ფინანსთა სამინისტრომ 12 ნოემბერს 10-წლიანი, ₾30 მლნ-ის ბონდები გაყიდა

შეხვედრაზე საუბარი საქართველოს საფინანსო სექტორში არსებულ ვითარებასა და საერთაშორისო საფინანსო ინსტიტუტების მხრიდან დაფინანსების საკითხების განხილვას დაეთმო. ეროვნული ბანკის პრეზიდენტის მოვალეობის შემსრულებელმა საერთაშორისო ფინანსური ინსტიტუტების წარმომადგენლებს სებ-ის მიერ ბოლო წლებში საბანკო ზედამხედველობის ჩარჩოს გასაძლიერებლად გატარებული მნიშვნელოვანი რეფორმები გააცნო, რომელიც სრულ შესაბამისობაშია ბაზელი III-ის სტანდარტებსა და ევროდირექტივებთან. როგორც ნათია თურნავამ აღნიშნა, ეროვნული ბანკი მიესალმება საერთაშორისო ფინანსური ინსტიტუტების ინიციატივებს საქართველოს ფინანსური სექტორის განვითარებაში. „დიდად ვაფასებთ საერთაშორისო ფინანსურ ინსტიტუტებთან (IFI) და EBRD-თან პარტნიორობას, რაც გადამწყვეტ როლს ასრულებს საქართველოს სოციალური და ეკონომიკური პროგრესის მხარდაჭერაში, ასევე მისი ფინანსური სექტორის განვითარებაში“,  - განაცხადა ნათია თურნავამ. BRD-ის ფინანსური ინსტიტუტების მმართველმა დირექტორმა მზადყოფნა გამოთქვა, რომ ბანკი მომავალშიც გააგრძელებს ფინანსურ სექტორში მნიშვნელოვანი რეფორმების მხარდაჭერასა და ტექნიკურ დახმარებას. დღეისათვის EBRD-ის საქართველოში 5.3 მილიარდი ევროს ინვესტიცია აქვს, რითაც ქვეყანაში 301 პროექტს აფინანსებს. EBRD-ის არსებული აქტიური პორტფელი 79 პროექტს მოიცავს, საერთო ჯამში 1.2 მილიარდი ევროს ღირებულებით. მიმდინარე პორტფელის 32%-ი საფინანსო ინსტიტუტებზეა გამოყოფილი შეხვედრას ასევე ესწრებოდნენ სებ-ის ვიცე-პრეზიდენტები ეკატერინე მიქაბაძე და ეკატერინე გალდავა.

1731952294

2023 წელს, რუსეთში ყველაზე დიდი მოცულობის ღვინო შეიტანა ლიეტუვამ, რამაც ჯამში $211.4 მლნ შეადგინა, მეორე პოზიცია დაიკავა იტალიამ, საიდანაც რუსეთში ექსპორტზე $171.5 მლნ-ის ღვინო გავიდა. საქსტატის მონაცემებით, 2024 წლის პირველ სამ კვარტალში, რუსეთში ჯამში $146.8 მლნ-ის ღვინო გავიდა, წინა წლის ანალოგიური პერიოდში კი $129,03 მლნ.საქსტატის ინფორმაციით, 2024 წელს რუსეთში ყველაზე მეტი რაოდენობის ღვინო შემდეგმა კომპანიებმა გაიტანეს (კომპანიები რეიტინგის მიხედვით არ არის დალაგებული): სს ბადაგონი; შპს "წინანდლის ძველი მარანი"; შპს GVMT Group; შპს ალკოჰოლური სასმელების კომპანია ალავერდი; შპს ასკანელი ძმები; შპს დუგლაძეების ღვინის კომპანია; შპს კახური ტრადიციული მეღვინეობა; შპს კახური ღვინის მარანი; შპს კომპანია ბესინი; შპს შალვინო.

