„საქართველო ვასალობას არ დაუბრუნდება“ - პაპუაშვილი ჰერჩინსკის და ოპოზიციას „სალონურ მართვაში“ ადანაშაულებს

მორიგი შეხვედრა დუშეთში გაიმართა და ის ცესკოს პრესსპიკერმა ნათია იოსელიანმა გახსნა. ახალგაზრდებთან საუბრისას მან ყურადღება გაამახვილა ისეთ მნიშვნელოვან საკითხებზე, როგორებიცაა - არჩევნების მნიშვნელობა და ამომრჩევლის როლი დემოკრატიული პროცესების განვითარებაში.ნათია იოსელიანმა განსაკუთრებული ყურადღება დეზინფორმაციის საკითხს დაუთმო და ის საარჩევნო პროცესის ერთ-ერთ მთავარ გამოწვევად დაასახელა, ამასთან მან ახალგაზრდებს ამ მიმართულებით საარჩევნო ადმინისტრაციის სტრატეგიაც გააცნო.ცესკოს პრესსპიკერმა ასევე ისაუბრა იმ სასწავლო-საგანმანათლებლო პროექტებზე, რომლებსაც ცესკო ახალგაზრდებთან მიმართებაში ახორციელებს.ახალგაზრდებმა ასევე მიიღეს ინფორმაცია იმის შესახებ, თუ როგორ ხდება არჩევნების ორგანიზება და როგორია საარჩევნო ადმინისტრაციის ინსტიტუციური მოწყობა - ამ საკითხებზე მათ დეტალურად ესაუბრა დუშეთის საოლქო საარჩევნო კომისიის თავმჯდომარე მაია ველთაური.დუშეთში ახალგაზრდებთან შეხვედრა 28 აპრილს გაიმართა და მას  40-მდე ახალგაზრდა დაესწრო.შეხვედრა ცესკოს, ახალგაზრდობის სააგენტოსა და სხვა პარტნიორ უწყებებს შორის გაფორმებული ურთიერთთანამშრომლობის მემორანდუმის ფარგლებში გაიმართა. მემორანდუმი ახალგაზრდების ცნობიერების ამაღლების მიზნით ერთობლივი საგანმანათლებლო და საინფორმაციო კამპანიების განხორციელებას, კონფერენციების, სემინარებისა და სამუშაო შეხვედრების ორგანიზებას ითვალისწინებს. მემორანდუმის ფარგლებში ახალგაზრდებთან შეხვედრები ეტაპობრივად სხვადასხვა რეგიონში იმართება.(R)

