მშენებლობაზე გაცემული ნებართვები 4.2%-ით შემცირდა

ამ სიახლით ბიზნესებს გადახდებთან და ფინანსების მართვასთან დაკავშირებული პროცესები შეუძლიათ ერთ სივრცეში მოაქციონ.რას მოიცავს ახალი ფუნქციონალი? ჩარიცხული თანხების ავტომატური დაკავშირება შესაბამის ინვოისებთან, რაც უზრუნველყოფს სტატუსების ავტომატურ განახლებას - ეს იმას ნიშნავს, რომ ჩარიცხვების იდენტიფიცირება ავტომატური ხდება, ტრანზაქცია კონკრეტულ ინვოისს თავისით მიებმევა, მექანიკურად მონიტორინგი კი საჭირო აღარ იქნება ინვოისების შექმნა და გაგზავნა როგორც იურიდიულ, ისე ფიზიკურ პირებთან ბიზნეს ინტერნეტბანკის და ელექტრონული ფოსტის საშუალებით ინვოისზე კომპანიის ლოგოს, ხელმოწერის დამატების შესაძლებლობა დღგ-ისა და ფასდაკლების მითითება ინვოისის შექმნისას ინვოისის მონახაზის შექმნა და მისი ჩამოტვირთვა PDF ფორმატში გაგზავნილი და მიღებული ინვოისების მართვა ერთ სივრცეში – ყველა ინვოისი ხელმისაწვდომია ბიზნეს ინტერნეტბანკში ინვოისების სტატუსების კონტროლი – გადახდილი, ნაწილობრივ გადახდილი, გადასახდელი ან ვადაგასული ინვოისების შემოწმება გარდა ამისა, ბიზნეს ინტერნეტბანკს ცოტა ხნის წინ დაემატა კიდევ ერთი ინოვაციური ფუნქციონალი დაემატა. მომხმარებელს შეუძლია ინვოისის ფოტოს ატვირთვა, რომელსაც სისტემა AI ტექნოლოგიის მეშვეობით კითხულობს და გადარიცხვის ფორმას ავტომატურად ავსებს. აღნიშნული ფუნქცია მნიშვნელოვნად ამცირებს შეცდომების რისკს და ზოგავს ბიზნესის დროს.გარდა ამისა, ბიზნეს ინტერნეტბანკში ხელმისაწვდომია თანხის მოთხოვნის ფუნქციონალი, რომლითაც ბიზნესს შესაძლებლობა აქვს, გადაამოწმოს მიიღო თუ არა გაწეული მომსახურების საფასური და ნახოს, თანხის რა ნაწილია ჩარიცხული. პროდუქტის  უპირატესობას ასევე  წარმოადგენს  ის რომ, აღარ არის საჭირო ინვოისის ელფოსტაზე გაგზავნა.  კიდევ უფრო გამარტივებულია მიმღების ანგარიშის ნომერთან დაკავშირებული პროცედურა, რადგან  მიმღები მოთხოვნისას თავად უთითებს, რომელ ანგარიშზე სურს განხორციელდეს ჩარიცხვა და გადარიცხვის დავალების ცალკე აკრეფაც აღარ არის საჭირო.აღმოაჩინეთ ბიზნეს ინტერნეტბანკის შესაძლებლობები და მართეთ თქვენი ბიზნესი მარტივად.(R)

