ცესკოში საოლქო საარჩევნო კომისიების დროებითი წევრობის კანდიდატებთან გასაუბრება დასრულდა

მოსალოდნელზე მაღალი არსებული ეკონომიკური ზრდის გამო S&P-მა საქართველოს 2025 წლის პროგნოზი 7.1 პროცენტამდე გაზარდა, რაც წლის დასაწყისში 5.7 პროცენტს შეადგენდა. ასევე, გაუმჯობესებულია მიმდინარე ანგარიშის დეფიციტის პროგნოზიც და 5.0 პროცენტის ნაცვლად 4.1 პროცენტს შეადგენს 2025 წლისთვის.სარეიტინგო კომპანია საქართველოს ფისკალური და მონეტარული პოლიტიკის ჩარჩოს რეგიონულ კონტექსტში საკმაოდ გონივრულად და წინდახედულად აფასებს, რაც სტრუქტურული რეფორმების დამსახურებაა და იწვევს ბიზნესგარემოს გაუმჯობესებას. S&P აღნიშნავს, რომ შენარჩუნებული ეკონომიკური ზრდა და გონივრულად განხორციელებული ფისკალური პოლიტიკის მართვა ხელს უწყობს მთავრობის ვალის დაბალ დონეზე შენარჩუნებას. რაც შეეხება მონეტარულ პოლიტიკას, ანგარიშში აღნიშნულია ბოლო პერიოდში უცხოური რეზერვების ზრდა, რაც ფულადი ნაკადების შემოდინებისა და ტურიზმიდან მიღებული შემოსავლების მეშვეობით მოხდა. სარეიტინგო კომპანიის შეფასებით, მოსალოდნელია რეზერვების კიდევ უფრო გაზრდა.S&P საქართველოს საბანკო სისტემას კარგად კაპიტალიზებულად აფასებს, სადაც შენარჩუნებულია ძლიერი ლიკვიდურობა. ამასთან, აღნიშნულია, რომ ეროვნული ბანკის მიერ გატარებული ღონისძიებები ხელს უწყობს დოლარიზაციის შემცირებას.უნდა აღინიშნოს, რომ სარეიტინგო კომპანიის მეთოდოლოგიის შესაბამისად, საქართველოს ეკონომიკური შეფასების ქულა გაუმჯობესებულია, რაც ბოლო წლების მანძილზე პირველად განხორციელდა და აღნიშნავს მოსახლეობის ერთ სულზე მთლიანი შიდა პროდუქტის ზრდის მაღალ მაჩვენებელს, აღნიშნული კი თავის მხრივ, სააგენტოს მეთოდოლოგიით, რეიტინგის ნოჩის მატებას (BB+მდე) გულისხმობს, თუმცა ამავდროულად, გეოპოლიტიკური დაძაბულობის გათვალისწინებით გამოყენებული იქნა შემასწორებელი ნოჩი, რის შედეგადაც რეიტინგი უცვლელ BB დონეზე დარჩა, სტაბილური პერსპექტივით.

