მშენებლობის ღირებულების ინდექსი დასაქმებულთა ხელფასის შემცირებამ დასწია

GBC გთავაზობთ ISFED-ის ბლოგს:სასამართლოს გადაწყვეტილების გამოცხადებიდან მალევე სოციალური მედიის პლატფორმებზე – ფეისბუქსა და ტიკტოკზე – მოსამართლის წინააღმდეგ მადისკრედიტებელი გზავნილების გავრცელება დაიწყო.კამპანიაში ჩართული იყვნენ პროსახელისუფლებო მედიასაშუალებები (იმედი, Info9, ნიუსჰაბი, POSTV), ანონიმურად მოქმედი ანტიოპოზიციური გვერდები და ანგარიშები (ბრძენი კრიტიკოსი, სიმართლის დროა, რეალობა, მიხეილ განუბაჟებელი, პოლიტიკოსები 1 ლარიდან, @gigaiberieli, @newswavebuzz), პროსახელისუფლებო აქტორები და ექსპერტებად პოზიციონირებადი პირები. აღსანიშნავია, რომ პოსტები დროის მცირე შუალედში, იდენტური გზავნილებით გავრცელდა.ვლადიმერ ხუჭუას ბრალს ოპოზიციის მიმართ მიკერძოებაში სდებდნენ და მიუთითებდნენ, რომ მისი ცოლი ოპოზიციის მხარდამჭერია.პროსახელისუფლებო აქტორები სოციალურ მედიაში ხუჭუას ცოლს „რადიკალური ოპოზიციის აქტივისტად“ მოიხსენიებდნენ და აღნიშნავდნენ, რომ ხუჭუამ სწორედ მისი გავლენით მიიღო გადაწყვეტილება. მადისკრედიტირებელი შინაარსის პირველი პოსტი გადაწყვეტილების გამოცხადებიდან მალევე ტელეკომპანია „იმედმა” გამოაქვეყნა და დაარეკლამა.„იმედთან“ ერთად, მსგავს ნარატივებს „POSTV-ის“ გვერდები, ანონიმურად მოქმედი ანტიოპოზიციური გვერდები და ტიკტოკ ანგარიშებიც ავრცელებდნენ. აღსანიშნავია, რომ „POSTV – ანალიტიკის“ გვერდმა და ანონიმურმა ანტიოპოზიციურმა ანგარიშებმა ერთი და იგივე ვიდეო დროის მცირე მონაკვეთში გამოაქვეყნეს. ამასთანავე, დისკრედიტაციის მიზნით, „POSTV – ახალი ამბების“ გვერდზე მიუთითებდნენ, რომ იუსტიციის ყოფილი მინისტრის, ზურაბ ადეიშვილის, დროს ხუჭუა პროკურორი იყო.მოსამართლის გადაწყვეტილებას გამოეხმაურნენ პროსახელისუფლებო აქტორებიც, მათ შორის, ანტიდასავლური მოძრაობა „ერთიანი ნეიტრალური საქართველოს“ წევრები და ექსპერტებად პოზიციონირებადი პირები. ისინი, მოსამართლის გადაწყვეტილების დისკრედიტაციის მიზნით, ავრცელებდნენ გზავნილს, რომ აღნიშნული ქმედება „რადიკალური ოპოზიციის“ დავალება იყო.ფეისბუქზე „ერთიანი ნეიტრალური საქართველოს“ ლიდერმა, ვატო შაქარიშვილმა, გაავრცელა სტატუსი, რომელშიც გადაწყვეტილების ინიციატორად დასავლეთი იყო წარმოჩენილი. აღნიშნული განცხადება „Sputnik საქართველოს“ ტელეგრამ არხზეც გავრცელდა.გადაწყვეტილების გამოცხადების შემდეგ მოსამართლის დისკრედიტაციის მიზნით გავრცელდა ვიდეოც, რომელშიც ხუჭუას ცოლი 2023 წლის მარტის აქციების დროს დაკავებული ლაზარე გრიგორიადისის საქმეზე საუბრობდა. აღნიშნული ვიდეო პროსახელისუფლებო მედიასაშუალებამ, „ნიუსჰაბმა“, დაარეკლამა.პოსტების ნაწილი სიძულვილის ენის შემცველი იყო. მათ შორის, ვრცელდებოდა სექსისტური და შეურაცხმყოფელი, გზავნილები. გამოქვეყნებულ პოსტებში, ძირითადად, მითითებული იყო, რომ თეთრიწყაროს რაიონული სასამართლოს მოსამართლის გადაწყვეტილებაზე მისმა ცოლმა მოახდინა გავლენა. ამასთანავე, მედიასაშუალებამ „POSTV“ ხუჭუას ოჯახის შესახებ ჰომოფობიური შინაარსის პოსტი გამოაქვეყნა.4 ნოემბერს თეთრიწყაროს სასამართლოს მოსამართლემ, ვლადიმერ ხუჭუამ ხმის ფარულობის დარღვევა დაადასტურა და საქართველოს ახალგაზრდა იურისტთა ასოციაციის სარჩელი დააკმაყოფილა.სარჩელით, საია მოითხოვდა წალკის და თეთრიწყაროს ყველა ელექტრონული უბნის ბათილად ცნობას, რადგან ამ უბენბზე დარღვეული იყო ხმის ფარულობა.საუბარია 30 ელექტრონული უბნის შედეგებზე.მოსამართლის გადაწყვეტილებით, გაბათილდა წალკისა და თეთრიწყაროს ოქლებში შემავალი ყველა ელექტრონული უბნის შედეგები.გადაწყვეტილების გამოცხადებამდე მოსამართლემ სასამართლო დარბაზში ჩაატარა ექსპერიმენტი. მან მოითხოვა ხმის მთვლელი აპარატი, ბიულეტენი, მარკერი და ჩარჩო კონვერტი, სხდომაზე ჩატარდა ტექნიკური შემოწმება და დადგინდა, რომ ბიულეტენების აპარატში მოთავსებისას, უკანა მხარეს გაკეთებული არჩევანი ხილვადია.საარჩევნო ადმინისტრაციამ გადაწყვეტილება სააპელაციო სასამართლოში გაასაჩივრა.

