რუბიო კობახიძეს ესაუბრა

საგამოძიებო სამსახურის უფროსმა კოლეგებს პროფესიული დღე მიულოცა და მადლობა გადაუხადა თავდაუზოგავი შრომისთვის, პროფესიონალიზმისა და ერთგულებისათვის.„ეს სამსახური არის ძლიერი ინსტიტუტი, თუმცა მისი მთავარი საყრდენი ადამიანები არიან - პროფესიონალები, რომლებიც ყოველდღიურად უკომპრომისოდ იცავენ სახელმწიფოს ფინანსურ ინტერესებს. თქვენ მოქმედებთ მაღალი პასუხისმგებლობით, კანონის უზენაესობისა და სამართლიანობის პრინციპებზე დაყრდნობით. სწორედ ეს პრინციპები ქმნის იმ მყარ საფუძველს, რომელზეც დგას სახელმწიფოს ფინანსური უსაფრთხოება.  დღევანდელი დაჯილდოება არ არის მხოლოდ სიმბოლური აქტი. ეს არის ჩვენი გულწრფელი მადლიერება თქვენი თავდადებისთვის, შეუპოვრობისათვის და ღირსეული სამსახურისთვის. თითოეული ჯილდო ასახავს კონკრეტულ ისტორიას - პროფესიულ სიმტკიცეს, რთულ ვითარებაში მიღებულ სწორ გადაწყვეტილებას, გუნდურ მხარდაჭერას და მაღალ სტანდარტებს, რომელსაც ყოველდღიურად ამკვიდრებთ“, - განაცხადა მიხეილ მაღლაკელიძემ.დაჯილდოების ფარგლებში გაიცა  სამკერდე მედლები 10, 15, 20 წლიანი ღირსეული სამსახურისთვის, განსაკუთრებული დამსახურებისთვის, ასევე სამსახურის ხელმძღვანელობამ ფინანსთა სამინისტროს საგამოძიებო სამსახურის თანამშრომლები სამსახურებრივი მოვალეობის კეთილსინდისიერად შესრულებისთვის მადლობის სიგელებით დააჯილდოვა.საგამოძიებო სამსახური მომავალშიც გააგრძელებს მაღალი პროფესიული სტანდარტების დაცვასა და თანამშრომელთა წახალისებას.(R)

1774888768

სწორედ ამ მიზნით, ბანკი კომაროვის სკოლასთან თანამშრომლობით, STEM სკოლის პროექტს ახორციელებს.2026 წლის გაზაფხულის მიღება უკვე დასრულდა, ერთწლიან საგანმანათლებლო პროექტის მე-7 ნაკადში მონაწილეობის სურვილი 1600-ზე მეტმა მოსწავლემ გამოთქვა. შესარჩევი ტესტის შედეგად, STEM სკოლაში სწავლას საუკეთესო შედეგის მქონე 250 მოსწავლე გააგრძელებს სწავლას.მოსწავლეებისთვის განათლების კიდევ უფრო მეტი შესაძლებლობის შესაქმნელად კი საუკეთესო შედეგის მქონე 47 მოსწავლეს საქართველოს ბანკი სწავლას უფინანსებს.STEM სკოლის შესახებ მეტი ინფორმაციისთვის, ეწვიეთ ბმულს.ინფორმაციისთვის, საქართველოს ბანკისა და კომაროვის სკოლის ერთობლივი პროექტის ფარგლებში VII-XI კლასის მოსწავლეებს შესაძლებლობა აქვთ,  გაიარონ STEM სკოლის ერთწლიანი პროგრამა და მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიის, ტექნოლოგიების მიმართულებით და დაეუფლონ ყველაზე მოთხოვნად – მომავლის პროფესიების საფუძვლებს.პროექტის ფარგლებში, სასწავლო პროცესი დისტანციურად მიმდინარეობს, რაც შესაძლებლობას აძლევს მოსწავლეებს, გაკვეთილებს ნებისმიერი ლოკაციიდან დაესწრონ.ამასთან, განათლებაზე ხელმისაწვდომობის კიდევ უფრო გასაზრდელად, საქართველოს ბანკი ყოველწლიურად 90 მოსწავლეს უფინანსებს სწავლას - მათგან უმაღლესი ქულის მქონე 60 ახალგაზრდა სწავლის 100%-იან დაფინანსებას, 30 მათგანი კი 50%-იან გრანტს იღებს.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge(R)

