ირაკლი ღარიბაშვილი: ჩემი და ჩემი ოჯახის უსაფრთხოებაზე პასუხისმგებლობა ბიძინა ივანიშვილს ეკისრება

ევროკავშირიდან ტრანსფერებით, იტალია ლიდერობს, საიდანაც ივლისში $56 მლნ-მდეა შემოსული.უცხოეთიდან საქართველოში ფულადი გზავნილების 87.7% იმ 13  უმსხვილეს ვეყანაზე  მოდის, საიდანაც გზავნილების მოცულობა ივლისში 6 მლნ აშშ დოლარს აღემატებოდა. მ.შ. ჯერ კიდევ რჩება რუსეთი, 42 მილიონიანი კონტრიბუციით, თუმცა შემცირებულით (-6.66%Y.Y)

1786969264

გამოცემის შეფასებით, რეგიონში ცვლილებები განსაკუთრებით დააჩქარა რუსეთის ომმა უკრაინაში და აზერბაიჯანის მიერ 2023 წელს ყარაბაღზე კონტროლის აღდგენამ. თუ ადრე სამხრეთ კავკასიის მიმართ საერთაშორისო ყურადღება ძირითადად უსაფრთხოებასა და „გაყინულ კონფლიქტებზე“ იყო კონცენტრირებული, დღეს მთავარი საკითხები ინფრასტრუქტურა, ენერგეტიკა, ტრანსპორტი და სავაჭრო დერეფნებია.ამ პროცესში განსაკუთრებულ მნიშვნელობას იძენს შუა დერეფანი, რომელიც ცენტრალურ აზიას კასპიის ზღვის, სამხრეთ კავკასიისა და თურქეთის გავლით ევროპასთან აკავშირებს. უკრაინის ომის შემდეგ ევროპა რუსეთის სატრანზიტო მარშრუტების ალტერნატივებს ეძებს, რის გამოც შუა დერეფანი სტრატეგიული პრიორიტეტის დონეზე გადავიდა.საქართველოს როლიშუა დერეფნის განვითარებაში საქართველოს გეოგრაფიული მდებარეობა განსაკუთრებით მნიშვნელოვანია. აზერბაიჯანიდან ენერგორესურსების, მათ შორის ბუნებრივი აირის, მნიშვნელოვანი ნაწილი საქართველოსა და თურქეთის გავლით მიეწოდება ევროპულ ბაზრებს. გამოცემის შეფასებით, ევროპის ენერგეტიკული დივერსიფიკაციის პროცესში ეს მარშრუტები სულ უფრო მეტ მნიშვნელობას იძენს.ამასთან, სამხრეთ კავკასიის სატრანზიტო ფუნქციის გაფართოება გულისხმობს არა მხოლოდ რკინიგზასა და ავტომაგისტრალებს, არამედ ენერგეტიკულ ქსელებსა და ციფრულ ინფრასტრუქტურას. შედეგად, საქართველო რეგიონული სატრანზიტო და ენერგეტიკული ქსელის ერთ-ერთ მნიშვნელოვან რგოლად რჩება.რეგიონში ახალი გეოპოლიტიკური რეალობის ერთ-ერთი მთავარი ელემენტი აშშ-ის მხარდაჭერით შემუშავებული TRIPP-ის პროექტია, რომელიც აზერბაიჯანს ნახიჩევანთან სომხეთის ტერიტორიის გავლით დააკავშირებს. პროექტი ითვალისწინებს სატრანსპორტო, ენერგეტიკული და ციფრული ინფრასტრუქტურის განვითარებას.ევროპისთვის სამხრეთ კავკასია ერთდროულად რამდენიმე სტრატეგიულ ამოცანას უკავშირდება – ენერგომომარაგების დივერსიფიკაციას, ჩინეთთან და ცენტრალურ აზიასთან სავაჭრო კავშირებსა და რუსეთის გვერდის ავლით ახალი სატრანსპორტო მარშრუტების შექმნას.ამ პროცესში იზრდება თურქეთის როლიც, რომელიც შუა დერეფანს ევროპასა და ცენტრალურ აზიას შორის საკუთარი სატრანსპორტო და ენერგეტიკული ჰაბის ჩამოყალიბების მნიშვნელოვან ინსტრუმენტად განიხილავს.ამავე დროს, ახალი გეოპოლიტიკური კონფიგურაცია პრობლემურია რუსეთისა და ირანისთვის. მოსკოვის გავლენა რეგიონში შესუსტდა, განსაკუთრებით სომხეთის დასავლეთთან დაახლოებისა და ახალი სატრანსპორტო პროექტების ფონზე. ირანი კი შიშობს, რომ ახალი მარშრუტები მის სატრანზიტო მნიშვნელობას შეამცირებს.European Security & Defence-ის შეფასებით, სამხრეთ კავკასიის მომავალი სულ უფრო ნაკლებად განისაზღვრება მხოლოდ სამხედრო უსაფრთხოებით და უფრო მეტად – ვინ გააკონტროლებს სატრანსპორტო, ენერგეტიკულ და სავაჭრო კავშირებს ევროპასა და აზიას შორის. ამ ცვლილებაში საქართველოს სატრანზიტო ფუნქცია კვლავ ერთ-ერთ მნიშვნელოვან ფაქტორად რჩება.

