EU-ს ანგარიში: საქართველოსთან პოლიტიკური დიალოგი შეჩერებულია

საბაჟო საზღვარზე შემოსული საქართველოს მოქალაქის ხელბარგის დეტალური დათვალიერების შედეგად, აღმოჩენილი იქნა ჰერმეტულად შეფუთულ 25 ცალ პლასტმასის ქილაში, სითხის სახით განთავსებული, საერთო ჯამში 375 მილიგრამი ,,მეთადონი". ასევე, საქართველოსა და უცხო ქვეყნის მოქალაქეების ბარგის რენტგენო ინსპექტირების სკანერით დათვალიერების შედეგად, აღმოჩენილი იქნა საეჭვო შიგთავსი, რის შემდეგაც მოხდა ბარგის სპეციალური წითელი ფერის წებოვანი სტიკერით ნიშანდება და ის დამატებით, ფიზიკურ დათვალიერებას დაექვემდებარა.სამართალდამრღვევ მოქალაქეებს, სამგზავრო ჩანთებში, სხვადასხვა დასახელების 402 კაფსულა სპეციალურ კონტროლს დაქვემდებარებული ფსიქოტროპული ნივთიერების შემცველი მედიკამენტები, მათ შორის 187 კაფსულა ,,ლირიკა" ჰქონდათ განთავსებული.აღნიშნულ სამართალდარღვევების ფაქტებზე გამოძიებას აწარმოებს საქართველოს შინაგან საქმეთა სამინისტრო.

1786532760

2026 წლის საზაფხულო ბანაკების პროექტის ფარგლებში, ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი ანაკლიის ახალგაზრდულ ბანაკს კიდევ ერთხელ ეწვია და ბანაკის მონაწილეებს შეხვდა.შეხვედრაზე გიორგი კალანდარიშვილმა ახალგაზრდებთან არჩევნების მნიშვნელობაზე, დემოკრატიულ პროცესებში მათი ჩართულობის როლსა და საარჩევნო საკითხების შესახებ ინფორმირებულობის მნიშვნელობაზე ისაუბრა.განსაკუთრებული ყურადღება დაეთმო საარჩევნო ელექტრონული ტექნოლოგიების უპირატესობებს, მათი დანერგვის პროცესსა და ამ მიმართულებით საარჩევნო ადმინისტრაციის მიერ მიღებულ გამოცდილებას.ცესკოს თავმჯდომარემ ყურადღება გაამახვილა დეზინფორმაციის გავლენაზე საარჩევნო პროცესზე და აღნიშნა, რომ დეზინფორმაციასთან ბრძოლის ერთ-ერთი მთავარი წინაპირობა საზოგადოების, განსაკუთრებით კი ახალგაზრდების, სანდო და გადამოწმებული ინფორმაციით უზრუნველყოფაა. მისივე თქმით, ინფორმირებული მოქალაქე უკეთ არის მომზადებული მცდარი ან მანიპულაციური ინფორმაციის ამოსაცნობად, რაც, თავის მხრივ, დეზინფორმაციის მიმართ მოწყვლადობის შემცირებას უწყობს ხელს. ამ კონტექსტში გიორგი კალანდარიშვილმა ახალგაზრდებს საარჩევნო ადმინისტრაციის ახალი პლატფორმის შესახებ Disinfo.cec.gov.ge-ზე მიაწოდა ინფორმაცია და აღნიშნა, რომ ვებგვერდის საშუალებით მათ შესაძლებლობა ექნებათ, საარჩევნო საკითხებთან დაკავშირებით სანდო, გადამოწმებული და ფაქტებზე დაფუძნებული ინფორმაცია მიიღონ.შეხვედრის ფარგლებში ახალგაზრდებს შესაძლებლობა ჰქონდათ, გაცნობოდნენ საარჩევნო ადმინისტრაციის ჟურნალს „არჩევნები 360 გრადუსით“, რომელიც მკითხველს აქტუალურ საარჩევნო საკითხებზე მრავალმხრივ და ამომწურავ ინფორმაციას აწვდის.შეხვედრის დასკვნითი ნაწილი ახალგაზრდების კითხვებს დაეთმო. ინტერაქციის რეჟიმში ბანაკის მონაწილეებმა ცესკოს თავმჯდომარეს სხვადასხვა საარჩევნო თემაზე არაერთი კითხვა დაუსვეს და მათზე ამომწურავი პასუხები მიიღეს. ამგვარი ფორმატი ახალგაზრდების პოზიციების მოსმენასა და მათთვის საინტერესო საკითხებზე ღია და ორმხრივი კომუნიკაციის უზრუნველყოფას უწყობს ხელს.ანაკლიის ახალგაზრდულ ბანაკში გამართულ შეხვედრას 200-ზე მეტი ახალგაზრდა დაესწრო.აღსანიშნავია, რომ 2026 წლის საზაფხულო ბანაკების პროექტის ფარგლებში საარჩევნო ადმინისტრაციის ხელმძღვანელი პირები და წარმომადგენლები ქვეყნის სხვადასხვა რეგიონში კიდევ არაერთ საინფორმაციო შეხვედრას გამართავენ, რაც ხელს შეუწყობს ახალგაზრდების საარჩევნო განათლებისა და ინფორმირებულობის ამაღლებას.(R)

