უილსონი ყაველაშვილის ირანში დაგეგმილ ვიზიტს მწვავედ აკრიტიკებს

თაღლითობა, როგორც ფართოდაა ცნობილი, წინამორბედი კიბერინციდენტების შედეგია ხოლმე. ის ხშირად ჯერ კიდევ ტრანზაქციის განხორციელებამდე იწყება და მონაცემების კომპრომეტირებით, პირადი ინფორმაციის მოპარვით ან სისტემის ექსპლუატაციით ვლინდება.[1] გადახდებთან დაკავშირებული მონაცემების გამოაშკარავებაზე მიმართული კიბერთავდასხმები გადახდების ეკოსისტემის ნებისმიერი აქტორიდან შეიძლება დაიწყოს – იქნებიან ეს მერჩანტები, ემიტენტები, შემსყიდველები, კომპანიები, რომლებიც გადახდებს ამუშავებენ თუ მომსახურების მიმწოდებლები. ზოგიერთ შემთხვევაში კომპრომეტირებული მონაცემები ვრცელდება, რამაც ფინანსური ზარალი და ოპერაციული შეფერხებები შეიძლება გამოიწვიოს.„კიბერთავდასხმები სულ უფრო ხშირი, მეტად მიზანმიმართული ხდება და ორგანიზაციებს უფრო უჭირთ მათი ადრეულ ეტაპზე აღმოჩენა. ამას კი ძალიან ხშირად მოჰყვება თაღლითობა“, – განაცხადა უოლტერ ლირონიმ, Visa-ს Value-Added Services-ის ხელმძღვანელმა და უფროსმა ვიცე-პრეზიდენტმა ცენტრალურ და აღმოსავლეთ ევროპის, ახლო აღმოსავლეთისა და აფრიკის (CEMEA) რეგიონში. „Visa Threat Intelligence პლატფორმა ფინანსურ ინსტიტუტებს ამ საფრთხეთა ადრეულ ეტაპზე აღმოჩენაში ეხმარება. ამ მიზნით, პლატფორმა თავს უყრის კიბერუსაფრთხოებასა და გადახდებთან დაკავშირებულ ანალიტიკურ ინფორმაციას და ფინანსურ ინსტიტუტებს აწვდის მონაცემებს. პრაქტიკული გამოყენებისთვის რისკების შესამცირებლად, სანამ ისინი თაღლითობად გარდაიქმნებიან“.Visa-ს გლობალური კიბერთავდაცვის შესაძლებლობებზე დაფუძნებული პლატფორმაVisa ხელმძღვანელობს უსაფრთხოების ნულოვანი დარღვევისა და ნულოვანი შეფერხების სტრატეგიით, რომლის ფარგლებშიც ის დღეისთვის ყოველთვიურად 200-ზე მეტ ქვეყანაში დაახლოებით 90 მილიონ კიბერშეტევასა და 11 მილიონ ფიშინგ-იმეილს ბლოკავს.[1] Visa-ს თავდაცვითი ოპერაციების გუნდის მიერ შემუშავებული და Visa-ს გლობალური გადახდების ქსელის შიგნით გამოცდილი VTIP მომხმარებლებს იმავე ანალიტიკურ შესაძლებლობებს სთავაზობს, რომელიც მსოფლიოში უდიდესი გადახდების პლატფორმის დასაცავად გამოიყენება. Visa-მ, როგორც VTIP-ის პირველმა მომხმარებელმა, პლატფორმა რეალური კიბერშეტევების წინააღმდეგ მანამ შეამოწმა, სანამ მას ფართო ეკოსისტემაში გააზიარებდა, რაც, საბოლოოდ, მზარდი საფრთხეების წინასწარ გამოვლენას შეუწყობს ხელს.ფინანსური ინსტიტუტებისთვის შექმნილი პლატფორმაVTIP სპეციალურად ფინანსური ინსტიტუტებისთვისაა შემუშავებული, რათა მათი უსაფრთხოების, თაღლითობის აღკვეთისა და რისკების მართვის გუნდებს დაეხმაროს, გაერკვნენ ფრაგმენტირებულ მონაცემებში და კონცენტრირდნენ გადახდებთან დაკავშირებული რისკებისთვის რელევანტურ ანალიტიკურ ინფორმაციაზე. პლატფორმა კიბერუსაფრთხოებასა და ფინანსებთან დაკავშირებულ ანალიტიკურ ინფორმაციას აერთიანებს, რაც ორგანიზაციებს კიბერუსაფრთხოებასთან დაკავშირებულ ინციდენტებსა და პოტენციურ თაღლითობას შორის კავშირის დადგენაში დაეხმარება. VTIP-ის შესაძლებლობათა შორისაა: საფრთხეებთან დაკავშირებული ანალიტიკური ინფორმაცია: ორგანიზაციებს აწვდის მავნე