კანადის პრემიერი: მსოფლიო წესრიგი დაირღვა, შევედით სასტიკ რეალობაში

გამოძიებით დადგინდა, რომ წინასწარ შეთანხმებით ჯგუფის წევრებმა, ერთ-ერთი კომპანიის სახელით, საბაჟო დეკლარაციაში ყალბი მონაცემები შეიტანეს და საქონლის საბაჟო ღირებულება 536 028 ლარის ნაცვლად 48 502 ლარით დაადეკლარირეს. აღნიშნული დეკლარაციის საფუძველზე, სატვირთო ავტომანქანით თურქეთიდან საქართველოში სხვადასხვა სახის საქონელი შემოიტანეს.ოპერატიული ინფორმაციის საფუძველზე ჩატარებული ავტომანქანის დათვალიერების შედეგად დადგინდა, რომ დეკლარაციაში მითითებული საქონლის უმეტესი ნაწილის ნაცვლად აღმოჩნდა 536 028 ლარის საბაჟო ღირებულების არადეკლარირებული საქონელი, მათ შორის: სუნამოები, ჰიგიენის საშუალებები, ოთახის არომატიზატორები, სანტექნიკის ინვენტარი, ენერგეტიკული სასმელები, ტკბილეული და სხვა სახის პროდუქცია.გამოძიება მიმდინარეობს საქართველოს სისხლის სამართლის კოდექსის 214-ე მუხლის მე-5 ნაწილის „დ“ ქვეპუნქტით, რაც სასჯელის სახით ითვალისწინებს თავისუფლების აღკვეთას 8-დან 11 წლამდე.საქმეზე გრძელდება გამოძიება დანაშაულებრივი ჯგუფის სხვა წევრებისა და დანაშაულის დამატებითი ეპიზოდების გამოვლენის მიზნით.

