კობახიძე: საქართველოს მშვიდობისა და დაკავშირებადობის პოლიტიკა წარმატებულია

თიბისი, როგორც ღონისძიების მთავარი მხარდამჭერი, სტუმრებს განსაკუთრებულ შეთავაზებებს უმზადებს. ბაზრობის ფარგლებში, შერჩეულ პარტნიორებთან თიბისის ტერმინალზე გადახდისას, მომხმარებლები მომენტალურად დაიბრუნებენ გადახდილი თანხის 20%-ს, მაქსიმუმ 50 ლარი. შეთავაზებით სარგებლობა შეუძლიათ მოსწავლის ბარათის და 18-23 წლის ახალი თიბისი ბარათის მფლობელებს. დამატებით დეტალებს გაეცანით თიბისის მობაილბანკში. თიბისის სპეციალურ ზონაში სტუმრები შეძლებენ დრო კომფორტულ და საინტერესო გარემოში გაატარონ, აქვე ექნებათ მათ თიბისის ახალი ბარათის აღების შესაძლებლობაც.თბილისის წიგნის ბაზრობა ოფიციალურად გაიხსნება 23 აპრილს - წიგნისა და საავტორო უფლებების საერთაშორისო დღეს. ოთხი დღის განმავლობაში ექსპო ჯორჯიას XI პავილიონში უმასპინძლებს სტუმრებს. დამთვალიერებლებს ადგილზე დახვდებათ საყვარელი გამომცემლობები და წიგნის მაღაზიები, წიგნის ბაზრობაზე პირველად წარმოდგენილი ახალი გამოცემები, სპეციალური ფასდაკლებები და მრავალფეროვანი ლიტერატურული პროგრამა. წლევანდელი ბაზრობის მთავარი გზავნილია „წიგნებით თავისუფლებისთვის“, რომლის გარშემოც ერთიანდებიან გამომცემლები, ავტორები და მკითხველები.წელს, ბაზრობაზე პირველად მოეწყობა ახალგაზრდული სივრცე „იკითხე, იფიქრე, გადაამოწმე“, რომელიც მოზარდებს შესთავაზებს შემეცნებით და ინტერაქციულ გამოცდილებას. სივრცის მიზანია, ხელი შეუწყოს კრიტიკული აზროვნებისა და მედიაწიგნიერების განვითარებას, თანამედროვე სამყაროში კითხვის ახალი მნიშვნელობის გააზრებასთან ერთად.წიგნის ბაზრობის დაგეგმილი პროგრამა რამდენიმე მიმართულებას მოიცავს და ოთხ სივრცეში გადანაწილდება: მთავარი სცენა - წიგნის პრეზენტაციები და ავტორებთან შეხვედრები; მცირე სცენა - ლიტერატურული პერფორმანსები; საბავშვო სივრცე - ზღაპრების კითხვა და შემეცნებითი აქტივობები; ახალგაზრდული სივრცე - ვორქშოპები, მასტერკლასები და აქტივობები ციფრული უსაფრთხოებისა და მედიაწიგნიერების მიმართულებით.თიბისი, ჩვენს ქვეყანაში, კულტურული და საგანმანათლებლო ინიციატივების მთავარი მხარდამჭერია. სწორედ ამიტომ თიბისი თბილისის წიგნის ბაზრობის მხარდამჭერი და მისი უცვლელი პარტნიორია მისი დაარსების დღიდან.(R)

