ბიზნესსესხების დოლარიზაცია 60%-ს ჩამოსცდა

გავლენიანი ბრიტანული გამოცემა წერს, რომ სებ-მა მნიშვნელოვანი ნაბიჯები გადადგა ფინანსური სტაბილურობის განსამტკიცებლად, შედეგად საქართველოს აქვს კარგად კაპიტალიზებული, ლიკვიდური და მდგრადი საბანკო სექტორი. ჟურნალისტი სებ-ის მწვანე ობლიგაციების ბაზრის განვითარების ინიციატივებზე საუბრობს, მისი შეფასებით ეროვნულმა ბანკმა  ფინანსური ინოვაცია ეკონომიკური მდგრადობის გასაძლიერებლად გამოიყენა.„საქართველოს ეროვნული ბანკი ახორციელებს ეფექტურ მონეტარულ პოლიტიკას, ბანკმა მნიშვნელოვანი ნაბიჯები გადადგა ფინანსური სტაბილურობის განსამტკიცებლად. საქართველოს საბანკო სექტორი კვლავ მდგრადია,  აქვს ადეკვატური ლიკვიდურობა და კარგად კაპიტალიზებულია. გარდა ამისა, ისეთი ინიციატივები, როგორიცაა მწვანე ობლიგაციების ბაზრის განვითარება, ხაზს უსვამს მდგრადი ზრდის მიმართ სებ-ის ერთგულებას. 2022 წელს საქართველოს პირველი კორპორაციული მწვანე ობლიგაციების გამოშვება, რომელიც განახლებადი ენერგიის პროექტებზე იყო ფოკუსირებული, იმის მაგალითია, თუ როგორ გამოიყენება ფინანსური ინოვაცია ეკონომიკური მდგრადობის გასაძლიერებლად", - აღნიშნულია სტატიაში.პუბლიკაციაში ხაზგასმულია,  ეროვნული ბანკის მნიშვნელოვანი მიღწევები უცხოური ვალუტის რყევებისა და გარე შოკების მიმართ ფინანსური სექტორის მდგრადობის საქმეში. გარდა ამისა, ბრიტანული გამოცემა დედოლარიზაციის კუთხით გატარებულ ღონისძიებებზე ამახვილებს ყურადღებას, რამაც მნიშვნელოვნად შეამცირა უცხოური ვალუტის სესხებისა და დეპოზიტების წილი. „2017 წლიდან სებ-მა უცხოურ ვალუტაზე დამოკიდებულების შესამცირებლად სოლიდური მაკროპრუდენციული ზომები გაატარა. ამ მიზნით, სებ-მა რამდენჯერმე მიყოლებით გაზარდა ლიმიტები უცხოური ვალუტით გაცემულ არაჰეჯირებულ სესხებზე. ამ ძალისხმევამ მნიშვნელოვნად შეამცირა უცხოური ვალუტის სესხების წილი: 2010-იანი წლების დასაწყისში ეს მაჩვენებელი 80%-ს შეადგენდა, დღეს კი დაახლოებით 43%-ია. ასევე, უცხოური ვალუტის დეპოზიტების წილი, რომელიც 2010-იანი წლების დასაწყისში მსგავს დონეზე იყო, 52%-მდე შემცირდა. შედეგად, საქართველოს ფინანსური სექტორი გარე შოკების მიმართ უფრო მდგრადი გახდა."- აღნიშნავს ბრიტანული გამოცემა.Capital Finance International ყოველკვარტალური ჟურნალი და ონლაინ-რესურსია, რომელიც აქტიურად აშუქებს ბიზნესის, ეკონომიკის და ფინანსების საკითხებს. CFI.co 12 წლის წინ დაარსდა და მისი სათავო ოფისი ლონდონში მდებარეობს. გამოცემის ბეჭდური ვერსია ვრცელდება ისეთ მსხვილ საერთაშორისო ფორუმებზე, როგორებიცაა დავოსის ეკონომიკური ფორუმი, OECD-ის კონფერენციები, დუბაის ყოველწლიური საინვესტიციო შეხვედრები (AIM), Opal Group-ის ინვესტორთა კონფერენციები, მსოფლიოს საინვესტიციო ფორუმი და სხვა.