1754727515

ტრამპმა ხელმოწერის ცერემონიალზე აღნიშნა, რომ სომხეთიც და აზერბაიჯანი დიდხანს მიდიოდნენ ამისკენ და ბევრჯერ ეგონათ, რომ შეთანხმება შეძლეს, თუმცა ეს აქამდე ვერ მოხდა.მისივე თქმით, სამშვიდობო შეთანხმების მიღწევას ცდილობდნენ – თუმცა წარუმატებლად – ევროკავშირიც, რუსეთიც.„ჩემთვის დიდი პატივია, მოგესალმოთ თეთრ სახლში ამ ისტორიულ მშვიდობის სამიტზე სომხეთსა და აზერბაიჯანს შორის. მინდა, მივულოცო ამ ორ შორსმჭვრეტელ ადამიანს, პრემიერ-მინისტრ ნიკოლ ფაშინიანსა და პრეზიდენტ ილჰამ ალიევს, რომ ჩამოვიდნენ ვაშინგტონში, რათა ხელი მოეწერათ ამ მნიშვნელოვანი დეკლარაციისთვის.ახლახან ვიმყოფებოდით ოვალურ კაბინეტში, სადაც ხელი მოვაწერეთ მოცულობით დოკუმენტებს და შეთანხმების ძალიან მნიშვნელოვან ელემენტებს. სომხეთი და აზერბაიჯანი ვალდებულებას იღებენ, სამუდამო შეწყვიტონ საბრძოლო მოქმედებები, დაიწყონ ვაჭრობა, მოგზაურობა, დიპლომატიური ურთიერთობები და პატივი სცენ ერთმანეთის სუვერენიტეტსა და ტერიტორიულ მთლიანობას“, – აღნიშნა ტრამპმა.მისივე თქმით, სომხეთი და აზერბაიჯანი შეძლებენ, იცხოვრონ და იმუშაონ ერთად, რაც შესანიშნავია.„ჩვენ ასევე მოვაგვარეთ მნიშვნელოვანი საკითხი, ეს დეკლარაცია, რასაც მათ ჩემ პატივსაცემად უწოდეს „ტრამპის მარშრუტი“ საერთაშორისო მშვიდობისა და კეთილდღეობისთვის, ადგენს, რომ საშუალებას მისცემს აზერბაიჯანს, სრული წვდომა ჰქონდეს ნახიჩევანის მის ტერიტორიაზე, ამავდროულად, სრულად პატივი სცეს სომხეთის სუვერენიტეტს. ასე რომ, ისინი შეძლებენ, იცხოვრონ და იმუშაონ ერთად. ეს შესანიშნავია. სომხეთი ასევე ქმნის ექსკლუზიურ პარტნიორობას აშშ-თან, რომელიც, შესაძლოა, 99 წლამდე გაგრძელდეს და შემდეგ კიდევ გვპირდებიან გაგრძელებას. ჩვენ ველოდებით მნიშვნელოვან ინფრასტრუქტურულ განვითარებას ამერიკული კომპანიების მიერ.მათ ძალიან სურთ ამ ორ ქვეყანაში შესვლა და ბევრი ფულის დახარჯვა, რაც ეკონომიკურად სარგებელს მოუტანს სამივე ქვეყანას. ჩვენ ასევე ვაუქმებთ შეზღუდვებს აზერბაიჯანთან თავდაცვით სფეროში თანამშრომლობაზე“, – განაცხადა ტრამპმა.ალიევის თქმით, ის დარწმუნებულია, რომ სომხეთი და აზერბაიჯანი იპოვიან სიმამაცეს შესარიგებლად და დაპირისპირების ისტორიას უკან მოიტოვებენ.„დღეს ისტორიული დღეა. დღეს ჩვენ ვამყარებთ მშვიდობას კავკასიაში, რაც ახალ დიდებულ შესაძლებლობებს გახსნის არა მხოლოდ ჩვენი რეგიონის, არამედ, როგორც პრეზიდენტმა ტრამპმა სწორედ აღნიშნა, საერთაშორისო მშვიდობისა და კეთილდღეობისთვის. ეს შექმნის ახალ დამაკავშირებელ ხაზებს, მოშლის კედლებს და შექმნის ახალ შესაძლებლობებს მრავალი ქვეყნისთვის.დღეს ისტორიული დღეა, რადგან ჩვენ ვამკვიდრებთ მშვიდობას, პრეზიდენტმა ტრამპმა მშვიდობა მოიტანა კავკასიაში და მადლიერი ვართ ამისთვის. დარწმუნებული ვარ, სომხეთი და აზერბაიჯანი იპოვიან სიმამაცესა და პასუხისმგებლობას შესარიგებლად. ხალხი შერიგდება და უკან მოვიტოვებთ ამ დაპირისპირებისა და სისხლისღვრის ისტორიას“, – განაცხადა ალიევმა.ამასთან, აზერბაიჯანის პრეზიდენტმა აშშ-თან ურთიერთობაზეც ისაუბრა და აღნიშნა, რომ ახალი ისტორია იწერება, ორი ქვეყნის სტრატეგიული პარტნიორობა იწყება.