პროგრამებზე დაფუძნებული კომპრომეტირების ინდიკატორებს, რომლებიც ფინანსური სექტორის საჭიროებებზეა მორგებული. მოწყვლადობასთან დაკავშირებული ანალიტიკური ინფორმაცია: ავლენს თითოეული ორგანიზაციის სუსტ და დაუცველ მხარეებს. ბრენდთან დაკავშირებული ანალიტიკური ინფორმაცია: ორგანიზაციებს ეხმარება იმიტირებისა და ბრენდის სახელის ბოროტად გამოყენების შემთხვევების აღმოჩენასა და შემცირებაში. ციფრულ იდენტობასთან დაკავშირებული ანალიტიკური ინფორმაცია: აკვირდება ორგანიზაციათა ხელმძღვანელებსა და თანამშრომლებზე მიზანმიმართულ შეტევებს და იცავს მათ. ფინანსებთან დაკავშირებული ანალიტიკური ინფორმაცია: ავლენს „ბნელ ქსელში“ გავრცელებულ გადახდებთან დაკავშირებულ კომპრომეტირებულ მონაცემებს და ურთავს მას VisaNet-ის ანალიტიკურ ინფორმაციას, რის შედეგადაც ნედლი მონაცემები გარდაიქმნება პრაქტიკული დანიშნულების მქონე ინფორმაციად, რომელიც თაღლითობის აღმოფხვრისა და რისკების მართვის გუნდებს შეუძლიათ გამოიყენონ.კიბერუსაფრთხოებასა და თაღლითობასთან დაკავშირებული ანალიტიკური მონაცემების გაერთიანებით VTIP ფინანსურ ინსტიტუტებს ეხმარება, წინასწარ უკეთ განსაზღვრონ შესაძლო საფრთხეები, კონცენტრირდნენ რეაგირებაზე და შეამცირონ კიბერინციდენტების თაღლითობად გარდაქმნის შანსები.ნდობის გაძლიერება გადახდების მთელ ეკოსისტემაშიVisa უკვე დიდი ხანია, რაც ფინანსური გადახდების უსაფრთხოების უზრუნველყოფაში წამყვან როლს ასრულებს. მან გასული ხუთი წლის განმავლობაში თაღლითობის შემცირებისა და ქსელური უსაფრთხოების გაძლიერების მიმართულებებით არსებული ტექნოლოგიის განვითარებაში $13 მილიარდზე მეტი მოცულობის ინვესტიცია ჩადო. Gartner Consulting-მა Visa-ს კიბერუსაფრთხოების პროგრამის საერთო მომწიფებულობის დონის მიხედვით მსგავსი პროფილის მქონე კომპანიათა შორის უმაღლესი ქულა (4.9) მიანიჭა.კიბერრისკების ზრდასთან ერთად, ფინანსურ სექტორში მოქმედი ინსტიტუტები სულ მეტად საჭიროებენ უშუალოდ გადახდების სფეროში არსებული საფრთხეების გამომვლენ ანალიტიკურ ინფორმაციას. Visa-მ VTIP-ის კიბერუსაფრთხოების შესაძლებლობები უპირველესად საკუთარ გლობალურ ქსელში გამოცადა და კლიენტებს ამის შემდეგ შესთავაზა. ამ გზით ის აგრძელებს ფინანსური ინსტიტუტების ისეთ სფეროებში დახმარებას, როგორებიცაა კიბერსაფრთხეების ადრეულ ეტაპზე გამოვლენა, კიბერინციდენტების შედეგად წარმოქმნილი თაღლითობის შემთხვევათა შემცირება და ნდობის გაძლიერება მთელ ეკოსისტემაში.Visa-ს შესახებVisa (NYSE: V) მსოფლიო ლიდერი ციფრული გადახდების სფეროში. Visa 200-ზე მეტ ქვეყანაში ამუშავებს ტრანზაქციებს, კერძოდ მომხმარებლებს, ბიზნესს, ფინანსურ ინსტიტუტებსა და სამთავრობო ორგანიზაციებს შორის. ჩვენი მისიაა, დავაკავშიროთ მსოფლიო ინოვაციური,მოსახერხებელი, საიმედო და უსაფრთხო გადახდების ქსელის მეშვეობით, რომელიც ინდივიდუალური პირების, ბიზნესისა და ეკონომიკის კეთილდღეობას უწყობს ხელს. ჩვენ გვჯერა, რომ ეკონომიკაში ხელმისაწვდომობის გაფართოება ყველასთვის, ქმნის საფუძველს მთელს მსოფლიოში ადამიანთა კეთილდღეობისთვის და მომავალში ფულის გლობალური მოძრაობის საწინდარია. გაიგეთ მეტი ვებგვერდზე visa.com.ge.

