალის გადამეტებულ გამოყენებას ქართველების მიმართ, რომლებიც სამართლიანად აპროტესტებენ კონსტიტუციის ამ ღალატს.ევროკავშირი კრემლის წინააღმდეგ საყრდენია. შესაბამისად, ჩვენ ვწყვეტთ ჩვენს სტრატეგიულ პარტნიორობას საქართველოსთან", - ნათვამია მილერის პოსტში. აშშ-ს სახელმწიფო დეპარტამენტის სრული განცხადება: "ქართული ოცნების მიერ საქართველოს ევროკავშირში გაწევრიანების პროცესის შეჩერების გადაწყვეტილება ეწინააღმდეგება საქართველოს ხალხისთვის კონსტიტუციით დადებულ დაპირებას, რომელიც ითვალისწინებს ქვეყნის სრულ ინტეგრაციას ევროკავშირსა და ნატოში. საქართველოს ევროკავშირში გაწევრიანების პროცესის შეჩერებით, "ქართულმა ოცნებამ" უარი თქვა ევროპასთან უფრო მჭიდრო კავშირების შესაძლებლობაზე და საქართველო უფრო მოწყვლადი გახადა კრემლისთვის.ქართველი ხალხი უდიდესი უმრავლესობით უჭერს მხარს ევროპასთან ინტეგრაციას. შეერთებული შტატები გმობს პოლიციის მიერ ძალის გადაჭარბებულ გამოყენებას, რომელიც მიმართულია იმ ქართველების წინააღმდეგ, ვინც ცდილობს საკუთარი შეკრებისა და გამოხატვის თავისუფლების უფლებების განხორციელებას, მათ შორის მშვიდობიანი პროტესტის გზით. ჩვენ მოვუწოდებთ ყველა მხარეს, უზრუნველყონ, რომ პროტესტები დარჩეს მშვიდობიანი."ქართული ოცნების" სხვადასხვა ანტიდემოკრატიული ქმედებები ეწინააღმდეგება ჩვენს აშშ-საქართველოს სტრატეგიული პარტნიორობის ძირითად პრინციპებს, რომლებიც დაფუძნებულია საერთო ღირებულებებსა და ვალდებულებებზე დემოკრატიის, კანონის უზენაესობის, სამოქალაქო საზოგადოების, ადამიანის უფლებებისა და ძირითად თავისუფლებათა პატივისცემისა და კორუფციის წინააღმდეგ ბრძოლაში. შედეგად, შეერთებულმა შტატებმა შეაჩერა აღნიშნული მექანიზმი.ჩვენ კიდევ ერთხელ მოვუწოდებთ საქართველოს ხელისუფლებას, დაუბრუნდეს ევროატლანტიკურ გზას, გამჭვირვალედ გამოიძიოს ყველა საპარლამენტო არჩევნებთან დაკავშირებული დარღვევა და გააუქმოს ანტიდემოკრატიული კანონები, რომლებიც ზღუდავს შეკრებისა და გამოხატვის თავისუფლებას", - ნათვამია ოფიციალურ განცხადებაში. 

1732996031

„თიბისი, როგორც საქართველოს წამყვანი ფინანსური ინსტიტუტი და ლონდონის საფონდო ბირჟაზე რეგისტრირებული კომპანია, თავისი არსებობის 32-წლიანი ისტორიის მანძილზე, ყოველთვის იდგა და იდგება საქართველოს ეროვნული ინტერესების სადარაჯოზე.საქართველოს ევროპული და ევროატლანტიკური მომავალი ჩვენი ქვეყნის აბსოლუტური უმრავლესობის ისტორიული არჩევანია, რომელიც გამყარებულია საქართველოს კონსტიტუციის 78-ე მუხლით. ჩვენ მტკიცედ გვჯერა, რომ  ევროპული ინტეგრაციის დროებით შეჩერება ეწინააღმდეგება ქართველი ხალხის ნებას და საქართველოს კონსტიტუციას.თიბისი ყოველთვის იყო და რჩება საქართველოს ევროპული და ევრო-ატლანტიკური ინტეგრაციის უპირობო მხარდამჭერი.ჩვენ ვდგავართ თავისუფლებისა და ევროპული კურსისთვის მებრძოლი ქართველი ხალხის გვერდით და მკაცრად ვგმობთ ძალადობას მშვიდობიანი დემონსტრანტების მიმართ.ერთად გავიმარჯვებთ საქართველოსთვის”, – ვკითხულობთ განცხადებაში.