1774888082

Moody's მოელის, რომ საქართველო საშუალოვადიან პერიოდში შეინარჩუნებს 5%-იან პოტენციურ ზრდას, რაც თანხვედრაშია სამინისტროს ოფიციალურ მოლოდინებთან.მინისტრის მოადგილემ ყურადღება გაამახვილა ვალისა და დეფიციტის კლების ტენდენციაზე. 2025 წელს სახელმწიფო ვალი მშპ-სთან მიმართებით 35%-ზე დაბალ ნიშნულზე დაფიქსირდა, ხოლო ბიუჯეტის დეფიციტი 1.5%-ის ფარგლებში შენარჩუნდა. ანგარიშში ასევე პოზიტიურად არის შეფასებული მიმდინარე ანგარიშის დეფიციტის ისტორიულ მინიმუმამდე შემცირება, პირდაპირი უცხოური ინვესტიციების დონე და გაზრდილი საგარეო რეზერვები.დოკუმენტში განსაკუთრებული ადგილი დაეთმო 2026 წლის იანვარში 500 მლნ აშშ დოლარის ღირებულების ევროობლიგაციების წარმატებულ რეფინანსირებას. დაფიქსირდა 5.1%-იანი განაკვეთი, რაც ბოლო 4 წლის მანძილზე ყველაზე დაბალი კუპონია მსგავსი რეიტინგის მქონე ქვეყნებს შორის. ეკატერინე გუნცაძის შეფასებით, სააგენტოს ანგარიშები ინვესტორთა ნდობის გამყარებისთვის უმნიშვნელოვანესია.

1774880940

„საგადასახადო კოდექსში“ შესატანი ცვლილებების მიხედვით, აქციზის განაკვეთები შემდეგნაირად განისაზღვრება: 0-დან 6 წლის ჩათვლით ასაკის ავტომობილებისთვის: ძრავის მოცულობის 1 სმ³-ზე - 1.5 ლარი 6 წელზე მეტი ასაკის ავტომობილებისთვის: ძრავის მოცულობის 1 სმ³-ზე - 4.5 ლარი ამასთან, ნარჩუნდება შეღავათი ჰიბრიდული ავტომობილებისთვის (ძირითადი განაკვეთის 60%-ით შემცირებული განაკვეთი), ხოლო მარჯვენასაჭიანი ავტომობილებისთვის აქციზის განაკვეთი გასამმაგდება.კანონპროექტის გარდამავალი დებულებების თანახმად, ძველი განაკვეთებით ისარგებლებენ ის იმპორტიორები, რომელთა ავტომობილები საქართველოში 2026 წლის 1-ელ აპრილამდე შემოვა, ან რომელთა ტრანსპორტირება უცხო ქვეყნიდან ამ თარიღამდე დაიწყება. სახმელეთო ტრანსპორტით შემოყვანის შემთხვევაში, ძველი განაკვეთი გავრცელდება 2026 წლის 1 ივლისამდე შემოყვანილ ავტომობილებზე.ინიციატივის ავტორები „ქართული ოცნების“ დეპუტატები არიან. მათი განმარტებით, მოქმედი სისტემა ვერ უზრუნველყოფს ავტოპარკის განახლებას, რადგან 6-8 წლის ავტომობილებზე არსებული დაბალი აქციზი სწორედ ძველი მანქანების შემოყვანას ხდის ეკონომიკურად ხელსაყრელს. ინიციატორების თქმით, ცვლილებების მიზანი ჰაერის დაბინძურების შემცირება, საგზაო უსაფრთხოების გაუმჯობესება და ახალი ავტომობილების იმპორტის სტიმულირებაა.აღნიშნული პროექტი პარლამენტს 17 მარტს წარედგინა და პირველი მოსმენით მიიღეს კიდეც, თუმცა მომდევნო დღეებში სხდომების არგამართვის გამო, მისი დაჩქარებული წესით მიღება ვერ მოხერხდა, რის გამოც ინიციატორებმა პროექტი ხელახლა წარადგინეს.