1737539179

ევროპარლამენტარმა ტიერი მარიანიმ (საფრანგეთი) ევროპარლამენტში საქართველოს შესახებ გუშინ გამართულ დებატებზე სიტყვით გამოსვლისას განაცხადა, რომ "საქართველო ბრიუსელის კოლონია არ გახდება". მართალია, მას არ უხსენებია ქართული ოცნება, მაგრამ თქვა, რომ სუვერენული ხალხის დემოკრატიულ გადაწყვეტილებაზე ევროპამ "გავლენა არ უნდა მოახდინოს". მიზეზად კი ის დაასახელა, რომ საქართველოში "ძალაუფლება ხალხს აქვს" და სწორედ მათი არჩევანი იყო არჩევნების შედეგები. ევროპარლამენტარმა რიჰარდს კოლსიმ (ლატვია) თქვა, რომ თუ ევროპა არაფერს არ მოიმოქმედებს, გამოვა, რომ "ქართველ ხალხს მივატოვებთ იმ მთავრობასთან, რომელსაც დემოკრატიის ეშინია".ევროპარლამენტის პლენარულ სხდომაზე ისაუბრეს გიორგი გახარიაზე, რომელსაც 14-15 იანვრის ღამეს ბათუმში, "ქართული ოცნების" წარმომადგენლები თავს დაესხნენ და ფიზიკურად გაუსწორდნენ. ისაუბრეს აქციების დროს დაშავებულ ჟურნალისტებსა და პოლიციელებზე, ისაუბრეს იმაზე, რასაც მათი აზრით, ევროპა უნდა აკეთებდეს და არ აკეთებს. ისაუბრეს იმ ფინანსურ ნაწილზე, რასაც ევროპის კავშირი აპირებს გამოყოს საქართველოს სამოქალაქო საზოგადოების და მედიის დასახმარებლად.რა თქვეს საქართველოს შესახებ გამართულ დებატებზე დანარჩენმა ევროპარლამენტარებმა? ევროპარლამენტარი რიჰარდს კოლსი„ვითარება საქართველოში სწრაფად უარესდება. ქართველ ხალხს ევროპული მომავალი სურს, მაგრამ მათი მთავრობა ძალადობით, რეპრესიებითა და ტყუილებით პასუხობს. “ქართული კოშმარის” პარტიამ თავისი ყველა ვალდებულება მიატოვა, ისინი აჩუმებენ ოპოზიციას, ავიწროებენ ჟურნალისტებს და იყენებენ გადამეტებულ და სასტიკ ძალას მშვიდობიანი დემონსტრანტების წინააღმდეგ.რეჟიმი აბუჩად იგდებს დემოკრატიას. პრინციპების უკან იმალებიან მაშინ, როდესაც მათ ყველა ქმედებით თელავენ. მათი პროპაგანდა პირდაპირ კრემლის სახელმძღვანელოდან არის.ისინი საკუთარ თავს სტაბილურობის დამცველებად წარმოაჩენენ მაშინ, როდესაც ქაოსს თესავენ და საკუთარ მოქალაქეებს იღებენ სამიზნეში. თუ არაფერს არ ვიზამთ, გამოდის, რომ ქართველ ხალხს მივატოვებთ იმ მთავრობასთან, რომელსაც დემოკრატიის ეშინია.ევროპის კავშირმა უნდა გააჩეროს საქართველოს გაწევრიანების პროცესი და სანქციები დაუწესოს მათ, ვინც ხელს უწყობს ამ რეპრესიებს. ქართველი ხალხი არ უნდა იქნას იმ ხელიუსაფალის ქვეშ მოქცეული, ვისაც ევროპული გზა ეზიზღება". მაგნუს ბრუნერი - შინაგან საქმეთა და მიგრაციის ევროკომისარი„50 დღეზე მეტია ქართველები ქვეყნის მასშტაბით ქუჩებში გამოდიან უპრეცედენტო პროტესტით, იბრძვიან თავიანთი ქვეყნის დემოკრატიული მომავლისთვის, რომელიც ევროპული ოჯახის წევრი იქნება, და იყენებენ ფუნდამენტურ უფლებებს, რომლებსაც ძალადობრივი რეპრესიებით, დაშინებითა და დაკავებებით დახვდნენ.საქართველოს მზარდი დემოკრატიული ვარდნა რეალურად ძალიან საგანგაშოა. ოფიციალურმა პირებმა ბოლო დროს რიგი კანონების შესწორებები აამოქმედეს, რომლებიც ფუნდამენტურ უფლებებს ზღუდავენ და ძირს უთხრიან დემოკრატიულ მმართველობას. ძალადობა და სიძულვილის ენა მშვიდობიანი დემონსტრანტების, პოლიტიკოსებისა და მედიის წარმომადგენლების წინააღმდეგ, საჯარო მოსამსახურეების პოლიტიკური მოტივებით გათავისუფლების შესახებ ცნობები, ისევე, როგორც სალომე ზურაბიშვილის წინააღმდეგ მუქარები სრულიად მიუღებელია.ბევრი დაკავებული პატიმრობაში რჩება და სისხლის სამართლით გასამართლება ემუქრებათ, თუმცა დღემდე სამართალდამცავი ორგანოების არცერთი წარმომადგენლის მიმართ ბრალდება წაყენებული არ არის პროტესტების ძალადობრივი დარბევებისა და დაკავებული დემონსტრანტების წამების სერიოზული ბრალდებების მიუხედავად, რაც საქართველოს ომბუდსმენმა გააჟღერა.მსგავსი ქმედებები არ შეესაბამება ევროკავშირის კანდიდატის სტატუსის მქონე ქვეყანას. ევროკავშირი სოლიდარობას უცხადებს ქართველ ხალხს და მოვუწოდებთ ოფიციალურ პირებს, სწრაფი ქმედება განახორციელონ, რათა დაძაბულობა განმუხტონ. უსამართლოდ დაპატიმრებულები უნდა გაათავისუფლონ, ძალადობის აქტები უნდა გამოიძიოს და ანგარიშვალდებულება უნდა იყოს სამართალდამცავებისთვის, რომლებიც ჩართული იყვნენ ამ უკანონო ქმედებებში“.ლიეტუველი ევროპარლამენტარი რასა იუკნევიჩიენე„მამაცი ქართველები 50 დღეზე მეტია აპროტესტებენ თავიანთი ევროპული მომავლის მოპარვას მიუხედავად „ქართული ოცნების“ ხელისუფლების მხრიდან სისასტიკისა და ძალადობისა. სხვათა შორის, ქუჩაში გამოსული ადამიანები მათ „კრემლის ოცნების“ „რუსეთის ოცნების“ პარტიას ეძახის. მაშინ, როცა ქართველები იბრძვიან ევროპული გზისთვის, ჩვენი მოვალეობაა, ვიყოთ მკაფიო ჩვენს მხარდაჭერაში: პირველი - ქართველი ხალხის ერთადერთი ნამდვილი და ლეგიტიმური წარმომადგენელი და ერთადერთი აღიარებული თანამდებობის პირი არის სალომე ზურაბიშვილი, მეორე - „ქართული ოცნება“ და თვითგამოცხადებული ერთპარტიული პარლამენტი არ არის ლეგიტიმური ხელისუფლება, მოვუწოდებ ევროკავშირის ლიდერებს, წევრ სახელმწიფოებს და სხვა საერთაშორისო ორგანიზაციებს, თავი შეიკავონ ყველა ქმედებისგან, რაც მოახდენს თვითდანიშნული “ქართული ოცნების“ ხელისუფლების ლეგიტიმაციას.