1727352037
თბილისი (GBC) – საუდის არაბეთმა თავის მიზანზე – $100 ბარელი ნავთობი – უარი თქვა, ბაზარზე თავისი წილის დაბრუნების სასარგებლოდ. სამეფო ნავთობმოპოვების გაზრდას დეკემბრიდან გეგმავს და უკვე შეეგუა „შავ ოქროზე“ დაწეულ ფასებს.
ინფორმაციის გამოქვეყნების მომენტისთვის, საუდის არაბეთიდან გავრცელებულმა ამ საგანგებო ცნობამ, ელვისებურად დააგდო ამ წიაღისეულის ფასები. Brent-ის მარკის ნავთობი ამ დროისთვის 2,72%–ს კარგავს და ბარელი $70,94 ღირს. ამერიკული WTI თითქმის 3%–ით არის დავარდნილი – $67,61–მდე ბარელზე.
სიახლეები ამავე კატეგორიიდან
მემორანდუმს ხელი მოაწერეს საქართველოს ეროვნული ბანკის პრეზიდენტის მოვალეობის შემსრულებელმა, ნათია თურნავამ და სოხუმის სახელმწიფო უნივერსიტეტის რექტორმა, ზურაბ ხონელიძემ.შეთანხმება მიზნად ისახავს ეროვნულ ბანკსა და სოხუმის სახელმწიფო უნივერსიტეტს შორის ერთობლივი საგანმანათლებლო პროგრამების შემუშავებას, ღონისძიებებისა და პროექტების განხორციელებას. ასევე, საერთაშორისო კონფერენციებისა და სიმპოზიუმების მოწყობას, კვლევითი საქმიანობის მხარდაჭერას. მემორანდუმის მიხედვით, სოხუმის სახელმწიფო უნივერსიტეტის წარმატებულ სტუდენტებს ეროვნულ ბანკში პრაქტიკისა და სტაჟირების გავლის შესაძლებლობა ექნებათ.„საქართველოში არაერთი საგანმანათლებლო დაწესებულებაა. თუმცა, მათ შორის, თავისი ისტორიით გამორჩეულია სოხუმის სახელმწიფო უნივერსიტეტი. სიმბოლურია, რომ სწორედ სოხუმის დაცემის წინა დღეს ვაფორმებთ მათთან თანამშრომლობის მემორანდუმს. ფინანსური განათლება ეროვნული ბანკის ერთ-ერთი პრიორიტეტია და ამ მიმართულებით, სხვადასხვა აქტივობას ვახორციელებთ. სწორედ განათლებაა ის მყარი საფუძველი, რომელიც ჩვენი ახალგაზრდა თაობის წარმატებას უზრუნველყოფს. აღსანიშნავია ისიც, რომ აფხაზეთის თემატიკას სები, თავისი მანდატის ფარგლებში ყოველთვის ეხმაურებოდა", - აღნიშნა ნათია თურნავამ.მისივე თქმით, ამის საუკეთესო ილუსტრაციად გამოდგება, 200 - ლარიანი ბანკნოტის უკანა მხარეს გამოსახული ქალაქ სოხუმის ხედი. ბანკნოტის ვიზუალური ელემენტები სწორედ საქართველოს დამოუკიდებლობისა და ტერიტორიული მთლიანობის იდეას გამოხატავს.გარდა ამისა, 2009 წელს ეროვნულმა ბანკმა ილორის წმინდა გიორგის ეკლესიისადმი მიძღვნილი საკოლექციო მონეტაც გამოუშვა. სულ მალე სებ-ში აფხაზეთის ოთახი მოეწყობა, რომელიც კიდევ ერთხელ შეგვახსენებს, რომ აფხაზეთი საქართველოს განუყოფელი ნაწილია.როგორც სოხუმის სახელმწიფო უნივერსიტეტის რექტორმა, ზურაბ ხონელიძემ განაცხადა, დაგეგმილი მასშტაბური პროექტების განხორციელების შედეგად, სულ მალე უნივერსიტეტი სამხრეთ კავკასიაში სამშვიდობო განათლების ჰაბი გახდება. „დარწმუნებული ვარ, ამ სასიკეთო და საქვეყნო ინიციატივებში ერთად იქნებიან სოხუმის სახელმწიფო უნივერსიტეტი და საქართველოს ეროვნული ბანკი. ჩვენთვის დიდი პატივია და საამაყოა, რომ ისეთ მნიშვნელოვან სახელმწიფო ინსტიტუციაში, როგორიც საქართველოს ეროვნული ბანკია, უახლოეს პერიოდში დაგეგმილია აფხაზეთის ოთახის გახსნა, რაც მიმანიშნებელია ჩვენი ერთიანობისა და იმ ტკივილის, რომლის ოკუპაციიდან ხვალ 31 წელი სრულდება“, - აღნიშნა ზურაბ ხონელიძემ.