1730890275

ჯგუფის გეგმაში ასევე შედის ₾1.5 მლრდ ლარის წმინდა მოგების მიღწევა, რომელიც საშუალო წლიური ზრდის ტემპით (CAGR) 15%-ზე მეტი იქნება. ამ მიზნის განსახორციელებლად, თიბისი აპირებს განაგრძოს ოპერაციული ეფექტურობის გაუმჯობესება და ახალი პროდუქტების დანერგვა, რაც მოგების ზრდას უზრუნველყოფს. სამიზნე მაჩვენებლიდან, ₾200 მლნ-ზე მეტის აკუმულირებას, უზბეკეთის ბაზრიდან გეგმავს.ჯგუფის გეგმით, 2025-ში კაპიტალზე უკუგება (ROE) 23%-ზე მეტი იქნება, რაც 9M24-ის მონაცემებით წლიურად 0.8პ.პ-ით შემცირებული 26.2%-იანი მაჩვენებელია.დივიდენდის გადახდის მხრივ კი, თიბისი ჯგუფი გეგმავს, რომ 2025 წლისთვის უცვლელად, დივიდენდის გადახდის კოეფიციენტის მოგების 25-35%-ზე შენარჩუნებას გეგმავს.2024 წლის 9 თვის შედეგებით ჯგუფმა 5.9 მლნ ციფრული აქტიური მომხმარებელი დააფიქსირა, რაც წინა წლის ანალოგიურ პერიოდთან შედარებით 30%-ით გაზრდილი მაჩვენებელია. ჯგუფის წმინდა მოგება 9M24-ში ₾973 მლნ-ს შეადგენს (+15% y.y).შეგახსენებთ, ჯგუფი 11 ნოემბერს, 2024-ის ნახევარწლიური დივიდენდის განაწილებას გეგმავს ₾2.55-ის ოდენობით თითო აქციაზე, ხოლო ამავდროულად 2024-ში ₾50 მლნ-ის ღირებულების აქციების გამოსყიდვის პროგრამა აქვს დამტკიცებული, რომლის მიზანიც კაპიტალის შემცირებით, ინვესტორებისთვის სარგებლის გაზრდაა.

