ჯეკი ჩანი „ჟაკეჟანი“ გახდა – ლომთაძის Kaspi.kz-ის ახალი სარეკლამო კამპანია

შეხვედრაზე ხაზი გაესვა საქართველოსა და სომხეთის ცენტრალურ ბანკებს შორის მჭიდრო და მრავალწლიან თანამშრომლობას. ყურადღება გამახვილდა ინფორმაციისა და გამოცდილების რეგულარული გაცვლის მნიშვნელობაზე, რაც ხელს უწყობს ინსტიტუციური შესაძლებლობების გაძლიერებასა და საერთო გამოწვევებზე ეფექტიან რეაგირებას. მხარეებმა ასევე იმსჯელეს რეგიონში არსებულ მაკროეკონომიკურ გარემოსა და  საფინანსო სექტორის მდგომარეობაზე.შეხვედრაზე ხელი მოეწერა ურთიერთთანამშრომლობის ახალ მემორანდუმს, რომელიც მნიშვნელოვნად აფართოებს თანამშრომლობის სფეროებს. მემორანდუმი ითვალისწინებს ინფორმაციისა და გამოცდილების გაზიარებას ფინანსური ინსტიტუტების რეგულირებისა და ზედამხედველობის, მონეტარული პოლიტიკის, საგადახდო სისტემების, ფასიანი ქაღალდების ბაზრის, ვირტუალური აქტივების მომსახურების პროვაიდერებისა და ფინანსური ტექნოლოგიების საკითხებზე.(R)

1790076708

საერთო ჯამში, აგვისტოში თბილისში 3 388 საცხოვრებელი ბინა გაიყიდა, რაც გასული წლის ანალოგიურ პერიოდთან შედარებით 18.9%-ით მეტია. ბაზრის ზომა კი 35.2%-ით გაიზარდა და 297 მილიონ აშშ დოლარს მიაღწია.გაყიდვების ზრდა განსაკუთრებით ახალ პროექტებში დაფიქსირდა (+23.7%), რაც ბაზარზე გაზრდილ მიწოდებას ასახავს. Colliers-ის შეფასებით, ზრდის ძირითადი წილი სამგორისა და დიდი დიღმის რაიონებზე მოდის.პარალელურად, გაზრდილია ბინების ფასებიც. წინა წლის აგვისტოსთან შედარებით, ახალაშენებული ბინების საშუალო შეწონილი გასაყიდი ფასი: ქალაქის ცენტრში - 16.7%-ით გაიზარდა; ფართო ცენტრში - 16%-ით; გარეუბნებში - 10.4%-ით. განსხვავებული ტენდენცია ბათუმშითბილისისგან განსხვავებით, სადაც ადგილობრივი მყიდველები ჭარბობენ, ბათუმში საპირისპირო ვითარებაა. Colliers-ის მონაცემებით, აგვისტოში ბათუმში უცხოელი მყიდველების წილმა ძველ და ახალ პროექტებში ქართველების წილს გადაუსწრო და 52% შეადგინა (ივლისში უცხოელების წილი 48% იყო, ხოლო ქართველების - 50%).აგვისტოში ბათუმში სულ 1 235 საცხოვრებელი ბინის ტრანზაქცია დარეგისტრირდა, რაც გასული წლის აგვისტოსთან შედარებით 4.3%-ით ნაკლებია, თუმცა ბაზრის საერთო ზომა 2.9%-ით გაიზარდა და 81 მილიონ აშშ დოლარს მიაღწია.