1786968913

კერძოდ, Lion Finance Group-ის (BGEO LN) აქციები დაიხურა 135.10 ბრიტანულ ფუნტ სტერლინგში (GBP), +8.60% წინა კვირასთან შედარებით და +17.99% გასულ თვესთან შედარებით. ვაჭრობის მოცულობამ 325 ათას აქციაზე მეტი შეადგინა, GBP 123.90 - 136.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 49 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 49.32 ბრიტანულ ფუნტ სტერლინგში (GBP), -0.08% წინა კვირასთან შედარებით და +6.52% გასულ თვესთან შედარებით. ვაჭრობის მოცულობამ 242 ათას აქციაზე მეტი შეადგინა, GBP 47.90 - 50.45 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 63 ათასი აქცია შეადგინა.Georgia Capital-ის (CGEO LN) აქციები დაიხურა 44.85 ბრიტანულ ფუნტ სტერლინგში (GBP), +1.93% წინა კვირასთან შედარებით და +2.28% გასულ თვესთან შედარებით. ვაჭრობის მოცულობამ 183 ათას აქციაზე მეტი შეადგინა, GBP 43.30 - 45.40 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 38 ათასი აქცია შეადგინა.

1786967598

არასაბანკო სექტორის წარმომადგენლებისთვის სამცხე-ჯავახეთის, შიდა ქართლის, იმერეთისა და აჭარის რეგიონებში სემინარების სერია „არასაბანკო სექტორის მდგრადობა: გამჭვირვალობა და ანგარიშგება“ გაიმართა, რომელსაც 200-ზე მეტი სუბიექტი დაესწრო.სასწავლო-სამუშაო სემინარების სერია ბოლო სამი წელია ტარდება ქვეყნის მასშტაბით  და მასში მონაწილეთა რაოდენობა ყოველწლიურად მზარდია.შეხვედრების ფარგლებში ეროვნულმა ბანკმა ვალუტის გადამცვლელი პუნქტების წარმომადგენლებსა და სესხის გამცემ სუბიექტებს ანგარიშგების მიმართულებით განახლებული მოთხოვნები წარუდგინა, რომელიც საოპერაციო საქმიანობის ანგარიშგების  სტანდარტების  გაუმჯობესებასა და გამჭვირვალობას  უზრუნველყოფს. სემინარის მონაწილეები ასევე გაეცნენ ფინანსური ანგარიშგების შევსებისა და ელექტრონული პორტალის გამოყენების განახლებულ ინსტრუქციას.სემინარები ინტერაქტიულ ფორმატში წარიმართა. მონაწილეებს შესაძლებლობა ჰქონდათ  გაეზიარებინათ თავიანთი გამოცდილება, ემსჯელათ არასაბანკო სექტორის გამოწვევებსა და საჭიროებებზე, ასევე რეგულარული საგანმანათლებლო შეხვედრების აუცილებლობაზე. ღონისძიების დასასრულს მონაწილეებს სერტიფიკატები გადაეცათ. „ეროვნული ბანკი, როგორც საფინანსო სექტორის მარეგულირებელი,  არასაბანკო სექტორის წარმომადგენლებთან სამუშაო შეხვედრებსა და სემინარებს რეგულარულად მართავს როგორც თბილისში, ასევე რეგიონებში. მსგავსი შეხვედრები ხელს უწყობს საფინანსო სექტორის განვითარებას, მის აღჭურვას აუცილებელი ცოდნითა და უნარებით, რათა დაცული იყოს კანონმდებლობასთან შესაბამისობა და ეთიკური სტანდარტები. ჩვენი მიზანია არასაბანკო სექტორში რისკების შემცირება და ეფექტიანი მართვა, რაც საფინანსო სექტორის სტაბილურობისა და სანდოობის წინაპირობაა“, - განაცხადა არასაბანკო დაწესებულებების ზედამხედველობის დეპარტამენტის უფროსმა, ირმა ბოკუჩავამ. მსგავსი შეხვედრები თბილისსა და ქვეყნის სხვა რეგიონებშიც გაგრძელდება.