1730888963

ჯგუფი გეგმავს TNET-ის კლასიფიკაციების ბაზრის ლიდერობის განმტკიცებას  „TNET კვლავ ლიდერია საქართველოში ონლაინ-კლასიფიკაციების, ბილეთებისა და ფასდაკლების კუპონების ბაზარზე, სადაც 50%-ზე მეტი წილი და დაახლოებით 1.6 მლნ მომხმარებელი ჰყავს. ჯგუფის სტრატეგიული მიზანია ამ პოზიციის გამტკიცება და ახალი, დამატებითი სერვისების შეთავაზება“.TBC PLC ასევე ელექტრონული კომერციის სტრატეგიის გადახედვას გეგმავს. ელექტრონული კომერციის ბაზრის კონკურენტული გარემო არსებითად შეიცვალა, რის გამოც ჯგუფმა გადაწყვიტა, ბაზრის ლიდერ საცალო მომხმარებელი-მომხმარებლის (C2C) მოდელზე ორიენტირდეს, სადაც მესამე მხარეები უზრუნველყოფენ ყველა სერვისს, მათ შორის საქონლის, დისტრიბუციისა და ლოგისტიკის მიწოდებას.ჯგუფის გეგმებში ასევე ერთ-ერთი პრიორიტეტი TNET-ის ეკოსისტემაში თიბისის ფინანსური გამოცდილების ჩართვა გადახდების და საკრედიტო პროდუქტების შეთავაზება იქნება. ჯგუფი ამ მიმართულების მომგებიან ზრდას გეგმავს.შეგახსენებთ, ჯგუფში შემავალი TNET-ი 10 ციფრულ პლატფორმასა და 5 მობილურ აპლიკაციას აერთიანებს. ამ პლატფორმებს თვეში 2 მილიონამდე უნიკალური მომხმარებელი ჰყავს, რაც ქვეყნის ზრდასრული მოსახლეობის 70%-ია და ჯამში საქართველოს ინტერნეტ ტრაფიკის 40%-ს მოიცავს

1730888735

ბუცხრიკიძის განცხადებით, განსაკუთრებით აღსანიშნავია უზბეკეთის ბაზარზე თიბისის ციფრული ბანკინგის ეკოსისტემის როლი, რომელიც ჯგუფის საოპერაციო შემოსავლის 15%-სა და მოგების 9%-ს წარმოადგენს. ამასთან, ჯგუფის თვეში აქტიური ციფრული მომხმარებლების (MAU) რაოდენობა 5.9 მლნ-მდე გაიზარდა, რაც წლიურად მაჩვენებლის 30%-იანი ზრდაა.„ჩვენ ვაგრძელებთ ჩვენი ჯგუფის ტექნოლოგიური გამოცდილების გამოყენებას საუკეთესო ხარისხის საბანკო და ფინანსური მომსახურების შესაქმნელად, გვსურს განსაკუთრებული ყურადღება გავამახვილოთ ჩვენს ახალ პროდუქციაზე, Salom Card-ზე, რომელიც უზბეკეთის ყოველდღიური ბანკინგის ბაზარზე ახალ სტანდარტს შექმნის. Salom Card მომხმარებლებს იმ სერვისებს შესთავაზებს, რომლებიც აქამდე ბაზარზე მიუწვდომელი იყო, ხოლო სრულად ციფრული ინტერფეისი კი თიბისის მობილური აპლიკაციით იქნება ხელმისაწვდომი“, - აცხადებს ბუცხრიკიძე.მისივე თქმით, TBC PLC ასევე გეგმავს საკრედიტო ბარათებისა და MSME ტრანზაქციული ბანკინგის სრულყოფილად დანერგვას უზბეკეთის ბაზარზე, რომლებიც წლის ბოლომდე სრულად გაეშვება.

1730888621

სამიტს მსოფლიოს სხვადასხვა ქვეყნის და ინდუსტრიის ლიდერები, დეველოპერები და ანალიტიკოსები დაესწრნენ, რომლებმაც API-ს მნიშვნელობაზე ისაუბრეს ინტელექტუალური, მასშტაბური და უსაფრთხო AI გადაწყვეტილებების მიღების პროცესში.კონფერენცია თიბისის ტექ. გუნდის წევრებისთვის საინტერესო და სასარგებლო აღმოჩნდა.“ვფიქრობ, სამიტზე მიღებული გამოცდილება პროგრესული იყო, როგორც ჩვენთვის, გუნდისთვის, ისე - თიბისისთვის. მიღებული ინფორმაციითა და განხილული პროდუქტებით, შესაძლებლობა გვექნება, ჩვენი გუნდისა და ზოგადად, კომპანიის შემოქმედებითობა გავაუმჯობესოთ და მომხმარებლებს ჩვენი პროდუქტების გამოყენების შესაძლებლობა კიდევ უფრო გავუმარტივოთ”, - ამბობს ირაკლი ბაკურაძე, თიბისის ტექ.გუნდის წევრი.“ცოდნა, რომელიც API პროდუქტების მასშტაბის შესახებ შევიძინე, ფასდაუდებელია - უფრო ნათელი გახდა, რა მასშტაბებს შეიძლება მისწვდეს API პროდუქტები, თუ რამხელა პოტენციალი აქვს და როგორ შეიძლება გამოვიყენოთ ის ჩვენთვის სასარგებლოდ”, - ამბობს ელენე ჩოთალაშვილი, ტექ. გუნდის წევრი.სამიტზე, თიბისის ტექ. გუნდის წევრებს შესაძლებლობა ჰქონდათ, ტექნოლოგიურ სფეროში წარმატებული ადამიანები გაეცნოთ და ახალი კონტაქტები შეეძინათ. საქართველოში დაბრუნებული გუნდი პარიზში მიღებული ცოდნისა და გამოცდილების თიბისიში იმპლემენტაციისთვის მზად არის.თიბისის ხელშეწყობა თანამშრომლების პროფესიულ განვითარებაში მხოლოდ ორგანიზაციული სტრატეგია არ არის - ეს კომპანიაში ინოვაციების დანერგვის პასუხისმგებლობაა. თანამშრომლების უნარების განვითარებაზე ზრუნვით, თიბისი ერთ-ერთი საუკეთესო დამსაქმებელია ქვეყანაში.