1777459429

მისი განმარტებით, რეფორმა მიმართულია იმისკენ, რომ ხარისხიანი პროდუქტი მხოლოდ ხარისხიანი ნედლეულისგან იწარმოებოდეს, რაც ვენახების გაშენების პროცესის რეგულირებას აუცილებელს ხდის.„ღვინის ხარისხის რეფორმა მიმართულია საქართველოს ღვინის ინდუსტრიის გაძლიერებაზე, რომელიც ხელს შეუწყობს ღვინის კომპანიებისა და მცირე მარნების განვითარებას. იმისათვის, რომ გვქონდეს ხარისხიანი ღვინო, ქვეყანას უნდა ჰქონდეს ხარისხიანი ვენახი, რაც იმას ნიშნავს, რომ ვენახების გაშენება უნდა ექვემდებარებოდეს რეგულაციებს“, - აღნიშნა ვაჭარაძემ.ვის შეეხება ახალი წესები?სააგენტო ხაზგასმით განმარტავს, რომ რეგულაცია მხოლოდ სამეწარმეო და კომერციულ საქმიანობაზე ვრცელდება და არ ზღუდავს ფიზიკურ პირებს. სამეწარმეო ვენახი: 1 მაისიდან კომერციული მიზნით ვენახის გაშენება ან აღდგენა-განახლება მხოლოდ სააგენტოს თანხმობით იქნება შესაძლებელი (რეგულაცია არ ეხება იმ პირებს, რომლებიც ვენახს საკუთარი მოხმარებისთვის აშენებენ). მომსახურების საფასური: ვენახის გაშენებაზე თანხმობა ღვინის ეროვნული სააგენტოს მიერ უფასოდ გაიცემა. ზურაბ ვაჭარაძის თქმით, რეგულაციების გამკაცრება მსოფლიო ბაზარზე არსებულმა მდგომარეობამაც განაპირობა. ვაზისა და ღვინის საერთაშორისო ორგანიზაციის (OIV) მონაცემებით, 1961 წლის შემდეგ ღვინის მოხმარება მსოფლიოში ყველაზე დაბალ ნიშნულზეა, რაც მწარმოებლებს შორის კონკურენციას ამწვავებს.„ჭარბწარმოების ფონზე, აქცენტი უნდა გაკეთდეს ნედლეულისა და საბოლოო პროდუქტის ხარისხზე. ვენახების გაშენებაზე თანხმობა ევროკავშირის ღვინის მწარმოებელ ყველა ქვეყანაში გაიცემა“, - დასძინა მან.სააგენტოს ინფორმაციით, ბოლო წლების სტატისტიკით, საქართველოში ყოველწლიურად დაახლოებით 500 ჰექტარი ახალი ვენახი შენდება. არსებული ტემპის გათვალისწინებით, ახალი რეგულაცია წელიწადში საშუალოდ 100-მდე პირს შეეხება.სამეწარმეო ვენახის გაშენების წესი მოიცავს ისეთ მნიშვნელოვან ეტაპებს, როგორიცაა ჯიშებისა და საძირეების შერჩევა, ნიადაგის მომზადება და აგროტექნიკური ღონისძიებები, რაც საბოლოო ჯამში ვენახის მაღალ პროდუქტიულობასა და ხარისხს უზრუნველყოფს.5 მარტს, „საერთაშორისო გამჭვირვალობა - საქართველო“-მ (TI) იმ დროს უკვე პარლამენტში წარდგენილი „ვაზისა და ღვინის შესახებ“ ახალ კანონპროექტი კორუფციული რისკების შემცველად და მცირე მეწარმეებისთვის დამაზიანებლად შეაფასა. ორგანიზაცია აცხადებდა, რომ დაგეგმილი ცვლილებები, რომლებიც ვენახის გაშენებაზე სავალდებულო ნებართვის შემოღებასა და საოჯახო მარნებისთვის ბიუროკრატიული ტვირთის გაზრდას ითვალისწინებს, ღვინის ეროვნულ სააგენტოს „გაუმჭვირვალე ძალაუფლებას“ ანიჭებს და ბაზარზე მცირე მოთამაშეების შევიწროების საფრთხეს ქმნის."კანონპროექტი მნიშვნელოვნად ზრდის ღვინის ეროვნული სააგენტოს ძალაუფლებას, რომელსაც უკვე არა მხოლოდ მაკონტროლებლის ფუნქცია ექნება, არამედ ბაზარზე დაშვების მარეგულირებელიც ხდება", - წერდა TI.

1777458291

მებაჟე ოფიცრის მიერ, შეჩერებული უცხო ქვეყნის მოქალაქის რენტგენო ინსპექტირების სკანერით დათვალიერების შედეგად, გამოვლენილი იქნა ყავისთვის განკუთვნილ ორ ჰერმეტულ შეფუთვად დაფასოებული, საერთო ჯამში 1 კილოგრამი ,,ბუპრენორფინის" შემცველი აბები (2 500 აბზე მეტი).საქმის მასალები, შემდგომი რეაგირების მიზნით, საქართველოს შინაგან საქმეთა  სამინისტროს გადაეცა.