1768995958

სტანდარტიზებული კითხვარების მეშვეობით CDP აგროვებს დეტალურ ინფორმაციას სათბური გაზების (GHG) ემისიების, კლიმატური რისკებისა და ორგანიზაციული მდგრადობის სტრატეგიების შესახებ. მისი მიზანია დაეხმაროს კომპანიებსა და უწყებებს გარემოზე ზემოქმედების გაზომვასა და ეფექტიან მართვაში. CDP აღიარებულია გარემოსდაცვითი გამჭვირვალობის გლობალურ სტანდარტად, ხოლო მისი მონაცემები აქტიურად გამოიყენება ინვესტორების, მთავრობებისა და სხვა დაინტერესებული მხარეების მიერ კორპორაციული გარემოსდაცვითი საქმიანობის შესაფასებლად.მიმდინარე წლამდე Aqualia გარემოსდაცვით პროგრესს FCC ჯგუფის ფარგლებში ასახავდა. ინფორმაციის დამოუკიდებლად წარდგენის გადაწყვეტილება კომპანიის გამჭვირვალობისა და ანგარიშვალდებულებისადმი ერთგულების მნიშვნელოვანი ნაბიჯია და საშუალებას იძლევა უფრო მკაფიოდ წარმოჩნდეს მისი საქმიანობის მასშტაბი და გავლენა კლიმატის ცვლილებასთან ბრძოლასა და წყლის რესურსების დაცვაში.Aqualia-ს მიერ მიღებული „B" (მართვის) რეიტინგი აფასებს ინფორმაციის გამჟღავნების ხარისხს, რისკების იდენტიფიცირებასა და მართვას, მიზნების დასახვასა და საუკეთესო პრაქტიკის დამადასტურებელ მტკიცებულებებს. CDP იყენებს შეფასების სისტემას „A"-დან (უმაღლესი) „D"-მდე (დაბალი) ქულის ჩათვლით, რომელიც შესაბამისობაშია TCFD-ის (კლიმატთან დაკავშირებული ფინანსური ინფორმაციის გამჟღავნების სამუშაო ჯგუფი) ანგარიშგების ჩარჩოსთან. აღიარება განსაკუთრებით უსვამს ხაზს Aqualia-ს ღირებულებათა ჯაჭვთან მუშაობას, რაც CDP-ის შეფასებით ერთ-ერთ ყველაზე მაღალი ქულით შეფასებულ მიმართულებად დასახელდა. მომწოდებლების, მომხმარებლებისა და პარტნიორების ჩართულობა გარემოსდაცვითი რისკებისა და შესაძლებლობების იდენტიფიცირებასა და მართვაში კომპანიის სტრატეგიულ საყრდენად იქცა. CDP-ში მონაწილეობა დამატებით სარგებელსაც ქმნის, მათ შორის - მდგრადი ინვესტიციების ახალი შესაძლებლობების გახსნას, გაუმჯობესების მიმართულებების გამოვლენასა და მზარდად მკაცრ გარემოსდაცვით რეგულაციებთან შესაბამისობის გამარტივებას.Aqualia-ს სტრატეგიული განვითარებისა და მდგრადობის დირექტორმა, პედრო როდრიგესმა, აღნიშნა: „ეს აღიარება ადასტურებს, რომ სწორ მიმართულებას ვირჩევთ და გვაძლევს მოტივაციას, გავაგრძელოთ გამჭვირვალე გარემოსდაცვითი მართვის ხელშეწყობა, რომელიც გლობალურ გამოწვევებთან არის თანხვედრაში. ჩვენი ვალდებულებაა - ყველა იმ ტერიტორიასთან ერთად, სადაც ვსაქმიანობთ, შევიტანოთ წვლილი უფრო მდგრადი მომავლის შექმნაში და დავამტკიცოთ, რომ კლიმატური ქმედებები და წყლის დაცვა კონკურენტუნარიანობის არსებითი ბერკეტებია".თავის მხრივ, CDP-ის აღმასრულებელმა დირექტორმა, შერი მადერამ, განაცხადა: „CDP-ის რეიტინგი წარმოადგენს რეალური ვალდებულების ნიშანს, რომელიც მყარ მონაცემებს ეყრდნობა და კომპანიებს საშუალებას აძლევს მიიღონ გადაწყვეტილებები მდგრად მომავალთან შესაბამისობაში, გააძლიერონ კონკურენტუნარიანობა, კაპიტალზე წვდომა და რეგულაციებთან შესაბამისობა. გარემოსდაცვითი რისკების პრევენციული მართვა ზრდის ეკონომიკურ მდგრადობას და ახალისებს ინოვაციას."აღნიშნული აღიარება ადასტურებს Aqualia-ს მდგრადობისა და კლიმატის ცვლილების სტრატეგიის ინტეგრირებას ორგანიზაციის ყველა დონეზე, რაც შეესაბამება კომპანიის მდგრადობის სტრატეგიული გეგმის (SSP) მიზნებს. კომპანია მტკიცედ ინარჩუნებს ვალდებულებას 2050 წლისთვის კლიმატური ნეიტრალობის მიღწევის მიმართულებით, პარალელურად კი თავისი ბიზნესმოდელის, წრიული ეკონომიკის სტრატეგიისა და წყლის მოხმარების ეფექტიანობის პოლიტიკის მეშვეობით ხელს უწყობს წყლის რესურსების დაცვას.CDP-ის მიერ 2025 წელს შეფასებული კომპანიების სრული სია, ასევე შეფასების მეთოდოლოგია და კრიტერიუმები ხელმისაწვდომია Scores and A Lists - ის გვერდზე.(R)

