საარჩევნო ადმინისტრაციამ საინფორმაციო სივრცის კვლევის მორიგი ანგარიში გამოაქვეყნა

ინიციატივის ფარგლებში, პირველ შეხვედრას ეკონომისტი და ოპერაციების მკვლევარი, ლევან ფავლენიშვილი გამართავს.შეხვედრა 21 თებერვალს, 13:00 საათზე, თამარ ჭოველიძის 7-ში, Lolita-ს მე-3 სართულის სივრცეში ჩატარდება. დასწრების მსურველებმა უნდა გაიარონ რეგისტრაცია ბმულზე.შეხვედრის ძირითადი თემები შეეხება ისეთ საკითხებს, როგორებიცაა: ბიუჯეტირება, ფულის ფსიქოლოგია, ხარჯვის ემოციური ფაქტორები, პროცენტი, ანაბარი, ემოციების გავლენა დანაზოგებზე და სხვა.ტრენინგის გავლის შემდეგ მონაწილეებს გადაეცემათ სერტიფიკატები.ინფორმაციისთვის, ლევან ფავლენიშვილი ეკონომისტი და ოპერაციების მკვლევარია, რომელსაც აქვს ISET-ის მაგისტრის ხარისხი ეკონომიკაში. ის ასევე არის ედინბურგის უნივერსიტეტის, მათემატიკის სკოლის მეცნიერებათა მაგისტრის ხარისხი ოპერაციების კვლევაში.ლევანი 2014 წლიდან ასწავლის სხვადასხვა უნივერსიტეტში არაერთ საგანს: ეკონომიკის პრინციპები, საერთაშორისო ეკონომიკა, საერთაშორისო ფინანსები, გარემოსა და ბუნებრივი რესურსების ეკონომიკა, ეკონომეტრიკა და ხარჯთ-სარგებლიანობის ანალიზი.2021 წელს ლევანმა კოლეგებთან ერთად დააარსა საქართველოს ეკონომიკური წიგნიერების ინიციატივა (GELi), რომელსაც ის ხელმძღვანელობდა 2024 წლამდე და რომლის ფარგლებშიც საქართველოში ეკონომიკური და ფინანსური წიგნიერების გავრცელებისთვის არა ერთი პროექტი გაუკეთებია.ამასთან, 2026 წელს ფინანსური წიგნიერების სასერტიფიკატო კურსების ფარგლებში, შეხვედრები გაიმართება სამ განსხვავებულ ჯგუფთან: სტუდენტებთან, მასწავლებლებთან და სკოლის მოსწავლეების მშობლებთან. თითოეული კურსი მორგებული იქნება ინდივიდუალური ჯგუფის ინტერესებსა და საჭიროებებზე.  შეხვედრები ჩატარდება როგორც ფიზიკურ, ასევე ონლაინ ფორმატში და მათ მაღალკვალიფიციური ლექტორები გაუძღვებიან.გაეცანით საქართველოს ბანკის მიერ შექმნის საგანმანათლებლო პროექტებს ვებგვერდზე: ganatleba.bog.ge(R)

1771507673

ჯანო კუციამ ხაზი გაუსვა იმ ფაქტს, რომ მეზობელი ქვეყნები, მათ შორის რუსეთი და თურქეთი, საკუთარ ექსპორტიორებს მნიშვნელოვან შეღავათებს და „ქეშბექებს“ სთავაზობენ. ეს კი იმპორტირებულ საქონელს ქართულზე ბევრად იაფს ხდის, მაშინ როცა ადგილობრივი მწარმოებლები ნედლეულზე დიდწილად იმპორტზევე არიან დამოკიდებულნი.„ხშირად იმპორტიორი უკეთეს პირობებს გვთავაზობს. მაგალითად, აქ წარმოებული ტელეფონი რომ 100 ლარი ღირს, იმპორტირებული რატომ ღირს 50 ლარი? აი, ესაა ამბავი. საზღვარზევე ვართ წაგებულები“, - განაცხადა კუციამ.მისივე განმარტებით, ქართულ კომპანიებს გლობალურ მეგაბრენდებთან არათანაბარ პირობებში უწევთ ბრძოლა. იმ დროს, როდესაც საერთაშორისო გიგანტებისთვის საქართველო ბრუნვის მინიმალური წილია, ადგილობრივი მწარმოებლისთვის ეს მთავარი ბაზარია, სადაც მათ უცხოური კომპანიების მძლავრ მარკეტინგულ ბიუჯეტებთან დაპირისპირება უწევთ.პარლამენტში ფასების შემსწავლელი დროებითი კომისიის ფარგლებში უკვე გაიმართა შეხვედრები: კვერცხის, რძის, ხორცპროდუქტებისა და სხვა სექტორების წარმომადგენლებთან. საკითხის შესწავლაში ჩართულია სახელმწიფო უსაფრთხოების სამსახურიც. კომისიამ მუშაობა, სავარაუდოდ, აპრილის ბოლომდე უნდა დაასრულოს, რის შემდეგაც ფასწარმოქმნის ჯაჭვის შესახებ საბოლოო დასკვნები გახდება ცნობილი.