1783064252

რაც შეეხება საბაზო ინფლაციას, აღნიშნულმა მაჩვენებელმა 2026 წლის ივნისში, გასული წლის შესაბამის პერიოდთან შედარებით 3.5% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 3.2%-ით განისაზღვრა. ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სასტუმროები, კაფეები და რესტორნები: ჯგუფში ფასები გაიზარდა 2.1%-ით. შესაბამისად, ჯგუფის წვლილმა თვის ინფლაციაში 0.08 პ.პ. შეადგინა. ფასები გაიზარდა როგორც ღამის გასათევით მომსახურებაზე (4.1%), ისე საზოგადოებრივ კვებაზე (1.7%);ტრანსპორტი: ჯგუფში ფასები გაიზარდა 0.6%-ით, რაც თვის ინფლაციაზე 0.08 პ.პ.-ით აისახა. ფასები, ძირითადად, მომატებულია სატრანსპორტო მომსახურებასა (2.9%) და პირადი სატრანსპორტო საშუალებების ექსპლუატაციაზე (0.2%);ტანსაცმელი და ფეხსაცმელი: ჯგუფში ფასები შემცირდა 2.3%-ით, რაც თვის ინფლაციაზე -0.1 პ.პ.-ით აისახა. ფასები შემცირებულია როგორც ტანსაცმლის (-3.1%), ისე ფეხსაცმლის (-0.6%) ქვეჯგუფებზე;სურსათი და უალკოჰოლო სასმელები: ჯგუფში ფასები შემცირდა 0.1%-ით, რაც თვის ინფლაციაზე -0.07 პ.პ.-ით აისახა. ფასები შემცირებულია ქვეჯგუფებზე: რძე, ყველი და კვერცხი (-1.5%), შაქარი, ჯემი და სხვა ტკბილეული (-1.3%), ბოსტნეული და ბაღჩეული (-1.1%), ყავა, ჩაი და კაკაო (-0.7%). ამასთან, ფასები გაიზარდა ქვეჯგუფებზე: ხილი და ყურძენი (3.3%), თევზეული (1.5%), ხორცი და ხორცის პროდუქტები (0.5%), პური და პურპროდუქტები (0.1%), მინერალური და წყაროს წყალი, უალკოჰოლო სასმელები და ნატურალური წვენები (0.1%). საქსტატის მონაცემებით, წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში ფასები გაიზარდა 5.6%-ით, რაც წლიურ ინფლაციაზე 1.92 პ.პ.-ით აისახა. ფასები მომატებულია ქვეჯგუფებზე: თევზეული (20.4%), ხორცი და ხორცის პროდუქტები (9.8%), ხილი და ყურძენი (8.7%), პური და პურპროდუქტები (6.6%), შაქარი, ჯემი და სხვა ტკბილეული (5.5%), ზეთი და ცხიმი (5.5%), ყავა, ჩაი და კაკაო (4.2%), მინერალური და წყაროს წყალი, უალკოჰოლო სასმელები და ნატურალური წვენები (1.8%), რძე, ყველი და კვერცხი (1.8%), ბოსტნეული და ბაღჩეული (0.4%);ტრანსპორტი: ჯგუფში ფასები გაიზარდა 16.5%-ით, რაც წლიურ ინფლაციაზე 1.87 პ.პ.-ით აისახა. ფასები მომატებულია პირადი სატრანსპორტო საშუალებების ექსპლუატაციაზე (24%) და სატრანსპორტო მომსახურებაზე (11.8%);საცხოვრებელი, წყალი, ელ.ენერგია, აირი: ჯგუფში ფასები მომატებულია 7.2%-ით, რაც 0.69 პ.პ.-ით აისახა მთლიან ინდექსზე. ფასები გაზრდილია ქვეჯგუფებზე: ელექტროენერგია, აირი და სათბობის სხვა სახეები (10.1%), საცხოვრებლის მიმდინარე მოვლა და შეკეთება (6.8%) და ფაქტიური გადასახადი საცხოვრებელზე (5.4%);ჯანმრთელობის დაცვა: მოცემულ პერიოდში ჯგუფში ფასები გაიზარდა 4.7%-ით, რაც ინფლაციაზე 0.4 პ.პ.-ით აისახა. ფასები გაიზარდა ქვეჯგუფებზე: სამედიცინო პროდუქცია, აპარატურა და მოწყობილობა (7.5%) და ამბულატორიული სამედიცინო მომსახურება (3%).