1727373226
პროექტში ჯორჯიან უოთერ ენდ ფაუერი 20 მლნ ლარის ინვესტიციას ახორციელებს. სარეაბილიტაციო სამუშაოები მიმდინარე წლის ბოლოს დასრულდება. გახოკიძის ქუჩის რეაბილიტაციის ფარგლებში სრულად განახლდება 12 კმ-მდე სიგრძის წყალსადენისა და 5 კმ-ზე მეტი სიგრძის წყალარინების მაგისტრალური ქსელები. დამონტაჟდება ახალი ჩამკეტ-მარეგულირებელი ურდულები, მოეწყობა საკვანძი ჭები და სახანძრო ჰიდრანტები."გახოკიძის ქუჩის რეაბილიტაცია გეგმის მიხედვით, დათქმულ ვადებში მიმდინარეობს. ჯივიპი მართლაც უპრეცედენტო მოცულობის სამუშაოებს ახორციელებს. წყალმომარაგების ქსელის რეაბილიტაციის დასრულების შემდეგ საგზაო ინფრასტრუქტურის მოწესრიგება მოხდება და შედეგად ქალაქს კიდევ ერთი კეთილმოწყობილი ქუჩა შეემატება." - რევაზ სოხაძე, სამგორის რაიონის მაჟორიტარი დეპუტატი.მიმდინარე ეტაპზე გახოკიძის ქუჩაზე უკვე განახლდა 2 კილომეტრზე მეტი სიგრძის წყალმომარაგებისა და 700 მეტრი სიგრძის წყალარინების მაგისტრალური და გამანაწილებელი ქსელები, დამონტაჟდა 60 ერთეული ჩამკეტ-მარეგულირებელი ურდული და მოეწყო 7 ერთეული სახანძრო ჰიდრანტი."Aqualia-ს 10 წლიანი სამოქმედო გეგმის ერთ-ერთი მიზანი კრიტიკულ მდგომარეობაში მყოფი ქსელების იდენტიფიცირება და პრიორიტეტიზაციაა. სწორედ ამ გეგმის ფარგლებში განისაზღვრა და დაიგეგმა გახოკიძის ქუჩის წყალსადენისა და წყალარინების მოძველებული ქსელების სრული განახლება. აღნიშნულ ქუჩაზე მდებარე წყალმომარაგების ქსელების კრიტიკული მდგომარეობა იწვევდა ისნის, სამგორისა და კრწანისის რაონების 128 000 აბონენტისთვის წყალმომარაგების ხშირ შეზღუდვას. გახოკიძის ქუჩაზე მდებარე სათავე ნაგებობიდან გამომავალი 7 მაგისტრალური წყალდენის რეაბილიტაციის შედეგად თბილისის მოსახლეობის 20%-ზე მეტს გაუუმჯობესდება წყალმომარაგება. "- გიგა ნადირაძე, ჯივიპის აქტივების მართვის დირექტორი.
