23.6%-იანი კლება საგარეო ვაჭრობაში - საქსტატმა 2026 წლის პირველი მონაცემები გამოაქვეყნა

აღნიშნული ტრანზაქცია წარმოადგენს კრისტალის პირველ მსხვილ საერთაშორისო დაფინანსებას 2026 წელს.ლარში ნომინირებული ხელშეკრულება აძლიერებს  მიკრობანკის ვალდებულებების მართვის ჩარჩოს, ამცირებს სავალუტო რისკებს და ზრდის მიკრობანკის შესაძლებლობას, რომ მეწარმეებისთვის ადგილობრივ ვალუტაში უზრუნველყოს ფინანსური რესურსი.როგორც კრისტალის გნეერალური დირექტორი, ილია რევია აღნიშნავს: “მიკრობანკის ლიცენზიის მიღებიდან ერთი წლის შემდეგ განხორციელებული ეს შეთანხმება ასახავს კომპანიის სტრატეგიული ტრანსფორმაციის წარმატებას, და მიუთითებს საერთაშორისო ინვესტორების მზარდ ნდობაზე კრისტალის კორპორაციული მართვის ხარისხის, ოპერაციული ეფექტიანობისა და გრძელვადიანი სტრატეგიული განვითარების მიმართ. ახალი დაფინანსება შექმნის დამატებით შესაძლებლობებს მიკრო და მცირე ბიზნესის დაფინანსების გაფართოებისთვის, რაც, თავის მხრივ, ხელს შეუწყობს ეკონომიკურ აქტივობას, დასაქმების ზრდასა და ჩვენი ქვეყნის ეკონომიკურ განვითარებას”.სერგეი შკოლნიკოვი, Invest In Visions-ის უფროსი პორტფოლიო მენეჯერი აღნიშნავს: „ჩვენ ვამაყობთ, რომ კრისტალთან აღვნიშნავთ კიდევ ერთ მნიშვნელოვან ეტაპს ჩვენს მრავალწლიან პარტნიორობაში. ათ წელზე მეტი ხნის წინ გავეცით პირველი სესხი კრისტალზე. დღეს კი ახალი დაფინანსება და, განსაკუთრებით ჩვენი პირველი სესხი ადგილობრივ ვალუტაში, ასახავს როგორც ჩვენი ურთიერთობის სიმტკიცეს, ისე ინსტიტუციის გამორჩეულ ზრდას. წლების განმავლობაში ჩვენ გვქონდა პრივილეგია, მხარი დაგვეჭირა კრისტალის ტრანსფორმაციისთვის მცირე მიკროსაფინანსო ორგანიზაციიდან ქვეყნის უდიდეს მიკრობანკად ჩამოყალიბებამდე. ამ გზაზე ჩვენი პარტნიორობა დაეხმარა საქართველოში ათასობით მცირე მეწარმის დაფინანსებას, რაც ხელს უწყობს ადგილობრივი ეკონომიკის განვითარებასა და ფინანსური ჩართულობის ზრდას”.Top of FormInvest In Visions-ის შესახებ:Invest in Visions GmbH დაარსდა 2006 წელს ედდა შროდერის მიერ იმ ხედვით, რომ გერმანიაში ინსტიტუციურ და კერძო ინვესტორებს მისცემოდა წვდომა ინვესტიციებზე, რომელიც არა მხოლოდ ფინანსურ შედეგს ქმნის, არამედ დადებით სოციალურ გავლენასაც უზრუნველყოფს.2011 წელს Invest in Visions-მა მნიშვნელოვან ეტაპს მიაღწია: HANSAINVEST GmbH-თან თანამშრომლობით მან შექმნა გერმანიაში პირველი მიკროსაფინანსო ფონდი, რომელიც კერძო ინვესტორებისთვისაც ხელმისაწვდომია.2025 წელს განხორციელდა კიდევ ერთი ინოვაციური ნაბიჯი: HANSAINVEST LUX-თან პარტნიორობით შეიქმნა IIV Solar Electrification Debt ELTIF — პირველი ევროპული საინვესტიციო ფონდი, რომელიც მიმართულია სუბ-საჰარის აფრიკაში off-grid ელექტროენერგიის მიწოდების დაფინანსებაზე. აღნიშნული ფონდი ხელმისაწვდომია როგორც ინსტიტუციური, ისე კერძო ინვესტორებისთვის.მიკრობანკი “კრისტალის”  შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 27-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 47 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები.(R) 