1790072116

შეხვედრაზე მხარეებმა საქართველოსა და ჩინეთს შორის საფინანსო სექტორში თანამშრომლობის გაღრმავების პერსპექტივები განიხილეს. განსაკუთრებული ყურადღება გამახვილდა ფინანსური სერვისების განვითარების მიმართულებით თანამშრომლობაზე და ორი ქვეყნის კომერციულ ბანკებს შორის ურთიერთობების გაძლიერების შესაძლებლობებზე.როგორც შეხვედრაზე აღინიშნა, საქართველოსა და ჩინეთს შორის მზარდი სავაჭრო და ეკონომიკური ურთიერთობების ფონზე, მნიშვნელოვანია შესაბამისი ფინანსური ინფრასტრუქტურისა და სერვისების განვითარება, რაც ხელს შეუწყობს ქვეყნებს შორის ეკონომიკური კავშირების კიდევ უფრო გაღრმავებას.მხარეებმა ასევე ისაუბრეს ქართული და ჩინური კომერციული ბანკების თანამშრომლობის გაძლიერების ინტერესზე. აღინიშნა, რომ ჩინურ ფინანსურ ინსტიტუტებსა და ქართულ კომერციულ ბანკებს შორის თანამშრომლობა, მათ შორის საკორესპონდენტო საბანკო ურთიერთობების მიმართულებით, უკვე აქტიურად მიმდინარეობს. შეხვედრაზე გამოითქვა თანამშრომლობის კიდევ უფრო გაღრმავების მზაობა.ნინო ჯელაძემ აღნიშნა, რომ საქართველოს ეროვნული ბანკისთვის მნიშვნელოვანია საერთაშორისო ფინანსურ ინსტიტუტებთან თანამშრომლობის გაძლიერება და ქართული საფინანსო სექტორისთვის ახალი შესაძლებლობების შექმნა.„საქართველოსა და ჩინეთს შორის სავაჭრო და ეკონომიკური ურთიერთობები მზარდია, შესაბამისად, მნიშვნელოვანია, რომ ამ პროცესს თან ახლდეს ფინანსური კავშირების გაძლიერება და თანამედროვე ფინანსური სერვისების განვითარება. CIFIT-ის ფარგლებში გამართული შეხვედრები ქმნის მნიშვნელოვან შესაძლებლობას, ქართული და ჩინური საფინანსო სექტორების წარმომადგენლებმა თანამშრომლობის კონკრეტულ მიმართულებებზე იმსჯელონ“, - განაცხადა ნინო ჯელაძემ.CIFIT 2026-ის ფარგლებში ჩინეთში ვიზიტისას სებ-ის ვიცე-პრეზიდენტი ასევე შეხვდა ჩინეთის საერთაშორისო საგადახდო სისტემის (CIPS) თავმჯდომარეს ვანგ ჰონგბოს, რომელთანაც  არსებული და სამომავლო თანამშრომლობა განიხილეს. მხარეებმა ასევე შეაჯამეს საქართველოს საფინანსო სექტორისა და ეროვნული ბანკის CIPS-თან თანამშრომლობის პროგრესი.ჩინეთში ვიზიტის ფარგლებში ნინო ჯელაძემ და ეროვნული ბანკის დელეგაციამ შეხვედრები სხვა მსხვილი ჩინური ფინანსური ინსტიტუტების წარმომადგენლებთანაც გამართეს, მათ შორის ჩინეთის ინდუსტრიულ და კომერციულ ბანკთან, Bank of China-სა და China Construction Bank-თან.ჩინეთის ინვესტიციებისა და ვაჭრობის საერთაშორისო გამოფენაში - CIFIT 2026-ში, ჩინეთის ცენტრალური ბანკის მიწვევით, საქართველოს ეროვნულ ბანკთან ერთად, წელს პირველად ათი ქართული კომერციული ბანკიც მონაწილეობდა. გამოფენამ მსოფლიოს 120-ზე მეტი ქვეყნისა და რეგიონის წარმომადგენლებსა და მაღალი დონის დელეგაციებს მოუყარა თავი.