1774875131

"როდესაც საქმე ომსა და დიპლომატიას ეხება, ისევე როგორც ბიზნესში, აშშ-ის პრეზიდენტი დონალდ ტრამპი დეტალებზე არ ნერვიულობს. ის არც იმ სიღრმისეულ ანალიზსა და ექსპერტულ რჩევებს ეყრდნობა, რაც სხვა პრეზიდენტებისთვის ნორმა იყო. ის არის ლიდერი, რომელიც საკუთარ ინტუიციას მიჰყვება, რომელიც, როგორც თავად ამბობს: „ზოგჯერ იმაზე მეტს მეუბნება, ვიდრე სხვისი ტვინი მეტყვის ოდესმე“.აქამდე ტრამპი ახერხებდა ინტუიციაზე დაყრდნობით ფონს გასვლას. მისი მხრიდან ძალის გამოყენება იყო სწრაფი და შედეგიანი გასულ ივნისში ირანში და სულ რაღაც სამი თვის წინ ვენესუელაში. ის ასევე დაეხმარა კონფლიქტების დასრულებას, თუმცა იმ რვა ომიდან, რომელთა დასრულებასაც ის საკუთარ თავს მიაწერს, მათ შორის, ირონიულია, რომ ის ივნისში ისრაელსა და ირანს შორის ომსაც თვლის - უმეტესობა ან ისედაც მოგვარების პირას იყო, ან, როგორც კონგოს შემთხვევაში, რეალურად არც არასდროს დასრულებულა. ირანში კი მას ინტუიციამ საბოლოოდ უღალატა.ოთხკვირიანმა დაბომბვამ არ გამოიწვია ირანის რეჟიმის ან ქცევის ის სწრაფი ცვლილება, რასაც ტრამპის ინტუიცია მოელოდა. ამის ნაცვლად, თეირანმა სიტუაცია სათავისოდ შემოატრიალა: მიზანში ამოიღო ყურის ქვეყნები და ჩაკეტა ჰორმუზის სრუტე, რითაც რეგიონსა და მსოფლიოს სწრაფად მზარდი ხარჯები დააკისრა. ამით მან ტრამპს საბოლოოდ დაუპირისპირა მოწინააღმდეგე, რომელიც არ აპირებს მის ახირებებს დაემორჩილოს - 10,000 სამიზნის დაბომბვის შემდეგაც კი.ბევრისთვის, მათ შორის ტრამპის სამი წინამორბედისთვის ეს ყველაფერი მეტისმეტად პროგნოზირებადი იყო. სწორედ ამიტომ, თავის დროზე, მათ ყველამ დიპლომატია აირჩიეს ომის ნაცვლად, როდესაც ცდილობდნენ ირანისთვის ბირთვული იარაღის მოპოვება აღეკვეთათ. მაგრამ ტრამპი არ ჩაღრმავებია იმ დეტალებსა და ანალიზს, რამაც ყოფილი პრეზიდენტები - ჯორჯ ბუში, ბარაკ ობამა და ჯო ბაიდენი - დაარწმუნა, უარი ეთქვათ ირანის დაბომბვაზე, მათ შორის ისრაელის მხრიდან.ახლა კი მისი ინსტინქტი, რომ დაბომბვის კამპანია აღმოფხვრიდა საფრთხეს, რომლის წინაშეც აშშ-ის ყველა პრეზიდენტი იდგა ჯიმი კარტერის შემდეგ, მარცხდება. მისი სასოწარკვეთილი მცდელობები, აიძულოს ირანი დადოს შეთანხმება იმის მტკიცებით, რომ თეირანი მას „ეხვეწება“, და ელექტროსადგურების დაბომბვის მუქარისას ვადების მუდმივი გაგრძელება იმის ნიშანია, რომ ის აცნობიერებს: სულ უფრო მეტად არის გაჭედილი ორ ცუდ ვარიანტს შორის - სახმელეთო ჯარებით ესკალაციის აუცილებლობასა და იმ შეთანხმების მიღებას შორის, რომლის მოპოვებაც, სავარაუდოდ, ომის გარეშეც შეეძლო.