1786966224

ტაშკენტში, მსოფლიოს საუკეთესო ახალგაზრდა ტალანტებს შორის, ქართველმა მოსწავლეებმა საქართველოს კიდევ ერთი მნიშვნელოვანი საერთაშორისო წარმატება მოუტანეს. ვერცხლის მედალი მოიპოვა ანდრია ვასაძემ, ბრინჯაოს მედალი დაიმსახურა ვლადიმერ ფრანგიშვილმა, საპატიო სიგელები კი ნიკოლოზ მელიქიშვილს და მათე რეხვიაშვილს გადაეცათ. ნაკრების ოთხივე წევრი ვლადიმირ კომაროვის თბილისის ფიზიკა-მათემატიკის №199 საჯარო სკოლისა და საინფორმაციო ტექნოლოგიების ცენტრ „მზიურის“ მოსწავლეა.IOI მსოფლიოში ერთ-ერთი ყველაზე პრესტიჟული ტექნოლოგიური და სამეცნიერო ოლიმპიადაა, სადაც სხვადასხვა ქვეყნის უფროსკლასელები ალგორითმულ აზროვნებასა და პროგრამირებაში საკუთარ ცოდნასა და უნარებს ურთულესი ამოცანების გადაჭრით ამოწმებენ.ნაკრებმა, თიბისისა და ბიზნესისა და ტექნოლოგიების უნივერსიტეტის პარტნიორობით, „ტექ ოლიმპიადების ჰაბის“ ფარგლებში, სპეციალური ინტენსიური პროგრამა გაიარა. მოსამზადებელი ეტაპები თბილისში, ბაკურიანსა და ბიზნესისა და ტექნოლოგიების უნივერსიტეტში ჩატარდა. მოსწავლეები ოლიმპიადის ფორმატზე მორგებულ ალგორითმულ ამოცანებსა და პრაქტიკულ ქეისებზე მუშაობდნენ. მათ მენტორობას პროფესორი გიორგი მანდარია, ბაქარ გამეზარდაშვილი და თარაშ დოლაბერიძე უწევდნენ.ინფორმატიკის საერთაშორისო ოლიმპიადა IOI ერთ-ერთი ოლიმპიადაა, იმ ხუთ ოლიმპიადას შორის, რომელიც განათლების, მეცნიერებისა და ახალგაზრდობის სამინისტროს მიერ პრიორიტეტულადაა აღიარებული. აღნიშნულ ოლიმპიადაზე საქართველო გუნდებს წარადგენს 1996 წლიდან. ნაკრები გუნდი ინფორმატიკის ეროვნული სასწავლო ოლიმპიადების შედეგებისა და დამატებითი შესარჩევი ტურების საფუძველზე შეირჩევა. საერთაშორისო სასწავლო ოლიმპიადებისთვის საქართველოს ნაკრები გუნდების წევრების შერჩევა, მომზადება და მონაწილეობა საქართველოს განათლების, მეცნიერების და ახალგაზრდობის სამინისტროს მხარდაჭერით, შოთა რუსთაველის საქართველოს ეროვნული სამეცნიერო ფონდის ადმინისტრირებით ხორციელდება.განათლებისა და ტექნოლოგიური ეკოსისტემის გაძლიერება თიბისისთვის ერთ-ერთი სტრატეგიული პრიორიტეტია. ბრენდი აგრძელებს ისეთი ინიციატივების მხარდაჭერას, რომლებიც ახალგაზრდებს თანამედროვე ტექნოლოგიების მიმართულებით განვითარების შესაძლებლობას აძლევს, აძლიერებს მათ პრაქტიკულ უნარებს და საერთაშორისო წარმატებისთვის ამზადებს.(R)

1786961338

საკონტროლო-სალარო აპარატის გამოყენების წესების დარღვევის -  4739 გადასახადის გადამხდელად აღრიცხვის წესის დარღვევის - 106 საგადასახადო ორგანოს უფლებამოსილი პირისათვის წინააღმდეგობის გაწევის - 3 პირის მიერ სსკ-ის კოდექსით გათვალისწინებული ვალდებულების შეუსრულებლობა, რისთვისაც სსკ-ით გათვალისწინებულია პასუხისმგებლობა, მაგრამ არ არის განსაზღვრული ჯარიმის ოდენობა - 5747 საქონლის სასაქონლო ზედნადების გარეშე ტრანსპორტირება, მყიდველის მოთხოვნისას სასაქონლო ზედნადების გაუცემლობა ან საქონლის შეძენისას სასაქონლო ზედნადების მიღებაზე უარის თქმის - 1233

