მთავრობა რუსთავი-თბილისის მარშრუტისთვის 70 ავტობუსს 36.5 მლნ ლარად ყიდულობს

გამოფენაში 40-მდე ქართული კომპანია მონაწილეობდა, უზბეკეთის მხრიდან კი ღონისძიებას 1,400-ზე მეტი კორპორატიული სექტორის წარმომადგენელი დაესწრო, მათ შორის უმაღლესი რგოლის მენეჯერები და გადაწყვეტილების მიმღები პირები.ორდღიანი პროგრამა მოიცავდა დახურულ ბიზნესკონფერენციას, საერთაშორისო გამოფენას, ადგილობრივ კომპანიებში ვიზიტებსა და მიზნობრივ B2B შეხვედრებს. ღონისძიების ფარგლებში 90-ზე მეტი პირისპირ ბიზნესშეხვედრა გაიმართა, რამაც მონაწილეებს შესაძლებლობა მისცა, უზბეკეთის ბიზნესსექტორის წარმომადგენლებისთვის საკუთარი პროდუქცია და მომსახურება წარედგინათ და სამომავლო თანამშრომლობის შესაძლებლობები განეხილათ.გამოფენის საერთაშორისო მასშტაბის ზრდას ხელი შეუწყო სტრატეგიულმა პარტნიორობამ უზბეკეთის წამყვან ბიზნესინსტიტუციებთან - The Europe-Uzbekistan Association for Economic Cooperation (EuroUZ)-თან და უზბეკეთის სავაჭრო-სამრეწველო პალატასთან.„საქართველო – უზბეკეთი აბრეშუმის გზა“ საერთაშორისო ბიზნესდიალოგის, ახალი პარტნიორობებისა და გრძელვადიანი ეკონომიკური თანამშრომლობის განვითარების პლატფორმაა, რომელიც ქართულ კომპანიებს ცენტრალური აზიის ბაზარზე საკუთარი შესაძლებლობების წარმოჩენასა და საქმიანობის გაფართოებაში ეხმარება.(R)

