მოლდოვის პრემიერი: მოლდოვა ქართველი ხალხის გვერდით დგას

გახარია ქვეყნის საერთაშორისო პარტნიორებს მოუწოდებს, იმოქმედონ დროულად საქართველოს მოქალაქეების დასაცავად.პარტიის „გახარია საქართველოსთვის“გავრცელებულ განცხადებაში შეფასებულია რეჟიმის დამოკიდებულება მშვიდობიანი აქციის მიმართ და პირდაპირ კვალიფიცირდება რეპრესიებად.ვრცელდება ინფორმაცია 4 დეკემბერს დაკავებულებზე. „ლელოს” წევრის საბა ბუაძის თქმით, დააკავეს პარტიის წევრები, ვეფხია კასრაძე და ვასო კაძელაშვილი.იმ მიზეზით, რომ თითქოს ისინი "ძალადობრივ გეგმაზე" საუბრობდნენ, რასაც თითქოს ადასტურებს სამთავრობო არხებზე გასული, აქციის ამსახველი ვიდეო. ასევე „გირჩი-დროას“ ოფისთან დაკავებულია ნიკა გვარამია (პარტია "ახალი") და გელა ხასაია („გირჩი – მეტი თავისუფლებისთვის”). გაჩხრიკეს ჯგუფის „დაიტოვე“ ერთ-ერთი წარმომადგენლის ილია ღლონტის სახლი, სადანაც მისივე თქმით, ამოღებულია პირადი მობილური, ტექნიკა და ლეპტოპი.„ეს იყო დაშინება და იმის მცდელობა, რომ ადამიანებმა შეწყვიტონ პროტესტი. მე ყველას მოვუწოდებ, რომ პირიქით, მეგობრებო, თქვენ თუ დღეს ხმას არ ამოიღებთ, ზუსტად იმავენაირად მოხდება ყველაფერი, როგორც ჩემ მიმართ მოხდა და ხვალ, ზეგ, თქვენ თავისუფალი აზრის გამოხატვის გამო, იმის გამო, რომ „ფეისბუკზე“ დამოუკიდებელ აზრს დაწერთ, მოგადგებიან თქვენც. ამიტომ არავითარ შემთხვევაში არ უნდა შეშინდეთ! ბრძოლა ახლა იწყება! ჩვენ უნდა ვიყოთ ერთად! მე ვსაუბრობ ამას იმ ბავშვების, დიდების, იმ ადამიანების სახელით, ვისაც აქციებზე ყოველდღე ვუყურებ. ეს არის ჩვეულებრივი, რიგითი ადამიანების მიმართ ძალადობა, დაშინება. უნდათ ვიღაცამ საკუთარი მოქმედება, თავისუფალი აზრის გამოხატვა შეაჩეროს...”, - განაცხადა ილია ღლონტმა.სამართალდამცველებმა მოძრაობა „დაფიონის“ წევრი ზვიად ცეცხლაძეც დააკავეს.

