სპეცრაზმელების მიერ დაშავებული 21 წლის ბიჭის მდგომარეობა სტაბილურია

როგორც ალერგოლოგ-იმუნოლოგი განმარტავს, შეკრებების დასაშლელად განკუთვნილ ნივთიერებებს ქიმიურ იარაღად აქცევს მათი შერევა წყალთან, რომელიც მაღალი წნევის ნაკადით, დამიზნებით მიემართება მიტინგის მონაწილეებისკენ.მისივე განმარტებით, ამგვარად, წყლის ნაკადი წარმოადგენს ქიმიური ტოქსიკური ნივთიერების გადამტანს.„ხოლო ქიმიური იარაღის განმარტება სხვა რა არის თუ არა „ტოქსიური ნივთიერება + გადამტანი საშუალება ადამიანების მასიური დაზარალებისათვის“.ასეთ შემთხვევაში მსგავსი თვითნაკეთი ქიმიური იარაღის გამოყენების შედეგების პროგნოზირება პრაქტიკულად შეუძლებელია და ეს კარგად უნდა მოეხსენებოდეს ჯანდაცვის სამინისტროს, რომელიც პერმანენტულად უნდა აფრთხილებდეს ძალოვან სტრუქტურებს, ღიად ეწინააღმდეგებოდეს ამ კატასტროფულ პრაქტიკას და მუდმივად უნდა აცხადებდეს ამას მასიური საინფორმაციო საშუალებებით, ვინაიდან ადამიანის ჯანმრთელობისათვის ზიანის მიყენების პრევენცია ზუსტად რომ ამ უწყების მოვალეობაა!თუმცა ჯანდაცვის ოფიციალური სტრუქტურებიდან მხოლოდ დაზარალებულთა რაოდენობების სისხლიან სტატისტიკას თუ ვიგებთ. CDC-ს ინსტრუქციებში ხაზგასმით არის ჩაწერილი, რომ მსგავსი ქიმიური აგენტების მიერ ადამიანისათვის მიყენებული ზიანის სიმძიმე დამოკიდებულია იმაზე, თუ რა მეთოდით არის ეს ქიმიური ნივთიერებები გამოყენებული და რა დროის განმავლობაში იყო ადამიანი მათი ზემოქმედების ქვეშ.ყოველდღიურად ვხედავთ „წიწაკის სპრეის“ პირდაპირ სახეში შესხურებას, ამ და, შესაძლოა, სხვა ნივთიერებებდამატებული წყლის ნაკადით ადამიანების დასველებას, ტანსაცმლის გაჟღენთვას, რომელიც დიდი ხნის მანძილზე რჩება დემონსტრანტის სხეულზე.კიდევ უფრო სავალალოა ძალოვნების მიერ დაკავებული ადამიანების მდგომარეობა, რომელთაც არ ეძლევათ საშუალება, მოიშორონ კონტამინირებული ტანსაცმელი და ჩამოირეცხონ ტოქსიური ქიმიური აგენტები.ასევე აუცილებელია, ჯანდაცვის სამინისტრომ მოგვახსენოს საზოგადოებას, რომელი კონკრეტული ქიმიური აგენტებია გამოყენებული ძალოვანი სტრუქტურების მიერ.ყველაზე ხშირად გამოყენებული აგენტები შემდეგია:• Chloroacetophenone (CN)• Chlorobenzylidenemalononitrile (CS)• Chloropicrin (PS)• Bromobenzylcyanide (CA)• Dibenzoxazepine (CR)აღნიშნული ნივთიერებების კომბინაციები დაუყოვნებელ ეფექტზე ბევრი დაიწერა და პირდაპირ ლაივშიც ვხედავთ, რა ემართება ხალხს. აქ ჩამოვთვლი მძიმე და შორეულ შედეგებს, რომელიც შეიძლება მოჰყვეს ასეთი ქიმიური ნივთიერებების არასწორ, მათ შორის მათი მაღალი დოზით გამოყენებასა და ადამიანის ხანგრძლივ ექსპოზირებას მათ მიმართ:• სიბრმავე• გლაუკომა – თვალის მძიმე პათოლოგია, რომელმაც ასევე შეიძლება განაპირობოს სიბრმავე,• უეცარი სიკვდილი ხორხისა და ფილტვების ლორწოვანის დამწვრობის გამო,• სუნთქვის უკმარისობა, რომელმაც ასევე შეიძლება გამოიწვიოს სიკვდილი„ხელნაკეთი“ ქიმიური იარაღის ზემოქმედება ერთ ადამიანზე შეიძლება არ იყოს მძიმე, მაგრამ იგივე დოზა მეორე ადამიანისათვის შეიძლება სიკვდილის ან დაინვალიდების მიზეზი გახდეს.განსაკუთრებით საშიშია ძლიერი ალერგიული წინასწარგანწყობის, ბრონქული ასთმის, სასუნთქი გზების ქრონიკული დაავადებების და ბევრი სხვა დაავადების მქონე ადამიანების ექსპოზირება ამ „თითქოსდა სწრაფი და მსუბუქი“ მოქმედების ტოქსინების მიმართ, რომელიც რიგ შემთხვევაში (და განსაკუთრებით მათი არასწორი გამოყენების დროს) შეიძლება სასიკვდილო ქიმიურ იარაღად იქცეს“,- წერს გიორგი კამკამიძე Facebook პოსტში.