1776423528

„ლიდერობის სიმწირე და გამორჩეული ლიდერების არარსებობა ერთ-ერთი გამოკვეთილი პრობლემაა თანამედროვე მსოფლიო პოლიტიკის კონტექსტში. ჩემი ბავშვობის პერიოდში მსოფლიოს დიდებული ლიდერები ჰყავდა, ხოლო ახლა სიტუაცია ბევრად განსხვავებულია. სავარაუდოდ, ამ ნეგატიური მოვლენების უკან არაფორმალური გავლენები დგას“, – აღნიშნა პრემიერმა და გამონაკლისად თურქეთის ლიდერი დაასახელა.კობახიძის განცხადებით, არაფორმალური გავლენები იკვეთება ოფიციალურ მრავალმხრივ ორგანიზაციებშიც, რაც აფერხებს სუვერენიტეტის დაცვას და საერთაშორისო სამართლის აღსრულებას. „კონკრეტული მრავალმხრივი ორგანიზაციები სუვერენიტეტის დაცვის ნაცვლად ქვეყნებს გამოწვევებს უქმნიან. ამის „კარგი“ მაგალითია საქართველო. ამ მიმართულებით გარკვეული გამოწვევების წინაშე ვართ ზოგიერთი მრავალეროვნული ორგანიზაციის მხრიდან“, – განაცხადა მან.პრემიერმა ხაზი გაუსვა, რომ წესებზე დაფუძნებული საერთაშორისო სისტემა ამჟამად კრიზისს განიცდის. „ყველას კარგად გვახსოვს ისეთი ფრაზები, როგორიცაა „წესებზე დაფუძნებული საერთაშორისო წესრიგი“, „ფასეულობებზე დაფუძნებული საერთაშორისო წესრიგი“. სამწუხაროდ, ეს უკვე ჩაბარდა წარსულს. ამაზე ბევრი პოლიტიკოსი საუბრობს“, – აღნიშნა მთავრობის მეთაურმა.ევროინტეგრაციის პროცესზე საუბრისას, კობახიძემ დაადასტურა საქართველოს ურყევი ნება, გახდეს გაერთიანების წევრი, თუმცა მიუთითა ევროკავშირის შიდა პრობლემებზე. „ჩვენ დაინტერესებულნი ვართ, გავხდეთ ევროკავშირის სრულფასოვანი წევრი სახელმწიფო. ამავდროულად, ვხედავთ რა გამოწვევების წინაშე იმყოფება თავად ევროკავშირი. ეს ფუნდამენტური გამოწვევებია“, – განაცხადა მან.მისი შეფასებით, ევროკავშირს წლების განმავლობაში ჰქონდა ძლიერი იდენტობა, კეთილდღეობის მაღალი მაჩვენებლები და სამართლის უზენაესობა, რაც ახლა საფრთხის ქვეშაა. „თუ ამჟამინდელ ევროკავშირს შევხედავთ, ამ სამივე მიმართულებით მას სერიოზული გამოწვევები აქვს. ეს ჩვენ ძალიან გვაწუხებს და იმედს ვიტოვებთ, რომ ევროკავშირში სიტუაცია სამომავლოდ შეიცვლება“, – დასძინა პრემიერმა.პრემიერ-მინისტრმა დიპლომატია დაასახელა საქართველოს სუვერენიტეტისა და დამოუკიდებლობის დაცვის მთავარ იარაღად. „საუკუნეების განმავლობაში ჩვენ ვარსებობდით ძალიან რთულ გეოპოლიტიკურ გარემოში, იმპერიების გზაჯვარედინზე. ჩვენ გარშემო არსებული მრავალი იმპერია გაქრა, თუმცა საქართველო გადარჩა. სწორედ ამიტომ დიპლომატიისა და მისი როლის ღრმად გვწამს“, – აღნიშნა კობახიძემ.რეგიონულ ჭრილში, პრემიერმა ყურადღება გაამახვილა სამხრეთ კავკასიის მზარდ მნიშვნელობაზე და საქართველოს სატრანზიტო ფუნქციაზე. „საქართველო სატრანზიტო კვანძს წარმოადგენს საქონლის, მომსახურების, ენერგიისა და ციფრული მონაცემების ეფექტური გადაადგილებისთვის. ჩვენ ვცდილობთ, რაც შეიძლება მეტად განვამტკიცოთ ჩვენი დამაკავშირებელი ფუნქცია“, – განაცხადა მან.კობახიძის თქმით, ქვეყნის ეკონომიკური მაჩვენებლები ადასტურებს მშვიდობაზე ორიენტირებული პოლიტიკის წარმატებას. „ბოლო ხუთი წლის განმავლობაში საქართველოს ეკონომიკური ზრდის ტემპი ევროპაში ყველაზე მაღალი იყო, 2021 წლიდან საშუალოდ 9.3%. წლევანდელი წელიც კარგად დავიწყეთ: იანვარ-თებერვალში 8.4%-იანი ზრდა დავაფიქსირეთ“, – აღნიშნა პრემიერმა.გამოსვლის დასასრულს, ირაკლი კობახიძემ ხაზი გაუსვა ჯანსაღი ეკონომიკური კავშირების როლს კონფლიქტების გადაჭრაში. „ჩვენ ხიდები უნდა ავაშენოთ მისი დაწვის ნაცვლად, ეს უნდა იყოს ზოგადი მიდგომა. ამ შემთხვევაში კი დიპლომატიის როლი გაცილებით, გაცილებით ძლიერი გახდება“, – დაასკვნა საქართველოს მთავრობის მეთაურმა.