1732990825

"შედგა ეროვნული თანხმობა მთავარ საკითხზე - არ შეიძლება ვინმემ წაართვას საქართველოს დამოუკიდებლობა, არ შეიძლება ვინმემ დააბრუნოს საქართველო რუსეთში, არ შეიძლება ვინმემ წაართვას საქართველოს ნება და ევროპული მომავალი.ეს ეროვნული თანხმობა შედგა ყველგან, სადაც შეიძლებოდა და ყოველ წუთს ჩანს, რომ ეროვნული თანხმობა უფრო და უფრო ძლიერდება: საკმარისია ვახსენოთ, რომ თუნდაც დღეს დიპლომატიურ კორპუსში, ბიზნესში, ფოთის პორტში.... ყოველდღიურად ძლიერდება ეს ეროვნული თანხმობა. ეს არის ჩვენი ძალა!მინდა საზოგადოებას ვუთხრა, რომ აქაც, პრეზიდენტთან, რომელიც დღეს ერთადერთი დამოუკიდებელი, ერთადერთი ლეგიტიმური ინსტიტუტი, რაც დარჩა ამ ქვეყანაში, აქაც შედგა ეროვნული თანხმობა. ჩემთან, ჩემს ირგვლივ, იმისთვის, რომ თქვენ გემსახუროთ ხვალ შეიკრიბება ერთი მხრივ საზოგადოება და მეორე მხრივ, პოლიტიკური პარტიები და ერთად ვმართავთ პროცესის იმ პოლიტიკურ ნაწილს, რომელსაც თქვენ მართავთ გარეთ, ქუჩაში და მართავთ ყველგან, სადაც ხართ, საზოგადოების სხვადასხვა სფეროში.ჩვენ ერთად გავაკეთებთ ამ საქმეს, ჩვენ ერთად წარმოვადგენთ იმ მომავალს, რომელსაც ძალიან მალე მივაღწევთ ახალი არჩევნებით. ახალი საქართველო, რომელიც დაიბრუნებს თავის ევროპულ გზას, დამოუკიდებლობასა და რაც მთავარია თავისი განვითარების თავისუფალ გზას, რომელსაც არავის არ დავუთმობთ.ხვალ ჩვენ კიდევ შევხვდებით. ხვალ ჩემთან ერთად იქნებიან ის ადამიანები, რომლებიც მე მოვიწვიე და რომლებთან ერთადაც ამ პოლიტიკური პროცესის სათავეში ვიქნები, რადგან მე ვრჩები თქვენს პრეზიდენტად. არ არსებობს ლეგიტიმური პარლამენტი, მაშასადამე, არალეგიტიმური პარლამენტი ვერ აირჩევს ახალ პრეზიდენტს; მაშასადამე, ინაუგურაცია ვერ იქნება და ჩემი მანდატი გრძელდება მანამ, სანამ არ იქნება ლეგიტიმურად არჩეული პარლამენტი, რომელიც ლეგიტიმურად აირჩევს მას, ვინც უნდა შემცვალოს მე; მე ვარ და ვიქნები თქვენთან ერთად", - აცხადებს საქართველოს პრეზიდენტი, სალომე ზურაბიშვილი.

1732987200

სების თანამშრომლები აღნიშნავენ, რომ მხარს უჭერენ ქვეყნის ევროინტეგრაციის უწყვეტად და შეუქცევადად განხორციელებას.„საქართველოს ეროვნული ბანკის თანამშრომლები, ევროკავშირთან ასოცირების შესახებ შეთანხმების ფარგლებში, საქართველოს მიერ ნაკისრი ვალდებულებების შესაბამისად, წლების განმავლობაში ვმუშაობდით ქართული საფინანსო სექტორის რეგულირების ევროპულ სტანდარტებთან დაახლოებაზე, რამაც მნიშვნელოვანწილად განაპირობა მდგრადი და სტაბილურად მზარდი საფინანსო სისტემა.28 ნოემბერს გაკეთებული განცხადება, საქართველოს მხრიდან ევროკავშირთან მოლაპარაკებების დღის წესრიგიდან 2028 წლამდე ამოღების თაობაზე, ეწინააღმდეგება საქართველოს კონსტიტუციის 78-ე მუხლს და არ შეესაბამება ქვეყნის ისტორიულ მისწრაფებას – გახდეს ევროპული ოჯახის სრულფასოვანი წევრი.საქართველოს ეროვნული ბანკის თანამშრომლები მხარს ვუჭერთ ქვეყნის ევროინტეგრაციის უწყვეტად და შეუქცევადად განხორციელებას”, – ნათქვამია განცხადებაში.

