ქალები ცენტრალური ბანკების პრეზიდენტად - ავსტრალიის ცენტრალური ბანკის ახალი პრეზიდენტი ქალია

ქვემოთ მოცემული დიაგრამა ასახავს შესაბამისი მაჩვენებლების განვითარების ტენდენციას 2022-2025 წლებში.საქსტატის მონაცემებით, 2025  წლის იანვარ-აპრილში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 68.9% შეადგინა. ამ მხრივ, უმსხვილესი საექსპორტო პარტნიორებია: რუსეთი ($173.4 მლნ), თურქეთი ($87.9 მლნ), ჩინეთი ($77.8 მლნ). 2025 წლის იანვარ-აპრილში ადგილობრივი ექსპორტის ათეულში პირველ ადგილზე ძვირფასი ლითონების მადნები და კონცენტრატები არის წარმოდგენილი $96.3 მლნ-ით, აღნიშნული სასაქონლო ჯგუფის წილი მთლიანი ადგილობრივი ექსპორტის 10.7%-ს შეადგენს. მეორე ადგილზეა ყურძნის ნატურალური ღვინოები, $71.5 მლნ-ით (მთლიანი ადგილობრივი ექსპორტის 7.9%), ხოლო მესამე ადგილს იკავებს სპირტიანი სასმელები $63.6 მლნ-ით (მთლიანი ადგილობრივი ექსპორტის 7.1%)

1747643431

საქართველოს საგარეო ვაჭრობაში ჩამოყალიბებულ ზოგად ტენდენციებს ასახავს გრაფიკული გამოსახულება, 2022-2025 წლების დინამიკური მწკრივის მიხედვით2025 წლის იანვარ-აპრილში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 80.2% შეადგინა.უმსხვილესი საექსპორტო სამეული შემდეგნაირად ჩამოყალიბდა: ყირგიზეთი ($450 მლნ), ყაზახეთი ($258.4 მლნ), აზერბაიჯანი ($215.1 მლნ). 2025 წლის იანვარ-აპრილში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 72.75% შეადგინა. პირველ სამეულში შედის: აშშ ($881.2 მლნ), თურქეთი ($814.2 მლნ), რუსეთი ($669.6 მლნ). 2025 წლის იანვარ-აპრილში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 69.9% შეადგინა. ქვეყნის უმსხვილესი სავაჭრო პარტნიორები არიან: თურქეთი ($914.3 მლნ), აშშ ($902 მლნ), რუსეთი ($859.1 მლნ). საქსტატის მონაცემებით, 2025 წლის იანვარ-აპრილში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა $753.9 მლნ-ით, რაც მთელი ექსპორტის 37.4%-ს შეადგენს. მეორე ადგილს იკავებს ძვირფასი ლითონების მადნები და კონცენტრატები $96.3 მლნ-ით (მთლიანი ექსპორტის 4.8%), ხოლო სპირტიანი სასმელები მესამე ადგილზეა $76.5 მლნ-ით (3.8%).უმსხვილესი საიმპორტო სასაქონლო ჯგუფი 2025 წლის იანვარ-აპრილში წარმოდგენილი იყო მსუბუქი ავტომობილების სახით, რომლის იმპორტმა $966.4 მლნ და მთელი იმპორტის 16.8% შეადგინა. მეორე ადგილს იკავებს სურათები, ნახატები და პასტელების (ხელით შესრულებული) $481.1 მლნ-ით (იმპორტის 8.4%), ხოლო მესამე ადგილზეა ნავთობი და ნავთობპროდუქტები $396.5 მლნ-ით (იმპორტის 6.9%).