„ნამდვილად ჩვენ ახალ ისტორიას ვწერთ ორ სახელმწიფოს, აშშ-სა და აზერბაიჯანს შორის ურთიერთობებში. ჩვენ სტრატეგიული პარტნიორობისკენ გზას ვიწყებთ. სტრატეგიული პარტნიორობის შესახებ ქარტია რამდენიმე თვეში შემუშავდება და ეს იქნება ისტორიული მიღწევა აზერბაიჯანისთვის, რადგან მსოფლიოში ყველაზე ძლევამოსილ ქვეყანასთან სტრატეგიული პარტნიორობა  შესანიშნავი შესაძლებლობაა. ასევე, ეს არის დიდი პასუხისმგებლობაც. ეს სტრატეგიული პარტნიორობის ფორმატი მრავალ სფეროს მოიცავს – ერთობლივი ინვესტიციები, ვაჭრობა, ენერგეტიკა, დაკავშირებადობა, ტრანზიტი, ხელოვნური ინტელექტი, თავდაცვა, რეალიზაცია, ტერორიზმთან ბრძოლა. ყველა ამ სფეროში ჩვენ გვაქვს – და ვიმედოვნებ, მომავალშიც გვექნება – თანამშრომლობა. ეს შესაძლებლობას აძლევს აზერბაიჯანს, განაგრძოს განვითარების გზა და განახორციელოს ეკონომიკის დივერსიფიცირება, შეამციროს უმუშევრობა“, – აღნიშნა ალიევმა.ფაშინიანის შეფასებით კი, დეკლარაციის ხელმოწერით სამხრეთ კავკასიაში იწყება მშვიდობის, კეთილდღეობის, უსაფრთხოებისა და ეკონომიკური თანამშრომლობის ეტაპი.„დღეს ჩვენ მივაღწიეთ მნიშვნელოვან ეტაპს სომხეთისა და აზერბაიჯანის ურთიერთობებში. საფუძველს ვუყრით უკეთეს ისტორიას, ვიდრე წარსულში გვქონდა. ეს გარღვევა შეუძლებელი იქნებოდა პრეზიდენტ დონალდ ტრამპის პირადი ჩართულობის გარეშე. სამშვიდობო შეთანხმება გზას გაუხსნის ათწლეულობით მიმდინარე კონფლიქტის დასრულებას ჩვენს ქვეყნებს შორის და დაიწყება ახალი ეტაპი, რომელიც დაფუძნებული იქნება ერთმანეთის სუვერენიტეტისა და ტერიტორიული მთლიანობის სრულ პატივისცემაზე. დეკლარაციის ხელმოწერით იწყება მშვიდობის, კეთილდღეობის, უსაფრთხოებისა და ეკონომიკური თანამშრომლობის ეტაპი სამხრეთ კავკასიაში.განსაკუთრებით, დარწმუნებული ვარ, რომ, აშშ-თან ერთად, სომხეთი იმუშავებს „ტრამპის მარშრუტი საერთაშორისო მშვიდობისა და კეთილდღეობისთვის“ პროექტზე, რაც მთელი რეგიონისთვის სტრატეგიულ ეკონომიკურ შესაძლებლობებს გახსნის და ხანგრძლივ სარგებელს მოიტანს. ეს ხელს შუწყობს ინვესტიციებს ინფრასტრუქტურაში, გააძლიერებს რეგიონულ დაკავშირებადობას“, – განაცხადა ფაშინიანმა.ცერემონიალს ლიდერების გარდა, სხვა მაღალჩინოსნებთან ერთად, ესწრებოდნენ: აშშ-ის სახელმწიფო მდივანი მარკო რუბიო, პრეზიდენტის სპეციალური წარმომადგენელი სტივ უიტკოფი, სომხეთისა და აზერბაიჯანის საგარეო საქმეთა მინისტრები, არარატ მირზოიანი და ჯეიჰუნ ბაირამოვი; ალიევის მრჩეველი საგარეო ურთიერთობების საკითხებში, ჰიკმეთ ჰაჯიევი. რესპუბლიკელი სენატორი სტივ დეინსი, საგარეო ურთიერთობათა კომიტეტის წევრი. დოკუმენტით, მხარეები ვალდებულებას იღებენ, სამუდამოდ შეწყვიტონ საბრძოლო მოქმედებები, დაიწყონ სავაჭრო, დიპლომატიური ურთიერთობები, მოგზაურობა და პატივი სცენ ერთმანეთის სუვერენიტეტსა და ტერიტორიულ მთლიანობას.აზერბაიჯანის და სომხეთის მიერ გაფორმებულ დეკლარაციას აშშ-ის პრეზიდენტმა, დონალდ ტრამპმაც მოაწერა ხელი.გარდა ამისა, აშშ-მა ასევე გააფორმა ორმხრივი შეთანხმება თითოეულ ქვეყანასთან ენერგეტიკის, ტექნოლოგიების, ეკონომიკური თანამშრომლობის, საზღვრის უსაფრთხოების, ხელოვნური ინტელექტის, ინფრასტრუქტურისა და ვაჭრობის შესახებ.შეთანხმება ასევე მოიცავს აშშ-ის ექსკლუზიურ უფლებას, განავითაროს სტრატეგიული ტრანზიტული დერეფანი სამხრეთ კავკასიაში.