1783063385

გამოძიებით დადგინდა, რომ ბრალდებული, სამსახურებრივი მოვალეობის შესრულებისას, მოქალაქეს დაჰპირდა, რომ ხელს შეუწყობდა სავალდებულო დეკლარირების გარეშე 200 000 აშშ დოლარის შემოტანაში. აღნიშნული მფარველობის სანაცვლოდ, საჯარო მოხელემ ქრთამის სახით, ყოველ ერთეულ შემთხვევაში, 8 000 აშშ დოლარის გადახდა მოითხოვა.საგამოძიებო სამსახურის თანამშრომლებმა ბრალდებული წინასწარ მოთხოვნილი თანხის ნაწილის - 4 000 აშშ დოლარის აღებისთანავე დააკავეს.სასამართლოს განჩინების საფუძველზე ჩატარებული ფარული საგამოძიებო მოქმედებების შედეგად, მოპოვებულია აღნიშნული დანაშაულებრივი ქმედების ამსახველი აუდიო და ვიდეომტკიცებულებები.საქმეზე გამოძიება საქართველოს სისხლის სამართლის კოდექსის 338-ე მუხლის მეორე ნაწილის „ბ“ ქვეპუნქტით მიმდინარეობს, რაც სასჯელის სახით  ითვალისწინებს თავისუფლების აღკვეთას 7-დან 11 წლამდე ვადით.ფინანსთა სამინისტროს საგამოძიებო სამსახური მოუწოდებს საჯარო მოხელეებსა და მათთან დანაშაულებრივ გარიგებაში შესვლის სურვილის მქონე პირებს, თავი შეიკავონ მსგავსი უკანონო ქმედებებისგან, ვინაიდან სამართალდამცავი უწყებების რეაგირება ნებისმიერ მსგავს ფაქტზე იქნება მყისიერი და კანონის შესაბამისად მკაცრი.

1783061488

წელს PLUS-ის დაბადების დღის კამპანია ორჯერ უფრო მასშტაბურია და უკვე 500-ზე მეტ პარტნიორ ობიექტს აერთიანებს. მომხმარებლებს განსაკუთრებული შეთავაზებები დახვდებათ ავტომომსახურების, მოგზაურობის, შოპინგის, სილამაზის, ფიტნესისა და სხვა კატეგორიების პარტნიორ ობიექტებში.გაფართოებულ პარტნიორთა ქსელს წელს პირველად შეუერთდნენ ისეთი კომპანიები, როგორიცაა: თეგეტა, Gasa Travel, იმპექსი და სხვა. სიახლეა ისიც, რომ პირველად PLUS-ის დაბადების დღის შეთავაზება ფიტნეს ობიექტებზეც ვრცელდება, მათ შორის World Class-ში, Snap Fitness-ში, 12 Rounds-ში, TSRE-სა და Sakamete Fitness-ში. პარტნიორი ობიექტების სრული ჩამონათვალს შეგიძლიათ გაეცნოთ ამ ბმულზე.ინფორმაციისთვის, გაორმაგებული PLUS ქულებით სარგებლობა მხოლოდ 5 ივლისს იქნება შესაძლებელი. (R)