1793100894

შემოსავლების ზრდის ძირითადი მამოძრავებელი მესამე კვარტალი გახდა, სადაც რეკორდული $1.9 მილიარდი დაფიქსირდა (წლიური ზრდა 10%). ამ ზრდამ სრულად გადააფარა წლის პირველ ნახევარში დაფიქსირებული კლება.ტურიზმისა და შემოსავლების ძირითადი მაჩვენებლები (2026 წლის 9 თვე) მაჩვენებელი / კატეგორია 2026 წლის 9 თვე წლიური ცვლილება (YoY) დამატებითი დეტალები სულ საერთაშორისო ვიზიტები 5.3 მლნ 0% III კვარტალში ზრდამ 3% შეადგინა └ ტურისტული ვიზიტები — +2% ძირითადი მამოძრავებელი └ ერთდღიანი ვიზიტები — -9% შემცირება მეზობელი ბაზრებიდან სულ შემოსავლები ტურიზმიდან $3.8 მლრდ +4% 3.8 მილიარდი დოლარი └ III კვარტალის შემოსავალი $1.9 მლრდ +12% რეკორდული კვარტალური მაჩვენებელი ვიზიტების დინამიკა: ტურისტული ნაკადები და ძირითადი ბაზრები2026 წლის 9 თვეში საერთაშორისო ვიზიტების საერთო რაოდენობა პრაქტიკულად უცვლელი დარჩა და 5.3 მილიონი შეადგინა. თუმცა, სტრუქტურულად დადებითი ტენდენცია გამოიკვეთა: ტურისტული ვიზიტები 2%-ით გაიზარდა, ხოლო ერთდღიანი ვიზიტები 9%-ით შემცირდა, რაც ძირითადად მეზობელი ბაზრებიდან ნაკადების შესუსტებას უკავშირდება.საერთაშორისო ვიზიტების მიხედვით, საქართველოს უმსხვილეს ბაზრად კვლავ რუსეთი რჩება (25%-იანი წილი), რომელსაც თურქეთი (17%) და სომხეთი (13%) მოსდევს.საინტერესო დინამიკა დაფიქსირდა სხვა მიმართულებებითაც: ევროკავშირი და დიდი ბრიტანეთი: ამ ჯგუფმა ჯამური ვიზიტების 9% შეადგინა (470 ათასი ვიზიტი, წლიური ზრდა 20%) და გადაუსწრო ისეთ ბაზრებს, როგორებიცაა ისრაელი და აზერბაიჯანი. ევროპელ ვიზიტორებში ლიდერობენ გერმანია (17%), პოლონეთი (16%) და დიდი ბრიტანეთი (9%). აზერბაიჯანი: მესამე კვარტალში ვიზიტების ზრდა 36%-მდე დაჩქარდა. გარდაბნის სარკინიგზო გამშვები პუნქტით 9 თვეში 30 ათასი ვიზიტი დაფიქსირდა (2025 წლის 900-თან შედარებით). ისრაელი: 9 თვის ჯამით ვიზიტები უცვლელი დარჩა (0%), თუმცა მესამე კვარტალში დაფიქსირებულმა 19%-იანმა ზრდამ წლის დასაწყისის კლება დააბალანსა. მაღალი ზრდა და კლება: ვიზიტების მაღალი წლიური ზრდა დაფიქსირდა ჩინეთიდან (+24%) და უკრაინიდან (+22%). საპირისპიროდ, მკვეთრი კლება დაფიქსირდა ინდოეთიდან (-51%) და ირანიდან (-30%), რაზეც ახლო აღმოსავლეთის კონფლიქტმა და IndiGo-ს მიერ პირდაპირი ფრენების შეჩერებამ იმოქმედა. ვიზიტორები და შემოსავლები ბაზრების მიხედვით ქვეყანა / რეგიონი წილი ვიზიტებში JPG+ 1 ვიზიტების დინამიკა JPG+ 2 შემოსავლების დინამიკა JPG რუსეთი 25% +5% +14% თურქეთი 17% -4% -6% სომხეთი 13% -6% გაიზარდა ევროკავშირი & დიდი ბრიტანეთი 9% +20% (470 ათასი) +29% (უმსხვილესი წყარო) ისრაელი მე-4 ბაზარი 0% (III კვ. +19%) +6% აზერბაიჯანი — III კვ. +36% გაიზარდა უკრაინა — +22% +46% ჩინეთი — +24% — ინდოეთი — -51% — ირანი — -30% -46% საუდის არაბეთი — შემცირდა -34% სასტუმროების სექტორი: მზარდი დატვირთვა და ფასებიტურიზმის აღდგენასთან ერთად, მნიშვნელოვანი გაუმჯობესება დაფიქსირდა სასტუმროების სექტორშიც. 2026 წლის 9 თვეში მსხვილი ბრენდული სასტუმროების საშუალო დატვირთვამ 65% შეადგინა, რაც 3 პროცენტული პუნქტით აღემატება გასული წლის მაჩვენებელს. სექტემბერში დატვირთვამ 86%-ს მიაღწია.მნიშვნელოვნად გაიზარდა ოთახის საშუალო დღიური ღირებულებაც (ADR): 9 თვის საშუალო ADR 14%-ით გაიზარდა და $150-ს გადააჭარბა ($154). მესამე კვარტალში საშუალო ADR-მა $190-ს მიაღწია (+25%), ხოლო პიკურ აგვისტოში $210-ს მიაღწია (+37%). სასტუმროების სექტორის ძირითადი ინდიკატორები მაჩვენებელი 2026 წლის 9 თვე პიკური მაჩვენებელი / III კვარტალი სასტუმროების საშუალო დატვირთვა 65% (+3 პ.პ.) 86% (სექტემბერი) ოთახის საშუალო ფასი (ADR) $150 $ (+14% წლიურად) $210 (აგვისტო, +37%)