1754715836

ბრინჯაოს მედლის მფლობელი თემიკო მაჭავარიანი გახდა. საპატიო სიგელი კი ანტონ ინგოროყვამ მოიპოვა. საპატიო სიგელი იმ მონაწილეებს გადაეცემათ, რომლებიც ოლიმპიადის ორი დღიდან რომელიმე დღეს მონაწილეების ნახევარზე უკეთეს შედეგს აჩვენებენ. ოლიმპიადაში 60-ზე მეტი ქვეყნის 300-მდე წარმომადგენელი მონაწილეობდა. ოლიმპიადის ამოცანები საერთაშორისო სამეცნიერო კომიტეტმა შეადგინა და საქართველოს ნაკრებმა კონკურენტულ შეჯიბრში წარმატებით იასპარეზა.ხელოვნური ინტელექტის საერთაშორისო ოლიმპიადა (IOAI) საერთაშორისო საგანმანათლებლო კონკურსია, რომელიც 2024 წლიდან ტარდება და უკვე აერთიანებს ხელოვნური ინტელექტით და მონაცემთა მეცნიერებით დაინტერესებულ სკოლის მოსწავლეებს მსოფლიოს 70-ზე მეტი ქვეყნიდან. IOAI უკვე გახდა მოსწავლეთა მსოფლიო ოლიმპიადების სისტემის ერთ-ერთი ყველაზე პრესტიჟული ნაწილი. 2024 წელს ოლიმპიადა ბულგარეთში ჩატარდა, წელს კი მას პეკინმა უმასპინძლა.საქართველოს ხელოვნური ინტელექტის ასოციაციის (GAIA) ორგანიზებით და თიბისის და საქართველოს ინოვაციების და ტექნოლოგიების სააგენტოს (GITA) მხარდაჭერით, საქართველოში პირველი ხელოვნური ინტელექტის ეროვნული ოლიმპიადა ჩატარდა. სწორედ ეროვნული ოლიმპიადის გამარჯვებულებისგან დაკომპლექტდა მოსწავლეთა ეროვნული ნაკრები.ხელოვნური ინტელექტის ეროვნული ოლიმპიადა მნიშვნელოვანი ინიციატივაა, რომელიც ხელს უწყობს ცოდნის გაზიარების კულტურას, პროფესიონალების განვითარების პროცესსა და საქართველოს ღირსეული ადგილის დამკვიდრებას გლობალურ ტექნოლოგიურ ეკოსისტემაში.თიბისი განათლებას კიდევ უფრო ხელმისაწვდომს ქმნის და ახალგაზრდებს, რომლებსაც სჯერათ, რომ განათლებით საკუთარი ამბის შექმნა შეუძლიათ, მათ ტექნოლოგიური განათლების პროგრამებს სთავაზობს.

1754673352

სებ-ის სტატისტიკით, ბანკთაშორის ვაჭრობაში 16 ბანკი (მ.შ. მიკრობანკების კრისტალი და MBC) და 6 არასაბანკო სუბიექტი მონაწილეობს.  კონცენტრაცია გაზრდილია. გარიგებების რაოდენობა 38.5%-ით (Y.Y)  შემცირებულია. მოცულობა გაზრდილია 3,5 მლრდ-მდე (+$434 მლნY.Y). სებ-ის წილი 8%-მდეა.