1769763821

ტექსასიდან ტენესის შტატამდე სამაშველო ჯგუფები მუშაობენ ელექტროენერგიის აღსადგენად, მაშინ, როდესაც მოსალოდნელი „ნორისტერი“ (nor-easter) სამხრეთ-აღმოსავლეთს კიდევ ერთი არქტიკული ნაკადითა და ქარბუქით ემუქრება.Associated Press-ის ცნობით, რამდენიმე შტატში სულ მცირე 85 ადამიანი დაიღუპა. უამინდობით გამოწვეული ფატალური შემთხვევების მიზეზი გახდა ჰიპოთერმია (გაყინვა), ნახშირბადის მონოქსიდით (CO) შესაძლო მოწამვლა და ავტოსაგზაო შემთხვევები, მათ შორის ინციდენტები ციგებითა და თოვლმწმენდი ტექნიკით.ხუთშაბათს მისისიპის შტატში დაღუპვის ოთხი შემთხვევა დაფიქსირდა, რითაც მკაცრი ზამთრის გამო გარდაცვლილთა საერთო რაოდენობამ შტატში 14-ს მიაღწია. ამის შესახებ ინფორმაციას გუბერნატორის ადმინისტრაცია ავრცელებს. შტატში 95 000-ზე მეტი მომხმარებელი ელექტროენერგიის გარეშეა დარჩენილი, პროგნოზის მიხედვით კი უკიდურესად დაბალი ტემპერატურა შაბათ-კვირასაც შენარჩუნდება.ტენესის ჯანდაცვის დეპარტამენტმა ოთხშაბათის მონაცემებით უამინდობასთან დაკავშირებული 13 ფატალური შემთხვევა დაადასტურა. შტატში ელექტროენერგიის მასობრივი გათიშვის ფონზე ხანგრძლივი ყინვებია. 93 000-ზე მეტი აბონენტი დენის გარეშეა დარჩენილი. ნეშვილის ოფიციალური პირების განცხადებით, ენერგომომარაგების სრულად აღდგენა შესაძლოა შაბათ-კვირამდე ან უფრო მეტხანს ვერ მოხერხდეს.ლუიზიანამ ხუთშაბათს ზამთრის ქარიშხალთან დაკავშირებული მეცხრე გარდაცვალების შესახებ განაცხადა: 74 წლის მამაკაცი საკუთარ სახლში ჰიპოთერმიით გარდაიცვალა „ელექტროენერგიის ხანგრძლივი გათიშვის შემდეგ“.ტექსასშიც დაფიქსირდა რამდენიმე ფატალური შემთხვევა, მათ შორის სამი ძმა, რომლებიც ტბორზე ყინულის ჩატეხვის შედეგად წყალში ჩავარდნენ და დაიღუპნენ. ასევე, ორი მოზარდი გოგონა, რომლებიც მას შემდეგ დაიღუპნენ, რაც მათი ციგა ხეს შეეჯახა.ნიუ-იორკში სულ მცირე 10 ადამიანი იპოვეს გარდაცვლილი ღია ცის ქვეშ, აცხადებენ ოფიციალური პირები.სანამ შტატები აგრძელებენ მუშაობას ელექტროენერგიის აღსადგენად და გზების თოვლისა და ყინულისგან გასაწმენდად, ამ უქმეებზე სამხრეთ-აღმოსავლეთისკენ ახალი ქარბუქი მიემართება, რომელიც, სავარაუდოდ, კაროლინას, ჯორჯიას, ვირჯინიასა და ტენესის შტატებს დაატყდება თავს.