1733297972

„ბოლო 5 დღის განმავლობაში, ვხედავთ ქართველი ხალხის ურყევ ერთგულებას დემოკრატიისა და მათი ევროპული მისწრაფებების მიმართ.მოლდოვა ქართველ ხალხის გვერდით სოლიდარობით დგას. მხარს ვუჭერთ მათ მშვიდობიანი შეკრების უფლებასა და ევროკავშირის ღირებულებებთან თანხვედრაში მყოფი დემოკრატიული მომავლისკენ სწრაფვას“, – წერს რეჩანი X-ზე. Over the past 5 days, we see the unwavering commitment of the people of Georgia to democracy & their European aspirations.Moldova stands in solidarity with the 🇬🇪people. We support their right to peaceful assembly & the pursuit of a democratic future aligned with the EU values. — Dorin Recean (@DorinRecean) December 3, 2024მოლდოვაში 3 ნოემბერს ჩატარდა საპრეზიდენტო არჩევნების მეორე ტური, რომლის შედეგებით, ქვეყნის მოქმედმა პრეზიდენტმა, პროევროპელმა მაია სანდუმ ხმების თითქმის 55%-ით დაამარცხა პრორუსულად განწყობილი სოციალისტების კანდიდატი, მოლდოვის ყოფილი გენერალური პროკურორი ალექსანდრ სტოიანოგლო (45%).ისევე როგორც 20 ოქტომბერს ჩატარებულ პირველ ტურამდე, რომელშიც სანდუმ ყველაზე მეტი ხმა მიიღო, თუმცა გასამარჯვებლად საჭირო 50%-იანი ბარიერი ვერ გადალახა, მოლდოვის ხელისუფლებამ მეორე ტურის დროსაც განაცხადა არჩევნებში რუსეთიდან ჩარევის შესახებ.3 ნოემბერს პრეზიდენტ მაია სანდუს მრჩეველმა ეროვნული უსაფრთხოების საკითხებში სტანისლავ სეკრიერუმ რუსეთი დაადანაშაულა კენჭისყრის პროცესში მასობრივად ჩარევაში. მოსკოვში ამას უარყოფენ.

