კალასი: საქართველოს საკითხი სერიოზულია – მთავრობა სწორი მიმართულებით არ მიდის

ლაგარდის თქმით, ევროპა დიდწილად ეყრდნობა ექსპორტზე დაფუძნებულ ზრდას, რაც ახალ გეოპოლიტიკურ და სავაჭრო გარემოში უფრო დაუცველს ხდის ევროკავშირის ეკონომიკას.ლაგარდის შეფასებით, ბოლო წლებში ევროკავშირმა ვერ გამოიყენა შესაძლებლობა, გაეძლიერებინა შიდა ბაზარი, ტექნოლოგიური სექტორი და ინოვაციები, რის გამოც ევროპა კონკურენციაში ჩამორჩება როგორც შეერთებულ შტატებს, ისე ჩინეთს.მისი განცხადებით, ევროკავშირმა უნდა გააძლიეროს შიდა ეკონომიკური ინტეგრაცია, შეამციროს წევრ ქვეყნებს შორის სავაჭრო ბარიერები და გაამარტივოს გადაწყვეტილებების მიღების პროცესი. მისი თქმით, შიდა ბაზარზე არსებული რეგულაციური ბარიერები ეკონომიკური ეფექტით დაახლოებით 100%-იან ტარიფს ჰგავს მომსახურებაზე და 65%-იანს საქონელზე.ლაგარდმა ასევე აღნიშნა, რომ ევროკავშირი მნიშვნელოვნად არის დამოკიდებული სხვა ქვეყნებზე ენერგეტიკის, უსაფრთხოებისა და კრიტიკული ნედლეულის მიწოდებაში, რაც გლობალური დაძაბულობის პირობებში დამატებით რისკებს ქმნის.მისი თქმით, თუ ევროკავშირი სწრაფად არ გაატარებს ეკონომიკურ რეფორმებს, რეგიონი შეიძლება აღმოჩნდეს დაბალი ზრდის ხანგრძლივი პერიოდის წინაშე.

1773653382

შეხვედრისას ყურადღება გამახვილდა ორმხრივი პარტნიორობის აქტუალურ საკითხებზე, განსაკუთრებით სავაჭრო-ეკონომიკურ სფეროში. ხაზი გაესვა საქართველოს, როგორც უსაფრთხო ქვეყნის როლს სტაბილური, პროგნოზირებადი და ინვესტორებისთვის ხელსაყრელი გარემოს შექმნის თვალსაზრისით.მხარეებმა განსაკუთრებით აღნიშნეს საქართველოსა და ბელარუსის მთავრობათაშორისი ეკონომიკური კომისიის მეშვიდე სხდომის გამართვის მნიშვნელობა. აღინიშნა, რომ აღნიშნული პლატფორმა ქვეყნებს შორის აქტუალური ეკონომიკური საკითხების განხილვის მნიშვნელოვანი მექანიზმია.საუბარი ასევე შეეხო ტურიზმის სფეროში არსებულ დადებით დინამიკას. ხაზი გაესვა საქართველოში ბელარუსი ტურისტების მზარდ რაოდენობას და ამ მიმართულებით თანამშრომლობის შემდგომ გაღრმავებას.