1786530563

GECO Power-ის ინფორმაციით, კომპანიამ CESI-სა და პროექტის ტექნიკური და ეკონომიკური სამუშაო ჯგუფების წარმომადგენლებთან ერთად Workstream 2-ის ფარგლებში შეხვედრა გამართა, რომელიც პროექტის ტექნიკურ-ეკონომიკური დასაბუთების ეტაპიდან განვითარების ფაზაზე გადასვლისთვის აუცილებელ ღონისძიებებს მიეძღვნა.შეხვედრაზე განიხილეს პროექტის შემდეგი ეტაპის ძირითადი ტექნიკური, ეკონომიკური და ორგანიზაციული საკითხები, მათ შორის განვითარების სტრატეგიისა და შესყიდვების სტრატეგიის შემუშავების მიდგომები. ასევე იმსჯელეს მონაწილე ქვეყნებსა და პროექტის პარტნიორებს შორის დაგეგმილი ღონისძიებების კოორდინაციაზე.GECO Power-ის განცხადებით, Workstream 2 მნიშვნელოვანი ეტაპია ტექნიკურ-ეკონომიკური კვლევის შედეგების სტრუქტურირებულ განვითარების მოდელში გადატანისა და Black Sea Energy-ის საბოლოო განხორციელების გზის განსაზღვრისთვის.Black Sea Energy-ის პროექტი აზერბაიჯანის, საქართველოს, რუმინეთისა და უნგრეთის ერთობლივი ინიციატივაა. ოთხი ქვეყნის მთავრობებმა მწვანე ენერგიის განვითარებისა და გადაცემის სფეროში სტრატეგიული პარტნიორობის შესახებ შეთანხმებას 2022 წლის 17 დეკემბერს, ბუქარესტში მოაწერეს ხელი.2026 წლის 3 ივლისს ბაქოში გამართულ პროექტის მმართველი კომიტეტის სხდომაზე გამოცხადდა, რომ Black Sea Energy-ის ტექნიკურ-ეკონომიკური დასაბუთება დასრულდა და პროექტი განვითარების შემდეგ ეტაპზე გადავიდა.შეხვედრის შედეგად GECO Power-ს დაევალა დეტალური საგზაო რუკის მომზადება იმ ღონისძიებებისთვის, რომლებიც საბოლოო საინვესტიციო გადაწყვეტილების მიღებამდე უნდა განხორციელდეს. ასევე შეთანხმდა მონაწილე ქვეყნების ენერგეტიკის ეროვნული მარეგულირებელი ორგანოების თანამშრომლობის გაძლიერება.საქართველოსთვის პროექტს სტრატეგიული მნიშვნელობა აქვს, რადგან დაგეგმილი შავი ზღვის წყალქვეშა ელექტროენერგიის კაბელი ქვეყანას ევროპულ ენერგეტიკულ ქსელთან დააკავშირებს და საქართველოს რეგიონული მწვანე ენერგიის სატრანზიტო ცენტრის როლს გაუძლიერებს.