1776421639

ოთხშაბათით დათარიღებული დოკუმენტები აღწერს ომის უარყოფით შედეგებს ამერიკის პრესტიჟზე მსოფლიოს სამ სხვადასხვა ქვეყანაში: ბაჰრეინში, აზერბაიჯანსა და ინდონეზიაში. ამ ქვეყნების დედაქალაქებში მომუშავე ამერიკელი დიპლომატები ხატავენ მძიმე სურათს, სადაც ამერიკა მედიასივრცეში ალყაშია მოქცეული პრო-ირანული აქტორების მიერ, რომლებიც ციფრულ სივრცეში განსაკუთრებული მოქნილობით გამოირჩევიან.POLITICO წერს, რომ აზერბაიჯანში ურთიერთობები, რომლებიც მანამდე მნიშვნელოვნად უმჯობესდებოდა, საუკეთესო შემთხვევაში სტაგნაციას განიცდის, უარეს შემთხვევაში კი – უფსკრულისკენ მიექანება. ბაჰრეინის მთავრობა კითხვების წინაშე დგას იმის შესახებ, მიატოვა თუ არა აშშ-მა იგი ირანული დრონებისა და რაკეტების პირისპირ. ხოლო ინდონეზიის ლიდერი შესაძლოა აშშ-თან უსაფრთხოების სფეროში კავშირების შემცირების მოთხოვნის წინაშე დადგეს.POLITICO-ს ინფორმაციით, ზოგიერთი წერილი აღწერს ანტიამერიკულ განწყობებს, რომლებსაც დაუყოვნებლივი ეფექტი აქვთ, სხვები კი გამოთქვამენ შეშფოთებას, რომ ომის გაგრძელების შემთხვევაში ურთიერთობები საფრთხის ქვეშ დადგება. მთლიანობაში, დოკუმენტები ქმნის სურათს, სადაც აშშ კარგავს მოსახლეობის, და პოტენციურად მათი მთავრობების ნდობას.წერილებში ჩანს შეფარული თხოვნები ტრამპის ადმინისტრაციისადმი, რათა ამერიკულ საელჩოებს მიეცეთ მეტი თავისუფლება ნეგატიურ ნარატივებთან საბრძოლველად როგორც ინტერნეტში, ისე ტრადიციულ მედიაში. ინდონეზიის დედაქალაქ ჯაკარტადან გაგზავნილ წერილში ნათქვამია, რომ საელჩოებს სჭირდებათ „მოქნილობა და სოციალურ მედიაში სწრაფი, პროაქტიური მოქმედების თავისუფლება“.POLITICO-ს მიერ მოპოვებული დოკუმენტების თანახმად, აშშ-ის საელჩოებს დავალებული აქვთ, არ შექმნან ორიგინალური კონტენტი ირანის ომზე და მხოლოდ თეთრი სახლის ან სახელმწიფო დეპარტამენტის მიერ დამტკიცებული გზავნილების გაზიარებით შემოიფარგლონ.ამ წერილების გაგზავნის ფაქტი იმაზე მეტყველებს, რომ სიტუაცია კრიტიკულია. დიპლომატების თქმით, ბევრი მათგანი ერიდება ხმამაღლა საუბარს ტრამპის ადმინისტრაციის პირობებში, რადგან ისინი ჩამოაშორეს საგარეო პოლიტიკის ძირითად გადაწყვეტილებებს.ირანის ისლამისტური ხელმძღვანელობა კი, პირიქით, იყენებს ბოტებს, მემებსა და სხვა ინსტრუმენტებს სხვადასხვა პლატფორმაზე აშშ-ის პოზიციების შესასუსტებლად. მათი დიპლომატები ასევე იყენებენ კავშირებს რელიგიურ, კულტურულ და სოციალურ სფეროებში თეირანისადმი სიმპათიის მოსაპოვებლად.კომენტარის თხოვნის საპასუხოდ, სახელმწიფო დეპარტამენტის წარმომადგენელმა ტომი პიგოტმა განაცხადა: „პრეზიდენტ ტრამპის ქმედებები ამერიკის შეერთებულ შტატებს, მომავალ თაობებს და მთელ მსოფლიოს უფრო უსაფრთხოს ხდის იმით, რომ ხელს უშლის ირანის რეჟიმს ბირთვული იარაღის მოპოვებაში. ეს არის რეალობა და მთელი ადმინისტრაცია ამ მიზნის გარშემო ერთსულოვანია“.