1790072052

ციფრულ ეპოქაში STEM მიმართულებით ცოდნა სულ უფრო და უფრო მოთხოვნადი ხდება: ელექტრული ინჟინერი, პროგრამისტი, მონაცემთა მეცნიერი, ავტომატიზაციის ინჟინერი, კიბერუსაფრთხოების სპეციალისტი – ეს მხოლოდ მცირე ჩამონათვალია იმ პროფესიებისა, რომლებიც ტექნოლოგიური პროგრესის სამყაროში ყოველთვის საჭირო იქნება. STEM სკოლა მიზნად ისახავს, მოსწავლეებს მისცეს ის საბაზისო ცოდნა, რომლითაც ისინი შეძლებენ დაეუფლონ მათთვის საინტერესო პროფესიას მომავალში.დარეგისტრირდი STEM სკოლაშიროგორია სწავლების ფორმატიპროექტში სწავლა ონლაინ მიმდინარეობს. მოსწავლეებს კვირაში ერთხელ (შაბათს ან კვირა დღეს, დილის ან შუადღის ცვლაში) შესაძლებლობა აქვთ, დაესწრონ სამსაათიან გაკვეთილებს, რომლებსაც კომაროვის სკოლის პროფესიონალები და მოწვეული პედაგოგები ატარებენ.როგორია სასწავლო პროგრამაSTEM სკოლის კურიკულუმი და სასწავლო პროგრამა უნიკალურია – იგი არ არის რომელიმე სასკოლო საგნის ანალოგი. STEM სკოლაში მოსწავლეებს საშუალება აქვთ შეიმეცნონ მიკროკონტროლერების მუშაობის პრინციპი. შექმნან და მართონ ჭკვიანი მოწყობილობები, რომლის შესასწავლადაც სპეციალური ონლაინპლატფორმა Tinkercad გამოიყენება, ხოლო პროექტები მიკროკონტროლერ Arduino-სა და მისი შესაბამისი ელექტრონული კომპონენტების ნაკრების საშუალებით სრულდება.პროექტი ორმოდულიანია. თითოეული მოდული 4 თვეს გრძელდება. პირველ მოდულში მოსწავლეები ძირითადად ელექტროინჟინერიისა და მიკროკონტროლერების, მათი სენსორების მართვის საწყისებს ეუფლებიან, რომლის შესასწავლადაც ასევე იღრმავებენ ცოდნას ფიზიკის (ელექტრობა) და პროგრამირების მიმართულებით.მეორე მოდულში მოსწავლეები რეალურ ამოცანებსა და პროექტებს ელექტრონული კომპონენტების საშუალებით ასრულებენ. ამ ეტაპზე ისინი აქტიურად არიან ჩართული პრაქტიკულ სწავლის პროცესში, რაც ერთი მხრივ, სახალისოა, მეორე მხრივ – შემეცნების საუკეთესო და აღიარებული საშუალებაა.ვისთვის არის განკუთვნილი STEM სკოლაპროექტი განკუთვნილია საქართველოს საჯარო და კერძო სკოლების მე-7-დან მე-11 კლასის მოსწავლეებისთვის, ასევე საზღვარგარეთ მცხოვრები მოსწავლეებისთვის, რომლებიც კარგად ფლობენ ქართულ ენას.STEM სკოლის შექმნის ერთ-ერთი იდეა მაღალი ხარისხის განათლებაზე თანაბარი ხელმისაწვდომობაა.საგაკვეთილო პროცესის ვირტუალურ სივრცეში გადატანამ, ფაქტობრივად, მოხსნა გეოგრაფიული ბარიერი. წელიწადში 60 საუკეთესო შედეგის მქონე მოსწავლეს კი სწავლის საფასურს მთლიანად უფინანსებს საქართველოს ბანკი და გადასცემს სწავლისთვის საჭირო მოწყობილობებს, 30 მოსწავლეს კი 50% უფინანსდება. როგორც თავად მოსწავლეები ამბობენ, მუშაობა ტექნოლოგიებთან უწევთ, ამიტომ ონლაინ გაკვეთილები ძალიან ხელსაყრელია.დარეგისტრირდი STEM სკოლაში(R)