1786528099

წიგნში გამოქვეყნებული თავი, From Stability Guardians to Innovation Architects: The Transformation of Monetary Authorities in the Digital Age, მომზადებულია ოქსფორდის უნივერსიტეტის მკვლევრების - კამილა ნიგმატულინას, კიიონგ შინისა და პინარ ოზქანის მიერ.კვლევა მიმოიხილავს, როგორ იცვლება ცენტრალური ბანკების როლი ციფრული ფინანსების განვითარებასთან ერთად. საქართველოს ეროვნული ბანკი ნაშრომში წარმოდგენილია სამ საერთაშორისო ქეისს შორის, ყაზახეთის ეროვნულ ბანკსა და ჰონგ-კონგის მონეტარულ ორგანოსთან ერთად.საქართველოსადმი მიძღვნილ ნაწილში განხილულია ეროვნული ბანკის ფინტექ სტრატეგია, საქართველოს როლი შუა დერეფანში და ტოკენიზებული დეპოზიტების ინიციატივა.ავტორები აღნიშნავენ, რომ ეროვნული ბანკის ფინტექ სტრატეგია ემსახურება თანამედროვე ფინანსური ინფრასტრუქტურის განვითარებას, პასუხისმგებლიანი ინოვაციისა და კონკურენციის ხელშეწყობას, ტრანსსასაზღვრო თანამშრომლობას და საქართველოს რეგიონულ ფინტექ ჰაბად ჩამოყალიბებას.პუბლიკაციაში ასევე წარმოდგენილია ტოკენიზებული დეპოზიტებისა და სადეპოზიტო სერტიფიკატების პროექტი, რომელიც ფინანსურ ინსტიტუტებს საშუალებას აძლევს, ახალი პროდუქტები რეგულირების ლაბორატორიის კონტროლირებად გარემოში გამოსცადონ.საერთაშორისო აკადემიურ გამოცემაში საქართველოს ეროვნული ბანკის გამოცდილების ცალკე ქეისად წარმოდგენა მნიშვნელოვანი მიღწევაა. ეს ზრდის საქართველოს ფინტექ ეკოსისტემის საერთაშორისო ხილვადობას და წარმოაჩენს ქვეყანას ცენტრალური ბანკების ციფრული ტრანსფორმაციის გლობალური დისკუსიის აქტიურ მონაწილედ.(R)

1786527558

როგორც Vesti.az წერს Milliyet-ზე დაყრდნობით, სამოქალაქო გემებზე დრონების თავდასხმების ფონზე მკვეთრად გაიზარდა თურქეთსა და რუსეთის ნოვოროსიისკის პორტს შორის საზღვაო გადაზიდვების ღირებულება.ამ მიმართულებით მომუშავე საზღვაო კომპანიებმა დამატებითი ომის რისკის გადასახადის (War Risk Surcharge, WRS) დაწესება დაიწყეს. შედეგად, შავ ზღვაში გადაზიდვის დამატებითმა ხარჯმა 20-ფუტიან კონტეინერზე (TEU) $1 000-ს მიაღწია, რაც ჩვეულებრივ ფასს 2-3-ჯერ აღემატება.ლოგისტიკური ხარჯების ზრდა კომპანიებს სატვირთო მარშრუტების გადახედვას აიძულებს. თურქი ექსპორტიორების ნაწილი ტვირთებს სახმელეთო გზით, საქართველოს, აზერბაიჯანისა და ირანის გავლით გადაამისამართებს, ნაწილი კი საზღვაო მიწოდებებს სამხრეთ-აღმოსავლეთ აზიის მიმართულებით ცვლის. ზოგიერთი კომპანია ექსპორტის ოპერაციებს დროებით სრულადაც აჩერებს.Milliyet-ის ინფორმაციით, ლოგისტიკური ჯაჭვების ცვლილება პირდაპირ უკავშირდება შავ ზღვაში უსაფრთხოების მდგომარეობის გაუარესებას. ბოლო კვირებში თავდასხმის სამიზნე რამდენიმე თურქული გემიც გახდა.საქართველოსთვის ეს ვითარება სატრანზიტო ფუნქციის გაძლიერების შესაძლებლობას ქმნის, რადგან შავი ზღვის საზღვაო მარშრუტებზე რისკების ზრდის შემთხვევაში თურქეთიდან ევროპისა და რეგიონის სხვა ბაზრების მიმართულებით სახმელეთო გადაზიდვებისთვის საქართველოს დერეფნის მნიშვნელობა იზრდება.