აშშ-ის ერთგულების ეჭვქვეშ დაყენება ბაჰრეინშიბაჰრეინი და აშშ მტკიცე მოკავშირეები არიან; ეს ახლო აღმოსავლური ქვეყანა მასპინძლობს ამერიკულ სამხედრო ბაზას, რომელიც აშშ-ის სამხედრო-საზღვაო ძალების მეხუთე ფლოტის შტაბ-ბინაა. თუმცა, მანამადან გამოგზავნილი წერილის მიხედვით, ომმა გააჩინა აღქმა, რომ აშშ-მა მიატოვა ბაჰრეინი და მხოლოდ ისრაელის დაცვაზე მოახდინა ფოკუსირება.პრო-ირანული სოციალური მედიის ანგარიშები მიანიშნებენ, რომ აშშ-ის სამხედრო ყოფნამ „ბაჰრეინი სამიზნედ აქცია“ და ამერიკულმა ძალებმა ქვეყანა უნდა დატოვონ. ერთ-ერთი ფართოდ გავრცელებული პოსტი კითხულობდა: „რატომ განათავსეს აშშ-ის ძალები სასტუმროებში მშვიდობიან მოსახლეობას შორის? იმსახურებს კი ამერიკა, რომელმაც ყურის რეგიონი ისრაელის უსაფრთხოებისა და ნეთანიაჰუს მიზნების გამო მიატოვა, ბაჰრეინელი ხალხი რისკის ქვეშ დააყენოთ?“დიპლომატების აზრით, პრობლემა ისიცაა, რომ აშშ-ის გზავნილები სუსტია, მაშინ როცა პრო-ირანული მხარე სწრაფად და კრეატიულად მოქმედებს. ბაჰრეინელი ოფიციალური პირები გამოთქვამენ წუხილს, რომ ამერიკული ადგილობრივი გზავნილების არარსებობა რისკს უქმნის საზოგადოების ნდობას აშშ-ისადმი.მიღწევების განეიტრალება აზერბაიჯანშიბაქოდან გაგზავნილი წერილის თანახმად, ირანის ომმა შესაძლოა დააზიანოს პროგრესი, რომელსაც აშშ-მა აზერბაიჯანთან ურთიერთობაში მიაღწია მას შემდეგ, რაც გასულ აგვისტოში ტრამპმა აზერბაიჯანსა და სომხეთს შორის სამშვიდობო სამიტს უხელმძღვანელა.POLITICO-ს ინფორმაციით, ომის დაწყებიდან პირველი თვის განმავლობაში აზერბაიჯანული მედია ნეიტრალურ ტონს ინარჩუნებდა, თუმცა აპრილში რიტორიკა შეიცვალა და უფრო კრიტიკული გახდა აშშ-ის მიმართ. ადგილობრივი გამოცემების უმეტესობამ კონფლიქტის დაწყებაში აშშ და ისრაელი დაადანაშაულა.წერილში აღნიშნულია, რომ მიუხედავად სოციალურ მედიაში აშშ-ისა და ისრაელის ქმედებების მკაცრი კრიტიკისა, ეს არ ნიშნავს პრო-ირანული განწყობების ზრდას აზერბაიჯანში, რადგან მოსახლეობის დიდი ნაწილი სეკულარულადაა განწყობილი და თეირანის ისლამისტური რეჟიმისადმი ზიზღს გრძნობს.პოზიციების დაკარგვა ინდონეზიაშიჯაკარტადან გაგზავნილი წერილის მიხედვით, ირანი ატარებს მასშტაბურ გავლენის ოპერაციას ინდონეზიაში – მსოფლიოს უდიდეს მუსლიმურ დემოკრატიაში. თეირანი ხაზს უსვამს მუსლიმურ სოლიდარობას და მიმართავს ანტიკოლონიურ განწყობებს, ისრაელსა და აშშ-ს კი „იმპერიალისტებად“ წარმოაჩენს.ირანის საელჩოს პოსტებს ახლა ათასობით მეტი ნახვა და დადებითი კომენტარი აქვს, ვიდრე მანამდე. დოკუმენტში ნათქვამია, რომ თუ ომი გაჭიანურდება, ამან შესაძლოა საფრთხე შეუქმნას ორ ქვეყანას შორის უსაფრთხოების სფეროში თანამშრომლობას. ყველაზე დიდი საფრთხე ისაა, რომ ირანული პროპაგანდა გააძლიერებს არსებულ ანტიამერიკულ განწყობებს იმ დონემდე, რომ პრეზიდენტ პრაბოვოს პოლიტიკური მანევრირების შესაძლებლობა შეეზღუდოს.საელჩო დაჟინებით ითხოვს მეტ თავისუფლებას მედიაფრონტზე საპასუხო დარტყმისთვის, რათა წინ აღუდგეს ანტიამერიკულ გზავნილებს მუსლიმურ აუდიტორიაში. ინდონეზიელ ოფიციალურ პირებს ამ საკითხზე კომენტარი ჯერ არ გაუკეთებიათ.