1747643369

დაავადებას მაღალი გლისონის ქულა (9/10) აქვს, რაც იმას ნიშნავს, რომ კიბოს უჯრედები სწრაფად ვრცელდება.ბაიდენის ოფისის ინფორმაციის თანახმად, მიუხედავად სიმსივნის აგრესიული ფორმისა, დაავადება ჰორმონებისადმი მგრძნობიარეა, რაც ეფექტური მართვის საშუალებას იძლევა.ჯო ბაიდენის დიაგნოზს აშშ-ის ამჟამინდელი პრეზიდენტი დონალდ ტრამპი სოციალურ ქსელ Truth Social-ზე გამოეხმაურა და აღნიშნა, რომ ის და პირველი ლედი მელანია მწუხარებას გამოთქვამენ ჯო ბაიდენის დიაგნოზის გამო და მის ოჯახს თბილ და "საუკეთესო სურვილებს უგზავნიან, ბაიდენს კი სწრაფად და წარმატებით გამოჯანმრთელებას უსურვებენ".დიაგნოზის გავრცელების შემდეგ ბაიდენს მხარდაჭერა გამოუცხადა ყოფილმა პრეზიდენტებმა ბარაკ ობამამ და ბილ კლინტონმა, ჰილარი კლინტონთან ერთად.ყოფილმა ვიცე-პრეზიდენტმა კამალა ჰარისმა კი მას „მებრძოლი” უწოდა.აშშ-ის 46-ე პრეზიდენტის მისამართით მხარდაჭერის წერილი გაავრცელა ბრიტანეთის პრემიერ-მინისტრმა კირ სტარმერმაც და მას "სწრაფი და წარმატებული მკურნალობა" უსურვა.აშშ-ის 2024 წლის არჩევნებში ჯო ბაიდენს პრეზიდენტად მეორე ვადით კენჭისყრა სურდა. დემოკრატები შიშობდნენ, რომ ბაიდენი თავისი ასაკისა და ჯანმრთელობის პრობლემების გამო ვერ შეძლებდა რესპუბლიკელების კანდიდატ დონალდ ტრამპთან წარმატებით ბრძოლას, ხოლო გამარჯვების შემთხვევაში, კიდევ ოთხი წლით ეფექტიანად მუშაობა გაუჭირდებოდა.2024 წლის 27 ივნისის შემდეგ, ჯო ბაიდენს დონალდ ტრამპთან პირველი წარუმატებელი დებატები ჰქონდა, აშშ-ის პრეზიდენტს არაერთმა დემოკრატმა მოუწოდა, უარი ეთქვა მეორე ვადით კენჭისყრის განზრახვაზე.21 ივლისს ჯო ბაიდენმა გამოაცხადა, რომ "დემოკრატიული პარტიის და ქვეყნის ინტერესების გამო საარჩევნო მარათონს ეთიშება", პრეზიდენტად კენჭს აღარ იყრის და მხარს უჭერს ვიცე-პრეზიდენტ კამალა ჰარისის კანდიდატურას.

1747643026

როგორც მან აღნიშნა, შეხვედრაზე ინვესტორებს შესაძლებლობა ჰქონდათ გასცნობოდნენ საქართველოს ეკონომიკურ მდგომარეობას და იმ შესაძლებლობებს, რომელიც ქვეყანაში არსებობს ინვესტიციების განხორციელების მიმართულებით.მან ისაუბრა ქვეყნის ეკონომიკურ განვითარებაში ფისკალური პოლიტიკისა და დისციპლინის როლზე, ინვესტორებს გააცნო ქვეყნის მაკროეკონომიკური და ფისკალური პარამეტრები, საშუალოვადიანი პროგნოზები, ასევე მოკლედ შეეხო მიმდინარე და დაგეგმილ მსხვილ საინვესტიციო პროექტებსა და სტრუქტურულ რეფორმებს.„დაინტერესება საქართველოს ეკონომიკის მიმართ დიდია და მოიცავს სხვადასხვა სფეროსა და მიმართულებას, როგორც საფინანსო, ისე არასაფინანსო სექტორებში. ამ მხრივ, საქართველო გამორჩეულია მსოფლიოში. ქვეყანაში ფიქსირდება ერთ-ერთი ყველაზე მაღალი ეკონომიკური ზრდა ბოლო 4 წლის განმავლობაში და ყველა ეკონომიკური მაჩვენებელი შეიძლება ითქვას, რომ არის იმ პარამეტრებში, რაც ძალიან მიმზიდველს ხდის საქართველოში ინვესტირებას ბევრ ქვეყანასთან შედარებით", - განაცხადა ფინანსთა მინისტრმა, ლაშა ხუციშვილმა.ლონდონში გამართულ საქართველოს საინვესტიციო ფორუმში სხვადასხვა საინვესტიციო კომპანიებიდან და ჯგუფებიდან 180-ზე მეტი წარმომადგენელი მონაწილეობდა.

1747638447

ლექცია განკუთვნილია მეწარმეებისთვის, რომელთაც სურთ საკუთარი ბიზნესისთვის ბაზარზე გამორჩეული პოზიცია იპოვონ. შეხვედრაზე განხილული იქნება, თუ რატომ არის აუცილებელი ბაზრისა და კონკურენტების სიღრმისეული კვლევა ბიზნესის დარეგისტრირებამდე. მონაწილეები გაეცნობიან პრაქტიკულ ინსტრუმენტებს ბაზრის ეფექტური ანალიზისთვის, გაიგებენ კონკურენტების შესწავლის მეთოდებს და ხერხებს საკუთარი უპირატესობების აღმოსაჩენად.ვასკა ჩუბინიძე ლექციაზე უპასუხებს შემდეგ საკვანძო კითხვებს: რატომ არის აუცილებელი ბაზრისა და კონკურენტების კვლევა? რომელია ის გავრცელებული შეცდომები, რასაც მცირე და საშუალო ბიზნესები საწყის ეტაპზე უშვებენ? როგორ შეისწავლოს კონკურენტები და კვლევის რომელ მეთოდებს შეიძლება მიმართოს მცირე ბიზნესმა, როცა შეზღუდული რესურსით ოპერირებს?  რა მნიშვნელობა აქვს ბიზნესისთვის სეგმენტაციასა და მომხმარებლის საჭიროებების ზუსტად განსაზღვრას? შეხვედრა 21 მაისს, 20:00 საათზე, აზროვნების აკადემიაში, თინა იოსებიძის 57-ში გაიმართება.ლექციების სრულ ციკლზე რეგისტრაციისთვის ეწვიეთ ბმულს.აღსანიშნავია, რომ ბიზნეს სესიები საქართველოს ბანკის ბიზნეს განათლებისა და ბიზნეს 360°-ის შემადგენელი ნაწილია. ბიზნეს 360° ციფრული პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.