1727372744
მათივე ცნობით, ცენტრალურმა საარჩევნო კომისიამ კანონის შესაბამისად საგარეო საქმეთა სამინისტროდან მიღებული ოფიციალური მონაცემების საფუძველზე, პარლამენტის არჩევნებისათვის საარჩევნო უბნები 42 ქვეყანაში შექმნა.„მიუხედავად იმისა, რომ ზოგიერთი ჩართული მხარე აქტიურად ცდილობდა საზღვარგარეთ საარჩევნო უბნების გახსნის საკითხის სამართლებრივიდან პოლიტიკურ ჭრილში გადაყვანას და საზოგადოების შეცდომაში შეყვანას, ცენტრალურმა საარჩევნო კომისიამ კანონის შესაბამისად საგარეო საქმეთა სამინისტროდან მიღებული ოფიციალური მონაცემების საფუძველზე, პარლამენტის არჩევნებისათვის საარჩევნო უბნები 42 ქვეყანაში შექმნა.აღსანიშნავია, რომ 26 ოქტომბრის პარლამენტის არჩევნებისთვის საზღვარგარეთ იხსნება იმაზე მეტი უბანი, ვიდრე იყო 2020 წლის საპარლამენტო არჩევნებზე. მათ შორის საარჩევნო უბნები იხსნება ისეთ ქვეყნებშიც, სადაც არ იყო წინა საპარლამენტო არჩევნებზე, ან ზოგადად არცერთ წინა არჩევნებზე. ეს ქვეყნებია: არაბთა გაერთიანებული საამიროები, ფინეთის რესპუბლიკა, კორეის რესპუბლიკა, იაპონია, ავსტრალიის თანამეგობრობა.აქვე მინდა საზოგადოებას შევახსენო, რომ კანონმდებლობის თანახმად, საზღვარგარეთ საარჩევნო უბანი იქმნება საკონსულო აღრიცხვაზე მყოფი არანაკლებ 50 და არაუმეტეს 3 000 ამომრჩევლისთვის. სხვა რეგულაციებს საქართველოს საარჩევნო კანონმდებლობა საზღვარგარეთ მყოფი საქართველოს მოქალაქეების არჩევნებში მონაწილეობასთან დაკავშირებით არ ითვალისწინებს. მათ შორის არც საზღვარგარეთ მყოფი საქართველოს მოქალაქეების მიერ საარჩევნო ადმინისტრაციაში გამოგზავნილი წერილის საფუძველზე საარჩევნო უბნის გახსნას. აქედან გამომდინარე საარჩევნო ადმინისტრაციისთვის კატეგორიულად მიუღებელია დაინტერესებული პირების მხრიდან აღნიშნული თემით მანიპულირება და საზოგადოებაში არასწორი აღქმების ჩამოყალიბების მცდელობა.საარჩევნო ადმინისტრაციისთვის საზღვარგარეთ მყოფი საქართველოს მოქალაქეების არჩევნებში მონაწილეობა და თანაბარი სერვისების მიწოდება ერთ-ერთ პრიორიტეტს წარმოადგენს. ჩვენთვის მნიშვნელოვანია საზღვარგარეთ მყოფი საქართველოს მოქალაქეების სწორი ინფორმირება. სწორედ ამიტომ, კიდევ ერთხელ გვინდა შევახსენოთ მათ ის საკანონმდებლო რეგულაციები, რომელიც საზღვარგარეთ არჩევნებში მონაწილეობას შეეხება.არჩევნებში მონაწილეობის მისაღებად საზღვარგარეთ მყოფი საქართველოს მოქალაქე უნდა იმყოფებოდეს საქართველოს საკონსულო აღრიცხვაზე ან უნდა იყოს რეგისტრირებული საზღვარგარეთ საქართველოს მოქმედი კანონმდებლობის შესაბამისად. იმ შემთხვევაში, თუ საზღვარგარეთ მყოფი საქართველოს მოქალაქე არ იმყოფება საკონსულო აღრიცხვაზე და არ აქვს რეგისტრაცია საზღვარგარეთ, მას აქვს შესაძლებლობა საზღვარგარეთ საარჩევნო უბნების შექმნის დღიდან 7 ოქტომბრის ჩათვლით, საარჩევნო მიზნებისთვის გაიაროს რეგისტრაცია საქართველოს დიპლომატიურ წარმომადგენლობაში, ან საკონსულო დაწესებულებაში, ან შესაბამის სახელმწიფოში შექმნილ საუბნო საარჩევნო კომისიაში.ხაზგასმით გვინდა აღვნიშნოთ, რომ მხოლოდ ზემოთ აღნიშნული პროცედურის გავლის შემდეგ ექნებათ შესაძლებლობა საზღვარგარეთ მყოფ საქართველოს მოქალაქეებს მიიღონ მონაწილეობა 2024 წლის 26 ოქტომბერს საქართველოს პარლამენტის არჩევნებში.დეტალური ინფორმაცია საზღვარგარეთ გახსნილი საარჩევნო უბნების და მათი მისამართების შესახებ განთავსებულია ცესკოს ვებგვერდზე.მოვუწოდებთ ამომრჩევლებს, დროულად გაიარონ შესაბამისი პროცედურები. არჩევნებში ჩართულ მხარეებს კი კიდევ ერთხელ მოვუწოდებთ, პოლიტიკური ინტერესებიდან გამომდინარე ნუ შეიყვანენ ამომრჩევლებს შეცდომაში და ხელი შეუწყონ ჯანსაღ საარჩევნო გარემოს. არჩევნები საერთო საქმეა და საარჩევნო პროცესის კანონის შესაბამისად წარმართვა საარჩევნო ადმინისტრაციასთან ერთად, ყველა ჩართული მხარის ვალია“, - აღნიშნულია ინფორმაციაში.