1769763520

„ოფიციალური სტატისტიკის შესახებ“ კანონში დაგეგმილი ცვლილებების ავტორები „ქართული ოცნების“ დეპუტატები არიან. პროექტის მიხედვით, კანონიდან ამოიღებენ იმ პუნქტს, რომელიც კრძალავდა ერთი და იმავე პირის აღმასრულებელი დირექტორის თანამდებობაზე ორზე მეტი ვადით ყოფნას.კანონპროექტის განმარტებით ბარათში რამდენიმე ძირითადი არგუმენტია მოყვანილი: გამოცდილი კადრების შენარჩუნება: ავტორთა თქმით, მოქმედი შეზღუდვა ხელს უშლის ეფექტიან ხელმძღვანელს, გააგრძელოს საქმიანობა უწყებაში. ინსტიტუციური სტაბილურობა: ცვლილება მიზნად ისახავს უწყების უწყვეტ განვითარებას და პროფესიონალიზმის წახალისებას. შედეგზე ორიენტირებულობა: აღმასრულებელი დირექტორის ხელახალი დანიშვნა დამოკიდებული იქნება მის მიღწეულ შედეგებსა და პროფესიულ ნდობაზე და არა „წინასწარ დადგენილ რაოდენობრივ შეზღუდვაზე“. საკანონმდებლო ცვლილებები პარლამენტში დეპუტატებმა: შოთა ბერეკაშვილმა, ლევან მაჭავარიანმა, ანტონ ობოლაშვილმა, ირაკლი მეზურნიშვილმა, გიორგი ბარვენაშვილმა და თორნიკე ბერეკაშვილმა წარადგინეს.ინიციატორების განცხადებით, აღნიშნული ნაბიჯი ხელს შეუწყობს მონაცემთა ხარისხის და საერთაშორისო სტანდარტების უფრო ეფექტიან დაცვას გრძელვადიან პერსპექტივაში.საქართველოს სტატისტიკის ეროვნული სამსახურის (საქსტატის) აღმასრულებელი დირექტორის თანამდებობას ამჟამად გოგიტა თოდრაძე იკავებს. იგი ამ თანამდებობაზე 2018 წელს დაინიშნა. მისი ბოლო დანიშვნა (მეორე ვადით) 2022 წელს მოხდა, შესაბამისად, მოქმედი კანონმდებლობით მას უფლებამოსილება 2026 წელს ეწურებოდა.

1769761983

გამოძიებით დადგინდა, რომ საჯარო მოხელე მატერიალური სარგებლის სანაცვლოდ, სამსახურებრივი მოვალეობის შესრულებისას მიღებულ ინფორმაციას მოსალოდნელი ინსპექტირების შესახებ, შემოწმებამდე რამდენიმე დღით ადრე, შპს „ფერმერთა სახლის“ მმართველს აწვდიდა. ამ ქმედების მიზანი იყო, კომპანიას თავიდან აერიდებინა მოსალოდნელი დაჯარიმება. დადგინდა, რომ აღნიშნული მეწარმე ქალაქ გორში ახორციელებდა კომპანია BAYER-ის პრეპარატის, LUNA SENSATION-ის სახელით ფალსიფიცირებული აგროქიმიკატის რეალიზაციას.საქმეზე გამოძიება მიმდინარეობს საქართველოს სისხლის სამართლის კოდექსის 332-ე მუხლის პირველი ნაწილით.ფინანსთა სამინისტრო მოუწოდებს საჯარო მოხელეებსა და მათთან დანაშაულებრივ გარიგებაში შესვლის მსურველ პირებს, თავი შეიკავონ მსგავსი უკანონო ქმედებებისგან. საგამოძიებო სამსახურის რეაგირება ნებისმიერ შემთხვევაში იქნება მყისიერი და მკაცრი.

1769760817

2025 წლის დეკემბერში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: დამამუშავებელი მრეწველობა, ინფორმაცია და კომუნიკაცია, ტრანსპორტი და დასაწყობება, სასტუმროები და რესტორნები.კლების ტენდენცია დაფიქსირდა მშენებლობის სექტორში.