ოპოზიციის ერთ-ერთი ლიდერი, გიორგი გახარია სასტიკად სცემეს, თავს დაესხნენ თავისუფალ ჟურნალისტებს, მათ შორის მზია ამაღლობელი, რომელსაც ორთვიანი პატიმრობა მიუსაჯეს. ევროპამ ამას უნდა უპასუხოს პასუხისმგებელი პირების, განსაკუთრებით ბიძინა ივანიშვილის, წინააღმდეგ პერსონალური სანქციების დაწესებით. ერთადერთი გამოსავალი კრიზისიდან არის ახალი, დამოუკიდებელი, სამართლიანი არჩევნები, ყოველგვარი დაყოვნების გარეშე“.ევროპარლამენტარი ტობიას კრამერი (გერმანია)„გასულ კვირას საქართველოს ყოფილ პრემიერ-მინისტრს, გიორგი გახარიას ხელისუფლების ბანდიტების ჯგუფი თავს სასტიკად დაესხა, მათ შორის „ქართული ოცნების“ ე.წ. დეპუტატი. გახარია სისხლდენით და ძვლების მოტეხილობით საავადმყოფოში გადაიყვანეს. სამწუხაროდ, ეს არ არის იზოლირებული შემთხვევა. ბოლო კვირებისა და თვეების განმავლობაში 400-ზე მეტი ქართველი, მათ შორის პოლიტიკოსი, ჟურნალისტი და რიგითი მოქალაქე დააკავეს და აწამეს. მათი დანაშაული კი უკვე 55-ე დღეა ევროპული მომავლის მოთხოვნით ქუჩაში გამოსვლაა. მე ხალხის გამბედაობა დეკემბერში ჩვენი ვიზიტისას ვნახე. ყველა ასაკის ადამიანი ქუჩაში ევროკავშირში მომავლისთვის და ევროპარლამენტში წარმოდგენისთვის გამოდის. ამას აკეთებენ მაშინ, როცა იციან, რომ „ქართული ოცნების“ რეპრესიებისგან დაცული არავინ არ არის, მათ შორის არც ყოფილი პრემიერი და არც პრეზიდენტი.ქართველები თავს შეშინების უფლებას არ აძლევენ, რადგან ძალადობის ესკალაცია ძლიერების ნიშანი არ არის, არამედ იმის ნიშანია, რომ „ქართული ოცნება“ პანიკაშია. მათ ქართველი ხალხის ნება და ევროპული იდეის სიძლიერე სათანადოდ ვერ შეაფასეს. იფიქრეს, რომ არჩევნების გაყალბებას შეძლებდნენ, რუსული სამოქმედო გეგმით იმოქმედებდნენ, დაშინებით ძალაუფლებას გაიმყარებდნენ, მაგრამ მიხვდნენ, რომ ეს ეშმაკთან გარიგებაა. პუტინი პარტნიორებს არ ეძებს. ჯერ კიდევ არის დრო, რომ „ქართულმა ოცნებამ“ ეს კოშმარი დაასრულოს. ევროპისა და თავისუფლების კარი კვლავ ღია რჩება, მაგრამ ამისთვის საქართველოს ხელისუფლებამ საკუთარი მოქალაქეების წინააღმდეგ ძალადობა უნდა შეწყვიტოს. მათ ქართველებს საშუალება უნდა მისცენ, რომ თავიანთი სიტყვა ახალ და სამართლიან არჩევნებში გამოხატონ".შინაგან საქმეთა და მიგრაციის ევროკომისარი, მაგნუს ბრუნერი„ასევე მოვუწოდებთ [საქართველოს] ოფიციალურ პირებს, მიიღონ ეუთოს არჩევნების შესახებ საბოლოო ანგარიშში გამოქვეყნებული რეკომენდაციები და ყველა ვარიანტი განიხილონ საქართველოს დემოკრატიულ ინსტიტუტებისადმი ნდობის აღსადგენად. რა თქმა უნდა, ყველა პოლიტიკურ ძალასთან და სამოქალაქო საზოგადოებასთან დიალოგში, მათ შორის [განიხილონ] ახალი არჩევნების ჩატარებისკენ საქართველოს საზოგადოების მოწოდება.გასულ წელს ევროკავშირმა რიგი ზომები მიიღო, რათა რეაგირება მოეხდინა საქართველოს გაგრძელებულ დემოკრატიულ უკუსვლაზე. შევამცირეთ პოლიტიკური კონტაქტები და [საქართველოს] ოფიციალური პირებისთვის დახმარება შევაჩერეთ - 30 მილიონი “ევროპის მშვიდობის ხელშეწყობის ინსტრუმენტით” და 120 მილიონ ევროზე მეტი მთავრობისთვის პირდაპირი დახმარებით.ამავდროულად, ვაგრძელებთ სამოქალაქო საზოგადოების ორგანიზაციებისა და დამოუკიდებელი მედიის გვერდში დგომას. 8,5 მილიონი ევრო უკვე გადანაწილდა მათთვის და მზად ვართ დამატებითი სახსრები გადავცეთ საკომუნიკაციო აქტივობებისთვის, ვინაიდან დეზინფორმაციაზე ჩვენი პასუხი უნდა გავაძლიეროთ”.პოლონელი ევროპარლამენტარი მალგორზატა გოშიევსკა„ორი თვეა საქართველო ჩაფლულია მასობრივ პროტესტში სასტიკი, ანტიდემოკრატიული ხელისუფლების წინააღმდეგ, რომელმაც კიდევ ერთხელ გააყალბა არჩევნები და ევროკავშირთან გაწევრიანების შესახებ მოლაპარაკებები შეაჩერა. ხელისუფლება სასტიკი რეპრესიებით პასუხობს.საქართველო კრიტიკულ ეტაპზეა: ევროპული ღირებულებები, ან კრემლის კრიმინალური რეჟიმის ტრიუმფი. ჩვენ, ევროპარლამენტი, გვერდზე არ უნდა გავდგეთ, უნდა მოვითხოვოთ სანქციები ოლიგარქი ივანიშვილის და მასთან დაკავშირებული ბიზნესმენებისა და პოლიტიკოსების წინააღმდეგ, ამჟამინდელი მთავრობის და პარლამენტის საერთაშორისო იზოლაცია, თავისუფალი მედიის, პროევროპული ორგანიზაციების მხარდაჭერა, ყოფილი პრეზიდენტის, სააკაშვილის და სხვა პოლიტიკური პატიმრების გათავისუფლება“.ევროპარლამენტარი ტიერი მარიანი (საფრანგეთი) „ბრიუსელმა მეტი უნდა გააკეთოს - ეს ბუნდესტაგის საგარეო ურთიერთობათა კომიტეტის თავმჯდომარემ თქვა. მაგრამ რატომ უნდა მოვახდინოთ გავლენა სუვერენული ხალხის დემოკრატიულ გადაწყვეტილებაზე? ჩვენ ერებს შორის ურთიერთპატივისცემა გვჭირდება. საქართველოში ძალაუფლება ხალხს აქვს.20 დეკემბერს გამოქვეყნდა დასკვნა საქართველოს შესახებ, სადაც ნათქვამია, რომ უცხოური ჩარევა არ ყოფილა. ჩარევას ბრიუსელი აძლიერებს. მაგალითად, იქ ბევრი პოლიციელი დაშავდა და ბრიუსელი ქაოსის მონაწილეა. ეს თავისუფალი ქვეყანაა. საქართველოს სურს ევროპა, რომელიც მათ არჩევანს პატივს სცემს. საქართველო ბრიუსელის კოლონია არ გახდება“.ევროპარლამენტარი ნატალი ლუაზო„საქართველოსთან მიმართებით ევროკავშირი ერთადერთი მხარეა, რომელიც არაფერს შვება და ეს სირცხვილია! არჩევნები მოპარულ იქნა, და არც ახალი პრეზიდენტი, არც მთავრობა, არც პარლამენტი არ არიან ლეგიტიმურები. ჯერ კიდევ ველი თქვენგან, რომ ამას ცხადად იტყვით, მაშინ როდესაც ჩვენმა პარლამენტმა უკვე ქნა ასე, ბატონო ევროკომისარო.