1733319834

“საზოგადოებაში, რომელიც უკვე 7 დღეა განუწყვეტლივ აფიქსირებს თავის ლეგიტიმურ პროტესტს, უკურეაქცია გამოიწვია ჩემმა გადაწყვეტილებამ, საზოგადოებრივი მაუწყებლის ეთერში ირაკლი კობახიძესთან ერთად დაჯდომასთან დაკავშირებით.შესაბამისად, მივიღე გადაწყვეტილება არ მივიდე საზოგადოებრივ მაუწყებელზე დღეს დაგეგმილ ეთერში, რათა არ გამოვიწვიო საზოგადოების კიდევ უფრო გაღიზიანება და პატივი ვცე მათ ემოციებს. როგორც ადრეც დავაფიქსირე, არა პროტესტანტების, არამედ ჩემი ინიციატივით მივდიოდი და ნამდვილად არ მაქვს სურვილი, რომ ამ ქმედებამ რაიმე სახის ლეგიტიმაციის შესახებ ეჭვი გააჩინოს საზოგადოებაში. ამასთან, როგორც ვუყურებთ, ჩხრეკების და დაკავებების ახალი ტალღა დაიწყეს დღეს.აქვე გიზიარებთ ჩემს პოზიციას, რის გაჟღერებასაც ვაპირებდი:- სრული სოლიდარობა და მალე გამოჯანმრთელება ასობით მძიმედ დაშავებულ პროტესტანტს.- სრული სოლიდარობა და მალე გამოჯანმრთელება ყველა დაშავებულ ჟურნალისტს.- სრული სოლიდარობა და თავისუფლება ყველა დაკავებულ პროტესტანტს.- სრული სოლიდარობა და მხარდაჭერა ყველა საჯარო მოხელეს, რომელთაც ღიად დააფიქსირეს საკუთარი პოზიცია და ამისთვის, სამსახურიდან დათხოვნით ემუქრებიან.ამ ყველაფრის განმახორციელებელი, პირდაპირ ეწინააღმდეგება არათუ ევროკავშირის ფუნდამენტურ ღირებულებებს, არამედ, საერთაშორისოდ აღიარებულ ადამიანის უფლებებს, საქართველოს კონსტიტუციას და ვერასდროს გააწევრიანებს ჩვენს ქვეყანას ევროკავშირში, თუმცა თავისუფლად აქცევს რუსულ ჭაობად.ჩვენი ქვეყნის მთავარი პრობლემა ერთი კაცის, ბიძინა ივანიშვილის, მიერ სრული მიტაცებაა. ამასთან მოდის წინააღმდეგობაში საქართველოს დემოკრატიული განვითარება და შესაბამისად, ევროკავშირში საქართველოს გაწევრიანება. სწორედ ამიტომ არ ხდება ევროკავშირის მიერ გაცემული მოლაპარაკებების გასახსნელად საჭირო 9 რეკომენდაციების შესრულება."ქართული ოცნება", არათუ არ, არამედ ვერ გახსნის მოლაპარაკებებს, რადგან მათ არ შეუსრულებიათ აღნიშნული რეკომენდაციები და არც მომავალში აპირებენ, რომელიც არის წინაპირობა მოლაპარაკების გასახსნელად, და გაცხადებულია 2024 წლის ევროკავშირის გაფართოების ანგარიშში საქართველოს შესახებ. ეს ანგარიში გამოქვეყნებულია და ყველას შეუძლია გაეცნოს ქართულ ენაზე.კობახიძე არ არის ხალხის მიერ არჩეული, არამედ არის ბიძინა ივანიშვილის მიერ დანიშნული. მათი მხარდამჭერთათვისაც კი შეურაცხმყოფელი უნდა იყოს ის, რომ ე.წ. არჩევნების წინ პარტიის პირველ ნომრად იყო ბიძინა ივანიშვილი წარმოდგენილი და დღეს ისევ გაუჩინარდა. ბიძინა ივანიშვილი არის პასუხისმგებელი ყველაფერზე რაც ქვეყანაში ხდება და ის ამ პასუხისმგებლობას ვერ გაექცევა, სხვა დამნაშავეებთან ერთად“, - წერს მიხეილ ჯანელიძე.

1733317797

ფაქტს წინ უძღოდა სიტყვიერი და ფიზიკური დაპირისპირება. უფრო კონკრეტულად, შელაპარაკება მოჰყვა გვარამიას მოთხოვნას, რომ როგორც წარმომადგენელი, ოფისში შეუშვან, რათა ჩხრეკას დააკვირდეს, რის შესაძლებლობასაც მას პოლიციის წარმომადგენლები არ აძლევდნენ. სამართალდამცველებმა მას უთხრეს, რომ საგამოძიებო მოქმედებები უკვე დაწყებულია, ადგილზე იმყოფება წარმომადგენელიც და „ხელის შეშლის შემთხვევაში კანონის შესაბამისად იმოქმედებენ“. ამის შესახებ სააგენტო IPN წერს.