1747637858

საარჩევნო ადმინისტრაციის მიერ ბიულეტენების 100%-ის შეჯამების შედეგად ნიკუშორ დანს ხმების 53,60% აქვს, ხოლო ნაციონალისტური პარტია AUR-ის ლიდერ ჯორჯე სიმიონს - 46,40%.არჩევნებში მონაწილეობა 11,64 მილიონმა რუმინელმა მიიღო, რაც ამომრჩეველთა აქტივობა 64,72% შეადგენს. ეს კი ბოლო ოცი წლის განმავლობაში ყველაზე მაღალი მაჩვენებელია.ნიკუშორ დანმა მხარდაჭერისთვის განსაკუთრებული მადლობა გადაუხადა მოლდოვაში მცხოვრებ რუმინეთის მოქალაქეებს. თუ პირველ ტურში დანმა მოლდოვაში ხმების 52,3% მიიღო, მეორე ტურში მხარდაჭერა 88% იყო.ამასთან, მსოფლიო ლიდერებმა ნიკუშორ დენს არჩევნებში გამარჯვება მიულოცეს. ევროკომისიის პრეზიდენტმა, ურსულა ფონ დერ ლაიენმა სოციალურ ქსელში ისიც დაწერა, რომ "რუმინელებმა აირჩიეს დაპირება ძლიერ ევროპაში ღია, აყვავებული რუმინეთის შესახებ".დანს რუმინეთის საპრეზიდენტო არჩევნებში გამარჯვება მოლდოვის პრეზიდენტმა მაია სანდუმაც მიულოცა, რომელმაც სოციალურ ქსელში დაწერა: "მოლდოვის რესპუბლიკა და რუმინეთი ერთმანეთს ეყრდნობიან - კარგ და ცუდ დროს. რუმინეთის მოქალაქეობის მქონე ძვირფასო მოლდოველებო, შინ და მთელ მსოფლიოში, თქვენ კიდევ ერთხელ მიეცით ხმა თავისუფლებასა და დემოკრატიას! მადლობა ყველას არჩევნებში შთამბეჭდავი მონაწილეობისთვის. მთელი მსოფლიო ხედავს რა ძალა გვაქვს, როცა ერთიანები ვართ!"რუმინეთის საპრეზიდენტო არჩევნების შედეგებმა დიდ ვნებათაღელვა გამოიწვია მას შემდეგ, რაც 2024 წლის ნოემბერში ჩატარებული არჩევნების პირველ ტურში ყველასათვის მოულოდნელად ყველაზე მაღალი შედეგი ულტრამემარჯვენე, პრორუსმა პოლიტიკოსმა კალინ ჯორჯესკუმ აჩვენა.ნოემბრის არჩევნების შედეგები საკონსტიტუციო სასამართლომ დეკემბერში გააუქმა, მეორე ტურის ჩატარებამდე ორი დღით ადრე; მიზეზად კი არჩევნებში რუსეთის ჩარევა დასახელდა.პირველ ტურში, რომელიც 4 მაისს გაიმართა, სიმიონმა ხმების დაახლოებით 41%, დანზე თითქმის ორჯერ მეტი მიიღო.თუმცა, 18 მაისს, ოფიციალური შედეგების გამოქვეყნების შემდეგ ჯორჯე სიმიონმა დამარცხება აღიარა, ნიკუშორ დანს მიულოცა და განაცხადა, რომ "ასეთი იყო რუმინელი ხალხის ნება".სიმიონი სადავო, ხმაურიანი განცხადებებით გამოირჩეოდა.შეგახსენებთ, რომ იგი გარკვეულ პრეტენზიებს აცხადებს უკრაინის მიწებზე და კიევისთვის იარაღის მიწოდების წინააღმდეგია. იგი ემხრობა რუმინეთისა და მოლდოვის გაერთიანებას, რისთვისაც მას აკრძალული აქვს მოლდოვაში შესვლა. უკრაინაში ის ასევე პერსონა ნონ გრატად არის გამოცხადებული.ულტრანაციონალისტი კანდიდატი ასევე ცნობილია თავისი ევროსკეპტიკური და ჰომოფობიური გამონათქვამებით.24 აპრილს რუმინეთის საარჩევნო ადმინისტრაცია, საარჩევნო კამპანიის დაფინანსების წესების შესაძლო დარღვევებთან დაკავშირებით, სიმიონის პარტიის წინააღმდეგ გამოძიებით დაინტერესდა.სიმიონს ბრალდება $1,5 მლნ-ის გადახდა ამერიკული ლობისტური კომპანიისთვის - ვაშინგტონში სტივ ბენონის WarRoom პოდკასტსა და ჯეკ პოსობიკის სატელევიზიო გადაცემაში მონაწილეობის ორგანიზებისთვის. ვარაუდობენ, იმასაც რომ ამაში სახელმწიფოს თანხები დაიხარჯა. სიმიონი ბრალდებებს უარყოფს.