1793100755

ღონისძიება სინგაპურის გლობალური ფინანსებისა და ტექნოლოგიების ქსელის (  GFTN) აღმასრულებელმა დირექტორმა სოპნენდუ მოჰანტიმ გახსნა. სტუმრებს მისასალმებელი სიტყვით საქართველოს პრემიერ-მინისტრმა ირაკლი კობახიძემ, ეკონომიკისა და მდგრადი განვითარების მინისტრმა მარიამ ქვრივიშვილმა და ეროვნული ბანკის პრეზიდენტმა ნათია თურნავამ მიმართეს.„უკვე მეორე წელია, საქართველო იმ საერთაშორისო ქსელის ნაწილია, რომელიც მსოფლიოს წამყვან ფინანსურ ცენტრებს, მათ შორის სინგაპურს, იაპონიასა და შვეიცარიას აერთიანებს. ეს არის საქართველოს მთავრობისა და საქართველოს ეროვნული ბანკის მიერ განხორციელებული წარმატებული რეფორმების შედეგი", - განაცხადა საქართველოს ეროვნული ბანკის პრეზიდენტმა ნათია თურნავამ სამიტის გახსნაზე.მისი თქმით, გლობალური გამოწვევების მიუხედავად, საქართველომ ფინანსური სტაბილურობა და ეკონომიკური ზრდის მაღალი ტემპი შეინარჩუნა. ბოლო ხუთი წლის განმავლობაში ეკონომიკის საშუალო წლიურმა ზრდამ 9.3% შეადგინა, საერთაშორისო რეზერვები კი ბოლო ორი წლის განმავლობაში გაორმაგდა და 8.14 მილიარდ აშშ დოლარს მიაღწია. გაუმჯობესდა რეზერვების ადეკვატურობის მაჩვენებელიც, სსფ-ს მეთოდოლოგიით განსაზღვრული მაჩვენებელი (ARA metric) ადეკვატურობის 100%-იან ზღვარს მნიშვნელოვნად აღემატება და 128.2%-ს შეადგენს.ნათია თურნავას განცხადებით, ქართული საფინანსო სექტორი მაღალი კაპიტალიზაციითა და ლიკვიდობის ძლიერი ბუფერებით ხასიათდება, რაც საერთაშორისო ინვესტორებისთვის მის მიმზიდველობას ზრდის. 2025 წელს საფინანსო სექტორში პირდაპირი უცხოური ინვესტიციების წლიურმა ზრდამ 18.7% შეადგინა. სამიტის მთავარი თემაა რეგიონული ეკონომიკური და ფინანსური კორიდორების განვითარება პოლიტიკის, ფინანსებისა და ტექნოლოგიების გადაკვეთის წერტილში. ორდღიანი ღონისძიების ფარგლებში მონაწილეები იმსჯელებენ ცენტრალური ბანკების პრიორიტეტებზე, ფინანსურ სტაბილურობაზე, ციფრულ აქტივებზე, გადახდების მომავალზე, ხელოვნურ ინტელექტსა და ფინანსური სისტემების კიბერუსაფრთხოებაზე. საქართველოს ეროვნული ბანკის პრეზიდენტი მონაწილეობას მიიღებს მაღალი დონის პანელურ დისკუსიაში - „ცენტრალური ბანკების პრიორიტეტები 2027 წლისთვის".„თბილისის ფინანსური სამიტი" საქართველოს საერთაშორისო ფინანსურ და ტექნოლოგიურ ეკოსისტემაში პოზიციების გაძლიერების, საერთაშორისო პარტნიორებთან თანამშრომლობის გაღრმავებისა და საინვესტიციო შესაძლებლობების წარმოჩენის მნიშვნელოვანი პლატფორმაა.სამიტი საქართველოს ეროვნული ბანკის, საქართველოს ეკონომიკისა და მდგრადი განვითარების სამინისტროსა და სინგაპურში დაფუძნებული გლობალური ფინანსური და ტექნოლოგიური ქსელის (GFTN) ერთობლივი ორგანიზებით ტარდება.