1727364005
ცნობილია სიის პირველი 22 დეპუტატობის კანდიდატი, ესენი არიან: თინა ბოკუჩავა; გიორგი ვაშაძე; სოფო ჯაფარიძე; კობა ნაყოფია; გია ჯაფარიძე; პეტრე ცისკარიშვილი; გიგი წერეთელი; ირაკლი ხვადაგიანი; თამარ კორძაია; ირაკლი ფავლენიშვილი; კახაბერ ოქრიაშვილი; რამაზ ნიკოლეიშვილი; ეკა ხერხეულიძე; ლევან ხაბეიშვილი; ლაშა ბაქრაძე; ანა წითლიძე; ლევან ანთაძე; პაატა მანჯგალაძე; ლელა ჯეჯელავა; გუბაზ სანიკიძე; დიმიტრი ჩიქოვანი; გიორგი ჩალაძე. „ნაციონალურმა მოძრაობამ“, რომელიც 2012 წელს ხელისუფლების დაკარგვის შემდეგ ყველაზე მსხვილი ოპოზიციური პარტიის სტატუსს არ კარგავს, ჯერ კიდევ შარშან ჩამოაყალიბა საერთო პლატფორმა „სტრატეგია აღმაშენებელთან“ ერთად.„სტრატეგია აღმაშენებელი“ 2016 წლის არჩევნებამდე ცოტა ხნით ადრე „ნაციონალური მოძრაობიდან“ წამოსული გიორგი ვაშაძის პარტიაა, რომელმაც 2020 წლის საპარლამენტო არჩევნებზე ხმების 3,15% და ოთხი საპარლამენტო მანდატი მოიპოვა.მიმდინარე წლის ივლისში ამ ორი პარტიის ბაზაზე დაფუძნდა პლატფორმა „ერთიანობა“, რომელსაც რამდენიმე უპარტიო პოლიტიკოსი და საზოგადოებისთვის ცნობილი სახე შეუერთდა, მათ შორის: არმაზ ახვლედიანი,თამარ კორძაია, ისტორიკოსი ლაშა ბაქრაძე და დიპლომატი გია ჯაფარიძე.2024 წლის 17 აგვისტოს ცნობილი გახდა, რომ „ერთიანობას“ შეუერთდა „ევროპული საქართველო“, რომელიც 2017 წელს სწორედ „ნაციონალურ მოძრაობას“ გამოეყო. აღსანიშნავია, რომ ამ გადაწყვეტილებამდე ცოტა ხნით ადრე, „ევროპული საქართველო“ დატოვეს ლიდერებმა, გიგა ბოკერიამ და თამარ ჩერგოლეიშვილმა და ახალი პარტია, „ფედერალისტები“ დააარსეს.„ევროპულ საქართველოს“ ახლა გიგი წერეთელი და აკაკი ბობოხიძე ხელმძღვანელობენ.„ნაციონალური მოძრაობის“ დამფუძნებელმა მიხეილ სააკაშვილმა პარტია „ახალს“ მიმდინარე წლის 19 სექტემბერს მიმართა და მომავალი საპარლამენტო არჩევნებისთვის "ნაციონალურ მოძრაობასთან" გაერთიანება მოუწოდა.„თავიდან ჩემი ინიციატივა იყო, ყველა გავერთიანებულიყავით. ნუ, რადგან ეს არ გამოდის, მე კიდევ ერთხელ ვუბრუნდები ინიციატივას „ახლების“ მიმართ, რომ ჩვენ მაინც გავერთიანდეთ... „ნაციონალური მოძრაობა“ ამ არჩევნებში ყველა ვარიანტში პირველ ადგილზე გავა, ეჭვი არ მეპარება“, - თქვა მაშინ მიხეილ სააკაშვილმა სასამართლო სხდომაზე კლინიკა "ვივამედიდან" ჩართვისას, რომელიც „7 ნოემბრის საქმეს“ ეხებოდა, თუმცა "ახალი" “ერთიანობა - ნაციონალური მოძრაობის“ კოალიციაში არ შესულა. ცნობისთვის, პარტია "ახალი" ნიკა გვარამიამ 2024 წლის მარტში დააფუძნა, რომელიც ახლა კოალიციაშია „კოალიცია ცვლილებისთვის“. სადაც "ახალთან" ერთად გაერთიანებულნი არიან: „გირჩი - მეტი თავისუფლება“, „დროა“, და „რესპუბლიკური პარტია“.შეგახსენებთ, რომ საქართველოში საპარლამენტო არჩევნები 26 ოქტომბერს გაიმართება.დეპუტატებს მხოლოდ პროპორციული სისტემით აირჩევენ. პარლამენტის წევრთა მანდატები განაწილდება იმ პოლიტიკურ პარტიებზე, რომლებიც 5%-იან ბარიერს გადალახავენ.