1786958055

საქსტატის გამოკვლევის შედეგების მიხედვით, 2Q26-ში სასაკლაოებში დაიკლა 128.1 ათასი სული პირუტყვი, საიდანაც 27.3% – მსხვილფეხა რქოსანი პირუტყვი, 65.6% – ღორი, ხოლო 4.1% ცხვარი და თხა იყო. დანარჩენი პირუტყვის წილი (არ მოიცავს ფრინველს) 3%-ს შეადგენდა. გარდა ამისა, საანგარიშო პერიოდის განმავლობაში სასაკლაოებში დაკლული ფრინველის რაოდენობა 2 942.1 ათასი ერთეულით განისაზღვრა.სასაკლაოების მიერ 2Q26-ში 14.3 ათასი ტონა ხორცი იქნა წარმოებული (იგულისხმება დაკლული წონა, ფრინველის ხორცის ჩათვლით), საიდანაც 31.9% მოდიოდა მსხვილფეხა რქოსანი პირუტყვის ხორცზე, 25% – ფრინველის ხორცზე, 42.5% – ღორის ხორცზე, 0.6% – ცხვრისა და თხის ხორცზე, ხოლო დანარჩენს უმნიშვნელო წილი ეკავა.საანგარიშო პერიოდში მომსახურება გაეწია 7.8 ათას პირს, საიდანაც 48.8% შინამეურნეობების (ოჯახური მეურნეობები) სახით იყვნენ წარმოდგენილნი, სასაკლაოებში დასაქმებულთა საშუალო თვიურმა რაოდენობამ კი 1 076 კაცი შეადგინა.ერთეული პირუტყვის დაკვლაზე მომსახურების საშუალო ფასი შემდეგნაირი იყო: მსხვილფეხა რქოსანი პირუტყვის დაკვლის საფასური – 47 ლარი, ღორის დაკვლის საფასური – 36.7 ლარი, ხოლო ცხვრის ან თხის დაკვლის საფასური – 16.4 ლარი.2Q26-ში საქართველოში 302 ერთეული სამაცივრე მეურნეობა ფუნქციონირებდა, რომელთა უმრავლესობაც (51.7%) შიდა ქართლის რეგიონში იყო განთავსებული. მოქმედი სამაცივრე მეურნეობები ასევე განთავსებული იყო თბილისში (13.9%), აჭარის ა.რ.-ში (8.3%), სამეგრელო-ზემო სვანეთის რეგიონში (7%), იმერეთის რეგიონში (6%), ქვემო ქართლის რეგიონში (4.3%), კახეთის რეგიონში (3.3%), სამცხე-ჯავახეთის რეგიონში (2.6%), მცხეთა-მთიანეთის რეგიონში (1.7%), გურიის რეგიონში (1%) და რაჭა-ლეჩხუმისა და ქვემო სვანეთის რეგიონში (0.3%).2Q26-ში მომსახურება გაეწია 361 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით 863 ერთეული შეადგინა, ხოლო სამაცივრეებში დასაქმებულთა საშუალო თვიური რაოდენობა 1 698 კაცით განისაზღვრა.2Q26-ის განმავლობაში სამაცივრეებში სულ შენახული (განთავსებული) იყო 119.4 ათასი ტონა პროდუქცია, მათ შორის 29.3% – ქათმის ხორცი (გაყინულის ჩათვლით), 25.4% – ხორცი და ხორცპროდუქტები (ნახევარფაბრიკატების ჩათვლით, ქათმის ხორცის გარდა), 20.2% – თევზეული, 9.6% – ხილი და ბოსტნეული, 12.2% – რძის პროდუქტები და 3.3% – სხვა პროდუქტები.2Q26-ში სამაცივრე მეურნეობებში შენახული პროდუქციის მთლიანი მოცულობიდან 22.1%-ს – საკუთარი წარმოების, 21.7%-ს – შემდგომი რეალიზაციის მიზნით შესყიდული, ხოლო 56.1%-ს მომსახურების სახით შენახული პროდუქცია შეადგენდა. ამავე პერიოდში, მომსახურების სახით მიღებულმა შემოსავალმა ₾7.8 მლნ შეადგინა.2Q26-ში სამაცივრე მეურნეობების მიერ გაყიდულ იქნა ₾302 მლნ-ის ღირებულების პროდუქცია (32.1 ათასი ტონა), საიდანაც, ღირებულებით გამოსახულებაში, იმპორტირებულმა პროდუქციამ შეადგინა 35.3%, საკუთარი წარმოების პროდუქციამ – 19.1%, ხოლო გაყიდვის მიზნით შესყიდულმა (ადგილობრივი) პროდუქციამ – 45.7%.