1793093397

რა შემთხვევაშია ოპტიმალური შემნახველი ანაბრის გამოყენებაშემნახველი ანაბარი ხელსაყრელი საბანკო პროდუქტია, რომელიც საშუალებას იძლევა, თანხა მოგზაურობისთვის, სწავლისთვის, რემონტისთვის, სასურველი შენაძენისა თუ განათლებისთვის შეგროვდეს. ამავდროულად, ის გარკვეული ფინანსური იმედიცაა: მოულოდნელი ხარჯების შემთხვევაში, მომხმარებელმა ყოველთვის იცის, რომ აქვს თანხა, რომელსაც გაუთვალისწინებელი საჭიროებებისთვის მარტივად გამოიყენებს.შემნახველი ანაბრის ერთ-ერთი უპირატესობა შემოსავლის მიღების შესაძლებლობაცაა: განთავსების შემდეგ მას საპროცენტო სარგებელი ერიცხება, დანაზოგი კი კიდევ უფრო იზრდება. შესაბამისად, როცა მომხმარებელს გარკვეული თანხა აქვს გადადებული, ბევრად პრაქტიკული და გონივრულია, ის უბრალოდ ანგარიშზე არ დატოვოს და შემნახველ ანაბარზე შეიტანოს.შემნახველი ანაბარი რამდენიმე მნიშვნელოვანი კრიტერიუმით ფასდება: არის თუ არა თანხის განთავსების, დამატებისა და ნაწილობრივ ან სრულად გატანის პირობები მოქნილი, რა წესები მოქმედებს ანაბრის ვადამდე გატანის შემთხვევაში, როგორია საპროცენტო განაკვეთი და მისი დარიცხვის პირობები, რამდენია მინიმალური შენატანი, ანაბრის მაქსიმალური ოდენობა და ფინანსური ხარჯი.ანაბარი  “ჩემიანი” — დაზოგვა მოქნილი პირობებითმიკრობანკ “კრისტალის” ახალი შემნახველი ანაბარი “ჩემიანი” მომხმარებლებს შესაძლებლობას აძლევს, ანაბარზე თანხა ლარში, დოლარში ან ევროში შეუზღუდავი ვადით განათავსონ, შემდეგ კი ის ნებისმიერ დროს, სასურველი პერიოდულობით შეავსონ.ანაბარი “ჩემიანი”ფიზიკური და იურიდიული პირებისთვისაა ხელმისაწვდომი. თანხის შეტანა შესაძლებელია მიკრობანკ “კრისტალის” ფილიალებში. მოქნილია ანაბრის განკარგვაც: მომხმარებელს მისი ბანკიდან გატანა ნებისმიერ დროს შეუძლია.ანაბარზე მინიმალური შენატანი ფიზიკური პირებისთვის 10 ერთეულია, იურიდიული პირებისთვის კი - 100 ერთეული. განსათავსებელი თანხის მაქსიმალური ლიმიტი 50 000 ლარია ან მისი ეკვივალენტი შესაბამის ვალუტაში, რომელიც გახსნის დღეს საქართველოს ეროვნული ბანკის ოფიციალური კურსით გამოითვლება. საგულისხმოა, რომ ერთ მომხმარებელზე ვადიანი თუ შემნახველი ანაბრების მაქსიმალური რაოდენობა ჯამურად 50 000 ლარი ან მისი ეკვივალენტია უცხოურ ვალუტაში, რაც ასევე იმ ოფიციალური კურსით განისაზღვრება, რაც ანაბრის გახსნის დღეს, საქართველოს ეროვნული ბანკის მიერ იქნება დადგენილი.“ჩემიანის” გახსნა სრულიად უფასოა. მომხმარებელს არც ყოველთვიური მომსახურებისა და ანგარიშიდან თანხის გატანის საკომისიოების გადახდა უწევს. ამასთან, ანაბრის დახურვა ნებისმიერ დროსაა შესაძლებელი. დახურვის შემთხვევაში, დარიცხული საპროცენტო სარგებელი დაანგარიშდება და თანხის ნაშთი სრულად გაიცემა.“ჩემიანის” მომხმარებელს საშუალება აქვს,  წინასწარ განსაზღვრული საპროცენტო განაკვეთით ისარგებლოს, საპროცენტო სარგებლის დარიცხვა კი მას ყოველდღიურ ნაშთზე შეეძლება. პროდუქტზე მუშაობა გრძელდება და სამომავლოდ მისი შესაძლებლობები კიდევ უფრო გაფართოვდება.უსაფრთხო და საიმედო დანაზოგიანაბრით სარგებლობამდე ყურადღება უნდა მიექცეს ბანკის რეპუტაციას, სტაბილურობასა და გამოცდილებას. აღსანიშნავია, რომ მიკრობანკი  „კრისტალი“, რომელიც საქართველოს საფინანსო ბაზრის წამყვანი და დინამიკურად მზარდი კომპანიაა, საერთაშორისო ინვესტორებისა და პარტნიორების განსაკუთრებული ნდობით სარგებლობს, აქვს კორპორაციული სოციალური პასუხისმგებლობის გამორჩეული კულტურა და მომხმარებლებზე ზრუნვის მაღალი სტანდარტი. ამას გარდა, 2025 წლიდან, მიკრობანკის ლიცენზიის მიღების შემდეგ, მიკრობანკი „კრისტალი“ ჩართულია „დეპოზიტების დაზღვევის სისტემის შესახებ“ საქართველოს კანონის საფუძველზე შექმნილ დეპოზიტების დაზღვევის სისტემაში. სადაზღვევო შემთხვევის დადგომისას დეპოზიტარის დეპოზიტზე/ანგარიშზე არსებული ხელმისაწვდომი თანხა ანაზღაურდება დეპოზიტების დაზღვევის სააგენტოს მიერ, 50 000 ლარის ფარგლებში, ხოლო დანარჩენი თანხა — მოქმედი კანონმდებლობით გათვალისწინებული წესით.დეტალური პირობებისთვის ეწვიეთ ბმულს >>>(R)

