ევროკავშირის 8 ქვეყნის ლიდერი რუსეთის ყოფილი სამხედროების შენგენის ზონაში დაშვების აკრძალვას ითხოვს

გამოძიებით დადგინდა, რომ ბრალდებულებმა, საბაჟო გამშვები პუნქტი „ყაზბეგის“ გავლით, სატვირთო ავტომანქანაში სპეციალურად მოწყობილი სამალავის გამოყენებით, საბაჟო კონტროლისგან მალულად გადმოიტანეს 18 000 კილოგრამი უნივერსალური დანამატი „ოქტან+“.ბრალდებულები, საბაჟო წესების დარღვევით, სისტემატურად ახდენდნენ ნივთიერება „ოქტან+“-ის საქართველოში შემოტანას, რომელსაც ავტომობილებისათვის განკუთვნილი საწვავის მისაღებად იყენებდნენ. დანაშაულებრივი ჯგუფის წევრები გარდაბნის მუნიციპალიტეტის სხვადასხვა ლოკაციაზე არსებულ საამქროებში კუსტარულად დამზადებული საწვავის რეალიზაციას თბილისში მდებარე მათსავე კუთვნილ ბენზინგასამართ სადგურებზე ახდენდნენ.საგამოძიებო მოქმედებების შედეგად ამოღებული ნივთიერების ღირებულება 22 000 ლარს აღემატება.გამოძიება მიმდინარეობს საქართველოს სისხლის სამართლის კოდექსის 214-ე მუხლის მე-2 ნაწილითა და მე-5 ნაწილის „დ“ ქვეპუნქტით, ასევე 218-ე მუხლის მე-2 ნაწილის „ბ“ ქვეპუნქტით, რაც სასჯელის სახით ითვალისწინებს თავისუფლების აღკვეთას 8-დან 11 წლამდე ვადით.