1776420179

შეხვედრა 29 აპრილს, 19:00-ზე, ფოთში,  ფარნავაზ მეფის #6 (საქართველოს ბანკის ფილიალის მეორე სართული) გაიმართება.შეხვედრაზე გიორგი მოსიძე დამსწრეებს საკუთარ გამოცდილებას გაუზიარებს და ისაუბრებს იმაზე, თუ როგორ გვეხმარება კრიტიკული და შემოქმედებითი აზროვნება დაგვეხმაროს ყოველდღიურ ცხოვრებაში უკეთესი გადაწყვეტილებების მიღებაში - როგორც სწავლის, ისე პიროვნული განვითარების კუთხით.ღონისძიება ინტერაქციული ფორმატით წარიმართება და მონაწილეებს შესაძლებლობა ექნებათ ჩაერთონ დისკუსიაში და დასვან მათთვის საინტერესო კითხვები.შეხვედრის დასასრულს გაიმართება ვიქტორინა, სადაც გამარჯვებულებს საჩუქრად შერჩეული წიგნები გადაეცემათ.ღონისძიებაზე დასწრება თავისუფალია, თუმცა აუცილებელია წინასწარი რეგისტრაცია ამ ბმულზე.(R)

1776418322

ბაქოში თავის პოზიციას იმით განმარტავენ, რომ საბოლოო სამშვიდობო შეთანხმება მეორე მხრიდან ლეგიტიმიზებული და მხარდაჭერილი უნდა იყოს იმ ხელისუფლების მიერ, რომელსაც გრძელვადიანი ვალდებულებების მანდატი ექნება.ამასობაში ერევანში განაცხადეს, რომ ვაშინგტონთან შეთანხმდნენ „ტრამპის მარშრუტის“ მშენებლობის დაჩქარებაზე. თუმცა, ექსპერტებს ეჭვი ეპარებათ, რომ სამშენებლო სამუშაოების დაწყება აშშ–სა და ირანს შორის მიმდინარე ომის პირობებში შეუძლებელია. მათივე აზრით, სირთულეს წარმოადგენს ასევე ინვესტორის მოძიება ასეთი პროექტისთვის.