1733296925

მათი განცხადებით, "ქართული ოცნების“ ნაბიჯი, უარი თქვას ევროკავშირში გაწევრიანების მოლაპარაკებებზე სრული ღალატია ქართველი ხალხის აბსოლუტური სურვილის, ევროპული ღირებულებები და ინსტიტუტებს მიიღოს.„ეს არის არა დემოკრატიული რეფორმებისა და პლურალიზმის ერთგული მთავრობის ქცევა, არამედ არასაიმედო რეჟიმის ქცევა, რომელიც საქართველოს მიათრევს რუსული სტილის ავტოკრატიისკენ. ეს ქმედებები უხეშად არღვევს საერთაშორისო დემოკრატიულ ნორმებს და ძირს უთხრის ქართველი ხალხის ლეგიტიმურ მისწრაფებებს. საქართველოს ხელისუფლებას, რომელიც პასუხისმგებელია ადამიანის უფლებების დარღვევასა და დემოკრატიული პრინციპების ეროზიაზე, საკუთარი ხალხისა და საერთაშორისო საზოგადოების მხრიდან პასუხისმგებლობა უნდა დაეკისროს.ქართველი ხალხის თავგანწირვა ევროატლანტიკური ინტეგრაციისთვის მოითხოვს ჩვენს სოლიდარობას და მოქმედებას“, - აღნიშნულია განცხადებაში.აშშ-ს სახელმწიფო დეპარტამენტის პრესსპიკერმა მეთიუ მილერმა 30 ნოემბერს, სოციალურ ქსელ X-ზე დაწერა, რომ აშშ საქართველოსთან სტრატეგიულ პარტნიორობას აჩერებს."აშშ ევროკავშირთან ერთად გამოთქვამს მწუხარებას "ქართული ოცნების" გადაწყვეტილების გამო შეაჩეროს ევროკავშირში გაწევრიანების პროცესი.ვგმობთ ძალის გადამეტებულ გამოყენებას ქართველების მიმართ, რომლებიც სამართლიანად აპროტესტებენ კონსტიტუციის ამ ღალატს.ევროკავშირი კრემლის წინააღმდეგ საყრდენია. შესაბამისად, ჩვენ ვწყვეტთ ჩვენს სტრატეგიულ პარტნიორობას საქართველოსთან", - ნათქვამია მილერის პოსტში. 

1733295893

"ვგმობთ ძალის გადამეტებულ გამოყენებას პოლიციის მიერ მშვიდობიანი დემონსტრანტების წინააღმდეგ, რომლებიც სარგებლობენ მშვიდობიანი შეკრების და გამოხატვის უფლებით, მათ შორის მშვიდობიანი პროტესტის შესაძლებლობით. შეერთებული შტატები ღრმად შეშფოთებულია ცნობებით ჟურნალისტებზე თავდასხმისა და დაკავების შესახებ და მიიჩნევს, რომ თავისუფალი პრესა ქვაკუთხედია დემოკრატიული სისტემის. ჩვენ მოვუწოდებთ ყველა მხარეს, რომ აქცია იყოს მშვიდობიანი და მოვუწოდებთ მთავრობას, რომ მკაცრად დაიცვას ადამიანის უფლებები, კანონის უზენაესობა და ძირითადი თავისუფლებები...მე არ ვაპირებ, წინასწარ განვიხილო ან ვივარაუდო რაიმე ქმედებები, რასაც შეერთებულმა შტატებმა, შესაძლოა, მიმართოს ან არ მიმართოს. რისი თქმაც შემიძლია, არის ის, რომ ამჟამად ფოკუსირებული ვართ საქართველოს მთავრობასთან ურთიერთობასა და მათთვის იმ სერიოზული პასუხისმგებლობის ხაზგასმაზე, რაც მათ აკისრიათ კანონის უზენაესობის, ადამიანის უფლებებისა და ფუნდამენტური თავისუფლებების პატივისცემის კუთხით. რაც, ჩვენი რწმენით, კვლავაც რჩება საქართველოს ევროატლანტიკური მისწრაფებების საფუძვლად", - განაცხადა აშშ-ის სახელმწიფო დეპარტამენტის პრესსპიკერმა.აშშ-ს სახელმწიფო დეპარტამენტის პრესსპიკერმა მეთიუ მილერმა 30 ნოემბერს, სოციალურ ქსელ X-ზე დაწერა, რომ აშშ საქართველოსთან სტრატეგიულ პარტნიორობას აჩერებს."აშშ ევროკავშირთან ერთად გამოთქვამს მწუხარებას "ქართული ოცნების" გადაწყვეტილების გამო შეაჩეროს ევროკავშირში გაწევრიანების პროცესი.ვგმობთ ძალის გადამეტებულ გამოყენებას ქართველების მიმართ, რომლებიც სამართლიანად აპროტესტებენ კონსტიტუციის ამ ღალატს.ევროკავშირი კრემლის წინააღმდეგ საყრდენია. შესაბამისად, ჩვენ ვწყვეტთ ჩვენს სტრატეგიულ პარტნიორობას საქართველოსთან", - ნათქვამია მილერის პოსტში. 