1773653270

აშშ-ის პრეზიდენტმა განაცხადა, რომ ნავთობზე ძლიერად დამოკიდებულმა ქვეყნებმა უნდა გაითვალისწინონ მისი მოწოდება სავაჭრო გზაზე სამხედრო ხომალდების გაგზავნის შესახებ – ეს არის მოთხოვნა, რომელზეც სერ კირ სტარმერმა ამ დრომდე უარი თქვა.„თუ რეაგირება არ იქნება, ან თუ ის უარყოფითი იქნება, ვფიქრობ, ეს ძალიან ცუდი იქნება NATO-ს მომავლისთვის“, - განაცხადა მან.ტრამპმა განსაკუთრებით გამოყო გაერთიანებული სამეფო და Financial Times-თან საუბრისას აღნიშნა: „როდესაც მათ მოსვლა ვთხოვე, მათ ეს არ ისურვეს“.მან მოუწოდა ბრიტანეთს, ჩინეთს, საფრანგეთს, იაპონიასა და სამხრეთ კორეას, შეუერთდნენ „გუნდურ ძალისხმევას“ ტანკერების გასაცილებლად ჰორმუზის სრუტის გავლით, რომელიც მსოფლიო ნავთობის მეხუთედის გამტარია.სასიცოცხლო მნიშვნელობის სრუტე ირანის მხრიდან მუდმივი თავდასხმების წინაშე აღმოჩნდა 28 თებერვალს აშშ-ის და ისრაელის სამხედრო კამპანიის დაწყების შემდეგ, რამაც ნაოსნობა შეაჩერა და გლობალური ეკონომიკური რყევები გამოიწვია.პრემიერ-მინისტრმა სრუტის გახსნის მნიშვნელობა ტრამპთან კვირას ღამით გამართული სატელეფონო საუბრისას განიხილა. დაუნინგ სტრიტის წარმომადგენლის თქმით, იგი ასევე ესაუბრა კანადის პრემიერ-მინისტრს, მარკ კარნის.იაპონიამ და ავსტრალიამ განაცხადეს, რომ ისინი არ გაგზავნიან სამხედრო ხომალდებს, ხოლო სამხრეთ კორეამ აღნიშნა, რომ აშშ-ის პრეზიდენტის თხოვნას ყურადღებით განიხილავს.ტრამპმა მიანიშნა, რომ შესაძლოა გადადოს ამ თვეში დაგეგმილი ვიზიტი ჩინეთში, თუ პეკინი დახმარებას არ გაუწევს მას შემდეგ, რაც ირანმა განაცხადა, რომ ჩინურ გემებს სრუტით სარგებლობის ნებას დართავდა.

1773649949

პრემიერმა ყურადღება გაამახვილა აგროკრედიტების სუბსიდირების პროგრამის შედეგებზეც და აღნიშნა, რომ 2018 წლის შემდეგ სექტორის მთლიანი გამოშვება თითქმის გაორმაგდა. რაც შეეხება საგარეო ვაჭრობას, დღეისათვის ექსპორტი 4.5 მილიარდ ლარს შეადგენს, თუმცა გამოწვევად რჩება ის ფაქტი, რომ ეს მოცულობა მხოლოდ რამდენიმე დასახელების პროდუქტს ეყრდნობა.ირაკლი კობახიძის თქმით, მიუხედავად ზრდისა, ქვეყანა ხორცის, რძის პროდუქტებისა და მარცვლეულის მიმართულებით კვლავ მნიშვნელოვნად არის დამოკიდებული იმპორტზე. სახელმწიფოსა და კერძო სექტორის მთავარ ამოცანად კვლავ რჩება წარმოების პროდუქტიულობის გაზრდა, საექსპორტო ასორტიმენტის გაფართოება და ახალ, მაღალ მხარჯველუნარიან საერთაშორისო ბაზრებზე დამკვიდრება.

1773648976

16 მარტის დილის 08:00-ის მდგომარეობით, ხმების დათვლა დასრულებული იყო. კომისიის ოფიციალური მონაცემებით, ამომრჩევლის აქტივობამ შეადგინა 73,12%. სულ ხმა მისცა 9 127 192 ადამიანმა. წინასწარი მონაცემებით, საკონსტიტუციო ცვლილებებს ხმა მისცა 7 954 667 ადამიანმა, რაც მონაწილეთა 87,15%-ს შეადგენს.„წინააღმდეგ“ („არა“) ხმა მისცა 898 099 მოქალაქემ. 146 558 ბიულეტენი გაბათილდა.რეგიონების მიხედვით, ცვლილებების მხარდამჭერთა პროცენტები:აბაის ოლქი – 84,02%აკმოლის ოლქი – 85,64%აქტობეს ოლქი – 93,96%ალმატის ოლქი – 80,41%ატირაუს ოლქი – 78,81%დასავლეთ ყაზახეთის ოლქი – 81,41%ჟამბილის ოლქი – 92,73%ჟეტისუს ოლქი – 90,15%ყარაღანდის ოლქი – 83,82%კოსტანაის ოლქი – 89,74%ყიზილორდის ოლქი – 89,97%მანგისტაუს ოლქი – 93,40%პავლოდარის ოლქი – 94,14%ჩრდილოეთ ყაზახეთის ოლქი – 83,10%ტურქესტანის ოლქი – 92,21%ულიტაუს ოლქი – 83,73%აღმოსავლეთ ყაზახეთის ოლქი – 91,51%ასტანას – 86,32%ალმატი – 71,36%შიმკენტის ქალაქი – 86,88%