1747636743

ეროვნული ბანკის პრეზიდენტის შეფასებით ლონდონის საფონდო ბირჟა ძალიან მნიშვნელოვანი პლატფორმაა. 2024 წელს ყველაზე დიდი პირდაპირი უცხოური ინვესტიციები ქვეყანაში სწორედ ბრიტანეთიდან შემოვიდა და მათ შორის ძირითადად ლონდონის საფონდო ბირჟის საშუალებით.„ძალიან მნიშვნელოვანია, რომ წელს საინვესტიციო ფორუმს დიდ ბრიტანეთში ლონდონის საფონდო ბირჟა მასპინძლობს. ბევრი ინვესტორი ინტერესდება საქართველოს ბიზნეს გარემოთი და საფინანსო სექტორით, შესაბამისად, ეროვნული ბანკისთვის ეს ძალიან მნიშვნელოვანი მოვლენაა. ვფიქრობთ რომ კიდევ უფრო მეტ ბრიტანელ ინვესტორს და მეტ ბრიტანულ ინვესტიციას ვიხილავთ საქართველოში“, - განაცხადა ნათია თურნავამ.მისივე თქმით, საინვესტიციო ფორუმის ფარგლებში შემდგარი ბრიტანელი ბიზნესმენები, რომლებსაც უკვე აქვთ ბრიტანული ინვესტიცია განხორციელებული საქართველოში, კოლეგებს საქართველოს საინვესტიციო პოტენციალსა და შესაძლებლობებზე პრაქტიკულ გამოცდილებაზე დაყრდნობით უზიარებენ.„ერთია როცა ხელისუფლება ჰყვება იმ უპირატესობებზე რაც ქვეყანას გაგვაჩნია მაკროეკონომიკური მყარი ფუნდამენტალების თუ მიმზიდველი საინვესტიციო გარემოს სახით და სულ სხვა არის როდესაც ბიზნესი ყველა ამ ისტორიას თავისი პრაქტიკული გამოცდილებიდან ჰყვება“, - აღნიშნა ნათია თურნავამ.ლონდონში, წლევანდელ საქართველოს საინვესტიციო ფორუმში სხვადასხვა საინვესტიციო კომპანიებიდან და ჯგუფებიდან 180-ზე მეტი წარმომადგენელი მონაწილეობდა.

1747548240

საცალო სესხები 1Q25-ის ბოლოს ₾10.52 მლრდ-ს შეადგენდა, რაც y.y +20.1%, ხოლო q.q +3.1%-ია, და საცალო სესხების წილი მთლიან პორტფელში 43.7%-ს შეადგენდა. მათ შორის: იპოთეკური სესხები შეადგენდა ₾4.60 მლრდ-ს, რაც y.y +12.7%, ხოლო q.q +2.2%-ია; სამომხმარებლო სესხები – ₾5.19 მლრდ-ს, y.y +29.8%, ხოლო q.q +4.0%-ია; სხვა საცალო სესხები – ₾733.5 მლნ-ს, y.y +7.2%, ხოლო q.q +2.2%-ია. მცირე და საშუალო ბიზნესის (SME) სესხები 1Q25-ის ბოლოს ₾5.11 მლრდ-ს შეადგენდა, რაც y.y +9.8%, ხოლო q.q +2.1%-ია. ხოლო, SME სესხების წილი მთლიან პორტფელში 21.3%-ს შეადგენდა.კორპორატიული და საინვესტიციო საბანკო (CIB) სესხები 1Q25-ის ბოლოს ₾8.42 მლრდ-ს შეადგენდა, რაც y.y +24.9%, ხოლო q.q +1.1%-ია. CIB სესხების წილი მთლიან პორტფელში 35%-ს შეადგენდა.კორპორატიული ცენტრის პორტფელი 1Q25-ის ბოლოს სრულად განულდა (₾0), 1Q24-ში ₾5.9 მლნ იყო.

1747413525