1768993404

ლატნიკის თქმით, ტრამპის ადმინისტრაცია დავოსში ერთი მთავარი გზავნილით ჩავიდა: ათწლეულების განმავლობაში გატარებული პოლიტიკა, რომელიც ორიენტირებული იყო ოფშორინგსა და იაფი მუშახელის ძიებაზე, ქვეყნის ინდუსტრიული ბაზის დაცარიელებით დასრულდა.ვაჭრობის მდივანმა აღნიშნა, რომ პოლიტიკა „ამერიკა უპირველეს ყოვლისა“ არ არის მხოლოდ აშშ-ის შიდა მოხმარების პროდუქტი. ის სხვა ქვეყნებსაც მოუწოდებს, გადახედონ საკუთარ პრიორიტეტებს: მაგალითად, ეკონომიკური გადაწყვეტილებების მიღებისას მთავარი ფოკუსი ადგილობრივ დასაქმებულებზე უნდა გაკეთდეს.ლატნიკის მტკიცებით, ქვეყანა არ უნდა იყოს დამოკიდებული სხვა სახელმწიფოებზე ისეთ კრიტიკულ სფეროებში, როგორიცაა მედიკამენტები და ნახევარგამტარები.„თუ მაინც გიწევთ ვინმეზე დამოკიდებულება, სჯობს ეს თქვენი საუკეთესო მოკავშირე იყოს“, — დასძინა მან.ევროპის კრიტიკა და ენერგოპოლიტიკალატნიკმა თავის გამოსვლაში განსაკუთრებული ყურადღება დაუთმო ევროპის „მწვანე“ ამბიციებს. მან კითხვის ნიშნის ქვეშ დააყენა ევროკავშირის მიზანი - 2030 წლისთვის მიაღწიოს „ნულოვან ემისიას“ იმ ფონზე, როდესაც კონტინენტზე ბატარეების წარმოება განვითარებული არ არის.„რატომ ისწრაფვის ევროპა ამისკენ, როდესაც ბატარეებს არ აწარმოებს? ასეთი გადაწყვეტილებები ევროპას პირდაპირ ჩინეთზე დამოკიდებულს ხდის", - განაცხადა მან.ლატნიკის თქმით, ეკონომიკური პოლიტიკა მჭიდროდ არის დაკავშირებული ეროვნულ სუვერენიტეტთან და საზღვრების კონტროლთან.მსოფლიო ეკონომიკური ფორუმის 56-ე ყოველწლიური შეხვედრა 23 იანვრამდე გაგრძელდება. მასში 130-ზე მეტი ქვეყნის 3000-მდე ლიდერი მონაწილეობს. საქართველოს ხელისუფლება დავოსის ფორუმზე არც წელს მიუწვევიათ.

1768983877

ამასთან, სომხეთისა და აშშ–ის მთავრობებმა „ტრამპის გზის“ რეალიზაციის ჩარჩო შეათანხმეს, რომლის მშენებლობაც 2026–ის მეორე ნახევარში დაიწყება.სომხეთში ამბობენ, რომ ახალი ომის რისკი მაინც მაღალია. თუმცა ექსპერტები იმასაც ამბობენ, რომ ერევანი და ბაქო ცდილობენ ყველა დაარწმუნონ მოლაპარაკებების პროგრესში, მაგრამ ეს პროგრესი ჯერ არ დამდგარა.ივნისის საპარლამენტო არჩევნების წინ სომხეთის პრემიერ ნიკოლ ფაშინიანს სურს თავი მშვიდობისმყოფელად წარმოაჩინოს, რომელიც დიპლომატიურ ურთიერთობებს დაამყარებს აზერბაიჯანთან და თურქეთთან და გახსნის სატრანსპორტო კომუნიკაციებს.

1768983183

„აზერბაიჯანი როგორც ყოველთვის მზად არის აქტიური წვლილი შეიტანოს საერთაშორისო თანამშრომლობაში, მშვიდობისა და სტაბილურობის განმტკიცებაში“, - ვკითხულობთ აზერბაიჯანის საგარეო საქმეთა სამინისტროს განცხადებაში.„მშვიდობის საბჭოს“ უკვე შეუერთდა სომხეთიც.სომხეთის პრემიერ-მინისტრის ნიკოლ ფაშინიანის პრესსპიკერმა ნაზელი ბაღდასარიანმა სამშაბათს განაცხადა, რომ ფაშინიანი დაეთანხმა აშშ-ის პრეზიდენტის, დონალდ ტრამპის მიწვევას.„პრემიერ-მინისტრი ფაშინიანი სიამოვნებითა და პასუხისმგებლობის გრძნობით დათანხმდა ამ შეთავაზებას და მშვიდობის ხელშეწყობის მიზნით სომხეთის ერთგულება კიდევ ერთხელ დაადასტურა“, - განაცხადა ბაღდასარიანმა.აზერბაიჯანი და სომხეთი მთიანი ყარაბაღის რეგიონის გამო თითქმის ოთხი ათწლეულის განმავლობაში იმყოფებოდნენ საომარ მდგომარეობაში. კონფლიქტის მოგვარების პროცესში გარდამტეხი მომენტი გასული წლის აგვისტოში დადგა, როდესაც მხარეებმა თეთრ სახლში, დონალდ ტრამპთან შეხვედრის შემდეგ, აშშ-ის შუამავლობით სამშვიდობო შეთანხმებას მოაწერეს ხელი. აშშ-ის პრეზიდენტმა დონალდ ტრამპმა „მშვიდობის საბჭოს“ შემადგენლობა გასულ კვირას დაასახელა. საბჭო წარმოადგენს ინიციატივას, რომელიც მიზნად ისახავს გლობალური კონფლიქტების, მათ შორის ისრაელი-ღაზას კონფლიქტის მოგვარებას. თეთრი სახლის განცხადებით, „მშვიდობის საბჭო“, რომელსაც აშშ-ის პრეზიდენტი უხელმძღვანელებს, ღაზას დროებით მმართველობას ზედამხედველობას გაუწევს და სექტორის რეკონსტრუქციის შემდგომ ეტაპს წარმართავს.