1786527281

თუ აქამდე მობაილბანკიდან სხვა ქართულ ბანკში თანხის გადარიცხვა მხოლოდ ლარში იყო შესაძლებელი, ახლა უკვე უცხოურ ვალუტაშიც შეძლებ თანხის გადარიცხვას ანგარიშის ნომრის (IBAN) გამოყენებით.აქამდე, უცხოურ ვალუტაში მსგავსი გადარიცხვის განხორციელება მხოლოდ ფილიალში ან პირადი ბანკირის დახმარებით იყო შესაძლებელი. ახლა, ყველაფერს რამდენიმე წუთში, მობაილბანკის "სხვასთან გადარიცხვის" ფუნქციონალით შეძლებ.კიდევ უფრო მარტივი გახდა სწრაფი სამომხმარებლო სესხის გაფორმება. ხელშეკრულების დადასტურებას უკვე შეძლებ არა მხოლოდ ერთჯერადი კოდით, არამედ Face ID-ის ან თითის ანაბეჭდის გამოყენებითაც.ბიომეტრიული ავთენტიფიკაცია საშუალებას გაძლევს: ხელშეკრულება დაადასტურო კოდის შეყვანის გარეშე;  ისარგებლო უსაფრთხოების დამატებითი დონით;  პროცესი უფრო სწრაფად და კომფორტულად დაასრულო;  სესხის გაფორმება რამდენიმე წამში დაასრულო.  თუ Concept 360-ის ნაკრების გამომწერი ხარ და არასდროს გქონია Travel Card, სამოგზაურო ბარათის შეკვეთას უკვე პირდაპირ აპლიკაციიდან შეძლებ.შეთავაზებას პროდუქტების აქტივაციის გვერდზე, ბარათებისა და ანგარიშების ჩანართში ნახავ. ბარათის შესაკვეთად ფილიალში მისვლა ან ბანკირთან დაკავშირება აღარ დაგჭირდება - განაცხადს დისტანციურად შეავსებ; ბარათს კი, სასურველ მისამართზე საფოსტო მომსახურებით მიიღებ და მის ყველა ბენეფიტსაც მარტივად გამოიყენებ.მობაილბანკს მუდმივად ემატება ფუნქციონალები, რომლებიც შენს ყოველდღიურობას ამარტივებს. ფინანსების მართვა, საბანკო პროდუქტებით სარგებლობა თუ ახალი სერვისების მიღება - ყველაფერი ერთ სივრცეში გხვდება, სწრაფად, უსაფრთხოდ და მაშინ, როცა გჭირდება - TBC Internet Banking.(R)