1773647416

„კრისტალი“ ამ მნიშვნელოვანი ღონისძიების ოფიციალური პარტნიორი იყო, რითაც კიდევ ერთხელ გამოხატა მხარდაჭერა  ქალთა ეკონომიკური გაძლიერების, ინკლუზიური ბიზნესგარემოს განვითარებისა და მათთვის თანაბარი შესაძლებლობების შექმნისადმი. მსგავსი ინიციატივების მხარდაჭერა კიდევ ერთხელ უსვამს ხაზს კომპანიის ერთგულებას მდგრადი განვითარების, სოციალური პასუხისმგებლობისა და გენდერული თანასწორობის პრინციპების მიმართ.ფორუმის ფარგლებში, მიკრობანკ „კრისტალის“ გენერალურმა დირექტორმა, ილია რევიამ გაეროს ქალთა ორგანიზაციის მხარდაჭერით გამართულ პანელურ დისკუსიაში „ბიზნეს გადაწყვეტილებები ინკლუზიური ზრდისთვის – ზრუნვაზე ორიენტირებული სამუშაო გარემო“ მიიღო მონაწილეობა. მან ღონისძიების დამსწრეებს გააცნო, თუ რა სტრატეგიული ნაბიჯები გადადგა ბოლო წლებში კომპანიამ ორგანიზაციაში ინკლუზიური სამუშაო გარემოს შექმნისა და ქალების მხარდაჭერისთვის, ისაუბრა, თუ როგორ აისახა ეს ძალისხმევა „კრისტალის“ წარმატებულ შედეგებსა და განვითარებაზე.„2016 წლიდან, როცა გაეროს ქალთა გაძლიერების პრინციპების ხელმომწერები გავხდით, ჩვენთვის ქალთა მხარდაჭერა მხოლოდ ფორმალურად გადადგმული ნაბიჯები არასდროს ყოფილა. ამ გულწრფელმა ხელშეწყობამ, ზრუნვისა და მხარდაჭერის კულტურის გაუმჯობესებამ, ინკლუზიური გარემოს შექმნამ, სადაც ყველას ხმა ისმის, თანამშრომელი ქალებისთვის კომპანია უფრო მიმზიდველი გახადა. დღეს „კრისტალი“ მათთვის გრძელვადიანი შესაძლებლობების რეალიზების სივრცეა. ეს კომპანიისთვის მეტ სტაბილურობას, რისკების უფრო ეფექტიან მართვასა და უკეთეს ფინანსურ შედეგებს ნიშნავს. საბოლოოდ, ამ გადაწყვეტილებებისა და ინიციატივების ერთობლიობამ განაპირობა ის, რომ „კრისტალი“ ბოლო წლების საქართველოში ერთ-ერთი ყველაზე მომგებიანი ფინანსური ორგანიზაციაა“, - აღნიშნა ილია რევიამ.მან ასევე გაუსვა ხაზი ქალების რაოდენობას მომხმარებლების და თანამშრომლების ჭრილში:  კრისტალის მომხმარებლების 60%-სა და თანამშრომლების 70%-ს ქალები შეადგენენ. კომპანიის აღმასრულებელ საბჭოში ორი პოზიცია ქალებმა დაიკავეს, გაიზარდა მათი წარმომადგენლობა სამეთვალყურეო საბჭოშიც. მათი მხრიდან, ზრუნვაზე დაფუძნებულმა ურთიერთობამ ხელი შეუწყო თანამშრომლების ლოიალობის ზრდას და თუ 2021 წელს ის 29% იყო, 2025 წლისთვის უკვე 50%-ს აჭარბებდა. რაც შეეხება თანამშრომლების გადინებას, 2020 წელს არსებული 27%-იდან დღესდღეობით მაჩვენებელი 10%-მდეა შემცირებული, რაც ფინანსურ სექტორში ერთ-ერთი ყველაზე დაბალი მონაცემია.წლევანდელი ფორუმის გამორჩეულ ნაწილს წარმოადგენდა ევროპული ბიზნეს ასოციაციის  დაჯილდოების ცერემონია. ნომინაციაში „წლის ლიდერი ქალი“ „კრისტალის“ გარემოსდაცვითი და კორპორაციული სოციალური (E&S) პასუხისმგებლობის მიმართულების  ხელმძღვანელმა მაია ქობალიამ გაიმარჯვა. ამას გარდა, ჯილდო ნომინაციაში „კაცი ჩემპიონი“, რომელიც ქალთა გაძლიერების მიმართულებით გაწეული საქმიანობისთვის ქართული ბიზნესის ისტორიაში პირველად გაიცა, „კრისტალის“ ადამიანების განვითარების განყოფილების ხელმძღვანელმა, როდიონ ქორჩილავამ მიიღო.პანელური დისკუსიებისა და დაჯილდოების ცერემონიის გარდა, ქალთა ეკონომიკური გაძლიერების ფორუმზე ევროპული ბიზნეს ასოციაციის ქალთა ეკონომიკური გაძლიერების კომიტეტიც წარადგინეს, რომელიც აქტიურად გააგრძელებს ქალთა ეკონომიკური გაძლიერების, ინკლუზიური ლიდერობისა და თანაბარი შესაძლებლობების მხარდაჭერას.საგულისხმოა, რომ ღონისძიების პარალელურად მოეწყო გამოფენაც, რომელშიც ევროპული ბიზნესასოციაციის წევრი კომპანიების, სოციალური საწარმოებისა და მეწარმე ქალების, მათ შორის „კრისტალის“ ქალთა გაძლიერების პროგრამის - „ბაზ საქართველოს“ ელჩი ქალების პროდუქტებიც იყო წარმოდგენილი.ფორუმი მაღალი დონის დისკუსიებისა და სტრატეგიული დიალოგის პლატფორმას წარმოადგენს და ბიზნესლიდერებს, საერთაშორისო პარტნიორებსა და დარგის პროფესიონალებს აერთიანებს. მისი მიზანი ინკლუზიური ბიზნესგარემოს ხელშეწყობა, ეკონომიკურ ზრდაში ქალების წვლილის ხაზგასმა და იმ გამოწვევების ერთობლივად დაძლევაა, რომლებიც თანამედროვე ბაზარზე არსებობს.𝐄𝐁𝐀𝟒𝐖𝐨𝐦𝐞𝐧 𝐒𝐢𝐠𝐧𝐚𝐭𝐮𝐫𝐞 𝐅𝐨𝐫𝐮𝐦European Business Association GeorgiaCrystalმიკრობანკი “კრისტალის”  შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 27-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 47 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები. (R)