1754669820

POLITICO-ს თანახმად, შეთანხმება, სავარაუდოდ, ბევრ სომეხ-ამერიკელს იმედს გაუცრუებს, რადგან, როგორც ჩანს, მას არ აქვს კონკრეტული დებულებები ისტორიული საცხოვრებელი ტერიტორიებიდან გადაადგილებული ადამიანების, ასევე კონფლიქტის დროს აყვანილი სამხედრო ტყვეების საკითხების შესახებ.POLITICO იმასაც წერს, რომ სომხეთი დათანხმდა, რომ აშშ-ს 99 წლით მიანიჭოს ზანგეზურის დერეფნის ექსკლუზიური სპეციალური განვითარების უფლებები.სტატიის თანახმად, აშშ მიწას ქვეიჯარით გადასცემს კონსორციუმს, რომელიც 27 მილის სიგრძის დერეფნის გასწვრივ განავითარებს რკინიგზის, ნავთობის, გაზის და ოპტიკურ-ბოჭკოვანი ხაზების და, შესაძლოა ელექტროენერგიის გადამცემ ხაზებსაც.8 აგვისტოს, ვაშინგტონში დაგეგმილია სამმხრივი შეხვედრა აზერბაიჯანისა და სომხეთის ლიდერებთან. შეხვედრას აშშ-ს პრეზიდენტი, დონალდ ტრამპი უხელმძღვანელებს. თეთრ სახლში შეხვედრის დროს, აზერბაიჯანისა და სომხეთის ლიდერები რუსეთის გვერდის ავლით ახალი სტრატეგიული სატრანსპორტო კორიდორის გახსნაზე შეთანხმდებიან.შეხვედრის მიზანი - რეგიონში მშვიდობის, კეთილდღეობისა და ეკონომიკური თანამშრომლობის ხელშეწყობაა. შეხვედრის შემდეგ მხარეებს შორის ურთიერთგაგების მემორანდუმი გაფორმდება. ეს მოიცავს ჩარჩო შეთანხმებაზე ხელმოწერას კონფლიქტის მშვიდობიანი დარეგულირების შესახებ.

1754658215

„კინო გზაზე“ დამოუკიდებელი კინემატოგრაფისტების მიერ შექმნილი პროექტია. პროექტის ფარგლებში, საქართველოს რეგიონებში, 10 სხვადასხვა ლოკაციაზე თანამედროვე ქართველი რეჟისორების მიერ შექმნილი ფილმების ჩვენება გაიმართა.6 ივნისს, პროექტის მოძრავი ეკრანი თელავში გაიშალა და აქედან დაიწყო ქართული კინოს მოგზაურობა - ყვარელში, ლაგოდეხში, შალაურში, წნორში, ქუთაისში, ფოთში, ქობულეთში, ვანსა და ზუგდიდში.მაყურებლები პირისპირ შეხვდნენ რეჟისორებს - ილო ღლონტს, გიორგი თავართქილაძეს, ანკა გუჯაბიძეს, უტა ბერიას, თამთა ხალვაშს, მელანო სოხაძეს, დავით ფირცხალავას და სხვებს. გაიმართა არაერთი საინტერესო დისკუსია.კინოპროექტის დასკვნითი ჩვენება 10 აგვისტოს, ახალციხეში გაიმართება და წარმოგიდგენთ თაკო რობაქიძის, ვაჟიკო ჩაჩხიანისა და გიორგი გოგიჩაიშვილის მოკლემეტრაჟიან დოკუმენტურ ფილმებს - „მცოცავი ოკუპაცია“, „ზამთრის თბილი დღე“, „8 წუთი“ და „10:45“.კინოჩვენებას ახალციხეში შეხვედრების სივრცე - „კანტორა“ უმასპინძლებს (გრიგოლ ხანძთელის #30). დასწრება თავისუფალია და ტრადიციულად, ჩვენების დასრულების შემდეგ, სტუმრებს შესაძლებლობა ექნებათ შეხვდნენ და გაესაუბრონ ფილმების რეჟისორებს.რეგიონებში სოციალურ-კულტურული ცხოვრების გაძლიერება თიბისის ერთ-ერთი უცვლელი პრიორიტეტია. ამ პროექტმა კიდევ ერთხელ დაგვარწმუნა, როგორ აახლოებს ხელოვნება ადამიანებს; ქმნის ახალ შესაძლებლობებს და აღრმავებს საერთო ღირებულებებს. 