ბევრმა მართებულად მიუთითა ირანის წინააღმდეგ ომის მომზადების, დაგეგმვისა და აღსრულების მრავალრიცხოვან ხარვეზებზე, რათა აეხსნათ, თუ რატომ აღმოჩნდა ტრამპი ამ მდგომარეობაში. თავად პრეზიდენტმა აღიარა, რომ გაკვირვებული იყო ირანის საპასუხო დარტყმით, ყურის მოკავშირეებზე თავდასხმითა და ჰორმუზის სრუტის ჩაკეტვით - მიუხედავად იმისა, რომ არაერთხელ გააფრთხილეს, რომ ირანი სწორედ ასე მოიქცეოდა.მაგრამ დიპლომატიაც, როგორც ომის წინა პერიოდში, ისე ახლა, ბევრ რამეს მოითხოვს. იმის ნაცვლად, რომ დაყრდნობოდა დიპლომატებს საჭირო მოლაპარაკების უნარებითა და გამოცდილებით ირანელ კოლეგებთან ურთიერთობისთვის, რომლებსაც, თავად მისი აღიარებითაც კი, „დიდი მოლაპარაკეები“ ჰქვია - ტრამპი დაეყრდნო მეგობრებსა და ოჯახის წევრებს, რომლებსაც აკლიათ საჭირო გამოცდილება და ცოდნა.პრეზიდენტი, მისი სიძე ჯარედ კუშნერი და მისი მეგობარი და საგანგებო დესპანი ახლო აღმოსავლეთში სტივ ვიტკოფი, დარწმუნებულნი არიან, რომ მათი კერძო სექტორის გამოცდილება, როგორც გარიგებების ოსტატების, მათ სრულყოფილ დიპლომატებად აქცევს. მაგრამ ამ ორი სფეროსთვის საჭირო უნარები ძალიან განსხვავებულია.კერძო სექტორში გარიგების დადებისას მხარეები თანხმდებიან ძირითად პუნქტებზე, დეტალებს კი იურისტებს უტოვებენ. დიპლომატიაში კი სტრატეგიულ და ისტორიულ კონტექსტს გადამწყვეტი მნიშვნელობა აქვს ისევე, როგორც იმის ცოდნას, თუ რა ამოძრავებს მეორე მხარეს, რაც ბევრად მეტია, ვიდრე უბრალოდ ფულის შოვნა. ამ ყველაფერს ვხედავთ ვიტკოფისა და კუშნერის საყვარელ მიდგომაში: წარადგინონ მრავალპუნქტიანი გეგმა - 28 პუნქტი უკრაინისთვის, 20 ღაზასთვის, 15 ირანისთვის - და შემდეგ სცადონ მეორე მხარის დაბნევა და იძულება, რომ ის მიიღოს. ამასთან, პუნქტები ხშირად ბუნდოვანია, მრავალგვარი ინტერპრეტაციის საშუალებას იძლევა და თითქმის ყოველთვის მოწყვეტილია იმ კონფლიქტის კონტექსტს, რომლის მოგვარებასაც ისახავს მიზნად.იდეა იმაში მდგომარეობს, რომ თუ ერთი მხარე „ფლობს კარტებს“, მეორე მხარე უნდა დანებდეს. მაგრამ დიპლომატია ასე არ მუშაობს.