1769758885

გაერთიანებულმა სამეფომ ეს გადაწყვეტილება მიიღო შემდეგი დელეგაციების სახელით: ალბანეთი, ავსტრია, ბელგია, ბოსნია და ჰერცეგოვინა, კანადა, ჩეხეთი, დანია, ესტონეთი, ფინეთი, გერმანია, ირლანდია, ისლანდია, ლატვია, ლიხტენშტეინი, ლიეტუვა, ლუქსემბურგი, მოლდოვა, მონტენეგრო, ნიდერლანდები, ნორვეგია, სლოვენია, უკრაინა, გაერთიანებული სამეფო და შვედეთი.შესაბამის განცხადებას დიდი ბრიტანეთის საგარეო საქმეთა სამინისტრო ავრცელებს.კერძოდ, განცხადებაში აღნიშნულია, რომ 24-მა ქვეყანამ ეუთოს “მოსკოვის მექანიზმი” გაააქტიურა, რათა საქართველოში ადამიანის უფლებების მხრივ ვითარების გაუარესების გამო ექსპერტული მისია შეიქმნას.ასევე, განცხადებაში ისინი მოუწოდებენ საქართველოს, ითანამშრომლოს და ხელი შეუწყოს მისიის მუშაობას.“როგორც ეუთოს წევრმა ქვეყანამ, საქართველომ ადამიანის უფლებებისა და ფუნდამენტური თავისუფლებების დაცვის ვალდებულებები აიღო. მან ასევე აღიარა, რომ ადამიანის უფლებებისა და ფუნდამენტური თავისუფლებების პატივისცემა საკვანძო ფაქტორია მშვიდობის, სამართლიანობისა და კეთილდღეობისთვის, რაც საჭიროა ქვეყნებს შორის მეგობრული ურთიერთობებისა და თანამშრომლობის უზრუნველსაყოფად”, - ნათქვამია განცხადებაში.ასევე, განცხადებაში ვკითხულობთ: "2024 წლის დეკემბერში ეუთოს 38-მა ქვეყანამ საქართველოსთან მიმართებაში “ვენის მექანიზმი” გაააქტიურა, რათა საქართველოში მიმდინარე მოვლენებზე შეშფოთება გამოეხატათ და მეტი ინფორმაცია მოეთხოვათ, თუმცა, განცხადებაში აღინიშნება, რომ მას შემდეგ საქართველოს მთავრობის მიერ ადამიანური მიმართულებით საერთო ვალდებულებებისა და ადამიანის უფლებების საერთაშორისო ვალდებულებების დაცვის მხრივ მათი შეშფოთება მხოლოდ გაიზარდა”.“ვადასტურებთ 2025 წლის განმავლობაში ჩვენს დელეგაციებთან საქართველოს ჩართულობას, კონსტრუქციული მიდგომის სულისკვეთებით ჩვენმა დელეგაციებმა დღეს ოდირის დირექტორს მისწერეს. ხაზს ვუსვამთ, 2024 წლის “ვენის მექანიზმში” დაყენებულ კითხვებზე საქართველოს პასუხს და საქართველოს მოვუწოდებთ, ითანამშრომლოს და ხელი შეუწყოს მისიის მუშაობას, “მოსკოვის დოკუმენტის” მე-6 პარაგრაფის შესაბამისად. ასეთი ჩართულობა კონსტრუქციული და ღია დიალოგისთვის კეთილი ნებისა და მზაობის დემონსტრირება იქნება.სხვა ყველაფერთან ერთად მისი მიზანი იქნება: საქართველოს ადამიანის უფლებებისა და ფუნდამენტური თავისუფლებების მხრივ ბოლო მოვლენების დოკუმენტირება; ამ მოვლენების ზეგავლენის შეფასება მათ შორის საქართველოს სამოქალაქო საზოგადოებაზე, მედიის თავისუფლებაზე, კანონის უზენაესობასა და სასამართლო სისტემის დამოუკიდებლობაზე, პოლიტიკურ პლურალიზმსა და დემოკრატიული საზოგადოების სხვა სტრუქტურულ კომპონენტებზე, რომლებიც საფუძვლად უდევს უსაფრთხოების ეუთოს ყოვლისმომცველ განმარტებას; მოგვცეს რეკომენდაციები თუ როგორი რეაგირება უნდა მოხდეს შემაშფოთებელ საკითხებზე”, - ნათქვამია დელეგაციების მიერ ეუთოს დირექტორისადმი გაგზავნილ წერილში.