1731937727

„ხმის მიცემის ფარულობა საქართველოს კონსტიტუციით გარანტირებული უფლებაა და მისი დარღვევა დაუშვებელია. ეს უფლება არის დემოკრატიული პროცესების საფუძველი, ხოლო მისი უგულებელყოფა არღვევს საარჩევნო პროცესის ლეგიტიმაციას“, – წერს ორგანიზაცია.16 ნოემბერს ცენტრალურმა საარჩევნო კომისიამ 26 ოქტომბრის არჩევნები შეაჯამა. ცესკოს მიერ გამოცხადებული საბოლოო შედეგებით, „ქართულ ოცნებას” 89 მანდატი აქვს, ხოლო ბარიერგადალახულ ოპოზიციას ჯამში – 61 მანდატი.ოპოზიცია არჩევნების შედეგებს არ აღიარებს. პარტიების ლიდერებმა განაცხადეს, რომ არ აპირებენ პარლამენტში შესვლას.17 ნოემბერს ოპოზიციამ თბილისის სახელმწიფო უნივერსიტეტის მიმდებარედ კარვები გაშალა და გზა გადაკეტა.თბილისის ქუჩებში მოქალაქეების პროტესტი ამ ეტაპზეც გრძელდება. 

1731935024

შეხვედრაში მონაწილეობდნენ J.P. Morgan-ის, Morgan Stanley-ის, Vontobel-ის, Currency Exchange Fund-ის, Bank of America-სა და Janus Henderson Investors-ის მაღალი რანგის მენეჯერები.შეხვედრაზე სების გუნდმა საინვესტიციო კომპანიების წარმომადგენლებს ქვეყნის ეკონომიკის მდგრადობის, ძლიერი ეკონომიკური ფუნდამენტებისა და ფინანსური სტაბილურობის შესახებ მიაწოდეს ინფორმაცია.აღინიშნა, რომ საქართველოში ფასების სტაბილურობა ნარჩუნდება, ინფლაცია უკვე 19 თვეა, 3%-იან მიზნობრივ მაჩვენებელზე დაბლაა და რომ ეს შედეგი, პირველ რიგში, სწორი მონეტარული პოლიტიკის დამსახურებაა.ამასთან, ხაზი გაესვა მაღალ ეკონომიკურ ზრდას და ზრდის პერსპექტივებს. აღინიშნა, რომ ეკონომიკური ზრდა ძლიერია და 2024 წლის სექტემბერ-ოქტომბერში საშუალო ზრდამ 9.8% შეადგინა. შეხვედრაზე ნათია თურნავამ სტუმრებს ინფორმაცია მიაწოდა საქართველოს საბანკო სექტორზე და აღნიშნა, რომ საბანკო სექტორში ჯანსაღი მდგომარეობა ნარჩუნდება, უმოქმედო სესხები დაბალ დონეზეა, ხოლო მომგებიანობა კვლავ მაღალ დონეზეა.მისივე თქმით, ჯანსაღი საკრედიტო ზრდის ფონზე სები აგრძელებს დოლარიზაციის შემცირების მიმართულებით ზომების მიღებას, რაც ფინანსურ სტაბილურობასა და მდგრად ზრდას უზრუნველყოფს.ნათია თურნავას განცხადებით, გასულ წელს აშშ-დან პირდაპირმა უცხოურმა ინვესტიციებმა 182 მლნ. დოლარი შეადგინა. მისივე თქმით, საქართველო აფასებს ხანგრძლივ ურთიერთობას აშშ-სთან და ამერიკელი ინვესტორების ნდობას საქართველოსადმი.სტუმრებისთვის საქართველოს ფინანსური ბაზრების სტაბილურობისა და მაკროეკონომიკურ გარემოს შესახებ პრეზენტაციები გამართეს სების მაკროეკონომიკისა და სტატისტიკის დეპარტამენტის ხელმძღვანელმა შალვა მხატრიშვილმა და ფინანსური სტაბილურობის დეპარტამენტის ხელმძღვანელმა დავით უტიაშვილმა.შეხვედრას ასევე ესწრებოდნენ სების ვიცე-პრეზიდენტები ეკატერინე მიქაბაძე და ეკატერინე გალდავა.