1773645233

გამოძიებით დადგინდა, რომ ბრალდებულებმა, საბაჟო გამშვები პუნქტი „ყაზბეგის“ გავლით, სატვირთო ავტომანქანაში სპეციალურად მოწყობილი სამალავის გამოყენებით, საბაჟო კონტროლისგან მალულად გადმოიტანეს 18 000 კილოგრამი უნივერსალური დანამატი „ოქტან+“.ბრალდებულები, საბაჟო წესების დარღვევით, სისტემატურად ახდენდნენ ნივთიერება „ოქტან+“-ის საქართველოში შემოტანას, რომელსაც ავტომობილებისათვის განკუთვნილი საწვავის მისაღებად იყენებდნენ. დანაშაულებრივი ჯგუფის წევრები გარდაბნის მუნიციპალიტეტის სხვადასხვა ლოკაციაზე არსებულ საამქროებში კუსტარულად დამზადებული საწვავის რეალიზაციას თბილისში მდებარე მათსავე კუთვნილ ბენზინგასამართ სადგურებზე ახდენდნენ.საგამოძიებო მოქმედებების შედეგად ამოღებული ნივთიერების ღირებულება 22 000 ლარს აღემატება.გამოძიება მიმდინარეობს საქართველოს სისხლის სამართლის კოდექსის 214-ე მუხლის მე-2 ნაწილითა და მე-5 ნაწილის „დ“ ქვეპუნქტით, ასევე 218-ე მუხლის მე-2 ნაწილის „ბ“ ქვეპუნქტით, რაც სასჯელის სახით ითვალისწინებს თავისუფლების აღკვეთას 8-დან 11 წლამდე ვადით.