რა არის „მოსკოვის მექანიზმი“?ეს არის ეუთოს ერთ-ერთი ყველაზე მკაცრი დიპლომატიური ინსტრუმენტი, რომელიც საშუალებას იძლევა, შეიქმნას დამოუკიდებელ ექსპერტთა მისია იმ ქვეყანაში, სადაც ადამიანის უფლებების მხრივ კრიზისული ვითარებაა.მექანიზმის ამოქმედებას არ სჭირდება იმ ქვეყნის თანხმობა, სადაც კვლევა ტარდება. აქ ჩვეულებრივ იქმნება 3-კაციანი მისია (ეუთო/OSCE)-ის მიერ შერჩეული ექსპერტებისგან. საქართველოს აქვს უფლება, ერთი ექსპერტი თავად დანიშნოს სიიდან.ამოქმედება არ ხდება ავტომატურად – საჭიროა ოფიციალური მოთხოვნა. ტრადიციულად, თუ ერთ სახელმწიფოს სურს მექანიზმის ამოქმედება და მას მხარს უჭერს 9 სხვა სახელმწიფო, მექანიზმი შეიძლება გააქტიურდეს იმ სახელმწიფოს თანხმობის გარეშეც, სადაც სავარაუდოდ დაირღვა ადამიანის უფლებები.საქართველოს შემთხვევაში, მექანიზმის ამოქმედებას მხარი დაუჭირა 24-მა ქვეყანამ.რას შეისწავლის მისია საქართველოში?გავრცელებული განცხადების თანახმად, საერთაშორისო ექსპერტები ყურადღებას გაამახვილებენ 2024 წლის გაზაფხულიდან განვითარებულ მოვლენებზე, კერძოდ: რეპრესიული კანონმდებლობა: სამოქალაქო სექტორისა და მედიის წინააღმდეგ მიმართული რეფორმები. პოლიტიკური დევნა: ოპოზიციური პარტიების შესაძლო აკრძალვა და ლიდერების დაკავება. არჩევნების მთლიანობა: დარღვევები, განსაკუთრებით ადგილობრივი თვითმმართველობის არჩევნების ჭრილში. ძალადობა და დაშინება: პოლიციის მხრიდან ძალის გადამეტება, დეზინფორმაციული კამპანიები და ჟურნალისტებზე ზეწოლა. რა შედეგი მოჰყვება ამ პროცესს?მოსკოვის მექანიზმი არ არის სასამართლო და მას არ აქვს სანქციების დაწესების ბერკეტი. თუმცა, მისი ანგარიში წარმოადგენს ავტორიტეტულ ფაქტობრივ მტკიცებულებას, რომელსაც ეყრდნობა: საერთაშორისო დიპლომატიური და პოლიტიკური ზეწოლა გაეროსა და სისხლის სამართლის საერთაშორისო სასამართლოს (ICC) შემდგომი სამართლებრივი პროცესები მანამდე აღნიშნული მექანიზმი გამოიყენებოდა ისეთ კრიზისულ წერტილებში, როგორიცაა: ჩეჩნეთი, ბელარუსი და თურქმენეთი.2024 წლის ბოლოს საქართველოში მისიის გამოგზავნა ოპოზიციურმა კოალიციებმაც მოითხოვეს. მათ შორის: კოალიცია „ცვლილებისთვის“, „ძლიერი საქართველო“, „ერთიანობა-ნაციონალური მოძრაობა“, „გახარია საქართველოსთვის“.საქართველოს მიმართ ეუთოს „მოსკოვის მექანიზმი“ სულ ორჯერ იქნა ამოქმედებული. პირველად ეს იყო 2008 წლის ნოემბერში, აგვისტოს ომის შემდეგ. მაშინ მექანიზმი ამოქმედდა საქართველოში (კონფლიქტის ზონაში) ადამიანის უფლებების მდგომარეობისა და საერთაშორისო ჰუმანიტარული სამართლის დარღვევების შესასწავლად. მეორედ კი ამოქმედდა გუშინ, 2026 წლის 29 იანვარს.