1783002747

HT Solutions-ის ორგანიზებით გამართულმა Change Inspire 2026-მა, Pullman Tbilisi Axis Towers-ში, 1 000-ზე მეტ მონაწილეს, 50-ზე მეტ ადგილობრივ და საერთაშორისო სპიკერსა და ტექნოლოგიური ეკოსისტემის წევრებს უმასპინძლა, მათ შორის ისეთი კომპანიებიდან, როგორებიცაა NVIDIA, Google, Amazon და Microsoft. კონფერენციაზე „თეგეტადან“ ორი სპიკერი წარდგა: კომპანიის ტექნოლოგიური დირექტორი ბექა ციცქიშვილი და ციფრული ტრანსფორმაციის ხელმძღვანელი ნიკა კოხოძე. Change Inspire 2026-ის მთავარ სცენაზე საკუთარი ხედვა გააზიარა „თეგეტას“ ციფრული ტრანსფორმაციის ხელმძღვანელმა ნიკა კოხოძემ, რომელმაც ისაუბრა თემაზე - „რეაქტიულიდან პროგნოზირებად მიდგომამდე, ავტომობილის პერსონალიზებული მოვლის მომავალი“.ნიკა კოხოძე, „თეგეტა ჰოლდინგის“ ციფრული ტრანსფორმაციის ლიდი: „ავტოსერვისი მხოლოდ პრობლემაზე რეაგირებით აღარ შემოიფარგლება. მონაცემები და AI გვაძლევს შესაძლებლობას, ავტომობილების ტექნიკური საჭიროებები მანამ დავინახოთ, სანამ ისინი პრობლემად იქცევა. სწორედ ასეთ მიდგომაზე შენდება უფრო ეფექტიანი მომსახურება და მომხმარებლის პერსონალიზებული გამოცდილება. ამ ხედვის პრაქტიკაში გადმოტანაზე „თეგეტა“ აქტიურად მუშაობს, რადგან გვჯერა, რომ ავტოსერვისის მომავალი სწორედ პროგნოზირებად და მონაცემებზე დაფუძნებულ მიდგომებზეა აგებული. ამგვარი მიდგომა ამცირებს გაუთვალისწინებელი დაზიანებებისა და ხარჯების რისკს, აუმჯობესებს მომსახურების ხარისხსა და ავტომობილების მფლობელთა გამოცდილებას“.ბექა ციცქიშვილმა კი Tech Stage-ზე აუდიტორიის წინაშე ისაუბრა თემაზე - „სერვისცენტრიდან ინტელექტუალურ ცენტრამდე: როგორ გარდაქმნის AI ავტომობილის ფლობის გამოცდილებას“. „თეგეტას“ ტექნოლოგიურმა დირექტორმა გამოსვლაში ყურადღება გაამახვილა როგორც მომსახურების პროცესების ავტომატიზაციაზე, ისე ხელოვნური ინტელექტისა და მონაცემების გამოყენებაზე მომხმარებლის საჭიროებების უკეთ გასააზრებლად და უფრო სწრაფი, ეფექტიანი გადაწყვეტილებების მისაღებად.ბექა ციცქიშვილი, „თეგეტა ჰოლდინგის“ ტექნოლოგიების მთავარი ოფიცერი: „ხელოვნური ინტელექტი ავტომობილების ინდუსტრიაში აღარ არის მომავლის კონცეფცია - ის უკვე ცვლის როგორც მომხმარებლის გამოცდილებას, ისე სერვისის მიწოდების მოდელს. ჩვენი მიზანია, ტექნოლოგიები ყოველდღიურ მომსახურებაში ისე დავნერგოთ, რომ ავტომობილის ფლობა უფრო მარტივი, პროგნოზირებადი და კომფორტული გახდეს“.„თეგეტასთვის“ მსგავსი საერთაშორისო ტექნოლოგიური პლატფორმების მხარდაჭერა გრძელვადიანი სტრატეგიის ნაწილია. კომპანია უკვე წლებია, ციფრული ტრანსფორმაციის მიმართულებით პროექტებს აქტიურად ახორციელებს: ავითარებს AI-სა და მონაცემებზე დაფუძნებულ სერვისებს, ციფრულ პროდუქტებსა და თანამედროვე ტექნოლოგიურ გადაწყვეტებს, რათა მომხმარებელს უფრო სწრაფი, ზუსტი და პერსონალიზებული მომსახურება შესთავაზოს.სწორედ ამ სტრატეგიის ნაწილი იყო Change Inspire 2026-ში მონაწილეობაც. კონფერენციაზე წარმოდგენილი ორი თემა ასახავს იმ მიმართულებებს, რომლებზეც „თეგეტა“ ამჟამად მუშაობს - AI-ს პრაქტიკული გამოყენება, მონაცემებზე დაფუძნებული გადაწყვეტილებები და მომხმარებლის გამოცდილების უწყვეტი გაუმჯობესება. კომპანიისთვის მსგავსი ღონისძიებები წარმოადგენს შესაძლებლობას, გააზიაროს საკუთარი ცოდნა, გაეცნოს საერთაშორისო პრაქტიკას და ხელი შეუწყოს საქართველოში ტექნოლოგიური ეკოსისტემის გაძლიერებას.„თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი”, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.(R)