1773422238

ხუთშაბათს ჰონკონგის ავიაგადამზიდავმა Cathay Pacific-მა გამოაცხადა საწვავის მოსაკრებლის - იმ დანამატის გაზრდის შესახებ, რომელსაც ავიაკომპანიები ბილეთის ღირებულებაში რთავენ. ეს მოსაკრებელი გარკვეულ ქვეყნებში 18 მარტიდან შეძენილი ბილეთებისთვის თითქმის ორმაგდება. მაგალითად, კანადაში ნაყიდი ბილეთებისთვის მოსაკრებელი 101 კანადური დოლარიდან ($73.5 აშშ დოლარი) 202.6 დოლარამდე (148 აშშ დოლარი) გაიზარდა - ეს კი გარდაუვალად იწვევს ბილეთის ფასის ზრდას.BBC-ის ინფორმაციით, ერთი დღით ადრე საწვავის მოსაკრებლის გაზრდაზე განაცხადა Air India-მაც. მოსაკრებელი გაიზრდება ყველა შიდა და საერთაშორისო რეისზე. 18 მარტიდან ევროპის მიმართულებით ფრენებზე მოსაკრებელი 25 დოლარით - 125 დოლარამდე მოიმატებს, ხოლო ჩრდილოეთ ამერიკის ბილეთები 50 დოლარით გაძვირდება და მოსაკრებელი 200 აშშ დოლარს შეადგენს.მანამდე მსგავსი გადაწყვეტილება მიიღეს Air New Zealand-მა და Hong Kong Airlines-მა. Reuters-ის ინფორმაციით, Scandinavian Airlines-მა 10 მარტს განაცხადა, რომ საავიაციო საწვავის გაძვირების გამო ფასების დროებითი კორექტირება აამოქმედა.ირანში ომის დაწყების შემდეგ საავიაციო საწვავის ფასი ბარელზე 85-90 დოლარიდან 150-200 დოლარამდე გაიზარდა. საწვავი ავიაკომპანიების საოპერაციო ხარჯების მეოთხედს შეადგენს. ზოგიერთმა კომპანიამ განაცხადა, რომ ფასებს დაუყოვნებლივ არ ზრდის, თუმცა მათი განცხადებებიდან არ გამომდინარეობს, რომ ეს მოგვიანებით არ მოხდება. ნავთობის ფასი იზრდება - 13 მარტს Brent-ის მარკის ნავთობის ფასი ბარელზე 100 დოლარს ასცდა, რაც ომის დაწყებიდან დაახლოებით 24%-იანი ზრდაა.ჩაკეტილი საჰაერო სივრცესაჰაერო მარშრუტები დაგრძელდა რამდენიმე ქვეყნის მიერ ცის ჩაკეტვის გამო. BBC-ის ინფორმაციით, 2026 წლის თებერვალში ომის დაწყების შემდეგ, სპარსეთის ყურის ბევრმა ქვეყანამ ჩაკეტა საჰაერო სივრცე, თუმცა მოგვიანებით რეჟიმი შეამსუბუქა. საუდის არაბეთი კვლავ დაკეტილს ტოვებს ერაყთან და სპარსეთის ყურესთან მოსაზღვრე სივრცეს, ხოლო არაბთა გაერთიანებულმა საამიროებმა და კატარმა საჰაერო მოძრაობის უსაფრთხოების განსაკუთრებული რეჟიმი (ESCAT) შემოიღეს. ეს ნიშნავს, რომ ყოველ რეისზე საჭიროა სპეციალური ნებართვა, მოძრაობას კი სამხედროები აკონტროლებენ.ზოგიერთი სახელმწიფოს თავზე ცა სრულად ჩაკეტილი რჩება: ეს თავად ირანია, სადაც საბრძოლო მოქმედებები მიმდინარეობს, ასევე ბაჰრეინი, ერაყი, ისრაელი, ქუვეითი და სირია. რეგიონის ცის სრულად ჩაკეტვა შეუძლებელია, რადგან აქ მდებარეობს უმსხვილესი საავიაციო ჰაბები. ერთი ასეთი კვანძის გაჩერებამაც კი შეიძლება ძლიერ გაართულოს კავშირი მსოფლიოს დაშორებულ წერტილებს შორის, მაგალითად, დასავლეთ ევროპასა და სამხრეთ-აღმოსავლეთ აზიას შორის. შედეგად, გადამზიდავები იძულებულნი გახდნენ გაეუქმებინათ რეისები ან შეეცვალათ მარშრუტები ჩაკეტილი ზონებისთვის გვერდის ავლის მიზნით.