1771503188

აღნიშნული მემორანდუმის მიზანია, ერთობლივად შემუშავებული მრავალმხრივი სასწავლო პროგრამების დახმარებით, მხარეებმა კოორდინირებულად განახორციელონ საგანმანათლებლო დაწესებულებების მოსწავლეების/სტუდენტების საგადასახადო-საბაჟო საკითხების მიმართულებით, ცნობიერების ამაღლება.ამასთან, მემორანდუმის ფარგლებში, საგანმანათლებლო პროექტებში მონაწილეთათვის (ასაკობრივი ჯგუფების გათვალისწინებით) შემოსავლების სამსახურის წარმომადგენლები, საქართველოს მასშტაბით არსებულ მოქალაქეთა მომსახურების სერვისცენტრებში, ასევე გაფორმების ეკონომიკურ ზონებსა და საბაჟო გამშვებ პუნქტებზე გამართავენ საინფორმაციო-შემეცნებითი ხასიათის შეხვედრებს, რაც გაზრდის მათ ინფორმირებულობას, როგორც საგადასახადო-საბაჟო პროცედურების, პრინციპების შესახებ, ასევე უზრუნველყოფს საზოგადოებაში ნებაყოფლობითი კანონშესაბამისობის დონის ამაღლებას.შეხვედრას ესწრებოდნენ ფინანსთა სამინისტროს შემოსავლების სამსახურის უფროსის  მოადგილე ლევან წითელაშვილი და უწყების სხვადასხვა დეპარტამენტის ხელმძღვანელი პირები.მემორანდუმი ძალაში შედის მხარეების მიერ, მისი ხელმოწერის თარიღიდან.

1771499258

სააგენტოს მიერ წარმოდგენილი გეგმა რამდენიმე ძირითად მიმართულებას მოიცავს: ფესტივალის ორგანიზება: სხვადასხვა ლოკაციაზე ქართული ღვინის მწარმოებელი კომპანიების მონაწილეობით, რაც მოიცავს საფესტივალო დახლების, კარვებისა და სცენების მოწყობას. მარკეტინგული კამპანია: ე.წ. „აუთდორ“ კამპანია (ბანერები სხვადასხვა ლოკაციაზე), ციფრული ვიზუალური აქტივობები სოციალურ ქსელებში და სარეკლამო მასალები საზოგადოებრივ ტრანსპორტსა და აეროპორტებში. შოუ-პროგრამა: თემატური წარმოდგენები და მუსიკალური გაფორმება. სამეცნიერო ნაწილი: საერთაშორისო სპიკერების მოწვევით საკონფერენციო სივრცეების მოწყობა და სრული ორგანიზაციული უზრუნველყოფა. სააგენტო გამარტივებული შესყიდვის აუცილებლობას დროის დეფიციტით ხსნის. დოკუმენტაციის მიხედვით, ღონისძიების კონცეფცია, რომელზეც შპს „გალილეო სტრატეჯი“ მუშაობს, 5 მარტისთვის იქნება მზად. სააგენტოს განმარტებით, ტენდერის სტანდარტული პროცედურები 8 მაისამდე დარჩენილ პერიოდში ვერ ესწრება და არსებობს ღონისძიების ჩაშლის რისკი.„დროის რესურსი არ არის საკმარისი მიმწოდებლის ტენდერის პროცედურების საშუალებით გამოსავლენად. სახელმწიფოებრივი და საზოგადოებრივი მნიშვნელობის გათვალისწინებით, დღის წესრიგში დადგა გამარტივებული შესყიდვის საკითხი“, - ნათქვამია განმარტებით ბარათში.შესყიდვის ზუსტი მოცულობა მას შემდეგ დადგინდება, რაც ცნობილი გახდება საბოლოო კონცეფცია და გამოფენაში მონაწილე ქართული კომპანიების რაოდენობა.შეგახსენებთ, რომ 8 მაისი ღვინის ეროვნულ დღედ პრემიერ-მინისტრის განკარგულებით 2026 წლის თებერვალში გამოცხადდა. სააგენტოს განცხადებით, ეს დღე უნდა გახდეს პლატფორმა, რომელიც მევენახეებს, სახელმწიფო ინსტიტუტებს, ტურისტულ სექტორსა და აკადემიურ წრეებს გააერთიანებს.