1783002448

შეხვედრა ლატვიის დედაქალაქ რიგაში ჩატარდება. ამ ეტაპზე, საქართველოს ნაკრები იმ ჯგუფში, რომელშიც ესპანეთი, უკრაინა და დანია ასპარეზობენ, მე-3 ადგილს იკავებს. რეგლამენტის თანახმად, ჯგუფიდან სამი გუნდი გადის და მეორე საკვალიფიკაციო ეტაპზე ინაცვლებს, სადაც პირველ ეტაპზე დაგროვებული ქულებიც გადაჰყვებათ. პირველ საკვალიფიკაციო ეტაპს კი ალეკსანდარ ჯიკიჩის გუნდი 5 ივლისს, ესპანეთთან თამაშით დაასრულებს. ერთად ვუგულშემატკივროთ ქართველ კალათბურთელებს. საქართველოს ბანკი - საქართველოს ეროვნული საკალათბურთო ნაკრების გენერალური სპონსორი.

1782997794

IPI ხაზგასმით აღნიშნავს, რომ მმართველი გუნდი, რომელსაც ორგანიზაცია „რუსეთის მიმართ მეგობრულად განწყობილად“ მოიხსენიებს, მედიის დასასჯელად არადამოუკიდებელ მარეგულირებელ ორგანოებსა და სისხლის სამართლის მექანიზმებს იყენებს. შექმნილი კრიტიკული მოცემულობის გამო, ორგანიზაცია საერთაშორისო თანამეგობრობას მედიის თავისუფლების ნაშთების გადასარჩენად სასწრაფო რეაგირებისკენ მოუწოდებს.IPI-ის მკაცრი შეფასებების საფუძველი კომუნიკაციების ეროვნული კომისიის (GNCC) მიერ ტელეკომპანია „პირველისა“ და „ფორმულას“ ფინანსური სანქცირება გახდა. მარეგულირებელმა „ტვ პირველი“ 25 ივნისს, ხოლო „ფორმულა“ 21 მაისს სარედაქციო სტანდარტების, მიუკერძოებლობისა და სამართლიანობის პრინციპების დარღვევის მოტივით 2 500-2 500 ლარით დააჯარიმა.კრიტიკული მედიასაშუალებების დასანქცირების მიზეზი ეთერში გაჟღერებული ისეთი ტერმინები გახდა, როგორიცაა ანტისამთავრობო აქციებზე დაკავებულთა მოხსენიება „სინდისის პატიმრებად“, მმართველი პარტიის დამფუძნებლის, ბიძინა ივანიშვილის „ოლიგარქად“ აღწერა და მმართველი გუნდის ლეგიტიმურობის ეჭვქვეშ დაყენება.ორგანიზაცია მიუთითებს, რომ კატეგორიულად ეწინააღმდეგებოდა „მაუწყებლობის შესახებ“ კანონში მმართველი პარტიის მიერ შეტანილ იმ სადავო ცვლილებებს, რომელთა საფუძველზეც აღნიშნული ჯარიმები გამოიწერა. აღნიშნული რეფორმით, კომისიას მიენიჭა უფლება თავად დაარეგულიროს ისეთი საკითხები, რაც მანამდე ჟურნალისტური საზოგადოების თვითრეგულირების სფეროს წარმოადგენდა.კანონმდებლობა ახლა მარეგულირებელს საშუალებას აძლევს, დარღვევის განმეორების შემთხვევაში, მაუწყებლებს წლიური შემოსავლის 3%-მდე ჯარიმა დააკისროს ან ავტორიზაციაც კი გაუუქმოს, რასაც IPI ხელისუფლების ხელში კრიტიკული მედიის ცენზურის პირდაპირ იარაღად აფასებს.