ახალი მარშრუტებიცაში ლაინერები, როგორც წესი, დადგენილი მარშრუტებით - თავისებური „ავტომაგისტრალებით“ მოძრაობენ. ეს კეთდება საჰაერო მოძრაობის რეგულირებისთვის. თვითმფრინავი კვეთს ზონებს, რომლებსაც დისპეტჩერები მართავენ (FIR - საფრენოსნო ინფორმაციის რაიონი). როდესაც რეგიონში ომი იწყება, თვითმფრინავები უბრალოდ ვერ შემოუფრენენ ამ ადგილს - ისინი უნდა ჩაეწერონ ნაკადში, რომელიც სხვა მარშრუტით მიდის. ეს ტვირთავს დისპეტჩერებს, რის გამოც ცენტრები ჩვეულებრივ დამატებით კადრებს ამატებენ.ირანის თავზე გადიოდა ერთ-ერთი ყველაზე დატვირთული საერთაშორისო მარშრუტი, რომელიც სპარსეთის ყურის ქვეყნებს ევროპასთან, ინდოეთთან და სამხრეთ-აღმოსავლეთ აზიასთან აკავშირებდა. რეისები ევროპიდან ახლა უფრო ჩრდილოეთით - უკრაინისა და რუსეთის ჩაკეტილ სივრცეებსა და ირანს შორის არსებულ საკმაოდ ვიწრო კორიდორში გადის. ეს მარშრუტი შავი ზღვის სამხრეთ ნაწილზე, შემდეგ აზერბაიჯანზე, კასპიის ზღვაზე, თურქმენეთზე, ავღანეთსა და პაკისტანზე გადის.ერთ-ერთი ყველაზე დატვირთული საფრენოსნო ინფორმაციის რაიონები გახდა ბაქოს (UBBA) და თბილისის (UGGG) ცენტრები. ამ ქვეყნების სადისპეტჩერო ცენტრები ახლა ემსახურებიან მსოფლიოში ერთ-ერთი ყველაზე პოპულარული მარშრუტის ე.წ. „ბოთლის ყელს“.მეორე ვარიანტი არაბეთის ნახევარკუნძულის თავზე ფრენაა. მაგალითად, Swiss Airlines-ის რეისი LX181 ბანგკოკიდან ციურიხში ადრე პირდაპირ ირანს კვეთდა. 2026 წლის ომის დაწყებისთანავე, მარშრუტი კვლავ კავკასიისკენ გადამისამართდა. ორივე ვარიანტი - კავკასიის გავლითაც და არაბეთის ნახევარკუნძულზეც — ზრდის ფრენის დროს და საწვავის ხარჯს.რეისები ჩრდილოეთიდან სამხრეთისკენ არანაკლებ ზარალდება. რუსული „აეროფლოტის“ რეისი მოსკოვიდან სეიშელის კუნძულებისკენ 18 თებერვალს 8.5 საათს გრძელდებოდა, 11 მარტს კი - 10 საათს. თვითმფრინავს დიდი წრის დარტყმა მოუწია პაკისტანისა და ავღანეთის თავზე.„ამჟამად მთელი ახლო აღმოსავლეთი მიუწვდომელია ავიაციისთვის, რაც ზოგიერთი ავიაკომპანიისთვის ძალიან მაღალი ფასია“, - განაცხადა სუბჰას მენონმა, აზია-წყნარი ოკეანის ავიაკომპანიების ასოციაციის ხელმძღვანელმა.სახიფათო რეგიონიBBC წერს, ირანის თავზე ავიაციის მარშრუტები ჯერ კიდევ 2020 წელს შეიცვალა, თეირანსა და ვაშინგტონს შორის ურთიერთობების გამწვავებისას. მაშინ, 8 იანვარს, „უკრაინის საერთაშორისო ავიახაზების“ რეისი PS752 თეირანიდან აფრენისთანავე ირანის საჰაერო თავდაცვამ ჩამოაგდო, რასაც 176 ადამიანი ემსხვერპლა.2025 წლის ზაფხულში, 12-დღიანი ომის დროს, მარშრუტები კვლავ შეიცვალა - უცნაური იქნებოდა სამოქალაქო თვითმფრინავების ფრენა იმავე ცაზე, სადაც გამანადგურებლები და ბომბდამშენები მოქმედებდნენ. თუმცა, იმ მომენტისთვის სამოქალაქო ავიაციის საერთაშორისო ორგანიზაციას (ICAO) უკვე შემუშავებული ჰქონდა მარშრუტების ცვლილების სქემა, რათა საჭიროების შემთხვევაში ავიაკომპანიებს მუშაობის სწრაფად გადაწყობა შეძლებოდათ.

1773421312