1773422238

ხუთშაბათს ჰონკონგის ავი გადამზიდავმა Cathay Pacific-მა გამოაცხადა საწვავის მოსაკრებლის - იმ დანამატის გაზრდის შესახებ, რომელსაც ავიაკომპანიები ბილეთის ღირებულებაში რთავენ. ეს მოსაკრებელი გარკვეულ ქვეყნებში 18 მარტიდან შეძენილი ბილეთებისთვის თითქმის ორმაგდება. მაგალითად, კანადაში ნაყიდი ბილეთებისთვის მოსაკრებელი 101 კანადური დოლარიდან ($73.5 აშშ დოლარი) 202.6 დოლარამდე (148 აშშ დოლარი) გაიზარდა - ეს კი გარდაუვლად იწვევს ბილეთის ფასის ზრდას.BBC-ის ინფორმაციით, ერთი დღით ადრე საწვავის მოსაკრებლის გაზრდაზე განაცხადა Air India-მაც. მოსაკრებელი გაიზრდება ყველა შიდა და საერთაშორისო რეისზე. 18 მარტიდან ევროპის მიმართულებით ფრენებზე მოსაკრებელი 25 დოლარით - 125 დოლარამდე მოიმატებს, ხოლო ჩრდილოეთ ამერიკის ბილეთები 50 დოლარით გაძვირდება და მოსაკრებელი 200 აშშ დოლარს შეადგენს.მანამდე მსგავსი გადაწყვეტილება მიიღეს Air New Zealand-მა და Hong Kong Airlines-მა. Reuters-ის ინფორმაციით, Scandinavian Airlines-მა 10 მარტს განაცხადა, რომ საავიაციო საწვავის გაძვირების გამო ფასების დროებითი კორექტირება აამოქმედა.ირანში ომის დაწყების შემდეგ საავიაციო საწვავის ფასი ბარელზე 85-90 დოლარიდან 150-200 დოლარამდე გაიზარდა. საწვავი ავიაკომპანიების საოპერაციო ხარჯების მეოთხედს შეადგენს. ზოგიერთმა კომპანიამ განაცხადა, რომ ფასებს დაუყოვნებლივ არ ზრდის, თუმცა მათი განცხადებებიდან არ გამომდინარეობს, რომ ეს მოგვიანებით არ მოხდება. ნავთობის ფასი იზრდება - 13 მარტს Brent-ის მარკის ნავთობის ფასი ბარელზე 100 დოლარს ასცდა, რაც ომის დაწყებიდან დაახლოებით 24%-იანი ზრდაა.ჩაკეტილი საჰაერო სივრცესაჰაერო მარშრუტები დაგრძელდა რამდენიმე ქვეყნის მიერ ცის ჩაკეტვის გამო. BBC-ის ინფორმაციით, 2026 წლის თებერვალში ომის დაწყების შემდეგ, სპარსეთის ყურის ბევრმა ქვეყანამ ჩაკეტა საჰაერო სივრცე, თუმცა მოგვიანებით რეჟიმი შეამსუბუქა. საუდის არაბეთი კვლავ დაკეტილს ტოვებს ერაყთან და სპარსეთის ყურესთან მოსაზღვრე სივრცეს, ხოლო არაბთა გაერთიანებულმა საამიროებმა და კატარმა საჰაერო მოძრაობის უსაფრთხოების განსაკუთრებული რეჟიმი (ESCAT) შემოიღეს. ეს ნიშნავს, რომ ყოველ რეისზე საჭიროა სპეციალური ნებართვა, მოძრაობას კი სამხედროები აკონტროლებენ.ზოგიერთი სახელმწიფოს თავზე ცა სრულად ჩაკეტილი რჩება: ეს თავად ირანია, სადაც საბრძოლო მოქმედებები მიმდინარეობს, ასევე ბაჰრეინი, ერაყი, ისრაელი, ქუვეითი და სირია. რეგიონის ცის სრულად ჩაკეტვა შეუძლებელია, რადგან აქ მდებარეობს უმსხვილესი საავიაციო ჰაბები. ერთი ასეთი კვანძის გაჩერებამაც კი შეიძლება ძლიერ გაართულოს კავშირი მსოფლიოს დაშორებულ წერტილებს შორის, მაგალითად, დასავლეთ ევროპასა და სამხრეთ-აღმოსავლეთ აზიას შორის. შედეგად, გადამზიდავები იძულებულნი გახდნენ გაეუქმებინათ რეისები ან შეეცვალათ მარშრუტები ჩაკეტილი ზონებისთვის გვერდის ავლის მიზნით.