1793090542

აზერბაიჯანის ცენტრალური ბანკის ინფორმაციით, საანგარიშო პერიოდში ბანკების საოპერაციო შემოსავლებმა 5,73 მლრდ მანათს გადააჭარბა, რაც წლიურად 13,6%-იანი ზრდაა.ბანკების საოპერაციო ხარჯებმა 3,98 მლრდ მანათი შეადგინა, რაც 9,75%-ით მეტია წინა წლის მაჩვენებელზე. სპეციალურ რეზერვებში გადარიცხვებმა 399,5 მლნ მანათი შეადგინა და 36,9%–ით გაიზარდა.მოგების გადასახადის სახით ბანკების გადახდებმა 270,8 მლნ მანათი შეადგინა, რაც წლიურად 26,25%-იანი ზრდაა.

1793088812

სოპნენდუ მოჰანტიმ ხაზი გაუსვა საქართველოს ეროვნული ბანკის როლს ფინანსური ინოვაციების განვითარებაში და აღნიშნა, რომ ქვეყანა ღია ბანკინგის დანერგვით უკვე მნიშვნელოვან ნაბიჯებს დგამს ფინანსური სისტემის მოდერნიზაციის მიმართულებით. მისი შეფასებით, საქართველოს აქვს შესაძლებლობა, ამ გამოცდილებას დაეყრდნოს და ფინანსური ტექნოლოგიების განვითარების მომდევნო ეტაპზე გადავიდეს."ღია ბანკინგი, მარეგულირებელი ლაბორატორია, ციფრული ბანკები,  ციფრული ლარი,  თქვენ უბრალოდ კი არ ნერგავთ ტექნოლოგიას,  თქვენ თავად ქმნით მას. მაგრამ ტექნოლოგია არ არის მიზანი. მიზანი არის ფინანსური სისტემა, რომელიც პროდუქტიული, მდგრადი და სანდოა, რადგან ტექნოლოგია განსაზღვრავს იმას, თუ რისი გაკეთება შეუძლია ფინანსებს. ნდობა კი გადაწყვეტს, თუ რამდენად შორს შეუძლია მას წასვლა. მოდით, ვაქციოთ თბილისი ადგილად სადაც ეს ორი ერთმანეთს ხვდება", - განაცხადა სოჰნენდუ მოჰანტიმ.GFTN-ის ჯგუფის აღმასრულებელმა დირექტორმა საქართველოს განვითარების პერსპექტივებზე საუბრისას აღნიშნა, რომ საქართველოს ფინანსური სექტორის შემდგომ განვითარებაში განსაკუთრებული მნიშვნელობა ექნება სამ მიმართულებას: ხელოვნურ ინტელექტს, ტოკენიზაციასა და კვანტურ ტექნოლოგიებს.ხელოვნურ ინტელექტზე საუბრისას მან აღნიშნა, რომ ტექნოლოგიის განვითარება უკვე ახალ ეტაპზე გადადის, როდესაც ხელოვნური ინტელექტი არა მხოლოდ ინფორმაციას ამუშავებს და კითხვებს პასუხობს, არამედ დამოუკიდებლად მოქმედებს კიდეც. მისი შეფასებით, ფინანსურ სექტორში ხელოვნური ინტელექტის გამოყენება ხელს შეუწყობს თაღლითობის სწრაფ გამოვლენას, რისკების უფრო ზუსტ შეფასებასა და მომხმარებლებისთვის მომსახურების გაუმჯობესებას. ამასთან, მნიშვნელოვანია შესაბამისი მარეგულირებელი ჩარჩოების არსებობა, რომლებიც ინოვაციების განვითარებასა და ფინანსური სისტემის უსაფრთხოებას უზრუნველყოფს.მეორე მნიშვნელოვან მიმართულებად სოპნენდუ მოჰანტიმ ტოკენიზაცია დაასახელა. მისი განმარტებით, ტოკენიზებული ფინანსური ბაზარი შესაძლებლობას იძლევა, ფულისა და აქტივების ანგარიშსწორება მყისიერად განხორციელდეს. მან აღნიშნა, რომ საქართველომ ციფრული ფულის მიმართულებით ადრეულ ეტაპზევე გადადგა ნაბიჯები და გამოთქვა იმედი, რომ ქვეყანა ამ გამოცდილებას სრულყოფილი ტოკენიზებული ბაზრის განვითარებისკენ მიმართავს."ღირებულება იზრდება მაშინ, როდესაც მას ვაზიარებთ და საქართველო ამ პრინციპით ცხოვრობს", - განაცხადა  GFTN-ის ჯგუფის აღმასრულებელმა დირექტორმა.