1790069916

მიუხედავად იმისა, რომ პარლამენტის არჩევნების ჩატარების შემდეგ არაერთხელ გაკეთდა ამომწურავი განმარტება, მისი მხრიდან ამ თემაზე კვლავ აპელირება, სავარაუდოდ, საზოგადოების შეცდომაში შეყვანის მიზანმიმართული მცდელობა და ექსპერტული წრისთვის შეუფერებელი არაკომპეტენტურობაა. სამწუხაროდ, მსგავსი განცხადებები ახალი არ არის  და წარმოადგენს იმ ტენდენციის გაგრძელებას, როცა  დაინტერესებული მხარეები, მათ შორის კონკრეტული ექსპერტები/დამკვირვებლები, სხვადასხვა საარჩევნო საკითხზე არგუმენტების გარეშე აკეთებენ მანიპულაციურ თუ დეზინფორმაციულ განცხადებებს.როგორც ჩანს, ვანო მაჭავარიანი არ იცნობს და არც დაინტერესებულა საარჩევნო აპარატებისა და პროცედურების ტექნიკური შესაძლებლობებით. ასევე არ იცის, რომ არჩევნების ოფიციალური შედეგი ეყრდნობა კომისიის მიერ ბიულეტენების ხელით გადათვლას. ეს პროცესი კი ხორციელდება საჯაროდ, ჩართული მხარეების თანდასწრებით.ამასთან ის საუბრობს საარჩევნო აპარატებში მონაცემების ჩატვირთვაზე, რის ტექნიკური შესაძლებლობაც საქართველოში გამოყენებულ აპარატებს არ აქვს. მეტი დამაჯერებლობისთვის კი რუსული საარჩევნო ტექნოლოგიების მაგალითს იშველიებს,  მიუხედავად იმისა, რომ საქართველოში გამოყენებული ელექტრონული ტექნოლოგიების არქიტექტურა და პროცედურები განსხვავდება იმ მოდელებისგან, რომლებზეც აღნიშნული მაგალითი არის დაფუძნებული.საზოგადოებას შევახსენებთ რომ ბოლო ორი საერთო არჩევნების შესახებ არსებობს ამერიკული საერთაშორისო აუდიტორული კომპანიის 6 დასკვნა. სწორედ აღნიშნული დასკვნები ადასტურებს, რომ საარჩევნო ელექტრონული ტექნოლოგიები მუშაობს გამართულად, შესაბამისობაშია საერთაშორისო კარგ პრაქტიკასთან და სტანდარტებთან.აქვე გვინდა აღვნიშნოთ, რომ საარჩევნო ადმინისტრაცია ყოველთვის მზად არის მოისმინოს და გაიზიაროს არგუმენტირებული მოსაზრებები/რეკომენდაციები, თუმცა ვერ გაიზიარებს ფაქტების არასწორ ინტერპრეტაციას. სწორედ ამიტომ, მოვუწოდებთ ყველა დაინტერესებულ მხარეს, საარჩევნო ტექნოლოგიებთან დაკავშირებული საკითხების განხილვისას დაეყრდნონ გადამოწმებულ ფაქტებს, ტექნიკურ დოკუმენტაციასა და შესაბამის სამართლებრივ ჩარჩოს.(R)