1769752140

ჯაფარიძის შეფასებით, კამპანიას რამდენიმე დატვირთა აქვს: „უნდა გადაიფაროს მომიტინგეების ქიმიური ნივთიერებით მოწამვლის ამბავი; ტექნიკური უნივერსიტეტის სტუდენტები უნდა გაუყენონ ქუთაისის გზას, ბიძინა ივანიშვილის სასწავლებელში, ცარიელი მერხების შესავსებად; უმაღლესი სასწავლებლებიდან უნდა გაიდევნოს მოაზროვნე კორპუსი. და შედეგად ქვეყანა საბოლოოდ უნდა დაშორდეს ცივილურ დასავლეთს“.განათლების ე.წ. რეფორმაზე სასაუბროდ ჯაფარიძე კობახიძეს დებატებში ელის, ნებისმიერ მედია პლატფორმაზე. მისი თქმით, „კობახიძემ დებატების თემის შემოგდებისას ვერ გათვალა, რომ ოპოზიცია დათანხმდებოდა და მოწოდება დააკორექტირა, თითქოს კონსტიტუციის დამრღვევებს არ უჯდება“.ჯაფარიძემ TV ეთერიდან ოცნებას შეუთვალა „პოლიტიკის გამტარებლები ესაუბრონ და არა მონების მოჯამაგირე წვრილფეხობა“.თუმცა ეეჭვება, „კობახიძემ რომ იდებატოს, განათლების თუ სასურსათო უსაფრთხოების თემაზე, რადგან სათქმელი არ აქვს ხალხთან, მათ შორის არც ბიზნესთან, რომელსაც პოლიტიკური განწყობის საჯაროდ გამოხატვას კანონით უკრძალავს“. ჯაფარიძეს ფიქრობს, რომ კობახიძე დებატებს გაექცევა იმიტომ, რომ არ აქვს პასუხები: „რატომ აღარაა საქართველო ევროსაბჭოს პოლიტიკურ ასამბლეაში; რატომ აამოქმედა ეუთოს 24 ქვეყანამ მონიტორინგის მექანიზმი და რა ვერდიქტს გამოუტანს საქართველოს სპეციალური მომხსენებელი; როგორ აღმოჩნდა ქვეყანა საერთაშორისო იზოლაციაში და როგორ ვერ გამოვიდა ტრამპის იანვრის წლისთავზეც; რატომ დაეხეტება კობახიძე ეულად აშხაბადშიც კი და რატომ არტყამს თურქმენეთ-უზბეკეთს წრეს, უკვე მე-100-დ, რაზეც მთელი აზია დასცინის“.ჯაფარიძის თქმით, „კობახიძე ვერც იმას იტყვის, რატომ გაძვირდა პირადობის მოწმობა, ჯარიმები, პარკინგი, დენი, გაზი ... არც ის ეცოდინება ამაზე როდის შეიქმნება კომისია. სამაგიეროდ იცის, რატომ ძვირდება მედიკამენტი, კვერცხი, პური და ძეხვი. ისიც, ინფლაცია რამ გამოიწვია და რატომ აღარ შემოდის ინვესტიციები, მაგრამ არ იტყვის.სავარაუდოდ კანონმდებლობაც ვერ გახდება სადებატო. კობახიძის კაბინეტის უკანასკნელმა საკანონმდებლო ინიციატივებმა ყველა სეგმენტი მოიცვა. ერთ-ერთი შეეხება ემიგრანტის ოჯახს - ტრანსფერი შესაძლოა კონფისკაციას დაექვემდებაროს. ერთ-ერთი ეხება ბიზნესს - საზღვარგარეთ რეგისტრირებულმა კომპანიამ ვიზირება ოცნებისგან უნდა მიიღოს. ერთ-ერთი ეხება პარტიას - თუ უცხოური დაფინანსების მიმღებია, შესაძლოა სისხლის სამართლის პასუხისგებაშიც მიეცეს, 6 წლამდე პატიმრობის პერსპექტივით“.ოპოზიციის ვერსიით, კერძო სექტორზე რევანშის საფუძველი პეტიცია გახდა, რომელზე ხელმოწერითაც ბიზნესის დიდმა ნაწილმა ევროპული არჩევანი დაამოწმა. თუმცა, მათივე  თქმით, "ქველმოქმედს" ყველაზე მეტად "უხეირო დიქტატორის" მეტსახელი აბრაზებს, სადამდეც მეცენატობიდან მივიდა.საქართველოს განათლების, მეცნიერებისა და ახალგაზრდობის მინისტრის გივი მიქანაძის მიერ ხუთშაბათს გაკეთებული განცხადების თანახმად, თბილისის სახელმწიფო უნივერსიტეტი და საქართველოს ტექნიკური უნივერსიტეტი გაერთიანდება.„უმაღლესი განათლების სისტემაში მნიშვნელოვანი რეფორმის დაწყება ეფუძნება სიღრმისეულ ანალიზს, საერთაშორისო პრაქტიკას და ქვეყნის განვითარების გრძელვადიან ინტერესებს. ბოლო პერიოდში სახელმწიფო უნივერსიტეტების აკადემიური პროგრამების კვლევით მიმართულებებისა და ინფრასტრუქტურის შედარებით ანალიზი გაკეთდა. ამ პროცესისა და რექტორებთან წინასწარი კონსულტაციის საფუძველზე, მივიღეთ გადაწყვეტილება, თბილისის სახელმწიფო უნივერსიტეტისა და საქართველოს ტექნიკური უნივერსიტეტის გაერთიანების შესახებ. ეს იქნება საწინდარი, რომ ივანე ჯავახიშვილის სახელობის თბილისის სახელმწიფო უნივერსიტეტი გახდეს რეგიონში აკადემიური და სამეცნიერო განვითარების წამყვანი ცენტრი და მნიშვნელოვნად გაიუმჯობესოს საერთაშორისო რეიტინგები. საკანონმდებლო ცვლილებათა პროექტის თანახმად, უნივერსიტეტების გაერთიანების მიზნით, მინისტრის ბრძანებით, შეიქმნება მართვის დროებითი ორგანო - საბჭო და დაინიშნება რექტორისა და რექტორის მოადგილეების მოვალეობის შემსრულებლები, რომლებიც წარმართავენ რეორგანიზაციის პროცესს,“ - განაცხადა მიქანაძემ.