1793088448

მონაცემების თანახმად, მას შემდეგ, რაც ახალმა ევროპარლამენტმა მუშაობა 2024 წლის ზაფხულში დაიწყო, დეკლარირებულია 400-ზე მეტი შეხვედრა, მაშინ როდესაც წინა ხუთწლიან ვადაში მათი რაოდენობა დაახლოებით 100-ს შეადგენდა.POLITICO-ს ანალიზით, შეხვედრების 75% მემარჯვენე ევროპარლამენტარებთან გაიმართა, მათ შორის, ცენტრისტულ-მემარჯვენე „ევროპის ხალხთა პარტიის“ (EPP), „ევროპელ კონსერვატორთა და რეფორმისტთა“ (ECR) და „პატრიოტები ევროპისთვის“ ჯგუფების წარმომადგენლებთან. ლობირების მკვეთრი ზრდა უკავშირდება ევროკავშირის მიერ თამბაქოსა და ნიკოტინის შესახებ რამდენიმე საკვანძო საკანონმდებლო აქტის, მათ შორის საგადასახადო დირექტივისა და რეკლამის წესების, ძირეული გადასინჯვის მზადებას.კომპანიებს შორის შეხვედრების რაოდენობით ლიდერობს Philip Morris International (PMI) - მასთან სულ მცირე 178 შეხვედრა გამოცხადდა. მეორე ადგილზეა British American Tobacco (BAT) 60 შეხვედრით. Transparency International EU-ს მონაცემებით, PMI მეოთხე ადგილზეა Meta-ს, Google-ისა და Apple-ის შემდეგ იმ კომპანიებს შორის, რომლებიც ყველაზე ხშირად ხვდებიან ევროპარლამენტარებსა და მათ თანაშემწეებს.ლობისტური აქტივობის ზრდამ ევროპარლამენტარების ნაწილისა და საზოგადოებრივი ჯანდაცვის ორგანიზაციების პროტესტი გამოიწვია. „მწვანეთა“ წარმომადგენლის, ტილი მეცის განცხადებით, ჯანდაცვის საკითხებზე მუშაობისას თამბაქოს ინდუსტრიასთან რეგულარული შეხვედრები შეუთავსებელია. ოპონენტები მიუთითებენ ჯანდაცვის მსოფლიო ორგანიზაციის (WHO) თამბაქოს კონტროლის ჩარჩო კონვენციაზე (FCTC), რომელიც პოლიტიკის შემქმნელებს მოუწოდებს, შეზღუდონ ურთიერთობა ინდუსტრიასთან მხოლოდ იმ ჩარჩომდე, რაც მკაცრად აუცილებელია რეგულირებისთვის.თავის მხრივ, თამბაქოს მწარმოებლები და ევროპარლამენტარები აცხადებენ, რომ მოქმედებენ წესების სრული დაცვით და გამჭვირვალედ. ინდუსტრიის წარმომადგენელთა არგუმენტით, ისინი გადადიან „ზიანის შემცირების“ სტრატეგიაზე, სთავაზობენ მომხმარებელს უკვამლო და ნიკოტინის ალტერნატიულ პროდუქტებს, ხოლო კანონმდებლებთან დიალოგი ეკონომიკური და რეგულატორული ასპექტების განხილვისთვის აუცილებელია.