1730887216

"ვაფასებ გლობალურ საკითხებში პრეზიდენტ ტრამპის ერთგულებას "მშვიდობა ძალის მეშვეობით" მიდგომის მიმართ. ეს არის ზუსტად ის პრინციპი, რომელსაც პრაქტიკულად შეუძლია სამართლიანი მშვიდობის მოტანა უკრაინაში. იმედი მაქვს, რომ ჩვენ ერთად განვახორციელებთ მას", - წერს ზელენსკი.ზელენსკიმ ასევე განაცხადა, რომ მოუთმენლად ელის, პირადად მიულოცოს ტრამპს გამარჯვება და სტრატეგიული პარტნიორობის განმტკიცების გზები განიხილოს:"მოუთმენლად ველით ამერიკის შეერთებული შტატების ძლიერ ეპოქას პრეზიდენტ ტრამპის გადამწყვეტი ხელმძღვანელობით. ჩვენ ვეყრდნობით უკრაინის მუდმივ ორპარტიულ მხარდაჭერას შეერთებულ შტატებში".Fox News-ის მონაცემებით, აშშ-ის საპრეზიდენტო არჩევნებში დონალდ ტრამპმა გაიმარჯვა. რესპუბლიკელმა კანდიდატმა ფლორიდაში უკვე მიმართა მხარდამჭერებს და გამარჯვება იზეიმა.არჩევნებში გამარჯვებისთვის კოლეგიის წევრთა 538 ხმიდან სულ მცირე 270 ხმაა საჭირო. სხვადასხვა ამერიკული მედიის მონაცემებით, ტრამპი გამარჯვებულად გამოცხადებული არაა, თუმცა აუცილებელთან ზღვართან ძალიან ახლოსაა.ამერიკის შეერთებული შტატების პრეზიდენტობის რესპუბლიკელმა კანდიდატმა დონალდ ტრამპმა, რომელიც 5 ნოემბრის საპრეზიდენტო არჩევნების წინასწარი შედეგებით, დემოკრატ კამალა ჰარისს ამარცხებს, რესპუბლიკელების „ისტორიული" გამარჯვების შესახებ გამოაცხადა. ტრამპის განცხადებით, არჩევნებში არნახული პოლიტიკური გამარჯვებით ისტორიაში შევიდნენ. დონალდ ტრამპმა თავის წარმატებას ამერიკელი ხალხის შესანიშნავი გამარჯვება უწოდა და მხარდამჭერებს მადლობა გადაუხადა.დემოკრატი კანდიდატის, კამალა ჰარისის საარჩევნო კამპანიის ხელმძღვანელმა განაცხადა, რომ ვიცე-პრეზიდენტი დღეს ამომრჩეველს არ მიმართავდა. ანალიტიკოსების აზრით, ჰარისის ეს ნაბიჯი ადასტურებს, რომ ვიცე - პრეზიდენტი დამარცხებას აღიარებს.