1771493516

საქართველოს ბანკი, როგორც განათლების მთავარი მხარდამჭერი, მოსწავლეებისთვის შესაძლებლობების შექმნას განაგრძობს. სწორედ ამ მიზნით, უკვე მეოთხე წელია STEM სკოლის პროექტს კომაროვის სკოლასთან თანამშრომლობით ახორციელებს.ინიციატივის ფარგლებში VII-XI კლასის მოსწავლეებს შესაძლებლობას აქვთ, გაიარონ STEM სკოლის ერთწლიანი სასწავლო კურსი ონლაინ და მიიღონ სერტიფიცირებული, აკადემიური, ხარისხიანი თეორიული და პრაქტიკული ცოდნა.ამასთან, განათლებაზე ხელმისაწვდომობის კიდევ უფრო გასაზრდელად, საქართველოს ბანკი ყოველწლიურად 90 მოსწავლეს სწავლას უფინანსებს - 60 უმაღლესი ქულის მქონე ახალგაზრდა სწავლის 100%-იან დაფინანსებას, 30 კი - 50%-იან გრანტს იღებს.„საქართველოს ბანკის კორპორატიული სოციალური პასუხისმგებლობის მიმართულების ერთ-ერთი მთავარი პრიორიტეტი განათლებაა. სწორედ ამ მიზნით, ახალგაზრდებისთვის განათლების შესაძლებლობების შესაქმნელად 40-ზე მეტ საგანმანათლებლო პროექტს ვახორციელებთ და ვუჭერთ მხარს. მათ შორის არის კომაროვის სკოლასთან თანამშრომლობით შექმნილი STEM სკოლა, რომელიც შესაძლებლობას აძლევს VII-XI კლასის მოსწავლეებს, მიიღონ ხარისხიანი ცოდნა მომავლის ყველაზე მოთხოვნადი პროფესიების - STEM მეცნიერებების მიმართულებით. რაც მთავარია, სასწავლო პროცესი ონლაინ რეჟიმში მიმდინარეობს, რაც შესაძლებლობას აძლევს მოსწავლეებს საქართველოს ნებისმიერი წერტილიდან ჩაერთონ გაკვეთილებზე - ეს კი განათლებას ახალგაზრდებისთვის კიდევ უფრო მეტად ხელმისაწვდომს ხდის. ყოველწლიურად პროექტისადმი ინტერესი იზრდება - დღეისათვის, STEM სკოლა 2000-მდე მოსწავლეს აერთიანებს, რომელთაგან 300-ზე მეტი საქართველოს ბანკის სტიპენდიატია”, - აღნიშნავს ანა ლომთაძე, საქართველოს ბანკის კორპორატიული სოციალური პასუხისმგებლობის მიმართულების ხელმძღვანელი.ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: იდეათეკები – საქართველოს ბანკის ინოვაციური ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM ოლიმპიადა, ეკონომიკის ოლიმპიადა, ევერესტი, ამასთან, საჯარო მეტყველების კონკურსი, და სხვა. საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge(R)