1727360684
საგულისხმოა, რომ აღნიშნული მაჩვენებელი გაუმჯობესებულია პირველ კვარტალში დაფიქსირებულ მაჩვენებელთან შედარებით.საქართველოს ბიზნეს ასოციაციის მკვლევრები აღნიშნავენ, რომ სექტორებს შორის, ყველაზე ოპტიმისტური მოლოდინი 2024 წელს ინვესტიციების განხორციელებასთან დაკავშირებით ვაჭრობის სექტორში ფიქსირდება, კერძოდ, კომპანიათა 63% გეგმავს ჯამური ინვესტიციების ზრდას. მომსახურებისა და მრეწველობის სექტორებში მსგავსი მოლოდინი გამოკითხულ კომპანიათა 58%-ს აქვს, ხოლო მშენებლობის სექტორში 57%-ს.საქართველოს ბიზნეს ასოციაციის მკვლევრების მიერ აღინიშნა, რომ მიმდინარე კვარტალში გამოკითხული კომპანიების 58% ვარაუდობს ინვესტიციებს აღჭურვილობების მიმართულებით გაზრდის. 59%-ს მსგავსი მოლოდინი პროგრამული უზრუნველყოფისა და მონაცემთა ბაზების მიმართულებით აქვს, ხოლო 54% გეგმავს ინვესტიციის განხორციელებას შენობა-ნაგებობებში.საერთო ჯამში, 2024 წელს ინვესტიციების გაზრდას ან უცვლელ დონეზე შენარჩუნებას ჯამურად, ბიზნესის 93% აფიქსირებს.შეგახსენებთ, რომ ინვესტიციების კვლევა BAG ინდექსის ფარგლებში წელიწადში ორჯერ ტარდება და საქართველოს ბიზნეს ასოციაციის წევრებისა და მათ ჯგუფში შემავალი კომპანიების საინვესტიციო საქმიანობას მიმოიხილავს. მიმდინარე კვლევა აჯამებს 2023 წელს განხორციელებულ ინვესტიციებს და მიმოიხილავს საინვესტიციო გეგმებს 2024 წლისთვის.BAG ინდექსს საქართველოს ბიზნეს ასოციაცია და PMC კვლევითი ცენტრი ifo ეკონომიკური კვლევების ინსტიტუტის მეთოდოლოგიაზე დაყრდნობით აწარმოებს.კვლევის ანგარიში შეგიძლიათ იხილოთ ბმულზე.