1771499048

აღნიშნული ტრანზაქცია წარმოადგენს კრისტალის პირველ მსხვილ საერთაშორისო დაფინანსებას 2026 წელს.ლარში ნომინირებული ხელშეკრულება აძლიერებს  მიკრობანკის ვალდებულებების მართვის ჩარჩოს, ამცირებს სავალუტო რისკებს და ზრდის მიკრობანკის შესაძლებლობას, რომ მეწარმეებისთვის ადგილობრივ ვალუტაში უზრუნველყოს ფინანსური რესურსი.როგორც კრისტალის გნეერალური დირექტორი, ილია რევია აღნიშნავს: “მიკრობანკის ლიცენზიის მიღებიდან ერთი წლის შემდეგ განხორციელებული ეს შეთანხმება ასახავს კომპანიის სტრატეგიული ტრანსფორმაციის წარმატებას, და მიუთითებს საერთაშორისო ინვესტორების მზარდ ნდობაზე კრისტალის კორპორაციული მართვის ხარისხის, ოპერაციული ეფექტიანობისა და გრძელვადიანი სტრატეგიული განვითარების მიმართ. ახალი დაფინანსება შექმნის დამატებით შესაძლებლობებს მიკრო და მცირე ბიზნესის დაფინანსების გაფართოებისთვის, რაც, თავის მხრივ, ხელს შეუწყობს ეკონომიკურ აქტივობას, დასაქმების ზრდასა და ჩვენი ქვეყნის ეკონომიკურ განვითარებას”.სერგეი შკოლნიკოვი, Invest In Visions-ის უფროსი პორტფოლიო მენეჯერი აღნიშნავს: „ჩვენ ვამაყობთ, რომ კრისტალთან აღვნიშნავთ კიდევ ერთ მნიშვნელოვან ეტაპს ჩვენს მრავალწლიან პარტნიორობაში. ათ წელზე მეტი ხნის წინ გავეცით პირველი სესხი კრისტალზე. დღეს კი ახალი დაფინანსება და, განსაკუთრებით ჩვენი პირველი სესხი ადგილობრივ ვალუტაში, ასახავს როგორც ჩვენი ურთიერთობის სიმტკიცეს, ისე ინსტიტუციის გამორჩეულ ზრდას. წლების განმავლობაში ჩვენ გვქონდა პრივილეგია, მხარი დაგვეჭირა კრისტალის ტრანსფორმაციისთვის მცირე მიკროსაფინანსო ორგანიზაციიდან ქვეყნის უდიდეს მიკრობანკად ჩამოყალიბებამდე. ამ გზაზე ჩვენი პარტნიორობა დაეხმარა საქართველოში ათასობით მცირე მეწარმის დაფინანსებას, რაც ხელს უწყობს ადგილობრივი ეკონომიკის განვითარებასა და ფინანსური ჩართულობის ზრდას”.Top of FormInvest In Visions-ის შესახებ:Invest in Visions GmbH დაარსდა 2006 წელს ედდა შროდერის მიერ იმ ხედვით, რომ გერმანიაში ინსტიტუციურ და კერძო ინვესტორებს მისცემოდა წვდომა ინვესტიციებზე, რომელიც არა მხოლოდ ფინანსურ შედეგს ქმნის, არამედ დადებით სოციალურ გავლენასაც უზრუნველყოფს.2011 წელს Invest in Visions-მა მნიშვნელოვან ეტაპს მიაღწია: HANSAINVEST GmbH-თან თანამშრომლობით მან შექმნა გერმანიაში პირველი მიკროსაფინანსო ფონდი, რომელიც კერძო ინვესტორებისთვისაც ხელმისაწვდომია.2025 წელს განხორციელდა კიდევ ერთი ინოვაციური ნაბიჯი: HANSAINVEST LUX-თან პარტნიორობით შეიქმნა IIV Solar Electrification Debt ELTIF — პირველი ევროპული საინვესტიციო ფონდი, რომელიც მიმართულია სუბ-საჰარის აფრიკაში off-grid ელექტროენერგიის მიწოდების დაფინანსებაზე. აღნიშნული ფონდი ხელმისაწვდომია როგორც ინსტიტუციური, ისე კერძო ინვესტორებისთვის.მიკრობანკი “კრისტალის”  შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 27-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 47 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები.(R) 