1731933500

ტრენინგს ელექტრონული კომერციის სპეციალისტი, კატო რამიშვილი გაუძღვება და ის აუდიტორიას, საჭირო და სასარგებლო ინფორმაციის მიწოდებასთან ერთად, საკუთარ გამოცდილებას გაუზიარებს იმის შესახებ, თუ როგორ გახდნენ ბიზნესები წარმატებულები ელ.კომერციის მიმართულებით.ორი, ორსაათიანი შეხვედრა ფიზიკურ სივრცეში ჩატარდება და ის ონლაინ გაყიდვებთან დაკავშირებულ სხვა მნიშვნელოვან თემებთან ერთად, შემდეგ საკითხებს გააერთიანებს: ელ.კომერციის ტიპები; ონლაინ ბაზრის ტიპები; ამაზონის მიმოხილვა და ბრენდის პოზიციონირება; SAAS პროგრამული უზრუნველყოფა როგორც სერვისი; Shopify-ზე ვებგვერდის აწყობის პრინციპები; საძიებო სისტემების (SEO) მუშაობის პრინციპები; Google-ის საძიებო სისტემის ალგორითმი; საკვანძო სიტყვების განხილვა და პრაქტიკული ხელსაწყოების გამოყენება.

1731933306

„მეტროს ვაგონების განახლების პროექტი მუნიციპალიტეტისთვის ერთ-ერთი მნიშვნელოვანი პროექტია. 2017 წლიდან ყველა არსებული ვაგონის რეაბილიტაცია განხორციელდა მათი საექსპლუატაციო ვადის გახანგრძლივების მიზნით, თუმცა ზოგიერთი ვაგონის ვადა 2026 წლიდან ეტაპობრივად ამოიწურება და ამისთვის აუცილებელი იყო, მომხდარიყო სრულიად ახალი, თანამედროვე ვაგონებით მათი ჩანაცვლება. ამისთვის მომზადდა შესაბამისი ტექნიკური დავალება და სატენდერო დოკუმენტაცია, ჩატარდა ბაზრის კვლევები და საერთაშორისო საფინანსო ორგანიზაციიდან მოზიდული იქნა შესაბამისი დაფინანსება.მოხარული ვარ, გაცნობოთ, რომ ყველა მოსამზადებელი სამუშაოების დასრულების შემდეგ, 15 ნოემბერს  გამოცხადდა ტენდერი 97 ერთეულ თანამედროვე, საერთაშორისო სტანდარტების ვაგონის შესყიდვაზე. ტენდერი 2025 წლის 15 იანვარს გაიხსნება. დაინტერესებული კომპანიებისათვის სათანადო ინფორმაცია ხელმისაწვდომია სახელმწიფო შესყიდვების სააგენტოს ვებგვერდზე. ასევე ინფორმაციის დასაზუსტებლად დაინტერესებულ პირებს შეუძლიათ მიმართონ თბილისის სატრანსპორტო კომპანიას“, - აღნიშნა კახა კალაძემ.მისი თქმით, ვაგონების პირველი პარტიის მიღება დაგეგმილია 2026 წლის ბოლოდან.„პროექტის ხანგრძლივობა შეადგენს 7 წელს, რომლის ფარგლებშიც, 2030 წლის ჩათვლით ეტაპობრივად მოწოდებული იქნება თანამედროვე სტანდარტებით დამზადებული 22 მატარებელი (13 ერთეული 4-ვაგონიანი და 9 ერთეული  5-ვაგონიანი). ვაგონების პირველი პარტიის მიღება დაგეგმილი გვაქვს 2026 წლის ბოლოდან. ცენტრალურ ხელისუფლებასთან ერთად, აღნიშნული პროექტის თანადაფინანსებას ახორციელებს აზიის ინფრასტრუქტურის საინვესტიციო ბანკი (AIIB)  შესყიდვის ბიუჯეტი შეადგენს დაახლოებით 200 მლნ ევროს. ეს მეტროს ვაგონების განახლების პირველი ეტაპია.მეტროში მგზავრთნაკადის მნიშვნელოვანი ზრდის გათვალისწინებით ჯამში გვესაჭიროება მინიმუმ 212 ვაგონი. შესაბამისად, ეს პროექტი გაგრძელდება ძველი ვაგონების სრულ ჩანაცვლებამდე და უახლოეს წლებში დამატებით შესყიდული იქნება კიდევ 115 ვაგონი“, - განაცხადა თბილისის მერმა.მისივე თქმით, ახალი მატარებლები იქნება ე.წ. „გამჭოლი“ ვაგონებით; „ახმეტელი-ვარკეთილის“ ხაზს, დღეს არსებული 4-ვაგონიანი მატარებლის ნაცვლად,  მოემსახურება 5-ვაგონიანი მატარებლები, რითაც გაიზრდება მგზავრთა გადაყვანის მოცულობა და გაუმჯობესდება მგზავრთა მომსახურების ხარისხი.