ხალხი 55 დღის მანძილზე დაჟინებულია, მათ წინააღმდეგ ბრუტალური რეპრესიებია, სასტიკი თავდასხმებია, თვითნებური დაკავებებია, ძალადობაა და ევროკავშირის საბჭომ ვერ შეძლო სერიოზული სანქციების მიღება… ინდივიდუალურად სახელმწიფოებმა მიიღეს [ზომები], მაგრამ ჩვენ არა. და ზომები, რომლებიც მიღებულია, უაზროა!ქართველები ქუჩებში ევროპული დროშებით აპროტესტებენ, ევროპის სჯერათ და ისინი ნამდვილად იმსახურებენ ჩვენს მხარდაჭერას…ის, რაც საქართველოში ხდება, სერიოზულია არა მხოლოდ საქართველოსთვის, არამედ კავკასიისთვის, შავი ზღვის უსაფრთხოებისთვის და ჩვენთვის. ანგარიშია პუტინი - 1, ევროპა - 0. თამაში ჯერ არ დასრულებულა, მოდით, ყველაფერი ვქნათ, რომ არ წავაგოთ!”ნიდერლანდელი ევროპარლამენტარი, რაინიე ვან ლანშოტმა „დღეს გარეთ ცივა. წარმოიდგინეთ, გადიხართ გარეთ და იქ 6 საათის განმავლობაში დგახართ. სიცივისგან კანკალებ და გეშინია, რომ შესაძლოა, პოლიციამ გცემოს უმიზეზოდ. სახლში დივანზე ოჯახთან ერთად ჯდომა, ბევრად უკეთესია, მაგრამ მაინც ქუჩაში რჩები, ხვალ ისევ მიდიხარ ისე, როგორც ამას ბოლო 55 დღის განმავლობაში აკეთებ, რადგან გსურს, შენი ქვეყანა დიქტატურა არ გახდეს, რადგან გსურს, შენს ქვეყანაში დემოკრატია და თავისუფლება იყოს, რადგან გსურს, შენი ქვეყანა ევროკავშირს შეუერთდეს. რას იგრძნობთ, თუ იგივე კავშირი რამდენიმე თვიანი დებატების შემდეგ გადაწყვეტს, რომ შეიძლება, მხოლოდ შეიძლება, ოდნავ გაურთულონ რეპრესიული რეჟიმის ჩინოვნიკებს თვითმფრინავით მგზავრობა. ევროკომისია, რას ელოდებით? საქართველოს ჩვენი მხარდაჭერა სჭირდება. თბილისში გამგზავრება, პრეზიდენტ ზურაბიშვილის მხარდაჭერა და მსურველთა კოალიციით რეალური სანქციების ამოქმედება“.ევროპარლამენტარი ტომაშ ფროელიხი (გერმანია) „ევროკავშირი უცხოური ჩარევის შესახებ მუდმივად ჩივის, მაგრამ ამას საქართველოში აკეთებს. ის მხარს უჭერს სახელმწიფო გადატრიალებას თბილისში, რომელიც უკრაინის სისხლიან ევრომაიდანს მოგვაგონებს, აწყობს დემონსტრაციებს, მასობრივ საპროტესტო აქციებს ქუჩებში. შედეგი ნათელია, მაგრამ ის კარგი არ არის. ევროკავშირი ამას იმიტომ აკეთებს, რომ საქართველოში გაიმარჯვეს პოლიტიკურმა ძალებმა, რომლებიც არ იზიარებენ ბრიუსელის დღის წესრიგს.ქართველებს „ვოუქ“ იდეოლოგიის ნაცვლად ქრისტიანული ღირებულებები სურთ, დასავლეთთან კავშირის ნაცვლად სუვერენიტეტი, ომის ნაცვლად მშვიდობა და არ სურთ უცხოური ჩარევა, არც მოსკოვის, არც ბრიუსელის და არც ვაშინგტონის მხრიდან. ეს გასაგებია. არ გვჭირდება მიხაილ როთი თბილისის ქუჩებში. ამიტომ, ქართველი ხალხის ნების პატივისცემა ჩვენს ინტერესებშია. არა ქედმაღლური ლექციები, ესკალაციის გამომწვევი ჩარევა, არამედ თბილისთან კარგი დიპლომატიური ურთიერთობა გვჭირდება, რათა საქართველო მეორე უკრაინა არ გახდეს“.ევროპარლამენტარი მიჰალ შჩერბა (პოლონეთი) „საქართველოში არსებული პოლიტიკური ვითარება, რომელიც უარესდება, ჩვენს სასწრაფო ყურადღებას მოითხოვს. ერთი თვის წინ საქართველოში ვიყავი და უნდა ვთქვა, რომ იქ ბოლო არჩევნები მოიპარეს. საქართველოს ერთადერთი ლეგიტიმური წარმომადგენელი პრეზიდენტი ზურაბიშვილია. ევროპარლამენტმა კიდევ ერთხელ დაადასტურა ქართველი ხალხის მხარდაჭერა, მაგრამ ახლა ჩვენ მოქმედება გვჭირდება. პირველ რიგში, ივანიშვილი და „ქართული ოცნების“ ოფიციალური პირები უნდა დასანქცირდნენ, მათ შორის აქტივების გაყინვით. მოქმედება გვჭირდება, საუბარი უნდა დავასრულოთ! მე ხალხის წინააღმდეგ ძალადობას მკაცრად ვგმობ. კომისიასა და საბჭოს ვთხოვ, რომ თავიანთი საქმე შეასრულონ. თქვენ ქართველ ხალხს მხარი უნდა დაუჭიროთ. საქართველო ევროკავშირის წევრობის კანდიდატი ქვეყანაა და ჩვენ ის გვჭირდება“..ევროპარლამენტარი სერგეი ლაგოდინსკი“აქ დეზინფორმაციასა და ტყუილებზე ვსაუბრობდით და ზოგიერთმა ამ ტყუილმა ამ პოდიუმამდე მოაღწია. ხალხი რაღაც “სისხლიან მაიდანზე” ან “ქუჩაში ძალადობაზე” საუბრობს. ჩვენ ვიყავით ქუჩებში, ბევრი ჩვენგანი ჩავედით თბილისში, ჩვენ რეალურად თქვენს სამუშაოს ვასრულებდით მაშინ, როდესაც თქვენ ჯერ კიდევ აქ იყავით.ჩვენ დავდიოდით იმ ხალხთან ერთად ცივ ღამეებში, ასობით ათასი ადამიანი. ისინი თავიანთი და თავისი შვილიშვილების მომავლისთვის მიდიოდნენ და ამბობდნენ, რომ ევროპული მომავალი სურთ.ქართველების დემოკრატიული მომავლის შესახებ ოცნება თანხვედრაშია ევროპულ ოცნებასთან. ეს არის საქართველოს ნამდვილი ოცნება, მაგრამ პარტია, რომელიც საკუთარ თავს “ქართულ ოცნებას” ეძახის, თავისი ძალაუფლების სრულ ძალას იყენებს, რათა გაასამართლოს ჟურნალისტები, თავს დაესხას მშვიდობიან დემონსტრანტებს და ოპოზიციის წევრებს, ყოფილ პრემიერ-მინისტრ გიორგი გახარიასაც, რომელსაც სულ რამდენიმე დღის წინ სასტიკად დაესხნენ თავს.ასე რომ, ვკითხულობ: “ირაკლი კობახიძევ და მიხეილ ყაველაშვილო, გეკითხებით, სადამდე ხართ მზად ესაკალაციისთვის? თქვენს ხალხს მხოლოდ ერთი რამ სურს - არჩევნების ხელახლა ჩატარება დემოკრატიულ პირობებში. ეს უნდა მისცეთ მათ. ეს არის უფლება, რომლისთვისაც იბრძვიან და არ უნდათ რომ აწამონ. ვნახეთ ხალხი, რომელიც აწამეს საქართველოში. მათ აქვთ უსაფრთხოდ ყოფნის უფლება, ხოლო თუ არა, მაშინ „მსურველთა კოალიციაზე“ უნდა ვიმუშაოთ, რომელიც მიზნობრივ სანქციებზე იმუშავებს, მათ შორის თქვენს წინააღმდეგ".