1754654789

„ბევრი ვენახი გაშენდა - სუბსიდირება რომ შეწყდეს, ვენახის გაჩეხა მოუწევთ“„სუბსიდირების პროგრამები ქმნიან არასწორ სტიმულებს. მაგალითად, ყურძნის სუბსიდირების პროგრამის გამო, ძალიან ბევრი ვენახი გაშენდა. ფერმერებმა მთელი თავისი ბიზნეს მოდელი ააწყეს სუბსიდირების სქემაზე, ეს რომ გამოაცალო, ჩამოიშლება მათი ბიზნესი, მიატოვებენ ვენახებს, აზრი არ ექნება წარმოებას და ვენახების გაჩეხა მოუწევთ.ქვეყანაში გვაქვს ყურძნის ჭარბი წარმოება, ძალიან ბევრი ყურძენი იწარმოება და არ გვაქვს ამის საჭიროება. ამას მოწმობს ისიც, რომ სულ ახლახან სახელმწიფო ღვინის კომპანიამ, რომელიც ამ ღვინის მარაგებს ფლობს, 100 მილიონი ლარის ღვინო ჩამოწერა და მესამედი ფასი დაადო, რომ იქნებ როგორმე გაყიდოს. იმდენად ჭარბია წარმოება, რომ ფიზიკურად ჭურჭელი არ არის საკმარი, რომ ამდენი ღვინის და ყურძნის დაბინავება იყოს შესაძლებელი“, - აღნიშნავს ილია კუნჭულია.მისივე თქმით, სუბსიდირების ფარგლებში 1 კგ ყურძნის ჩაბარება ფერმერებს წლებია 1 ლარის ფარგლებში უწევთ. ეს კი იმდენად დაბალი ღირებულებაა, რომ მევენახე მოგებაზე ვერ გადის.„1 ლარი რომ ღირს ყურძენი, ფერმერები მოგებას ვერ ნახულობენ, რადგან წარმოების ხარჯებს მიუახლოვდნენ. 10-15 წლის წინ როცა ლარი ღირდა ჩაბარება, არც სასუქი ღირდა ამდენი, არც კრეფის ფასი იყო ამხელა, არც სხვადასხვა მომსახურება უჯდებოდა ფერმერს ამდენი... მთელი წელი ფერმერი ხარჯავს ფულს იმისთვის, რომ წლის ბოლოს დახარჯული თანხა ერთიანად აიღოს - მოგებაზეც კი არ არის საუბარი. სეტყვა ან სხვა სტიქიური უბედურება რომ მოხდეს, ფერმერი მიდის ზარალში“, - აღნიშნავს რესპონდენტი.როგორც მანვე დასძინა, „ყურძნის ფასის დასუბსიდირების არსებული პროგრამით ფერმერები არ არიან კმაყოფილები, რადგან ეს პროგრამა არის ღვინის ქარხნების დახმარების პროგრამა“. ილია კუნჭულიას თქმით, სახელმწიფო სუბსიდირების პროგრამიდან თანდათან უნდა გამოვიდეს.„კარგი იქნება რომ სუბსიდირებისთვის გამოყოფილი ფული სხვა რამეზე დაიხარჯოს და ორიენტირებული ვიყოთ არა ყურძნის რაოდენობაზე, არამედ დამატებითი ღირებულების გაზრდაზე. ამ ნაწილში კარგი ვარიანტია სეტყვისგან დამცავი ბადეები, მაგრამ ესეც ძალიან ძვირი ჯდება და არ არის ეკონომიკურად გამართლებული ყურძნის შემთხვევაში, რომელიც 1 ლარი ღირს, მაგალითად, უფრო ძვირფასი კულტურების შემთხვევაში შესაძლოა, გამართლებული იყოს ბადეები.ნებისმიერ შემთხვევაში აუცილებელია, რომ მთავრობა გამოვიდეს სუბსიდირების პროგრამიდან და შეეცადოს რომ გააუმჯობესოს სარწყავი სისტემა, მოსავლის აღების ნაწილში დაეხმაროს ფერმერებს და ხელი შეეწყოს, რომ ღვინო თავად აწარმოონ, არ იყვნენ მთლიანად ყურძნის ჩაბარებაზე დამოკიდებული“, - აცხადებს „ბიზნესპრესნიუსთან“ საუბრისას ილია კუნჭულია.შეგახსენებთ, რომ მთავრობამ მევენახეობის სექტორის სუბსიდირება 2008 წელს დაიწყო. სუბსიდირების დაწყების მიზეზი მაშინ რუსული ემბარგოს უარყოფითი ზემოქმედების შერბილება იყო. მოგვიანებით კი სუბსიდირება დაზიანებული მოსავლის ჩაბარების მიზნობრიობით გაგრძელდა.BPN