1731929961

„პირველი, ჩვენ საქართველოში ჩატარებულ არჩევნებს თავისუფალ და სამართლიან არჩევნებად არ მივიჩნევთ, მეორე: ლიეტუვამ მოუწოდა დამოუკიდებელი საერთაშორისო გამოძიების ჩატარებისკენ. იმისთვის, რომ ვიცოდეთ მკაფიო პასუხები, რეალურად გავიგოთ, რა მოხდა, ამისთვის გვჭირდება გამოძიება. თუ საქართველოს მთავრობა უარს იტყვის ევროკომისიასთან ამ საკითხზე თანამშრომლობაზე, თუ ის უარს იტყვის გამოძიებაზე, ეს ასევე რაღაცის მთქმელია. თუ არ სურთ, ვიცოდეთ, რა მოხდა ეს ნიშნავს, რომ ყველა პრეტენზია იმასთან დაკავშირებით, რომ საქართველო კვლავ ევროპულ გზაზეა, სინამდვილეში ასე არაა. იქნება თუ არა ამაზე კონსენსუსი ევროკავშირში, ამის თქმა რთულია და მიმაჩნია, რომ საკმაოდ რთული იქნება. ეს ეხება სანქციების დაწესებასაც. ეს იოლი არ არის“, - აღნიშნა გაბრიელუს ლანდბერგისმა.დღეს, 18 ნოემბერს, ბრიუსელში, ევროპული საბჭოს საგარეო საქმეთა კომისიის სხდომაზე მათ შორის საქართველოს საკითხს განიხილავენ.

1731929156

„ერთადერთი კანონიერი გადაწყვეტილება, რომელიც შეიძლება, მიეღო, ამ შემთხვევაში, კომისიის თავმჯდომარეს და მდივანს, იყო ამ ოქმზე ხელის მოწერა. კიდევ ერთხელ საზოგადოებისთვის განვმარტავ, უმაღლესი საარჩევნო კომისიის თავმჯდომარე პოლიტიკურ განცხადებას ვერ გააკეთებს.უმაღლესი საარჩევნო კომისიისთვის ყველა ამომრჩეველი, ყველა პოლიტიკური სუბიექტი და ყველა მოქალაქე არის არჩევნებში ამომრჩეველი”, – განაცხადა უსკოს თავმჯდომარემ პარმენ ჯალაღონიამ სხდომის შემდეგ.კომისიის სხდომის პარალელურად, შენობის წინ საპროტესტო აქცია მიმდინარეობდა. ხმაურის ფონზე წარიმართა სხდომაც, რომელიც ოპოზიციის წარმომადგენლების განცხადებებით დაიწყო. ისინი თავმჯდომარეს მოუწოდებდნენ, რომ არ მიეღოთ შემაჯამებელი ოქმი, რადგან, მათი თქმით, არჩევნები მასშტაბურად გაყალბდა.ოპოზიცია აცხადებს, რომ არ აპირებს აჭარის უმაღლეს საბჭოში შესვლას, რადგან „არჩევნები ხელისუფლებამ მოიპარა” და ლეგიტიმაციას არ მისცემენ „ქართულ ოცნებას”.

1731928550