1733295178

ერთდღიანების შემდეგ, სები ერთთვიან სასესხო ინსტრუმენტს მიადგა.ანალიტიკოსების თქმით, თქმით, სებ-ს ამ დროისთვის ბუნებრივად აქვს ლუფტი, სეზონური ფაქტორის გათვალისწინებით, სებ-მა იცის რომ წინასაახალწლოდ მოთხოვნა ლარზე გაიზრდება.25 ნოემბრიდან შეძლო თუ არა  ვალუტის კიდევ შესყიდვა, სები თუ ჩათვლის მიზანშეწონილად ინფორმაციას კვლავ მოგვაწვდის, როგორც 25 ნოემბერს გაავრცელა $85.7 მლნ-ის შესყიდვაზე, სექტემბერ-ოქტომბრის სავალუტო ხარჯვის ($698 მლნ-მდე) შემდეგ.სებ-ის ნაბიჯების ერთობლიობა ექსპერტ მარინა გულედანს აფიქრებინებს, რომ ბოლო გადაწყვეტილებები სწორედ ქვეყნის იზოლაციის და სანქციების საკომპენსაციო იყო. რაზეც ეჭვი ბიემჯიზე სტუმრობისას გამოთქვა.სებ-მა იცოდა დეესკალაციის ინტერესი და შესაბამისად ნებაც არ იქნებოდა, რადგან არჩევანი ლუსტრირებულია. სებ-მა იცის რომ რისკები უკვე რეალიზებული ხვდომილებაა. დასავლური კაპიტალის შეწყვეტა გარდაუვალი და ამიტომ შემოაქვს არჩევნებიდან 3 კვირაში გაათმაგეული საჯარიმო განაკვეთი  , თან საჭიროებას ევროდირექტივით ხსნის.  გულედანი ფიქრობს, რომ სები ელის წინააღმდეგობას საბანკო სექტორისგან, რომელიც საერთაშორისო საფინანსო ერთიანი სისტემაშია და ვერ მოერგება ლოკალურ რეგულატორს.ოქტომბერში სებ-ის სავალუტო აუქციონებით სისტემას 600 მლნ ლარამდე ლიკვიდობა მოაკლდა ( სებ-მა 4 აუქციონზე $213.5 მლნ გაყიდა).  Bmatch ვაჭრობით და სხვა ინსტრუმენტებით კი 1 მილიარდზე მეტი.ნოემბერში სამთავრობო კონვერტაციებით, კლებაა 840 მლნ ლაით. ერთდღიანი სესხების ნაშთი, 2 მილიარდიანი ზრდის შემდეგ, ნოემბერში 300 მილიონითაა შემცირებული და დეკემბერშიც 375 მლნ აქვს მოკლებული, შესაბამისად 2.5 მლრდ -ს რამდენიმე ასეულით ჩამოსცდა. ამასთან ნოემბერში ერთთვიანი ინსტრუმენტით 500 მლნ ლარი გაიცა.