1790069388

შეხვედრა თბილისში გამართული რეგიონის ცენტრალური ბანკების მმართველების მრგვალი მაგიდის ღონისძიების ფარგლებში შედგა.მხარეებმა შეხვედრაზე საქართველოს ეროვნულ ბანკსა და J.P. Morgan-ს შორის თანამშრომლობის გაღრმავების შესაძლებლობები განიხილეს. ასევე ისაუბრეს რეგიონის მაკროეკონომიკურ გარემოსა და საფინანსო სექტორში მიმდინარე ტენდენციებზე.განსაკუთრებული ყურადღება დაეთმო საქართველოს ეროვნული ბანკისა და J.P. Morgan-ის თანამშრომლობით გამართულ რეგიონის ცენტრალური ბანკების პრეზიდენტების მრგვალი მაგიდის შეხვედრას. ხაზი გაესვა ამ ფორმატის ღონისძიების მნიშვნელობას, რომელიც რეგიონში პირველად ჩატარდა და ცენტრალური ბანკების ხელმძღვანელებსა და საერთაშორისო საფინანსო ინსტიტუტების წარმომადგენლებს გამოცდილების გაზიარებისა და საერთო პრიორიტეტებზე მსჯელობის შესაძლებლობა მისცა.

1790068304

თიბისი ტექსკოლა ახალ ეტაპზე გადადის, შემოდგომის სემესტრს სრულად ახალი მიდგომით იწყებს და სწავლების ყველა მიმართულებაში AI First პრინციპს ნერგავს. თუ ტრადიციული სწავლება ხშირად თეორიიდან და ცალკეული ტექნიკური ელემენტებიდან იწყება, ტექსკოლაში პროცესი საბოლოო შედეგის წარმოდგენით იწყება. მოსწავლეები პირველივე ეტაპიდან რეალურ პროექტებზე მუშაობენ და ხელოვნურ ინტელექტს იყენებენ არა უბრალოდ საძიებო ინსტრუმენტად, არამედ ასისტენტად და პარტნიორად - იდეების განვითარებაში, პრობლემების გადაჭრასა და პროექტის შექმნაში.შემოდგომის სემესტრზე ტექსკოლა ორ ეტაპად აცხადებს უფროსკლასელების მიღებას და ჯამში 5 კურსს სთავაზობს მსურველებს. 3 პროგრამაზე მიღება დაიწყო და რეგისტრაცია 30 სექტემბრის ჩათვლით გაგრძელდება:  Full Stack დეველოპმენტი AI-ის დახმარებით პროდუქტის დიზაინი - UI/UX და გრაფიკული დიზაინი AI-ის დახმარებით ციფრული კონტენტის შექმნა AI-ის დახმარებით 5 ოქტომბრიდან კი რეგისტრაცია გაიხსნება შემდეგ კურსებზე: Python ხელოვნური ინტელექტისთვის ხელოვნური ინტელექტი კონცეფციიდან პროდუქტამდე პროგრამებს უძღვებიან შესაბამისი სფეროების მრავალწლიანი პრაქტიკული გამოცდილების მქონე პროფესიონალები, რაც მოსწავლეებს საშუალებას აძლევს, თანამედროვე ტექნოლოგიები უშუალოდ ინდუსტრიის გამოცდილი პროფესიონალებისგან ისწავლონ. მათი მხარდაჭერით უფროსკლასელები არა მხოლოდ ტექნოლოგიურ ინსტრუმენტებს ეუფლებიან, არამედ ავითარებენ სისტემურ და კრიტიკულ აზროვნებას, პროექტზე მუშაობისა და იდეის რეალურ პროდუქტად გარდაქმნის უნარებს.თიბისი ტექსკოლის განათლების პროგრამები ხორციელდება „ჯეოლაბთან“ პარტნიორობით. თიბისი ტექსკოლა უკვე სამი წელია ქმნის შესაძლებლობას, რომ უფროსკლასელებმა ტექნოლოგიური განათლება მიიღონ მთელი საქართველოდან, უფასოდ და ონლაინ. ამ დროის განმავლობაში ტექსკოლის 7 ნაკადს 4 500-ზე მეტი კურსდამთავრებული ჰყავს.თიბისი ტექსკოლა - სწორი ადგილი განათლებისთვის.(R)