1733317283

„რა თქმა უნდა, ჩვენ ნატოს ქვეყნების არჩევნებში ყოველგვარ ჩარევას ვგმობთ. გვაწუხებს ის, რაც მოლდოვაში მოხდა, კმაყოფილი ვართ შედეგით, მაგრამ აშკარაა რომ ჩარევა იყო. ამავდროულად, მოლდოვის ხელისუფლებამ არჩევნების მათი დემოკრატიული პრინციპების შესაბამისად ჩატარება შეძლო.რაც შეეხება საქართველოს, რა თქმა უნდა, ჩვენ გვაწუხებს ის, რაც საქართველოში ხდება. მოვლენებს თვალს ვადევნებთ. მოვუწოდებთ საქართველოს, დაუბრუნდეს ევროატლანტიკური ინტეგრაციის გზას, ევროკავშირთან და ნატოსთან. ჩვენ ნამდვილად შეშფოთებული ვართ და საქართველოში მიმდინარე მოვლენებს ვაკვირდებით. რაც შეეხება არჩევნებში ვინმეს ჩარევას ნებისმიერი მხრიდან, ეს მიუღებელია“, – განაცხადა NATO-ს გენერალურმა მდივანმა.

1733314993

როგორც ნიკა გავრამია ამბობს, პოლიციას ჩხრეკის ჩატარება სურდა, თუმცა მას შემდეგ რაც ჩხრეკის უფლების შესაბამისი დოკუმენტაცია მოსთხოვეს, მათ ყოველგვარი ახსნა-განმარტების გარეშე ოფისი რამდენიმე დატოვეს. ლაივ ჩართვის დასრულებამდე კადრებში ჩანდა, რომ პოლიციის წარმომადგენლები პარტიის ოფისიდან გავიდნენ, ნაწილი მათგანი კი ოფისის შესასვლელთან დარჩნენ.

1733314208

ბოლო 2 წლის განმავლობაში  სექტორში დარჩენილი მსესხებლების ქონება განახევრებულია. 01.01.2022-ისთვის 8 მლნ ლარს აღემატებოდა, სასესხო პორტფელი (38 მისოს) კი ₾1.3 მლრდ-ს.მიკროსაფინანსო  ორგანიზაციების (33 მისო) 9 თვის ანგარიშით, Q3/2024 - ის მდგომარეობით, გაუსტუმრებელი ვალდებულების სანაცვლოდ , სექტორში, მსესხებლის 4.8 მლნ ლარამდე  ქონება რჩება. მ/ო -ების მთლიანი საკრედიტო დაბანდება კი 1.963 მლრდ ლარია.სესხი, უზრუნველყოფაში ჩადებული ქონების მისაკუთრეებამდე,  უიმედო ვალების პორტფელში ხვდება, რისთვისაც საზედამხედველო ნორმით 100%-მდე რეზერვდება.მისეობის რეიტინგი მისაკუთრებული ქონებით (₾)