1727356179
რეგისტრატორს რეგულატორმა 2 დარღვევას აღმოუჩინა, მოთხოვნილი დოკუმენტაციის არასწორად წარდგენის 2 შემთხვევაში.AML კანონმდებლობით გაწერილი სანქციებით, აღნიშნული კატეგორიის თითო შემთხვევაზე დამრღვევს 2 000 ლარიანი ჯარიმა ეკისრება, შესაბამისად გამოვიდა ₾4 000.რეგისტრატორმა მაღალი რისკის მატარებელ ერთი კლიენტთან მიმართებით, მოთხოვნები არ შეასრულა. კერძოდ საქმიანი ურთიერთობის გაგრძელებაზე ნებართვის უქონლობის გამო.შესაბამისად „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონმდებლობის დარღვევისთვის ასევე 2 000 ლარი დაეკისრა.ფასიანი ქაღალდების რეგისტრატორის 3 კლიენტთან მიმართებით გაუთვალისწინებელია რისკფაქტორები და ამ ნაწილში დაჯარიმდა 6 000 ლარით.2 კლიენტთან მიმართებით დაუდგენელია საქმიანი ურთიერთობის არსი და ჯარიმა განისაზღვრა 4 000 ლარით.10 000 ლარია გამოწერილი პროგრამული უზრუნველყოფის ელექტრონული სისტემის ხარვეზებით მუშაობისთვის.სისტემა საჭიროა პირის სრულყოფილად იდენტიფიცირებისთვის, ქონების და ფულადი სახსრების წარმომავლობის მოკვლევისთვის, მ.შ. კონვერტირებადი ვირტუალური აქტივის (21-ე მუხლის აღნიშნული ნაწილი ამოქმედდა 2023 წლიდან) ფლობის ნაწილში.ეროვნული ბანკი, თავის უფლებამოსილების ფარგლებში, ადგილზე ინსპექტირების გზით, რეგულარულად ამოწმებს საფინანსო სექტორის სუბიექტებს. შემდეგ ფინანსური ინსტიტუტისთვის განისაზღვრება შესაბამისი რეკომენდაციები. სანქცირებით სები აუმჯობესებს შიდა კონტროლის მექანიზმებს.„საქართველოს ფასიანი ქაღალდების გაერთიანებული რეგისტრატორი“ წინათაც იყო დაჯარიმებული,
1727354640
უსახელოური ქართული აბორიგენული წითელყურძნიანი საღვინე ვაზის ჯიშია, რომლისგან დაყენებული ღვინოც ქართულ ბაზარზე ერთ-ერთი ყველაზე მაღალ საფასო სეგმენტში ხვდება. რთველის სეზონის მიმდინარეობის დროს სოციალურ ქსელებში აქტიური განხილვის საგანია საღვინე ვაზის ჯიშების ფასები.კახეთში რქაწითლის ფასი 1.20 ლარის ფარგლებში მერყეობს, საფერავი კი როგორც ყოველთვის მასზე 10-40 თეთრით მეტი ღირს და 1.30-დან, 1.50-მდე მერყეობს.1 კგ გურული ვაზის ჯიშის, საკმიელას ფასი კი 8 ლარამდე მერყეობს.ღვინის ეროვნული სააგენტოს მონაცემებით, კახეთში ყურძნის საპროგნოზო მოსავალი რეკორდულ 300 ათას ტონას შეადგენს, მევენახეებს კი ვენახის დაბინავება და რეალიზაცია უჭირთ, რადგან პრობლემას წარმოადგენს გაძვირებული მუშახელი. ერთ-ერთი კახელი მევენახე, რომელიც წინანდლის ადგილწარმოშობის ზონაში ფლობს საფერავის, ქისის, ხიხვის, კაბერნე სოვინიონის, კაბერნე ფრანის და მალბეკის ჯიშის ვენახებს, GBC-სთან ინტერვიუში აღნიშნავს, რომ 2024 წელს უხვი მოსავალი მიიღო, მაგრამ ბაზარზე ყურძენზე მოთხოვნა შემცირდა. მევენახის თქმით, პრობლემას წარმოადგენს მუშახელის გაძვირება და კვალიფიკაციური მუშახელის დეფიციტი. ამასთან, ყურძენი გაიაფდა, მისი მოვლა კი პირიქით, გაძვირდა. გაძვირდა ღვინოც. მევენახის თქმით, ადრე თუ ღვინის ყიდვა შეგეძლო 4-5 ლარად, ახლა მაგ ფასად კახეთში ღვინოს ვეღარსად იყიდი.მევენახე GBC-სთან საუბარში განმარტავს იმასაც, რომ ადრე თუ ის საქართველოში ერთ-ერთ ყველაზე მსხვილ ექსპორტიორ კომპანია "ბადაგონში" აბარებდა ყურძენს, ახლა არ იცის სად ჩააბაროს იმიტომ, რომ როგორც "ბადაგონის" წარმომადგენელმა განუცხადა, თავად კომპანიამ საკუთრებაში არსებულ ვენახებში იმდენი მოსავალი მოიწია, რომ შესაძლოა წელს ყურძენი მევენახეებისგან საერთოდ აღარ ჩაიბარონ.