უკრაინაში 28 პუნქტი ძირითადად რუსეთის მიერ იყო შედგენილი და კიევმა ისინი კატეგორიულად უარყო. შემდეგ უკრაინასთან ერთად შემუშავებული ახალი 19-პუნქტიანი გეგმა, პროგნოზირებადია, რომ მოსკოვმა უარყო. დღეს, ის ხმამაღლა დაანონსებული მოლაპარაკებები, რომლებსაც ომი ერთ დღეში უნდა დაესრულებინა, შეჩერებულია და კონფლიქტი მეხუთე წელში შევიდა. ღაზაში ცეცხლის შეწყვეტა საბოლოოდ მიღწეულ იქნა და მძევლები გაათავისუფლეს, რაც ისრაელისა და აშშ-ის მთავარი მიზნები იყო. თუმცა მშვიდობა მაინც არ არის. ღაზას სექტორი ორად არის გაყოფილი, ერთ მხარეს ისრაელი აკონტროლებს, მეორეს კი ჰამასი. ჰამასს დემილიტარიზაცია არ მოუხდენია, ისრაელი კი თითქმის ყოველდღიურად არღვევს ცეცხლის შეწყვეტის შეთანხმებას.ირანთან უახლოეს მომავალში სამშვიდობო შეთანხმების მიღწევის პერსპექტივები არც თუ ისე უკეთესია. ბევრჯერ განხილული 15-პუნქტიანი გეგმა არის მაქსიმალისტური მოთხოვნების სია - მათ შორის სრული დენუკლეარიზაცია, რაკეტების მკაცრი შეზღუდვა და რეგიონული მარიონეტების მხარდაჭერის შეწყვეტა, რაც ირანმა მუდმივად უარყო.და მაშინაც კი, თუ დაბომბვის კამპანია საბოლოოდ დაარწმუნებდა თეირანის მმართველებს ომის დასასრულებლად მოლაპარაკებებზე, მათი ქვეყნის გამოცდილება ტრამპის ადმინისტრაციასთან ნებისმიერი სახის შეთანხმების მიღწევას უკიდურესად გაართულებს. ბოლოს და ბოლოს, ეს არის იგივე პრეზიდენტი, რომელიც 2015 წლის ბირთვული შეთანხმებიდან გავიდა, მიუხედავად იმისა, რომ ირანი მის პირობებს ასრულებდა. მეტიც, თეირანი ტრამპის ხელისუფლებაში დაბრუნების შემდეგ ორჯერ დათანხმდა არაპირდაპირ მოლაპარაკებებს - და ორჯერვე ეს მოლაპარაკებები შეწყდა ისრაელისა და აშშ-ის მიერ მათი ქვეყნისა და ხელმძღვანელობის დაბომბვის გამო.სინამდვილეში, ომის დაწყებამდე ირანი ჩართული იყო სერიოზულ დისკუსიებში ბირთვული პროგრამის შეზღუდვის შესახებ. მაგრამ ვიტკოფმა და კუშნერმა, როგორც ჩანს, ვერ გაიგეს იმ დათმობების არსი, რომლებისთვისაც ირანი მზად იყო - დათმობები, რომლებიც მოიცავდა გამდიდრების შეჩერებას და გამდიდრებული ურანის მარაგების შესაძლო გატანას. ვიტკოფმა ასევე მცდარად ჩათვალა, რომ ირანის დაჟინებული მოთხოვნა გამდიდრების უფლებასა და 440 კილოგრამი ურანის ფლობაზე, რაც საყოველთაოდ ცნობილი იყო - თითქოს ნიშნავდა, რომ ის შეთანხმებისთვის სერიოზულად განწყობილი არ იყო.ახლა ტრამპი საკუთარი ხელით შექმნილ სიტუაციაშია გაჭედილი. მისმა ინტუიციამ იმედი გააცრუა. მისმა მომლაპარაკებლებმა არ იციან, როგორ მოექცნენ მტკიცე მტერს, რომელიც საკუთარ გადარჩენას სხვებისთვის მაქსიმალური ტკივილის მიყენებით ცდილობს. ამის ფასს კი ჩვენ ყველანი ვიხდით".წყარო: Politico