1776418011

ავტორები ასკვნიან, რომ ვაშინგტონმა ეს არეალი აღარ უნდა განიხილოს როგორც პერიფერიული ნაწილი, რადგან მისი სტაბილურობა პირდაპირ კავშირშია ევროპის ენერგოუსაფრთხოებასთან.კავკასია – ევრაზიის ეკონომიკური ხიდიკვლევაში ხაზგასმულია, რომ უკრაინის ომმა დააჩქარა ახალი ევრაზიული წესრიგის დაბადება. ამ მოცემულობაში, სამხრეთ კავკასია წარმოადგენს უმნიშვნელოვანეს სავაჭრო და სატრანზიტო დერეფანს, რომელიც ცენტრალურ აზიას ევროპულ ბაზრებთან აკავშირებს.თუმცა, ანალიტიკოსების თქმით, ეს ფუნქცია საფრთხის ქვეშაა, სანამ ჩრდილოეთ კავკასია რუსეთის დომინირების ქვეშ რჩება. ჩრდილოეთ კავკასია აღწერილია, როგორც „სტრუქტურული საკეტი“, რომელიც სამხრეთ სატრანზიტო მარშრუტებს „დამოკლეს მახვილივით“ ადგას.ორი საკვანძო სცენარიავტორები ორ მთავარ სცენარს განიხილავენ: რუსული კონტროლის შენარჩუნება: რუსეთი ინარჩუნებს ძალის პროექციას და რეგიონულ კავშირებზე აწესებს მუდმივ „რისკის დანამატს“ (risk surcharge), რაც აფერხებს ინვესტიციებს და ართულებს ეკონომიკურ დაგეგმვას. რუსეთის გავლენის შესუსტება: მოსკოვის კონტროლის შესუსტება ჩრდილოეთ კავკასიაზე ათავისუფლებს რეგიონს ბლოკადისგან. ეს ქმნის შესაძლებლობას, შავი ზღვა-კასპიის რეგიონი გადაიქცეს სრულად ინტეგრირებულ სისტემად, რომელიც თავისუფალი იქნება გარე შეზღუდვებისგან. სტატიის დასკვნით ნაწილში ნათქვამია: „ამ წესრიგში შავი ზღვა-კასპიის რეგიონის საკვანძო წერტილების დაცვა დასავლეთისთვის სტრატეგიული აუცილებლობა ხდება“. ავტორები მოუწოდებენ პოლიტიკოსებს, რეგიონზე, როგორც ერთიან სისტემაზე ფიქრი ახლავე დაიწყონ, რათა ხელიდან არ გაუშვან რუსეთის გავლენისგან თავისუფალი ევრაზიის პერსპექტივა.

1776413073

ეს ყველაფერი ხდება იმ ფონზე, როდესაც OpenAI ცდილობს ხელოვნური ინტელექტის რბოლაში ლიდერობა შეინარჩუნოს და მზარდი მოთხოვნა დააკმაყოფილოს. იანვარში კომპანია უკვე დათანხმდა Cerebras-ისგან სამი წლის განმავლობაში 750 მეგავატი გამოთვლითი სიმძლავრის შესყიდვას, რაც $10 მლრდ-ზე მეტად იყო შეფასებული. ახალი ვალდებულებები ორჯერ აღემატება OpenAI-სა და ჩიპების მწარმოებელს შორის მანამდე არსებულ შეთანხმებას.Reuters-მა ვერ შეძლო ინფორმაციის დამოუკიდებლად გადამოწმება. OpenAI-ს სამუშაო საათების შემდეგ გაგზავნილ მოთხოვნაზე კომენტარი არ გაუკეთებია, Cerebras-მა კი კომენტარისგან თავი შეიკავა.აღნიშნული გარიგება ხაზს უსვამს ინდუსტრიის მზარდ მადას გამოთვლითი სიმძლავრეების მიმართ, რაც აუცილებელია inference-ის პროცესისთვის, რომლის მეშვეობითაც ხელოვნური ინტელექტის მოდელები პასუხებს აგენერირებენ.ანგარიშის თანახმად, Cerebras-მა OpenAI-სთან მანამდე გაუმჟღავნებელი შეთანხმების დეტალები, შესაძლოა, უკვე პარასკევს გამოაქვეყნოს.გარიგების პირობებით, OpenAI მიიღებს ვორანტებს Cerebras-ის უმცირესობის წილზე, ხოლო მისი წილი შესაძლოა გაიზარდოს დანახარჯების ზრდასთან ერთად.The Information ასევე წერს, რომ OpenAI დათანხმდა Cerebras-ისთვის დაახლოებით $1 მლრდ-ის გამოყოფას იმ მონაცემთა ცენტრების განვითარების დასაფინანსებლად, რომლებშიც მისი ხელოვნური ინტელექტის პროდუქტები იმუშავებს. მომდევნო სამი წლის განმავლობაში კომპანიის მთლიანმა დანახარჯებმა, შესაძლოა, $30 მლრდ-ს მიაღწიოს, რაც Cerebras-ში 10%-მდე წილის მფლობელობაში შეიძლება გადაიზარდოს.Reuters წერს, OpenAI-სთან კავშირი გადამწყვეტია Cerebras-ის მცდელობისთვის, გავიდეს საფონდო ბირჟაზე (IPO). ხელოვნური ინტელექტის ჩიპების მწარმოებელი მიმდინარე წლის მეორე კვარტალში გეგმავს აქციების საჯარო განთავსებას.კალიფორნიაში, სანივეილში ბაზირებული Cerebras, რომელიც ბოლოს $23.1 მილიარდად იყო შეფასებული, მომდევნო თვეში $3 მლრდ-ის მოზიდვას გეგმავს, რა დროსაც მისი სავარაუდო საბაზრო ღირებულება $35 მლრდ იქნება.2015 წელს დაარსებული კომპანია ცნობილია თავისი wafer-scale engine ჩიპებით და კონკურენციას უწევს Nvidia-სა და სხვა მწარმოებლებს. აღსანიშნავია, რომ OpenAI-ს გენერალური დირექტორი სემ ალტმანი Cerebras-ის ერთ-ერთი ადრეული ინვესტორია.