1777456985

კობახიძემ განცხადება გააკეთა უკრაინასა და მოლდოვაში არსებულ ვითარებაზე და აღნიშნა, რომ ამ ქვეყნების საქართველოსთან წინ დაყენება რეალობას მოკლებულია.„ყველა ვხედავთ, რა მდგომარეობაა უკრაინასა და მოლდოვაში. უკრაინაში, სამწუხაროდ, არის შექმნილი უმძიმესი მდგომარეობა. 2022 წლის შემდეგ პროცესები მძიმედ განვითარდა - ჩამოქცეულია ეკონომიკა, დანგრეულია ინფრასტრუქტურა, ჰუმანიტარული თვალსაზრისით არის უმძიმესი მდგომარეობა, კორუფცია ყვავის. რაც შეეხება მოლდოვას, ის არის ევროპის ერთ-ერთი ყველაზე კორუმპირებული ქვეყანა, ეს აისახება მათ შორის ეკონომიკურ ზრდაზე. ჩვენ ბოლო 5 წლის განმავლობაში მოვახერხეთ, დაახლოებით 14 მლრდ დოლარით გაგვეზარდა სხვაობა საქართველოსა და მოლდოვას ეკონომიკებს შორის“, - განაცხადა პრემიერმა.მთავრობის მეთაურის თქმით, საქართველოში პოლიტიკური კრიზისის დასასრულებლად აუცილებელია „კოლექტიური ნაციონალური მოძრაობის“ სამართლებრივი აკრძალვა, რისთვისაც მმართველმა გუნდმა საკონსტიტუციო სასამართლოს უკვე მიმართა.კობახიძემ ოპოზიციური ერთობა გერმანიის ნაციონალურ-სოციალისტურ პარტიას შეადარა.„თავისი არსით გერმანიის ნაციონალურ-სოციალისტურ პარტიას ვადარებ კოლექტიურ „ნაციონალურ მოძრაობას“, რომელიც შინაარსით არის ფაშისტურ-ბოლშევიკური გაერთიანება. ჩვენი სურვილია, რომ ამ ოთხი რადიკალური არაკონსტიტუციური პარტიის გარეშე ჩატარდეს საპარლამენტო არჩევნები. არ შეიძლება მუდმივად ამ ჩაკეტილ წრეზე ტრიალებდეს ჩვენი ქვეყანა, როდესაც ერთ მხარეს არის მმართველი პარტია და მეორე მხარეს არის რადიკალური, ანტისახელმწიფოებრივი და ანტიეკლესიური ოპოზიცია. ეს ჩაკეტილი წრე უნდა გაირღვეს“, - აღნიშნა კობახიძემ.პრემიერმა ხაზი გაუსვა, რომ ოპოზიციის აკრძალვის მოთხოვნა ეფუძნება მათ წარსულ საქმიანობასა და მუდმივ „საბოტაჟს“. მისი თქმით, სარჩელში წარმოდგენილია მრავალი არგუმენტი, მათ შორის „ადამიანის წამება, ბიზნესის რეკეტი და მედიის მიტაცება“. კობახიძის მოსაზრებით, რადიკალური ძალების ჩამოშორების შემდეგ, 2028 წლისთვის ასპარეზი „ჯანსაღ პოლიტიკურ სპექტრს“ დაეთმობა.საგარეო პოლიტიკის კონტექსტში, ირაკლი კობახიძემ ასევე ისაუბრა აშშ-სთან ურთიერთობების გადატვირთვის მოლოდინზე და დააზუსტა კომუნიკაციის ვადები.„ძალიან კონკრეტული გეგმები არსებობს. მაისის ბოლომდე კონკრეტულ შედეგებს იხილავთ, კონკრეტული მიმართულებებით კომუნიკაცია შედგება. ჩვენ გვაქვს კონკრეტული დღის წესრიგი ამერიკულ მხარესთან შეთანხმებული და არაერთი კომუნიკაცია შედგება მაისის ბოლომდე. აპრილი არ მითქვამს, მაისს გეუბნებით“, - დასძინა მან.