1733313234

კობახიძის 15 ძირითადი გზავნილი დღევანდელი პრეს–კონფერენციიდან: 2022 წლის ივნისში ევროკავშირის გადაწყვეტილების მიმღებმა პირებმა ხელი ჰკრეს ქართველ ხალხს და უარი უთხრეს კანდიდატის სტატუსზე, ევროკავშირმა გვითხრა უარი და ისევ ჩვენ გამოგვაცხადეს არაპროევროპულად, ეს არის პარადოქსი. აშშ-ის საელჩოს ქარდები იდება მიმდინარე სისტემური უხეში ძალადობის ფონზე და ეს ქარდებიც აღქმული იქნება, როგორც მწვანე შუქი ძალადობაზე, რაც შემაშფოთებელია. იმედი მაქვს, 20 იანვრიდან ქალბატონი ელჩი და მთლიანად აშშ-ის საელჩო გათავისუფლდება იმ გავლენებისგან, რაც არასწორი მიმართულებით წარმართავს საელჩოს საქმიანობას. აბსოლუტურად კომიკური სახე მიიღო აშშ-ის საელჩოს კონკრეტულმა ქმედებებმა, ისინი დებენ ე.წ. ქარდებს საელჩოს გვერდზე, ამის გამო ხუმრობით რობინ დანიგანს რობინ ქარდიგანი დაარქვეს. იყო შემთხვევები, როდესაც არასრულწლოვანი ბავშვები, სკოლის მოსწავლეები ძალადობაში ჰყავდათ ჩართული, ეს არის ჩვეულებრივი ლიბერალური ფაშიზმი. ლიბერალური ფაშიზმი არის ყველგან შესული, მათ შორის, გამაოგნებელია, მაგრამ იმ ორგანიზაციებშიც, რომლებიც უნდა იყვნენ დაკავებულნი ქვეყანაში ბავშვთა უფლებების დაცვით. ლიბერალური ფაშიზმი, რასაც ვხედავთ ჩვენ საზოგადოების მცირე, მაგრამ აგრესიულ ნაწილში, არის გენერირებული უცხოური დაფინანსების საფუძველზე, ქვეყანას სჭირდება გამჭვირვალობა, სიმშვიდე და სტაბილური განვითარება. სკოლების პოლიტიზება არის ყოვლად ამორალური ქმედება, რაც კიდევ ერთხელ აჩვენებს ლიბერალური ფაშიზმის სახეს. ოპოზიცია გადასულია ოცნებებზე რადიკალურ სცენარებთან დაკავშირებით, თუმცა სახელმწიფო გააკეთებს ყველაფერს იმისათვის, რომ ასეთი გეგმები არ განხორციელდეს. არის პირდაპირი მხარდამჭერი განცხადებები იმ ძალადობის მიმართ, რომელიც ჩვენ ვიხილეთ ამ დღეების განმავლობაში რუსთაველის გამზირზე. ყველას მინდა შევახსენო, რომ პასუხისმგებლობას ვერ გაექცევა ვერავინ, მათ შორის ვერც ოფისებში შემალული პოლიტიკოსები. ყველაფერი არის კონტროლის ქვეშ, „ნაცმაიდანი" ჩავარდა და ქვეყნის ინტერესები იქნება თავიდან ბოლომდე დაცული. მიუხედავად იმისა, რომ რადიკალური ოპოზიციის, ასევე მდიდარი ენჯეოების ლიდერები, იმალებიან ოფისებში, ისინი ვერ გაექცევიან პასუხისმგებლობას მძიმე, უხეში ძალადობის გამო, რომელსაც ვხედავთ რუსთაველის გამზირზე. ეუთო/ოდირი არის მთავარი ინსტიტუცია, რომელიც აფასებს არჩევნებს და საკონსტიტუციო სასამართლოს სამართლებრივი ოფიციალური დასკვნა არის არჩევნებთან დაკავშირებით, არჩევნების არალეგიტიმურობის თაობაზე ნული მტკიცებულებაა. უხეში, სისტემური ძალადობა თბილისის ქუჩებში, ჯერჯერობით არ დაუგმიათ საერთაშორისო სუბიექტებს - არდაგმობა კონკრეტული ადამიანების მხრიდან განიხილება, როგორც მწვანე შუქი ძალადობაზე, რაც ძალიან სამწუხაროა. დებატების დროს თუ დაგვარწმუნებენ, მზად ვართ, ჩვენს პოზიციას გადავხედოთ, მაგრამ თუ დაინახავენ, რომ ჩვენს მხარეს არის სიმართლე, კეთილი ინებონ და თავადაც აღიარონ, თუ ეყოფათ რესურსი. არცერთი ობიექტური შემფასებლისთვის არავითარი კითხვები არჩევნებთან დაკავშირებით არ არსებობს, გარკვეული ძალები მაინც ახერხებენ სპეკულირებას ამ თემით, რაც დიდხანს ვერ გაგრძელდება. სალომე ზურაბიშვილი სკამს ვერ ელევა, ეს არის მთავარი მიზეზი მისი მძიმე ემოციური მდგომარეობისა, საკონსტიტუციო სასამართლომ მიიღო უალტერნატივო გადაწყვეტილება, რამაც გამოიწვია რადიკალური ოპოზიციის იმედგაცრუება. დადონ დღესვე მოლაპარაკებები მაგიდაზე, აქვე ვაწერთ ხელს, ვფიქრობ, მხოლოდ ბრძოლაშია წარმატების გასაღები, ვიბრძოლებთ, ვაჩვენებთ ღირსებას და ბევრად უფრო ჩქარა ვივლით წინ ევროინტეგრაციის მიმართულებით. ლარის კურსიც და ეკონომიკაც დასტაბილურდება, წლის ბოლოსთვის გვექნება სულ მცირე 9,5%-იანი ეკონომიკური ზრდა, დღეს სახელმწიფო არის უფრო ძლიერი, დარწმუნებული ვართ, რადიკალიზმი შემცირდება და ეს დაეტყობა ეკონომიკური ზრდის ტემპის კიდევ უფრო გაუმჯობესებას.