1771493113

ხუნდაძე წერს, ეს ვერც ავტოპარკის განახლებას უზრუნველყოფს და ვერც ეკოლოგიურ მდგომარეობას გააუმჯობესებს.„გადაწყვეტილება, რომელიც 6 წელზე მეტი ასაკის ავტომობილების აკრძალვას ეხება, ყოველგვარ ლოგიკას მოკლებულია და უნდა გადაიხედოს.ეს ვერც ავტოპარკის განახლებას უზრუნველყოფს და ვერც ეკოლოგიურ მდგომარეობას გააუმჯობესებს. პირიქით, არსებული ძველი მანქანები კიდევ უფრო დიდხანს დარჩება მიმოქცევაში და მეტი ცვეთის და სიძველის გამო, კიდევ უფრო მეტად დააბინძურებს გარემოს. თანაც რეგულაცია არ ეხება დიდი ზომის სატვირთო და სპეციალური დანიშნულების ავტოტრანსპორტს, რომელსაც უფრო მაღალი ცვეთის რეჟიმი აქვს და უფრო მეტად შეუძლია გარემოს დაბინძურება.რეგულაცია განსაკუთრებულ პრობლემებს რეგიონებში შექმნის, სადაც არ არსებობს არც შიდა მუნიციპალური და არც საქალაქთაშორისო საზოგადოებრივი ტრანსპორტი.ასეთი ვითარება განსაკუთრებით დააწვება ტვირთად საშუალო და დაბალი შემოსავლის მქონე მოქალაქეებს. აღარაფერს ვამბობ იმპორტიორებზე, რომელთა საქმიანობა, გარდა შემოსავლისა, ბევრი ოჯახისთვის ქმნის სამუშაო ადგილებს.სანამ რეგულაციას ნეგატიური შედეგი არ მოუტანია, ის უნდა გადაიხედოს. პოლიტიკური ჯგუფი, „ხალხის ძალა", მზად არის ჩაერთოს კონსულტაციებში“, - წერს ხუნდაძე.12 თებერვალს "ოცნებამ" პარლამენტში შსს–ს მიერ მომზადებული კანონპროექტი წარუდგინა, რომელიც ქვეყანაში 6 წელზე მეტი წლოვანების მქონე ავტომობილების იმპორტზე აკრძალვის დაწესებას ითვალისწინებს. ამის შესახებ პრემიერ-მინისტრმა ირაკლი კობახიძემ ხუთშაბათს მთავრობის სხდომაზე განაცხადა. მთავრობის მეთაურის განმარტებით, აღნიშნული გადაწყვეტილება ეკოლოგიური მდგომარეობის გაუმჯობესებას, მოქალაქეების ჯანმრთელობის დაცვასა და საგზაო მოძრაობის განტვირთვას ემსახურება. პრემიერმა ხაზი გაუსვა, რომ ბოლო წლებში ქვეყანაში ავტომობილების რაოდენობა მკვეთრად გაიზარდა: თუ 2012 წელს საქართველოში 864 000 ავტომობილი იყო რეგისტრირებული, წელს ამ მაჩვენებელმა 2 მილიონს გადააჭარბა.

1771488912

აქამდე xAI-ს უმსხვილესი კლიენტები მასკის საკუთარი კომპანიები — Tesla და SpaceX იყვნენ. თუმცა, 2025 წლის შუა პერიოდიდან კომპანიამ დაიწყო კონტრაქტების გაფორმება პენტაგონთან და აშშ-ის სახელმწიფო სტრუქტურებთან, ასევე გააფორმა შეთანხმება ელ-სალვადორთან ეროვნულ საგანმანათლებლო სისტემაში Grok-ის დანერგვის თაობაზე.საუდის არაბეთი ამ რბოლაში მარტო არ არის: ქუვეითის, კატარის, არაბთა გაერთიანებული საამიროებისა და საუდის არაბეთის სუვერენული ფონდები ჯამში 4 ტრილიონ დოლარზე მეტს აკონტროლებენ, რომლის მნიშვნელოვანი ნაწილი ახლა ხელოვნური ინტელექტის სფეროში მიიმართება. კატარის საინვესტიციო ფონდმა ახლახან განახორციელა ინვესტიცია Anthropic-ში (183 მილიარდი დოლარის შეფასების რაუნდში), ხოლო აბუ-დაბის კომპანია MGX სათავეში ჩაუდგა იმავე კომპანიის დაფინანსების ბოლო რაუნდს, რომლის მიზანია მართვის ქვეშ მყოფი აქტივების 100 მილიარდ დოლარამდე გაზრდა.მასკის კომპანიაში ინვესტირების გარდა, Humain-მა უკვე მოასწრო სახსრების დაბანდება ვიდეო-სტარტაპ Luma AI-ში, ასევე შექმნა ერთობლივი საწარმო ჩიპებისა და მოწყობილობების გიგანტებთან — AMD-სა და Cisco-სთან, სამეფოს ტერიტორიაზე მონაცემთა ცენტრების ასაშენებლად.