1730886553

საქართველოს ბანკის მიერ გაცემული დაფინანსება ბაზარზე არსებული მწვანე პორტფელის 78%-ს შეადგენს, რაც ყველაზე მაღალი მაჩვენებელია.ეროვნული ბანკის ინფორმაციით, საქართველოს ბანკი წამყვან პოზიციას იკავებს არამხოლოდ 2023 წლის დეკემბრის მონაცემებით, არამედ 2023 წლის განმავლობაში გაცემული მწვანე დაფინანსების  მიხედვითაც. კერძოდ, „ტაქსონომიის შესაბამისი მწვანე სესხების 78% საქართველოს ბანკის მიერ იყო გაცემული“.საქართველოს ბანკის ფინანსური მხარდაჭერით ბიზნესებმა ინვესტირება რამდენიმე ძირითად მწვანე სექტორში განახორციელეს, რაც დადებითად მოქმედებს არა მხოლოდ მათი ბიზნესის განვითარებაზე (მაგალითად ნაკლები საოპერაციო ხარჯები), არამედ ამცირებს გარემოზე ნეგატიურ ზემოქმედებას და ხელს უწყობს ქვეყნის მდგრად განვითარებას.საქართველოს ბანკის მიერ დაფინანსებულ პროექტებს შორისაა ინვესტირება განახლებად ენერგიაში, მდგრად მშენებლობაში, ეკო/ბიო პროდუქტის წარმოებაში, ნარჩენების მართვაში,  მწვანე ტრანსპორტში, ენერგოეფექტურობასა და მდგრად სოფლის მეურნეობაში. საქართველოს ეროვნული ბანკის მდგრადი დაფინანსების ანგარიშში აღნიშნული მიღწევები, მწვანე დაფინანსების მიმართულებით, კიდევ ერთხელ ხაზს უსვამს იმას, თუ  რამდენად  მნიშვნელოვან როლს თამაშობს ბანკი ქვეყნის კლიმატთან დაკავშირებული მიზნების მიღწევაში, მდგრადი მომავლის შექმნასა და დაბალ-ნახშირბადიან ეკონომიკაზე გადასვლაში. ჩვენ აქტიურად გავაგრძელებთ მწვანე დაკრედიტების გაზრდას მომხმარებლის საჭიროებებზე მორგებული პროდუქტების შექმნითა და მდგრად პრაქტიკებზე ცნობიერების ამაღლებით“,- განაცხადა ანა ოსაძემ, საქართველოს ბანკის  ESG და მდგრადობის მიმართულების ხელმძღვანელმა.ინფორმაციისთვის, მწვანე ტაქსონომია, რომელიც საქართველოს ეროვნული ბანკის მიერ 2022 წელს გამოქვეყნდა, ოფიციალურად განმარტავს ისეთ აქტივობებს, რომლებიც ხელს უწყობს გარემოსდაცვითი მიზნების მიღწევასა და მხარს უჭერს ქვეყნის მდგრად განვითარებას. 2023 წლიდან ყველა ბანკი ვალდებულია მწვანე დაფინანსების ანგარიშგება მოახდინონ ქვეყანაში არსებული მწვანე კლასიფიკაციის სისტემის/ტაქსონომიის მიხედვით.

1730884356

„შრომითი ხელშეკრულების დადებამდე კანდიდატს გააცნოს ინფორმაცია არა მხოლოდ პირთა თანასწორი მოპყრობის პრინციპის შესახებ მოქმედი საკანონმდებლო დებულებების, არამედ თანასწორობის პრინციპის დარღვევის შემთხვევაში, უფლების დაცვის ხელმისაწვდომი საშუალებებისა და სამართლებრივი შედეგების შესახებ.სისტემატურად გადაამზადოს თანამშრომლები თანასწორობის პრინციპისა და დისკრიმინაციის წინააღმდეგ ბრძოლის საკითხებზე.შიდა ორგანიზაციული აქტები და პოლიტიკა დროულად და ეფექტიანად მოიყვანოს „დისკრიმინაციის ყველა ფორმის აღმოფხვრის შესახებ“ კანონთან შესაბამისობაში.საჯაროდ გავრცელებული ინფორმაციით საზოგადოებისთვის ცნობილი გახდა კომპანიის მენეჯერების მიმოწერები, რომელიც ფიზიკური ძალადობისკენ მოწოდებას, დამამცირებელ, რასისტულ, სექსისტურ და გარეგნობის გამო დასაქმებულებისადმი დამცინავ დამოკიდებულებებს შეიცავდა. კომპანიაში დასაქმებულ პირთა შრომითი პირობებისა და დისკრიმინაციული პრაქტიკების პოტენციური გავლენის შესაფასებლად საქმისწარმოება სახალხო დამცველის აპარატმა საკუთარი ინიციატივით დაიწყო“, – აღნიშნულია განცხადებაში.

1730883377