ახალი მარშრუტებიცაში ლაინერები, როგორც წესი, დადგენილი მარშრუტებით - თავისებური „ავტომაგისტრალებით“ მოძრაობენ. ეს კეთდება საჰაერო მოძრაობის რეგულირებისთვის. თვითმფრინავი კვეთს ზონებს, რომლებსაც დისპეტჩერები მართავენ (FIR - საფრენოსნო ინფორმაციის რაიონი). როდესაც რეგიონში ომი იწყება, თვითმფრინავები უბრალოდ ვერ შემოუფრენენ ამ ადგილს - ისინი უნდა ჩაეწერონ ნაკადში, რომელიც სხვა მარშრუტით მიდის. ეს ტვირთავს დისპეტჩერებს, რის გამოც ცენტრები ჩვეულებრივ დამატებით კადრებს ამატებენ.ირანის თავზე გადიოდა ერთ-ერთი ყველაზე დატვირთული საერთაშორისო მარშრუტი, რომელიც სპარსეთის ყურის ქვეყნებს ევროპასთან, ინდოეთთან და სამხრეთ-აღმოსავლეთ აზიასთან აკავშირებდა. რეისები ევროპიდან ახლა უფრო ჩრდილოეთით - უკრაინისა და რუსეთის ჩაკეტილ სივრცეებსა და ირანს შორის არსებულ საკმაოდ ვიწრო კორიდორში გადის. ეს მარშრუტი შავი ზღვის სამხრეთ ნაწილზე, შემდეგ აზერბაიჯანზე, კასპიის ზღვაზე, თურქმენეთზე, ავღანეთსა და პაკისტანზე გადის.ერთ-ერთი ყველაზე დატვირთული საფრენოსნო ინფორმაციის რაიონები გახდა ბაქოს (UBBA) და თბილისის (UGGG) ცენტრები. ამ ქვეყნების სადისპეტჩერო ცენტრები ახლა ემსახურებიან მსოფლიოში ერთ-ერთი ყველაზე პოპულარული მარშრუტის ე.წ. „ბოთლის ყელს“.მეორე ვარიანტი არაბეთის ნახევარკუნძულის თავზე ფრენაა. მაგალითად, Swiss Airlines-ის რეისი LX181 ბანგკოკიდან ციურიხში ადრე პირდაპირ ირანს კვეთდა. 2026 წლის ომის დაწყებისთანავე, მარშრუტი კვლავ კავკასიისკენ გადამისამართდა. ორივე ვარიანტი - კავკასიის გავლითაც და არაბეთის ნახევარკუნძულზეც — ზრდის ფრენის დროს და საწვავის ხარჯს.რეისები ჩრდილოეთიდან სამხრეთისკენ არანაკლებ ზარალდება. რუსული „აეროფლოტის“ რეისი მოსკოვიდან სეიშელის კუნძულებისკენ 18 თებერვალს 8.5 საათს გრძელდებოდა, 11 მარტს კი - 10 საათს. თვითმფრინავს დიდი წრის დარტყმა მოუწია პაკისტანისა და ავღანეთის თავზე.„ამჟამად მთელი ახლო აღმოსავლეთი მიუწვდომელია ავიაციისთვის, რაც ზოგიერთი ავიაკომპანიისთვის ძალიან მაღალი ფასია“, - განაცხადა სუბჰას მენონმა, აზია-წყნარი ოკეანის ავიაკომპანიების ასოციაციის ხელმძღვანელმა.სახიფათო რეგიონიBBC წერს, ირანის თავზე ავიაციის მარშრუტები ჯერ კიდევ 2020 წელს შეიცვალა, თეირანსა და ვაშინგტონს შორის ურთიერთობების გამწვავებისას. მაშინ, 8 იანვარს, „უკრაინის საერთაშორისო ავიახაზების“ რეისი PS752 თეირანიდან აფრენისთანავე ირანის საჰაერო თავდაცვამ ჩამოაგდო, რასაც 176 ადამიანი ემსხვერპლა.2025 წლის ზაფხულში, 12-დღიანი ომის დროს, მარშრუტები კვლავ შეიცვალა - უცნაური იქნებოდა სამოქალაქო თვითმფრინავების ფრენა იმავე ცაზე, სადაც გამანადგურებლები და ბომბდამშენები მოქმედებდნენ. თუმცა, იმ მომენტისთვის სამოქალაქო ავიაციის საერთაშორისო ორგანიზაციას (ICAO) უკვე შემუშავებული ჰქონდა მარშრუტების ცვლილების სქემა, რათა საჭიროების შემთხვევაში ავიაკომპანიებს მუშაობის სწრაფად გადაწყობა შეძლებოდათ.