1737538978

„მოგეხსენებათ, რომ დედაქალაქის ბიუჯეტში ძირითადი მიმართულება ინფრასტრუქტურულ პროექტებთან ერთად, არის სოციალური პროგრამები. ჯერ კიდევ არსებობს ოჯახები, ვისაც ჩვენი მხრიდან თანადგომა სჭირდებათ. ყველაფერს გავაკეთებთ, რომ ამ ადამიანებს ჩვენგან ხელშეწყობა ჰქონდეთ და არავინ დარჩეს პრობლემის პირისპირ. ჩვენ გვაქვს პროგრამა, როდესაც ადამიანს 100 წელი უსრულდება, დედაქალაქის მერია ჯილდოს სახით, 1 000 ლარს გადასცემს. წლების განმავლობაში ასე იყო, წელს კი მივიღეთ გადაწყვეტილება, რომ ჯილდო 10-ჯერ გაიზარდოს და 10 000 ლარი გადავცეთ 100 წელს შესრულებულებს. მინდა, ამ ადამიანებს ჯანმრთელობა და დიდხანს სიცოცხლე ვუსურვო“, - განაცხადა კახა კალაძემ.მისივე თქმით, თბილისის მერიამ გასულ წელს ფულადი დახმარება 1 000 ლარის ოდენობით, 57 ხანდაზმულს ჩაურიცხა, მათ შორის, 23-ს ერთი საუკუნე, ხოლო 34-ს, 101 და მეტი წელი შეუსრულდა.„მოქალაქემ ან მისმა წარმომადგენელმა, თანხის მისაღებად, თბილისის მერიის ჯანმრთელობისა და სოციალური მომსახურების საქალაქო სამსახურს განცხადებით უნდა მიმართოს. განცხადებას თან უნდა ერთოდეს 100 წელს მიღწეული მოქალაქის პირადობის დამადასტურებელი მოწმობა და ბოლო ერთი წლის განმავლობაში, თბილისში უწყვეტი რეგისტრაციის შესახებ, სამოქალაქო რეესტრის მიერ გაცემული საინფორმაციო ბარათი. იმ ხანდაზმულებს, რომლებმაც 2025 წლამდე აღნიშნული პროგრამით უკვე ისარგებლეს, განცხადების დაწერა აღარ მოუწევთ და ბენეფიტი პირდაპირ ჩაერიცხებათ“, - აღნიშნა დედაქალაქის მერმა.