1732971213

აქციის მონაწილეების ძალადობრივი ქმედებების შედეგად დაშავდა შინაგან საქმეთა სამინისტროს 10 თანამშრომელი. ამ დრომდე სამედიცინო დაწესებულებაში რჩება ერთი პოლიციელი, რომელსაც სხეულის სხვადასხვა არეში აღენიშნება დამწვრობა“,- ნათქვამია განცხადებაში.შსს განცხადებაში არაფერი წერია საპროტესტო აქციის დარბევის დროს დაშავებულ მედიის წარმომადგენლებსა და სხვა მოქალაქეებზე. გუშინ, 29 ნოემბრის საღამოს დაწყებული აქცია დღეს დილის 6 საათზე პოლიციური ძალების მიერ აქციის მონაწილეების ალყაში მოქცევით, მათზე ძალადობითა და დაკავებებით დასრულდა.უკვე მეორე ღამეა, საქართველოს მოქალაქეები აპროტესტებენ „ქართული ოცნების” გადაწყვეტილებას, შეაჩეროს საქართველოს ევროკავშირში გაწევრების მოლაპარაკებები. იმართება მასშტაბური საპროტესტო აქციები.

1732946715

ომბუდსმენის ინფორმაციით, დღის მანძილზე, სახალხო დამცველის რწმუნებულებმა დამატებით 29 პირი მოინახულეს, რომელთაგან დაკავებული იყო 28.ამასთან, განმარტავენ, რომ მონახულებული 29 პირიდან არასათანადო მოპყრობის შესახებ 23-მა პირმა მიუთითა.“რწმუნებულებმა კლინიკაში მოინახულეს ჟურნალისტი გურამ როგავა. გურამ როგავას განცხადებით, საპროტესტო აქციაზე ასრულებდა სამსახურებრივ მოვალეობას, რა დროსაც სამართალდამცავებმა მიაყენეს ფიზიკური შეურაცხყოფა, რის შედეგადაც გონება დაკარგა. გურამ როგავას მიმართ განხორციელებულ ძალადობრივ ქმედებებზე სახალხო დამცველის აპარატმა დაუყოვნებლივ მიმართა სპეციალურ საგამოძიებო სამსახურს.მონახულებული 29 პირიდან არასათანადო მოპყრობის შესახებ 23-მა პირმა მიუთითა (7 პირს არ სურს რეაგირება). მათი უმრავლესობის თქმით, პოლიციელთა მხრიდან ფიზიკური შეურაცხყოფა უშუალოდ დაკავების პროცესში განიცადა. ნაწილი მათგანი ასევე მიუთითებდა სამართალდამცავების მხრიდან სიტყვიერ შეურაცხყოფაზე. დაკავებულთა ნაწილს ხილულად აღენიშნებოდათ ფიზიკური დაზიანებები, მაგალითად, ერთ დაკავებულს თავის არეში აღენიშნებოდა მრავლობითი ზედაპირული დაზიანებები, სხვა დაკავებულს - სახეზე, მარჯვენა წარბთან აღენიშნებოდა დაზიანება.დაკავებულთა ნაწილის თქმით, მათი დაკავება ხდებოდა შინაგან საქმეთა სამინისტროს განსაკუთრებულ დავალებათა დეპარტამენტის თანამშრომლების მიერ, რომლებიც დაკავებულებს გადასცემდნენ სხვა თანამშრომლებს, რომლებსაც ასევე არ გააჩნდათ სპეციალური ამოსაცნობი ნიშნები, რის შემდეგაც ხდებოდა მათი გადაცემა საპატრულო პოლიციის თანამშრომლებისთვის. საპატრულო პოლიციას ისინი გადაჰყავდა პოლიციის ადმინისტრაციულ შენობაში, სადაც იწყებოდა მათი ადმინისტრაციული წესით დაკავების შესახებ დოკუმენტაციის შედგენა. დაკავებულთა ნაწილის განცხადებით, დამკავებლები პირებად უთითებდნენ მცდარ მონაცემებს კერძოდ კი, იმ პოლიციელებს, რომელთა მიერ მათი უშუალო დაკავება არ განხორციელებულა.სახალხო დამცველის აპარატი წლებია მიუთითებს საპროტესტო აქციაზე მოქალაქეთა დაკავებისას ხსენებულ მავნე პრაქტიკაზე, რაც ადმინისტრაციული საპროცესო ნორმების უხეშ დარღვევას წარმოადგენს და სასამართლოების შეცდომაში შეყვანის საფუძველს ქმნის.სახალხო დამცველის აპარატი, მისი კომპეტენციის ფარგლებში, თითოეულ ფაქტზე განახორციელებს სამართლებრივ რეაგირებას უფლებამოსილი უწყებების ინფორმირებისა და გამოძიების შემდგომი მონიტორინგის განხორციელების გზით”,- აღნიშნულია სახალხო დამცველის აპარატის მიერ გავრცელებულ ინფორმაციაში.

1732907598