1771485910

4Q25-ში სამუშაო ძალის მონაწილეობის დონე (სამუშაო ძალის წილი 15 წლის და უფროსი ასაკის მოსახლეობაში) წინა წლის შესაბამის პერიოდთან შედარებით 0.6 პ.პ.-ით შემცირდა და 54.4%-ით განისაზღვრა, ხოლო დასაქმების დონე არ შეცვლილა და 47.1% შეადგინა. სამუშაო ძალის მონაწილეობის დონე შემცირებულია ქალაქის ტიპის დასახლებებში 1.2 პ.პ.-ით, ხოლო სოფლის ტიპის დასახლებებში გაზრდილია 0.3 პ.პ.-ით. დასაქმების დონე ქალაქის ტიპის დასახლებებში შემცირებულია 1.5 პ.პ.-ით, ხოლო სოფლის ტიპის დასახლებებში გაზრდილია 2 პ.პ.-ით და შესაბამისად 47%-ს და 47.2%-ს შეადგენს.საქსტატის მონაცემებით, 4Q25-ში წინა წლის შესაბამის პერიოდთან შედარებით დაქირავებულთა წილი დასაქმებულთა საერთო რაოდენობაში არ შეცვლილა და 69.3% შეადგინა.4Q25-ში, წინა წლის შესაბამის პერიოდთან შედარებით, უმუშევრობის დონე საქალაქო ტიპის დასახლებებში გაზრდილია 0.8 პ.პ.-ით, ხოლო სოფლის ტიპის დასახლებებში შემცირებულია 3.3 პ.პ.-ით. უმუშევრობის დონე ტრადიციულად მაღალია კაცებში, ქალებთან შედარებით.4Q25-ში, წინა წლის შესაბამის პერიოდთან შედარებით, აღნიშნული მაჩვენებელი ქალებში შემცირებულია 0.7 პ.პ.-ით, ხოლო კაცებში - 1.1 პ.პ.-ით და შესაბამისად 10.3%-ს და 15.6%-ს შეადგენს. სამუშაო ძალის მონაწილეობის დონე ქალებთან შედარებით მაღალია კაცებში.4Q25-ში აღნიშნული მაჩვენებელი ქალებში 44.5%-ს, ხოლო კაცებში 65.5%-ს შეადგენს. წინა წლის შესაბამის პერიოდთან შედარებით სამუშაო ძალის მონაწილეობის დონე ქალებში შემცირებულია 0.6 პ.პ.-ით, ხოლო კაცებში - 0.8 პ.პ.-ით.4Q25-ში, წინა წლის შესაბამის პერიოდთან შედარებით, დასაქმების დონე ქალებში შემცირებულია 0.2 პ.პ.-ით, ხოლო კაცებში არ შეცვლილა. 

1771485131

მებაჟე ოფიცრის მიერ, ეჭვის საფუძველზე შეჩერებული უცხო ქვეყნის მოქალაქის ხელბარგის დეტალური დათვალიერების შედეგად, გამოვლენილი იქნა სამ ჰერმეტულ შეფუთვად დაფასოებული 300 გრამამდე ნარკოტიკული საშუალება ,,კოკაინი''.საქმის მასალები, შემდგომი რეაგირების მიზნით, საქართველოს შინაგან საქმეთა სამინისტროს გადაეცა.