1773421312

საფრანგეთის მისიის განცხადებით, მომხსენებელმა პატრიცია გჟებიკმა ეუთოს წევრ სახელმწიფოებს წარუდგინა დამოუკიდებელი ანგარიში, სადაც მოუწოდა საქართველოს მთავრობას, დაუბრუნდეს ორგანიზაციის ჩარჩოში აღებულ ვალდებულებებს. მიუხედავად იმისა, რომ მომხსენებელმა აღნიშნა ხელისუფლების თანამშრომლობა გამოძიების პროცესში, ანგარიშის შინაარსი ქვეყანაში დემოკრატიის მდგომარეობის შესახებ კრიტიკულია.სახელმწიფო კონტროლის „უპრეცედენტო“ გაფართოებავაიმარის სამკუთხედის ელჩებმა და საგარეო საქმეთა მინისტრებმა განსაკუთრებული სინანული გამოთქვეს 4 მარტს „გრანტების შესახებ“ საკანონმდებლო პაკეტის მიღების გამო. მათი შეფასებით: ახალი ცვლილებები პოლიტიკურ და საზოგადოებრივ საქმიანობაზე სახელმწიფო კონტროლს უპრეცედენტო დონემდე აფართოებს. კანონმდებლობა ძირს უთხრის შეკრებისა და გამოხატვის თავისუფლებას და ასუსტებს კანონის უზენაესობას. ძლიერდება ზეწოლა დამოუკიდებელ მედიაზე, უფლებადამცველებსა და ექსპერტებზე. ევროკავშირის წინაშე აღებული ვალდებულებებიმინისტრების განცხადებით, ახალი რეგულაციებით საქართველოს ხელისუფლება შეგნებულად არღვევს ევროკავშირთან ასოცირების შეთანხმების ფარგლებში აღებულ ვალდებულებებს. დიპლომატების შეფასებით, ეს არის სამოქალაქო საზოგადოების მიმართ კიდევ უფრო რეპრესიული მიდგომის დასტური.განცხადების დასასრულს, საფრანგეთის, გერმანიისა და პოლონეთის წარმომადგენლებმა კიდევ ერთხელ დაადასტურეს ურყევი მხარდაჭერა ქართველი ხალხის, ქვეყნის სუვერენიტეტისა და ტერიტორიული მთლიანობის მიმართ. #Georgia : the Independent report on democracy and fundamental freedoms (under the “OSCE Moscow Mechanism”) was presented yesterday by the rapporteur Patrycja Grzebyk to the OSCE participating states. While recognizing the cooperation of Georgia’s authorities during her… — France at OSCE 🇫🇷🇪🇺 (@RP_France_OSCE) March 13, 2026