ამასთან, საანგარიშო პერიოდში, სამაცივრეების მიერ გაყიდული საკუთარი წარმოების პროდუქციის მთლიანი მოცულობის 66.4% მოდიოდა ხორცსა და ხორცპროდუქტებზე (ნახევარფაბრიკატების ჩათვლით). ამავე პერიოდში, სამაცივრე მეურნეობების მიერ გაყიდული იმპორტირებული პროდუქციის მთლიან ღირებულებაში მნიშვნელოვანი წილი რძის პროდუქტებზე (40%), ხორცსა და ხორცპროდუქტებზე (ნახევარფაბრიკატების ჩათვლით) (22.5%), ქათმის ხორცზე (გაყინულის ჩათვლით) (13.5%) და თევზეულზე (7.8%) მოდიოდა.საანგარიშო პერიოდში, სამაცივრე მეურნეობების მიერ უცხო ქვეყნებში გაყიდული პროდუქციის ღირებულებამ ₾3.8 მლნ შეადგინა, რაც ამავე პერიოდში გაყიდული პროდუქციის მთლიანი ღირებულების 1.2%-ს შეადგენდა. საზღვარგარეთ ძირითადად რეალიზებულ იქნა ხილი და ბოსტნეული. გამოკვლევის შედეგების მიხედვით, კამერების საშუალო დღიური დატვირთვა (პროცენტულად კამერების ჯამური ტევადობიდან) აპრილში შეადგენდა 48.6%-ს, მაისში – 45.7%-ს, ხოლო ივნისში – 52.3%-ს.2Q26-ის განმავლობაში მომსახურება გაეწია 24 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით, 49 ერთეული შეადგინა, ხოლო ელევატორებში დასაქმებულთა საშუალო თვიური რაოდენობა 381 კაცით განისაზღვრა.2Q26-ში, ელევატორებში შენახული (განთავსებული) იყო 116.1 ათასი ტონა პროდუქცია, რომლის 55.1%-ს წარმოადგენდა ხორბალი და 21.4%-ს სოიოს შროტი.საანგარიშო პერიოდში, ელევატორებში განთავსებული პროდუქციის მთლიანი მოცულობის 69.6%-ს ელევატორების მიერ შემდგომი რეალიზაციის მიზნით შესყიდული პროდუქცია შეადგენდა.2Q26-ში, ელევატორების მიერ გაყიდულ იქნა ₾70.3 მლნ-ის ღირებულების 69.4 ათასი ტონა პროდუქცია, საიდანაც 44.1% იყო იმპორტირებული პროდუქცია, ხოლო 47% – ადგილობრივი (საკუთარი წარმოების) პროდუქცია. ელევატორების მიერ საკუთარი წარმოების პროდუქციაში, როგორც მოცულობის, ისე ღირებულების მიხედვით, ჭარბობდა ხორბლის ფქვილი, რომელზეც მოდიოდა ელევატორების მიერ გაყიდული საკუთარი წარმოების პროდუქციის 76.9%.საქსტატის გამოკვლევის შედეგების მიხედვით, ელევატორების საცავების საშუალო დღიური დატვირთვა (პროცენტულად საცავების ჯამური ტევადობიდან) აპრილში შეადგენდა 43.8%-ს, მაისში – 48.6%-ს, ხოლო ივნისში – 51.5%-ს.

1786953989

ღორის რაოდენობა 171.9 ათასი სულით განისაზღვრა, რაც 5.5%-ით ნაკლებია წინა წლის შესაბამის მაჩვენებელზე.ფრინველის რაოდენობა წინა წლის ანალოგიურ მაჩვენებელთან შედარებით 4.8%-ით შემცირდა და 10.6 მილიონი ფრთა შეადგინა.საქსტატის წინასწარი მონაცემებით, 2Q26-ში რძის წარმოებამ 168.8 მილიონი ლიტრი შეადგინა, რაც წინა წლის ანალოგიურ მაჩვენებელზე 8.9%-ით ნაკლებია.ხორცის წარმოებამ 18.2 ათასი ტონა შეადგინა, რაც 2025 წლის შესაბამის პერიოდის მაჩვენებელზე 12.1%-ით ნაკლებია.საანგარიშო პერიოდის განმავლობაში წარმოებულია 178.2 მილიონი კვერცხი, რაც წინა წლის ანალოგიურ მაჩვენებელზე 1.8%-ით ნაკლებია.

1786952041