1771485073

კაპიტალის ბაზრების პირველი საერთაშორისო კონფერენციის მიმართ მაღალი საერთაშორისო ინტერესის შემდეგ, წლევანდელი ღონისძიება გაფართოებული რეგიონული ფორმატით ბრუნდება. კონფერენციის ცენტრალურ თემას წარმოადგენს საქართველო და ქვეყნის მზარდი როლი საერთაშორისო კაპიტალის ბაზრებზე. ამასთან ერთად, კონფერენცია მოიცავს ფართო რეგიონულ კონტექსტს, განსაკუთრებული აქცენტი გაკეთდება უზბეკეთზე - როგორც გლობალური ინვესტორებისთვის ერთ-ერთ ყველაზე პერსპექტიულ ბაზარზე.ღონისძიება 400-ზე მეტ მოქმედ და პოტენციურ ბაზრის მონაწილეს გააერთიანებს საქართველოდან, ევროპიდან და ცენტრალური აზიიდან. კონფერენციაში მონაწილეობას მიიღებენ საერთაშორისო და ადგილობრივი კაპიტალის ბაზრების მაღალი რანგის წარმომადგენლები, მათ შორის: J.P. Morgan, Citi, Bank of America, Oppenheimer, Ashmore, Aberdeen, Vontobel, EBRD, ADB, IFC, Fitch Ratings, S&P Global, Latham & Watkins; აგრეთვე რეგიონის წამყვანი კომპანიების ხელმძღვანელები და სახელმწიფო უწყებებისა და ბაზრის მარეგულირებელი ორგანოების წარმომადგენლები.კონფერენციის ფარგლებში გაიმართება მაღალი დონის პრეზენტაციები და პანელური დისკუსიები. დამსწრეებს ექნებათ შესაძლებლობა, საერთაშორისო საინვესტიციო ბანკებსა და ინსტიტუციურ ინვესტორებთან გამართონ პირისპირ შეხვედრები.“საქართველოში საჯარო სასესხო ფასიანი ქაღალდების ბაზრის ზომა უკვე 3 მლრდ. ლარს უახლოვდება. ამის პარალელურად, ჩვენ ვხედავთ მზარდ ინტერესს სხვადასხვა პროფილის ემიტენტებისგან. ქართული კომპანიების ფასიან ქაღალდებზე მოთხოვნა იზრდება საერთაშორისო ბაზარზეც. თიბისი კაპიტალი, როგორც ფასიანი ქაღალდების ბაზრის უპირობო ლიდერი, მზარდ ინტერესს საერთაშორისო პლატფორმის შექმნით პასუხობს. უკვე მეორედ ვატარებთ კაპიტალის ბაზრების საერთაშორისო კონფერენციას, რომელიც რეგიონის მთავარი დარგობრივი ღონისძიებაა. კონფერენცია ხელს შეუწყობს კაპიტალის ბაზრის განვითარებას, ახალი კავშირების დამყარებას და საქართველოს, როგორც რეგიონული ცენტრის ჩამოყალიბებას კაპიტალის ბაზარზე” - ოთარ შარიქაძე, თიბისი კაპიტალის დირექტორი.„JP Morgan-ში დიდი ინტერესით ველით კაპიტალის ბაზრების მეორე საერთაშორისო კონფერენციას, რომელსაც თიბისი კაპიტალი უკვე მეორედ აორგანიზებს. 2024 წლის ღონისძიებაზე წარმატებულად ვითანამშრომლეთ და წელს თბილისში საკმაოდ მაღალი დონის დელეგაციით ვიქნებით წარმოდგენილი. ვფიქრობ, კაპიტალის ბაზრების საერთაშორისო კონფერენცია ინფორმაციის გაცვლის ძალიან ეფექტური გზაა: ეს არის პლატფორმა ინვესტორებისთვის, სადაც ისინი შეძლებენ მიიღონ სრული ინფორმაცია საქართველოსა და რეგიონში მიმდინარე მოვლენებზე; მათ, ასევე, აქვთ შანსი, შეხვდნენ როგორც არსებულ, ისე პოტენციურ ემიტენტებს. ეს კი საუკეთესო გზაა ქვეყნის, რეგიონისა და პოტენციური საინვესტიციო შესაძლებლობების შესასწავლად”,- სტეფან ვაილერი, JP Morgan-ის CEEMEA რეგიონის სავალო კაპიტალის ბაზრების დეპარტამენტის ხელმძღვანელი, მმართველი დირექტორი.“საქართველოს კაპიტალის ბაზარი საკმაოდ აქტიურად და სწრაფად ვითარდება, რაც ბოლო წლებში განხორციელებული მნიშვნელოვანი რეფორმების შედეგია. გამორჩეული იყო ამ მხრივ გასული, 2025 წელიც, როდესაც გამოშვებული საჯარო კორპორატიული ობლიგაციების მოცულობამ 1.5 მილიარდ ლარს გადააჭარბა.  აღსანიშნავია, რომ მრავალფეროვანი ხდება ქართული ფასიანი ქაღალდების მფლობელთა სტრუქტურა და ვხედავთ დაინტერესებას საერთაშორისო ინვესტორების მხრიდანაც. საქართველოსადმი გაზრდილ ნდობაზე ნათლად მიუთითებს, წლის დასაწყისში, საქართველოს მთავრობის მიერ ლონდონის საფონდო ბირჟაზე 500 მილიონი დოლარის ევროობლიგაციების წარმატებული ემისია.  მოხარული ვარ, რომ ეროვნული ბანკი კაპიტალის ბაზრების მეორე საერთაშორისო კონფერენციის პარტნიორია. თიბისი კაპიტალისა და ჩვენი მოწვევით ღონისძიებაში მონაწილეობას მიიღებენ J.P. Morgan, Aberdeen, Vontobel, Ashmore და სხვა კომპანიები, რომლებთანაც არაერთი შეხვედრა გვექნება“, - ნათია თურნავა, საქართველოს ეროვნული ბანკის პრეზიდენტი. (R)