1773407379

გენდერული თანასწორობის საკითხებზე სასაუბროდ გაერთიანდნენ ბიზნესლიდერები, საერთაშორისო პარტნიორები და დარგის ექსპერტები EBA4Women Signature Forum-ზე, რომელიც ევროპული ბიზნესასოციაციის ორგანიზებით გაიმართა. განსაკუთრებული ყურადღება დაეთმო იმ კორპორაციული გამოცდილების გაზიარებას, რომელიც ბიზნესსექტორისთვის სამაგალითოა. ამ მნიშვნელოვან პლატფორმაზე საკუთარი სტრატეგიული მიდგომებით წარდგა „თეგეტა ჰოლდინგი“. კომპანიის მთავარმა აღმასრულებელმა ოფიცერმა გაეროს ქალთა ორგანიზაციის მხარდაჭერით გამართულ პანელურ დისკუსიაზე ისაუბრა. „თეგეტას“ საქმიანობის 30-წლიან ისტორიაში ის პირველი ქალი CEO-ა, რომელიც ჰოლდინგს ჩაუდგა სათავეში.ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „2019 წლიდან „თეგეტა“ გაეროს ქალთა გაძლიერების პრინციპების ხელმომწერია. ამ გზაზე უკვე წლებია, მჭიდროდ ვთანამშრომლობთ საერთაშორისო ორგანიზაციებთან, რათა ჩვენი ჩართულობა ქალთა გაძლიერების პროცესში კიდევ უფრო აქტიური და ეფექტიანი გავხადოთ. განსაკუთრებით იმ ფონზე, როცა კომპანიაში დასაქმებულთა 75%-ს კაცები შეადგენენ. ჩვენთვის თანამშრომლებს შორის ინკლუზიური და თანასწორი გარემოს ჩამოყალიბება უმნიშვნელოვანესია. შესაბამისად, ვგეგმავთ და ვახორციელებთ გენდერული თანასწორობის მიმართულებით მრავალფეროვან ინიციატივებს, ვქმნით ისეთ გარემოს, რომელიც, ერთი მხრივ, ჩვენი გუნდის წევრებს საკუთარი თავის რეალიზების საშუალებას აძლევს, ხოლო მეორე მხრივ, საავტომობილო ინდუსტრიაში ქალ პროფესიონალებს იზიდავს. ეს კი უკვე აისახება გაუმჯობესებულ ციფრებსა და გარემოში“.„ბიზნესგადაწყვეტილებები ინკლუზიური ზრდისთვის - მზრუნველობაზე ორიენტირებული სამუშაო გარემო“ - ასე ერქვა პანელურ დისკუსიას, რომლის ფარგლებშიც ეკატერინე ქავთარაძემ „თეგეტას“ ქალთა გაძლიერების პროგრამები დეტალურად წარადგინა. „თეგეტაში“ ამჟამად 600 ქალი თანამშრომელია. ესენი არიან არა მხოლოდ მენეჯერები, არამედ ავტომექანიკოსები, ინჟინრები, სერვისის მრჩევლები. განსაკუთრებით შთამბეჭდავია ტრანსფორმაცია ტოპ-მენეჯმენტში, სადაც ქალთა წარმომადგენლობა 18%-დან 32.35%-მდე გაიზარდა.„დიდ ყურადღებას ვუთმობთ ქალთა პროფესიული განვითარების ხელშეწყობას. ამ მიმართულებით მნიშვნელოვანი როლი აქვს „თეგეტა აკადემიას“ - პროფესიული განათლების პლატფორმას, რომელიც ქალებს სთავაზობს ტექნიკურ პროფესიებში კვალიფიკაციის ამაღლების კურსებსა და დასაქმების პირდაპირ შესაძლებლობას. მაგალითად, გასული წლის მონაცემებით „თეგეტა აკადემიის“ სასწავლო პროცესში ჩართულთა 21% ქალია. ამასთანავე, კომპანიაში მოქმედებს მენტორობისა და ლიდერის თვისებების განვითარების პროგრამები, რომლებიც თანამშრომლებს კარიერულ წინსვლაში მხარდაჭერას სთავაზობს და ქალებში ლიდერის პოტენციალის გაძლიერებას უწყობს ხელს“, - ამბობს ეკატერინე ქავთარაძე.ქალთა ეკონომიკური გაძლიერების ფორუმზე „თეგეტას“ მთავარმა აღმასრულებელმა ოფიცერმა განმარტა, რომ კომპანიაში განსაკუთრებული აქცენტი ინკლუზიური და უსაფრთხო გარემოს შექმნაზე კეთდება.,,თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით ,,თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentlye, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. ,,თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. ,,თეგეტა ჰოლდინგი”, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.(R)

1773402787

შეხვედრის მსვლელობისას, ხელმძღვანელმა პირებმა ხაზი გაუსვეს უწყებათაშორისი დანაყოფის ერთობლივი საქმიანობის მნიშვნელობას და აღნიშნეს, რომ თითოეულ მებაჟე ოფიცერს განსაკუთრებული წვლილი შეაქვს ქვეყნის ეკონომიკური საზღვრის დაცვისა და აკრძალული/ შეზღუდული საქონლის გადაადგილების ეფექტიანი კონტროლის პროცესში.ფინანსთა სამინისტროში გამართულ შეხვედრას, ესწრებოდნენ  საბაჟო დეპარტამენტის პირველი მოადგილე, ოთარ რიკაძე, ასევე მოადგილეები მერაბ არახამია, ირაკლი თევდორაძე, დავით მდინარაძე და კიაზო ახალაია.(R)