1790067704

თბილისი (GBC) - საქართველოს ბანკი, როგორც საქართველოს ეროვნული საფეხბურთო ნაკრების მთავარი სპონსორი, ფეხბურთის ფედერაციასთან და გულშემატკივრებთან ერთად, 25 სექტემბერს  ჩვენი ფეხბურთელების მხარდასაჭერად ქალაქს ხმაურით აავსებს და ჩვენს სპორტსმენებს კიდევ ერთხელ შეახსენებს რომ „ქომაგობა არ ჩერდება“.25 სექტემბერს, 17:00 საათიდან, თბილისში, „დინამო არენას“ მიმდებარე ტერიტორიაზე გულშემატკივართა სპეციალური ზონები და  ქუჩის ტრიბუნები მოეწყობა, სადაც ქართველი ქომაგები ჩვეული შემართებით, სიმღერითა და ხმაურით გააცილებენ ნაკრებს სტადიონზე.გულშემატკივრებს შესაძლებლობა ექნებათ, საგანგებოდ მოწყობილ ტრიბუნებიდან ხმაურით შეაცილონ ნაკრების ავტობუსი  სტადიონზე და ფეხბურთელებს საკუთარი ენერგია მოედანზე გაატანონ. ეს ყველაფერი იმისთვის კეთდება, რომ ყოველი გადაცემის, გატანილი გოლის თუ შესვენების დროს ნაკრებმა იგრძნოს, რომ მათ გვერდით მთელი ქვეყანა დგას. ქომაგები ასევე შეიკრიბებიან ცაბაძის კუთხეში, თამარ მეფის ხიდთან, დინამო არენასთან და საქართველოს ეროვნული სიმფონიური ორკესტრის აუდიტორიასთან, სადაც ასევე მოეწყობა საგულშემატკივრო ტრიბუნები. „გულშემატკივარი ეროვნული ნაკრების ძალის მნიშვნელოვანი ნაწილია. ამჯერად ტრიბუნებზე ვერ ვიქნებით, მაგრამ ეს ჩვენს ქომაგობას ვერ შეაჩერებს. პირიქით, გვაძლევს შესაძლებლობას, ფეხბურთის ემოცია მთელი ქალაქის მასშტაბით გავაერთიანოთ. გვინდა, ჩვენმა ფეხბურთელებმა იგრძნონ, რომ ისინი მარტო არ არიან და რომ მათი გულშემატკივრობა არ ჩერდება. 25 სექტემბერს მთელი თბილისი გულშემატკივართა ტრიბუნა იქნება და ერთმანეთის გვერდით დგომით გავამხნევებთ ნაკრებს. ერთად ვაჩვენოთ, რა ძალა აქვს ქართულ ქომაგობას“, – აცხადებენ კამპანიის ორგანიზატორები.მართალია, ამ ფორმატით მხოლოდ ერთი შეხვედრა ჩატარდება, თუმცა წინ კიდევ მნიშვნელოვანი მატჩებია და თითოეულ ბრძოლაში ერთიანობაა საჭირო. 25 სექტემბერს, 17:00 საათიდან, შევიკრიბოთ „დინამო არენასთან“ მოწყობილ ტრიბუნებზე, ერთად გავავსოთ ქალაქი ფეხბურთის ემოციით და ჩვენს ნაკრებს მხარდაჭერა გავაგონოთ, რადგან არცერთი მიზეზის გამო „ქომაგობა არ ჩერდება“.ინფორმაციისთვის,  25 სექტემბერს საქართველოს ეროვნული ნაკრები „უეფას” ერთა ლიგის B დივიზიონის საშინაო მატჩში ჩრდილოეთ ირლანდიას დაუპირისპირდება. არსებული შეზღუდვების გამო, ჩვენი ფეხბურთელები ამჯერად ცარიელი ტრიბუნების წინაშე ითამაშებენ. სწორედ აქედან დაიბადა კამპანიის იდეაც: თუ გულშემატკივარი სტადიონზე ვერ შედის, ქომაგობა ქუჩებში გაგრძელდება - თუ სტადიონი ჩუმადაა, იხმაურებს ქალაქი.(R)

1790065019