1733248680

როგორც ჯგუფი „წინაპრების“ ერთ-ერთმა წევრმა, თათია მექვაბიშვილმა განაცხადა, ეთერი, დაახლოებით, 22:00 საათზე დაიწყება.„მანამ, სანამ ასეთი სიტუაციაა ქვეყანაში, ყოველდღე პრაიმტაიმში საზოგადოების წარმომადგენლებს ეთერი დაეთმობათ. დღევანდელი ეთერი სრულად მათ დაეთმობათ. რაც შეეხება ფორმატს, იქნება საზოგადოების ოთხი წარმომადგენელი და წამყვანი, სავარაუდოდ, თამთა სანიკიძე. ხვალ ველოდებით პრეზიდენტის ეთერს, ესეც ჩვენი მოთხოვნა იყო და შესრულებულია“, – განაცხადა თათია მექვაბიშვილმა.დღეს საზოგადოებრივი მაუწყებლის შენობასთან მოქალაქეები შეიკრიბნენ და შშმ პირებისთვის საეთერო დროის დათმობა მოითხოვეს.როგორც აქციის მონაწილეები აღნიშნავდნენ, საზოგადოებრივი მაუწყებელი ხალხის ტელევიზიაა და სურთ, რომ ამ ტელევიზიიდან შშმ პირების „ხმა გაისმას“.

1733244965

ზედამხედველმა ელექტრონული საფულეს (საგადახდო მომსახურების პროვაიდერი PSP) რამდენიმე დარღვევა აღმოუჩინა. მ.შ. ინფორმაციის არასწორად წარდგენის, რაც 2 000 ლარით სანქცირდება.ამას დაემატა ზედანხედველის წერილობითი მოთხოვნის შეუსრულებლობა, განსაზღვრულ ვადაში. კიდევ,, რომ PSP-ში არ ჩატარებულა დამოუკიდებელი აუდიტი. ამასთან ნეოელეთმა ფინანსური მონიტორინგის სამსახურს არ წარუდგინა ინფორმაცია საეჭვო გარიგებაზე.სულ, ჯარიმა გამოვიდა 26 000 ლარი. 