1793086829

საქართველოს ბანკის სტიპენდიის მოპოვება 23 პარტნიორ უნივერსიტეტში საბაკალავრო საფეხურზე მყოფ სტუდენტებს შეუძლიათ. განაცხადების მიღება უკვე დაწყებულია.სტიპენდია სწავლის ერთი წლის განმავლობაში სრულ დაფინანსებას მოიცავს.პროგრამის მონაწილეები მაღალი აკადემიური მოსწრებისა და ლიდერობის პოტენციალის საფუძველზე შეირჩევიან. პირველ ეტაპზე უნივერსიტეტები განაცხადებს GPA-სა და სამოტივაციო წერილის მიხედვით განიხილავენ. მომდევნო ეტაპზე შერჩეულ კანდიდატებთან გასაუბრება გაიმართება, რის შემდეგაც საქართველოს ბანკის სტიპენდიატები გამოვლინდებიან.სტიპენდიის მიღების კრიტერიუმებს თითოეული უნივერსიტეტი ინდივიდუალურად განსაზღვრავს.პროგრამის პარტნიორი უნივესრიტეტების სია ასე გამოიყურება: თბილისის სახელმწიფო უნივერსიტეტი (თსუ) ილიას სახელმწიფო უნივერსიტეტი თავისუფალი უნივერსიტეტი აგრარული უნივერსიტეტი თბილისის სახელმწიფო სამხატვრო აკადემია ქართულ-ამერიკული უნივერსიტეტი (GAU) საქართველოს ტექნიკური უნივერსიტეტი (სტუ) თბილისის სახელმწიფო სამედიცინო უნივერსიტეტი საქართველოს ეროვნული უნივერსიტეტი (SEU) სოხუმის სახელმწიფო უნივერსიტეტი თელავის სახელმწიფო უნივერსიტეტი ბათუმის სახელმწიფო საზღვაო აკადემია ბათუმის შოთა რუსთაველის უნივერსიტეტი ქუთაისის საერთაშორისო უნივერსიტეტი (KIU) საქართველოს საერთაშორისო უნივერსიტეტი (GIU) ზუგდიდის სახელმწიფო სასწავლო უნივერსიტეტი სპორტის უნივერსიტეტი თეატრისა და კინოს უნივერსიტეტი კონსერვატორია სამცხე-ჯავახეთის სახელმწიფო უნივერსიტეტი საქართველოს უნივერსიტეტი პეტრე შოთაძის სახელობის თბილისის სამედიცინო აკადემია ბათუმის სახელმწიფო საზღვაო აკადემიის ფილიალი ფოთში საქართველოს ბანკისთვის განათლების მხარდაჭერა ერთ-ერთი მთავარი პრიორიტეტია. სასტიპენდიო პროგრამით ბანკი ხელს უწყობს ახალგაზრდებს, განავითარონ საკუთარი პოტენციალი და განაგრძონ გზა მიზნებისკენ.გაიგე მეტი საქართველოს ბანკის საგანმანათლებლო შესაძლებლობების შესახებ:შესაძლებლობები ღიაა, რომ განათლების გზაზე არ გაჩერდე.(R)

1793083169