1773401711

TRIPP არის სომხეთსა და აზერბაიჯანს შორის მიმდინარე სამშვიდობო პროცესის ერთ-ერთი მთავარი ელემენტი. პროექტი ითვალისწინებს სატრანსპორტო დერეფნის შექმნას, რომელიც სომხეთის ტერიტორიაზე გაივლის და აზერბაიჯანის ძირითად ნაწილს მის ექსკლავს — ნახიჩევანს დაუკავშირებს. პროექტის მიხედვით, ბაქო მიიღებს თავისუფალ სატრანსპორტო კავშირს, ხოლო ერევანი შეინარჩუნებს სუვერენიტეტს ამ ტერიტორიაზე.დერეფანი უნდა გაიაროს მდინარე არაქსის გასწვრივ, რომელიც სომხეთ–ირანის საზღვარზე მიედინება. ეს რეგიონი თეირანისთვის მნიშვნელოვანი სავაჭრო ჰაბია და აქვე გადის ირან-სომხეთის გაზსადენიც.ირანის ომის გავლენაექსპერტების თქმით, აშშ-ისა და ისრაელის ომმა ირანის წინააღმდეგ შესაძლოა გაართულოს ამ პროექტის განხორციელება. საერთაშორისო კრიზისული ჯგუფის ანალიტიკოსი კონულ დე მორი აღნიშნავს, რომ ომის პირობებში ირანი შესაძლოა უფრო კრიტიკულად მიუდგეს ამ ინიციატივას, თუმცა ეს ავტომატურად არ ნიშნავს პროექტის გაუქმებას.ამავე დროს, არც სომხეთი და არც აზერბაიჯანი არ უჭერენ მხარს ირანის წინააღმდეგ მიმდინარე ომს. ორივე ქვეყნის ლიდერებმა სამძიმარი გამოხატეს ირანის უზენაესი ლიდერის ალი ხამენეის მკვლელობის გამო და მის შვილს, მოჯთაბა ხამენეის, მიულოცეს ახალი ლიდერის თანამდებობაზე არჩევა.ამერიკული პროექტიTRIPP-ის ფარგლებში დაგეგმილია რკინიგზისა და საავტომობილო გზის მშენებლობა, ასევე ინფრასტრუქტურის მართვა მინიმუმ 49 წლის განმავლობაში. პროექტის განხორციელებას უნდა ხელმძღვანელობდეს კომპანია, რომელიც ამერიკის მთავრობის კონტროლის ქვეშ იქნება.თუმცა ირანში პროექტის მიმართ კრიტიკული დამოკიდებულება არსებობს. ირანის ყოფილი ლიდერის მრჩეველმა ალი აკბარ ველაიათიმ ადრე განაცხადა, რომ ამერიკული პროექტი ირანის საზღვართან შეიძლება „ტრამპის დაქირავებული მებრძოლების სასაფლაოდ“ გადაიქცეს.გავლენა სამშვიდობო პროცესზეექსპერტები აღნიშნავენ, რომ თუ TRIPP გადაიდება ან გაუქმდება, ეს შეიძლება ნეგატიურად აისახოს სომხეთსა და აზერბაიჯანს შორის სამშვიდობო პროცესზე.თუმცა ზოგი ანალიტიკოსი ფიქრობს, რომ მოლაპარაკებები შეიძლება გაგრძელდეს აშშ-ის გარეშეც. ბოლო ერთ წელიწადში მხარეებმა უკვე შეაჯერეს სამშვიდობო შეთანხმების ტექსტი და დაიწყეს ეკონომიკური თანამშრომლობაც — მაგალითად, აზერბაიჯანმა სომხეთში ბენზინისა და დიზელის ექსპორტი დაიწყო.ექსპერტების შეფასებით, ირანის ომმა შესაძლოა პირიქითაც იმოქმედოს — რეგიონული არასტაბილურობის ფონზე სომხეთმა და აზერბაიჯანმა შესაძლოა მოლაპარაკებები უფრო დააჩქარონ.