1774871839

თუ ადრე „ჭკვიანი სახლი“ მხოლოდ მაღალტექნოლოგიურ ექსპერიმენტად მიიჩნეოდა, დღეს ის ჩვენი ყოველდღიურობის განუყოფელი ნაწილია. ისინიც კი ვინც ჭკვიანი სახლის ტექნიკას ადრე სკეპტიკურად უყურებდა, დღეს აღიარებენ, რომ სწორი გამოყენების შემთხვევაში, თანამედროვე ტექნოლოგიები ცხოვრების ხარისხის აუმჯობესებს.ჭკვიანი სახლის ტექნოლოგიური ეკოსისტემის მთავარი დანიშნულება რუტინის გამარტივება და ადამიანისთვის ყველაზე მნიშვნელოვანი რესურსების, დროისა და ენერგიის დაზოგვაა. წარმოიდგინე, დამღლელი სამუშაო დღის შემდეგ სახლში ბრუნდები და დალაგებაზე ფიქრის ნაცვლად, ამ საქმეს რობოტ მტვერსასრუტს გადააბარებ. ის შენს ნაცვლად იზრუნებს სისუფთავეზე, შენ კი თავისუფალ დროს საკუთარ თავს დაუთმობ. რობოტი მტვერსასრუტის მართვა დისტანციურადაც შეგიძლია. ავტომატიზებული სისტემა შენს ნაცვლად, სრულიად დამოუკიდებლად ზრუნავს სახლის სისუფთავეზე. შენ კი შეგიძლია დაზოგილი დრო და ენერგია დასვენებას, ან თვითგანვითარებას მოახმარო. ეს არ ნიშნავს, რომ რობოტი მტვერსასრუტი ყველაფერს შენ ნაცვლად გააკეთებს, ის უბრალოდ თავის თავზე იღებს ყველაზე დამღლელ და მოსაწყენ საქმეს.რუტინის გამარტივებასთან ერთად, თანამედროვე ტექნიკა სახლში განსაკუთრებულ ატმოსფეროს ქმნის და ენერგოეფექტურიცაა. ჭკვიანი განათება და კლიმატ-კონტროლი საშუალებას გაძლევს, სახლში ზუსტად ისეთი გარემო შეიქმნა, რომელიც შენს განწყობასა და საჭიროებებს შეესაბამება. მაგალითად,  ჭკვიანი განათება საშუალებას გაძლევს, შუქის ინტენსივობა დღის რეჟიმს შეუსაბამო. ჭკვიანი სისტემა ზუსტ გათვლებსა და ლოგიკაზე დაყრდნობით მუშაობს, რაც რესურსების ოპტიმიზაციას ნიშნავს: ენერგია მხოლოდ მაშინ და ზუსტად იმ რაოდენობით იხარჯება, რამდენიც რეალურად გჭირდება.უსაფრთხოება ჭკვიანი სახლის კონცეფციის კიდევ ერთი ფუნდამენტური საყრდენია. თანამედროვე ვიდეოკამერებით, ჭკვიანი საკეტებითა და სენსორებით შეგიძლია სახლი მუდმივად აკონტროლო, მსოფლიოს ნებისმიერი წერტილიდან.  ეს ტექნოლოგია ბევრისთვის უკვე ყოველდღიური ცხოვრების განუყოფელი ნაწილია.ჭკვიანი ეკოსისტემის შექმნა დღეს იმაზე მარტივია, ვიდრე გგონია. ის არანაირ რთულ საინჟინრო ჩარევას ან სპეციალურ მომზადებას არ მოითხოვს. ტექნოლოგია უფრო გასაგები და მარტივად ინტეგრირებადი გახდა. ალტას მაღაზიათა ქსელში ჭკვიანი ტექნიკის ფართო არჩევანია, რაც საშუალებას გაძლევს, შენი პერსონალური ეკოსისტემა ეტაპობრივად შექმნა.ალტას მაღაზიათა ქსელში ჭკვიანი ტექნიკის ფართო არჩევანი გელოდება. 21-ე საუკუნეში ჭკვიანი სახლი მხოლოდ ტექნოლოგია არაა, ეს არის ინვესტიცია შენს კომფორტსა და უსაფრთხოებაში. ეს ტექნიკა იმისთვის იქმნება, რომ საკუთარ სახლში თავი მაქსიმალურად მშვიდად, სასიამოვნოდ და თავისუფლად იგრძნო.#განახლებისდროა