1733241360

მადლობა მინდა გადავუხადო შსს-ს, პირადად შს მინისტრს, თითოეულ პოლიციელს, შინაგან საქმეთა სამინისტრო, ამ დღეების განმავლობაში, მოქმედებდა ამერიკულზე და ევროპულზე მაღალი სტანდარტით. აშშ-ში მოქმედი ადმინისტრაცია ცდილობს ახალ ადმინისტრაციას დაუტოვოს მაქსიმალურად მძიმე მემკვიდრეობა ამ რეგიონში, დეკემბერი იყო ყველაზე დიდი რისკების შემცველი და ვერავის ვერ მივცემდით ქვეყნის დაშანტაჟების საშუალებას. აშშ-ის ახალი ადმინისტრაციის გზავნილები თავიდან ბოლომდე არის სრულ თანხვედრაში ჩვენს გზავნილებთან, მათ შორის იმ ორ კანონთან, რომელიც ჩვენ მივიღეთ. ეუთო/ოდირმა არჩევნები შეაფასა, როგორც კონკურენტული, სწორედ, ეს არის მთავარი მიზეზი, რატომაც ეუთო/ოდირს ასე გამალებით ესხმიან თავს, როგორც რადიკალური ოპოზიციის წარმომადგენლები, ისე მათი უცხოელი მფარველები. ჩვენი მთავარი საგარეო პოლიტიკური პრიორიტეტი არის ევროინტეგრაცია, მაგრამ მხოლოდ ღირსებით, სამართლიანობით, შანტაჟის გარეშე გავაგრძელებთ სვლას. „ლელოს" წევრების ვიდეოჩანაწერზე - „ლელოც" არის „ნაცმოძრაობის" ერთ-ერთი განშტოება, რა ხელწერაც ჰქონდათ, იგივე ხელწერა აქვთ დღესაც, ასეთი გეგმები ვერ აღსრულდება. გასულ დღეებში, ოპოზიციის რიგებიდან, ამ ადამიანებმა ყველა ის მეთოდი გამოიყენეს,  რაც იყო მათი ხელწერა ხელისუფლებაში ყოფნისას, 26 ოქტომბრის არჩევნებში რომ გაემარჯვათ, ეს ყველაფერი, მათ შორის, ადამიანის ღირსების ხელყოფა, წამება, მკვლელობა, მოხდებოდა უკვე სრულიად სხვა მასშტაბებით. რევოლუციის მოწყობის, „ნაცმაიდნის" მცდელობის მეოთხე ტალღა იყო ბევრად სუსტი, ამ აქციებზე აღარ ჩანდა ახალგაზრდა გოგონა, რომელიც ტუჩსაცხს ისვამდა პოლიციელის წინაშე, ან ყვავილით მისული ახალგაზრდა გოგონები, ან ქორწილიდან გამოქცეული წყვილი, გაცვდა ყველაფერი, რაც აკერმანის სახელმძღვანელოში ეწერა. ამ დღეებში განვითარებულ მოვლენებზე პასუხისმგებლობას  ვერ გაექცევიან ის პოლიტიკოსები, რომლებიც ძალადობას აორგანიზებდნენ, მაგრამ თავად ოფისებში იმალებოდნენ. სალომე ზურაბიშვილის განცხადებით, პოლიციელები იყვნენ ნარკოტიკული თრობის ქვეშ და მოძალადე მომიტინგეები იყვნენ სრულიად ფხიზლები, ყველამ დაინახა ვინ იყო ფხიზელი და ვინ არა, მისი ემოციური მდგომარეობა არამდგრადია და შეგვიძლია, თანავუგრძნოთ. ბავშვები ჰყავდათ მიყვანილი ძალადობრივ აქციაზე და ასროლინებდნენ საგნებს პოლიციელების მისამართით, ერთ ბავშვს რომ რამე დამართოდა, ვინ იღებდა ამაზე პასუხისმგებლობას, ჩვეულებრივი ფაშიზმია ეს ყველაფერი. მოვიდნენ 11-12 კაცი, ჩვენ შევთავაზებთ კონკრეტულ ადგილს, ფორმატს და გავმართოთ საჯარო დისკუსია ყველა თემასთან დაკავშირებით, მათ შორის, რაც უკავშირდება მთელი ამ 4 წლის განმავლობაში მიმდინარე მოვლენებს. „ქოლცენტრების" ჩართულობა სხვადასხვა ფორმით იკვეთება ჩავარდნილი „ნაცმაიდნის" მოვლენებში, მათ ამუშავებდნენ არატრადიციული მიზნით, ანუ არა პენსიონერების გასაძარცვად, არამედ იმისათვის, რომ ზეწოლა განეხორციელებინათ საჯარო მოსამსახურეებზე, სპორტსმენებზე, ხელოვანებსა და ბიზნესმენებზე. ჩვენთვის თითოეული ადამიანი, მოქალაქე, ახალგაზრდა არის ძვირფასი, მოვუწოდებ ყველა მშობელს, საკუთარი შვილები მაქსიმალურად მოარიდონ ლიბერალური ფაშიზმის ყველა კერას ჩვენს ქვეყანაში. უცხოურმა აგენტებმა და მათმა პატრონებმა გამოიყენეს ბოლო დარჩენილი რესურსი, მათ შორის, საჯარო სამსახურებში, თვითწმენდის პროცესი ძალიან საინტერესოდ წარიმართა, ყველას მოქმედებაზე გვექნება რეაგირება კანონმდებლობის შესაბამისად.

1733229545