1777453693

ფეისბუკზე გამოქვეყნებულ ვრცელ პოსტში ბარნოვი მიიჩნევს, რომ ახალი რეგულაციები, რომლებიც ვენახის გაშენებას ბიუროკრატიულ ლაბირინთად აქცევს, შინაარსით ანტიეროვნულია. მისი თქმით, ეს პროცესი ქართული ღვინის მრავალფეროვნებას ისეთსავე საფრთხეს უქმნის, როგორც ისტორიული შემოსევები.„ეს არის ქართული ვაზის წინააღმდეგ განხორციელებული ისეთი ვანდალიზმი, ყოველგვარი სენტიმენტების გარეშე შაჰ აბასს რომ შეიძლება შევადაროთ. დარგი, რომელიც დინამიკურად ვითარდება და საქართველოს იმიჯის განუყოფელ ნაწილად იქცა, ერთი ხელის მოსმით უნდათ რომ მოკლან“, - აცხადებს ანდრო ბარნოვი.ბიუროკრატიული ბარიერები: „ნიადაგის ანალიზი ყველაზე დიდი ბომბია“ბარნოვის კრიტიკის მთავარი სამიზნე ის მოთხოვნებია, რომელთა დაკმაყოფილებაც მევენახეს ვენახის გაშენებამდე მოუწევს. იგი დეტალურად განმარტავს, თუ რატომ არის ეს პირობები დამღუპველი: „ადამიანი ვენახს ვეღარ გააშენებს, თუ არ წარადგინა ნიადაგის სრული ანალიზი და ლიცენზირებული სანერგედან ნერგის შეძენის ინვოისი. ეს სანერგეები დღეს ბრუნვაში არსებული ჯიშების 10%-საც არ აწარმოებენ. დაჯდება მერე ვიღაც ჩინოვნიკი და გადაწყვეტს, მოიღოს თუ არა მოწყალება. ნიადაგის ანალიზი ამ „უწყინარ“ ჩამონათვალში ყველაზე დიდი ბომბია. კრიტერიუმები არ ვიცით“.ბარნოვი Facebook-ზე გამოქვეყნებულ პოსტში ხაზს უსვამს იმ ფაქტს, რომ ეს რეგულაცია კლავს ექსპერიმენტებსა და ახალი ტერუარების აღმოჩენის შესაძლებლობას, რაც ქართული ღვინის მთავარი ხიბლია.„წარმოიდგინეთ, კარდენახში, ატენში, მუკუზანში, ხვანჭკარაში თუ ტვიშში რომ აქვს ადამიანს ვენახი, რა ნიადაგის ანალიზი უნდა იმას? პატრონს თავად თუ აინტერესებს, თორემ საქართველოს იმდენი ასეული ისტორიული ტერუარი აქვს, მარტო ტერუარის სახელი უდრის ათას ანალიზს. როგორ განვითარდება მრავალფეროვნება? - ვერ განვითარდება“, – წერს ანდრო ბარნოვი.მცირე მარნების გაქრობა და ეკონომიკური ზიანიბარნოვი პროგნოზირებს, რომ რეგისტრაციის ვალდებულება და მასთან დაკავშირებული ხარჯები (1000-2000 ლარი) გლეხების უმეტესობისთვის გადაულახავი იქნება, რაც ავტომატურად გაანადგურებს მცირე მარნებს, რომლებიც ყურძენს სწორედ ასეთი მევენახეებისგან ყიდულობდნენ.„რა მოუვათ მცირე მარნებს, რომლებიც შესანიშნავ მრავალფეროვნებას ქმნიდნენ ამ ქვეყანაში? — გაქრებიან. ამ მემარნეების შემოსავლების გაქრობა კი მთლიანად ეკონომიკას დააკლდება. გაღარიბდებიან ღვინის ბარები, ერთი მნიშვნელოვანი განზომილებით გაღარიბდება ტურისტული სექტორი. დასრულდება ექსპერიმენტები, დასრულდება ველური მევენახეობა და მეღვინეობა, ეს კი ზუსტად ის არის, რაც საქართველოს ნამდვილ ღვინის ქვეყნად აქცევს“, – წერს ბარნოვი.