1786527207

აზერბაიჯანი ამჟამად ენერგოსისტემით დაკავშირებულია რუსეთთან, ირანთან, საქართველოსთან და თურქეთთან (საქართველოს გავლით), ხოლო ევროპისკენ გამავალი შესაძლებლობების გაფართოება ქვეყნის სტრატეგიულ მიზანს წარმოადგენს. ამ გეგმის პარალელურად, ყაზახეთთან და უზბეკეთთან გაფორმებული შეთანხმებით, კასპიის ზღვის ფსკერზეც იგეგმება წყალქვეშა ელექტროკაბელის გაყვანა.რეგიონული ენერგეტიკული ინფრასტრუქტურის განვითარების ფარგლებში, ბაქოს უკვე მომზადებული აქვს პროექტი აზერბაიჯანიდან სომხეთის გავლით ნახიჩევანამდე ელექტროგადამცემი ხაზების გასაყვანად. ალიევის შეფასებით, სომხეთის გავლით ნახიჩევანამდე, საიდანაც ენერგია თურქეთსა და ევროპაში წავა, ახალი ენერგეტიკული დერეფნის შექმნა კრიზისულ სიტუაციებში თავად სომხეთის ენერგოსისტემის სტაბილურობასაც შეუწყობს ხელს.ენერგეტიკულ პროექტებთან ერთად, აზერბაიჯანი აქტიურად ავითარებს სატრანსპორტო ინფრასტრუქტურასაც. ზანგეზურის დერეფნის პროექტის (TRIPP) ფარგლებში იგეგმება წელიწადში სულ მცირე 15 მილიონი ტონა ტვირთის ტრანზიტი, რაც ნახიჩევანს რეგიონის საკვანძო სატრანსპორტო ჰაბად აქცევს. პროექტის ფარგლებში გათვალისწინებულია სარკინიგზო და საავტომობილო გზების აღდგენა-მშენებლობა, ოპტიკურ-ბოჭკოვანი კაბელებისა და ელექტროგადამცემი ხაზების გაყვანა.ამასთან, ნახიჩევანის ავტონომიურ რესპუბლიკაში ხორციელდება მასშტაბური მართვითი და სოციალურ-ეკონომიკური რეფორმები. რეგიონში დაინერგა პრეზიდენტის სპეციალური წარმომადგენლობის ინსტიტუტი, რაც ყარაბაღისა და აღმოსავლეთ ზანგეზურის მსგავსად, ერთიან ადმინისტრაციულ ჩარჩოს ქმნის. ნახიჩევანში იქმნება მსხვილი ინდუსტრიული პარკი, შენდება 300-მეგავატიანი თბოელექტროსადგური და მზის ელექტროსადგურები, ეწყობა საირიგაციო სისტემები და ვითარდება ტურისტული ინფრასტრუქტურა.

1786525621

შეხვედრის ფარგლებში გადასახადის გადამხდელებს  შესაძლებლობა ჰქონდათ გასცნობოდნენ ისეთ  საკითხებს, როგორიცაა:1. მიკრო ბიზნესის, ფიქსირებული გადასახადის გადამხდელის და მცირე ბიზნესის სტატუსის მქონე პირების სპეციალური დაბეგვრის რეჟიმები;2. სტატუსის მინიჭება /გაუქმება;3. საგადასახადო შეღავათები და ვალდებულებები;3. გადასახადის გადამხდელის საინფორმაციო ბარათის შევსება;5. სტატუსის შერჩევის კალკულატორი;6. საგადასახადო დეკლარაციის წარდგენის წესი და პირობები;7. საგადასახადო ვალდებულებები დაბეგვრის რეჟიმის ცვლილებისას;აღნიშნულ შეხვედრას 90 გადასახადის გადამხდელი ესწრებოდა. მათ შესაძლებლობა ჰქონდათ  დღის წესრიგით გათვალისწინებულ  საკითხებთან დაკავშირებით, ამომწურავი ინფორმაცია და განმარტებები მიეღოთ. მიზნობრივ ჯგუფებთან საკონსულტაციო ხასიათის შეხვედრების პროგრამის მიზანია გადასახადის გადამხდელებთან მუდმივ კომუნიკაცია, რაც მომავალშიც აქტიურად გაგრძელდება.

1786524273