1737538807

მისივე თქმით, მერიის ინფრასტრუქტურის განვითარების საქალაქო სამსახური აწარმოებს სამუშაოებს, რათა ავტომანქანებისთვის გადაადგილება მეწყრულ ზონაში უსაფრთხო გახდეს.„ვაკის რაიონში, წყნეთის გზატკეცილზე, რესტორან „კაკლების“ მიმდებარე ტერიტორიაზე, საავტომობილო გზის გასწვრივ არსებული ფერდის გამაგრების სამუშაოები მიმდინარეობს. აღნიშნული ფერდი მეწყრულია და გარკვეულ პრობლემას წარმოადგენს. დღეის მდგომარეობით, ფერდის ქვემოთ ბეტონის ფილები დროებით არის განლაგებული. მივიღეთ გადაწყვეტილება, რომ გამაგრების სამუშაოები დავიწყოთ, ფუნდამენტური ჩარევით, რათა პრობლემა თავიდან ბოლომდე მოგვარდეს. აღნიშნულ მისამართზე გრუნტის გამაგრება ავტომობილების უსაფრთხო გადაადგილებისთვის გახდა საჭირო. ფერდის სტაბილიზაციის მიზნით, ანკერები, ფოლადის ბადე და ხიმინჯოვანი რკინაბეტონის საყრდენი კედელი მოეწყობა. უსაფრთხოებიდან გამომდინარე, სამუშაოების წარმოებისას, პერიოდულად, ნაწილობრივ შეიზღუდება ავტომობილების გადაადგილებაც“, - აღნიშნა კახა კალაძემ.

1737538557

პუბლიკაციაში საუბარია ეროვნული ბანკის მიერ შემუშავებულ, ყოვლისმომცველ მარეგულირებელ და საზედამხედველო ჩარჩოზე, რომელიც ვირტუალური აქტივების სექტორში, ფულის გათეთრებისა და ტერორიზმის დაფინანსების წინააღმდეგ ბრძოლის მიზნით შეიქმნა. ჩარჩო დოკუმენტი, გასულ წელს ევროპის საბჭოს ფულის გათეთრების და ტერორიზმის დაფინანსების წინააღმდეგ ღონისძიებების შეფასების საკითხებში ექსპერტთა კომიტეტმა (MONEYVAL) დადებითად შეაფასა.„MONEYVAL-მა საქართველოს ეროვნული ბანკის მიერ ფულის გათეთრებისა და ტერორიზმის დაფინანსების პრევენციის მიზნით გატარებული ღონისძიებები დადებითად შეაფასა. ამ შეფასებამ საქართველოს შესაბამისობა ფინანსური ქმედების სპეციალური ჯგუფის (FATF) მე-15 რეკომენდაციასთან "ნაწილობრივ შესაბამისიდან" "მნიშვნელოვნად შესაბამისამდე" გააუმჯობესა, რითაც ის MONEYVAL-ის ევროპის საბჭოს წევრი მხოლოდ შვიდი სახელმწიფოდან ერთ-ერთი გახდა, ვინც ეს შეფასება მიიღო", - აღნიშნულია სტატიაში.Capital Finance International ყოველკვარტალური ჟურნალი და ონლაინ-რესურსია, რომელიც აქტიურად აშუქებს ბიზნესის, ეკონომიკის და ფინანსების საკითხებს. CFI.co 12 წლის წინ დაარსდა და მისი სათავო ოფისი ლონდონში მდებარეობს. გამოცემის ბეჭდური ვერსია ვრცელდება ისეთ მსხვილ საერთაშორისო ფორუმებზე, როგორებიცაა დავოსის ეკონომიკური ფორუმი, OECD-ის კონფერენციები, დუბაის ყოველწლიური საინვესტიციო შეხვედრები (AIM), Opal Group-ის ინვესტორთა კონფერენციები, მსოფლიოს საინვესტიციო ფორუმი და სხვა.CFI.co-ს ბეჭდურ გამოცემას ყოველკვარტალურად საშუალოდ 186 000 მკითხველი ეცნობა, ონლაინ კი ყოველთვიურად 410 000 ნახვა აქვს.