მისივე თქმით, ეს კანონი მევენახეებს აზარალებს, ხოლო ღვინის დიდ კომპანიებს „ქოც-მევენახეთა მონებად“ აქცევს, რადგან მათ მოუწევთ ყურძნის ჩაბარება მხოლოდ იმ მსხვილი ვენახებისგან, რომლებიც პრივილეგირებულ მდგომარეობაში აღმოჩნდებიან.რას ითვალისწინებს ახალი რეგულაცია?„ვაზისა და ღვინის შესახებ კანონში“ განხორციელებული ცვლილებების თანახმად, იცვლება სამეწარმეო ვენახების გაშენებასთან დაკავშირებული წესები. ყველა იმ პირმა, რომელმაც მიმდინარე წლის 1 მაისამდე გააშენა ვენახი და ამ დრომდე არ აქვს რეგისტრირებული ვენახების კადასტრის ერთიან ბაზაში, 2026 წლის 1 მაისამდე შესაბამის მუნიციპალიტეტში უნდა მიმართოს ღვინის ეროვნული სააგენტოს მევენახეობის კადასტრის სამმართველოს წარმომადგენლებს და ვენახი ოფიციალურად დაარეგისტრიროს.კანონში შესული ცვლილებების მიხედვით, 1 მაისის შემდგომ პერიოდში კომერციული მიზნებისთვის ვენახის გაშენება შესაძლებელი იქნება მხოლოდ ღვინის ეროვნული სააგენტოს წინასწარი თანხმობის საფუძველზე. წინააღმდეგ შემთხვევაში, პირი, რომელიც ვენახს თვითნებურად გააშენებს, ვერ შეძლებს მიღებული ყურძნის ან წარმოებული ღვინის კომერციულ რეალიზაციას.აღნიშნული რეგულაცია ვრცელდება მხოლოდ იმ პირებზე, რომლებიც ვენახის გაშენებას სამეწარმეო საქმიანობისთვის გეგმავენ და არ ეხება მათ, ვინც ვენახს პირადი მოხმარებისთვის აშენებს.ღვინის ეროვნული სააგენტოს მიერ ვენახის გაშენებაზე თანხმობა უფასოდ გაიცემა.5 მარტს, „საერთაშორისო გამჭვირვალობა - საქართველო“-მ (TI) იმ დროს უკვე პარლამენტში წარდგენილი „ვაზისა და ღვინის შესახებ“ ახალ კანონპროექტი კორუფციული რისკების შემცველად და მცირე მეწარმეებისთვის დამაზიანებლად შეაფასა. ორგანიზაცია აცხადებდა, რომ დაგეგმილი ცვლილებები, რომლებიც ვენახის გაშენებაზე სავალდებულო ნებართვის შემოღებასა და საოჯახო მარნებისთვის ბიუროკრატიული ტვირთის გაზრდას ითვალისწინებს, ღვინის ეროვნულ სააგენტოს „გაუმჭვირვალე ძალაუფლებას“ ანიჭებს და ბაზარზე მცირე მოთამაშეების შევიწროების საფრთხეს ქმნის."კანონპროექტი მნიშვნელოვნად ზრდის ღვინის ეროვნული სააგენტოს ძალაუფლებას, რომელსაც უკვე არა მხოლოდ მაკონტროლებლის ფუნქცია ექნება, არამედ ბაზარზე დაშვების მარეგულირებელიც ხდება", - წერდა TI.