1771484942

„მინდა ხაზი გავუსვა, რომ შემდეგი შეხვედრაც ასევე შვეიცარიაში იქნება. ეს არის ინფორმაცია, რომელსაც დღეისათვის ვფლობ. რა თქმა უნდა, ჩვენი ჯგუფი დაბრუნდება და უფრო დეტალური ინფორმაცია მექნება, ვიდრე ახლა ტელეფონში“, - განაცხადა ზელენსკიმ.ზელენსკიმ აღნიშნა, თუ რამდენად მნიშვნელოვანია, რომ მოლაპარაკებების პროცესი სწორედ ევროპაში მიმდინარეობდა.„ვფიქრობ, კარგი მომენტია ის, რომ შეხვედრა შვეიცარიაში გაიმართა. ეს ძალიან მნიშვნელოვანია. მე ამას ყოველთვის ვამბობ ახლო აღმოსავლეთისა და სხვა ქვეყნების მიმართ პატივისცემით, თუმცა მიმაჩნია, რომ თუ ომი ევროპაშია, ადგილიც აქ უნდა ვეძებოთ“, - თქვა ზელენსკიმ.18 თებერვალს დილით, უკრაინის დელეგაციის ხელმძღვანელმა, ეროვნული უსაფრთხოებისა და თავდაცვის საბჭოს მდივანმა რუსტემ უმეროვმა განაცხადა, რომ ჟენევაში უკრაინა-ამერიკა-რუსეთის მოლაპარაკებების მეორე დღე დაიწყო, რომელიც უკრაინის წინააღმდეგ რუსეთის ომის მოგვარებას ეხება.მოგვიანებით, რუსეთის დელეგაციის ხელმძღვანელმა ვლადიმერ მედინსკიმ განაცხადა, რომ სამმხრივი მოლაპარაკებების მორიგი რაუნდი, რომელიც 18 თებერვალს მიმდინარეობდა, დასრულდა. მისი თქმით, მოლაპარაკებები ჟენევაში დაახლოებით ორ საათს გაგრძელდა, იყო „მძიმე, თუმცა საქმიანი“.ზელენსკიმ აღნიშნა, რომ მოლაპარაკებებზე მიღწეულია შეთანხმება იმის შესახებ, რომ ცეცხლის შეწყვეტის რეჟიმის დაცვის მონიტორინგი ამერიკის შეერთებული შტატების მონაწილეობით განხორციელდება.შემდეგ მან დაამატა, რომ ომის დასრულების შესახებ მოლაპარაკებებზე არასაკმარისად არის დამუშავებული პოლიტიკური საკითხები შესაძლო კომპრომისებისა და ლიდერების აუცილებელი შეხვედრის თაობაზე.

1771479960