1768981408

მიმდინარე კვირას სირიის მთავრობამ ქვეყნის ჩრდილო-აღმოსავლეთში მნიშვნელოვანი ტერიტორიები დაიკავა და ქურთების მიერ მართულ „სირიის დემოკრატიულ ძალებს“ (SDF) ოთხდღიანი ვადა მისცა ცენტრალურ ხელისუფლებასთან ინტეგრაციის შესახებ შეთანხმების მისაღწევად. ვაშინგტონში აცხადებენ, რომ სირიის ახალი მთავრობის ჩამოყალიბების შემდეგ, SDF-თან პარტნიორობის ხასიათი შეიცვალა.Reuters წერს, რომ ერდოღანმა და ტრამპმა ასევე განიხილეს „ისლამურ სახელმწიფოსთან“ (ISIS) ბრძოლა და სირიის ციხეებში მყოფი დაჯგუფების წევრების ბედი. ანკარა SDF-ს ტერორისტულ ორგანიზაციად და „ქურთისტანის მუშათა პარტიის“ (PKK) ფრთად მიიჩნევს. თურქეთი მოუწოდებს ამ დაჯგუფებებს განიარაღებისა და სირიის სახელმწიფო სტრუქტურებში სრული ინტეგრაციისკენ.„პრეზიდენტმა ერდოღანმა განაცხადა, რომ თურქეთი სირიაში განვითარებულ მოვლენებს ყურადღებით აკვირდება და აღნიშნა, რომ სირიის ერთიანობა და ტერიტორიული მთლიანობა თურქეთისთვის მნიშვნელოვანია“, - ნათქვამია თურქეთის პრეზიდენტის ადმინისტრაციის მიერ გავრცელებულ განცხადებაში.ასევე, აშშ-ის პრეზიდენტმა დონალდ ტრამპმა აღნიშნა, რომ ერდოღანთან „ძალიან კარგი სატელეფონო საუბარი“ ჰქონდა.გასული წლის ოქტომბერში ღაზაში ტრამპის გეგმით გათვალისწინებული ზავი ამოქმედდა, რომელსაც ისრაელმა და „ჰამასმაც“ მოაწერეს ხელი. ზავის დაწყების შემდეგ დაიღუპა 460-ზე მეტი პალესტინელი (მათ შორის 100-ზე მეტი ბავშვი) და 3 ისრაელელი სამხედრო. უფლებადამცველთა ნაწილი მიიჩნევს, რომ ტრამპის მიერ უცხო ტერიტორიის მართვის საბჭოს თავმჯდომარეობა „კოლონიურ სტრუქტურას“ ჰგავს. თეთრი სახლის ინფორმაციით, საბჭოს წევრებს შორის არიან: მარკო რუბიო, ტონი ბლერი და ჯარედ კუშნერი. მიუხედავად იმისა, რომ თურქეთი ისრაელის ქმედებებს ღაზაში გენოციდად აფასებს, ანკარა მაინც განიხილავს საბჭოში გაწევრიანებას, რასაც ისრაელი კატეგორიულად ეწინააღმდეგება.