1777452492

აღნიშნული ჯილდოს ფარგლებში, Global Finance-მა მდგრადი დაფინანსების მიმართულებით საუკეთესო ფინანსური ინსტიტუტები 56 ქვეყნისა და ტერიტორიული ერთეულის მასშტაბით დაასახელა.გამარჯვებულების შერჩევა დამოუკიდებელი მკვლევრებისა და სარედაქციო ჯგუფის მიერ ორგანიზაციების მხრიდან წარმოდგენილ მონაცემებზე დაყრდნობით მოხდა. შეფასების კრიტერიუმები მოიცავდა როგორც მმართველობით პოლიტიკასა და მიზნებს, ასევე მიღწევებს გარემოსდაცვითი და სოციალური მდგრადი დაფინანსების მიმართულებით.„ცენტრალური და სამხრეთ-აღმოსავლეთ ევროპის ქვეყნებისთვის დღეს კლიმატის ცვლილება და მასთან დაკავშირებული გამოწვევები აღარ არის აბსტრაქტული საკითხები, არამედ იქცა ყოველდღიურ გამოწვევად. სირთულეების მიუხედავად, რეგიონში არსებული ფინანსური ინსტიტუტები ავლენენ მნიშვნელოვან ლიდერობას და ახორციელებენ ინოვაციურ ინიციატივებს მდგრადი დაფინანსების მიმართულებით - მჭიდროდ თანამშრომლობენ საერთაშორისო პარტნიორებთან, რათა ხელი შეუწყონ მდგრადი ეკონომიკის განვითარებასა და მდგრადობაზე დაფუძნებული ბიზნეს-პრინციპების დანერგვას. ეს პროცესი მოიცავს არა მხოლოდ გარემოსდაცვით ინიციატივებს, არამედ გულისხმობს მდგრადობის უფრო ფართო გაგებასაც, რომელიც მიზნად ისახავს გრძელვადიანი ეკონომიკური სტაბილურობის, მდგრადი ბიზნესებისა და ინფრასტრუქტურის განვითარების ხელშეწყობას”, - აღნიშნულია Global Finance-ის განცხადებაში.“Global Finance-ის მიერ საქართველოს ბანკისთვის მონიჭებული ჯილდო – “2026 წლის საუკეთესო ბანკი საქართველოში მდგრადი დაფინანსების მიმართულებით” – ჩვენი გრძელვადიანი სტრატეგიისა და სისტემური მუშაობის მნიშვნელოვანი აღიარებაა. ჩვენთვის მდგრადობა არ არის ცალკეული ინიციატივა – ის ინტეგრირებულია ჩვენს ბიზნეს მოდელში, რისკების მართვაში და პროდუქტების განვითარებაში. ვმუშაობთ მწვანე და კლიმატზე ორიენტირებული დაფინანსების გაფართოებაზე, ESG შეფასებების გაძლიერებაზე და ისეთი ფინანსური გადაწყვეტილებების შექმნაზე, რომლებიც ერთდროულად ქმნის ეკონომიკურ ღირებულებას და პოზიტიურ გარემოსდაცვით და სოციალურ გავლენას. ჩვენი წარმატება და Global Finance-ის მიერ მონიჭებული აღიარება საქართველოს ბანკის 9000-ზე მეტი თანამშრომლის ძალისხმევის შედეგია. ეს ჯილდო გვაძლევს დამატებით მოტივაციას, გავაგრძელოთ ლიდერობა საქართველოს ფინანსურ სექტორში მდგრადი განვითარების მიმართულებით”, – აღნიშნავს ანა ოსაძე, საქართველოს ბანკის ESG და მდგრადობის მიმართულების ხელმძღვანელი.მდგრადი დაფინანსების ჯილდო გადაეცათ ისეთ ფინანსურ ინსტიტუტებს, როგორებიცაა: Deutsche Bank (გერმანია), Societe Generale (საფრანგეთი), HSBC (დიდი ბრიტანეთი), Ameriabank (სომხეთი) და სხვა. მსოფლიოში საუკეთესო ბანკად მდგრადი დაფინანსების მიმართულებით კი Societe Generale დასახელდა. 