1737533750

ძლიერება სტაბილურობაში: საქართველოს ეროვნული ბანკის როლი"საქართველოს ეროვნული ბანკი (სებ) ახორციელებს ეფექტურ მონეტარულ პოლიტიკას და უზრუნველყოფს ფინანსურ სტაბილურობას. სებ-მა ეფექტური მონეტარული პოლიტიკა გაატარა და  საპროცენტო განაკვეთების დროული კორექტირება უზრუნველყო, რითაც წარმატებით მართა ინფლაციური მოლოდინები და ხელი შეუწყო ბიზნესისა და მომხმარებელთა ნდობის ხელსაყრელი გარემოს შექმნას. გლობალური ინფლაციური წნეხის მიუხედავად, საქართველოს ინფლაციის მაჩვენებელი 2022 წლის საშუალოდ 11.9 პროცენტიდან 2023 წელს 2.5 პროცენტამდე, ხოლო 2024 წელს 1.1 პროცენტამდე შემცირდა. 2023 წლის მარტიდან ინფლაცია 3 პროცენტიან მიზნობრივ მაჩვენებელზე დაბლა ნარჩუნდება, რაც სებ-ის პროაქტიური მიდგომის დასტურია.ბანკმა ასევე მნიშვნელოვანი ნაბიჯები გადადგა ფინანსური სტაბილურობის განსამტკიცებლად. საქართველოს საბანკო სექტორი კვლავ მდგრადია,  აქვს ადეკვატური ლიკვიდურობა და კარგად კაპიტალიზებული ინსტიტუტები. გარდა ამისა, ისეთი ინიციატივები, როგორიცაა მწვანე ობლიგაციების ბაზრის განვითარება, ხაზს უსვამს მდგრადი ზრდის მიმართ სებ-ის ერთგულებას. 2022 წელს საქართველოს პირველი კორპორაციული მწვანე ობლიგაციების გამოშვება, რომელიც განახლებადი ენერგიის პროექტებზე იყო ფოკუსირებული, იმის მაგალითია, თუ როგორ გამოიყენება ფინანსური ინოვაცია ეკონომიკური მდგრადობის გასაძლიერებლად.გარდა ამისა, სებ-ს მნიშვნელოვანი მიღწევები აქვს უცხოური ვალუტის რყევებისა და გარე შოკების მიმართ ფინანსური სექტორის მოწყვლადობის შემცირების საქმეშიც. 2017 წლიდან სებ-მა უცხოურ ვალუტაზე დამოკიდებულების შესამცირებლად სოლიდური მაკროპრუდენციული ზომები გაატარა. ამ მიზნით, სებ-მა რამდენჯერმე მიყოლებით გაზარდა ლიმიტები უცხოური ვალუტით გაცემულ არაჰეჯირებულ სესხებზე.ამ ძალისხმევამ მნიშვნელოვნად შეამცირა უცხოური ვალუტის სესხების წილი: 2010-იანი წლების დასაწყისში ეს მაჩვენებელი 80%-ს შეადგენდა, დღეს კი დაახლოებით 43%-ია. ასევე, უცხოური ვალუტის დეპოზიტების წილი, რომელიც 2010-იანი წლების დასაწყისში მსგავს დონეზე იყო, 52%-მდე შემცირდა. შედეგად, საქართველოს ფინანსური სექტორი გარე შოკების მიმართ უფრო მდგრადი გახდა.როგორც საერთაშორისო პარტნიორების შესაბამისი გამოხმაურებით და შეფასებებით არაერთხელ იქნა ხაზგასმული, სებ-ი და ქართული ფინანსური ინსტიტუტები აშშ-ისა და სხვა შესაბამისი მხარეების მიერ რუსეთის ფედერაციის/ბელარუსის მიმართ დაწესებული ფინანსური სანქციების მოთხოვნათა სრული დაცვით მოქმედებენ.ბოლო წლების განმავლობაში ვირტუალური (კრიპტო) აქტივების სექტორში ფულის გათეთრებისა და ტერორიზმის დაფინანსების წინააღმდეგ ბრძოლის (AML/CFT) მიზნით სებ-მა ყოვლისმომცველი მარეგულირებელი და საზედამხედველო ჩარჩო შეიმუშავა. შედეგად, 2024 წელს ევროპის საბჭოს ფულის გათეთრების და ტერორიზმის დაფინანსების წინააღმდეგ ღონისძიებების შეფასების საკითხებში ექსპერტთა კომიტეტმა  (MONEYVAL) დადებითად შეაფასა საქართველოს ეროვნული ბანკის მიერ ფულის გათეთრებისა და ტერორიზმის დაფინანსების (AML/CFT) პრევენციის მიზნით გატარებული ღონისძიებები. ამ შეფასებამ საქართველოს შესაბამისობა ფინანსური ქმედების სპეციალური ჯგუფის (FATF) მე-15 რეკომენდაციასთან "ნაწილობრივ შესაბამისიდან" "მნიშვნელოვნად შესაბამისამდე" გააუმჯობესა, რითაც ის MONEYVAL-ის ევროპის საბჭოს წევრი მხოლოდ შვიდი სახელმწიფოდან ერთ-ერთი გახდა, ვინც ეს შეფასება მიიღო“, - აღნიშნულია სტატიაში.Capital Finance Inernational ყოველკვარტალური ჟურნალი და ონლაინრესურსია, რომელიც აქტიურად აშუქებს ბიზნესის, ეკონომიკის და ფინანსების საკითხებს. CFI.co 12 წლის წინ დაარსდა, მისი სათავო ოფისი ლონდონში მდებარეობს და გამოცდილი სარედაქციო გუნდითაა დაკომპლექტებული. გამოცემის ბეჭდური ვერსია ვრცელდება ისეთ მსხვილ საერთაშორისო ფორუმებზე, როგორებიცაა დავოსის ეკონომიკური ფორუმი, OECD-ის კონფერენციები, დუბაის ყოველწლიური საინვესტიციო შეხვედრები (AIM), Opal Group-ის ინვესტორთა კონფერენციები, მსოფლიოს საინვესტიციო ფორუმი და სხვა. ყოველკვარტალურად CFI.co-ის ბეჭდურ გამოცემას საშუალოდ 186 000 მკითხველი ეცნობა, ონლაინ კი ყოველთვიურად 410 000 ნახვა აქვს.