1773396121

დონალდ ტრამპმა მომხდარში, რომელმაც ქალაქ მინაბში 168 ადამიანის სიცოცხლე იმსხვერპლა (მათი უმრავლესობა 7-დან 12 წლამდე გოგონები იყვნენ), ირანი დაადანაშაულა, თუმცა გეოლოკაცია, ვიდეომასალა, სატელიტური ფოტოები და ადგილიდან ამოღებული ნამსხვრევები საპირისპიროზე მიუთითებს.ჩინეთის საგარეო საქმეთა სამინისტროს განცხადებით, ჩინეთის წითელი ჯვრის საზოგადოება 200,000 დოლარს გადაურიცხავს ირანის წითელი ნახევარმთვარის საზოგადოებას გადაუდებელი ჰუმანიტარული დახმარების სახით, კონკრეტულად დაღუპული მოსწავლეების მშობლებისთვის კი „სამძიმრისა და კომპენსაციის“ მიზნით.ჩინეთის საგარეო უწყების წარმომადგენელმა გუო ძიაკუნმა, მომხდარი საერთაშორისო ჰუმანიტარული სამართლის „უხეშ დარღვევად“ შეაფასა.„თავდასხმები სკოლებსა და ბავშვებზე წარმოადგენს საერთაშორისო ჰუმანიტარული სამართლის უმძიმეს დარღვევას და სცდება ადამიანური სინდისისა და მორალის ზღვარს“, - განუცხადა გუომ ჟურნალისტებს ბრიფინგზე.მისივე თქმით, ჩინეთი მზადაა ჰუმანიტარული სულისკვეთებით კვლავაც გაუწიოს ირანს აუცილებელი დახმარება, რათა მხარი დაუჭიროს ირანელ ხალხს ამ რთულ პერიოდში.

1773395501

თიბისი განვადების ლიმიტი 100-დან 15,000 ლარამდეა, ეფექტური 23.4%-დან, რომლის დამტკიცებაც წამებში, მობაილბანკიდანვე შეგიძლიათ. ნივთის ან სერვისის ღირებულება კი, 3-დან 48 თვემდე ნაწილდება.16-დან 30 მარტის ჩათვლით, თიბისის ონლაინ განვადებით სარგებლობა განსაკუთრებით ხელსაყრელია, რადგან ამ პერიოდში მომხმარებლებს შესაძლებლობა აქვთ ჩაერთონ სპეციალურ თამაშში და მიიღონ ფულადი პრიზი - 500, 400, 300, 200 ან 100 ლარი.თამაშში მონაწილეობა შესაძლებელია მხოლოდ ონლაინ განვადების დამტკიცებისა და გაცემის შემთხვევაში.ამ პერიოდში, თიბისის 7000-ზე მეტ პარტნიორ მაღაზიაში ნებისმიერი ნივთის ან მომსახურების ონლაინ განვადებით შეძენისას, სურვილის შემთხვევაში, მომხმარებლებს შეუძლიათ ჩაერთონ თიბისი განვადების ვებგვერდზე განთავსებულ სპეციალურ თამაშში, რომელიც ერთნაირი ფიგურების სწრაფად პოვნაზეა დაფუძნებული. თითოეულ გაცემულ განვადებაზე თამაში დასაშვებია მხოლოდ ერთხელ. გამარჯვების მთავარი ფაქტორი კი, სისწრაფეა - ვინც მისიას ყველაზე სწრაფად შეასრულებს, გამარჯვებულთა შორის მოხვდება.თამაშს ყოველკვირეულად ეყოლება 5 გამარჯვებული - მომხმარებელი გამარჯვების შესახებ ინფორმაციას კვირის დასრულების შემდეგ, მომდევნო სამუშაო დღეს, SMS შეტყობინებით მიიღებს და მოგებული თანხა ერთგულ ყულაბაში, გამარჯვებიდან 10 დღეში ჩაერიცხება.დეტალური წესების და პირობების სანახავად გადადით ბმულზე.(R)

1773395393