1777451781

კანონპროექტი, რომელიც 28 აპრილს გამოქვეყნდა და პარლამენტში 2 ივლისამდე უნდა შევიდეს, ტექნოლოგიურ კომპანიებს ავალდებულებს, შემოსავლის ნაწილი ჟურნალისტების შრომის ანაზღაურებასა და რედაქციების მხარდაჭერას მოახმარონ.ინიციატივა ითვალისწინებს ფინანსური მექანიზმის შექმნას, რომელიც სოციალურ პლატფორმებს ახალ ამბების მწარმოებელ ორგანიზაციებთან შეთანხმებების გაფორმებას და მათი კონტენტის გამოყენებისთვის კომპენსაციის გადახდას წაახალისებს.პრემიერ-მინისტრმა ენტონი ალბანეზემ განაცხადა, რომ ჟურნალისტური შრომა უნდა ანაზღაურდეს. მისი თქმით, მსხვილმა საერთაშორისო კორპორაციებმა არ უნდა მიიღონ მოგება საინფორმაციო კონტენტიდან მისი შემქმნელებისთვის სამართლიანი ანაზღაურების გარეშე. ალბანეზემ დასძინა, რომ ჟურნალისტიკაში ინვესტიციები აუცილებელია „ჯანსაღი დემოკრატიის“ ფუნქციონირებისთვის.ტექნოლოგიური კომპანიების წარმომადგენლებმა ინიციატივა გააკრიტიკეს და მას ფაქტობრივად „ციფრული მომსახურების გადასახადი“ უწოდეს. მათი შეფასებით, შემოთავაზებული მოდელი არ ითვალისწინებს სარეკლამო ინდუსტრიაში მომხდარ ცვლილებებს და მედიისთვის მდგრად დაფინანსებას ვერ უზრუნველყოფს.ეს უკვე მეორე მცდელობაა, რომ ავსტრალიამ საკანონმდებლო დონეზე დაავალდებულოს ციფრული პლატფორმები, გადაიხადონ მათ სერვისებზე გავრცელებული საინფორმაციო კონტენტის გამოყენებისთვის.მანამდე სასამართლომ Google-სა და Meta-ს 6 მილიონი დოლარის გადახდა დააკისრა ქსელურ დამოკიდებულებასთან დაკავშირებულ საქმეზე.

1777451101

გამოცემის ცნობით, გადაწყვეტილება, რომელიც OPEC-ში ნავთობის მესამე უმსხვილეს მწარმოებელს ეკუთვნის, ხაზს უსვამს აბუ დაბის ხანგრძლივ უკმაყოფილებას წარმოების კვოტებთან დაკავშირებით, ასევე მიუთითებს საუდის არაბეთთან არსებული დაძაბულობის შენარჩუნებაზე. FT აღნიშნავს, რომ ირანში ომამდე საამიროები დღეში დაახლოებით 3.4 მილიონ ბარელ ნავთობს მოიპოვებდნენ.საამიროების ენერგეტიკის მინისტრმა სუჰაილ ალ–მაზრუიმ გამოცემას განუცხადა, რომ გადაწყვეტილება იყო „სუვერენული ნაბიჯი, რომელიც ეფუძნება ქვეყნის გრძელვადიან სტრატეგიულ და ეკონომიკურ ხედვას“. „ჩვენ აქტიურად ვმონაწილეობდით ჯგუფის მუშაობაში და ვუჭერდით მხარს მის ყველა გადაწყვეტილებას, თუმცა ახლა დროა მომავალზე ვიფიქროთ. ჩვენი შეფასებით, მომენტი სწორად არის შერჩეული, რადგან ეს მინიმალურ გავლენას მოახდენს მწარმოებლებზე“, – განმარტა მინისტრმა.FT-ის შეფასებით, ამ ნაბიჯის შედეგების სრულად განსაზღვრა შესაძლებელი იქნება მას შემდეგ, რაც ნავთობისა და გაზის ტრანსპორტირება აღდგება ჰორმუზის სრუტის გავლით.მანამდე საამიროების სახელმწიფო სააგენტომ WAM გაავრცელა ინფორმაცია, რომ არაბთა გაერთიანებული საამიროები OPEC-სა და OPEC+-ს 2026 წლის 1–ლი მაისიდან დატოვებენ.

1777449715