1774869312

ნეიტრალური კონტრციკლური ბუფერი იზრდება და ბანკებს უკვე 0.75% ნამეტი რეზერვი მოეთხოვება. თუმცა, როგორც სებ-ში აცხადებენ, სექტორს ისედაც მაღალი ლიკვიდობა აქვს და მხოლოდ ინაცვლებს კაპიტალის ბუფერის ნაწილი საზედამხედველო მიზნებისთვის.სებ-მა აღნიშნული ინსტრუმენტი 2024-ში აამოქმედა, 4 ეტაპად და 1%-მდე გაისად შეივსება.TOP 8 ბანკი საზედამხედველო კაპიტალით 01.03.2026-ის მდგომარეობით:

1774867193

„ახლა ბურთი აშშ-ისა და რუსეთის მხარესაა. მე ძალიან მადლობელი ვარ ამერიკის იმისთვის, რომ ისინი აგრძელებენ ამ ფორმატს და, ღმერთმა ქნას, უახლოეს კვირებში ეს შესაძლებლობა გვქონდეს“, - განაცხადა ზელენსკიმ.პრეზიდენტმა კიდევ ერთხელ დაადასტურა, რომ უკრაინელები მზად არიან შეხვედრებისთვის „ნებისმიერ ფორმატში, ნებისმიერ ადგილას, რუსეთისა და ბელარუსის გარდა“, თუმცა ამჟამად სამმხრივი შეხვედრა გადადებულია იმის გამო, რომ „აშშ-ის ფოკუსი დღეს ირანზეა მიმართული“.„სამმხრივი შეხვედრა შედგება მაშინ, როდესაც ორივე მხარე – რუსეთიც და ამერიკაც - შეძლებს ჩვენთან შეხვედრას. რატომ ვამბობ ამას? იმიტომ, რომ დღეისათვის ამერიკამ შესთავაზა შეხვედრა აშშ-ში, რასაც ჩვენ მხარი დავუჭირეთ. რუსეთმა კი განაცხადა, რომ ამერიკაში არ ხვდება. რუსეთმა თურქეთი ან შვეიცარია შემოგვთავაზა (ზუსტად აღარ მახსოვს, რადგან სამი კვირა გავიდა). ამერიკამ თქვა, რომ ამჟამად მოლაპარაკებების ჯგუფი აშშ-ის ფარგლებს გარეთ არ გადის“, - განაცხადა ზელენსკიმ.უკრაინის პრეზიდენტმა დასძინა, რომ კიევი მზად არის მხარი დაუჭიროს შეხვედრას „აშშ-შიც, შვეიცარიაშიც, თურქეთშიც და ყველგან, სადაც პარტნიორები იქნებიან მზად“. მან ასევე აღნიშნა, რომ არ ფიქრობს, თითქოს სიტუაცია ახლა ჩიხშია შესული.„რუსეთი დანებდეს, ჩვენ არ ვაპირებთ. ჩვენ უნდა მოვაწყოთ სამმხრივი შეხვედრა და დიპლომატიური გზით წინ წავიდეთ. იმისთვის კი, რომ მოლაპარაკებების მაგიდასთან ძლიერები ვიყოთ, საჭიროა ძლიერები ვიყოთ ბრძოლის ველზე. მადლობელი ვარ შეიარაღებული ძალების, რომ დღეს ჩვენ ბევრად უფრო ძლიერები ვართ, ვიდრე ბოლო ნახევარი წლის განმავლობაში“, - თქვა პრეზიდენტმა.

1774865512