ორგანიზაციის მონიტორინგის მიხედვით, 2024 წლის სადავო საპარლამენტო არჩევნების შემდეგ მიღებული რეპრესიული კანონების ფონზე, საქართველოში პრესის თავისუფლების ტემპი ევროკავშირის წევრობის კანდიდატ ქვეყნებს შორის ყველაზე სწრაფად და საგანგაშოდ გაუარესდა.ადმინისტრაციულ წნეხთან ერთად, საერთაშორისო ორგანიზაცია განსაკუთრებულ შეშფოთებას გამოთქვამს ტელეკომპანია „ფორმულას“ წინააღმდეგ პროკურატურის მიერ „ცრუ დასმენის“ მუხლით დაწყებული სისხლისსამართლებრივი გამოძიების გამო, რაც საქართველოში დამოუკიდებელი მედიის წინააღმდეგ აღძრული სისხლის სამართლის საქმის პირველი პრეცედენტია. საქმე მმართველი პარტიის მხარდამჭერი კინორეჟისორის საჩივრის საფუძველზე აღიძრა, რომელმაც იანვარში გასულ საგამოძიებო რეპორტაჟში მისი მისამართით გამოთქმული ბრალდებები გააპროტესტა. აღნიშნული რეპორტაჟის ავტორი და წამყვანი დავით ქაშიაშვილი, რომელმაც მანამდე სოციალურ ქსელში მუქარებიც მიიღო, პროკურატურამ მოწმის სახით უკვე დაკითხა.IPI კატეგორიულად მოითხოვს, რომ პროკურატურამ გაითვალისწინოს გავრცელებული მასალის მაღალი საზოგადოებრივი ინტერესი, დაუყოვნებლივ შეწყვიტოს სისხლისსამართლებრივი დევნა „ფორმულას“ წინააღმდეგ და სრულად დაიცვას ჟურნალისტური წყაროს კონფიდენციალურობა.

1782997019

სესხის მიზნობრიობა ქვეყანაში კერძო სექტორის - მიკრო, მცირე და საშუალო საწარმოების (MSME) დაკრედიტებაა, ასევე ადგილობრივ ვალუტაში დაფინანსების ხელმისაწვდომობის უზრუნველყოფა.გარდა ამისა, ტრანზაქცია ხელს შეუწყობს მწვანე ეკონომიკის განვითარებას - დაფინანსებული ქვე-სესხების სულ მცირე 20% EBRD-ის Green Economy Transition (GET) მიდგომის მოთხოვნებთან შესაბამისი იქნება.სესხის გაცემა EBRD-ის საბჭოს დამტკიცებული აქვს, დარჩენილია ხელშეკრულების გაფორმების ეტაპი.ProCredit Bank Georgia (PCBG) წარმოადგენს საერთაშორისო ProCredit Group-ის წევრს. ბანკი საქართველოს საბანკო სექტორში 1999 წლიდან ოპერირებს და ძირითადად მიკრო, მცირე და საშუალო ბიზნესის (SME) ფინანსურ საჭიროებებს ემსახურება. ბანკი დაახლოებით 4,100 ბიზნესკლიენტსა და 8,200 ფიზიკურ პირს ემსახურება საქართველოს ხუთ ძირითად ქალაქში მდებარე 6 ფილიალის, 5 სერვისცენტრისა და თვითმომსახურების ზონების მეშვეობით. 2026 წლის აპრილის ბოლოს მდგომარეობით, ბანკი საქართველოს 19 ბანკს შორის მე-6 ადგილს იკავებდა და საბანკო სექტორის აქტივებისა და სასესხო პორტფელის 2.11%-ს, ხოლო დეპოზიტების 2.15%-ს ფლობდა.

1782994742