1733311675

განცხადებაში ვკითხულობთ:„ჩვენ, საქართველოს საჯარო სექტორში დასაქმებული პირები, გულწრფელად და ერთგულად ვემსახურებოდით და ვემსახურებით არა რომელიმე პოლიტიკური ჯგუფის, არამედ საქართველოს ეროვნულ ინტერესებს, რაც გულისხმობს ჩვენი სამშობლოს სუვერენიტეტის, ტერიტორიული მთლიანობის,  ევროპული და ევრო ატლანტიკური მისწრაფებების დაცვას.მიგვაჩნია, რომ დღევანდელი გეოპოლიტიკური გამოწვევების ფონზე, სასიცოცხლოდ მნიშვნელოვანია საქართველოს დასავლეთთან ინტეგრაცია და ყველა იმ მექანიზმის ბოლომდე ათვისება, რომელსაც გვთავაზობს ეს პროცესი. მთელი ამ წლების განმავლობაში, ჩვენ მნიშვნელოვანი წვლილი შეგვქონდა ევროკავშირთან ასოცირების დღის წესრიგის შესრულების, ვიზალიბერალიზაციისა და ევროკავშირის საკანონმდებლო სივრცესთან დაახლოების პროცესში, იმ რწმენით, რომ ეს ჩვენი წინაპრებისგან გარდაუვალი სურვილით ნაკარნახევი, ადამიანზე ორიენტირებული და დაცული მომავლისთვის ყოველდღიური შრომა იყო. ვშრომობდით რა იმ მომავლისთვის, რომელიც თითოეულ ადამიანს ღირსეული ცხოვრების, კეთილდღეობის, თანასწორობის, განვითარებისა და ბედნიერებისკენ სწრაფვის საშუალებას აძლევს, ამ რწმენით, ცალსახად ვემიჯნებით 28 ნოემბერს გაკეთებულ განცხადებას და მკაცრად ვგმობთ საქართველოს მოქალაქეების მშვიდობიანი პროტესტის არაპროპორციული ფორმებით დარბევას!ვადასტურებთ, ჩვენს განუხრელ ერთგულებას საქართველოს კონსტიტუციის 78-ე მუხლში გაცხადებული, საქართველოს მოქალაქეთა უმრავლესობის მიერ, არაერთხელ მკაფიოდ გამოხატული ნების მიმართ!ვემსახურებით საქართველოს!”განცხადება ღიაა და ხელმოწერა შეუძლია საქართველოს საჯარო სექტორში დასაქმებულ, ნებისმიერ ადამიანს.ხელმოწერისთვის ეწვიეთ ბმულს.

1733309560