1771493516

საქართველოს ბანკი, როგორც განათლების მთავარი მხარდამჭერი, მოსწავლეებისთვის შესაძლებლობების შექმნას განაგრძობს. სწორედ ამ მიზნით, უკვე მეოთხე წელია STEM სკოლის პროექტს კომაროვის სკოლასთან თანამშრომლობით ახორციელებს.ინიციატივის ფარგლებში VII-XI კლასის მოსწავლეებს შესაძლებლობას აქვთ, გაიარონ STEM სკოლის ერთწლიანი სასწავლო კურსი ონლაინ და მიიღონ სერტიფიცირებული, აკადემიური, ხარისხიანი თეორიული და პრაქტიკული ცოდნა.ამასთან, განათლებაზე ხელმისაწვდომობის კიდევ უფრო გასაზრდელად, საქართველოს ბანკი ყოველწლიურად 90 მოსწავლეს სწავლას უფინანსებს - 60 უმაღლესი ქულის მქონე ახალგაზრდა სწავლის 100%-იან დაფინანსებას, 30 კი - 50%-იან გრანტს იღებს.„საქართველოს ბანკის კორპორატიული სოციალური პასუხისმგებლობის მიმართულების ერთ-ერთი მთავარი პრიორიტეტი განათლებაა. სწორედ ამ მიზნით, ახალგაზრდებისთვის განათლების შესაძლებლობების შესაქმნელად 40-ზე მეტ საგანმანათლებლო პროექტს ვახორციელებთ და ვუჭერთ მხარს. მათ შორის არის კომაროვის სკოლასთან თანამშრომლობით შექმნილი STEM სკოლა, რომელიც შესაძლებლობას აძლევს VII-XI კლასის მოსწავლეებს, მიიღონ ხარისხიანი ცოდნა მომავლის ყველაზე მოთხოვნადი პროფესიების - STEM მეცნიერებების მიმართულებით. რაც მთავარია, სასწავლო პროცესი ონლაინ რეჟიმში მიმდინარეობს, რაც შესაძლებლობას აძლევს მოსწავლეებს საქართველოს ნებისმიერი წერტილიდან ჩაერთონ გაკვეთილებზე - ეს კი განათლებას ახალგაზრდებისთვის კიდევ უფრო მეტად ხელმისაწვდომს ხდის. ყოველწლიურად პროექტისადმი ინტერესი იზრდება - დღეისათვის, STEM სკოლა 2000-მდე მოსწავლეს აერთიანებს, რომელთაგან 300-ზე მეტი საქართველოს ბანკის სტიპენდიატია”, - აღნიშნავს ანა ლომთაძე, საქართველოს ბანკის კორპორატიული სოციალური პასუხისმგებლობის მიმართულების ხელმძღვანელი.ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: იდეათეკები – საქართველოს ბანკის ინოვაციური ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM ოლიმპიადა, ეკონომიკის ოლიმპიადა, ევერესტი, ამასთან, საჯარო მეტყველების კონკურსი, და სხვა. საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge(R)