1776409435

პროექტი, სახელწოდებით LUCI, ეფუძნება ე.წ. Large Visual Memory Model-ს – ვიზუალური მონაცემების დამუშავების ალგორითმს, რომელიც ვიდეოსა და გარემოს აღქმას კონტექსტურად აანალიზებს. კომპანიის განმარტებით, სისტემა არა მხოლოდ ინახავს ვიდეოჩანაწერებს, არამედ მათ შინაარსობრივად აწყობს, რაც მომხმარებელს საშუალებას აძლევს კონკრეტული მოვლენა, საუბარი ან ადგილი ბუნებრივი ენის გამოყენებით მოძებნოს.კომპანიის წარმომადგენლების თქმით, LUCI განსხვავდება ტრადიციული ვიდეოჩამწერი მოწყობილობებისგან, რადგან მისი მიზანი „ციფრული არქივის“ შექმნა კი არა, გამოცდილების კონტექსტური დამუშავებაა. სისტემა მუდმივად ახდენს მონაცემების ინდექსირებას და ქმნის ე.წ. „მეხსიერების რუკას“, რაც სწრაფ ძიებას უზრუნველყოფს. მაგალითისთვის, ლეგიძლიათ ამ მოწყობილობას ჰკითხოთ: „სად დამრჩა სახლის გასაღები“, ან ნებისმიერი ნივთი და ის გეტყვით, რომ გასაღები, პირობითად, სამზარეულოს მაგიდაზე დევს.Memories.ai-ის ინფორმაციით, პროდუქტი ამ ეტაპზე განვითარების ფაზაშია და თავდაპირველად ხელმისაწვდომი იქნება დეველოპერებისა და ადრეული მომხმარებლებისთვის. კომპანიის გეგმებით, ფართო კომერციული გამოშვება 2026 წლის განმავლობაში იგეგმება, თუმცა ზუსტი თარიღი და ფასი ჯერ ოფიციალურად არ გამოცხადებულა.ტექნოლოგიის მიმართ ინტერესთან ერთად, ექსპერტები ყურადღებას ამახვილებენ პერსონალური მონაცემების დაცვისა და კონფიდენციალურობის საკითხებზე. Memories.ai აცხადებს, რომ მოწყობილობა მონაცემთა უსაფრთხოების მექანიზმებით იქნება აღჭურვილი და მომხმარებელი სრულ კონტროლს შეინარჩუნებს შენახულ ინფორმაციაზე.ხელოვნური ინტელექტის მოწყობილობების ბაზარი ბოლო წლებში სწრაფად იზრდება, ხოლო კომპანიები ცდილობენ შექმნან სისტემები, რომლებიც ადამიანის ყოველდღიურ საქმიანობას უფრო მჭიდროდ ინტეგრირდება. LUCI ამ მიმართულებით ერთ-ერთ ამბიციურ პროექტად განიხილება, რომელიც მიზნად ისახავს ტექნოლოგიასა და პირად გამოცდილებას შორის ზღვრის კიდევ უფრო შემცირებას.ჯამში კომპანიამ ამ სტარტაპისთვის 16 მილიონ დოლარზე მეტი მოიზიდა.

1776409265