1737533393

„საქართველოს ეროვნული ბანკი ახორციელებს ეფექტურ მონეტარულ პოლიტიკას და უზრუნველყოფს ფინანსურ სტაბილურობას. სებ-მა ეფექტური მონეტარული პოლიტიკა გაატარა და საპროცენტო განაკვეთების დროული კორექტირება უზრუნველყო, რითაც წარმატებით მართა ინფლაციური მოლოდინები და ხელი შეუწყო ბიზნესისა და მომხმარებელთა ნდობის ხელსაყრელი გარემოს შექმნას", - ვკითხულობთ სტატიაში.ჟურნალისტი, გლობალური ინფლაციური წნეხის მიუხედავად, საქართველოში ინფლაციის მიზნობრივზე დაბალ მაჩვენებელზე ამახვილებს ყურადღებას, რაც მისი შეფასებით სებ-ის პროაქტიური მიდგომის შედეგია და აღნიშნავს, რომ სებ-ის "ძლიერება სტაბილურობაშია".„გლობალური ინფლაციური წნეხის მიუხედავად, საქართველოს ინფლაციის მაჩვენებელი 2022 წლის საშუალოდ 11.9 პროცენტიდან 2023 წელს 2.5 პროცენტამდე, ხოლო 2024 წელს 1.1 პროცენტამდე შემცირდა. 2023 წლის მარტიდან ინფლაცია 3 პროცენტიან მიზნობრივ მაჩვენებელზე დაბლა ნარჩუნდება, რაც სებ-ის პროაქტიური მიდგომის დასტურია", - წერს სტატიის ავტორი.სტატიაში ასევე ხაზგასმულია ეროვნული ბანკის მნიშვნელოვანი ნაბიჯები, რამაც ფინანსური სტაბილურობის განმტკიცება უზრუნველყო და ქვეყანაში მდგრადი, ლიკვიდური და კარგად კაპიტალიზებული საბანკო სექტორი ჩამოაყალიბა.Capital Finance International ეროვნული ბანკის საქმიანობის შეფასებისას საერთაშორისო პარტნიორების გამოხმაურებებზე დაყრდნობით აღნიშნავს, რომ ქართული ფინანსური ინსტიტუტები აშშ-ისა და სხვა შესაბამისი მხარეების მიერ რუსეთის ფედერაციის/ბელარუსის მიმართ დაწესებული ფინანსური სანქციების მოთხოვნათა სრული დაცვით მოქმედებენ.CFI.co ყოველკვარტალური ბეჭდური ჟურნალი და ონლაინ რესურსია, რომელიც აქტიურად აშუქებს ბიზნესის, ეკონომიკის და ფინანსების საკითხებს. CFI.co-ის სათავო ოფისი ლონდონში მდებარეობს და გამოცდილი სარედაქციო გუნდითაა დაკომპლექტებული. ყოველკვარტალურად მის ბეჭდურ გამოცემას საშუალოდ 186 000 მკითხველი ეცნობა, ონლაინ კი ყოველთვიურად 410 000 ნახვა აქვს.

1737533099

მისი თქმით, უახლოეს მომავალში აპირებს რუსეთის პრეზიდენტთან ვლადიმირ პუტინთან დალაპარაკებას და მზადაა მასთან შეხვედრისთვის „ნებისმიერ დროს“, როცა ამას რუსული მხარე მოისურვებს. ტრამპმა ჟურნალისტებს შეახსენა, რომ უკრაინის პრეზიდენტს ვოლოდიმირ ზელენსკის მშვიდობა სურს, თუმცა, დასძინა – „ტანგოს საცეკვაოდ წყვილია საჭირო“. „ვნახოთ, რა იქნება“, – თქვა ტრამპმა და დასძინა, რომ პუტინს „ჭკვიან“ ადამიანად მიიჩნევს.ამავე დროს აშშ–ის პრეზიდენტმა არ გამორიცხა, რომ უკრაინისთვის სამხედრო დახმარების გაწევის ინიციატივას დააყენებს. „აღნიშნულ საკითხს ვსწავლობთ“, – თქვა ტრამპმა. მისივე თქმით, ცოტა ხნის წინ ჩინეთის ლიდერს სი ძინპინს მოუწოდა, ხელი შეუწყოს რუსეთ–უკრაინის ომის დასრულებას. „მე ვუთხარი, თქვენ უნდა დაალაგოთ ეს. იმიტომ, რომ მას ამ მიმართულებით ბევრი არაფერი გაუკეთებია. როგორც ჩვენ, მასაც დიდი ძალაუფლება აქვს“, – აღნიშნა ტრამპმა.Bloomberg–ის წყაროების მონაცემებით, ტრამპის მრჩევლები ახალი სასანქციო პოლიტიკის ჩამოყალიბებაზე მუშაობენ, რომელიც ხელს შეუწყობს რუსეთსა და უკრაინას შორის სამშვიდობო შეთანხმების მიღწევას. ორი ძირითადი მიდგომა განიხილება. ერთია სანქციების შემსუბუქება რუსი ნავთობის მწარმოებლებისთვის, თუ ეს მშვიდობის დამყარებას დაეხმარება და თეთრ სახლში დაინახავენ, რომ საბრძოლო მოქმედებები უმოკლეს ვადაში შეწყდება. მეორე ვარიანტი სანქციების გამკაცრებას ითვალისწინებს, რათა მოსკოვი აიძულონ, შეწყვიტოს ომი.Bloomberg–ის მტკიცებით, რუსეთის მიმართ მკაცრი პოლიტიკა შესაძლოა ითვალისწინებდეს მეორადი სანქციების უფრო გააქტიურებას , მათ შორის ევროპული სანაოსნო კომპანიებისა და აზიელი შემსყიდველების წინააღმდეგ, როგორებიცაა ჩინური და ინდური კომპანიები. სხვა შესაძლო მიდგომა გულისხმობს გადამწყვეტი ზომების გატარება იმ რუსული ტანკერების მიმართ, რომლებსაც ნავთობი დანიისა და თურქეთის სრუტეების გავლით გადააქვთ.კრემლში კი განაცხადეს, რომ ტრამპის პრეზიდენტობის პირობებში სანქციების გამკაცრება არ გაუკვირდებათ. „იმ პირობებში, როდესაც დიალოგისკენ მოწოდებასთან დაკავშირებით ამერიკის ადმინისტრაცია განსაზღვრული პოლიტიკის დეკლარირებას ახდენს, ამ მხრივ ვითარება არსებითად ვერ შეიცვლება. საიდუმლოს არავისთვის წარმოადგენს, რომ აქ გადაჭარბებული მოლოდინები არავის არ უნდა შეექმნას. ვერანაირი საფუძვლიანი ცვლილებები ვერ მოხდება“, – აცხადებდა რუსეთის პრეზიდენტის პრეს–სპიკერი დმიტრი პესკოვი. 

1737525501