1771493113

ხუნდაძე წერს, ეს ვერც ავტოპარკის განახლებას უზრუნველყოფს და ვერც ეკოლოგიურ მდგომარეობას გააუმჯობესებს.„გადაწყვეტილება, რომელიც 6 წელზე მეტი ასაკის ავტომობილების აკრძალვას ეხება, ყოველგვარ ლოგიკას მოკლებულია და უნდა გადაიხედოს.ეს ვერც ავტოპარკის განახლებას უზრუნველყოფს და ვერც ეკოლოგიურ მდგომარეობას გააუმჯობესებს. პირიქით, არსებული ძველი მანქანები კიდევ უფრო დიდხანს დარჩება მიმოქცევაში და მეტი ცვეთის და სიძველის გამო, კიდევ უფრო მეტად დააბინძურებს გარემოს. თანაც რეგულაცია არ ეხება დიდი ზომის სატვირთო და სპეციალური დანიშნულების ავტოტრანსპორტს, რომელსაც უფრო მაღალი ცვეთის რეჟიმი აქვს და უფრო მეტად შეუძლია გარემოს დაბინძურება.რეგულაცია განსაკუთრებულ პრობლემებს რეგიონებში შექმნის, სადაც არ არსებობს არც შიდა მუნიციპალური და არც საქალაქთაშორისო საზოგადოებრივი ტრანსპორტი.ასეთი ვითარება განსაკუთრებით დააწვება ტვირთად საშუალო და დაბალი შემოსავლის მქონე მოქალაქეებს. აღარაფერს ვამბობ იმპორტიორებზე, რომელთა საქმიანობა, გარდა შემოსავლისა, ბევრი ოჯახისთვის ქმნის სამუშაო ადგილებს.სანამ რეგულაციას ნეგატიური შედეგი არ მოუტანია, ის უნდა გადაიხედოს. პოლიტიკური ჯგუფი, „ხალხის ძალა", მზად არის ჩაერთოს კონსულტაციებში“, - წერს ხუნდაძე.12 თებერვალს "ოცნებამ" პარლამენტში შსს–ს მიერ მომზადებული კანონპროექტი წარუდგინა, რომელიც ქვეყანაში 6 წელზე მეტი წლოვანების მქონე ავტომობილების იმპორტზე აკრძალვის დაწესებას ითვალისწინებს. ამის შესახებ პრემიერ-მინისტრმა ირაკლი კობახიძემ ხუთშაბათს მთავრობის სხდომაზე განაცხადა. მთავრობის მეთაურის განმარტებით, აღნიშნული გადაწყვეტილება ეკოლოგიური მდგომარეობის გაუმჯობესებას, მოქალაქეების ჯანმრთელობის დაცვასა და საგზაო მოძრაობის განტვირთვას ემსახურება. პრემიერმა ხაზი გაუსვა, რომ ბოლო წლებში ქვეყანაში ავტომობილების რაოდენობა მკვეთრად გაიზარდა: თუ 2012 წელს საქართველოში 864 000 ავტომობილი იყო რეგისტრირებული, წელს ამ მაჩვენებელმა 2 მილიონს გადააჭარბა.

1771488912

2026 წლის იანვარში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 74.5% შეადგინა. უმსხვილესი საექსპორტო სამეული შემდეგნაირად ჩამოყალიბდა: ჩინეთი - $66.1 მლნ თურქეთი - $52.1 მლნ ყირგიზეთი - $49.9 მლნ საქსტატის მონაცემებით, 2026 წლის იანვარში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 71.4% შეადგინა. პირველ სამეულში შედის: თურქეთი - $195 მლნ ჩინეთი - $157.3 მლნ რუსეთი - $156.8 მლნ 2026 წლის იანვარში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 67.9% შეადგინა. ქვეყნის უმსხვილესი სავაჭრო პარტნიორები არიან: თურქეთი - $247.1 მლნ ჩინეთი - $223.3 მლნ რუსეთი - $195.4 მლნ საქსტატის მონაცემებით, 2026 წლის იანვარში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა $100.7 მლნ-ით, რაც მთელი ექსპორტის 21%-ს შეადგენს. მეორე ადგილს იკავებს ნავთობი და ნავთობპროდუქტები $58.7 მლნ-ით (მთლიანი ექსპორტის 12.2%), ხოლო ძვირფასი ლითონების მადნები და კონცენტრატები მესამე ადგილზეა $51 მლნ-ით (10.6%).უმსხვილესი საიმპორტო სასაქონლო ჯგუფი 2026 წლის იანვარში წარმოდგენილი იყო მსუბუქი ავტომობილების სახით, რომლის იმპორტმა $150 მლნ და მთელი იმპორტის 13.3% შეადგინა. მეორე ადგილს იკავებს ნავთობი და ნავთობპროდუქტები $96.7 მლნ-ით (იმპორტის 8.6%), ხოლო მესამე ადგილზეა ნავთობის აირები და სხვა აირისებრი ნახშირწყალბადები $79.1 მლნ-ით (იმპორტის 7%).

1771486449