1769700420

„უკვე 58 წელია, რაც საქართველოს ტექნიკურ უნივერსიტეტში ვმუშაობ — სასწავლებელში, რომელსაც 104-წლიანი საამაყო ისტორია აქვს. ჩემი ცხოვრების უდიდესი ნაწილი ამ კედლებს ეკუთვნის...ჩემთვის წარმოუდგენლად მტკივნეულია იმის გაცნობიერება, რომ ამხელა ისტორიის მქონე უმაღლესი სასწავლებელი, უძლიერესი სამეცნიერო ცენტრი და საამაყო ქართული საინჟინრო სკოლა გაუქმდა.ბევრმა არც კი იცის, რა მასშტაბის და დონის, მსოფლიოში უნიკალური ლაბორატორიები არსებობს სტუ-ში — მიწის ქვეშ თუ მიწის ზემოთ. ეს არის საგანძური, რომელსაც გაფრთხილება სჭირდებოდა.სიტყვები არ მყოფნის, ცრემლებს ვერ ვიკავებ... ძალიან მტკივა!“„ქართული ოცნების“ განათლების მინისტრმა გივი მიქანაძემ დღევანდელ ბრიფინგზე განაცხადა, რომ მიღებულია გადაწყვეტილება თბილისის სახელმწიფო უნივერსიტეტისა და საქართველოს ტექნიკური უნივერსიტეტის გაერთიანების შესახებ.მიქანაძის თქმით, უნივერსიტეტების გაერთიანების მიზნით, მინისტრის ბრძანებით შეიქმნება მართვის დროებითი ორგანო „საბჭო“ რომელიც რეორგანიზაციის პროცესის წარმართვას უზრუნველყოფენ.„იმედზე" დაადასტურა, რომ ორი ყველაზე დიდი სახელმწიფო უნივერსიტეტების გაერთიანების შედეგად ჩამოყალიბებულ უნივერსიტეტს ივანე ჯავახიშვილის სახელობის თბილისის სახელმწიფო უნივერსიტეტი (თსუ) ერქმევა.20:00 საათზე თბილისის სახელმწიფო უნივერსიტეტთან აქცია დაანონსდა.(პუბლიკა)

1769699400