1768975920

უწყების ცნობით, გაიმართება შეხვედრები მწარმოებლებთან, საცალო ვაჭრობის ქსელებისა და სადისტრიბუციო კომპანიების წარმომადგენლებთან.„სამთავრობო კომისია შესაბამის საპარლამენტო კომისიასთან კოორდინაციით იმუშავებს და მუშაობას სავარაუდოდ აპრილის ბოლომდე დაასრულებს.კომისიის მუშაობის პროცესში საზოგადოებას მიეწოდება დეტალური ინფორმაცია, რა არის პროდუქციის რეალური ღირებულება, რას მოიცავს ფასები და სად არის არალოგიკური ფასნამატები. კომისიის წევრები იმედოვნებენ, რომ ფასების შემცირება სამუშაო პროცესის მიმდინარეობისას უკვე დაიწყება“, – ნათქვამია ინფორმაციაში.საკოორდინაციო კომისიის წევრები არიან: ეკონომიკის, გარემოს დაცვის, ჯანდაცვისა და ფინანსთა მინისტრები, ასევე სახელმწიფო უსაფრთხოების სამსახურის უფროსი მამუკა მდინარაძე, მთავრობის ადმინისტრაციის უფროსი ლევან ჟორჟოლიანი და კონკურენციისა და მომხმარებლის დაცვის სააგენტოს თავმჯდომარე ირაკლი ლექვინაძე. ირაკლი კობახიძემ 2025 წლის 24 დეკემბერს სოციალურ ქსელში ვიდეომიმართვა გაავრცელა, სადაც ის სამომხმარებლო ფასებთან დაკავშირებით საუბრობს და აცხადებს, რომ საქართველოში ფასები იმაზე მაღალია, ვიდრე ევროპის ქვეყნებში.კობახიძე ამბობს, რომ ფასებს შორის სხვაობას განაპირობებს სადისტრიბუციო კომპანიებისა და მარკეტების მაღალი ფასნამატი, „რომელიც საქართველოს საზღვრიდან დახლამდე საშუალოდ 86%-ს შეადგენს“.კობახიძის თქმით, „პროდუქტზე ფასნამატი და მიმწოდებლისთვის დაკისრებული ფინანსური ტვირთი იმდენად დიდია, რომ ქართველი მწარმოებლებისთვის ხშირად უფრო მოგებიანია, საკუთარი პროდუქცია არა ქართულ მარკეტებში გაყიდონ, არამედ საზღვარგარეთ ექსპორტზე გაიტანონ“.24 დეკემბერს კობახიძემ ამბობდა, რომ „ჩნდება ეჭვი, რომ ბაზრის მოთამაშეები კარტელური პრინციპით მოქმედებდნენ“ და სამართალდამცავ უწყებებს საკითხის სიღრმისეული შესწავლისკენ მოუწოდა.

1768916010

კერძოდ, Lion Finance Group-ის (BGEO LN) აქციები დაიხურა 96.40 ბრიტანულ ფუნტ სტერლინგში (GBP), +4.90% წინა კვირასთან შედარებით და +4.67% გასულ თვესთან შედარებით. ვაჭრობის მოცულობამ 266 ათას აქციაზე მეტი შეადგინა, GBP 90.75 - 96.95 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 53 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 39.90 ბრიტანულ ფუნტ სტერლინგში (GBP), +1.92% წინა კვირასთან შედარებით და -1.85% გასულ თვესთან შედარებით. ვაჭრობის მოცულობამ 357 ათას აქციაზე მეტი შეადგინა, GBP 38.05 - 39.90 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 51 ათასი აქცია შეადგინა.Georgia Capital-ის (CGEO LN) აქციები დაიხურა 33.35 ბრიტანულ ფუნტ სტერლინგში (GBP), +7.06% წინა კვირასთან შედარებით და +11.17% გასულ თვესთან შედარებით. ვაჭრობის მოცულობამ 302 ათას აქციაზე მეტი შეადგინა, GBP 31.00 - 33.65 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 56 ათასი აქცია შეადგინა.

1768910198