1754648824

სულ უნიკალური რეგისტრირებული მომხმარებლების რაოდენობამ მიაღწია 24.3 მლნ-ს, რაც 26%-ით მეტია წინა წლის ანალოგიურ პერიოდთან შედარებით (+26% y.y) და 5%-ით აღემატება 2025 წლის მარტის მონაცემს (+5% q.q). ზრდა განსაკუთრებით უზბეკეთის ბაზარზე შეინიშნება, სადაც მომხმარებელთა რაოდენობა 20.8 მილიონს აღწევს (+31% y.y, +6% q.q), მაშინ როცა საქართველოში მაჩვენებელი შედარებით სტაბილურად, 3.54 მლნ-ზე დაფიქსირდა (+5% y.y, +1% q.q).თვიური აქტიური მომხმარებლების (MAU) რაოდენობა საერთო ჯამში შეადგენს 7.41 მლნ-ს, რაც 16%-ით მეტია წინა წელთან შედარებით, თუმცა 6%-ით ნაკლებია წინა კვარტალთან შედარებით. საქართველოში მაჩვენებელი გაიზარდა 1%-ით კვარტალში და 7%-ით წელიწადში, ხოლო უზბეკეთში დაფიქსირდა 8%-იანი კლება q.q, მიუხედავად იმისა, რომ წლიურად კვლავ 19%-იანი ზრდაა.ციფრული თვიური აქტიური მომხმარებლების (Digital MAU) საერთო რაოდენობა 6.81 მილიონია (+20% y.y, −6% q.q). საქართველოში მაჩვენებელი 1.15 მილიონს აღწევს (+21% y.y, +4% q.q), უზბეკეთში კი — 5.65 მილიონს (+19% y.y, −8% q.q).ციფრული ყოველდღიური აქტიური მომხმარებლები (Digital DAU) მთლიანობაში შეადგენს 2.4 მლნ-ს, რაც 27%-ით მეტია წინა წელთან შედარებით, თუმცა 6%-ით ნაკლებია წინა კვარტალთან შედარებით. საქართველოში დაფიქსირდა 5%-იანი ზრდა q.q და 24%-იანი y.y, ხოლო უზბეკეთში — 8%-იანი კლება q.q, მიუხედავად 29%-იანი წლიური ზრდისა.Digital DAU/MAU თანაფარდობა საერთო ბაზაზე 35%-ს შეადგენს (+2 პპ y.y, უცვლელი q.q). საქართველოში ეს მაჩვენებელი 47%-ია (+1 პპ y.y), ხოლო უზბეკეთში - 33% (+3 პპ y.y), ორივე ბაზარზე კვარტალური ცვლილების გარეშე.თუ გინდა, შემიძლია ამავე ტექსტს დავამატო ანალიტიკური ინტერპრეტაცია, სადაც გავაანალიზებ რისი შედეგია Uzbekistan-ში MAU-ის შემცირება და საერთო DAU/MAU სტაბილურობა. ეს საინვესტიციო ანგარიშს უფრო ღირებულს გახდის.

1754646681