გარემოს დაცვისა და სოფლის მეურნეობის მინისტრის ოთარ შამუგიას განცხადებით, რაჭაში რთველი უკვე აქტიურად მიმდინარეობს და დაახლოებით 2000 ტონამდე მოსავალს პროგნოზირებენ. მისი თქმით, მიმდინარე წლის 26 სექტემბრის მდგომარეობით 500 ტონამდე ყურძენი უკვე გადამუშავებულია. "მნიშვნელოვანია, რომ ხარისხიანი მოსავალი გვაქვს. რა თქმა უნდა, შტაბი აქტიურად არის ჩართული პროცესში. ჩვენ წელსაც ვაგრძელებთ ალექსანდროულის და მუჯურეთულის ჯიშის ყურძნის სუბსიდირებას, რათა მევენახეებმა შეძლონ დროულად ჩააბარონ, დააბინაონ მათი მოსავალი და გაზრდილი შემოსავალი მიიღონ. აღსანიშნავია, რომ წელს პირველად ყურძნის მინიმალური ფასი 8 ლარია. სწორედ ამ ფასში შეუძლიათ მევენახეებს ყურძნის ჩაბარება და აქედან 4 ლარი სახელმწიფო სუბსიდიაა“, - განაცხადა ოთარ შამუგიამ.ამასთან ერთად, საფერავის ჭარბი მოსავლის პირობებში მისი დროული დაბინავებისა და ხარისხის შენარჩუნების მიზნით, საქართველოს მთავრობის გადაწყვეტილებით, 13 სექტემბრიდან, შპს „მოსავლის მართვის კომპანია“ მევენახე ფერმერებისგან 1 კგ საფერავის ჯიშის ყურძენს 1.50 ლარად იბარებს, ხოლო მევენახეებს, რომლებსაც 13 სექტემბრამდე 1.50-ზე ნაკლებ ფასად აქვთ ჩაბარებული საფერავის ჯიშის ყურძენი, საქართველოს მთავრობა დაუკომპენსირებს სხვაობას 1.50-სა და მიღებულ საფასურს შორის.
1727352992
ივნისში სებმა $42 მილიონი მიაწოდა ბაზარს*, ივლისში წმინდა შესყიდვები $1.9 მილიონს, აგვისტოში კი $41 მილიონს შეადგენდა.სალდო დადებითია. წლის დასაწყისიდან Bmatch პლატფორმაზე და აუქციონებზე უფრო მეტია შესყიდული, ვიდრე გაყიდული.ბლუმბერგის ეს მოედანი 03/2020-დან გაეშვა. 01/2021-დან ბანკებს და მისოებს ნელ-ნელა მსხვილი ნავთობიმპორტიორი და მობილური ოპერატორი შეუერთდა.$/₾ (ჯერ მოედანს სხვა წყვილები არ აქვს) კონვერტაციის შეთავაზება კომერციული ბანკის გავლითაც შესაძლებელია.BMatch-ის ხიბლი, ერთდროულად ბევრ მხარესთან , მათ შორის ყველა ბანკთან, სასურველი კურსით გარიგების შესაძლებლობაა.პლატფორმამ ყიდვა/გაყიდვის კურსებს შორის სხვაობის - სპრედების - მნიშვნელოვნად შევიწროების შესაძლებლობა შექმნა. გარიგებები კარგად ასახავს იმ დროს ბაზარზე არსებულ კონიუნქტურას. ეროვნული ბანკიც ოფიციალურ კურსს BMatch-ზე გარიგებებით ადგენს.Bloomberg-ი დაჯილდოებულია საქართველოში BMatch-ის დანერგვისთვის (Central Banking-ის საფინანსო ბაზრის ინფრასტრუქტურული მომსახურების ნომინაციაში გაიმარჯვა).Bmatch-ზე საასპარეზოდ კომპანია ბლუმბერგის სისტემაში რეგისტრირდება (თვის საფასური $1 970 ) . ის გამჭვირვალობის და ბრუნვის, სისტემის კრიტერიუმებს უნდა აკმაყოფილებდეს.სების წმინდა (შესყიდვები) გაყიდვები Bmatch-ზე (2024-2023) **
1727351040
ბანკი 10 ტრილიონზე მეტი კაპიტალით ქართულ პორტფელსაც ამსხვილებს
1726659480
გახარია: პერსონალურ ეგოებზე უარი უნდა ვთქვათ
1726665720
სილქს ახალი სესხი აქვს - ტაქსის მძღოლისთვის
1726850400
საპარლამენტო არჩევნებზე გახარიას 30%-იანი ამბიცია აქვს
1727280358
აშშ-მ შსს-ს მაღალჩინოსნები დაასანქცირა
1726501080
